#World_Health
Published 29 July 2024

▪️ ခုံပေါ်မှာ ထိုင်ပြီးအနားယူမယ့်အစား အိပ်ရာမဝင်ခင်မှာ သာမန်လှုပ်ရှားမှု ပြုလုပ်ခြင်းဖြင့် ပိုမိုကြာရှည်စွာ အိပ်ပျော်စေနိုင်တယ်လို့ သုတေသနအသစ်မှာ တွေ့ထားပါတယ်။

▪️ ယခင်လေ့လာချက်တွေမှာ အိပ်ရာမဝင်ခင် ပြင်းထန်တဲ့ လေ့ကျင့်ခန်းမျိုးပြုလုပ်ပါက နှလုံးခုန်နှုန်းနဲ့ ကိုယ်အပူချိန် မြင့်တက်စေကာ အိပ်ပျော်ဖို့ ခက်ခဲစေတယ်လို့ ထင်ခဲ့ပေမယ့် နယူးဇီလန် အော်တာဂိုတက္ကသိုလ်မှ သုတေသီတွေက အပေါ့စားလှုပ်ရှားမှု ပြုလုပ်ခြင်းကို လေ့လာခဲ့ပါတယ်။

▪️ ဒီလှုပ်ရှားမှုကတော့ ညနေခင်းမှာ နာရီဝက်ခြားတစ်ခါ ၃ မိနစ်ခန့်လေ့ကျင့်ခန်းကို ၄ နာရီကျော်အချိန်အတွင်း ပြုလုပ်ရတာ ဖြစ်ပါတယ်။

▪️ ဆေးလိပ်မသောက်တဲ့ လူတွေကို စမ်းသပ်ဖို့ခေါ်ယူခဲ့ကာ ထိုလူတွေဟာ အလုပ်မှာ ၅ နာရီကျော်ထိုင်ရပြီး ညနေပိုင်းမှာ ၂ နာရီလောက် ထိုင်ကြရပါတယ်။

▪️ ၇ ရက်ဆက်တိုက် ကြံ့ခိုင်မှုတိုင်းတာပစ္စည်း တပ်ဆင်ထားပြီး အိပ်ရာဝင်ချိန်၊ အိပ်ရာနိုးချိန်၊ လှုပ်ရှားချိန်တွေကိုလည်း မှတ်တမ်းတင်ထားပါတယ်။

▪️ တစ်ဖွဲ့ကိုတော့ ညနေ ၅ နာရီကစပြီး တစ်ချိန်လုံးထိုင်ခိုင်းထားခဲ့ပြီး နောက်တစ်ဖွဲ့ကိုတော့ ၄ နာရီအတွင်း မိနစ် ၃၀ နေတိုင်း ၃ မိနစ်စာ သာမန်လှုပ်ရှားမှု ပြုလုပ်စေခဲ့ပါတယ်။

▪️ ထိုလှုပ်ရှားမှုတွေထဲမှာ ထိုင်ထလုပ်ခြင်း၊ ခြေသလုံးမြှောက်ခြင်း၊ ဒူးမြှောက်ခြင်းတို့ကို စက္ကန့် ၂၀ စီပြုလုပ်ရပါတယ်။

▪️ ဒီလေ့ကျင့်ခန်းတွေက နေရာအများကြီး မလိုအပ်သလို အခြားအရာလုပ်ရင်းနဲ့လည်း ပြုလုပ်နိုင်ပါတယ်။

▪️ အိမ်ထဲမှာ လမ်းလျှောက်နေခြင်း၊ ကခုန်ခြင်း၊ အဓိကကတော့ မထိုင်ဘဲနဲ့ လှုပ်ရှားနေဖို့ ဖြစ်တယ်လို့ သုတေသနပြုစုသူ မီရယ်ဒစ်ပက်ဒီက ဆိုပါတယ်။

▪️ လေ့ကျင့်ခန်းလုပ်တဲ့အဖွဲ့က ကျန်အဖွဲ့ထက် အိပ်ချိန် ၂၇ မိနစ်ခန့် ပိုမိုကြာရှည်ခဲ့ပါတယ်။

▪️ ဒီလိုလေ့လာချက်က ပထမဆုံးဖြစ်ပေမယ့် စမ်းသပ်ခံလူဦးရေ နည်းပါးတာကိုတော့ သတိပြုရမှာပါ။

