ရခိုင်ဉီးဆောင်ပါတီအနေနဲ့ ရခိုင်ပြည်နယ် တစ်ပြည်နယ်လုံးမှာ ရုံးခွဲတွေဖွင့်လှစ်သွားဖို စီစဉ်နေတယ်လို့ ပါတီ ဉက္ကဌ ဒေါက်တာအေးမောင်က Yangon Times ကို ပြောပါတယ်။
Yangon_Time/my
#Local_News
#Published_ 12 July 2023
#YMG #Yangon_Times

ယာဉ်မတော်တဆမှုကျဆင်းရန် ယာဉ်အသုံးပြုသူများက အဓိကကျနေ

ယခုနှစ် ပထမ ၆ လ ပတ်အတွင်း အမြန်လမ်းပေါ်ယာဉ်မတော်တဆမှုကြောင့် သေဆုံးသူ ၅၃ ဦး ရှိခဲ့
Yangon_Times/BM
#Local_News
#Published_ 12 July 2023
#YMG #Yangon_Times

မိုးရာသီတွင် အဆိပ်ရှိမှို မစားမိအောင် သတိပြုရန်လို

‘မှိုပွင့်အောက်မှာ အခွက်တွေပါရှိတာ၊ မှိုအရောင်အဆင်းတောက်တောက်ပပရှိတာတွေက အဆိပ်ရှိ မှိုတွေဖြစ်၊ မှိုအဆိပ်သင့်ရင် မိနစ်၂၀ မှ ၄၀အတွင်း မူးဝေအော့အန်တာ၊ ဗိုက်အောင့်ဗိုက်နာတာ၊ ဝမ်းလျှောတာနဲ့ ပြင်းထန်ပါက အသက်ဆုံးရှုးနိုင်တယ်’ ဒေါက်တာနန္ဒဝင်း၊( မွန်ပြည်နယ်ပြည်သူ့ကျန်းမာရေးဦးစီးဌာနမှူး)
Yangon_Time/tthl
#Local_News
#Published_ 12 July 2023
#YMG #Yangon_Times

မန္တလေးမြို့တွင် ယနေ့ နံနက်ပိုင်းအချိန်အတွင်း မီးနှစ်ကြိမ်ဆက်တိုက် လောင်ကျွမ်းမှုဖြစ်ပွား

တောင်အင်းမြောက်အင်းအမှိုက်ပုံ မီးလောင်ကျွမ်းနေတာကြောင့် တိုင်းမီးသတ်စခန်းက  မီးငြိမ်းသတ်ယာဉ် ငါးစီး၊ ရေသယ်ယာဉ် ၁၅ စီး၊ ဘတ်ဟိုးနှစ်စီးနဲ့ မီးငြိမ်းသတ်ခဲ့ရ
Yangon_Time/my
#Local_News
#Published_ 12 July 2023
#YMG #Yangon_Times

ရွှေဘုန်းပွင့်စေတီတော်တွင် ဝါဆိုသင်္ကန်းကပ်လှူပွဲပြုလုပ်မည်

‘ကျောင်းတိုက်(၆)တိုက်မှ သံဃာတော် ၃၀ပါးကျော်ကို ဝါဆိုသင်္ကန်းတွေဆက်ကပ်ဖိုရှိပါတယ်။ ဝါဆိုသင်္ကန်းတစ်စုံကို ကျပ်တစ်သောင်းခွဲနှုန်းဖြင့် ပါဝင်လှူဒါန်းနိုင်ပါတယ်” (ရွှေဘုန်းပွင့်စေတီတော်ဂေါပကအဖွဲမှတာဝန်ရှိသူ)
Yangon_Time/tthl
#Local_News
#Published_ 12 July 2023
#YMG #Yangon_Times

Published_ 12 July 2023

ယူနန်ပြည်နယ်နှင့် မြန်မာနိုင်ငံအကြား ပူးပေါင်းဆောင်ရွက်မှုများ မြှင့်တင်ရေး၊ မြန်မာ-တရုတ် နှစ်နိုင်ငံ ကုန်သွယ်ရေး နယ်စပ်ဂိတ်များနှင့် စပ်လျဉ်းသည့် ကိစ္စရပ်များ၊ နယ်စပ်ကုန်သွယ်ရေး၌ ပဲ/နှမ်း တင်ပို့ရောင်းချခြင်းအပါအဝင် အခြားပို့ကုန်တင်ပို့ ရောင်းချ ခြင်းကိစ္စရပ်များကို မြန်မာသံအမတ်ကြီးနှင့် ယူနန်ပြည်နယ် ဒုတိယအုပ်ချုပ်ရေးမှူးတို့ ဆွေးနွေးခဲ့ကြောင်း သိရပါတယ်။

