#Daily_News
Published  17 February 2025

၁။ ဆံတော်ရှင်မော်တင်စွန်းစေတီတော် ဗုဒ္ဓပူဇနိယပွဲတော် ၁၅ရက်ကြာကျင်းပမည်

၂။ စားအုန်းဆီရည်ညွှန်းဈေးနှုန်း တစ်ပိဿာကျပ် ၇၀၀၀ အောက်ရောက်ရှိ

၃။ နိုင်ငံ့ဝန်ထမ်းများအတွက် တိုက်ခန်းများကို(၃)လအတွင်း အကြေပေးသွင်းစနစ်ဖြင့် ရောင်းချပေးသွားမည်

၄။ အမေရိကန်အစိုးရ၏ အခွန်စည်းကြပ်မှုအသစ်များကြောင့်ငွေကြေးဖောင်းပွမှုထပ်မံဆိုးရွားလာမည်ကို စိုးရိမ်နေကြ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 17 February 2025

▪️ ဆိုရှယ်မီဒီယာ နာမည်ကြီး ကွန်‌ဆာဗေးတစ်ပုဂ္ဂိုလ် အက်ရှ်လေစိန့်ကလဲက သူမရဲ့ ၅ လသားအရွယ်ကလေးရဲ့ အဖေဟာ အီလွန်မက်စ်ဖြစ်တယ်လို့ လူသိရှင်ကြား ထုတ်ဖော်ပြောဆိုလိုက်ပြီးနောက် မက်စ်က Xဆိုရှယ်မီဒီယာမှာ တုံ့ပြန်လိုက်ပါတယ်။

▪️ Xမှာ မက်စ်တုံ့ပြန်ပြောကြားရာမှာ စိန့်ကလဲက သူနဲ့ကလေးရဖို့စီစဉ်နေတာ နှစ်တွေကြာသွားခဲ့တယ်ဆိုကာ အံ့အားသင့်တဲ့တုံ့ပြန်မှုမျိုး ရေးသားခဲ့ပါတယ်။

▪️ မက်စ်က အွန်လိုင်းကနေပဲ တုံ့ပြန်ပြောကြားလိုက်ရာမှာ စိန့်ကလဲက သူမနဲ့ တိုက်ရိုက်မပြောဆိုဘဲ ဆိုရှယ်မီဒီယာကနေသာ တုံ့ပြန်ပတ်သက်တယ်ဆိုပြီး ဝေဖန်လိုက်ပါတယ်။

▪️ "အီလွန်၊ ပြီးခဲ့တဲ့ရက်တွေမှာ ဆက်သွယ်ဖို့ ကြိုးစားခဲ့ပေမယ့် မတုံ့ပြန်ခဲ့ဘူး။ အွန်လိုင်းကနေ မဟုတ်ဘဲ ဘယ်တော့မှ လက်တွေ့အကြောင်းပြန်မှာလဲ" လို့ ရေးထားပါတယ်။

▪️ အသက် ၂၆ နှစ်ရှိ စိန့်ကလဲက ဖေဖော်ဝါရီ ၁၄ ရက်နေ့က Xမှာ "လွန်ခဲ့တဲ့ ၅ လက ကလေးတစ်ယောက် မွေးဖွားခဲ့ပြီး အီလွန်မက်စ်က ကလေးအဖေဖြစ်ပါတယ်" လို့ ဖော်ပြထားပါတယ်။

▪️ "ကလေးရဲ့ ကိုယ်ရေးကိုယ်တာနဲ့ ဘေးကင်းမှုကို ကာကွယ်ဖို့ အရင်က ဒါကိုမဖွင့်ဟခဲ့ပါဘူး။ ဒါပေမဲ့ လတ်တလောမှာ သတင်းမီဒီယာတွေက ဖွင့်ချဖို့ လုပ်လာပါတယ်" လို့ ဆိုပါတယ်။

▪️ စိန့်ကလဲနဲ့ မက်စ်တို့ဟာ ပူးတွဲအုပ်ထိန်းမှု သဘောတူညီချက်အတွက် သီးသန့်ကြိုးပမ်းခဲ့ကြတယ်လို့ စိန့်ကလဲရဲ့ ကိုယ်စားလှယ် ဘရိုင်ယန်ဂလစ်လစ်ချ်က အတည်ပြုခဲ့ပါတယ်။

