#World_Health
Published 20 December 2024

▪️ ကမ္ဘာတဝှမ်းမှာ အမျိုးသားများကြား စိတ်ကျန်းမာရေးပြဿနာ အဖြစ်များလာပြီး ဖိစီးမှုကြောင့်ဖြစ်လာတဲ့ ကျန်းမာရေး ပြဿနာများကြောင့် သတ်သေခြင်းနဲ့ ရုတ်တရက်သေဆုံးမှုများ ဖြစ်လာကြပါတယ်။

▪️ အမျိုးသားတွေက စိတ်ကျန်းမာရေးကို လျစ်လျူရှုထားတတ်ကြကာ အရေးမပါဘူးလို့ ထင်တတ်ကြပါတယ်။

▪️ ဒါကြောင့်ပဲ နာတာရှည် ဖိစီးမှု၊ စိတ်ဓာတ်ကျခြင်း၊ ရောဂါလက္ခဏာများ ဖြစ်လာပါတယ်။

▪️ အမျိုးသားများအပြင် လူတိုင်းအတွက် စိတ်ကျန်းမာရေးက အရေးပါပြီး ဆက်ဆံရေး၊ လုပ်ကိုင်နိုင်စွမ်း၊ အလုံးစုံကျန်းမာရေးတို့မှာ သက်ရောက်နေပါတယ်။

▪️ ဒါကြောင့် စိတ်ကျန်းမာရေး တိုးတက်စေမယ့် နည်းလမ်းတွေကို ဖော်ပြသွားမှာဖြစ်ပါတယ်။

စိတ်ကျန်းမာရေးတိုးတက်စေနိုင်မယ့် အစားအစာတွေကတော့..

▪️ (၁) အိုမီဂါ-၃ဖက်တီးအက်ဆစ်များ - ဆယ်လ်မွန်၊ သစ်ကြားသီး၊ လျှော်စေ့တို့မှာ ပါဝင်တဲ့ အိုမီဂါ-၃ဖက်တီးအက်ဆစ်က ဦးနှောက်ကျန်းမာရေးကို မြှင့်တင်ပေးပါတယ်။

▪️ (၂) ပရိုဘိုင်အိုတစ် - ဒိန်ချဉ်၊ ကင်ချီ၊ အချဉ်ဖောက်သော အစားအစာများက အူလမ်းကြောင်း ကျန်းမာရေးကောင်းမွန်စေကာ စိတ်အခြေအနေ ထိန်းညှိပေးပါတယ်။

▪️ (၃) သွေးတွင်းသကြားဓာတ်ထိန်းညှိခြင်း - ထမင်းတစ်နပ်မစားဘဲနေတာမျိုး ရှောင်ရှားသင့်ပြီး ပြောင်းဂျုံများ၊ ပဲအမျိုးမျိုးတို့လိုမျိုး ကာဗိုဟိုက်ဒရိတ်အုပ်စုကို စားသုံးခြင်းဖြင့် သွေးတွင်းသကြားဓာတ် ထိန်းနိုင်ပါတယ်။

▪️ (၄) မဂ္ဂနီဆီယံကြွယ်ဝသောအစားအစာ - ဟင်းနုနွယ်၊ ဗာဒံစေ့၊ ထောပတ်သီးတို့မှာ မဂ္ဂနီဆီယံကြွယ်ဝပြီး ပူပန်စိတ်ကို လျှော့ချပေးပါတယ်။

▪️ (၅) ကဖင်းနဲ့သကြား လျှော့ချခြင်း - ကဖင်းဓာတ်နဲ့ အချိုများတဲ့ စားစရာတွေဟာ ပူပန်စိတ်ကို ပိုဆိုးစေပါတယ်။

▪️ (၆) ရေဓာတ်ထိန်းသိမ်းခြင်း - ရေဓာတ်ခန်းခြောက်ပါက အာရုံစူးစိုက်မှုနဲ့ စိတ်အခြေအနေကို ထိခိုက်စေပါတယ်။

▪️ (၇) ချောကလက်မည်းစားသုံးခြင်း - ချောကလက်မည်းက အင်ဒေါ်ဖင်းဟော်မုန်း ထွက်စေပြီး ဓာတ်တိုးဆန့်ကျင်ပစ္စည်းလည်း ပါဝင်ပါတယ်။

▪️ (၈) စားသုံးမှုကိုသေချာစီစဉ်ခြင်း - စားသုံးမယ့် အစားအစာတွေကို စီစဉ်ချမှတ်ခြင်းဖြင့် အာဟာရဓာတ် မျှတစေသလို စိတ်ကျန်းမာရေး တည်ငြိမ်မှုပေးနိုင်ပါတယ်။

လေ့ကျင့်ခန်းပြုလုပ်ခြင်းဖြင့် စိတ်ကျန်းမာရေးကို ဘယ်လိုတိုးတက်စေနိုင်သလဲဆိုတော့..