▪️ ဒါ့အပြင် အလွန်အမင်း ထိန်းချုပ်ခဲ့တဲ့ စမ်းသပ်ချက်က လက်တွေ့ဘဝနဲ့ ကွဲပြားနိုင်ပါသေးတယ်။

▪️ ကျွမ်းကျင်သူတွေကတော့ ရောဂါတွေ ဖြစ်နိုင်ခြေလျှော့နိုင်ဖို့ တစ်ညကို ၇ နာရီမှ ၉ နာရီအိပ်စက်ဖို့ အကြံပြုထားပါတယ်။

#Source: New York Post

#World_Science
Published 29 July 2024

▪️ ကမ္ဘာမြေရှိ ရေတွေထဲမှာ ပျော်ဝင်အောက်ဆီဂျင် လျော့နည်းလာတာကို သိပ္ပံပညာရှင်များ စိုးရိမ်နေကြပြီး သက်ရှိတွေအတွက် ပြဿနာကြီးတစ်ခု ဖြစ်လာကြောင်း လေ့လာချက်အသစ်မှာ တွေ့ရှိထားပါတယ်။

▪️ လေထုအောက်ဆီဂျင်က တိရိစ္ဆာန်တွေအတွက် အရေးကြီးသလို ရေထဲက ပျော်ဝင်အောက်ဆီဂျင်ကလည်း ရေနေသတ္တဝါတွေအတွက် အရေးကြီးပါတယ်။

▪️ ရေချို ရေငန်စားစရာတွေကို မှီခိုနေရတဲ့ လူတွေအတွက်လည်း ဒီပြဿနာကြောင့် စိုးရိမ်စရာဖြစ်နေပါတယ်။

▪️ ရေထဲကအောက်ဆီဂျင် လျော့နည်းလာခြင်းပြဿနာကို ကမ္ဘာမြေမှ ထိန်းချုပ်ကန့်သတ်ရမယ့် အရာတွေထဲမှာထည့်သွင်းဖို့ သိပ္ပံပညာရှင်အဖွဲ့ အဆိုပြုထားပါတယ်။

▪️ လူသားတွေ ဆက်လက်ရှင်သန် ဖွံ့ဖြိုးဖို့အတွက် ထိန်းချုပ်ကန့်သတ်ဆောင်ရွက်ဖို့ လိုအပ်တဲ့ ကဏ္ဍကြီး ၉ ခုရှိထားပါတယ်။

▪️ ဒီအရာတွေထဲမှာ ရာသီဥတုဖောက်ပြန်မှု၊ သမုဒ္ဒရာ အက်ဆစ်ဓာတ်များလာခြင်း၊ လေထုအပေါ်ယံလွှာ အိုဇုန်းပါးလွှာခြင်း၊ ကမ္ဘာလုံးဆိုင်ရာ ဖော့စ်ဖရပ်စ်နဲ့ နိုက်ထရိုဂျင်စက်ဝန်းများ ယိုယွင်းလာခြင်း၊ သတ္တဝါမျိုးစိတ် ကွဲပြားမှုလျော့နည်းလာခြင်း၊ တစ်ကမ္ဘာလုံး ရေချိုအသုံးပြုခြင်း၊ မြေပြင်စနစ် ပြောင်းလဲလာခြင်း၊ လေထုအမှုန်အမွှား များပြားလာခြင်း၊ ဓာတုညစ်ညမ်းခြင်းတို့ ပါဝင်ပါတယ်။

▪️ ကမ္ဘာပေါ်က ရေချိုနဲ့ ရေငန်ဂေဟစနစ်တွေမှာ အောက်ဆီဂျင်လျော့နည်းလာခြင်းဟာ ဖြေရှင်းရမယ့် ကမ္ဘာ့ပြဿနာရပ်ကြီး ဖြစ်ကြောင်း အမေရိကန် ရင်းဆဲလာပိုလီတက်ခ်နစ်မှ ရေချိုဂေဟပညာရှင် ကီဗင်ရို့စ်က ပြောပါတယ်။

▪️ အောက်ဆီဂျင်ရရှိနိုင်ခြေက ကန့်သတ်ထိန်းချုပ်နေရတဲ့ အခြားဖြစ်စဉ်များနဲ့ နီးစပ်လာပြီလို့ ဆိုပါတယ်။