▪️ "မခိုင်လုံတဲ့ ထင်ကြေးတွေကို အဆုံးသတ်ပြီး အက်ရှ်လေနဲ့အတူ အုပ်ထိန်းမှုတာဝန်ရှိတာကို အီလွန်အနေနဲ့ လူသိရှင်ကြား အသိအမှတ်ပြုပေးဖို့ စောင့်နေတာပါ။ ကလေးရဲ့ ကျန်းမာရေးနဲ့ လုံခြုံရေး အကျိုးအရှိဆုံးဖြစ်စေဖို့ သဘောတူညီချက်ကို အီလွန်အလျင်မြန်အပြီးသတ်လိုမယ်လို့ အက်ရှ်လေက ယုံကြည်ထားတယ်" လို့ ဂလစ်လစ်ချ်က ဖော်ပြထားပါတယ်။

▪️ အမျိုးသမီး ၃ ဦးကနေ ကလေး ၁၂ ယောက်ရထားတယ်လို့ သိထားကြတဲ့ မက်စ်ကတော့ ဒီအဆိုနဲ့ပတ်သက်ပြီး မှတ်ချက်တွေ မပြောထားသေးပါဘူး။

#Source: WION

#World_Health
Published 17 February 2025

▪️ ဟော်မုန်းတွေက ခန္ဓာကိုယ်ထဲမှာ လုပ်ဆောင်ချက်အမျိုးမျိုးကို ထိန်းညှိလုပ်ဆောင်ပေးတဲ့ ကဏ္ဍမှာ အရေးပါတဲ့ ဓာတုမက်ဆင်ဂျာတွေ ဖြစ်ပါတယ်။

▪️ အထူးသဖြင့် မျိုးပွားဟော်မုန်းတွေ မညီမမျှဖြစ်ရင် ခန္ဓာကိုယ်မှာ ပြဿနာအမျိုးမျိုးဖြစ်နိုင်ပြီး ဓမ္မတာစက်ဝန်း ပြဿနာများ၊ မျိုးမအောင်ခြင်းတို့ ဖြစ်လာနိုင်ပါတယ်။

▪️ ဒါကြောင့် မျိုးပွားစွမ်းရည်ကို သက်ရောက်စေတဲ့ ဟော်မုန်းတွေအကြောင်း မီးယပ်ဆရာဝန် ဒေါက်တာ အိန်ဂျလီကူမာ ပြောကြားသွားတာကို ဖော်ပြသွားပါမယ်။

(၁) AMH
▪️ Anti-Mullerian ဟော်မုန်းလို့ခေါ်ပြီး သားဥအိမ်ထဲမှာ မျိုးဥထိန်းသိမ်းမှုကို ညွှန်ပြတဲ့ ဟော်မုန်းဖြစ်ပြီး မျိုးအောင်နိုင်စွမ်း အလားအလာနဲ့ ဆိုင်နေပါတယ်။

(၂) FSH
▪️ ပစ်ကျူထရီဂလင်းမှ ထုတ်လုပ်တဲ့ Follicle Stimulating ဟော်မုန်းဟာ မျိုးဥပိုင်း ဖွံ့ဖြိုးမှုနဲ့ ရင့်ကျက်မှုတို့အတွက် အရေးကြီးပြီး မျိုးဥတွေ ပိုထုတ်နိုင်အောင် လှုံ့ဆော်ပေးပါတယ်။

(၃) အီစထရာဒိုင်အောလ်
▪️ အီစထရိုဂျင်ပုံစံဖြစ်ပြီး မျိုးဥလှုံ့ဆော်မှုအတွင်း စောင့်ကြည့်ပေးကာ မျိုးဥအိတ်ကြီးထွားဖို့ ကူညီပေးပါတယ်။

(၄) TSH
▪️ သိုင်းရွိုက်လှုံ့ဆော်ဟော်မုန်းက ဓမ္မတာစက်ဝန်းကို နှောင့်ယှက်စေကာ TSHများလွန်းခြင်း၊ နည်းလွန်းခြင်းက မျိုးဥကြွေခြင်းနဲ့ ကိုယ်ဝန်ရနိုင်ခြေကို ထိခိုက်စေပါတယ်။