တရုတ်နိုင်ငံဆိုင်ရာ မြန်မာသံအမတ်ကြီး ဦးတင်မောင်ဆွေသည် ဇူလိုင် ၁၁ ရက်၌ ကူမင်းမြို့ရှိ ယူနန်ကျန်းကျွမ်းဧည့်ဂေဟာရှိ ကျင်းကွေ့ဧည့်ခန်းမတွင် ယူနန်ပြည်နယ် အစိုးရ၏ ဒုတိယအုပ်ချုပ်ရေးမှူး မစ္စတာ ဝမ်ဟောက် ဦးဆောင်သည့်အဖွဲ့နှင့် တွေ့ဆုံဆွေးနွေးခဲ့တာ ဖြစ်ပါတယ်။

ထို့ပြင် နှစ်နိုင်ငံနယ်စပ်ဒေသရှိ တိုင်းရင်းသား လက်နက်ကိုင်များ နှင့် ပတ်သက် သည့် ကိစ္စရပ်များအပြင် မြန်မာ-တရုတ် နှစ်နိုင်ငံနိုင်ငံသားများ၏ အကျိုးနှင့် ပတ်သက်၍ လက်ရှိဆောင်ရွက်နေသည့် လုပ်ငန်းစဉ်များနှင့် တွေ့ကြုံနေရသည့် အခက်အခဲများကို အပြန်အလှန် ဆွေးနွေးညှိနှိုင်းခဲ့ကြပါတယ်။

ဆက်လက်၍ ပိုမိုထိရောက်စွာ ချစ်ကြည်ရင်းနှီးမှု မြှင့်တင်ရေးအတွက် ပူးပေါင်း ဆောင်ရွက်နိုင်မည့် နည်းလမ်းများကို နှစ်နိုင်ငံပူးပေါင်း၍ အကောင်အထည်ဖော် ဆောင်ရွက်သွားနိုင်ရန် ဆွေးနွေးခဲ့ကြပါတယ်။

အဆိုပါတွေ့ဆုံပွဲသို့ မြန်မာသံအမတ်ကြီးနှင့်အတူ ကူမင်းမြို့ ကောင်စစ်ဝန်ချုပ် ဦးသော်တာအောင်နှင့်အဖွဲ့ တက်ရောက်ခဲ့ပြီး၊ ယူနန်ပြည်နယ် အစိုးရမှ သံအမတ်ကြီး ဦးဆောင်သည့် ကိုယ်စားလှယ်အဖွဲ့အား အလုပ်သဘောညစာဖြင့် တည်ခင်းဧည့်ခံခဲ့ ကြောင်း သတင်းရရှိပါတယ်။
Yangon_Times/mnn
#Local_News
#YMG #Yangon_Times

ဇူလိုင်-၁၂၊၂၀၂၃

ဒေါ်အောင်ဆန်းစုကြည်နှင့်သူ မြန်မာနိုင်ငံမှာ တွေ့ဆုံခဲ့တယ်လို့ ထိုင်းနိုင်ငံခြားရေးဝန်ကြီး ဒွန်ပရာမွတ်ဝီနိုင်းက အာဆီယံနိုင်ငံခြားရေးဝန်ကြီးတွေကို  အင်ဒိုနီးရှားနိုင်ငံ ဂျာကာတာမှာပြောကြားခဲ့တယ်လို့ တိုကျိုသတင်းဌာနက သတင်းရေးသားပါတယ်။

အကျပ်အတည်းအဆုံးသတ်ဖို့ ဒေါ်အောင်ဆန်းစုကြည်က တွေ့ဆုံဆွေးနွေးမှုတွေပြန်လည်စတင်ဖို့ တောင်းဆိုခဲ့တယ်လို့  ဒွန်ကပြောကြောင်း ချယ်နယ်နယူးအေးရှားရဲ့ သတင်းတစ်ပုဒ်မှာဖော်ပြထားပါတယ်။

