Published_ 25 August 2023

ဖရုံစေ့တွေမှာ မဂ္ဂနီဆီယမ်၊ ဇင့်၊ ပရိုတိန်းတို့လို အာဟာရဓာတ်များ အပြည့်ပါဝင်ပြီး ဖရုံစေ့စားသုံးခြင်းဖြင့် တစ်နေ့တာပင်ပန်းမှုတွေကို ကာကွယ်နိုင်ကာ လိုအပ်တဲ့ အားအင်တွေကို ပေးစွမ်းနေမှာ ဖြစ်ပါတယ်။

အားအင် ထိန်းသိမ်းနိုင်ရန်အတွက် ဖရုံစေ့စားသုံးရန် ဟားဗတ်တက္ကသိုလ်မှ အာဟာရပညာရှင် ဒေါက်တာအူမာနိုင်ဒူက အင်စတာဂရမ်မှာ မျှဝေသွားပါတယ်။

မဂ္ဂနီဆီယမ်ဟာ ရောင်ရမ်းမှုကိုလျှော့ချပေးပြီး အာရုံကြောစနစ်ကို ပြေလျော့စေပါတယ်။

လှုပ်ရှားလေ့ကျင့်ခန်း ပြုလုပ်တဲ့အခါ ခန္ဓာကိုယ်မှာ လက်တိတ်များ စုစည်းလာပြီး ပင်ပန်းနုံးချည့်ခြင်းကို ဖြစ်ပေါ်စေပါတယ်။

မဂ္ဂနီဆီယမ်ကတော့ ထိုကဲ့သို့ လက်တိတ်စုပြုံခြင်းကို ကာကွယ်ပေးကာ နုံးချည့်ခြင်းကို သက်သာစေပါတယ်။

အားအင်ထုတ်လုပ်ရန်နဲ့ ဇီဝဖြစ်စဥ်ကျန်းမာနေစေရန်အတွက် အရေးပါတဲ့ သံဓာတ်နဲ့ မဂ္ဂနီဆီယမ်တို့ ပါဝင်ကြောင်း၊ ခန္ဓာကိုယ်အနှံ့သို့ အောက်ဆီဂျင်ပေးပို့ရာမှာ လိုအပ်တဲ့ ဟေမိုဂလိုဘင်ဖြစ်ပေါ်မှုအတွက် သံဓာတ်က အရေးကြီးကြောင်း၊ မဂ္ဂနီဆီယမ်ကတော့ အစားအစာကို စွမ်းအင်အဖြစ် ပြောင်းလဲပေးကာ ကြွက်သားနဲ့ အာရုံကြော လုပ်ဆောင်မှုကို ထောက်ပံ့ပေးကြောင်း၊ အစားအစာထဲမှာ ဖရုံစေ့ထည့်သွင်းခြင်းဖြင့် ပင်ပန်းနွမ်းနယ်မှုကို သက်သာစေတဲ့ အာဟာရဓာတ်တွေ ပေးစွမ်းနိုင်ကြောင်း မားသားဟုဒ်ဆေးရုံမှ အာဟာရပညာရှင်အတိုင်ပင်ခံ အန်ဂျာနာနာအဲမှ ပြောပြသွားပါတယ်။

ဖရုံစေ့မှာ ဖိုင်တိုစတီရောလ်၊ ဖီနောလစ်ဒြပ်ပေါင်း၊ ဗိုက်တာမင်-အီး၊ ကူကာဘိုင်တာစင်၊ အိုမီဂါ-၃, ၆ , ၉ ဖက်တီးအက်ဆစများ၊ အမိုင်နိုအက်ဆစ်များ ပါဝင်ပါတယ်။

ဒါ့အပြင် ဖော့စ်ဖရပ်စ်၊ ဇင့်၊ မန်ဂနိစ်၊ သံဓာတ်၊ ကယ်လ်စီယမ်၊ ကြေးနီဓာတ်များလည်း ပါဝင်ပါတယ်။

