#Local_News
Published 9 December 2023

အယ်နီညိုဖြစ်စဉ်အတွင်း စိုက်ပျိုးရေ လုံလောက်စွာရရှိစေရန်အတွက် တနိုင်ငံလုံးရှိ ဆည်တာတမံများတွင် စိုက်ပျိုးရေ ဧကပေ ၁၂၉သိန်းခန့် သိုလှောင်ထားကြောင်း ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာနထံက သိရသည်။

လာမည့် ၂၀၂၄ ခုနှစ်တွင် အယ်နီညိုရာသီ ဖြစ်စဉ်ကြုံတွေ့လာနိုင်ကြောင်း မိုးလေ၀သနှင့်ဇလဗေဒညွှန်ကြားမှု ဦးစီးဌာနက ခန့်မှန်းထားတာကြောင့် ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာန အနေဖြင့် နိုင်ငံတစ်၀န်းရှိ ဆည်မြောင်းတာတမံများတွင် စိုက်ပျိုးရေများ စနစ်တကျ စုစောင်းသိုလှောင်ထားရှိကြောင်း သိရသည်။

လက်ရှိ သိုလှောင်ထားသည့် စိုက်ပျိုးရေဧကပေ ၁၂၉သိန်းသည့် ပြီးခဲ့သည့် ၂၀၂၁ခုနှစ်နှင့် ၂၀၂၂ ခုနှစ် ကာလတူ သိုလှောင်ခဲ့သည့် စိုက်ပျိုးရေပမာဏ ထက်ပိုများကြောင်း သိရသည်။

လာမည့် နွေသီးနှံစိုက်ပျိုးမည့်ရာသီတွင် ယခင်နှစ်များအတိုင်း ဆည်တမံများ၊ ရေတံခါးများ၊ချောင်းပိတ်၊ မြောင်းပိတ်များ မြစ်ရေတင်များနှင့် ရေသွင်းမြောင်း ရေနုတ်မြောင်းများမှနေ၍ နွေသီးနှံစိုက်ဧကများသို့ စိုက်ပျိုးရေများ ဖြန့်ဝေပေးသွားရန် စီစဉ်ထားကြောင်း သိရသည်။

ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာန အနေဖြင့် လာမည့် နွေသီးနှံရာသီတွင် စိုက်ပျိုးရေရရှိမှုနှင့် အဆင်ပြေစေမည့် သီးနှံများ ရွေးချယ်စိုက်ပျိုးစေရန် အတွက်တောင်သူများကို အသိပညာပေးခြင်းလုပ်ငန်းများ ဆောင်ရွက်နေကြောင်း သိရသည်။

#Local_News #အယ်နီညိုရာသီ #စိုက်ပျိုးရေလုံလောက် #YMG/LW #Yangon _Times

ရန်ကုန်ပါအ၀င်အခြား မြို့ကြီးတွေမှာ လတ်တလောဖြစ်ပေါ်နေတဲ့ စက်သုံးဆီ၀ယ်ယူရတဲ့ အခက်အခဲ အခြေအနေတွေကြောင့် လူမှုကူညီရေး အသင်းများလည်း အခက်တွေ့နေရတယ်လို့ ပရဟိတအသင်းတွေထံက သိရပါတယ်။
#Local_News
Published 09 December 2023
#စက်သုံးဆီဝယ်ယူရခက် #လူမှုကူညီရေးအသင်း
#YMG/LW #Yangon_Times

"ဂျပန်၊ တရုတ်နဲ့ဟောင်ကောင်တို့က ရွှေနဲ့ပြုလုပ်ထားတဲ့ မြန်မာ့ကျောက်စိမ်းထည်တွေကို အများဆုံးအားပေးကြပြီး အခုလပိုင်းအတွင်း စပို့နေတယ်"ရန်ကုန်တိုင်းဒေသကြီးရွှေလုပ်ငန်းရှင်များအသင်း ဥက္ကဌ ဦးမျိုးမြင့်