“ သူမဟာ တွေ့ဆုံဆွေးနွေးမှုကိုတိုက်တွန်းအားပေးခဲ့တယ်” လို့ ဒွန်ကပြောပါတယ်။

“ တွေ့ဆုံမှုဟာ ကောင်းမွန်တဲ့တွေ့ဆုံမှုတစ်ခုဖြစ်ခဲ့တယ်” လို့လည်း ဒွန်ကပြောတယ်လို့ ချယ်နယ်နယူးအေးရှားက သတင်းဖော်ပြပါတယ်။

နေပြည်တော်က အာဏာပိုင်တွေနှင့် စေ့စပ်ညှိနှိုင်းမှုတွေလုပ်ဖို့အတွက် သူက အကြံပေးခဲ့တယ်လို့လည်း ဒွန်က ပြောတဲ့အကြောင်း ချယ်နယ်နယူးအေးရှားသတင်းမှာ ဆက်လက်ဖော်ပြထားပါတယ်။

ဒေါ်အောင်ဆန်းစုကြည်ရာ ရုပ်ပိုင်းအရရော စိတ်ပိုင်းအရပါ ကျန်းမာရေးကောင်းမွန်နေတယ်လို့ ထိုင်းနိုင်ငံခြားရေးဝန်ကြီးဒွန် က ပြောတဲ့အကြောင်း အာဆီယံ သံတမန် သတင်းအရင်းအမြစ်ကို ကိုးကားပြီး တိုကျိုသတင်းဌာနက သတင်းဖော်ပြထားပါတယ်။

ဒါဟာ ၂၀၂၁ခုနှစ် ဖေဖော်ဝါရီနောက်ပိုင်းမှာ ဒေါ်အောင်ဆန်းစုကြည်နှင့် အဆင့်မြင့်နိုင်ငံခြားရေးအရာရှိကြီးတစ်ဦးတို့ ပထမဆုံးတွေ့ဆုံတာဖြစ်တယ်လို့လည်း သတင်းကဆိုပါတယ်။

ဂျာကာတာမြို့တော်မှာ အင်္ဂါနေ့က စတင်ကျင်းပတဲ့ အာဆီယံနိုင်ငံခြားရေးဝန်ကြီးများရဲ့ နှစ်ရက်တာအစည်းအဝေးတစ်ခု အတွင်း ထိုင်းနိုင်ငံခြားရေးဝန်ကြီးက ဒေါ်အောင်ဆန်းစုကြည်နှင့်တွေ့ဆုံခဲ့တာကို အကျဉ်းချုပ်တင်ပြခဲ့တာဖြစ်ပါတယ်။

သူတို့နှစ်ဦးတွေ့ဆုံတာ (၂)နာရီနီးပါးကြာမြင့်ခဲ့တယ်လို့ ဒွန်ကပြောပါတယ်။ သူဟာ ဒေါ်အောင်ဆန်းစုကြည်ကို နေပြည်တော်ရှိ အကျဉ်းထောင်တစ်ခုအတွင်းတွေ့ဆုံခဲ့ပုံရတယ်လို့ တိုကျိုက သတင်းရေးသားပါတယ်။

Source kyodonews/ChannelNewsAsia/AFP

Published_12 July 2023

ယူကရိန်းနိုင်ငံအနေဖြင့် အနာဂတ်တစ်ချိန်ချိန်မှာ နေတိုး(NATO)စစ်ရေးမဟာမိတ်အဖွဲ့ထဲ ပါဝင်သင့်တယ်လို့ နေတိုးခေါင်းဆောင်များက ဇူလိုင် ၁၁ ရက်နေ့မှာ ပြောကြားခဲ့ပေမယ့် ယူကရိန်းကို ချက်ချင်းဖိတ်ကြားခြင်း မပြုသေးတဲ့အတွက် သမ္မတ'ဇယ်လန်စကီ' အမျက်ထွက်စရာ ဖြစ်နေရပါတယ်။

ယူကရိန်းကို ကျူးကျော်ဝင်ရောက်နေတဲ့ ရုရှားတပ်တွေကို ယူကရိန်းတပ်တွေ တန်ပြန်ထိုးစစ်ဆင်ရာမှာ အသာရဖို့ရုန်းကန်နေရချိန် နေတိုးခေါင်းဆောင်တွေက လစ်သူရေးနီးယားမြို့တော်ဗီလ်နီယပ်စ်မှာ ပြုလုပ်တဲ့ ထိပ်သီးအစည်းအဝေးပွဲမှာ တွေ့ဆုံခဲ့ကြပါတယ်။