ဖရုံစေ့စားခြင်းရဲ့ ကျန်းမာရေး အကျိုးကျေးဇူးအချိုု့ကတော့ နှလုံးသွေးကြောကျန်းမာရေးအတွက် အကျိုးရှိခြင်း၊ ကိုယ်ခံအားစနစ်ကို ထောက်ပံ့ခြင်း၊ ဆဲလ်ကြီးထွားမှုကို ကူညီပေးခြင်း၊ စိတ်အခြေအနေနဲ့ အိပ်စက်မှုကို မြှင့်တင်ပေးခြင်း၊ မျက်လုံး ဆံပင် အရေပြားကျန်းမာရေး ကောင်းမွန်စေခြင်း၊ အရိုးကျန်းမာရေး ထိန်းသိမ်းပေးခြင်း၊ ကင်ဆာဆန့်ကျင်ခြင်းတို့ ဖြစ်ပါတယ်။

အမိုင်နိုအက်ဆစ် ထရစ်ပ်တိုဖန် ကြွယ်ဝပြီး ဆီရိုတိုနင်သို့ ပြောင်းလဲပေးကာ အိပ်စက်မှုကို ကောင်းမွန်စေပြီး စိတ်ဓာတ်ကျခြင်းကို သက်သာစေပါတယ်။
Source: The Indian Express.
#World_Health
#ဖရုံစေ့စားသုံးခြင်း #စွမ်းအင်မြှင့်တင်ပေး #ပင်ပန်းနွမ်းနယ်ခြင်းကိုပြေလျော့စေ #နှလုံးသွေးကြောကျန်းမာရေး
#YMG #Yangon_Times

Published_ 25 August 2023

ရှမ်းပြည်နယ်(မြောက်ပိုင်း)၊ လားရှိုးမြို့တွင် အဝတ်လျှော်နေရင်း အမျိုးသမီး ၁ဦး ယနေ့ ရုတ်တရက် သေဆုံးသွားခဲ့ကြောင်း လားရှိုးလူငယ်များလူမှုကူညီရေးအဖွဲ့ကသိရသည်။

လားရှိုးမြို့၊ ရပ်ကွက်(၅)၊ နယ်မြေ(၁၃)၊ ၄၉လမ်း၊ ၁၉လမ်း နှင့် ၂၀ လမ်းကြားတွင် အမျိုးသမီးတစ်ဦးသေဆုံးနေပါသဖြင့်ကူညီပေးပါရန် နယ်ထိန်း၊မြို့မရဲစခန်းမှဆက်သွယ်အကြောင်းကြားလာ၍သွားရောက်ခဲ့ရာတွင် အဝတ်လျှော်နေရင်း ရေကန်အနီးတွင် သေဆုံးနေခဲ့ခြင်းဖြစ်သည်။

" အသက် ၃ဝ ကျော်အရွယ် အမျိုးသမီး သူ့ကလေးလေးနဲ့ အဝတ်လျှော်နေတုန်း အဲဒီရေကန်နားမှာ ဆုံးနေတာပါ။.သေဆုံးသူအမျိုးသမီးက ဝက်ရူးပြန်ရောဂါရှိတယ်လို့လည်းသိရတယ်"ဟု လူမှုကူညီရေးအသင်းမှသိရသည်။

လူမှုကူညီရေးအသင်းမှ ဖြစ်စဥ်နေရာသို့သွားရောက်၍ ရဲတပ်ဖွဲ့ဝင်များနှင့်ပူးပေါင်းကာသေဆုံးသူအမျိုးသမီးအလောင်းကိုလားရှိုးလူငယ်များလူမှုကူညီရေးအသင်းမှ ကားဖြင့် လားရှိုးပြည်သူ့ဆေးရုံကြီးရင်ခွဲရုံသို့ ပို့ဆောင်ကူညီပေးခဲ့ကြောင်းလည်း သိရသည်။
Yangon_Times/PP
#Local_News
#YMG #Yangon_Times