▪️ တစ်ကမ္ဘာလုံးမှာ အပူချိန် မြင့်တက်လာတာကြောင့် ရေတွေပူနွေးလာပါက အောက်ဆီဂျင်ကို ကောင်းစွာ မထိန်းသိမ်းတော့ပါဘူး။

▪️ ရေထဲမှာရှင်သန်နေထိုင်တဲ့ ဘက်တီးရီးယားများ၊ ရေမှော်များ၊ စိုက်ပျိုးမွေးမြူရေးကဏ္ဍမှ မြေဩဇာများက အောက်ဆီဂျင်ကို စုပ်ယူပစ်တာလည်း ရှိပါတယ်။

▪️ အချို့နေရာတွေမှာဆိုရင် အောက်ဆီဂျင်ပြတ်လပ်ပြီး ပိုးမွှားများ သေဆုံးကြပါတယ်။

#Source: WION

၂၈ ဇူလိုင် ၂၀၂၄

လေဆိပ်တွေထဲမှာ အလွယ်တကူခပ်မြန်မြန်သွားလို့ရအောင် ဒီဇိုင်းလုပ်ထားတဲ့ စီးနင်းသွားလို့ရတဲ့ လျှပ်စစ်မော်တာတပ် ခရီးဆောင်လက်ဆွဲသေတ္တာတွေဟာ လူကြိုက်များနေပြီး နိုင်ငံခြားသားတွေဟာ အများပြည်သူလမ်းတွေပေါ် စီးနင်းရင်း မတော်တဆမှုတွေမြင့်တက်လာတာကြောင့် ဂျပန်အာဏာပိုင်တွေအတွက် အထိတ်တလန့်ဖြစ်သွားစေနေပါတယ်။

ဂျပန်နိုင်ငံမှာ လောလောဆယ် အဲဒီ မော်တာတပ်ခရီးဆောင်သေတ္တာတွေကို လမ်းပေါ်မှာ သတ်မှတ်ထားတဲ့ အန္တရာယ်ကင်းရှင်းရေး ကိရိယာတွေနှင့် ယာဉ်မောင်းလိုင်စင်ရှိမှသာ မောင်းနှင်စီးနင်းနိုင်မယ်လို့ ခွင့်ပြုထားပါတယ်။

ဂျပန်နိုင်ငံရဲ့ အဓိက လေဆိပ်ကြီးနှစ်ခုက ခရီးသွားတွေကို သူတို့ရဲ့လေဆိပ်အတွင်းထဲ အဲဒီခရီးဆောင်သေတ္တာတွေ မစီးနင်းကြဖို့ ပြေဆိုထားပြီးဖြစ်ပါတယ်။ ရဲတွေကလည်း ပြည်တွင်းခရီးသွားတွေကို တင်းကြပ်တဲ့ဥပဒေအကြောင်း သတိပေးပြောဆိုထားပေမယ့် နိုင်ငံခြားသားတွေကတော့ အဲဒီပြည်တွင်းဥပဒေတွေကို သိပ်မသိကြပါဘူး။

တရုတ်အမျိုးသမီးတစ်ဦးဟာ  ဇွန်လတုန်းက လိုင်စင်မရှိဘဲ မော်တာတပ်ခရီးဆောင်သေတ္တာကို အိုဆာကာမြို့လမ်းဘေး လူသွားပလက်ဖောင်းပေါ် စီးနင်းလို့ ပထမဆုံးအရေးယူခံခဲ့ရပါတယ်။

ဇူလိုင်လစောစောပိုင်းကလည်း အင်ဒိုနီးရှားက ယောကျ်ားကလေးတစ်ဦးဟာ အိုဆာကာရဲ့ လူရှုပ်ထွေးနေတဲ့ ဈေးဝယ်အရပ်ဖြစ်တဲ့ ဒွန်တွန်ဘိုရီလမ်းပေါ် ကွေ့ပတ်စီးနင်းခဲ့ပါတယ်။ ဂျပန်မှာ ဒီလိုလုပ်တာ ဥပဒေချိုးဖောက်တာလို့ ပြောလို့ သူ့မိသားစုက ပြန်သိမ်းသွားပေမယ့် အင်ဒိုနီးရှားမှာ ဘယ်နေရာမဆိုကြိုက်သလိုစီးလို့ရတယ်လို့ ပြန်ပြောခဲ့ပါတယ်။