ယူကရိန်းရဲ့အနာဂတ်က နေတိုးထဲဝင်ရောက်ရန်ဖြစ်ကြောင်း ခေါင်းဆောင်များ ကြေညာခဲ့ကြပေမယ့် အချိန်အခါကိုတော့ မပြောကြားသွားပါဘူး။

မဟာမိတ်နိုင်ငံတွေ သဘောတူညီပြီး အခြေအနေအကြောင်းတရားတွေ ကိုက်ညီတဲ့အခါ ယူကရိန်းထံ ဖိတ်ကြားသွားမှာဖြစ်ကြောင်း ကြေညာခဲ့ပေမယ့် ယူကရိန်းကိုက်ညီရမယ့် အခြေအနေတွေကို အတိအကျ မပြောသွားပါဘူး။

နေတိုးက ယူကရိန်းကို အဖွဲ့ထဲဝင်ရောက်နိုင်ရေးအတွက် လိုအပ်ချက်တစ်ခုကို ဖယ်ရှားလိုက်ကာ အဖွဲ့ဝင်ဖြစ်မြောက်ရေးအတွက် အဟန့်အတားကို ထိရောက်စွာ ဖယ်ရှားခဲ့ပါတယ်။

ကြေညာချက်မထုတ်ပြန်ခင်ကပင် ဇယ်လန်စကီက နေတိုးခေါင်းဆောင်များကို ဝေဖန်ထားပါတယ်။

အဖွဲ့ဝင်ဖြစ်ခွင့်အတွက်ရော ဖိတ်ကြားချက်အတွက်ရော အချိန်ကာလ မသတ်မှတ်ထားဘူးဆိုရင် ဒါဟာ အဓိပ္ပာယ်မဲ့တယ်လို့ ဇယ်လန်စကီက ဗီလ်နီယပ်စ်သို့ မရောက်မီမှာ ပြောကြားခဲ့တာဖြစ်ပါတယ်။

အင်္ဂါနေ့က ဗီလ်နီယပ်စ်ရှိ စုဝေးပွဲတစ်ခုမှာပြောကြားရာမှာ နေတိုးသို့ဝင်ရောက်ရန် ဖိတ်ကြားခြင်းမခံရတဲ့အတွက် စိတ်ပျက်မိကြောင်း ဇယ်လန်စကီက ပြောကြားခဲ့ပါတယ်။

"နေတိုးက ယူကရိန်းကို ဘေးကင်းစေမှာဖြစ်သလို ယူကရိန်းကြောင့် နေတိုးအင်အားကြီးထွားလာပါမယ်။

ယနေ့ဒီနေရာကို ရောက်နေတာဟာ နေတိုးနဲ့ မိတ်ဖက်တွေကို ယုံကြည်လို့ ရောက်လာတာပါ" လို့ ပြောကြားသွားပါတယ်။

အရှေ့ဥရောပရှိ နေတိုးအဖွဲ့ဝင်တွေက ယူကရိန်းရဲ့တောင်းဆိုမှုကို ထောက်ခံခဲ့ကာ ယူကရိန်းကို နေတိုးလုံခြုံရေးအောက် ခေါ်ဆောင်ခြင်းဖြင့် ရုရှားတို့ ထပ်မံမတိုက်ခိုက်စေရန် အကောင်းဆုံးနည်းလမ်းဖြစ်ကြောင်း ထောက်ပြနေကြပါတယ်။

အမေရိကန်နဲ့ ဂျာမနီတို့လို နိုင်ငံတွေကတော့ နေတိုးနဲ့ရုရှား ထိပ်တိုက်တွေ့ဆုံလာမှာကို အထူးသတိထားနေကြပါတယ်။

နေတိုးရဲ့ကြေညာချက်ထဲမှာ ယူကရိန်းအစိုးရနဲ့ ပြည်သူတွေ သူတို့တိုင်းပြည်၊ သူတို့အကျိုးစီးပွားတွေကို ကာကွယ်ရေးအတွက် အခိုင်အမာစည်းလုံးညီညွတ်သွားဖို့ ထပ်လောင်းပြောကြားလိုကြောင်း ဖော်ပြထားပါတယ်။
Source: CNA
#World_News
#YMG #Yangon_Times

