Published_ 11 July 2023

တရုတ်နိုင်ငံ ပေကျင်းမြို၌ ရောက်ရှိနေသော ရင်းနှီးမြှုပ်နှံမှုနှင့် နိုင်ငံခြားစီးပွား ဆက်သွယ်ရေးဝန်ကြီးဌာနဝန်ကြီး ဒေါက်တာကံဇော်သည် ဇူလိုင် ၁၀ ရက် နံနက်ပိုင်းက တရုတ်နိုင်ငံ နိုင်ငံတကာဖွံဖြိုးတိုးတက်ရေးနှင့် ပူးပေါင်းဆောင်ရွက်ရေး အေဂျင်စီ၊ ဒုတိယဥက္ကဋ္ဌ Mr. Deng Boqing နှင့် သီးခြားတွေ့ဆုံ၍ နှစ်နိုင်ငံစီးပွားရေး ပူးပေါင်း ဆောင်ရွက်မှုတိုးမြှင့်ရေး၊ တရုတ်နိုင်ငံ၏အကူအညီဖြင့် အကောင်အထည်ဖော် ဆောင်ရွက်ဆဲစီမံကိန်းများ၊ အဆိုပြုစီမံကိန်းများနှင့် ရှေ့ဆက်ဆောင်ရွက်မည့် လုပ်ငန်း စဉ်များကို ဆွေးနွေးခဲ့ကြောင်း သိရပါတယ်။

ဇူလိုင် ၁၀ ရက်တွင် “ဖွံဖြိုးမှုမျှဝေခြင်းအတွက် ကမ္ဘာလုံးဆိုင်ရာ ဆောင်ရွက်ချက် ဖိုရမ်၏ ပထမအကြိမ် အဆင့်မြင့်ညီလာခံ” ကို “Global Development Initiative: Echo the Development Agenda and Call for Global Action” ခေါင်းစဉ်ဖြင့် ကျင်းပရာ ဝန်ကြီး ဒေါက်တာကံဇော် တက်ရောက်ခဲ့ပါတယ်။

အဆိုပါညီလာခံသို တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရိုအဖွဲဝင်၊ ဗဟိုနိုင်ငံခြားရေးရာ ကော်မရှင်ရုံး အကြီးအကဲ Mr. Wang Yi ၊ တရုတ်နိုင်ငံ နိုင်ငံတကာ ဖွံဖြိုးတိုးတက်ရေးနှင့် ပူးပေါင်းဆောင် ရွက်ရေးအေဂျင်စီ ဥက္ကဋ္ဌ Mr. Luo Zhao-hui ၊ ဖိတ်ကြားထားသော အာရှ၊ အာဖရိက၊ လက်တင်အမေရိက နိုင်ငံပေါင်း ၂၀ ကျော်မှ ကိုယ်စားလှယ်အဖွဲများနှင့် ကုလသမဂ္ဂနှင့် နိုင်ငံတကာအဖွဲအစည်း ၃၆ ခုတိုမှ အဆင့်မြင့်ကိုယ်စားလှယ်များ တက်ရောက်ခဲ့ကြပါတယ်။

ညီလာခံတွင် ကမ္ဘာလုံးဆိုင်ရာ ဖွံဖြိုးရေးကိစ္စများနှင့်စပ်လျဉ်း၍ ဘုံအကျိုးအမြတ် ရရှိစေရန် ရည်ရွယ်၍ ဖိုရမ်ခွဲလေးခု ဆက်လက်ကျင်းပခဲ့ရာ “ဆင်းရဲမှုလျှော့ချရေးနှင့် စိုက်ပျိုးရေး အသွင်ကူးပြောင်းမှုအတွက်ကမ္ဘာလုံးဆိုင်ရာ အများပြည်သူပိုင် ပစ္စည်းများ နှင့်စပ်လျဉ်း၍ ဖွံဖြိုးဆဲနိုင်ငံများအချင်းချင်း ပူးပေါင်းဆောင်ရွက်မှု ဖိုရမ်ခွဲ” သို့ တက်ရောက်၍ ဝန်ကြီးဒေါက်တာကံဇော်က အမှာစကား ပြောကြားခဲ့ပါတယ်။

အဆိုပါ ညီလာခံအပြီးတွင် ပါဝင်တက်ရောက်သည့် နိုင်ငံများ၏ သဘောတူညီမှုဖြင့် ပေကျင်းထုတ်ပြန်ချက်ကို ကြေညာခဲ့ကြောင်း သတင်းရရှိပါတယ်။
ygm_mnn
#local_news
#YMG #Yangon_Times