▪️ (၁) နှလုံးသွေးကြောလှုပ်ရှားမှု - ပြေးခြင်း၊ စက်ဘီးစီးခြင်း၊ ရေကူးခြင်းတို့က ခံစားမှုကောင်းစေတဲ့ အင်ဒေါ်ဖင်းဟော်မုန်း ထွက်စေကာ ဖိစီးမှုနဲ့ ပူပန်စိတ် ပြေလျော့စေပါတယ်။

▪️ (၂) ခွန်အားလေ့ကျင့်ခန်းပြုလုပ်ခြင်း - အလေးမခြင်းလိုမျိုး လေ့ကျင့်ခန်းတွေက ရုပ်ပိုင်းဆိုင်ရာ အတွက်သာမက ယုံကြည်မှုတိုးစေပြီး စိတ်ကျလက္ခဏာများ လျော့ကျစေပါတယ်။

▪️ (၃) ယောဂနှင့်တရားထိုင်ခြင်း - ယောဂရော တရားထိုင်ခြင်းရောက စိတ်တည်ငြိမ်စေပြီး စိတ်ခံစားချက် ထိန်းညှိပေးပါတယ်။

▪️ (၄) အိမ်အပြင်ဘက်လှုပ်ရှားခြင်း - သဘာဝပတ်ဝန်းကျင်မှာ လမ်းလျှောက်ခြင်း တောင်တက်ခြင်းတို့က စိတ်အခြေအနေ တိုးတက်စေပါတယ်။

▪️ (၅) အသက်ရှူလေ့ကျင့်ခန်း - အာရုံစိုက် အသက်ရှူခြင်းနည်းလမ်းဖြင့် စိတ်တည်ငြိမ်မှုကို ထိန်းသိမ်းနိုင်ပါတယ်။

▪️ (၆) အသင်းအားကစားလုပ်ခြင်း - ဘောလုံး၊ ဘတ်စ်ကတ်ဘောတို့လို အသင်းလိုက်ကစားရတဲ့ အားကစားတွေက ရုပ်ပိုင်းဆိုင်ရာအပြင် လူမှုဆက်ဆံရေးပါ တိုးတက်စေပါတယ်။

▪️ (၇) ပုံမှန်ကျင့်ကြံခြင်း - ကိုယ်လက်လှုပ်ရှားမှု ပုံမှန်ပြုလုပ်ပါက အိပ်စက်မှုကို ထိန်းညှိပေးကာ ဖိစီးမှုဒဏ်ကို ခံနိုင်ရည်ရှိစေပါတယ်။

▪️ (၈) ဝါသနာရှာဖွေခြင်း - ဥယျာဉ်ထိန်းသိမ်းခြင်း၊ ကခုန်ခြင်းစတဲ့ ကိုယ်လက်လှုပ်ရှားမှု ဝါသနာတွေက ဖိစီးမှုရဲ့ ထွက်ပေါက်ဖြစ်ကာ စိတ်ကျန်းမာရေးကို အထောက်အကူ ပြုပါတယ်။

▪️ စိတ်ကျန်းမာရေးတိုးတက်ဖို့ရာ အာဟာရမျှတတဲ့ အစားအစာအပြင် ပုံမှန်လေ့ကျင့်ခန်းနဲ့ မိသားစုထောက်ပံ့မှုတို့လည်း လိုအပ်ပါတယ်။