Published_ 12 july 2023

ရခိုင်ပြည်နယ် ၊ စစ်တွေမြို့ရှိ ဓညဝတီအားကစားကွင်းကို ပြည်နယ်အဆင့်အားကစားပွဲများကျင်းပနိုင် သည့် မိုးလုံလေလုံအားကစားရုံ၊ ခေတ်မီပြေးလမ်းနှင့်ပွဲကြည့်စင်ပါ အားကစားကွင်းနှင့် အဆင့်မီရေကူးကန်တို့ တည်ဆောက်နိုင်ရေး နစက ဥက္ကဌက ပြောကြားခဲ့ကြောင်း သိရသည်။

ဇူလိုင်လ ၁၁ ရက်က စစ်တွေမြို့အတွင်း ပြန်လည်ထူထောင်ရေးလုပ်ငန်းများဆောင်ရွက်နေသူများနှင့် သဘာဝဘေးဒဏ်သင့်ပြည်သူများအတွက် စတုဒီသာများ ချက်ပြုတ်နေမှုများအား သွားရောက်ကြည့်ရှုသည့် ခရီးစဉ်အတွင်း အထက်ပါအတိုင်း ပြောကြားခဲ့ခြင်းလည်း ဖြစ်သည်။

ခရီးစဉ်အတွင်း နစက ဥက္ကဌ နှင့် ဇနီး၊ အဖွဲ့ဝင်များအနေဖြင့် စစ်တွေမြို့၊ ရခိုင်ပြည်နယ် ယဉ်ကျေးမှု ပြတိုက်သို့ သွားရောက်၍ ပြတိုက်အတွင်း ခင်းကျင်းပြသထားသည့် ရခိုင် ရှေးဟောင်းမြို့တော်များပြခန်း၊ ရခိုင်စာပေကဏ္ဍပြခန်း၊ ရခိုင်ရှေးဟောင်း ဒင်္ဂါး များပြခန်း၊ ရခိုင်တိုင်းရင်းသားမျိုးနွယ်စုများပြခန်း၊ ရခိုင်ဓလေ့ထုံးစံများ ပြခန်း၊ ရခိုင် ပြည်နယ်နှင့် ဗုဒ္ဓယဉ်ကျေးမှုပြခန်း၊ ရိုးရာ ကျင်အားကစားပြခန်း တို့အတွင်းလေ့လာခဲ့ကြကြောင်းလည်း သိရသည်။
Yangon_Times/BM
#Local_News
#YMG #Yangon_Times

Published_ 12 July 2023

စနစ်ဟောင်းဖြင့် တက္ကသိုလ်ဝင်တန်းမဖြေဖြစ်သူများနှင့် စနစ်ဟောင်းGrade11ကျရှုံးခဲ့သူများအနေဖြင့် စနစ်သစ် ဒွါဒဿမတန်း Grade12 စာမေးပွဲတွင် ပြင်ပဖြေအနေဖြင့် ဖြေဆိုနိုင်သည်ဟု မြန်မာနိုင်ငံ စာစစ်ဦးစီးဌာနမှသိရသည်။

စနစ်ဟောင်းနဝမတန်း( Grade 10)အောင်မြင်ပြီး အကြောင်းအမျိုးမျိုးကြောင့် စနစ်ဟောင်းဒဿမတန်း Grade11ကိုမတက်ရောက်ဖြစ်သူများအနေဖြင့် ဒွါဒဿမတန်း Grade12 စာမေးပွဲတွင် ပြင်ပဖြေအနေဖြင့် ဖြေဆိုနိုင်မည်ဖြစ်သည်။

‘စနစ်ဟောင်းမှာ ကျရှုံးခဲ့တဲ့သူတွေလည်း စနစ်သစ်မှာပြင်ပဖြေဖြေခွင့်ရတယ်ဆိုရတယ်ဆိုတာအခုမှသိရတာပါ။

စနစ်ဟောင်းစနစ်ဟောင်းဒဿမတန်း Grade11နဲ့ စနစ်သစ် ဒွါဒဿမတန်းGrade12ကတော့ သင်ရိုးတွေကွာခြားတဲ့အတွက် ကျောင်းသား၊ကျောင်းသူတွေအနေနဲ့ ဒွါဒဿမတန်းGrade12သင်ရိုးကို ပြန်သင်ယူပြီးတော့ဖြေဆိုရမှာြဖစ်ပါတယ်’အထက်တန်းပြဆရာမတစ်ဦးမှပြောသည်၊၊