Published 11 July 2023

ထိုင်းနိုင်ငံမှ Move Forward Party(MFP)ပါတီခေါင်းဆောင် 'ပီတာလင်မ်ဂျရိုအင်ရတ်' iTV ရှယ်ယာပါဝင်ခဲ့ဖူးတဲ့ကိစ္စကို ရွေးကောက်ပွဲကော်မရှင်(EC)က ဖွဲ့စည်းပုံအခြေခံဥပဒေတရားရုံးသို့ တင်သွင်းခဲ့ပါက ကြာသပတေးနေ့ ဝန်ကြီးချုပ်သစ်နေရာအတွက် အထက်လွှတ်တော်အမတ်များ အရေးကြီးမဲပေးမှု အပြောင်းအလဲဖြစ်သွားနိုင်တယ်လို့ ရွေးကောက်ပွဲကော်မရှင်နာဟောင်းတစ်ဦးက ပြောကြားလိုက်ပါတယ်။

တရားရုံးကသာ ဒီကိစ္စကိုလက်ခံစဉ်းစားပြီဆိုရင် မစ္စတာပီတာကို လွှတ်တော်အမတ်အဖြစ်မှ တာဝန်ဆိုင်းငံ့ထားနိုင်ကာ ကြာသပတေးနေ့ မဲပေးမှုကို သက်ရောက်လာနိုင်တယ်လို့ 'ဆွမ်ချိုင်သီရိဆုထီယာကွန်'က ပြောကြားလိုက်ပါတယ်။

လွှတ်တော်အမတ်အဖြစ် ပါလီမန်ထဲ ဝင်ရောက်ခွင့်မရှိပေမယ့် ဝန်ကြီးချုပ်လောင်းအဖြစ် ယှဉ်ပြိုင်နိုင်သေးကြောင်း ဆိုပါတယ်။

ဒါဟာ မစ္စတာပီတာရဲ့ မကိုက်ညီမှုကြောင့် မဲပေးရာမှာ ပြဿနာရှိလာမှာကို စိုးရိမ်နေတဲ့ အထက်လွှတ်တော်အမတ်များအနေဖြင့် မဲမပေးချင်ရတဲ့ အကြောင်းပြချက် ဖြစ်လာနိုင်ပါတယ်။

MFP ပါတီရဲ့ တစ်ဦးတည်းသော ဝန်ကြီးချုပ်လောင်းဖြစ်တဲ့ မစ္စတာပီတာဟာ iTV မှာ ရှယ်ယာ ၄၂,၀၀၀ ပိုင်ဆိုင်ထားတာကြောင့် ရွေးကောက်ပွဲယှဉ်ပြိုင်ရန် ပြည့်မီခြင်းမရှိဘူးလို့ စွပ်စွဲခံနေရပါတယ်။

ဖွဲ့စည်းပုံအခြေခံဥပဒေအရ မီဒီယာအစုရှယ်ယာများမှာ ပါဝင်တဲ့ ပုဂ္ဂိုလ်များကို ရွေးကောက်ပွဲယှဉ်ပြိုင်ခွင့် ပိတ်ပင်ထားပါတယ်။

တရားရုံးသို့တင်ပြရန် ဆုံးဖြတ်ခြင်းမပြုမီ ရွေးကောက်ပွဲကော်မရှင်အနေနဲ့ မစ္စတာပီတာကို စွပ်စွဲချက်များမှ ကာကွယ်ခွင့်ရရှိရန် ဆင့်ခေါ်သင့်ကြောင်း မစ္စတာ'ဆွမ်ချိုင်'က ဆိုပါတယ်။

မစ္စတာပီတာရဲ့ ရွေးကောက်ပွဲယှဉ်ပြိုင်ခွင့်ကို စစ်ဆေးနေတဲ့ ရွေးကောက်ပွဲကော်မရှင် စုံစမ်းစစ်ဆေးရေးအဖွဲ့က ရှာဖွေတွေ့ရှိချက်တွေကို အဓိကကော်မတီထံ ယမန်နေ့က တင်ပြထားပါတယ်။

တရားရုံးကသာ အမှုကိုလက်ခံလိုက်ရင် မစ္စတာပီတာကို လွှတ်တော်အမတ်အဖြစ်မှ ဆိုင်းငံ့ထားရန် အောက်လွှတ်တော်ဥက္ကဌကို တောင်းဆိုသွားမှာဖြစ်ပါတယ်။

ဒါပေမဲ့ မစ္စတာပီတာကို ကြာသပတေးနေ့အတွက် ဝန်ကြီးချုပ်မဲပေးခြင်းမှာ ပါဝင်နိုင်ပါသေးတယ်။

အကယ်၍မစ္စတာပီတာသာ မဲပေးမှုမှာ အနိုင်ရခဲ့ရင်တောင် ဝန်ကြီးချုပ်တာဝန်များကို ထမ်းဆောင်နိုင်ဦးမှာ မဟုတ်ပါဘူး။