#Source: DoctorNDTV

ဒမတ်စကတ်မှာရှိတဲ့ ဆီးရီးယားနိုင်ငံသားတွေဟာ ဘာရှာအယ်အာဆတ်အစိုးရ ပြုတ်ကျပြီးနောက် အပြောင်းအလဲများ ဖြစ်လာရန် မျှော်လင့်နေကြပေမယ့် အခြေခံကုန်ပစ္စည်းများ ရှားပါးပြတ်လပ်ခြင်း၊ ဈေးနှုန်းမြင့်မားခြင်းတို့နဲ့ ရုန်းကန်နေရဆဲဖြစ်ပါတယ်။
#World_Crisis
Published 19 December 2024
#ဆီးရီးယား #အခြေခံကုန်ပစ္စည်း
#YMG #Yangon_Times #Yangon_Media_Group

#Daily_News
Published 19 December 2024

၁။ နှစ်ဆန်း၌ ရွှေဈေးကွက် အနည်းငယ်လှုပ်ခတ်နိုင်

၂။ ၈လတာအတွင်း ပို့ကုန်တင်ပို့မှုမှ ကန်ဒေါ်လာ ၁၀ဘီလီယံနီးပါးရရှိထား

၃။ ရေကြောင်းနှင့် လေကြောင်းခရီးစဉ်များ သတိပြုနိုင်ရန်အထူးမိုးလေဝသသတင်းထုတ်ပြန်

၄။ အာဆတ်အစိုးရပြုတ်သွားသော်လည်း ဆီးရီးယားတို့အတွက်စားဝတ်နေထိုင်ရေး အကြပ်အတည်းကြုံတွေ့နေရဆဲ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 19 December 2024

▪️ အမေရိကန်မှာ ဗုဒ္ဓဟူးနေ့က ငှက်တုပ်ကွေးကူးစက်ခံရသူ ပထမဆုံးတွေ့ရှိခဲ့ကာ ကူးစက်ခံရသူ လူဝီစီယာနာသားဟာ ရောဂါပိုးရှိနေတဲ့ အိမ်နောက်ဖေးရှိ ငှက်အုပ်နဲ့ထိတွေ့ပြီးနောက် ဆေးရုံမှာ အရေးပေါ်ကုသခံယူနေရပါတယ်။

▪️ လူဦးရေအထူထပ်ဆုံး ကယ်လီဖိုးနီးယားမှာ H5N1 ဗိုင်းရပ်စ် အရေးပေါ်အခြေအနေ ကြေညာထားပါတယ်။

▪️ H5N1 က နို့စားမွေးမြူရေးတွေမှာ ကျယ်ကျယ်ပြန့်ပြန့် ကူးစက်နေပြီး ယခုနှစ်အတွင်း မွေးမြူရေးလုပ်သား ဒါဇင်ခန့်မှာ ရောဂါကူးစက်ထားပါတယ်။

▪️ ၂၀၂၄ အတွင်း နို့စားနွားမှာ ပထမဆုံးကူးစက်ခဲ့တာဖြစ်ပြီး အစိုးရအရာရှိများက ရောဂါပျံ့ပွားမှုကို မထိန်းချုပ်နိုင်ခဲ့သလို အချို့လုပ်သားများကလည်း ရောဂါစစ်ဆေးမှုနဲ့ ထိန်းချုပ်ရေး အတိုင်းအတာများ ဆောင်ရွက်ရန် ငြင်းဆန်နေကြပါတယ်။

▪️ လူဝီစီယာနာလူနာမှာ အသက်ရှူလမ်းကြောင်း လက္ခဏာ ဆိုးရွားနေပြီး ဒါဟာ ကျန်းမာရေးအန္တရာယ် ဆိုးရွားနိုင်တဲ့သဘော မြင်နေရပြီး ယခင်ဗိုင်းရပ်စ်ကတော့ ရောဂါကူးစက်ခံရသူ လုပ်သားတွေမှာ မျက်လုံးနီမြန်းခြင်း၊ မျက်မြှေးရောင်ခြင်းတို့ ဖြစ်ခဲ့ပါတယ်။

▪️ ငှက်တုပ်ကွေးက လူတွေမှာ ဘေးအန္တရာယ် နည်းပါးနေဆဲဖြစ်တယ်လို့ အမေရိကန် ရောဂါထိန်းချုပ်ကာကွယ်ရေးစင်တာ (CDC)က ပြောပါတယ်။

▪️ ဧပြီလတည်းက ငှက်တုပ်ကွေးကူးစက်သူပေါင်း ၆၁ ဦးရှိကာ အများစုက ရောဂါကူးစက်ခံရတဲ့ နွားတွေရှိနေတဲ့မွေးမြူရေးခြံတွေက လုပ်သားတွေဖြစ်ပါတယ်။