Published_ 25 August 2023

ဧည့်မထဆန်တစ်ပြည်လျှင် ငွေကျပ် ၂၅၀၀ နှုန်းဖြင့် ယနေ့ (သြဂုတ်လ ၂၅ ရက်)မှ စတင်ရောင်းချနေပြီ ဖြစ်ကြောင်း မြန်မာနိုင်ငံဆန်စပါးအသင်းချုပ်က ထုတ်ပြန်လိုက်သည်။

ယင်းကို လှိုင်သာယာမြို့နယ်တွင် (၇)ဆိုင်၊ ရွှေပြည်သာမြို့နယ်တွင် (၄) ဆိုင်၊ တောင်ဒဂုံမြို့နယ်တွင် (၄) ဆိုင်၊ မြောက်ဥက္ကလာမြို့နယ်တွင် (၅)ဆိုင်၊ မြောက်ဒဂုံမြို့နယ်တွင် (၂) ဆိုင်၊ ဒဂုံဆိပ်ကမ်းမြို့နယ်တွင် (၁)ဆိုင်၊ အရှေ့ဒဂုံမြို့နယ်တွင် (၂)ဆိုင်၊ သင်္ဃန်းကျွန်းမြို့နယ်တွင် (၃) ဆိုင်၊ ပုဇွန်တောင်မြို့နယ်တွင် (၁) ဆိုင်၊ သာကေတမြို့နယ်တွင် (၁)၊ ဒေါပုံမြို့နယ်တွင် (၂) ဆိုင်၊ ဒလမြို့နယ်တွင် (၃) ဆိုင်၊ ကြည့်မြင်တိုင်မြို့တွင် (၁) ဆိုင်၊ အလုံမြို့နယ်တွင် (၁) ဆိုင်၊ စိတ်ကြီးခနောင်တိုမြို့နယ်တွင် (၁)ဆိုင်၊ မင်္ဂလာဒုံမြို့နယ်တွင် (၃) ဆိုင်၊ အင်းစိန်မြို့နယ်တွင် (၁) ဆိုင် မြို့နယ် ၁၇ ခုရှိ ဆန်ဆိုင်ပေါင်း ၄၂ ဆိုင် တို့မှတစ်ဆင့် ရောင်းချပေးသွားမည်ဖြစ် ကြောင်း အဆိုပါ ထုတ်ပြန်ချက်အရသိရသည်။

ဆက်လက်၍ လူနေရပ်ကွက်နှင့် ဈေးများရှိ အောက်ဖော်ပြပါဆန်ဆိုင်များတွင် ရောင်းချမည်ဟုသိရသည်။ အဆိုပါဆန်ဆိုင်များမှာ မြန်မာနိုင်ငံဆန်စပါးအသင်းချုပ်အနေဖြင့် ပြီးခဲ့သည့် ဩဂုတ်လ ၇ ရက်ကစ၍ နိုင်ငံသားစိစစ်ရေးကတ်ပြား တင်ပြလျက် ကတ်ပြားတစ်ခုလျှင် တစ်လအတွက် ပေါ်ဆန်းအမျိုးအစားဆန် တစ်အိတ်နှင့် ဧည့်မထ အမျိုး အစားဆန် တစ်အိတ်တို့ကို ဝါးတန်းကုန်စည်ဒိုင်၊ ဘုရင့်နောင်ကုန်စည်ဒိုင်တို့တွင်ရောင်းချပေး နေကြောင်း လည်း သိရသည်။
#Yangon-Times/PP
#Local_News
#YMG #Yangon_Times

Published_ 25 August 2023

ကလေးထိန်းတစ်ယောက်အနေနဲ့ ရုပ်သံတစ်ခုခု ကြည့်နေတတ်တယ်ဆိုရင် ကလေးငယ်အပေါ်မှာ ဆိုးကျိုးသက်ရောက်နိုင်တယ်လို့ လေ့လာချက်တစ်ခုမှာ တွေ့ရှိထားပါတယ်။