#Local_News
Published 09 December 2023
#မြန်မာ့ကျောက်စိမ်း #ဂျပန် #တရုတ် #ဟောင်ကောင်
#tthl#Yangon_Times

#World_News
Published 09 December 2023

ဂါဇာမှာဖြစ်ပွားနေတဲ့ အစ္စရေးလ်နဲ့ ပါလက်စ်တိုင်း စစ်သွေးကြွ ဟားမတ်စ်အဖွဲ့တို့ရဲ့ စစ်ပွဲမှာ လူသားချင်းစာနာမှု ချက်ချင်း အပစ်အခတ်ရပ်စဲရေးအတွက် ကုလသမဂ္ဂ လုံခြုံရေးကောင်စီ အဆိုပြုချက်တစ်ရပ်ကို အမေရိကန်က သောကြာနေ့မှာ ဗီတိုအာဏာသုံး ပယ်ချလိုက်ပါတယ်။

ဒါဟာ အမေရိကန်က သူ့ရဲ့မဟာမိတ် အစ္စရေးလ်ကို ကာကွယ်ပေးလိုတာကြောင့် သံတမန်ရေးအရ သီးခြားကွဲထွက်စေခဲ့ပါတယ်။

ယူအေအီးမှတင်သွင်းတဲ့ အဆိုပါမူကြမ်းကို  ကျန် ၁၃ နိုင်ငံက ထောက်ခံမဲပေးခဲ့ပြီး ဗြိတိန်ကတော့ ကြားနေဖြစ်ခဲ့ပါတယ်။

၂ လကြာမြင့်နေပြီဖြစ်တဲ့ စစ်ပွဲကြောင့် တစ်ကမ္ဘာလုံးအပေါ် ခြိမ်းခြောက်မှုရှိနေတာကို ကုလအထွေထွေ အတွင်းရေးမှူးချုပ် အန်တိုနီယိုဂူတာရက်စ်က ဗုဒ္ဓဟူးနေ့မှာ ကုလအဖွဲ့ဝင် ၁၅ နိုင်ငံကို သတိပေးခဲ့ပြီးနောက် မဲဆန္ဒပေးခြင်း ပြုလုပ်ခဲ့တာ ဖြစ်ပါတယ်။

ဂါဇာမှာ တိုက်ခိုက်ခံနေရတာတွေကို ရပ်တန့်ဖို့ တောင်းဆိုရာမှာ မစည်းလုံးနိုင်ဘူးဆိုရင် ပါလက်စ်တိုင်းတွေနဲ့ အလားတူဖြစ်ရပ်မျိုး ကြုံတွေ့နေရတဲ့ ကမ္ဘာတဝှမ်းကလူတွေကို ဘယ်လိုဖြေသိမ့်ရပါ့မလဲလို့ ယူအေအီးမှ လက်ထောက်ကုလသံအမတ် မိုဟာမက်အဘူရှာဟက်က ကောင်စီမှာ တောင်းဆိုလိုက်ပါတယ်။

အမေရိကန်နဲ့ အစ္စရေးလ်တို့ကတော့ အပစ်အခတ်ရပ်စဲရေးကို ဆန့်ကျင်လိုက်ကာ ဒီလိုပြုလုပ်ခြင်းဟာ ဟားမတ်စ်တို့ အခွင့်သာစေလိမ့်မယ်လို့ ယုံကြည်နေပါတယ်။

ဒါပေမဲ့ အမေရိကန်က အရပ်သားများကို ကာကွယ်ပေးဖို့နဲ့ ဟားမတ်စ်တို့ဖမ်းဆီးထားတဲ့ အစ္စရေးလ်ဓားစာခံများကို ပြန်လွှတ်ရန်အတွက်တော့ ထောက်ခံထားပါတယ်။