▪️ ရောဂါကူးစက်ထားတဲ့ ကြက်ဘဲတွေကို သုတ်သင်ရတဲ့လုပ်သားတွေမှာလည်း ဗိုင်းရပ်စ်တွေ့ရှိခဲ့ကြပါတယ်။

▪️ လူဝီစီယာနာမှ လူနာဟာ အသက်ရှူလမ်းကြောင်းပြဿနာ ပြင်းထန်နေပြီး အသက် ၆၅ နှစ်ကျော်ပြီဖြစ်ကာ နောက်ခံရောဂါများရှိတဲ့အတွက် ကျန်းမာရေးအန္တရာယ် များစေတာဖြစ်တယ်လို့ လူဝီစီယာနာ ကျန်းမာရေးဝန်ကြီးဌာနက ဖော်ပြထားပါတယ်။

▪️ အမေရိကန်မှာ နွားနို့အများဆုံးထုတ်လုပ်ရာ နေရာတွေထဲကတစ်ခုဖြစ်တဲ့ ကယ်လီဖိုးနီးယားမှာ ဩဂုတ်လနောက်ပိုင်း နွားအုပ်ပေါင်း ၆၄၉ အုပ်မှာ ဗိုင်းရပ်စ်တွေ့ရှိထားကာ အကြမ်းဖျင်းအားဖြင့် ၆၀ ရာခိုင်နှုန်းခန့် ကူးစက်ထားတာ ဖြစ်ပါတယ်။
#Source: Reuters

#World_Health
Published 19 December 2024

▪️ ရုတ်တရက် နှလုံးရပ်ခြင်းဟာ ကျန်းမာရေးကောင်းမွန်တဲ့ လူတွေမှာတောင် မမျှော်လင့်ဘဲ ဖြစ်တတ်ကြပြီး ဖြစ်ရတဲ့အကြောင်းအရင်းတွေကို သိပ်ပြီးမသိကြသေးပါဘူး။

▪️ နှလုံးရပ်ခြင်းဟာ နှလုံးဖောက်ခြင်း အခြေအနေနဲ့လည်း ကွဲပြားပါသေးတယ်။
နှလုံးရဲ့ လျှပ်စီးစနစ်မှာ ပြဿနာတစ်ခုခုကြောင့် ရုတ်တရက်နှလုံးရပ်ခြင်း ဖြစ်နိုင်ကာ နှလုံးသို့သွားတဲ့ သွေးစီးဆင်းမှု ပိတ်ဆို့တဲ့အခါမှာတော့ နှလုံးဖောက်ခြင်း ဖြစ်နိုင်ပြီး နှလုံးကြွက်သားတွေကို ထိခိုက်စေပါတယ်။

▪️ အပိုလိုဆေးရုံမှ နှလုံးအထူးကု ဒေါက်တာဗစ်ခရန်ခေဆဲက ဒီလိုဖြစ်ရတဲ့ အကြောင်းအရင်းတွေနဲ့ ကြိုတင်ကာကွယ်မှု အရေးကြီးပုံတို့ကို ရှင်းပြပါတယ်။
နှလုံးလျှပ်စီးစနစ် ချို့ယွင်းတဲ့အခါ ရုတ်တရက် နှလုံးရပ်ခြင်းဖြစ်တတ်ပြီး နှလုံးခုန်နှုန်း မူမမှန်ဖြစ်ကာ သွေးစီးဆင်းမှုကို ထိခိုက်စေပါတယ်။

▪️ နှလုံးခုန်မမှန်ခြင်းက နှလုံးရောဂါမရှိတဲ့ သူတွေမှာပင် ဖြစ်နိုင်ပြီး မျိုးဗီဇပြောင်းလဲမှု၊ ကိုယ်လက်လှုပ်ရှားမှု အလွန်အကျွံ အားထုတ်ခြင်း၊ ဖိစီးခြင်းတို့ကြောင့် ဖြစ်နိုင်ပါတယ်။

▪️ နှလုံးကြွက်သားတွေ ပုံမှန်ထက် ထူထဲလာတဲ့အခါ နှလုံးလျှပ်စီးစနစ်ကို ထိခိုက်စေပြီး သတိမမူမိဘဲနဲ့ အန္တရာယ် ဖြစ်စေနိုင်ပါတယ်။

