#World_Health
Published 19 May 2026

■ နှလုံးရောဂါ ဖြစ်နိုင်ခြေနဲ့ ပတ်သက်လာရင် ကျန်းမာရေးညီညွတ်တဲ့ အစားအစာတွေ၊ ပုံမှန်လေ့ကျင့်ခန်းတွေကိုပဲ သိကြပြီး အိပ်စက်မှုကိုတော့ သိပ်ပြီး သတိမထားမိကြပါဘူး။

■ လူတစ်ယောက် အိပ်စက်ချိန်က နှလုံးလုပ်ဆောင်ချက်အပေါ် ဘယ်လောက်ထိရောက်စေလဲဆိုတာ အရေးပါနေပါတယ်။

■ ညစဉ် အိပ်ချိန်ပုံမှန်နီးပါး အိပ်စက်သူတွေနဲ့ယှဉ်ရင် အိပ်ချိန်ပုံမှန် မရှိသူတွေဟာ နှလုံးဖောက်ခြင်း၊ နှလုံးရပ်ခြင်း၊ နှလုံးသွေးကြောဆက်စပ် အသက်အန္တရာယ်တို့ ဖြစ်နိုင်ခြေများအပေါ် ဘယ်လိုသက်ရောက်လဲဆိုတာ လေ့လာခဲ့ကြပါတယ်။

■ ဖင်လန်လူမျိုး ၃,၂၃၁ ဦးကို ၁၀ နှစ်တာ လေ့လာရာမှာ ညစဉ် အိပ်ချိန် ၂ နာရီနီးပါး အပြောင်းအလဲရှိသူတွေဟာ နှလုံးရောဂါဖြစ်နိုင်ခြေ နှစ်ဆနီးပါးပိုများတာ တွေ့ရပါတယ်။

■ အိပ်ရာထချိန် ပုံမှန်မရှိတာကတော့ ဒီလိုသက်ရောက်မှုမျိုး မဖြစ်စေတာ တွေ့ရပါတယ်။

■ အိပ်ချိန် ၈ နာရီအောက် ရှိသူတွေမှာ ဒီအန္တရာယ်က အများဆုံးဖြစ်နေပြီး အိပ်ချိန်ပုံမှန်မဟုတ်တဲ့အခါ နှလုံးသွေးကြောကျန်းမာရေးအတွက် ခြိမ်းခြောက်မှု ဖြစ်နေပါတယ်။

■ အိပ်စက်ချိန်နဲ့ ပုံမှန်အိပ်စက်ခြင်းတို့က နှလုံးကျန်းမာရေးအတွက် အရေးပါတဲ့ကဏ္ဍက ပါဝင်နေပါတယ်။

■ အိပ်ချိန်ပုံမှန်မဖြစ်တဲ့အခါ နှလုံးပြဿနာရှိနိုင်ပြီး ရောင်ရမ်းစေနိုင်တဲ့အတွက် သွေးတိုး၊ အဝလွန်ခြင်းတို့ ဖြစ်နိုင်ခြေ များစေနိုင်ပါတယ်။

■ အိပ်ရာမဝင်ခင် တစ်နာရီအလိုမှာ အလင်းရောင်လျှော့ချခြင်း၊ တီဗီ ဖုန်း ကွန်ပျူတာများ အသုံးမပြုခြင်းတို့ဖြင့် အိပ်ချိန်ပုံမှန်ဖြစ်အောင် ထိန်းသိမ်းနိုင်ပါတယ်။

■ တစ်ညကို အိပ်ချိန် ၇ နာရီမှ ၈ နာရီရအောင် အိပ်စက်သင့်ပြီး အိပ်စက်မှုပြဿနာ တစ်စုံတစ်ခုဖြစ်ရင် ဆေးကုသမှု ခံယူသင့်ပါတယ်။

Source: AOL

#World_Health
Published 19 May 2026

■ ညဘက် ကောင်းစွာအိပ်စက်ခြင်းကို အထောက်အကူ ပြုတဲ့နေရာမှာ မဂ္ဂနီဆီယံက လူသိအများဆုံးဖြစ်ပါတယ်။

■ မဂ္ဂနီဆီယံက အိပ်စက်မှုထိန်းချုပ်ခြင်း အပါအဝင် ခန္ဓာကိုယ်လုပ်ငန်းစဉ် အများအပြားမှာ ပါဝင်ပတ်သက်နေပါတယ်။

■ မဂ္ဂနီဆီယံက စိတ်ပြေလျော့စေခြင်း၊ အာရုံကြောစနစ် ငြိမ်သက်စေခြင်း၊ GABA လှုပ်ရှားမှု မြှင့်တင်ပေးခြင်းတို့ကို ထောက်ကူပေးခြင်းဖြင့် အိပ်စက်ခြင်းကို အကူအညီဖြစ်စေပါတယ်။

