#World_Health
Published 19 September 2025

▪️ ကလေးတွေ ဗိုက်ဆာတယ်ပြောရင် မိဘတွေက မုန့်ထုပ်တွေကျွေးလေ့ရှိကြပါတယ်။

▪️ ဒါပေမဲ့ ဒါဟာ ကလေးဘဝတည်းက အဝလွန်ခြင်းနဲ့ သက်ဆိုင်တဲ့ပြဿနာအချို့ ဖြစ်လာနိုင်ပါတယ်။

▪️ မုန့်တွေက ကလေးတွေရဲ့ နေ့စဉ်စားသောက်စရာထဲမှာ ဖြည်းဖြည်းချင်း ပါဝင်ပတ်သက်လာပါတယ်။

▪️ ကလေးစားတဲ့ မုန့်အများစုဟာ အဆင့်ဆင့်ထုပ်ပိုးထုတ်လုပ်ပြီး သကြား၊ ဆား၊ ပြည့်ဝဆီ၊ စွဲလမ်းစေတဲ့အရာများ အများအပြားပါဝင်ပါတယ်။

▪️ မုန့်တွေ၊ အချိုရည်တွေ စားသုံးမှုများခြင်းနဲ့ အဝလွန်ခြင်း၊ ဆီးချို၊ သွေးတိုး၊ ဦးနှောက်အသိဉာဏ် ဖွံ့ဖြိုးမှုပြဿနာများကြား တိုက်ရိုက်ဆက်စပ်နေကြောင်း ဖော်ပြလာကြပါတယ်။

▪️ အစ္စရေးလ်ကျန်းမာရေးဝန်ကြီးဌာန အချက်အလက်များအရ အသက် ၆ နှစ် ၁၁ နှစ်ကြား ကလေး ၃ ပုံ ၁ ပုံလောက်ဟာ အဝလွန်ခြင်း ခံစားနေရတယ်လို့ ဆိုပါတယ်။

▪️ လူကြီးတွေမှာ ဖြစ်တတ်တဲ့ ဆီးချိုအမျိုးအစား(၂)ဟာ ကလေးတွေမှာလည်း အဖြစ်များလာပါတယ်။

▪️ ကလေးတစ်ယောက် မုန့်ကို ပုံမှန်စားတဲ့အခါ ကာဗိုဟိုက်ဒရိတ်မရဘဲ ထုတ်လုပ်တဲ့အဆီတွေသာစားမိပြီး ကိုယ်အလေးချိန် မြင့်တက်လာစေပါတယ်။

▪️ ဒီလိုကလေးဟာ အခြားအစားအစာတွေ မစားလိုတော့ဘဲ မုန့်ကိုပဲ စားချင်နေပါတယ်။

▪️ ယနေ့ခေတ်မှာ ကိုယ်လက်လှုပ်ရှားမှု နည်းလာသလို ဒီဂျစ်တယ်ပစ္စည်းကြည့်ရှုချိန် များလာတဲ့အတွက်လည်း ကလေးတွေမှာ ကျန်းမာရေးနဲ့ မညီညွတ်တော့ပါဘူး။

▪️ မုန့်တွေကို လုံးဝမကျွေးဘဲနေဖို့ကတော့ လက်တွေ့မဆန်တာကြောင့် အကန့်အသတ်ဖြင့် သတ်မှတ်ပေးသင့်ပြီး ကျန်းမာရေးနဲ့ ညီညွတ်တဲ့ ဟင်းရွက်တွေ၊ အသီးအနှံတွေ၊ ပရိုတိန်းတွေကို ဦးစားပေးကျွေးသင့်ပါတယ်။

Source: The Jerusalem Post

‎#World_Health
Published 19 September 2025

▪️ လေ့လာချက်တစ်ခုအရ အိမ်သာထဲ စမတ်ဖုန်းအသုံးပြုသူတွေဟာ လိပ်ခေါင်းဖြစ်နိုင်ခြေ ၅၀ ရာခိုင်နှုန်း ပိုများစေတယ်လို့ တွေ့ရှိထားပါတယ်။