(၅) ပရိုဂျက်စထရုန်း
▪️ ပရိုဂျက်စထရုန်းက သန္ဓေအောင်တဲ့ မျိုးဥတည်နိုင်ဖို့အတွက် သားအိမ်နံရံပြင်ဆင်ပေးကာ ကိုယ်ဝန်ထိန်းသိမ်းစေပါတယ်။

#Source: DoctorNDTV

#World_Health
Published 17 February 2025

▪️ ယနေ့ ဒီဂျစ်တယ်ခေတ်မှာ စမတ်ဖုန်းတွေ ဆိုရှယ်မီဒီယာတွေက လူငယ်တွေ ကလေးတွေကြားမှာ အတော်လေးပျံ့နှံ့ ရောက်ရှိနေပါတယ်။

▪️ အသက် ၁၀ နှစ်ခန့်အရွယ်မှာ ဦးနှောက်က သိသိသာသာ ပြောင်းလဲတဲ့အချိန်ဖြစ်ပြီး အခြားသူတွေထံမှ အာရုံစူးစိုက်မှု ခံလိုတဲ့အချိန်သို့ ဝင်လာတာ ဖြစ်ပါတယ်။

▪️ ဆယ်ကျော်သက်အရွယ်တွေမှာ လူမှုပေါင်းသင်းရေးနဲ့ ဆက်စပ်တဲ့ ဦးနှောက်ထဲမှ ဗင်ထရယ်စထရာတမ်ဆိုတဲ့ နေရာမှာ ပျော်ရွှင်မှုဟော်မုန်းတွေဖြစ်တဲ့ အောက်ဆီတိုဆင်နဲ့ ဒိုပါမင်တို့ များလာပါတယ်။

▪️ ဆိုရှယ်မီဒီယာ အသုံးပြုမှုတွေက ဦးနှောက်က ထိုအစိတ်အပိုင်းနဲ့ ဆက်စပ်နေတယ်လို့ အမေရိကန် စိတ်ပညာအဖွဲ့အစည်းမှ မစ်ချ်ပရင်စတိန်းက ဆိုပါတယ်။

▪️ ဆိုရှယ်မီဒီယာတွေက အရွယ်ရောက်သူတွေရဲ့ ဦးနှောက်ထဲက စိတ်ကျေနပ်မှုစင်တာတွေကို လှုံ့ဆော်ပေးပြီး စိတ်ခံစားချက် ထိန်းချုပ်ပေးတဲ့ နေရာလည်း ဖွံ့ဖြိုးလာတာကြောင့် သက်ရောက်မှုတွေက သိပ်ပြီးဘေးမဖြစ်စေပါဘူး။

▪️ ဩစတြေးလျလို နိုင်ငံမျိုးမှာတော့ ဆက်သွယ်ရေးဝန်ကြီးက အသက် ၁၆ နှစ်အောက်ကလေးတွေမှာ ဆိုရှယ်မီဒီယာ အသုံးပြုခွင့်ကိုပိတ်ပင်မယ့် ဥပဒေတင်သွင်းထားပါတယ်။

▪️ ဆယ်ကျော်သက်အရွယ်တွေမှာ ဆိုရှယ်မီဒီယာကြောင့် ဦးနှောက်က စိတ်ကျေနပ်မှုစင်တာကို အလွန်အကျွံ လှုံ့ဆော်လိုက်ပါတယ်။

▪️ တစ်နေ့ကို ဆိုရှယ်မီဒီယာတွေမှာ ၁၅ ကြိမ်နဲ့အထက် ကြည့်တဲ့ဆယ်ကျော်သက်တွေက ပြန်လည်တုံ့ပြန်မှုတွေကို ပိုပြီးထိလွယ်ရှလွယ် ဖြစ်လာပါတယ်။

▪️ ဆိုရှယ်မီဒီယာ အသုံးများခြင်းကြောင့် စိုးရိမ်ပူပန်ခြင်း၊ စိတ်ဓာတ်ကျခြင်း၊ အထီးကျန်ခြင်းလိုမျိုး စိတ်ကျန်းမာရေးပြဿနာများ ဖြစ်လာနိုင်ပါတယ်။
အွန်လိုင်းမှ အနိုင်ကျင့်ခံရတာတွေ၊ အလှအပရေးရာ အယူမှားတွေ ကြုံတွေ့လာရနိုင်ပါတယ်။