ရင်ခွင်ပိုက်အရွယ် ကလေးတွေမှာ တီဗီ၊ ကွန်ပျူတာ၊ ဖုန်းဖန်သားပြင်တွေကို ကြည့်ရှုချိန်ပိုများလေ ဖွံ့ဖြိုးကြီးထွားမှု ပိုပြီးနှောင့်နှေးလေ ဖြစ်ပါတယ်။

ထိုနှောင့်နှေးမှုတွေထဲမှာ စကားပြောဆိုခြင်း၊ ခန္ဓာကိုယ်လှုပ်ရှားခြင်း၊ ပြဿနာဖြေရှင်းခြင်း၊ တစ်ကိုယ်ရည်နဲ့ လူမှုရေး အရည်အသွေးများ ပါဝင်နေကြောင်း JAMA ကလေးဂျာနယ်မှာ ဖော်ပြထားပါတယ်။

စက်ပစ္စည်းဖန်သားပြင်ကို စိတ်ပါပါ မပါပါ ကြည့်ရှုနေခြင်းဖြင့် အပြန်အလှန်ပြောဆို ဆက်ဆံခြင်းမှာ အနှောင့်အယှက်ဖြစ်စေသလို လူမှုပေါင်းသင်းရေးမှာလည်း ချို့ယွင်းစေကြောင်း ကယ်လီဖိုးနီးယားတက္ကသိုလ်မှ ကလေးအထူးကုပရော်ဖက်ဆာ ဒေါက်တာဂျေဆန်နာဂါတာက ပြောပြခဲ့ပါတယ်။

လေ့လာချက်များအရ စက်ပစ္စည်းဖန်သားပြင်ကို တစ်နေ့ ၄ နာရီအထိ ကြည့်ရှုလေ့ရှိတဲ့ အသက် ၂ နှစ်အရွယ် ကလေးတွေဟာ ဆက်ဆံရေးနဲ့ ပြဿနာဖြေရှင်းခြင်း စွမ်းရည်တွေမှာ ဖွံ့ဖြိုးမှုနှောင့်နှေးခြင်းမျိုး ၃ ဆလောက်အထိ ပိုမိုဖြစ်နိုင်ချေရှိကြောင်း တွေ့ရှိခဲ့ကြပါတယ်။

တစ်နေ့ကို ၄ နာရီထက်ပိုကြာအောင် ကြည့်ရှုတဲ့ကလေးတွေကတော့ ဖွံ့ဖြိုးမှုနှောင့်နှေးနိုင်ချေ ၅ ဆပိုများနေပါတယ်။

အသက် ၄ နှစ်အရွယ် ကလေးများအထိ ထိုပြဿနာတွေ ထင်ရှားနေပါသေးတယ်။

စက်ပစ္စည်းဖန်သားပြင် ကြည့်ရှုချိန်များတဲ့ အကြောင်းအရင်းတွေထဲမှာ ကလေးရဲ့အမေက ငယ်ရွယ်ခြင်း၊ ပထမအကြိမ် ကလေးမွေးဖူးခြင်း၊ ဝင်ငွေနဲ့ ပညာရေးအခြေအနေ နိမ့်ပါးခြင်းတို့ ပါဝင်နေပြီး မီးဖွားပြီးနောက် စိတ်ဓာတ်ကျခြင်း အခြေအနေ ခံစားရနိုင်ချေ များသူတွေဖြစ်ပါတယ်။

ဖန်သားပြင် ကြည့်ရှုသမျှတိုင်းကို ထည့်တွက်လို့ မရနိုင်သလို ဥပမာအားဖြင့် ပညာပေးအစီအစဥ်ကြည့်ခြင်း၊ မိသားစုနဲ့ ချက်တင်ပြောဆိုခြင်းတို့က အခြားအပျော်အပါး ကြည့်ရှုစရာများနဲ့ မတူညီပါဘူး။