■ ခန္ဓာကိုယ် အိပ်စက်မှု ပြင်ဆင်ရာမှာ အကူအညီဖြစ်စေဖို့ ညအိပ်ရာမဝင်ခင် မိနစ် ၃၀-၆၀ ခန့်မှာ မဂ္ဂနီဆီယံ သောက်သုံးဖို့ ကျွမ်းကျင်သူတွေ အကြံပြုထားပေမယ့် ဘယ်အချိန်သောက်ခြင်းက ပိုထိရောက်လဲဆိုတဲ့ လေ့လာချက်တွေ အတိအကျ မရှိသေးပါဘူး။

■ ညနေခင်းတိုင်း မဂ္ဂနီဆီယံကို အချိန်မှန်သောက်ပေးမယ်ဆိုရင်တော့ အိပ်ချိန်ပုံမှန်ဖြစ်စေပြီး အိပ်စက်မှု တိုးတက်စေနိုင်မှာပါ။

■ မဂ္ဂနီဆီယံဂလိုင်ဆနိတ်နဲ့ မဂ္ဂနီဆီယံအယ်သီယိုနိတ်တို့က ကောင်းစွာစုပ်ယူနိုင်ကာ ငြိမ်သက်စေတဲ့ အစွမ်းသတ္တိရှိတာကြောင့် အိပ်စက်မှုကို ထောက်ပံ့ပေးနိုင်ပြီး မဂ္ဂနီဆီယံဆစ်ထရိတ်နဲ့ အောက်ဆိုက်တို့ကတော့ အစာခြေဘေးထွက်ဆိုးကျိုးတွေ ဖြစ်စေနိုင်ပါတယ်။

■ လူကြီးတွေအတွက် တစ်နေ့ကို မဂ္ဂနီဆီယံ ၂၀၀-၄၀၀ မီလီဂရမ် သောက်သုံးသင့်ပြီး စစချင်းမှာတော့ ဘေးထွက်ဆိုးကျိုး အနည်းဆုံးဖြစ်အောင် ပမာဏနည်းနည်းဖြင့် စသင့်ပါတယ်။

■ မဂ္ဂနီဆီယံက အချို့သောဆေးတွေနဲ့ တုံ့ပြန်သက်ရောက်နိုင်ကာ သွေးပေါင်ချိန် ကျဆင်းနိုင်တာကြောင့် သတိထားသုံးစွဲသင့်ပါတယ်။

■ ကောင်းစွာအိပ်စက်နိုင်ဖို့အတွက်ဆိုရင် အိပ်ချိန်ပုံမှန်ထားရှိခြင်း၊ အိပ်ခန်းအနေအထား ကောင်းစွာထားရှိခြင်း၊ သဘာဝအလင်းရောင် ရရှိခြင်းတို့က အရေးပါပါတယ်။

Source: Eating Well

အရှေ့အလယ်ပိုင်း ပဋိပက္ခတွေကြောင့် ထိုင်းနိုင်ငံမှာ စွမ်းအင်အကြပ်အတည်းဖြစ်နေသဖြင့် ဆိုလာစွမ်းအင်ပြောင်းလဲအသုံးပြုလာကြပါတယ်။

#Asia_Business
Published 18 May 2026
#ထိုင်းနိုင်ငံ #ဆိုလာ
#YMG #Yangon_Times #Yangon_Media_Group

#World_News
Published 18 May 2026

■ စစ်ပွဲအဆုံးသတ်ရေး ဆွေးနွေးမှုတွေ ကြန့်ကြာနေတာကြောင့် အမေရိကန်သမ္မတ ဒေါ်နယ်ထရမ့်က အချိန်ဟာ လူကိုစောင့်မနေဘူးလို့ အီရန်ကို သတိပေးလိုက်ပါတယ်။

■ "မြန်မြန်လုပ်ရင်လုပ်၊ မဟုတ်ရင် သူတို့အတွက် ဘာမှကျန်မှာ မဟုတ်ဘူး" လို့ Truth Social မီဒီယာမှာ ဖော်ပြထားပါတယ်။

■ စစ်ပွဲအဆုံးသတ်ရေး အီရန်ရဲ့ နောက်ဆုံးအဆိုပြုချက်တွေကို အမေရိကန်အနေနဲ့ ထိထိရောက်ရောက် ခိုင်ခိုင်မာမာ တုံ့ပြန်နိုင်ခြင်း မရှိထားဘူးလို့ အီရန်မီဒီယာကလည်း ဖော်ပြနေပါတယ်။