▪️ ဒါ့အပြင် မူးယစ်ဆေးသုံးစွဲတာတွေ၊ သေကြောင်းကြံစည်မှုတွေပါဝင်တဲ့ အကြောင်းအရာတွေလည်း တွေ့လာရပါတယ်။

▪️ အွန်လိုင်းပေါ်ကသာ ပြောဆိုဆက်ဆံလာကြရာမှာ ပြင်ပလက်တွေ့ဘဝမှာ ပြဿနာတွေဖြေရှင်းဖို့ ခက်ခဲလာနိုင်ပါတယ်။

▪️ ဖုန်း၊ ကွန်ပျူတာကြည့်ချိန် ကြာမြင့်လာတာက အိပ်စက်ခြင်း၊ ကိုယ်လက်လှုပ်ရှားမှု၊ ဖန်တီးကြံဆမှုတွေမှာလည်း ထိခိုက်စေနိုင်ပါတယ်။

▪️ ဒါကြောင့် မိဘတွေက ကလေးတွေရဲ့ ဖုန်းအသုံးပြုချိန်ကို ကန့်သတ်လျှော့ချထိန်းသိမ်းခြင်းဖြင့် ပိုမိုကျန်းမာသန်စွမ်းပြီး ထူးချိန်တဲ့ဘဝတွေဆီ ရောက်စေနိုင်မှာဖြစ်ပါတယ်။

#Source: India Today

၁၇ ဖေဖော်ဝါရီ ၂၀၂၅

လူကြိုက်များသည့်ရုပ်ရှင်ဇာတ်ကားများဖြစ်တဲ့ "The Man from Nowhere" နှင့် "The Neighbors" ဇာတ်ကားတွေနှင့်လူသိထင်ရှားခဲ့တဲ့ တောင်ကိုရီးယား ရုပ်ရှင်မင်းသမီး ကင်မ်ဆေးယွန် Kim Sae-ron ဟာ ဖေဖော်ဝါရီ ၁၆ရက် တနင်္ဂနွေနေ့က နေအိမ်မှာ သေဆုံးနေတာကို တွေ့ရတယ်လို့ ရဲကပြောပါတယ်။

အသက် ၂၄နှစ်သာရှိသေးတဲ့ ကင်မ်ဆေးယွန်ကို  ဆိုးလ်မြို့အရှေ့ဖက် ဆွန်ဆုဒွန် Seongsu-dong မှာ ရှိတဲ့ သူမရဲ့အိမ်မှာ တနင်္ဂနွေနေ့ ညနေ၄နာရီ ၅၅ မိနစ်ခန့်မှာ သူမဆီ လာလည်တဲ့သူငယ်ချင်း တစ်ယောက်က   သေဆုံးနေတာတွေ့ကြရတာဖြစ်ပါတယ်။

“ ဘာကြောင့်သေဆုံးတယ်ဆိုတာကို စုံစမ်းစစ်ဆေးနေတယ်။ အသတ်ခံရတဲ့ လက္ခဏာတော့ မတွေ့ရဘူး” လို့ရဲအရာရှိတစ်ဦးကပြောပါတယ်။

၂၀၂၂ခုနှစ်မှာတော့ သူမဟာ အရက်သောက်ပြီးကားမောင်းခဲ့လို့ ကားက လမ်းဘေးအရံအတားနှင့် ထရမ်စဖော်မာကို ဝင်တိုက်ခဲ့တာကြောင့် အဖမ်းခံရပါတယ်။ သူမဟာ အဲဒီတုန်းက ကိုရီးယား ဝမ်ငွေ သန်း၂၀ ဒဏ်ရိုက်ခံခဲ့ရပါတယ်။

ပြီးခဲ့တဲ့ ဧပြီလာက သူမ ရုပ်သရုပ်ဆောင်လုပ်ငန်းပြန်လုပ်ဖို့ကြိုးစားတဲ့အနေနှင့် ပြဇာတ်တစ်ခုမှာပြန်သရုပ်ဆောင်ခဲ့ပါသေးတယ်။ ဒါပေမယ့် သူမရဲ့ကျန်းမာရေးပြဿနာကြောင့် ဆက်မလုပ်ဖြစ်ခဲ့ပါဘူး။