အရေးကြီးဆုံးကတော့ ဒီတွေ့ရှိချက်တွေဟာ လူ့အဖွဲ့အစည်းတစ်ခုမှာသာ လေ့လာထားတာဖြစ်ပြီး ဒါတွေကိုပဲကြည့်ပြီး လိုက်လံမကန့်သတ်သင့်ကြောင်း ဂျပန်နိုင်ငံ တိုဟိုကူတက္ကသိုလ်မှ ဒေါက်တာတာကူအိုဘာရာက ပြောကြားခဲ့ပါတယ်။
Source: New York Post
#World_Health
#YMG #Yangon_Times

တရုတ်နိုင်ငံရဲ့ အွန်လိုင်းတိုက်ရိုက်လွှင့် ရှော့ပင်းကဏ္ဍဟာ ဖွံဖြိုးတိုးတက်လျက်ရှိပြီး တရုတ်တောင်ပိုင်း ကျောက်မျက်ရတနာ ဖြန့်ဖြူးရာဒေသ ဖိုရှန်မှာ ကျောက်စိမ်းမျိုးနွယ် ရတနာရောင်းချမှုများလည်း ထင်ရှားလာပါတယ်။
#Asia_Business
#Published_ 24 August 2023
#YMG #Yangon_Times

#Daily_News
Published_ 24 August 2023

၁။ အခုရက်ပိုင်းအတွင်း ကချင်ပြည်နယ်၊မန္တလေးတိုင်းနှင့် စစ်ကိုင်းတိုင်းအထက်ပိုင်းတွင် မိုးကြီးမည်

၂။ အလုပ်သမားဝန်ကြီးဌာနမှ ဖွင့်လှစ်သည့် ဒေသဆိုင်ရာ လမ်းညွှန်သင်တန်းဟုဆိုကာ
မန္တလေးတွင် လိမ်လည်ဖွင့်လှစ်ပြီး သင်တန်းကြေးငွေများ ကောက်ယူနေဟုဆို

၃။ ကမ္ဘာကျော် ဘာစီလိုနာလူငယ် ဘောလုံးအသင်းနှင့် မြန်မာလူငယ်အသင်းတို့ ယှဉ်ပြိုင်ရာတွင် မြန်မာလူငယ်အသင်း ရှုံးနိမ့်

၄။ တရုတ်နိုင်ငံမှ ကျောက်မျက်ရတနာများအား အွန်လိုင်းမှ တိုက်ရိုက် Liveလွှင့် ရောင်းချဝယ်ယူခြင်း ခေတ်စားလာ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

၂၄ ဩဂုတ် ၂၀၂၃

အသစ်ခန့်အပ်ခံရတဲ့ ထိုင်းဝန်ကြီးချုပ် ဆရက်သာ သာဗီဆင်းဟာ အကြံဉာဏ်များရယူဖို့ သူ့အလျင်ဝန်ကြီးချုပ်ဖြစ်သည့် ဗိုလ်ချုပ်ကြီး ပရာရွတ် ချန်အိုချာကို အစိုးရရုံးတွင် ကြာသပတေးနေ့က သွားရောက်တွေ့ဆုံခဲ့တယ်လို့ ဘန်ကောက်ပို့စ် သတင်းအရသိရပါတယ်။

ဖွေထိုင်းပါတီမှ မစ္စတာ ဆရက်သာဟာ ကြာသပတေးနေ့ ဩဂုတ် ၂၄ ရက် မနက်၁၁နာရီ ၅မိနစ်မှာ ဗိုလ်ချုပ်ကြီး ပရာရွတ်နှင့် တွေ့ဆုံဖို့ တိုရိုတာ အယ်လ်ဖတ်ကားအနက်ရောင်ကြီးနဲ့ ရောက်ရှိလာကြောင်းသတင်းကရေးသားပါတယ်။  အိမ်ခြံမြေသူဋ္ဌေးဟောင်းကြီးဖြစ်တဲ့ ဆရက်သာဟာ ထိုင်းဘုရင်မင်းမြတ်ထံမှ ထိုင်းနိုင်ငံရဲ့ ၃၀ဦးမြောက်ဝန်ကြီးချုပ်အဖြစ် ထောက်ခံမှုရရှိပြီးနောက်တွင် ဗိုလ်ချုပ်ကြီးပရာရွတ်နှင့်တွေ့ဆုံခဲ့တာဖြစ်ပါတယ်။

