မိုးရွာသွန်းမှုတွေရှိနေတာကြောင့် ယခုလအစောပိုင်းက တိုင်းဒေသကြီးနဲ့ပြည်နယ်အချို့မှာ မြစ်ရေမြင့်တက်

ရန်ကုန်တိုင်းဒေသကြီးအပါအဝင် အခြားပြည်နယ်နှင့်တိုင်းအချို့တွင် (၁၁) ရက်ခန့် ရွာသွန်းမြဲထက် မိုးထစ်ချုံးရွာမည်
Yangon_Times/MY
#Local_News
#Published_ 21 August 2023
#YMG #Yangon_Times

Published_ 21 August 2023

ရိုးမဘဏ်မှ သင်္ဘောသားများအား အပေါင်မဲ့ အသေးဆုံးချေးငွေကို၁၅ သိန်းမှ သိန်း(၁၀၀)ထိ ချေးပေးသွား မည်ဖြစ်ကြောင်း မြန်မာနိုင်ငံပင်လယ်ကူး သင်္ဘောကူးအလုပ်သမားအဖွဲ့ချုပ်(MSF) က သိရသည်။

အဆိုပါချေးငွေအတွက် တစ်နှစ်လျှင် အတိုးနှုန်း ၁၄ ဒသမ ၅ ရာခိုင်နှုန်း ဖြစ်ကြောင်း၊ ယင်းကြောင့် တစ်လလျှင် ခန့်မှန်းအတိုးနှုန်း ၁ ဒသမ ၂ ရာခိုင်နှုန်းဖြင့် လစဉ်အတိုးအရင်းပြန်ဆပ်ရမည်ဖြစ်ကြောင်းလည်းသိရသည်။

ချေးငွေပြန်ဆပ်ရမည့်ကာလမှာ အနည်းဆုံး ၆လမှ အများဆုံး ၁၂လအထိ ရွေးချယ်ပေးဆပ်နိုင်မည်ဖြစ် ကြောင်း?ချေးငွေရယူရန်အတွက် တင်ပြရမည့် စာရွက်စာတမ်းများနှင့် ပုံစံများကို လာမည့်ရက်ပိုင်းအတွင်း အဖွဲ့ချုပ်ရုံးတည်ရှိရာ အမှတ်-၅၃၊ ၃၇ လမ်း၊ ကျောက်တံတားမြို့နယ်တွင် စုံစမ်းနိုင်ကြောင်း လည်း သိရသည်။
#Yangon-Times/PP
#Local_News
#YMG #Yangon_Times

Published_ 21 August 2023

အကောင်းဆုံးကြိုးစားခဲ့သော်လည်းပရိတ်သတ်လိုချင်သည့် ရလဒ်မရခဲ့ခြင်းကြောင့် တောင်းပန်ကြောင်း ထွန်းထွန်းမင်း က ယနေ့တွင် သူ၏ပရိတ်သတ်အား  ပြောကြားသည်။

"ပြိုင်ပွဲအကောင်းဆုံးကြိုးစားတာရဲ့ရလဒ်မှာအနိုင်မရခဲ့တဲ့အတွက် SORRY ပါ။ပရိတ်တတ်တွေလိုချင်တဲ့ရ လဒ်ကိုအနိုင်မကစားပေးနိုင်တဲ့အတွက် Sorry ပါ"ဟု  သူ၏လူမှုကွန်ရက် ကတစ်ဆင့် တောင်းပန်စကားဆို ထားခြင်းဖြစ်သည်။

မြန်မာ့ရိုးရာလက်ဝှေ့ ကမ္ဘာ့ချန်ပီယံရှစ်ပြိုင်ပွဲကို ယမန်နေ့ ဩဂုတ်လ (၂၀)ရက်က ရန်ကုန်မြို့ ၊ သိမ်ဖြူအားကစားရုံတွင် ပြုလုပ်ခဲ့ကြပြီး၊ စုစုပေါင်း စိန်ခေါ်ယှဉ်ပြိုင်သူ တွဲဆိုင်း (၆)ဆိုင်း ထိုးသတ်ခဲ့ကြခြင်းဖြစ်သည်။

အဆိုပါပြိုင်ပွဲတွင် တွဲဆိုင်း (၆) ဆိုင်း ကစားကြရာ တွဲဆိုင်းလေးဆိုင်း သရေကျခဲ့ပြီး၊ တွဲဆိုင်း (၂) ဆိုင်းကသာ အနိုင်အရှုံးပေါ်ထွက်ခဲ့သည်။