▪️ နှလုံးရောဂါပုန်းကွယ်နေတဲ့ အားကစားသမားတွေ အလွန်အကျွံ လေ့ကျင့်ခန်းလုပ်တဲ့အခါ နှလုံးကိုဝန်ပိစေပါတယ်။

▪️ ပိုတက်ဆီယံ၊ မဂ္ဂနီဆီယံ၊ ကယ်လ်စီယံစတဲ့ အီလက်ထရိုလိုက်များ ပုံမှန်ပမာဏ မဟုတ်တဲ့အခါမှာလည်း နှလုံးခုန်ပုံစံကို နှောင့်ယှက်စေပါတယ်။

▪️ ရုတ်တရက်နှလုံးရပ်တဲ့ မျိုးရိုးရှိပါကလည်း နှလုံးခုန်မမှန်ခြင်းမျိုး ဖြစ်နိုင်တဲ့ လက္ခဏာဖြစ်ပါတယ်။

▪️ ဗိုင်းရပ်စ်ကူးစက်မှုကြောင့် နှလုံးကြွက်သား ရောင်ရမ်းခြင်းမျိုးကလည်း နှလုံးရပ်ခြင်း ဖြစ်နိုင်ပါတယ်။

▪️ ရုတ်တရက်နှလုံးရပ်ခြင်းကို လုံးဝမကာကွယ်နိုင်ပေမယ့် ဖြစ်နိုင်ခြေလျှော့ချနိုင်မယ့် နည်းလမ်းတွေရှိပါတယ်။

▪️ ECG လိုမျိုး ပုံစံစစ်ဆေးခြင်း၊ နှလုံးကျန်းမာရေး ညီညွတ်စေမယ့် စားသောက်မှုပုံစံ လေ့ကျင့်ခန်း ကိုယ်အလေးချိန် ထိန်းသိမ်းခြင်းတို့ ပြုလုပ်ခြင်း၊ စိတ်ဖိစီးမှုလျှော့ချခြင်း၊ မူးဝေခြင်း ရင်ဘတ်အောင့်ခြင်းလို လက္ခဏာများ သတိထားသိရှိခြင်း၊ မိသားစုမျိုးရိုးမှာ ဖြစ်ဖူးခြင်းရှိပါက စစ်ဆေးမှုပြုလုပ်ကာ သတိထားခြင်းတို့ ဆောင်ရွက်နိုင်ပါတယ်။

▪️ ကဖင်းဓာတ်ပါတဲ့ အားဖြည့်အချိုရည်များက နှလုံးခုန်မမှန်ခြင်း ဖြစ်နိုင်တာကြောင့် ရှောင်ရှားသင့်ပါတယ်။

▪️ ဒါကြောင့် နှလုံးကိုကာကွယ်ဖို့အတွက် ကြိုတင်ကာကွယ်ခြင်းနဲ့ စောစီးစွာသိရှိခြင်းတို့ အဓိကကျတယ်လို့ ဒေါက်တာခေဆဲက ပြောသွားပါတယ်။

#Source: India Today

#World_Health
Published 19 December 2024

▪️ ကျန်းမာရေးနဲ့ မညီညွတ်တဲ့ အစားအစာ၊ အိပ်မပျော်ခြင်း၊ အဝလွန်ခြင်းနဲ့ အချို့သော မျိုးဗီဇပြဿနာများကြောင့် ဒီမန်ရှာရောဂါ ဖြစ်နိုင်ခြေများစေနိုင်ပြီး အချိန်ကြာလာတာနဲ့အမျှ မှတ်ဉာဏ်၊ တွေးတောမှုစွမ်းရည်တို့ကို ဖျက်ဆီးလာနိုင်ပါတယ်။

▪️ လော့စ်အိန်ဂျလိစ်မှ အသိအမှတ်ပြု မေ့ဆေးဆရာဝန်တစ်ဦးက ဒီမန်ရှာဖြစ်နိုင်ခြေ များစေတဲ့ ဆေး ၅ မျိုးကို ဖော်ပြသွားပါတယ်။