ကုလသမဂ္ဂဆိုင်ရာ လက်ထောက်အမေရိကန်သံအမတ် ရောဘတ်ဝုဒ်က အဆိုပြုမူကြမ်းဟာ အလျင်စလိုချပြထားပြီး မမျှတတဲ့မူကြမ်းဖြစ်ကာ လက်တွေ့အခြေအနေတွေနဲ့ ကွဲလွဲနေကြောင်း၊ အပစ်အခတ်ရပ်စဲရေးက ရေရှည်မဟုတ်သလို နောက်ထပ်စစ်ပွဲကြီး ဖြစ်လာစေမယ့် လုပ်ရပ်မျိုးကို မထောက်ခံကြောင်း ကောင်စီမှာ ပြောကြားသွားပါတယ်။

ကုလဆိုင်ရာ ဗြိတိန်သံအမတ် ဘာဘရာဝုဒ်ဝါ့က အစ္စရေးလ်ဟာ ဟားမတ်စ်တို့ရဲ့ ခြိမ်းခြောက်လာမှုကို ဖြေရှင်းရန်လိုအပ်ကြောင်း၊ ဒီလိုဖြေရှင်းရာမှာ နိုင်ငံတကာ လူသားချင်းစာနာမှုဥပဒေများအတိုင်း လိုက်နာဆောင်ရွက်ရန် လိုအပ်ကြောင်း ပြောပြသွားပါတယ်။

ကုလဆိုင်ရာ အစ္စရေးလ်သံအမတ် ဂျီလတ်အာဒန်ကတော့ ဓားစာခံတွေအားလုံး ပြန်လွတ်ပြီး ဟားမတ်စ်တို့ပျက်စီးသွားပါမှ အပစ်အခတ်ရပ်စဲမှာဖြစ်တယ်လို့ ပြောကြားသွားပါတယ်။

အရပ်သားတွေကို ကာကွယ်ပေးလိုတဲ့ အစ္စရေးလ်ရည်ရွယ်ချက်နဲ့ မြေပြင်မှာဖြစ်နေတာတွေက ကွာခြားမှုရှိနေတယ်လို့ အမေရိကန် နိုင်ငံခြားရေးဝန်ကြီး အန်တိုနီဘလင်ကန်က ကြာသပတေးနေ့မှာ ပြောကြားလိုက်ပါတယ်။

အစ္စရေးလ်တို့ရဲ့ တိုက်ခိုက်မှုကြောင့် လူပေါင်း ၁၇,၄၈၀ သေဆုံးထားတယ်လို့ ဂါဇာကျန်းမာရေး ဝန်ကြီးဌာနက ထုတ်ပြန်ထားပါတယ်။

#World_News #အပစ်အခတ်ရပ်စဲရေး #ကုလသမဂ္ဂလုံခြုံရေးကောင်စီ၏မူကြမ်း #အမေရိကန်ဗီတိုအာဏာသုံးပိတ်ပင် #Source: Reuters

#Local_News
Published_ 9 December 2023

ချင်းမိုင်မြို့မှ ကောင်စစ်ဝန်ချုပ် ဦးမင်းကျော်လင်းသည် ဒီဇင်ဘာ ၇ ရက်တွင် ချင်းမိုင်မြို့၊ အမျိုးသမီးပြုပြင်ထိန်းသိမ်းရေးစခန်း (Women Correctional Institute) သို့ သွားရောက်ခဲ့ပြီး မြန်မာနိုင်ငံသား အကျဉ်းသူများအား တွေ့ဆုံခဲ့ကြောင်း သိရပါတယ်။

ထိုသို့သွားရောက်စဉ် ညွှန်ကြားရေးမှူး Mrs. Sununta Kongpakpian နှင့် တွေ့ဆုံခဲ့ပြီး ပြုပြင်ထိန်းသိမ်းရေးစခန်းတွင် အကျဉ်းကျခံနေရသည့် မြန်မာအကျဉ်းသူများ သင့်လျော်သည့် ကျန်းမာရေးစောင့်ရှောက်မှုရရှိရေး၊ မြန်မာနိုင်ငံရှိ မိဘဆွေမျိုးများနှင့် ဆက်သွယ်ခွင့်ရရှိရေး အပါအဝင် ကောင်စစ်ရေးရာ ဆက်သွယ်ဆောင်ရွက်ခွင့်ရရှိရေး၊ လူသားချင်းစာနာ ထောက်ထားမှုရရှိရေး၊ လူမှုဖူလုံရေးနှင့် သက်သာချောင်ချိရေးစသည့် ကိစ္စရပ်များကို ဆွေးနွေးပြောကြားခဲ့ပါတယ်။