စိန်ခေါ်ပွဲတွင် ပထမတွဲဆိုင်းဖြစ်သည့် ထွန်းထွန်းမင်းနှင့် သွေးသစ်ဝင်းလှိုင်တို့ ငါးချီအပြည့်ယှဉ်ပြိုင် ထိုးသတ်ခဲ့ကြသော်လည်း  ပူးတွဲသရေ ရရှိခဲ့ပြီး၊ ဒုတိယတွဲဆိုင်းဖြစ်သည့် ထွန်းမင်းအောင်နှင့် ဂျပန်နိုင်ငံသား တိုခဲရှီတို့ ပွဲစဉ်တွင်လည်း ပူးတွဲသရေ ရရှိခဲ့ခြင်းဖြစ်သည်။

ထို့အပြင် တတိယတွဲဆိုင်းဖြစ်သည့် ကျော်စွာဝင်းနှင့် ထိုင်းနိုင်ငံသား မွေထိုင်းဖိုက်တာ အာဝသန်တို့၏ ပွဲစဉ်၊ ဟံသာဝတီ နှင့် စီတိုး တို့၏ပွဲစဉ်သည်လည်း အနိုင်မရှုံးမပေါ်ဘဲ ပူတွဲသရေရရှိခဲ့သည်။

တိုင်းကျော် နှင့် ဝူသော်ဒိုး ပွဲစဉ်တွင် တိုင်းကျော်က အလဲထိုးဖြင့် အနိုင်ရရှိခဲ့ပြီး၊စိန်လုံးချောနှင့် မိုးထက်အောင်တို့ ပွဲစဉ်တွင်လည်း မိုးထက်အောင်က အလဲထိုးဖြင့်အနိုင်ရရှိခြင်းဖြစ်သည်။
Yangon_Times/my
#Local_News
#YMG #Yngon_Times

Published_ 21 August 2023

ငွေကျပ် ၂ ဒသမ ၉၅ ဘီလီယံကျော်တန်ဖိုးရှိ မူးယစ်ဆေးဝါးများနှင့် ထိန်းချုပ်ဓာတုပစ္စည်းများ မန္တလေးတွင် သြဂုတ်လ ၁၇ ရက်က ဖမ်းမိခဲ့ကြောင်း မြန်မာနိုင်ငံရဲတပ်ဖွဲ့က သိရသည်။

မန္တလေးတိုင်းဒေသကြီး၊ ချမ်းမြသာစည်မြို့နယ်၊ ထွန်တုံးရပ်ကွက်၊ ၅၂ လမ်းနှင့် ၁၁၁ စီ လမ်းထောင့်ရှိ ဇော်မိုးလွင် (ခ) လာရွတ်ဆန်ငှာ၏ နေအိမ်ကို သတင်းအရရှာဖွေစဉ် နေအိမ်မှ အိုက်စ်(မက်သ်အဖက်တမင်း) ၄၇ ကီလို၊ ဘိန်းဖြူ ၁၂၀ ဂရမ်နှင့် တရားမဝင်သိုလှောင်ထားသည့် ထိန်းချုပ်ဓာတုပစ္စည်း ကဖင်း ၂ တန် သိမ်းဆည်းရမိခဲ့ခြင်း ဖြစ်ကြောင်း သိရသည်။

သိမ်းဆည်းရမိ မူးယစ်ဆေးဝါးများနှင့် ထိန်းချုပ်ဓာတုပစ္စည်းများပိုင်ရှင် အောင်သူအား ပြင်ဦးလွင်မြို့၊ ရပ်ကွက်ကြီး(၁၉)ရှိ ၎င်း၏နေအိမ်တွင်လည်းကောင်း၊ ချမ်းအေး သာစံမြို့နယ်၊ စိတ္တရမဟီရပ်ကွက်၊ ၇၆ လမ်းနှင့် ၂၇ အေ လမ်းထောင့်ရှိ နန္ဒကို (ခ) နန္ဒ၏ နေအိမ်ကိုရှာဖွေရာ ယင်းကို စိတ်ကြွရူးသွပ်ဆေးပြား ၉ ဒသမ ၆၁၂ သိန်း၊ ဘိန်းဖြူ ၂၇၀ ဂရမ်နှင့်လည်းကောင်း ဖမ်းဆီးရမိခဲ့ကြောင်းသိရသည်။