အဲဒီလျှပ်စစ်ခရီးဆောင်သေတ္တာထဲမှာ ဘက်ထရီနှင့် လျှပ်စစ်မော်တာမြှပ်နှံတပ်ဆင်ထားပြီး တစ်နာရီကို ၁၀ကီလိုမီတာ အမြန်နှုန်းနှင့်သွားနိုင်ပါတယ်။ ဂျပန်မှာ အဆိုပါသေတ္တာတစ်လုံးကို ယန်းတစ်သိန်း(ဒေါ်လာ ၆၄၀) နှင့်ရောင်းချနေပါတယ်။

ဂျပန်နိုင်ငံရဲ့ ယာဉ်ဥပဒေအရ အဆိုပါ လျှပ်စစ်ခရီးဆောင်သေတ္တာတွေကို မော်တာတပ်စက်ဘီး အမျိုးအစားထဲ ထည့်သွင်း ထားပါတယ်။ အဲဒါကြောင့် ဂျပန်မှာ ယင်းကိုမှတ်ပုံတင်ရန်လိုပြီး နောက်ကြည့်မှန်နှင့် အချက်ပြမီးတွေတပ်ဆင်ပေးဖို့ လိုအပ်သလို မောင်းနှင်သူဟာလည်း ဦးထုပ်ဆောင်းရပါမယ်။ အာမခံထားရမှာလည်းဖြစ်ပါတယ်။

Source Kyodo Mews

#World_Health
Published 28 July 2024

▪️ ကျောက်ကပ်တွေက ခန္ဓာကိုယ်မှ အညစ်အကြေးနဲ့ ပိုလျှံနေတဲ့ အရည်တွေကို စစ်ထုတ်ပေးကာ အီလက်ထရိုလိုက်ဓာတ်များကို ထိန်းညှိပေးပြီး သွေးဖိအားကို ထိန်းချုပ်ပေးတဲ့ အရေးကြီးအင်္ဂါတွေ ဖြစ်ပါတယ်။

▪️ သွေးနီဥဆဲလ် ထုတ်လုပ်ခြင်းနဲ့ ကယ်လ်စီယမ် ဇီဝဖြစ်စဉ်တို့ကို ကူညီပေးတဲ့ ဟော်မုန်းတွေလည်း ထုတ်လုပ်ပေးပါတယ်။

▪️ ကျောက်ကပ်ချို့ယွင်းပါက နာတာရှည် ကျောက်ကပ်ရောဂါ၊ နှလုံးရောဂါတို့ ဖြစ်လာနိုင်တာကြောင့် ကျောက်ကပ်ကျန်းမာရေးကို ထိန်းချုပ်ပေးနိုင်မယ့် နည်းလမ်းများကို ဖော်ပြလိုက်ပါတယ်။

▪️ (၁) ရေဓာတ်ပြည့်ဝစွာနေခြင်း - ရေဓာတ်ထိန်းသိမ်းခြင်းဖြင့် သွေးထဲက အညစ်အကြေးတွေ စွန့်ထုတ်ပေးကာ ခန္ဓာကိုယ်အရည် မျှတမှုကို ထိန်းသိမ်းပေးပါတယ်။

▪️ (၂) ဆိုဒီယမ်ထိန်းသိမ်းစားသုံးခြင်း - ဆိုဒီယမ်များလွန်းခြင်းက သွေးဖိအားများစေပြီး ကျောက်ကပ်ကို ထိခိုက်စေပြီး အသင့်စားစာတွေ၊ ဟင်းခတ်အမွှေးကြိုင်တွေ အများအပြား စားသုံးခြင်းကို ရှောင်ရှားသင့်ပါတယ်။

▪️ (၃) မျှတစွာစားသုံးခြင်း - အသီးအနှံ၊ ဟင်းရွက်၊ ဂျုံစပါးမျိုး၊ ပရိုတိန်းတို့ကို မျှတစွာ စားသုံးခြင်းဖြင့် ကျန်းမာရေးကို ထောက်ကူပြီး ကျောက်ကပ်အပေါ် ဝန်ထုပ်ဝန်ပိုးလျော့ကျစေပါတယ်။

▪️ (၄) သွေးတွင်းသကြားဓာတ်ထိန်းပေးခြင်း - သွေးတွင်းသကြားဓာတ် များပြားပါက ကျောက်ကပ်ရောဂါ ဖြစ်လာစေနိုင်သဖြင့် ပုံမှန်စောင့်ကြည့် ထိန်းသိမ်းပေးဖို့ လိုအပ်ပါတယ်။

