တရုတ်မြောက်ပိုင်း တီယန်ကျင်မြူနီစီပယ်ဒေသမှာ တပ်ဆင်တဲ့လေယာဉ်တစ်စင်းကို အဲယားဘတ်စ်က ဥရောပမှမှာယူသူထံသို အင်္ဂါနေ့က ပထမဆုံးအကြိမ်ပိုဆောင်ခဲ့ပါတယ်။
#World_News
#Published_ 30 June 2023
#YMG #Yangon_Times

#Daily_News
Published_ 30 June 2023

၁။ ရုရှားနှင့် တိုက်ရိုက်လေကြောင်းလိုင်းပြေးဆွဲတော့မည်ဖြစ်၍ လာမည့်ခရီးသွားရာသီတွင် ရုရှားခရီးသွားများ ပိုများလာနိုင်

၂။ သုခဒဂုံ ပြည်သူ့အငှားအိမ်ရာတွင် အမှန်တကယ် နေထိုင်ရေး အခက်အခဲရှိပြည်သူများ၊ အငြိမ်းစား ဝန်ထမ်းများနှင့် နိုင်ငံ့ဝန်ထမ်းများကို (၅)နစ်ကြာ ငှားရမ်းနေထိုင်ခွင့် ပြုသွားမည်

၃။ ရန်ကုန်-မန္တလေးမှ တရုတ်နိုင်ငံမန်စီမြိုသို့ လေကြောင်းခရီးဖြင့် အပတ်စဉ်သွားနိုင်ပြီ

၄။ တရုတ်နိုင်ငံတွင်ထုတ်လုပ်သည့် အဲယားဘတ်စ်လေယာဉ်အား ဥရောပတစ်သို့ ပထမဆုံးအကြိမ်ပို့ဆောင် .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Time #Daily_News #YMG

ရန်ကုန်-မန္တလေး-မန်စီတိုက်ရိုက်လေကြောင်းလိုင်းပြေးဆွဲ

‘ရန်ကုန်-မန္တလေး-မန်စီခရီးစဉ်သစ် ပျံသန်းပြေးဆွဲမှုဟာမြန်မာနိုင်ငံနဲ့ တဲဟုန်ပြည်နယ်ခွဲအကြားစီးပွားရေး၊ ကုန်သွယ်မှု၊ ခရီးသွားလာရေး၊ ယဉ်ကျေးမှုဖလှယ်ရေးစတဲ့ ကဏ္ဍတွေမှာ ပိုမိုနက်ရှိင်းစွာပူးပေါင်းဆောင်ရွက်နိုင်မှာဖြစ်ပါတယ်၊ အပတ်စဉ် အင်္ဂါနေ့၊ကြာသပတေးနေ့နဲ့စနေနေ့တွေမှာပြေးဆွဲသွားမယ်’(နိုင်ငံခြားရေးဝန်ကြီးဌာန)
Yangon Times/tthl
#Local_News
#Published_ 30 June 2023
#YMG #Yangon_Times

သုခဒဂုံ ပြည်သူ့အငှားအိမ်ရာတွင် အမှန်တကယ် နေထိုင်ရေးအခက်အခဲရှိပြည်သူများ၊ အငြိမ်းစားဝန်ထမ်းများနှင့်
နိုင်ငံ့ဝန်ထမ်းများကို (၅)နစ်ကြာ ငှားရမ်းနေထိုင်ခွင့် ပြုသွားမည်

ဌားရမ်းခွင့် ရရှိသူများအနေနဲ့ ကနဉီး ငှားရမ်းခ သုံးလစာ ပေးသွင်းသွားရမည်
Yangon Times/my
#Local_News
#Published_ 30 June 2023
#YMG #Yangon_Times