သိမ်းဆည်းရမိသော ပစ္စည်းများမှာ အိုက်စ်(မက်သ်အဖက်တမင်း) ၄၇ ကီလို၊ ဘိန်းဖြူ ၃၉၀ ဂရမ်၊ စိတ်ကြွရူး သွပ်ဆေးပြား ၉ ဒသမ ၆၁၂ သိန်းနှင့် ထိန်းချုပ်ဓာတုပစ္စည်း ကဖင်း ၂ တန် တို့ ဖြစ်ကြောင်း သိရသည်။

ယခုအခါ ၎င်းတို့ ၃ ဦးအား ဥပဒေအရအရေးယူထားရှိပြီး ကွင်းဆက်ပြစ်မှု ကျူးလွန်သူများကိုလည်း စုံစမ်း ဖော်ထုတ်လျက်ရှိကြောင်း ၊ ယင်းအပြင် အမှုတွင် ဆက်စပ်ပါဝင်သူများ၏ ငွေကြေးအကျိုးအမြတ်များနှင့် ပိုင်ဆိုင်မှုများကို ငွေကြေးခဝါချမှု တိုက်ဖျက်ရေးဥပဒေအရ ဆက်လက်အရေးယူသွားမည်ဖြစ်ကြောင်း သိရသည်။
Yangon_Times/PP
#Local_News
#YMG #Yangon_Times

Published_ 21 August 2023

  ၂၀၂၅ ခုနှစ်တွင် ထိုင်းနိုင်ငံ၌ကျင်းပပြုလုပ်မည့် အရှေ့တောင်အာရှ အားကစား ပြိုင်ပွဲတွင်ဝင်ရောက် ယှဉ်ပြိုင်နိုင်စေရေးရည်ရွယ်၍ နေပြည်တော်မှာ၌ (၅၀) ကီလိုမီတာ ခရီးရှည်မြင်းစီးပြိုင်ပွဲတွင် မြင်းနှင့်အားကစားသမား ၂၃ တွဲ ယှဉ်ပြိုင်ခဲ့ပြီး ၁၄ တွဲ အရည်အချင်းစစ်အောင်မြင်ခဲ့ကြောင်း သိရပါတယ်။

  မြန်မာနိုင်ငံမြင်းစီးအားကစားအဖွဲ့ချုပ်မှ ကြီမှူး၍ FEI One Star Endurance Qualification Round 1 (၅၀ ကီလိုမီတာခရီးရှည်ပြိုင်ပွဲ) အရည်အချင်းစစ် မြင်းစီး ပြိုင်ပွဲကို ဩဂုတ် ၂၀ ရက် နံနက်(၆)နာရီတွင် ဥတ္တရသီရိမြို့နယ် မြင်းစီးအားကစား ကွင်း၌ ကျင်းပခဲ့တာ ဖြစ်ပါတယ်။

   ဦးစွာ အားကစားနှင့်လူငယ်ရေးရာဝန်ကြီးဌာနဝန်ကြီး ဦးမင်းသိန်းဇံက (၅၀ ကီလိုမီတာ ခရီးရှည်ပြိုင်ပွဲ) အရည်အချင်းစစ် မြင်းစီးပြိုင်ပွဲကို တာလွတ်၍ စတင်ယှဉ်ပြိုင် ခဲ့ကြရာ မြင်းစီးအားကစားသမားများက (၂၅) ကီလိုမီတာ ယှဉ်ပြိုင်စီးနင်း၍ ပထမ အကျော့ပန်းဝင်ခဲ့ကြပြီး သတ်မှတ်ထားတဲ့ Water point နေရာများတွင် မြင်း၏ ခံနိုင်ရည်အားနှင့် နှလုံးခုန်နှုန်းအား စစ်ဆေးခဲ့ကြပြီးနောက် ဒုတိယအကျော့ တာလွတ်၍ (၂၅) ကီလိုမီတာ ထပ်မံယှဉ်ပြိုင်စီးနင်းခဲ့ကြပါတယ်။