▪️ (၅) သွေးပေါင်ချိန်ထိန်းပေးခြင်း - သွေးဖိအားများပါက သွေးကြောများကို ထိခိုက်စေကာ အစားအစာ၊ လေ့ကျင့်ခန်း၊ တရားထိုင်ခြင်းတို့ဖြင့် သွေးပေါင်ချိန်ကို ထိန်းသိမ်းနိုင်ပါတယ်။

▪️ (၆) ပုံမှန်လေ့ကျင့်ခန်းပြုလုပ်ခြင်း - ကိုယ်လက်လှုပ်ရှားခြင်းဖြင့် နှလုံးသွေးကြောကျန်းမာရေး တိုးတက်စေပြီး ကိုယ်အလေးချိန်မျှစေကာ ကျောက်ကပ်ရောဂါ ဖြစ်နိုင်ခြေလျော့နည်းစေပါတယ်။

▪️ (၇) အကိုက်အခဲပျောက်ဆေးအလွန်အကျွံ မသုံးခြင်း - NSAID အကိုက်အခဲပျောက်ဆေးများက ကျောက်ကပ်ကို ထိခိုက်စေပြီး လိုအပ်မှသာ ဆေးညွှန်းအတိုင်း သုံးစွဲသင့်ပါတယ်။

▪️ (၈) ဆေးလိပ်ဖြတ်ခြင်း - ဆေးလိပ်သောက်ခြင်းဖြင့် ကျောက်ကပ်သို့ သွေးရောက်ရှိမှု နည်းပါးစေပြီး ကျောက်ကပ်ပြဿနာကို ပိုဆိုးစေပါတယ်။

▪️ (၉) ပုံမှန်စစ်ဆေးမှုပြုလုပ်ခြင်း - စောစီးစွာ ရောဂါတွေ့ရှိပါက စောစောကုသနိုင်သဖြင့် နာတာရှည် မဖြစ်နိုင်တော့ပါဘူး။

#Source: DoctorNDTV

#World_Health
Published 29 July 2024

▪️ ဒီမန်ရှာရောဂါဆိုတာက နေ့စဉ်နေထိုင်သွားလာမှုဘဝကိုပါ နှောင့်ယှက်စေနိုင်လောက်တဲ့အထိ ဦးနှောက်လုပ်ဆောင်ချက်များ ကျဆင်းလာတဲ့ လက္ခဏာအမျိုးမျိုးကို ရည်ညွှန်းပါတယ်။

▪️ ထိုထဲမှာ မှတ်ဉာဏ်ဆုံးရှုံးခြင်း၊ စဉ်းစားတွေးတောခြင်း ပြဿနာဖြေရှင်းခြင်း ပြောဆိုခြင်းတို့မှာ ခက်ခဲလာပြီး စိတ်အခြေအနေနဲ့ အပြုအမူ ပြောင်းလဲခြင်းတွေ ပါဝင်ပါတယ်။

▪️ အသက်အရွယ်နဲ့ မျိုးဗီဇကြောင့်ဖြစ်တဲ့ ဒီမန်ရှာရောဂါ ဖြစ်နိုင်ခြေကို လျှော့မချနိုင်ပေမယ့် အချို့သော နေထိုင်စားသောက်မှုပုံစံ ပြောင်းလဲခြင်းတို့က ရောဂါဖြစ်နိုင်ခြေကို လျှော့ချနိုင်ပါတယ်။

▪️ ဒီမန်ရှာဖြစ်နိုင်ခြေကို လျှော့ချပေးနိုင်တဲ့ စားစရာတွေကို ဖော်ပြလိုက်ပါတယ်။

(၁) အစိမ်းရင့်ရောင်ဟင်းရွက်များ
▪️ ထိုစားစရာတွေမှာ ဗိုက်တာမင်-ကေ၊ အီးနဲ့ ဖောလိတ်၊ ဓာတ်တိုးဆန့်ကျင်ပစ္စည်းများ ပါဝင်ကာ ဦးနှောက်ထဲမှာ ဓာတ်တိုးခြင်းနဲ့ ရောင်ရမ်းခြင်းတို့ကို လျှော့ချပေးပါတယ်။