၂၀၂၃ခုနှစ်တွင် စနစ်ဟောင်းတက္ကသိုလ်ဝင်စာမေးပွဲဖြေဆိုခဲ့သူ ၁၆၁၈၅၀ဦးရှိခဲ့ပြီး အောင်မြင်သူ၁၀၉၈၅၁ဦးရှိကာ ကျရှုုံးသူ ၅သောင်းကျော်ရှိခဲ့ကာကျရှုံးသူများအနေဖြင့် ၂၀၂၄ခုနှစ်စနစ်သစ် ဒွါဒဿမတန်းGrade12စာမေးပွဲတွင် ပြင်ပဖြေ အနေဖြင့်ပြန်ဖြေဆိုခွင့် ရမည်ဖြစ်ကြောင်း မြန်မာနိုင်ငံစာစစ်ဦးစီးဌာနမှ သိရသည်။
Yangon-Times/tthl
#Local_News
#YMG #Yangon_Times

Published_ 12 July 2023

ကမ္ဘာမြေကြီးရဲ့ အတွင်းပိုင်းအစိုင်အခဲအူတိုင်ဟာ အလုံးစုံအစိုင်အခဲကြီးပဲ ဖြစ်မနေနိုင်ကြောင်း လေ့လာချက်အသစ်မှာ တွေ့ရှိထားပါတယ်။

ယေဘုယျထင်ထားသလို မဟုတ်ဘဲ အူတိုင်ကြီးဟာ အစိုင်အခဲနဲ့ အလယ်ဗဟိုသို့ စီးဆင်းနေတဲ့အရည်များ ပေါင်းစပ်နေတာ ဖြစ်ပါတယ်။

ဂြိုလ်အတိမ်အနက်မှ ကမ္ဘာမြေမျက်နှာပြင်သို့ ပြန်တက်လာတဲ့ ငလျင်လှိုင်းများရဲ့ ပဲ့တင်သံကို အခြေခံပြီး သုတေသနအသစ် ပြုလုပ်ထားတာ ဖြစ်ပါတယ်။

အတွင်းအူတိုင်ဟာ အရင်နားလည်ထားတာထက် ပိုမိုကွဲပြားနေတယ်လို့ တွေ့ရှိလာတာဖြစ်ပါတယ်။

တွေ့ရှိချက်များအရ အူတိုင်အပြင်အရည်က အစိုင်အခဲပြောင်းလာကာ အတွင်းအူတိုင်က နှစ်စဉ် ၁ မီလီမီတာခန့်တိုးမြင့်နေပြီး ကမ္ဘာ့သမိုင်းကြောင်းအစောပိုင်းကထက် လျင်မြန်စွာ ပြောင်းလဲလာကြောင်း တွေ့ရှိထားပါတယ်။

အူတိုင်အစိုင်အခဲအတွင်း သံရည်များ စုပိတ်နေနိုင်ကြောင်း၊ အရင်က အတွင်းအူတိုင်က လျင်မြန်စွာကြီးထွားနေကြောင်း၊ မျှခြေရောက်ပြီး ဖြည်းဖြည်းချင်းသာ ကြီးထွားနေကြောင်း၊ သံအားလုံးက အစိုင်အခဲဖြစ်လာတာမဟုတ်ဘဲ အချို့သံရည်တွေက အတွင်းမှာ ပိတ်မိနေနိုင်ကြောင်း အူတာတက္ကသိုလ်မှ ငလျင်ပညာရှင်'ကိသ်ကိုပါ'က ထုတ်ပြန်ကြေညာလိုက်ပါတယ်။

"အတွင်းအူတိုင်ကနေ ပြန်ထွက်လာတဲ့ အဆိုပါအချက်ပြမှုက အလွန်သေးငယ်ပြီး နာနိုမီတာခန့်သာရှိပါတယ်။ အခုလုပ်နေတာတွေက ကောက်ရိုးပုံထဲ အပ်ရှာသလိုဖြစ်နေပါတယ်။ ဒီပဲ့တင်သံတွေနဲ့ ရောင်ပြန်ဟပ်မှုတွေက မြင်ရခက်စေပါတယ်" လို့ ကိုပါက ပြောပြပါတယ်။