   မြင်းစီးပြိုင်ပွဲတွင် MEIkTILA RIDING CLUB, MO RIDING CLUB, NAY PYI TAW RIDING CLUB, YECC RIDING CLUB, တို့မှ ပြိုင်ပွဲဝင် အားကစားသမားအတွဲ(၂၃)တွဲ ဝင်ရောက်ယှဉ်ပြိုင်ခဲ့ကြပြီး အရည်အချင်းစစ် မြင်းစီးပြိုင်ပွဲတွင် အောင်မြင်ခဲ့သည့် မြင်းနှင့် အားကစားသမားအတွဲ (၁၄)တွဲတို့ကို တာဝန်ရှိသူများက အောင်လက်မှတ်များ ပေးအပ်ချီးမြှင့်ခဲ့ကြပါတယ်။

   မြန်မာနိုင်ငံမြင်းစီးအားကစားအဖွဲ့ချုပ်အနေဖြင့် မြင်းနှင့်အားကစားသမားများအား One Star အဆင့် ရရှိစေရေးအတွက် ခရီးရှည်မြင်းစီးပြိုင်ပွဲကို ယခုပြိုင်ပွဲ အပါအဝင် (၄)ကြိမ်ထပ်မံကျင်းပ ပြုလုပ်သွားမည် ဖြစ်ကြောင်းသတင်းရရှိပါတယ်။
ygm_mnn
#Yangon_Times
#Local_News
#ခရီးရှည်မြင်းစီးပြိုင်ပွဲ #အားကစားသမားများ #မြန်မာနိုင်ငံမြင်းစီးအားကစားအဖွဲ့ချုပ် #(၅၀) ကီလိုမီတာခရီးရှည်မြင်းစီးပြိုင်ပွဲ
#Yangon_Media_Group

ယခုနှစ်ပြုလုပ်တဲ့ ဘောလုံးရာသီ မြန်မာအမျိုးသမီးလိဂ်ပွဲစဉ်မှာ အသင်းခြောက်သင်းဝင်ရောက်ယှဉ်ပြိုင်

မြဝတီအမျိုးသမီးအသင်းက နှစ်ဂိုးသွင်းယူအနိုင်ရရှိ
Yangon_Times/MY
#Local_News
#Published_ 21 August 2023
#YMG #Yangon_Times

ရန်ကုန်မြို့ ဒဂုံမြိုသစ်မြောက်ပိုင်းမြိုနယ်ရှိ ပြည်ပအလုပ်သမားသင်တန်းကျောင်းတစ်ခုတည်းသာ ဖွင့်လှစ်သင်ကြားပေးနေ

ပြည်ပကို သွားရောက်လုပ်ကိုင်မည့် လုပ်သားများ မဖြစ်မနေတက်ရောက်ရမည့် သင်တန်းဖြစ်။
ရန်ကုန်မြို့ ဒဂုံမြိုသစ်မြောက်ပိုင်းမြိုနယ်ရှိ ပြည်ပအလုပ်သမားသင်တန်းကျောင်းတစ်ခုတည်းသာ ဖွင့်လှစ်သင်ကြားပေးနေ
Yangon_Times/tthl
#Local_News
#Published_ 21 August 2023
#YMG #Yangon_Times

ထင်ရှားကျော်ကြားသူတို့၏ အသိဉာဏ်ဗဟုသုတဖြစ်ဖွယ်ရာ မှတ်ဖွယ်စကားများကို စုစည်း တင်ပြပေးလိုက်ပါသည်။

ဝါကျွတ်ချိန် အလှူပွဲအတွက် ဆင်ချိုးရွှေချည်ထိုးများ မှာယူမှုများလာ

‘ဝါကျွတ်ချိန်နီးလာလို့ ဆင်ချိုးရွှေချည်ထိုးတွေ ရောင်းအားတက်လာတယ်။ အခုရက်ပိုင်းအတွင်းပျဉ်းမနားမြို့နယ်က အလှူပွဲ၊မင်္ဂလာပွဲတွေ၊အခမ်းအနားတွေအတွက် ဆင်ချိုးရွှေချည်ထိုးတွေအော်ဒါတွေ စတင်မှာယူလာကြတယ်’ ရွှေအိုးဆင်ချိုးရွှေချည်ထိုးလုပ်ငန်းပိုင်ရှင်
Yangon_Times/tthl
#Local_News
#Published_ 21 August 2023
#YMG #Yangon_Times