ထို့နောက် ကောင်စစ်ဝန်ချုပ်က အကျဉ်းကျခံနေရသည့် မြန်မာအကျဉ်းသူ (၄၀)ဦး နှင့် ခရစ်ယာန်ဘာသာဝင် ထိုင်းအကျဉ်းသူ (၃၀)ဦးတို့အား တွေ့ဆုံကာ စိတ်ပိုင်းဆိုင်ရာ အားပေးစကားများပြောကြားခဲ့ပါတယ်။

ထို့နောက် မြန်မာကောင်စစ်ဝန်ချုပ်ရုံးနှင့် ချင်းမိုင်မြို့ရှိ မြန်မာအသိုက်အဝန်းမှ ပရဟိတအသင်းတို့ပူးပေါင်း၍ ထောက်ပံ့လှူဒါန်းသော တစ်ကိုယ်ရည် အသုံးဆောင်ပစ္စည်းများနှင့် အသင့်စားအစားအစာများကို ထောက်ပံ့ပေးခြင်း၊ နေ့လယ်စာ ထမင်းဘူးများ လှူဒါန်းခြင်းနှင့် အကျဉ်းကျခံနေစဉ် မီးဖွားခဲ့သည့်မိခင်များနှင့် ကလေးများအတွက် အသုံးအဆောင်ပစ္စည်းများ ပေးအပ်လှူဒါန်း၍ ပြုပြင်ထိန်းသိမ်းရေးစခန်းမှ အကျဉ်းသူများ ပြုလုပ်ရောင်းချသော လက်မှုပစ္စည်းများကို ဝယ်ယူအားပေးခဲ့ကြောင်း သတင်းရရှိပါတယ်။

#Local_News #မြန်မာကောင်စစ်ဝန်ချုပ် #အကျဉ်းကျခံနေရ #ymg_mnn #Yangon_Media_Group

#Local_News
Published 09 December 2023

တက္ကသိုလ်ဝင်တန်းအောင်မြင်သူများအနေဖြင့် ဒီဇင်ဘာလ(၁၁)ရက်တွင် အဝေးသင်ဝင်ခွင့်စာရင်းများကို သက်ဆိုင်ရာ ဒီဂရီ‌ကောလိပ်၊တက္ကသိုလ်များတွင်လည်းကောင်း အွန်လိုင်းမှတစ်ဆင့်လည်း‌  ကောင်းကြည့်ရူနိုင်ပြီဖြစ်ကြောင်း အဆင့်မြင့်ပညာဦးစီးဌာနမှသိရသည်။

၂၀၂၃ခုနှစ် တက္ကသိုလ်ဝင်တန်းအောင်မြင်သူများအနေဖြင့် သက်ဆိုင်ရာ ဒီဂရီ‌ ကောလိပ်၊တက္ကသိုလ်များတွင်ပထမနှစ်အဝေးသင် သင်တန်းဝင်ခွင့်ရရှိသူများစာရင်းကိုကြည့်ရူနိုင်မည့်အပြင်  ပညာရေးဦးစီးဌာနwww.moe.gov.mmနှင့် အဆင့်မြင့်ပညာဦးစီးဌာနwww.dhe.gov.mmတွင်ကြည့်ရူနိုင်မည်ဖြစ်ကြောင်း အဆင့်မြင့်ပညာဦးစီးဌာနမှသိရသည်။

၂၀၂၃ တက္ကသိုလ်ဝင်တန်း ဖြေဆိုသူ၁၆၁၈၅၀ဦး အနက် စာမေးပွဲဖြေဆိုအောင်မြင်သူ ၁၀၉၈၅၀ဦး ရှိခဲ့ကြောင်းသိရသည်။