Source : yonhapNews

၁၆ ဖေဖော်ဝါရီ ၂၀၂၅

တရုတ်နိုင်ငံ ပြည်သူ့လုံခြုံရေး ဒုတိယဝန်ကြီး လျှိုကျုံးရီသည် မြန်မာနိုင်ငံရှိ အွန်လိုင်းလိမ်လည်မှုများမှ ကယ်ထုတ်လာခဲ့သည့် တရုတ်နိုင်ငံသားများကို ပြန်လည်လက်ခံရေးပြင်ဆင်မှုများပြုလုပ်နိုင်ရန်  ထိုင်း-မြန်မာ ချစ်ကြည်ရေးတံတားအမှတ်၂ကို ဖြတ်သန်းခဲ့ကြောင်း ထိုင်းသတင်းများကရေးသားသည်။

အရာရှိ ၂၆ဦးကို ဦးဆောင်လာသည့် ဒုဝန်ကြီးလျှိုသည် ဖေဖော်ဝါရီ ၁၆ ရက်တွင် မြန်မာနိုင်ငံမှ ဘန်ကောက် ဒွန်မောင်းလေဆိပ်သို့ ရောက်ရှိခဲ့ပြီး ယင်းမှ မဲဆောက်နိုင်ငံတကာ   လေဆိပ်သို့   ရောက်ရှိခဲ့သည်။

တရုတ်ဒုဝန်ကြီးလျှိုနှင့်အဖွဲ့ သည် ထိုင်း-မြန်မာချစ်ကြည်ရေးတံတားအမှတ်(၂)သို့သွားရောက်ရာတွင် တပ်ခရိုင်လူဝင်မှုကြီးကြပ်ရေး ရဲမှူးကြီး ဖလွန်ကလင်ဖေယွမ်က လုပ်ငန်းဆောင်ရွက်နေမှုတွေကို ရှင်းလင်းပြသခဲ့ကြောင်း သတင်းများကဆိုသည်။ ရဲမှူးကြီးက မြန်မာနိုင်ငံ မြဝတီမှတစ်ဆင့် ထိုင်းနိုင်ငံ သို့ နိုင်ငံခြားသားများလွှဲပြောင်းပေးပို့နေမှုလုပ်ငန်းစဉ်တွေကို တရုတ်ဒုဝန်ကြီးအား ရှင်းလင်းပြောပြခဲ့သည်။

မြန်မာ နယ်ခြားစောင့်တပ် BGF က ရွှေကုက္ကိုလ်တွင် လတ်တလော ဖြိုခွင်းနှိမ်နှင်းမှုများပြုလုပ်နေပြီး  လူပေါင်း ၂၀၀၀ခန့် ထိန်းသိမ်းဖမ်းဆီးထားနိုင်ခဲ့ရာ ယင်းတို့အနက်ထက်ဝက်ခန့်မှာ တရုတ်နိုင်ငံသားများ ဖြစ်ကြောင်းသိရသည်။ ထိုဖမ်းဆီးခံရသူများထဲတွင်လူကုန်ကူးခံရသူများနှင့် မိမိဆန္ဒအလျောက် တစ်ဦး ချင်းက ဆက်သွယ်၍ လာရောက်အလုပ်လုပ်ကိုင်သူများဖြစ်ကြသည်။

ဒုဝန်ကြီးလျှိုက လုပ်ငန်းစဉ်များကို အသေးစိတ်စစ်ဆေးခဲ့ပြီး မဲဆောက်လေဆိပ်တွင် တရုတ်လေယာဉ်  ပျံထားရှိကာ တရုတ်နိုင်ငံက ၂၀၂၄ခုနှစ်တွင် အသုံးပြုခဲ့သည့် ပြန်လည်လက်ခံရေးနည်းစနစ်ကို ညွှန်းဆိုပြောကြားခဲ့ကြောင်း ထိုင်းမီဒီယာများ၏ သတင်းတွင်ဖော်ပြထားသည်။

#knl/ymg