ကမ္ဘာ့အတွင်းအူတိုင်က ချောမွေ့စွာ အစိုင်အခဲဖြစ်လာတာ မဟုတ်ဘဲ အသွင်အပြင်အမျိုးမျိုးဖြင့် ပြုလုပ်ထားပါတယ်။

အတွင်းအူတိုင်အနှံ့မှာ မညီမျှမှုတွေကို ပထမဆုံးအကြိမ်တွေ့ရှိရကြောင်း ကော်နယ်လ်တက္ကသိုလ်မှ ဂွမ်နင်ပန်က ပြောပြပါတယ်။

ငလျင်ကြောတွေက ပိုမိုနက်ရှိုင်းပြီး အတွင်းပိုင်းကိုဖောက်ထွင်းလာကြောင်း၊ အချိန်ကြာလာတာနဲ့အမျှ အစိုင်အခဲပြောင်းလာတဲ့နှုန်းနဲ့ ဆက်စပ်နေကြောင်း ကိုပါက ပြောပြခဲ့ပါတယ်။
Source: WION
#World_Science
#YMG #Yangon_Times

Published_ 12 July 2023

ရန်ကုန်တိုင်းတွင် ပထမ၆လတာအတွင်း သွေးလွန်တုပ်ကွေးရောဂါဖြစ်ပွားသူဦးရေ ၄၉၈ဦးရှိ၍ သေဆုံးသူ၃ဦးရှိကာ တစ်နိုင်ငံလုံးအတိုင်းအတာအနေဖြင့် သွေးလွန်တုပ်ကွေးရောဂါဖြစ်ပွားမှု တတိယအများဆုံးဖြစ်ကြောင်း ကျန်းမာရေးဝန်ကြီးဌာနကသိရသည်။

မြန်မာတစ်နိုင်ငံလုံးတွင် ရန်ကုန်တိုင်း၌ သွေးလွန်တုပ်ကွေးရောဂါဖြစ်ပွားမှုတတိယအများအဖြစ်ရှိနေ၍
တောင်ဒဂုံ၊ အရှေ့ဒဂုံ၊ အင်းစိန်၊ လှိုင်သာယာ လူဦးရေထူထပ်သည့်နေရာများတွင် သွေးလွန်ဖြစ်ပွားမှုပိသွေးလွန်ဖြစ်ပွားမှုပိုများနေကြောင်း၊ တနသ် ာရီတိုင်းသည် သွေးလွန်တုပ်ကွေးရောဂါဖြစ်ပွားမှု ပထမအများဆုံးဖြစ်ကြောင်း သိရသည်။

"သွေးလွန်တုပ်ကွေးရောဂါက ကာကွယ်ဆေးတိုက်တာ၊ ဆေးထိုးတာတို့နဲ့ကာကွယ်လို့မရသေးလို့ ခြင်ကိုက် မခံရအောင်ပဲနေရမှာပါ"ဟု ရန်ကုန်တိုင်း၊ ပြည်သူ့ကျန်းမာရေးဦးစီးဌာနကသိရသည်။

ပြီးခဲ့သည့် ၂၀၂၂ခု နှစ် ပထမ ၆လတာ ကာလတူအတွင်းတစ်နိုင်ငံလုံးအနေဖြင့် သွေးလွန်တုပ်ကွေးရောဂါဖြစ်ပွားသူဦးရေ ၇၈၃၅ဦးရှိ၍ သေဆုံးသူ ၃၁ဦးရှိခဲ့ကြောင်းသိရသည်။

သွေးလွန်တုပ်ကွေးရောဂါသည် အသက်အရွယ်မရွေးဖြစ်ပွားနိုင်ပြီးအထူးသဖြင့် အသက် ၅နှစ်မှ ၉နှစ်အရွယ်ကလေးများတွင် အများဆုံးဖြစ်ပွားလေတုပ်ကွေးရောဂါဖြစ်ပွားသူဦးကလေးများ နေ့လည်အချိန်တွင် ခြင်ကိုက် မခံရန်၊ ကျန်းမာရေးဝန်ကြီးဌာန၏ ညွှန်ကြားချက် များကို လိုက်နာကြရန်လည်း ကျန်းမာရေးဝန်ကြီးဌာနကတိုက်တွန်းထားသည်။
Yangon-Times/BM
#Local_News
#YMG #Yangon_Times