တိုက်ရိုက်လေကြောင်းလိုင်း ရှိလာမည်ဖြစ်၍ ရုရှားခရီးသွားများ တိုးလာနိုင်

‘ပြီးခဲ့တဲ့နှစ်တွေက ရုရှားခရီးသွားတွေကို ဗီဇာFreeပေးခဲ့ပေမယ့် တိုက်ရိုက်လေကြောင်းပြေးဆွဲမှုမရှိသေးတဲ့အတွက် ခရီးသည်တွေကထင်သလောက်မတက်လာခဲ့ဘူး။ဒီနှစ်မှာတော့တိုက်ရိုက်လေကြောင်းလိုင်းပြေးဆွဲမှုတွေရှိလာတော့မှာဖြစ်လို ရုရှားခရီးသွားဝင်ရောက်မှုတိုးလာနိုင်ခြေရှိတယ်’ဦးနောင်းနောင်းဟန်(မြန်မာနိုင်ငံခရီးသွားလုပ်ငန်းရှင်များအသင်းဥက္ကဌ)
Yangon_Time/tthl
#Local_News
#Published_ 30 June 2023
#YMG #Yangon_Times

ယာဉ်စည်းကမ်းမလိုက်နာသည့် YBS ယာဉ်များကို မှတ်တိုင်များရှိ စစ်ဆေးရေးအဖွဲက ဓာတ်ပုံမှတ်တမ်းဖြင့် စောင့်ကြည့် အရေးယူမည်

စည်းကမ်းဖောက်ဖျက်တဲ့ ယာဉ်မောင်း (၁၀၀) ဉီးကို ခေါ်ယူပြီး အသိပညာပေး
Yangon Times/myn
#Local_News
#Published_ 30 June 2023
#YMG #Yangon_Times

၅၂ ကြိမ်မြောက်အောင်ဘာလေထီ ဆုချီးမြှင့်ပွဲမှာ ၇၀ ရာခိုင်နှုန်းဖြစ်တဲ့ကျပ်သန်း(၃၆၂၃ဒဿမ၆၉၂)ချီးမြှင့်

ဇွန်လအတွင်းက ရောင်းချထားတဲ့ အောင်ဘာလေသိန်းဆုထီလက်မှတ်နဲ့ အောင်ဘာလေအွန်လိုင်းသိန်းဆုထီလက်မှတ်တွေကနေ ကျပ်သန်း (၅၁၇၆ ဒဿမ ၇၀၃ )အထိ ရောင်းချရ
Yangon_Times/ my
#Local_News
#Published_ 30 June 2023
#YMG #Yangon_Times

Published_ 30 June 2023

မန္တလေးမြို့တိုင်းဒေသကြီး အမရပူရမြို့နယ်တွင် ဘုန်းတော်ကြီးတစ်ပါးရေတွင်းထဲပြုတ်ကျ၍ပျံလွန်တော်မူခဲ့ကြောင်း မြန်မာနိုင်ငံလူမှုကယ်ဆယ်ရေးအဖွဲ့ (မန္တလေးတိုင်းရုံး) ကသိရသည်။

ဖြစ်စဥ်မှာ ၂၉ရက် ညနေ ၅နာရီ၃၀မိနစ်ခန့်က အမရပူရမြို့နယ် မြပုခက်ဘုန်းတော်ကြီးကျောင်းဝန်းအတွင်း အနက်ပေ (၄၀) ဝန်းကျင်ရှိ သုံးရေတွင်းထဲသို့ ဘုန်းတော်ကြီးတစ်ပါးပြုတ်ကျခဲ့ကြောင်းသိရသည်။

"အနက်ပေ (၄၀)ဝန်းကျင်ရှိ ရေတွင်းထဲမှာ ရေအနက်က ၅ပေကျော်လောက်ရှိပါတယ်။ သေဆုံးနေတာတွေ့ရပြီး ပြန်ဆယ်တင်ပေးခဲ့ပါတယ်"ဟု အဆိုပါလူမှုကူညီရေးအသင်းကသိရသည်။