တက္ကသိုလ်ဒီဂရီ‌ ကောလိပ်များအနက်အသက်မွေးဝမ်း ကျောင်း‌ဆိုင်ရာ ဒီဂရီ‌ ကောလိပ်တက္ကသိုလ် များနိုဝင်ဘာလတွင် ပြန်ဖွင့်ထားပြီဖြစ်ပြီး အဝေးသင်တက္ကသိုလ်၊ ဒီဂရီများကောလိပ်များလည်း မကြာမီပြန်ဖွင့်လှစ်တော့မည်ဖြစ်၍ ဝင်ခွင့်ရရှိသူများစာရင်းကို ဒီဇင်ဘာလ ၁၁ရက်တွင်စတင်ကြည့်ရူနိုင်မည်ဖြစ်ကြောင်း သိရသည်။

#Local_News #တက္ကသိုလ်ဝင်တန်း #အဝေးသင်ဝင်ခွင့်စာရင်း #tthl #Yangon_Times

#World_Science
Published 09 December 2023

ဂွာတီမာလာကမ်းရိုးတန်း ပစိဖိတ်သမုဒ္ဒရာကြမ်းပြင်မှာ ဧရာမရေအောက်တောင်ကြီးတစ်ခုကို သုတေသီများ တွေ့ရှိခဲ့ကြပါတယ်။

အစိုးရလေ့လာရေး အစီအစဥ်တစ်ခုဖြစ်တဲ့ NOAA သမုဒ္ဒရာစူးစမ်းရှာဖွေရေးအဖွဲ့ရဲ့ ပြောကြားချက်အရ ထိုတောင်ဟာ အခြားရေအောက်တောင်တွေလိုပဲ တိမ်မြုပ်သွားတဲ့ မီးတောင်အကြွင်းအကျန်တစ်ခု ဖြစ်နေနိုင်ပါတယ်။

ထိုရေအောက်တောင်ဟာ ၁,၆၀၀ မီတာခန့် မြင့်မားပြီး ဒူဘိုင်းရှိ ကမ္ဘာ့အမြင့်ဆုံး အဆောက်အအုံ ဘာ့ဂျ်ခါလီဖာရဲ့ အမြင့်နှစ်ဆနီးပါးရှိတယ်လို့ သမုဒ္ဒရာသုတေသန ပြုလုပ်နေတဲ့ ရှမစ်သမုဒ္ဒရာအဖွဲ့အစည်းက ထုတ်ပြန်လိုက်ပါတယ်။

၁၄ စတုရန်း ကီလိုမီတာကျယ်ဝန်းကာ ပင်လယ်ရေမျက်နှာပြင်အောက် ၂,၄၀၀ ကီလိုမီတာမှာ တည်ရှိပြီး ဖယ်လ်ကော်လို့အမည်ရတဲ့ သုတေသနသင်္ဘောကို အသုံးပြုပြီး တွေ့ရှိခဲ့တာ ဖြစ်ပါတယ်။

ထိုသင်္ဘောရဲ့ ပင်လယ်ကြမ်းပြင် စူးစမ်းရေးစနစ်က ထုတ်လွှင့်လိုက်တဲ့ အသံလှိုင်းကနေ ကြမ်းပြင်ကိုထိပြီး ပြန်လာတဲ့အချိန်ကို တိုင်းတာတဲ့ပုံစံ ဖြစ်ပါတယ်။

ထိုရေအောက်တောင်ဟာ သမုဒ္ဒရာအနက်ကို တိုင်းတာတဲ့ ဘယ်မှတ်တမ်းမှာမှ မရှိဘူးလို့ ပင်လယ်သမုဒ္ဒရာ နည်းပညာရှင် တိုမာကတ်တာက ပြောပြသွားပါတယ်။

၁ ကီလိုမီတာခွဲခန့် မြင့်မားတဲ့ ရေအောက်တောင်ကိုတောင် အခုမှတွေ့ရှိတယ်ဆိုတာက နောက်ထပ်ရှာဖွေစရာတွေ များစွာကျန်ရှိနေတာပါလို့ ပြသရာရောက်တယ်လို့ ရှမစ်သမုဒ္ဒရာအဖွဲ့အစည်းမှ အမှုဆောင်ညွှန်ကြားရေးမှူး ဒေါက်တာ ဂျိုတီကာဗီယာမာနီက ပြောပြခဲ့ပါတယ်။