■ ထရမ့်ရဲ့ သတိပေးစကားအရ အီရန်သာ စစ်ပွဲအဆုံးသတ်ရေး သဘောတူညီချက် လက်မခံပါက မျိုးနွယ်တစ်ခုလုံး အဆုံးသတ်ရလိမ့်မယ်လို့ ခြိမ်းခြောက်တဲ့သဘော ဖြစ်နေပါတယ်။

■ ထရမ့်က အီရန်ရဲ့ အလိုဆန္ဒတွေဟာ လုံးဝလက်သင့်ခံစရာ မရှိဘူးလို့ ငြင်းဆန်ထားကာ အီရန်နိုင်ငံခြားရေးဝန်ကြီးဌာနကတော့ ဒါတွေဟာ ရက်ရောပေးထားတာ ဖြစ်တယ်လို့ ဆိုပါတယ်။

■ အီရန်ရဲ့ တောင်းဆိုတဲ့အထဲမှာ စစ်မျက်နှာပြင်အားလုံး ချက်ချင်းအဆုံးသတ်ရေး၊ အီရန်ဆိပ်ကမ်းများကို အမေရိကန်ရေတပ် ပိတ်ဆို့ထားမှု ရပ်တန့်ရေး၊ အီရန်ကို နောက်ထပ်မတိုက်ခိုက်ရန် အာမခံချက်များ ပါဝင်ပါတယ်။

■ ဒါ့အပြင် စစ်ပွဲထိခိုက်ပျက်စီးမှုများအတွက် လျော်ကြေးနဲ့ ဟော်မုဇ်ရေလက်ကြားကို အီရန်အချုပ်အခြာအာဏာပိုင်အဖြစ် သတ်မှတ်ဖို့လည်း ပါဝင်ပါတယ်။

■ အမေရိကန်ရဲ့ တောင်းဆိုချက် ၅ မျိုးထဲမှာတော့ အီရန်အနေနဲ့ နျူကလီးယား ထုတ်လုပ်ရေးနေရာတစ်ခုတည်း ထားရှိဖို့နဲ့ ယူရေနီယံတွေကို အမေရိကန်ဆီ တင်ပို့ဖို့ ပါဝင်ပါတယ်။

■ အီရန်ရဲ့ နျူကလီးယားအစီအစဉ်ကို နှစ် ၂၀ ဆိုင်းငံ့ထားဖို့ကို ထရမ့်လက်ခံသွားဖွယ်ရှိနေပါတယ်။

Source: BBC

#World_Science
Published 18 May 2026

■ အချို့သော အစေ့မျိုးတွေဟာ မိုးရွာသံကြောင့် အသက်ဝင်လာတယ်လို့ MIT အင်ဂျင်နီယာတွေ တွေ့ရှိထားပါတယ်။

■ စပါးစေ့များဖြင့် စမ်းသပ်ရာမှာ မိုးပေါက်ကျသံဟာ အစေ့တွေ ငြိမ်သက်နေတဲ့ အခြေအနေမှ လှုပ်နိုးစေပြီး မိုးသံမထိတွေ့တဲ့ အစေ့တွေနဲ့ နှိုင်းယှဉ်ပါက ပိုမိုမြန်ဆန်စွာ အပင်ပေါက်လာရန် လှုံ့ဆော်ပေးနိုင်တယ်လို့ တွေ့ရှိခဲ့ပါတယ်။

■ စပါးစေ့တွေနဲ့ မျိုးစေ့တွေဟာ အသံတွေကို အာရုံခံနိုင်တယ်ဆိုတဲ့ ပထမဆုံးအထောက်အထား တွေ့ရှိတာဖြစ်ပြီး အပင်မျိုးစိတ်အများစုဟာ မိုးသံကို တုံ့ပြန်နိုင်မယ်လို့ ယူဆနေပါတယ်။

■ ကမ္ဘာမြေဆွဲအားကို သိရှိနိုင်တဲ့ အစေ့အတွင်းထဲက အင်္ဂါနုပ် စတက်တိုလစ်တွေဟာ တုန်ခါမှုတွေကြောင့် လှုပ်ခါသွားပြီး အစေ့များ အပင်ပေါက်ရန် အချက်ပြပေးပါတယ်။

■ မိုးရွာခြင်းကြောင့် ဖြစ်ပေါ်တဲ့ အသံလှိုင်းတွေဟာ လေတိုက်ခြင်းလိုမျိုး သဘာဝဖြစ်စဉ်များ တုပဖြစ်ပေါ်စေပြီး အစေ့များ အကောင်းဆုံး ကြီးထွားမှုအခြေအနေ ဖြစ်စေဖို့ ကူညီပေးပါတယ်။

■ မိုးရွာသံထိတွေ့တဲ့ အစေ့တွေဟာ မိုးရွာသံမထိတွေ့တဲ့ အစေ့တွေထက် အပင်ပေါက်နှုန်း ၃၀-၄၀ ရာခိုင်နှုန်း ပိုမိုမြန်ဆန်ကြောင်း စမ်းသပ်မှုတွေ တွေ့ရှိထားပါတယ်။