ဖြစ်စဥ်နေရာသို့ မြန်မာနိုင်ငံလူမှုကယ်ဆယ်ရေးအဖွဲ့ (မန္တလေးတိုင်း) တိုင်းရုံး အရေးပေါ်ကယ်ဆယ်ရေးအဖွဲ့မှ ချက်ချင်းသွားရောက်ခဲ့ပြီး  အမှိုက်ဆင်းဆယ်ရင်း ပြုတ်ကျသည်ဟုယူဆရကြောင်းလည်း နီးစပ်သူတစ်ဦးကဆိုသည်။
Yangon-Times/BM
#Local_News
#YMG #Yangon_Times

Published_ 30 June 2023

မွန်ပြည်နယ်၊ သထုံ မြို့နယ်၊ ရန်ကုန်-မော်လမြိုင်သွား ပြည်ထောင်စုလမ်းမပေါ်(မိုင်တိုင်အမှတ်၊ ၁၃၁/၆ နှင့် ၁၃၁/၇ ကြား၊ တံတား အမှတ်(၃/၁၃၂)၊ အရှည် ၉၅ ပေ၊ အကျယ် ၄၁ ပေ၊ ခံနိုင်ဝန်တန် ၆၀ ရှိ သံကူကွန်ကရစ် အမျိုးအစား ကျုံအိတ်တံတား မိုင်းထောင်ဖောက်ခွဲဖျက်ဆီးခံခဲ့ရသောကြောင့် မော်တော်ယာဉ်ကြီးများသွားလာရန် ခက်ခဲနေကြောင်း သိရသည်။

ဇွန်လ ၂၉ ရက် နံနက်ပိုင်းက အထက်ပါအတိုင်း ဖောက်ခွဲခံခဲ့ရခြင်းဖြစ်သောကြောင့် ကျုံအိတ်တံတား၏ အနောက်ဘက်ခြမ်း ၆၆ ပေခန့် ပဲ့ကျပျက်စီးခဲ့ပြီး ယင်းသို့ ဖြစ်စဉ်ဖြစ်ပွား ချိန် တံတားပေါ်တွင် ဖြတ်သန်းမောင်းနှင်နေသည့် မော်တော်ယာဉ် ၃ စီးပြုတ်ကျ ပျက်စီးခဲ့ကာ အရပ်သား ၁ ဦးသေဆုံးပြီး ၁ ဦးဒဏ်ရာရရှိခဲ့ကြောင်းလည်း သိရသည်။

ယင်းဖြစ်စဉ်ဖြစ်ပွားရာသို့ လုံခြုံရေးတပ်ဖွဲ့ဝင်များနှင့် ဌာနဆိုင်ရာတာဝန်ရှိ သူများက သွားရောက်၍ လိုအပ်သည့် ကူညီကယ်ဆယ်ရေးလုပ်ငန်းများဆောင်ရွက် ပေးလျက်ရှိစဉ် Drop Bomb များ အသုံးပြု၍ ထပ်မံလုပ်ကြံခဲ့သောကြောင့်အရပ်သား၂ ဦးထပ်မံသေဆုံး ခဲ့ပြီး ၁၀ ဦး ဒဏ်ရာရရှိခဲ့ကာ လုံခြုံရေးတပ်ဖွဲ့ဝင်အချို့ ထိခိုက်ဒဏ်ရာရရှိခဲ့ကြောင်းလည်း နစက သတင်းထုတ်ပြန်ရေးအဖွဲ့က သိရသည်။

ပြီးခဲ့သည့် ဇန်နဝါရီ ၆ ရက်ကလည်း ပဲခူးတိုင်း ဒေသကြီး၊ ကျောက်ကြီးမြို့နယ်အတွင်းရှိ စစ်တောင်းမြစ်ကူးတံတား(နတ်သံကွင်း)ကို မိုင်းထောင် ဖောက်ခွဲဖျက်ဆီး ခဲ့သောကြောင့် တံတား၏ ကမ်းကပ်ခုံနှင့် ကပ်လျက် ၁၃၀ ပေခန့် ပြိုကျ ပျက်စီးခဲ့ရသေးသည်။