(၂) ဘယ်ရီသီးများ
▪️ ဘလူးဘယ်ရီ၊ စတော်ဘယ်ရီ၊ ဘလက်ခ်ဘယ်ရီတို့က ဓာတ်တိုးဆန့်ကျင်ပစ္စည်း ကြွယ်ဝပြီး ဦးနှောက်ဆဲလ်များ ထိခိုက်ပျက်စီးခြင်းမှ ကာကွယ်ပေးပါတယ်။

(၃) အခွံမာသီးများ
▪️ ကျန်းမာရေးအတွက် အကျိုးပြုအဆီများ၊ ဓာတ်တိုးဆန့်ကျင်ပစ္စည်းများ၊ ဗိုက်တာမင်-အီးတို့ ကြွယ်ဝကာ ဦးနှောက်ကျန်းမာရေးအတွက် အကျိုးဖြစ်စေပါတယ်။

(၄) အဆီပါသောငါးများ
▪️ ဆော်လ်မွန်၊ ငါးကွမ်းရှပ်၊ ငါးသေတ္တာတို့က အိုမီဂါ-၃ ဖက်တီးအက်ဆစ်များ ကြွယ်ဝပြီး ရောင်ရမ်းခြင်းကို လျှော့ချပေးကာ ဦးနှောက်ကျန်းမာရေးအတွက် အကျိုးရှိစေပါတယ်။

(၅) ဂျုံစပါးမျိုးများ
▪️ အမျှင်ဓာတ်များ၊ ဗိုက်တာမင်များ၊ ဓာတ်တိုးဆန့်ကျင်ပစ္စည်းများ ကြွက်ဝပြီး သွေးတွင်းသကြားဓာတ် ထိန်းသိမ်းပေးပါတယ်။

(၆) သံလွင်ဆီ
▪️ မပြည့်ဝဆီများနဲ့ ဓာတ်တိုးဆန့်ကျင်ပစ္စည်းများ ကြွယ်ဝပြီး ရောင်ရမ်းခြင်းနဲ့ ဓာတ်တိုးခြင်းတို့ကို လျှော့ချပေးပါတယ်။

(၇) နနွင်း
▪️ ကာကူမင်လို့ခေါ်တဲ့ ဒြပ်ပေါင်းပါဝင်ကာ ရောင်ရမ်းခြင်းနဲ့ ဓာတ်တိုးခြင်းတို့ကို ဆန့်ကျင်ပေးပြီး ဦးနှောက်ကို ကာကွယ်ပေးပါတယ်။

(၈) ချောကလက်မည်း
▪️ ဖလေဗိုနွိုက်၊ ကဖင်း၊ ဓာတ်တိုးဆန့်ကျင်ပစ္စည်းများ ပါဝင်ကာ ဦးနှောက်လုပ်ဆောင်ချက်ကို တိုးတက်စေကာ ဦးနှောက်စွမ်းရည် လျော့ကျခြင်းမှ ကာကွယ်ပေးပါတယ်။

(၉) လက်ဖက်စိမ်း
▪️ ဓာတ်တိုးဆန့်ကျင်ပစ္စည်းများက ဦးနှောက်စွမ်းဆောင်ရည် တိုးတက်စေပြီး အာရုံကြောချို့ယွင်းရောဂါများ ဖြစ်နိုင်ခြေ လျော့စေပါတယ်။

#Source: DoctorNDTV

(၂၀၂၃)အတွင်းကမ္ဘာပေါ်၌ လူ(၁၁)ဦးလျှင်တစ်ဦးနှုန်း ငတ်မွတ်ခေါင်းပါးဘေးကြုံတွေ့နေရဟု ကမ္ဘာ့စားနပ်ရိက္ခာဖူလုံရေးတင်ပြချက်တွင်ဖော်ပြထား

ယမန်နှစ်က တင်ပြချက်တစ်ခုအရ ကမ္ဘာတဝှမ်းမှာ လူ ၁၁ ဦးလျှင် ၁ ဦးနှုန်းက ငတ်မွတ်ခေါင်းပါးမှုနဲ့ ရင်ဆိုင်နေရကာ ၂၀၁၉ ခုနှစ် ကပ်ရောဂါမတိုင်ခင်ကာလကထက် သိသိသာသာ များပြားလာပါတယ်။
#World_Crisis
Published 27 July 2024
#ကမ္ဘာ့စားနပ်ရိက္ခာ #ငတ်မွတ်ခေါင်းပါး
#YMG #Yangon_Times #Yangon_Media_Group