ဝန်ကြီးချုပ်အသစ်ကို ယခင် ဝန်ကြီးချုပ်ဟောင်းယင်လတ်ရှင်နာဝတ်ထရာရဲ့ ရဲသက်တော်စောင့်လုပ်ခဲ့ဖူးတဲ့ ရဲမှူးကြီး ဝါသန်ယု ဝက်ချရာပါလော့ထိုင်း စောင့်ကြပ်လိုက်ပါခဲ့တာဖြစ်ပါတယ်။

တွေ့ဆုံရာမှာ ဝန်ကြီးချုပ်တာဝန်ပြီးဆုံးတော့မည့် ဗိုလ်ချုပ်ကြီးပရာရွတ်ရဲ့ ယူနိုက်တက်ထိုင်းနေရှင်း (ယူတီအင်န်)ပါတီရဲ့ ခေါင်းဆောင်နှင့် အထွေထွေအတွင်းရေးမှူး ပီရာပန်ဆာလီရာသာဗီဘာဂါလည်း တက်ရောက်ပါတယ်။

တွေ့ဆုံမှုဟာ မိနစ် ၄၀မှ ၄၅ မိနစ်အထိကြာမြင့်ခဲ့ပါတယ်။

မစ္စတာဆရက်သာဟာ နိုင်ငံရေးအတွေ့အကြုံ နည်းပါးပေမယ့် သူဟာ ဝန်ကြီးချုပ်ဟောင်းတွေဖြစ်တဲ့ သက်ဆက်နှင့် နှမဖြစ်သူ ယင်လတ်တို့ရဲ့ လူယုံတစ်ဦးအဖြစ်နှစ်ရှည်လများရပ်တည်ခဲ့သူဖြစ်ပါတယ်။

Source: Bangkok Post

YUFC အမျိုးသမီးဘောလုံးအသင်းနှင့် အသင်းအုပ်ချုပ်သူများကို ငွေဒဏ်အပြင် နောက်ဆုံးအကြိမ် စာဖြင့်သတိပေးခံရ

ပြိုင်ပွဲကျင်းပရေးစည်းမျဉ်း/စည်းကမ်းအပိုဒ် (၁၈)အရ YUFC အသင်းကို ဒဏ်ကြေးငွေ ကျပ် (၁၅)သိန်းချမှတ်
Yangon_Times/MY
#Local_News
#Published_ 24 August 2023
#YMG #Yangon_Times

ပုဂံလောကနန္ဒာစေတီ၏ ဗုဒ္ဓပူဇနိယပွဲတော်ကြီးကျင်းပ

‘လောကနန္ဒာစေတီတော် ဗုဒ္ဓပူဇနိယပွဲတော်ကို ဝါခေါင်လဆန်း(၇)ရက်ဩဂုတ်လ(၂၃)ရက်နဲ့ ဝါခေါင်လဆန်း (၈)ရက်ဩဂုတ်လ(၂၄)ရက်နေ့တို့မှာ ကျင်းပခဲ့ပြီးသံဃာတော်၊ဆရာတော်စုစုပေါင်း(၆၅)ပါးကို ပင့်ဖိတ်ပြီး ဆွမ်းသပိတ်လုံးတွေ လောင်းလှူနိုင်ခဲ့တယ်’..... လောကနန္ဒာစေတီတော် ဂေါပကအဖွဲမှ တာဝန်ရှိသူတစ်ဦး
Yangon_Times/tthl
#Local_News
#Published_ 24 August 2023
#YMG #Yangon_Times