၂၀၂၁ ခုနှစ်၊ ဖေဖော်ဝါရီလမှ ၂၀၂၃ ခုနှစ် ဇွန်လ ၂၉ ထိ စာရင်းများအရ ပဲခူးတိုင်းဒေသကြီးနှင့် မွန်ပြည်နယ်တို့အတွင်းရှိ တံတားများ ဖောက်ခွဲဖျက်ဆီးခံရသည်မှာ၂၄ ကြိမ် ရှိပြီဖြစ်ကြောင်း သိရသည်။
Yangon_Times/BM
#Local_News
#YMG #Yangon_Times

Published_ 30 June 2023

ကမ္ဘာပေါ်ရှိထိုင်တော်မူ ကျောက်ဆစ်ဗုဒ္ဓရုပ်ပွားတော်များ အနက် ဉာဏ်တော်အမြင့်ဆုံးဖြစ်လာမည့် မာရဝိဇယဗုဒ္ဓ ရုပ်ပွားတော်မြတ်ကြီး တည်ဆောက်ပြီးစီးမှုအခြေအနေများကို ရှင်းလင်းပြသသည့် အခမ်းအနားတွင် အလှူရှင် ၁၀၁ ဦးက ကျပ် ၁၆၁၇၇ သန်း (၁၆ ဒသမ ၁၇၇ ဘီလီယံ) ကို လှူဒါန်းခဲ့ကြကြောင်း သိရသည်။

ဇွန်လ ၂၉ ရက်က ပြည်ထောင်စုနယ်မြေ နေပြည်တော်၊ ဒက္ခိဏသီရိမြို့နယ်အတွင်း တည်ထား ကိုးကွယ်လျက်ရှိသည့် ကမ္ဘာပေါ်ရှိထိုင်တော်မူ ကျောက်ဆစ်ဗုဒ္ဓရုပ်ပွားတော်များ အနက် ဉာဏ်တော်အမြင့်ဆုံးဖြစ်လာမည့် မာရဝိဇယဗုဒ္ဓ ရုပ်ပွားတော်မြတ်ကြီး တည် ဆောက်ပြီးစီးမှုအခြေအနေများ ရှင်းလင်းပြသခြင်း အခမ်းအနားကို ကျင်းပပြုလုပ်ခဲ့ခြင်း ဖြစ်သည်။

ယင်းအခမ်းအနားတွင် နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ နိုင်ငံတော်ဝန်ကြီးချုပ်က ယခုကဲ့သို့သော ဗုဒ္ဓ ရုပ်ပွား တော်မြတ်ကြီး ထပ်မံတည်ဆောက်ရန်အတွက် မလွယ်ကူသည့်အပြင် တည်ဆောက်ခြင်း လုပ်ငန်းများဆောင်ရွက်ချိန်တွင် အခက်အခဲများလည်းရှိခဲ့ကြောင်း၊ သာသနာ့ဗိမာန် တော်ကြီး အချိန်မီပြီစီးနိုင်ရေး နေ့၊ ည မပြတ်ဆောင်ရွက်ခဲ့ရကာ သာသနာတော်ဘွဲ့တံဆိပ်ရရှိခဲ့သည့် ပုဂ္ဂိုလ်များနှင့် ဘဏ်လုပ်ငန်းရှင်များ၊ စီးပွားရေး ဆိုင်ရာပုဂ္ဂိုလ်များကို အသိပေးလိုသဖြင့် ဖိတ်ကြားဆောင်ရွက်ခဲ့ခြင်းဖြစ်ကြောင်း၊ အလှူရှင် များ၏ အမည်များကိုကျောက်ချပ်များပေါ်တွင် ရေးထိုး၍ ကဗ္ဗည်းမှတ်တမ်း ထားရှိပေးမည်ဖြစ်ကြောင်းနှင့် လှူဒါန်းခဲ့ကြသည့် အလှူရှင်များအားလုံးကိုကျေးဇူးတင်ကြောင်းပြောကြားခဲ့သည်။
Yangon_Times/BM
#Local_News
#YMG #Yangon_Times