▪️ - Benadryle(ဘီနာဒရိုင်းလ်)
ဒိုင်ဖန်ဟိုက်ဒရာမင်းလို့လည်း ခေါ်တဲ့ ဘီနာဒရိုင်းလ်၊ အီလာဗီးလ်တို့လို antihistamine နဲ့ anticholinergic ဆေးတွေကို ရေရှည်အသုံးပြုပါက ဒီမန်ရှာဖြစ်နိုင်ခြေနဲ့ ဆက်စပ်နိုင်တယ်လို့ ဟာဆန်က ဆိုပါတယ်။

▪️ ဘီနာဒရိုင်းလ်ဟာ နှာစေးချောင်းဆိုး၊ ဓာတ်မတည့်ခြင်း၊ အအေးမိဖျားနာလက္ခဏာများ သက်သာဖို့ အသုံးပြုတာ ဖြစ်ပါတယ်။

▪️ - Opiates(အိုပီယေ့တ်)
မော်ဖင်းလိုမျိုး အိုပီယေ့တ်တွေ ပုံမှန်အသုံးပြုပါက ဦးနှောက်ကို ထိခိုက်လာနိုင်ပါတယ်။

▪️ မေ့ဆေးထဲမှာ ပါဝင်တဲ့ အဓိကပစ္စည်းဖြစ်ပြီး မေ့ဆေးပေး ခွဲစိတ်မှုပြုလုပ်ပြီးနောက် ၃ နှစ်မှ ၇ နှစ်အတွင်း ဒီမန်ရှာဖြစ်နိုင်ခြေ ၂ ဆနီးပါးများစေတယ်လို့ လေ့လာချက်တစ်ခုမှာ တွေ့ရှိထားပါတယ်။

▪️ - Omeprazole(အိုမီပရာဇိုးလ်)
အစာမကြေခြင်း၊ ရင်ပူခြင်း၊ အက်ဆစ်လျှံတက်ခြင်းတို့ သက်သာဖို့အတွက် အစာအိမ်ထဲက အက်ဆစ်လျှော့ချပေးတဲ့ အိုမီပရာဇိုးလ်ကို ပုံမှန်သောက်သုံးမိပါက ဦးနှောက်ထဲမှာ ဘီတာအမိုင်လွိုက်တွေ များလာပြီး ဒီမန်ရှာဖြစ်စေတယ်လို့ ဟာဆန်က ပြောပါတယ်။

▪️ ဒါ့အပြင် ဗိုက်တာမင်-ဘီ၁၂ ချို့တဲ့မှုလည်း ဖြစ်လာနိုင်ကာ မှတ်ဉာဏ်နဲ့ ဦးနှောက်လုပ်ဆောင်ချက်များကို သက်ရောက်နိုင်တယ်လို့ ယူဆထားပါတယ်။

▪️ - Benzodiazepines(ဘင်ဇိုဒိုင်ယာဇီပင်)
ဒိုင်ယာဇီပင်လို့ လူသိများတဲ့ဆေးက အိပ်မပျော်ခြင်း၊ သောကရောက်ခြင်းတို့အတွက် အသုံးပြုကြပါတယ်။

▪️ ဒီဆေးကိုလည်း ရေရှည်အသုံးပြုပါက ဒီမန်ရှာဖြစ်စေနိုင်ကာ ဗဟိုအာရုံကြောစနစ်ထဲရောက်ရှိပြီး ဦးနှောက်တစ်ခုလုံးကို ထုံထိုင်းစေပါတယ်။

▪️ - Tricyclic antidepressants(ထရိုင်ဆိုက်ကလစ် စိတ်ကျသက်သာဆေး)
စိတ်ဓာတ်ကျခြင်း လက္ခဏာအတွက် အသုံးပြုကြတဲ့ Norpramin နဲ့ Vivactil တို့လိုဆေးတွေကို အိပ်မပျော်ခြင်း၊ နာကျင်ကိုက်ခဲခြင်းတို့အတွက် အသုံးပြုတတ်ကြပါတယ်။

▪️ သူတို့က ဒီမန်ရှာဖြစ်နိုင်ခြေ များစေတဲ့အထောက်အထားတော့ တိတိကျကျ မတွေ့ထားပါဘူး။

▪️ အဆိုပါဆေးတွေကို အသုံးပြုနေရင်း ဆေးဖြတ်ဖို့ စဉ်းစားတဲ့အခါ ဆရာဝန်နဲ့ အရင်ဆုံးတိုင်ပင်သင့်တယ်လို့လည်း အကြံပြုသွားပါတယ်။

#Source: New York Post