▪️ လူ ၁၂၅ ယောက်ကို အိမ်သာထဲ ဖုန်းယူခိုင်းပြီး ဆန်းစစ်ရာမှာ ၃ ပုံ ၂ ပုံက အိမ်သာတက်ရင်း ဖုန်းအသုံးပြုတယ်လို့ ဝန်ခံခဲ့ပါတယ်။

▪️ ဒီနောက် သူတို့ရဲ့ အိမ်သာတက်တဲ့ အလေ့အကျင့်တွေ၊ ကျန်းမာရေးအခြေအနေ၊ ရုပ်ပိုင်းဆိုင်ရာ လှုပ်ရှားမှုများနဲ့ ပတ်သက်ပြီး မေးခွန်းမေးခဲ့ကြကာ အူမကြီးမှန်ပြောင်းကြည့်ခဲ့ကြပါတယ်။

▪️ သူတို့ထဲက ၃၇ ရာခိုင်နှုန်းက ၅ မိနစ်ကျော်အောင် အိမ်သာထဲထိုင်ခဲ့ကြကာ သူတို့ဟာ ဖုန်းအသုံးပြုခြင်းကြောင့် အိမ်သာတက်ချိန် ကြာမြင့်လာတာကို သတိမထားမိကြပါဘူး။

▪️ ဒီအတွက် ဒီလိုမျိုး အိမ်သာတက်ချိန် ကြာမြင့်သူတွေမှာ လိပ်ခေါင်းဖြစ်နိုင်ခြေ ၄၆ ရာခိုင်နှုန်း ပိုများနေတယ်လို့ တွေ့ခဲ့ကြပါတယ်။

▪️ ဒီလေ့လာချက်ကို အသက် ၄၅ နှစ်နဲ့အထက် လူတွေမှာ ပြုလုပ်ခဲ့တာဖြစ်ပြီး ငယ်ရွယ်သူတွေနဲ့သာ စမ်းသပ်ရင် အိမ်သာတက်ရင်း ဖုန်းမသုံးသူ ရှိမှာမဟုတ်ပါဘူး။

▪️ အိမ်သာတက်ရင်း ဖုန်းအသုံးပြုခြင်းနဲ့ လိပ်ခေါင်းဖြစ်ခြင်းတို့ကြား ဆက်စပ်မှုသေချာအောင် အိမ်သာထဲမှာ ဖုန်းအသုံးမပြုခိုင်းဘဲနဲ့ စမ်းသပ်သွားဦးမှာလည်း ဖြစ်ပါတယ်။

▪️ ဝမ်းသွားရခက်ခဲခြင်းမျိုးက လိပ်ခေါင်းဖြစ်စေတယ်ဆိုတဲ့ အယူအဆကိုတော့ ပယ်ချလိုက်ကာ အိမ်သာထဲ ကြာကြာထိုင်ခြင်းက ပိုပြီးအန္တရာယ်များတယ်လို့ ဖော်ပြထားပါတယ်။

Source: WION.

တရုတ်ထိပ်တန်းလျှပ်စစ်ကားထုတ်လုပ်ရေး BYD က မျိုးဆက်သစ် e-Bus Platform 3.0 နဲ့ C11 မော်ဒယ်တိုကို မိတ်ဆက်လိုက်ကာ အောက်ခံထည်ဘက်ထရီနည်းပညာ‌ ပေါင်းစပ်ထားတဲ့ ဘက်ထရီစနစ်နဲ့အတူ ဒိုမိန်း ၁၀၀၀ ဗိုအားဖြင့် တည်ဆောက်ထားတဲ့ ပထမဆုံးလျှပ်စစ်ဘတ်စ်ကား ဖြစ်လာပါတယ်။

#World_Industry
Published 18 September 2025
#BYD #လျှပ်စစ်ဘတ်စ်ကား
#YMG #Yangon_Times #Yangon_Media_Group