Published_ 30 June 2023

စစ်ဘက်ဆိုင်ရာဝယ်ယူရေး သဘောတူညီမှုများမှ ဒေါ်လာ ၂ သန်းအလွဲသုံးစားလုပ်မှုဖြင့် အပြစ်ရှိကြောင်းတွေ့ရှိခဲ့တဲ့ ဗီယက်နမ်ကမ်းရိုးတန်းစောင့် ကွန်မန်ဒါဟောင်းတစ်ဦးကို ဗီယက်နမ်စစ်ဘက်ဆိုင်ရာ တရားရုံးတစ်ခုက ကြာသပတေးနေ့မှာ ထောင်ဒဏ် ၁၆ နှစ်ချမှတ်ခဲ့တယ်လို့ နိုင်ငံပိုင်မီဒီယာက ဖော်ပြခဲ့ပါတယ်။

အသက် ၅၉ နှစ်ရှိ 'ငုယင်ဗန်ဆွန်'ဟာ ကမ်းရိုးတန်းစောင့်ခေါင်းဆောင်အဖြစ် တာဝန်ထမ်းဆောင်စဉ် ဗီယက်နမ်ဒေါင်ငွေ ၅၀ ဘီလီယံ (အမေရိကန်ဒေါ်လာ ၂.၁၂ သန်း)ခိုးယူမှုကို စီစဉ်ခဲ့သူလို့ စွဲချက်တင်ခံရကာ ဒီဖြစ်ရပ်ဟာ ကာကွယ်ရေးဌာနရဲ့ပုံရိပ်ကို ပြင်းပြင်းထန်ထန်ထိခိုက်စေတယ်လို့ VOV က ဖော်ပြလိုက်ပါတယ်။

ဒါ့အပြင် ကြံရာပါ ၆ ဦးကိုလည်း ထောင်ဒဏ်ချမှတ်လိုက်ပါတယ်။

ယခုနှစ်အတွင်း ရာထူးမြင့်အရာရှိများစွာ ထောင်ဒဏ်ချမှတ်ခံနေရပြီး ကွန်မြူနစ်ပါတီအကြီးအကဲ 'ငုယင်ဖူထရွန်'ရဲ့ အကျင့်ပျက်ခြစားမှုနှိမ်နင်းမှုတွေထဲမှာ နောက်ဆုံးထွက်ပေါ်လာတဲ့ တရားခံတွေဖြစ်ပါတယ်။

နိုင်ငံတော်သမ္မတ နှုတ်ထွက်ခြင်းနဲ့ လက်ထောက်ဝန်ကြီးချုပ်ဟောင်း ၂ ဦးတို့လည်း ထုတ်ပယ်ခံထားရပါတယ်။

အလွဲသုံးစားမှုမှာ ပါဝင်ပတ်သက်တဲ့အတွက် အခြားထိပ်သီးကမ်းခြေစောင့်တပ်ဖွဲ့ဝင် ၆ ဦးကိုလည်း ထောင်ဒဏ် ၁၀ နှစ်မှ ၁၀ နှစ်ခွဲအထိ ချမှတ်ခဲ့ကြောင်း VOV က ဆိုပါတယ်။

ငုယင်ဗန်ဆွန်ဟာ ၂၀၁၅ မှ ၂၀၂၀ အတွင်း ဘဏ္ဍာရေးဆိုင်ရာ စီမံခန့်ခွဲမှုအလွဲသုံးစားလုပ်ခြင်း၊ အလွဲသုံးစားဝယ်ယူခြင်းများအပါအဝင် စည်းကမ်းချိုးဖောက်မှုများ ပြုလုပ်ခဲ့ရာမှာ တာဝန်ရှိခဲ့ပြီး ယမန်နှစ်က ယင်းတို့ကိုဖမ်းဆီးခဲ့တာဖြစ်ကြောင်း ကာကွယ်ရေးဝန်ကြီးဌာနက ဆိုပါတယ်။
Source: Reuters.
#World_News
#YMG #Yangon_Times