■ မိုးရွာခြင်းမှ ဖြစ်ပေါ်တဲ့ တုန်ခါမှုတွေဟာ စတက်တိုလစ်များ ရွေ့လျားစေဖို့အထိ လုံလောက်စွာ အားကောင်းပြီး အစေ့ကြီးထွားရှင်သန်မှုကို အထောက်အကူပြုတယ်လို့ သုတေသီတွေ သုံးသပ်ထားပါတယ်။

■ ဒီလေ့လာချက်ကနေ အပင်တွေဟာ အကောင်းဆုံး စိုက်ပျိုးနိုင်မယ့် အလားအလာတွေအတွက် အသံကိုအသုံးပြုကြောင်း ညွှန်ပြနေပြီး အပင်များက သဘာဝတုန်ခါမှုများကို ဘယ်လိုအာရုံခံလဲဆိုတာ သုတေသနလမ်းစတွေ ဖွင့်ပေးလိုက်တာ ဖြစ်ပါတယ်။

Source: MIT News

#World_Health
Published 18 May 2026

■ နောက်ကျမှ အစားစားခြင်းဟာ အစာခြေမှု ဆိုးရွားစေပြီး ဝမ်းဗိုက်ပြဿနာတွေ ပိုဆိုးစေနိုင်တယ်လို့ သုတေသနအသစ်မှာ တွေ့ရှိထားပါတယ်။

■ အူလမ်းကြောင်း ကျန်းမာရေးနဲ့ ပြဿနာတွေနဲ့ပတ်သက်လာရင် အစားစားချိန်ကို ထည့်သွင်းစဉ်းစားဖို့ လိုပါပြီ။

■ သုတေသီတွေက လူပေါင်း ၁၁,၀၀၀ ကျော်ထံမှ ကျန်းမာရေး အချက်အလက်တွေကို ဆန်းစစ်ခဲ့ပါတယ်။

■ ကိုယ်အလေးချိန်၊ ကိုလက်စထရော၊ သွေးပေါင်ချိန်တို့ဖြင့် တိုင်းတာပြီး ရေရှည်ဖိစီးမှု မြင့်မားသူတွေဟာ ည ၉ နာရီနောက်ပိုင်း ကယ်လိုရီအများအပြား စားပါက ဝမ်းဗိုက်ပြဿနာ ဖြစ်နိုင်ခြေ ပိုများပါတယ်။

■ အစောပိုင်းစားတဲ့သူတွေထက် ဝမ်းချုပ်ခြင်း၊ ဝမ်းလျှောခြင်း စတဲ့ပြဿနာတွေ ဖြစ်နိုင်ခြေ ၁.၇ ဆပိုများတာ တွေ့ရပါတယ်။

■ နောက်ထပ် လူပေါင်း ၄,၀၀၀ ကျော်ကို လေ့လာရာမှာ အလားတူတွေ့ရှိချက် ဖြစ်ခဲ့ပြီး ဖိစီးမှုများသူတွေ နောက်ကျမှ စားသူတွေဟာ အစာခြေပြဿနာဖြစ်နိုင်ခြေ ၂ ဆခွဲလောက် ပိုများပါတယ်။

■ အူလမ်းကြောင်း ပိုးမွှားသတ္တဝါ အမျိုးအစား လျော့နည်းနိုင်ပြီး အူလမ်းကြောင်း-ဦးနှောက်ဝင်ရိုးကို သက်ရောက်စေကာ ဦးနှောက်နဲ့ ပိုးမွှားများကြား ဆက်သွယ်မှု ချို့ယွင်းစေနိုင်ပါတယ်။

■ ဒီဆက်သွယ်မှုတွေက ခန္ဓာကိုယ်တွင်း စက်ဝန်းလည်ပတ်မှုက ဇီဝကမ္မဖြစ်စဉ်ကို ဘယ်လိုသက်ရောက်နိုင်လဲဆိုတာကို အထောက်အကူ ဖြစ်စေနိုင်ပါတယ်။

■ ဒီလိုကျန်းမာရေးပြဿနာတွေ ဖြစ်တတ်ပေမယ့် လူအများစုက နောက်ကျမှ စားလေ့ရှိပါတယ်။

■ ပုံမှန်စားသင့်ချိန်မှာ စားပေးခြင်း၊ နောက်ကျတဲ့အခါ လျှော့စားခြင်း၊ ဖိစီးမှုထိန်းချုပ်ခြင်း စတဲ့ပြောင်းလဲမှုများဖြင့် အစာခြေစနစ် ကောင်းမွန်လာစေနိုင်မှာ ဖြစ်ပါတယ်။

Source: India Today.