Published_ 21 August 2023

ယူနန်-မြန်မာ စီးပွားရေးလမ်းကြောင်းဆိုင်ရာ ပူးပေါင်းဆောင်ရွက်မှုများမှသည် နှစ်နိုင်ငံအတွက် အကျိုးကျေးဇူးများစွာရရှိနေကြောင်း (၇) ကြိမ်မြောက် တရုတ်-တောင်အာရှကုန်စည်ပြပွဲနှင့် (၂၇) ကြိမ်မြောက် တရုတ်(ကူမင်း) ပို့ကုန်/သွင်းကုန် ကုန်စည်ပြပွဲဆက်စပ်အစည်းအဝေးများ၌ မြန်မာကောင်စစ်ဝန်ချုပ်ရုံး၊ ကူမင်းမြို့မှ ကောင်စစ်ဝန်ချုပ် ဦးသော်တာအောင်က ပြောကြားခဲ့ပါတယ်။

ထို့ပြင် နှစ်နိုင်ငံ ပူးပေါင်းဆောင်ရွက်ရေးဇုန်များ၏ အခြေခံစက်မှုဖွံ့ဖြိုး တိုးတက်မှု နှင့် လုပ်ဆောင်မှုများမှတဆင့် ပို့ကုန်လုပ်ငန်းများ အရည်အသွေးမြင့် တိုးတက်လာစေရန် အကူညီပေးမှုများကို ကျေးဇူးတင်တယ်လို့ ဆိုပါတယ်။

ကောင်စစ်ဝန်ချုပ်က ယူနန်ပြည်နယ်သည် တရုတ်-မြန်မာ ကုန်သွယ်ရေးမြှင့်တင်မှု ကဏ္ဍတွင် လွန်စွာအချက်အချာကျသည့် နေရာဖြစ်ပြီး၊ မြန်မာနိုင်ငံ၏ စိုက်ပျိုးရေး၊ စက်မှုနှင့် လျှပ်စစ်ထုတ်လုပ်ရေးကဏ္ဍများတွင်လည်း ပိုမိုလာရောက် ရင်းနှီးမြှုပ်နှံမှု ပြုလုပ်ပါရန် ဖိတ်ခေါ်တယ်လို့ ဆိုပါတယ်။

တရုတ်-မြန်မာ နှစ်နိုင်ငံ ပေါက်ဖော်ချစ်ကြည်ရင်းနှီးမှုကို အခြေခံကာ နယ်စပ် ကုန်သွယ်ရေး လုပ်ငန်းဆိုင်ရာများကိုလည်း ပူးပေါင်းဆောင်ရွက်သွားမယ်လို့ ဆိုပါတယ်။

ကောင်စစ်ဝန်ချုပ်သည် ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီး ဒေါက်တာကံဇော်၊ တရုတ်နိုင်ငံ၊ အာဆီယံနှင့် တောင်အာရှနိုင်ငံများမှ ကိုယ်စားလှယ်အဖွဲ့ ခေါင်းဆောင်များနှင့်အတူတက်ရောက်၍ မိန့်ခွန်းပြောကြားခဲ့တာ ဖြစ်ပါတယ်။
ygm_mnn
#local_news
#တရုတ်-မြန်မာ #စီးပွားရေးလမ်းကြောင်း #မြန်မာကောင်စစ်ဝန်ချုပ် #ကိုယ်စားလှယ်အဖွဲ့ ခေါင်းဆောင်များ #နိုင်ငံခြားစီးပွားဆက်သွယ်ရေးဝန်ကြီး #ပူးပေါင်းဆောင်ရွက်
#YMG #Yangon_Times

Published_ 21 August 2023

တောင်ကိုရီးယားနဲ့ ဂျပန်တို့ နှစ်စဉ်စစ်ရေးလေ့ကျင့်မှုများ စတင်ပြုလုပ်လာကြရာ မြောက်ကိုရီးယားက ဒါကို စစ်ပွဲအတွက် ကြိုတင်လေ့ကျင့်နေတယ်လို့ ထင်မြင်နေပြီး ခေါင်းဆောင်'ကင်မ်ဂျုံအန်း'က ဗျူဟာမြောက် ပဲ့ထိန်းဒုံးကျည်စမ်းသပ်မှုကို ကြီးကြပ်ခဲ့ကြောင်း နိုင်ငံပိုင်မီဒီယာ KCNA က သောကြာနေ့က ဖော်ပြလိုက်ပါတယ်။