Published_ 30 June 2023

ကျွန်ုပ်တို့နားရွက်နားမှာ ခြင်တွေတဝီဝီအော်နေတာ စိတ်ရှုပ်စရာကောင်းသလို ခြင်ကိုက်ပြီးနောက် ယားယံဖုတွေထွက်လာရပါတယ်။

အင်တာနက်ပေါ်မှာ ခြင်ကိုက်ခြင်းကာကွယ်ဖို့နည်းလမ်းတွေ ရှာနေကြပေမယ့် တကယ်တမ်းအလုပ်ဖြစ်တဲ့နည်းလမ်း ၅ မျိုးကို အောက်စ်ဖို့ဒ်တက္ကသိုလ်မှ မေဆီဗော်လန်စ်က ဖော်ပြခဲ့ပါတယ်။

(၁) ဘီယာသောက်စားခြင်းရှောင်ပါ
ဘီယာသောက်ခြင်းနဲ့ ရေသောက်ခြင်းတို့မှာ ဘယ်အရာက ခြင်ပိုကိုက်စေသလဲဆိုတာကို ၂၀၁၀ ခုနှစ်က လေ့လာခဲ့ပါတယ်။

ဘီယာသောက်တဲ့သူတွေမှာ ခြင်ပိုကိုက်ကြပြီး ရေသောက်တဲ့သူတွေမှာတော့ ကွဲပြားခြားနားခြင်းမရှိပါဘူး။

(၂) အမွှေးအကြိုင်သုံးပါ
အမွှေးအကြိုင်ပစ္စည်းတွေက အနံ့ဆိုးကင်းဝေးစေရုံမက ပါဝင်တဲ့ အိုက်ဆိုပရိုပိုင်းတက်ထရာဒီကာနိုအိတ်က ခြင်တွေကို ထိရောက်စွာပြေးစေနိုင်ကြောင်း လေ့လာတွေ့ရှိထားပါတယ်။

ချွေးထွက်တဲ့အခါမှာ ပိုးမွှားတွေ ပိုမိုလာရောက်ကပ်ငြိနိုင်တယ်လို့လည်း တွေ့ရှိထားပါတယ်။

(၃) အသီးအနှံများရွေးချယ်စားသုံးပါ
အချို့အသီးအနှံတွေစားသုံးခြင်းက ခြင်တွေအကြိုက်လည်း ဖြစ်နေနိုင်ပါတယ်။

ငှက်ပျောသီးစားပြီးတဲ့အခါ လက်မှာကျန်တဲ့အနံ့က ခြင်တွေကိုဆွဲဆောင်စေပါတယ်။

(၄) ပိုးမွှားဖျန်းဆေးအသုံးပြုပါ
ပိုးမွှားသတ်ဆေးတွေမှာပါဝင်တဲ့ ဒိဓာတုပစ္စည်းဟာ အရေပြားပေါ်မှာလည်း အသုံးပြုနိုင်ပါတယ်။

အနံ့အသက်သိပ်မကောင်းပေမယ့် ခြင်ကိုက်ခြင်းမှအကြာရှည်ဆုံး ကာကွယ်ပေးနိုင်ပါတယ်။

(၅) အဝတ်အစားများကို ပိုးသတ်ဆေးဖျန်းပါ
အရေပြားမှာ ပိုးသတ်ဆေးမသုံးချင်ဘူးဆိုရင် အဝတ်အစားများအပေါ်မှာ ဖျန်းပေးနိုင်ပါတယ်။

ဆပ်ပြားအမျိုးအစားအမျိုးမျိုးက ခြင်ပိုကိုက်စေသလားဆိုတဲ့အပေါ် သက်ရောက်မှုမရှိကြောင်း တွေ့ရှိခဲ့ပါတယ်။

ကြက်သွန်ဖြူ၊ ဗိုက်တာမင်-ဒီစားသုံးခြင်းတို့ဖြင့် ခြင်ကင်းဝေးစေတယ်ဆိုတဲ့ အထောက်အထားလည်း မတွေ့ရှိထားပါဘူး။
Source: The Sun
#World_Health
#YMG #Yangon_Times