#World_News
Published 18 September 2025

▪️ ပန်ဆယ်ဗေးနီးယားမှာ ဗုဒ္ဓဟူးနေ့က ပစ်ခတ်မှုဖြစ်ပွားခဲ့ရာမှာ ရဲအရာရှိ ၃ ဦးအသက်ဆုံးပါးခဲ့ပြီး ၂ ဦးအပြင်းအထန် ဒဏ်ရာရခဲ့ကာ သေနတ်သမားလည်း ပစ်သတ်ခံလိုက်ရကြောင်း အရာရှိတွေ ထုတ်ဖော်ပြောကြားလိုက်ပါတယ်။

▪️ ပါဝင်ခဲ့တဲ့ အရာရှိတွေက အစောပိုင်းစုံစမ်းရေးတာဝန်တွေရှိနေခဲ့တဲ့ အခင်းဖြစ်ပွားရာနေရာသို့ ပြန်ရောက်လာချိန် ပန်ဆယ်ဗေးနီးယား အရှေ့တောင်ပိုင်း ကိုဒိုရပ်စ်မြို့နယ်မှာ ပစ်ခတ်မှုဖြစ်ပွားခဲ့တာဖြစ်ကြောင်း ပြည်နယ်ရဲမှူးဗိုလ်မှူးကြီး ခရစ္စတိုဖာပဲရစ်က ပြောပါတယ်။

▪️ ရဲအရာရှိတွေဟာ မနေ့ကစတင်ခဲ့တဲ့ စုံစမ်းစစ်ဆေးမှုကို လိုက်ဖို့ရောက်ရှိခဲ့တာဖြစ်ကြောင်း ပြောခဲ့ပြီး အခြေအနေအသေးစိတ်ကိုတော့ မပြောသွားပါဘူး။

▪️ သေနတ်ဒဏ်ရာရခဲ့တဲ့ အရာရှိ ၂ ဦးကို အနီးအနားဆေးရုံသို့ ပို့ဆောင်ခဲ့ကာ အရေးပေါ်အခြေအနေဆိုပေမယ့် အခြေအနေတည်ငြိမ်နေပါတယ်။

▪️ ပစ်ခတ်မှုဖြစ်ပွားချိန်မှာ အရာရှိတွေက ဝရမ်းထုတ်ဖို့လုပ်နေခဲ့တာဖြစ်တယ်လို့ ဒေသတွင်းမီဒီယာတစ်ခုက ဖော်ပြထားပါတယ်။

▪️ တရားခံအကြောင်းကို လူသိရှင်ကြား ထုတ်မပြောထားသလို အရာရှိတွေ ဘယ်ဌာနကလဲဆိုတာလည်း မပြောပါဘူး။

▪️ အုပ်ချုပ်ရေးမှူး ဟို့ရှ်ရှပီရိုက ပန်ဆယ်ဗေးနီးယားရဲ့ အေးချမ်းတည်ငြိမ်ရေးအတွက် စိတ်ပျက်ဖွယ်ရာ သတင်းဖြစ်ပြီး ကျဆုံးသွားသော အရာရှိများကို လေးစားဦးညွတ်ကြောင်း ပြောထားပါတယ်။

▪️ ဆုံးရှုံးသွားရတဲ့ မိသားစုဝင်တွေ အလွန်ကြေကွဲနေမှာကို သိရှိကြောင်း၊ ယူနီဖောင်းဝတ်ပြီး အများပြည်သူ ဘေးကင်းလုံခြုံအောင် ကာကွယ်ပေးနေသူတွေအတွက် ဂုဏ်ယူနေကြမှာဖြစ်ကြောင်း ပြောသွားပါတယ်။

Source: Reuters

#World_Health
Published 18 September 2025

▪️ ဖျော်ရည်သောက်ခြင်းက ကျန်းမာရေးနဲ့ ညီညွတ်တယ်လို့ အများစုယုံကြည်ထားပေမယ့် ဆီးချိုအထူးကု ဒေါက်တာ ဘဂ်ယက်ရှ်ကာလ်ကာနီက ဖျော်ရည်နဲ့ အချိုရည်နှစ်မျိုးစလုံးဟာ သကြားမြင့်မားစွာပါဝင်ပြီး ဘာမှမကွာဘူးလို့ ပြောပါတယ်။