Published_ 24 August 2023

မန္တလေးတိုင်းဒေသကြီး အောင်မြေသာစံခရိုင် မတ္တရာမြို့နယ် တောင်ပြုံးကျေးရွာရှိ အနော်ရထာမင်းကြီး တည်ထားကိုးကွယ်ခဲ့သော သမိုင်းဝင် တောင်ပြုံးဆုတောင်းပြည့် ဆုတောင်းရမြတ်စွာဘုရား ဗုဒ္ဓပူဇနိယ ဆွမ်းတော်ကြီး လောင်းလှူပွဲ နှင့် တောင်ပြုံး အရှင်နှစ်ပါးပွဲတော်ကို ဝါခေါင်လဆန်း၈ရက် မှ ၁၅ ရက်အထိ ကျင်းပပြုလုပ်မည် ဖြစ်ရာ ပွဲတော်ရက် မရောက်ခင်ကပင် လာရောက်သည့် ဘုရားဖူးပြည်သူ များပြားနေကြောင်း ပွဲတော်ကျင်းပရေးကော်မတီထံမှ သိရသည်။

ပွဲတော်ကို နှစ်စဉ်ကျင်းပခဲ့သော်လည်း ပြီးခဲ့သည့်နှစ်က အကြောင်းအမျိုးမျိူး‌ကြောင့် ပွဲတော် ဖြစ်ယုံသာ ကျင်းပခဲ့ရပြီး ယခုနှစ်မှသာ ပြန်လည်စည်ကားစွာ ကျင်းပနိုင်ရန် စီစဉ်ခဲ့ကြောင်း သိရသည်။

'' ဒီနှစ်ကတော့ လာတဲ့ ဘုရားဖူးဧည့်သည်ပိုများတယ် ပွဲတော်ရက် မစခင် လဆန်း၁ရက်နေ့ကတည်းက တစ်ရက်ကို လာတဲ့ဘုရားဖူးဧည့်သည် နှစ်သောင်းကျော်ရှိတယ်။

ဖွင့်ပွဲကို မနက်ဖြန်ဝါခေါင်လဆန်း ၉ရက် မနက် ၉နာရီမှာ ပြုလုပ်မှာပါ ပွဲတော်ကျင်းပချိန်ကိုတော့ မနက် ၆နာရီကနေ ညနေ ၆နာရီ အထိ ခွင့်ပြုထားပါတယ်''ဟု ပွဲတော်ကျင်းပရေးကော်မတီမှ ဦးမောင်မောင်ကြီးကပြောသည်။

ပွဲတော်အတွင်းရောင်းချမည့် ဆိုင်ခန်းများငှားရမ်းခကိုလည်း ယခင်နှစ်များတွင်
၅ပေတစ်ခန်းလျှင် တစ်သိန်းမှ နှစ်သိန်းအထိ ငှားရမ်းခရှိခဲ့ပြီး ယခုနှစ်ပွဲတော်ရက်တွင် ဆိုင်ခန်း အတွက် တစ်ပေလျှင် ကျပ်တစ်သောင်းဖြင့် ဈေးရောင်းသူများ အဆင်ပြေစေရန် လုပ်ဆောင်ပေးထားကြောင်း သိရသည်။
Yangon Times/LW
Photo crd - Naung Naung FB
#Local_News
#YMG #Yangon_Times

Published_ 24 August 2023

တောင်ကိုးရီးယားသမ္မတနိုင်ငံသွားရောက်သည့် မြန်မာလုပ်သားများထံမှ တားမြစ်စားသောက်ကုန်များကို မကြာခဏ ဖမ်းမိနေ၍ နောင်တစ်ကြိမ်လျှင်ပြည်ဝင်ခွင့်ပိတ်မည်ဟု တောင်ကိုးရီးယားဘက် မှအသိပေးလာကြောင်း ဆိုလ်းမြို့ရှိ မြန်မာအလုပ်သမားသံအရာရှိရုံးက ဩဂုတ်လ၂၄ရက်(ယနေ့)ထုတ်ပြန်လိုက်သည်။