၁ ကီလိုမီတာထက် မြင့်မားတဲ့ ရေအောက်တောင်တွေ ကမ္ဘာပေါ်မှာ ၁ သိန်းကျော်လောက်ရှိနေပြီး အခုမှ ၁၀ ပုံ ၁ ပုံကိုသာ တွေ့ရှိထားကြောင်း NOAA က ဆိုပါတယ်။

ရေအောက်တောင်တွေကို ရှာဖွေရာမှာ ရေအောက်ယာဥ်များ၊ အဝေးထိန်းယာဥ်များဖြင့် အသုံးပြုနေကြတာ ဖြစ်ပါတယ်။

#World_Science #ဧရာမရေအောက်တောင်ကြီး #သုတေသီများရှာဖွေတွေ့ရှိ #Source: WION

#World_Health
Published 09 December 2023

ခပ်မြန်မြန် လမ်းလျှောက်ခြင်းဟာ ဆီးချိုရောဂါ ဒုတိယအမျိုးအစား ဖြစ်နိုင်ခြေကို လျှော့ချနိုင်ပြီး သွေးတွင်းသကြားဓာတ်ကို ထိန်းချုပ်ပေးနိုင်ကြောင်း မကြာသေးမီက လေ့လာချက်မှာ တွေ့ရှိခဲ့ပါတယ်။

ဆီးချိုရောဂါဟာ ကမ္ဘာပေါ်မှာ အကြီးမားဆုံး ကျန်းမာရေးပြဿနာတွေထဲက တစ်ခုဖြစ်ပြီး အိန္ဒိယဆေးသုတေသနကောင်စီရဲ့ လေ့လာချက်အရ အိန္ဒိယမှာ ဆီးချိုရောဂါ ဖြစ်ပွားနေသူ သန်း ၁၀၀ ကျော်ရှိပြီး ရောဂါဖြစ်နိုင်ခြေရှိသူ ၁၃၆ သန်းခန့် ရှိနေနိုင်တယ်လို့ သိရပါတယ်။

ဆီးချိုရောဂါ ဒုတိယအမျိုးအစားဟာ အင်ဆူလင် မထုတ်လုပ်နိုင်တာမျိုး ရှိသလို ရှိပြီးသားအင်ဆူလင်ကို အသုံးမပြုနိုင်တာလည်း ရှိပါတယ်။

ရောဂါလက္ခဏာတွေကတော့ မကြာခဏ ရေဆာခြင်း ဆီးသွားခြင်း၊ ဆာလောင်ခြင်း၊ ပင်ပန်းနွမ်းနယ်ခြင်း၊ အမြင်ဝါးခြင်းတို့ ဖြစ်တတ်ပြီး အချို့လူတွေမှာတော့ လက္ခဏာ မပြတတ်ပါဘူး။

အစားအစာ ထိန်းချုပ်ခြင်း၊ လေ့ကျင့်ခန်းလုပ်ခြင်း၊ တရားထိုင်ခြင်း၊ အင်ဆူလင်ကုသခြင်းတို့ဖြင့် သက်သာစေနိုင်ပါတယ်။

ယခုလေ့လာချက် အသစ်မှာတော့ ခပ်မြန်မြန် လမ်းလျှောက်ခြင်းက ဆီးချိုဖြစ်နိုင်ခြေကို ၄၀ ရာခိုင်နှုန်းလောက် လျှော့ချနိုင်တယ်လို့ တွေ့ရှိထားပါတယ်။

အမေရိကန်၊ ဗြိတိန်၊ ဂျပန်တို့မှ လူကြီးများကြား ဆီးချိုရောဂါဖြစ်နိုင်ခြေနဲ့ လမ်းလျှောက်အမြန်နှုန်းတို့ရဲ့ ဆက်စပ်မှုကို လေ့လာခဲ့ကြပါတယ်။