ကင်မ်ဂျုံအန်းက အရှေ့ကမ်းရိုးတန်းရှိ ရေတပ်စခန်းသို့ သွားရောက်ကာ စစ်သင်္ဘောပေါ်မှ စမ်းသပ်မှုကို လေ့လာကြီးကြပ်ခဲ့တာ ဖြစ်ပါတယ်။

ဒီစမ်းသပ်ပစ်လွှတ်မှုက စစ်သင်္ဘောရဲ့ တိုက်ခိုက်စွမ်းရည်၊ ယင်းရဲ့ဒုံးကျည်စနစ်တို့ကို စစ်ဆေးချင်တာဖြစ်သလို တကယ့်စစ်ပွဲမှာ သင်္ဘောသားတွေရဲ့ လုပ်ကိုင်နိုင်စွမ်း တိုးတက်လာစေရန် ရည်ရွယ်ပါတယ်။

သင်္ဘောက လှုပ်ရှညးနိုင်စွမ်း မြင့်မားခြင်း၊ ပစ်ခတ်နိုင်စွမ်းမြင့်မားခြင်း၊ အခြေအနေ အချိန်အခါအလိုက် ပြောင်းလဲတိုက်ခိုက်နိုင်ခြင်းနဲ့ အမြဲတမ်း အသင့်ရှိနေကြောင်း ပြောကြားသွားပါတယ်။

တောင်ကိုရီးယားနဲ့ ဂျပန်တို့က မြောက်ကိုရီးယားရဲ့ တိုးတက်ပြောင်းလဲလာတဲ့ နျူကလီးယားနဲ့ ဒုံးကျည်ခြိမ်းခြောက်မှုတွေကို တုန့်ပြန်ရန်ရည်ရွယ်ကာ တနင်္လာနေ့ကစပြီး အူလ်ချီဖရီးဒမ်းရှီးလ်ဆမ်းမား စစ်ရေးလေ့ကျင့်မှုများကို စတင်ပြုလုပ်နေတာဖြစ်ပါတယ်။

ယင်းမဟာမိတ်တွေရဲ့ စစ်ရေးလေ့ကျင့်မှုက နျူကလီးယားစစ်ပွဲအတွက် လေ့ကျင့်နေတာဖြစ်တယ်လို့ မြောက်ကိုရီးယားက ရှုံ့ချထားပါတယ်။

တောင်ကိုရီးယားဘက်မှ ပြောကြားရာမှာ ယခုနှစ်လေ့ကျင့်မှုက အကျယ်ပြန့်ဆုံးဖြစ်ကာ နှစ်နိုင်ငံစလုံးမှ စစ်သည်သောင်းချီအပြင် ကုလသမဂ္ဂကွပ်ကဲမှုအောက်မှ အချို့နိုင်ငံများလည်း ပါဝင်ပါတယ်။

မြောက်ကိုရီးယားဟာ ၂၀၂၁ ကတည်းက ဗျူဟာမြောက် ပဲ့ထိန်းဒုံးကျည်များကို စဉ်ဆက်မပြတ် စမ်းသပ်နေပြီး ထိုဒုံးကျည်တွေမှာ နျူကလီးယားဗုံး တပ်ဆင်ထားတယ်လို့ သုံးသပ်သူများက ဆိုပါတယ်။

ကင်မ်ဂျုံအန်းက ရေပြင်နဲ့ရေအောက် တိုက်ခိုက်ရေးနဲ့ ခုခံရေးများ တိုးတက်လာစေရန် ကတိပြုလိုက်ပါတယ်။

ရေတပ်အနေနဲ့ အဆက်မပြတ် လှုပ်ရှားနေရန် လိုအပ်ပြီး တကယ့်စစ်ပွဲအတွက် စွမ်းရည်တိုးတက်နေစေရန် လိုအပ်ကြောင်း၊ ဒါမှသာ အရေးမသာတဲ့ အခြေအနေတွေမှာ တိုက်ခိုက်မှုတွေကို စွမ်းဆောင်နိုင်မှာ ဖြစ်ကြောင်း ကင်မ်ဂျုံအန်းက ပြောကြားသွားပါတယ်။
Source: Reuters
#World_News
#ကင်မ်ဂျုံအန်း #နျူကလီးယားစစ်ပွဲ #တောင်ကိုရီးယား-အမေရိကန်ပူးတွဲစစ်ရေးလေ့ကျင့်မှုစတင် #ဒုံးကျည်စမ်းသပ်မှုများ
#YMG #Yangon_Times