ကိုရီးယားသမ္မတနိုင်ငံသို့ ဝင်ရာက် မည့်သူများအား တားမြစ်ပစ္စည်းများ၊ အစားအ​သောက်များ သယ်​ဆောင်ခြင်းမပြုပါရန် အကြိမ်ကြိမ် အသိပညာ​ပေးခြင်း သတိ​ပေး​ပြောကြားခြင်းတို့ကို ​ဆောင်ရွက်ခဲ့​သော်လည်း ကိုရီးယားသမ္မတနိုင်သို့ ဝင်​ရောက်သည့် Re entry လုပ်သားများက ဂရုမပြုဘဲ အသား​ခြောက် ကွမ်းရွက် စသည့် အစားအ​သောက် များ ​သယ်​ဆောင်သည်ကို အင်ချွန်း​လေဆိပ်တွင် စစ်​ဆေးတွေ့ရှိ​ကြောင်း သိရှိရသည်။

"ပြောတာတော့ များနေပေမဲ့ ထပ်ပြောရဦးမှာပဲ။ အသားခြောက် လုံးဝ လုံးဝဖမ်းပါတယ်။ ကွမ်းရွက်ဖမ်းတာပါပဲ။ Re-entryတွေက လူနည်းတဲ့အတွက် သေချာစစ်ပါတယ်။ တစ်ခြားနိုင်ငံတွေ အိတ်စစ်ချိန် ၅မိနစ်တောင်မကြာတဲ့အချိန် ကျွန်တော်တို့တွေဝင်လိုက်ရင် နာရီဝက်လောက်ကြာပါတယ်။

POEA က ဆရာမတွေကလည်း မထွက်ခင်ကြိုသတိပေးခဲ့ပါတယ်။ ဘယ်သူမှဂရုမစိုက်ကြပါဘူး။ လွတ်မယ်ထင်လို့ သယ်လာကြတယ်။ ခုတော့ အပတ်စဥ်အမိများလာတော့ အဖမ်းခံရတဲ့သူတွေ နောင်တစ်ကြိမ်ပြည်ဝင်ခွင့်ပိတ်ပါမယ်လို့ အကြောင်းကြားလာပါတယ်။ ထပ်ချဲ့ပြောရရင် E-7-4လိုမျိုး ဗီဇာပြောင်းမယ်ဆိုရင်တောင် ကိုယ့်မှာ နစ်နာမယ့်အခြေအနေဖြစ်လာမှာပါ"ဟု အလုပ်သမားသံအရာရှိရုံးက ပြောသည်။

လက်ရှိတွင် တားမြစ် ပစ္စည်းသယ်ဆောင်ခြင်းနှင့်ပတ်သက်၍ ဖမ်းဆီးရမိသူများအား ပစ္စည်းသိမ်း၊ ပတ်စ်ပို့မှတ်တမ်းတင်၍ ဒဏ်ငွေဆောင်ခြင်းများစေခိုင်း၍ နောင်တစ်ကြိမ်ပြည်ဝင်ခွင့်ပိတ်မည်ဟု အကြောင်းကြားလာကြောင်း အလုပ်သမားသံအရာရှိရုံးက သိရသည်။

အဆိုပါ အကြောင်းအရာနှင့်ပတ်သက် ၍ အစိုးရပြည်ပအလုပ် အကိုင်အေဂျင်စီ (POEA-EPS) ကလည်းမိမိ​ကြောင့် မြန်မာလုပ်သားများ၏ ပုံရိပ်မကျဆင်း​စေ​ရေး၊ ​နောင်ဝင်​ရောက်မည့် လုပ်သားများအတွက် အဟန့်အတားမဖြစ်​ပေါ်​စေ​ရေး အထူးသတိပြု လိုက်နာ​ဆောင်ရွက်ကြပါရန် ထပ်မံအသိ​ပေးထား‌သေးသည်။
#Yangon-Times/PP
#Local_News
#YMG #Yangon_Times