တစ်နာရီကို ၆.၄ ကီလိုမီတာနှုန်း အထက်ကို မြန်မြန်လမ်းလျှောက်တယ်လို့ သတ်မှတ်ပြီး လမ်းလျှောက်အမြန်နှုန်း ၁ ကီလိုမီတာများလာတိုင်း ဆီးချိုဖြစ်နိုင်ခြေ ၉ ရာခိုင်နှုန်း ကျဆင်းလာပါတယ်။

ယေဘုယျယူဆချက်ကတော့ ဆီးချိုကာကွယ်ဖို့အတွက် အားစိုက်ထုတ်မှုက အရေးကြီးတာပဲ ဖြစ်ပါတယ်။

တစ်နာရီကို ၆ ကီလိုမီတာနှုန်းကျော်အောင် လမ်းလျှောက်ရင်တော့ ဆီးချိုဖြစ်နိုင်ခြေ ၃၉ ရာခိုင်နှုန်း လျော့ကျစေပါတယ်။

လမ်းလျှောက်ခြင်းရဲ့ ကျန်းမာရေး အကျိုးကျေးဇူးတွေ ရရှိစေဖို့ ခပ်မြန်မြန်လမ်းလျှောက်ရန် လိုအပ်ကြောင်း လူတွေကို အားပေးချင်ပါတယ်လို့ သုတေသီများ ပြောကြားသွားပါတယ်။

#World_Health #သွေးတွင်းသကြားဓာတ် #လမ်းလျှောက်သည့်အမြန်နှုန်း #Source: India Today

ထိုင်းနိုင်ငံမှာ ကလေးငယ်များကြား အသက်ရှူရောဂါ ကူးစက်မှုများ တွေ့ရှိလာရပေမယ့် ဒါတွေဟာ ကိုဗစ်ကပ်ရောဂါရဲ့ နောက်ဆက်တွဲ ရိုက်ခတ်မှုတွေ ဖြစ်တာကြောင့် အရမ်းကြီးစိုးရိမ်မနေကြဖို ဆရာဝန်များက ပြောကြားလိုက်ပါတယ်။
#Asia_Health
Published 08 December 2023
#ထိုင်းနိုင်ငံမှကလေးငယ် #အသက်ရှူလမ်းကြောင်းရောဂါများဖြစ်ပွား
#Yangon_Times #YMG_News #Yangon_Media_Group

၈ ဒီဇင်ဘာ ၂၀၂၃

တရုတ်နိုင်ငံတွင်ကျင်းပသည့် မဲခေါင်-လန်ချန်း ပူးပေါင်းဆောင်ရွက်မှု နိုင်ငံခြားရေးဝန်ကြီးများအစည်းအဝေးသို့ ပ နိုင်ငံခြားရေးဝန်ကြီးဌာန ဝန်ကြီး ဦးသန်းဆွေတက်ရောက်ခဲ့

ကောလာဟလ သတင်းတု၊ သတင်းမှားများအား မိနစ်နှင့်အမျှ ထုတ်လွှင့်နေမှုအခြေအနေများ

၈-၁၂-၂၀၂၃ ရက်နေ့  ရှမ်းပြည်နယ်(မြောက်ပိုင်း) နမ့်ခမ်း၊တာမိုးညဲနှင့်ရခိုင်ပြည်နယ်နှုံးဘူးတို့တွင် ထိတွေ့တိုက်ပွဲဖြစ်ပွားမှု အခြေအနေများ

နှင့်ပတ်သက်၍

နစက သတင်းထုတ်ပြန်ရေး အဖွဲ့ခေါင်းဆောင် ဗိုလ်ချုပ် ဇော်မင်းထွန်းကပြောကြားခဲ့ပါတယ်။

အဆိုပါပြောကြားချက်အပြည့်အစုံကိုပြန်လည်ဖော်ပြပေးအပ်ပါတယ်။

Ymg/knl

#Daily_News
Published 08 December 2023

၁။ စားအုန်းဆီတင်သွင်းခွင့်ပမာဏ(ကိုယ်တာ)တိုးရန်ရှိ၍ စားအုန်းဆီ ပိုပေါလာကာဈေးကွက်အေးလာနိုင်ဟုဆို