Published_ 21 August 2023

ပြည်တွင်းတွင်ဆီထွက်နှုန်းတိုးစေရန်အတွက် ပြည်တွင်းဆီစက်များကို အဆင့်မီဆီစက်များတိုးချဲ့ တပ်ဆင်နိုင်ရန်အတွက် ဆီစက်ချေးငွေများပေးနိုင်ရန်စီစဉ်ဆောင်ရွက်လျက်ရှိကြောင်း သိရသည်။

ယင်းကဲ့သို့ဆောင်ရွက်ရန်ရှိသည့်အကြောင်းကို မြန်မာနိုင်ငံဆီစက်ပိုင်ရှင်များအသင်း၏ စတုတ္ထအကြိမ်မြောက် အသင်းသားစုံညီ နှစ်ပတ်လည်အစည်းအဝေးကိုတက်ရောက်ခဲ့သည့် စက်မှုဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်းကထည့်သွင်းပြောကြားခဲ့ခြင်းဖြစ်သည်။

ပြည်ထောင်စုဝန်ကြီးက ‘ဆီထွက်သီးနှံ စိုက်ပျိုးရေးလုပ်ငန်းများမှ ထွက်ကုန်များကို အခြေခံပြီး တန်ဖိုးမြှင့် ထုတ်လုပ်သည့် Supply Chain တစ်လျှောက်တွင်ရှိသောလုပ်ငန်းများ ဖွံ့ဖြိုးတိုးတက်ရေးအတွက် လိုအပ်သော စိုက်ပျိုး စရိတ်ချေးငွေ၊ မျိုးစေ့၊ မြေဩဇာနှင့် ရေစသည့် သွင်းအားစုများ အချိန်မီရရှိနိုင်ရန် “စားသုံးဆီ ဖူလုံရေးအတွက် ဆီထွက်သီးနှံများတိုးချဲ့ စိုက်ပျိုးရေးကော်မတီ” က ဦးဆောင်၍ ဆောင်ရွက်ပေးလျက်ရှိကြောင်း၊ အရည်အသွေးကောင်းမွန်သော ဆီများထုတ်လုပ်နိုင်ရန် အဆင့်မီဆီစက်များလိုအပ်နေသည့်အတွက် ပြည်တွင်းဆီစက်များကို အဆင့်မီဆီစက်များ တိုးချဲ့တပ်ဆင်ခြင်း၊ အသစ်များထပ်မံတည်ဆောက်ခြင်းနှင့် လက်ရှိဆီစက်များ အဆင့်မြှင့် တင်ခြင်းတို့ဆောင်ရွက်ရန် ငွေကြေးအရင်းအနှီး ပံ့ပိုးပေးနိုင်ရေးအတွက် “ဆီစက်ချေးငွေ စီမံခန့်ခွဲမှုလုပ်ငန်းအဖွဲ့”မှ ဆောင်ရွက်လျက်ရှိကြောင်း’ပြောကြားခဲ့သည်။

ယင်းအပြင် ပြည်တွင်းစားသုံးဆီကို အရည်အသွေး မြှင့်ထုတ်လုပ်နိုင်ရန် ဆီထုတ်လုပ်သည့် လုပ်ငန်းစဉ်များတွင် ဆီသန့်စင်သည့် နည်းပညာများ လိုအပ်နေသည့်အတွက် ဆီလုပ်ငန်းရှင်များ၊ ပညာရှင်များနှင့် ဆွေးနွေးပွဲ များပြုလုပ်ပြီး ကူညီပံ့ပိုးပေးနိုင်ရေးဆောင်ရွက်လျက်ရှိကြောင်း၊ ဆီစက်လုပ်ငန်းရှင်များအနေဖြင့် မိရိုးဖလာ လုပ်ကိုင်နေသော ထုတ်လုပ်မှုပုံစံမှ ခေတ်မီဆီသန့်စင်နည်းပညာများအသုံးပြုပြီး ကျန်းမာရေးနှင့် ညီညွတ်သည့် အရည်အသွေးမြင့်ဆီများကို ထုတ်လုပ်ရောင်းချခြင်းဖြင့် လုပ်ငန်းများ ရေရှည်ဖွံ့ဖြိုးတိုးတက်ပါစေကြောင်း ပြောကြားသည်။
Yangon_Time/tthl
#Local_News
#YMG #Yangon_Times