▪️ အိမ်မှာပဲဖျော်ဖျော်၊ အထုပ်ပဲဝယ်ဝယ် သကြားစားမိတာချင်း အတူတူပဲ ဖြစ်ပါတယ်။

▪️ နှစ်မျိုးစလုံးမှာ သကြား ၁၅ ဇွန်း ပါဝင်တာချင်း တူညီတယ်လို့ ဆိုပါတယ်။
ဖျော်ရည်ဗူးတွေမှာ သကြားကြောင့် ၁၀၀ ရာခိုင်နှုန်း ဘေးဥပါတ်ဖြစ်တယ်ဆိုရင် အိမ်မှာဖျော်သောက်တာကတော့ အနည်းငယ် သက်သာတဲ့သဘောပါ။

▪️ အက်စ်တာ CMI ဆေးရုံမှ အက်ဒ်ဝင်နာရာဂျ်ကတော့ ဒေါက်တာ ကာလ်ကာနီနဲ့ အလုံးစုံအမြင်မတူပါဘူး။

▪️ အချိုရည်တွေက သကြားတွေပါဝင်ပြီး ဗိုက်တာမင်တွေ သတ္တုဓာတ်တွေ မပါဝင်ဘဲ သစ်သီးနဲ့လုပ်တဲ့ ဖျော်ရည်တွေကတော့ သဘာဝသကြားနဲ့ ဗိုက်တာမင်၊ သတ္တုဓာတ်များ၊ ဓာတ်တိုးဆန့်ကျင်ပစ္စည်းများ ပါဝင်ကာ ကျန်းမာရေးအတွက် ကောင်းမွန်စေတယ်လို့ ဆိုထားပါတယ်။

▪️ သစ်သီးကို ဖျော်လိုက်တဲ့အခါ သကြားက ခန္ဓာကိုယ်ထဲ လျင်မြန်စွာ စုပ်ယူသွားပြီး သွေးတွင်းသကြားဓာတ် မြင့်တက်စေတာကြောင့် လုံးဝကြီး ဘေးအန္တရာယ်မရှိတာတော့ မဟုတ်ပါဘူး။

▪️ သစ်သီးကို အသီးလိုက်စားသုံးတာက အမျှင်ဓာတ်ရစေပြီး သကြားဓာတ် နှေးကွေးစွာ စုပ်ယူတာကြောင့် ပိုမိုသင့်တော်တယ်လို့ အကြံပြုထားပါတယ်။

▪️ ဖျော်ရည်သောက်မယ်ဆိုရင်တော့ ထုပ်ပိုးပြီးသားကို မရွေးချယ်ဘဲ တစ်နေ့ကို ခွက်အသေးတစ်ခွက်ခန့်ဖြင့် ရေရောသောက်ရင်တော့ သကြားမများစေဘဲ အသီးရဲ့အကျိုးကျေးဇူး ရနိုင်မှာဖြစ်ပါတယ်။

Source: Indian Express

ကာရေဘီယန်အနားမှာ အမေရိကန်စစ်တပ်ဆက်လက်တည်ရှိနေတာကို တုံပြန်တဲ့အနေနဲ့ ဗင်နီဇွဲလားက နိုင်ငံအနှံအပြား ပြည်သူ့စစ်လေ့ကျင့်ရေးအစီအစဉ် အကျယ်တဝင့် စတင်ပြုလုပ်နေကာ အရပ်သားသင်တန်းသားများအတွက် အခြေစိုက်စခန်း ၃၀၀ ကျော်ဖွင့်လှစ်ထားပါတယ်။

#World_Military
Published 17 September 2025
#ဗင်နီဇွဲလား #ကာရေဘီယန်
#YMG #Yangon_Times #Yangon_Media_Group