၂။ စက်သုံးဆီဈေးအနည်းငယ် ပြန်ကျသော်လည်း ဆီ၀ယ်ယူရာတွင် လိုအပ်သလိုဝယ်ယူ၍မရဘဲ အခက်အခဲ ဖြစ်နေဆဲဟုဆို

၃။ စက်သုံးဆီအခက်အခဲရှိနေသော်လည်း ဘုရင့်နောင်ကုန်စည်ဒိုင်သို့ကုန်များ ပုံမှန်ဝင်ရောက်နေပြီး အရောင်းအေးနေသည့်အတွက် အခြေခံစာကုန်ဈေးနှုန်းများကျဆင်းဟုဆို

၄။ ထိုင်းနိုင်ငံမှကလေးငယ်များတွင် အသက်ရှူလမ်းကြောင်းရောဂါများ ဖြစ်ပွားနေ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

#Local_News
Published 08 December 2023

ယခုလတ်တလော လူအများအထူးစိတ်ဝင်စားနေသည့် Miss Grand Myanmar2024 ပြိုင်ပွဲ၏ Preliminary Competition ပြိုင်ပွဲကို ယနေ့ဒီဇင်ဘာလ ၈ ရက်ည(၇)နာရီအချိန်တွင် ရုပ်သံလိုင်း၌တိုက်ရိုက်ကြည့်နိုင်မည်ဖြစ်ပြီး Grand Final ပွဲကြီးကိုတော့ ဒီဇင်ဘာလ ၁၀ ရက်တွင် ရုပ်သံလိုင်းမှ တိုက်ရိုက်ကြည့်ရူနိုင်မည်ဖြစ်ကြောင်း သိရသည်။

ဒီဇင်ဘာလ ၇ ရက်တွင် Miss Grand Myanmar 2024 အတွက် ဒေသအသီးသီးမှ ကိုယ်စားပြုအလှမယ်များမှ National Costume ဝတ်စုံများဝတ်ဆင်ပြီး National Costume ပြိုင်ပွဲ အခမ်းအနားကိုပါဝင်ယှဉ်ပြိုင်ခဲ့ပြီး အမေနံကရိုင်းမယ်တော်ဝတ်စုံဖြင့် ယှဉ်ပြိုင်ခဲ့သည့် Miss Grand Yangon West ကိုယ်စားပြု ဝင်းသော်ဒ္ဒါ အောင်ယှဉ်ပြိုင်ချိန်တွင် စင်ပေါ်၌ အမေနံကရိုင်းမယ်တော်ဝင်ပူးခဲ့သည့် ဖြစ်စဉ်မျိုးရှိခဲ့သည်ဟု Missosology Myanmarမှထုတ်ပြန်ထားသည့်အတွက် ယင်းဝတ်စုံနှင့် အလှမယ်အပေါ်စိတ်ဝင်စားမှုအထူးမြှင့်တက်လျက်ရှိသလို အလှမယ်များပူးကပ်မှုဗီဒီယိုကလစ်များပေါ်ထွက်လာသည့်အတွက်လည်း ပြိုင်ပွဲကို စိတ်ဝင်စားမှုမြင့်တက်လာကြောင်း သိရသည်။

ဒီဇင်ဘာလ ၈ ရက်တွင် Miss Grand Myanmar 2024 ပြိုင်ပွဲ Preliminary Competitionနှင့် ဒီဇင်ဘာ ၁၂ရက် တနင်္ဂနွေနေ့ ညတွင် ပြုလုပ်မည့် Grand Final ပွဲကိုတော့ Channel 9(TV Channel) နှင့် Channel 9 Myanmar (Facebook Page)များတွင် တစ်ပြိုင်တည်း Live ပြသပေးမည်ဖြစ်ကြောင်း Channel9 ၏ဖော်ပြချက်အရ သိရသည်။

#Local_News #Miss Grand Myanmar 2024 #Preliminary Competition #tthl #Yangon_Times