MFP အထွေထွေအတွင်းရေးမှူးချုပ် 'ချိုင်ထဝက်တူလာသွန်'က ဒီအမှုကိစ္စကို တရားရုံးသို့ရောက်စေမည့် ဆုံးဖြတ်ချက်မှန်သမျှ ကန့်ကွက်သွားဖို့ ရွေးကောက်ပွဲကော်မရှင်ထံ အရေးပေါ်စာပို့ထားကြောင်း တနင်္လာနေ့က ပြောကြားလိုက်ပါတယ်။

မစ္စတာပီတာက ရွေးကောက်ပွဲကော်မရှင်ဟာ သူ့ကို ခေါ်ကြားခြင်းမရှိသေးကြောင်း၊ သို့ပေမယ့် အဆင်သင့်ဖြစ်နေကြောင်း၊ MFP နဲ့ အထက်လွှတ်တော်အမတ်များကြား ဆွေးနွေးမှုများပြုလုပ်ခြင်းဖြင့် ရလဒ်ကောင်းများ ထွက်ပေါ်နိုင်ကြောင်း ပြောကြားသွားပါတယ်။
Source: Bangkok Post
#World_Politics
#YMG #Yangon_Times

Published 11 July 2023

လူတစ်ဦးရဲ့ မေးရိုးပေါ်က အလေးချိန် ၃ ပေါင်ရှိတဲ့ ဧရာမအကျိတ်ကြီးကို ဖယ်ရှားပြီးနောက် အီတလီခွဲစိတ်ဆရာဝန်တွေက ခြေထောက်အရိုးကို အသုံးပြုပြီး မျက်နှာကို ပြန်လည်တည်ဆောက်ခဲ့ရပါတယ်။

ခွဲစိတ်မှုကို မီလန်မြို့ ဂယ်လီယာဇီဆန့်အမ်ဘရိုဂျီယိုဆေးရုံမှာ ပြုလုပ်ခဲ့ပြီး ရှုပ်ထွေးတဲ့ ခွဲစိတ်မှုဖြစ်ကြောင်း ဦးဆောင်ခွဲစိတ်ဆရာဝန် 'အဲလက်ဆန်ဒရိုဘာဂျ်'က ပြောကြားခဲ့ပါတယ်။

အသက် ၃၈ နှစ်အရွယ် 'အိန်ဂျလို'အမည်ရတဲ့ အမျိုးသားဟာ မျက်နှာမှာ အကျိတ်ကြီးတစ်ခုဖြစ်နေပြီး စားသောက်ခြင်းနဲ့ အသက်ရှူခြင်းတို့ကို ခက်ခဲစေခဲ့ပါတယ်။

ဓာတ်ပုံတွေမှာတော့ သူ့မျက်နှာပေါ်ကို လုံးဝဖုံးအုပ်နေတဲ့ အဖုကြီးကို မြင်တွေ့ရမှာဖြစ်ပါတယ်။

ထိုအကျိတ်ကို လွန်ခဲ့တဲ့ဆယ်စုနှစ် ၂ ခုကတည်းက တွေ့ရှိထားတာဖြစ်ပေမယ့် ထိန်းမရနိုင်အောင် ကြီးလာတဲ့အခါမှသာ ဖယ်ရှားဖို့ ဆုံးဖြတ်လိုက်ကြတာ ဖြစ်ပါတယ်။

ကံဆိုးစွာနဲ့ပဲ ထွက်နေတဲ့အဖုအရွယ်အစားအရ ဆရာဝန်တွေဟာ အကျိတ်ရှိတဲ့မေးရိုး အစိတ်အပိုင်းကိုပါ ဖယ်ရှားခဲ့ရပါတယ်။

မျက်နှာအကောင်းအတိုင်း ပြန်ရဖို့ မျက်နှာအောက်ပိုင်း လုပ်ဆောင်ချက် ပြန်လည်ပြုပြင်ရန် အိန်ဂျလိုရဲ့မေးရိုးကို ခွဲစိတ်ပြီး ပြန်လည်တည်ဆောက်ဖို့ လိုအပ်လာပါတယ်။

အရင်ဆုံး ခွဲစိတ်ဆရာဝန်တွေက CT စကင်နဲ့ 3D ပရင်တာတို့ကို အသုံးပြုပြီး အမျိုးသားရဲ့မေးရိုးနဲ့ အကျိတ်တို့ကို ပုံတူဖန်တီးကာ ဒီဂျစ်တယ်ပုံကြမ်း ဖန်တီးခဲ့ကြပါတယ်။

ခြေသလုံးရိုးအသေးကို အနည်းငယ်ခွဲယူကာ မေးရိုးပုံစံအတိုင်းအတိအကျဖြစ်အောင် ပြန်လည်ဖန်တီးယူလိုက်ပါတယ်။

အဲဒီနောက် ထိုအရာကို အိန်ဂျလိုရဲ့မျက်နှာထဲ အစားထိုးထည့်သွင်းလိုက်ပါတယ်။

ဘေးထွက်ဆိုးကျိုး ဖြစ်နိုင်ချေအနည်းငယ်ရှိကာ အိန်ဂျလိုသက်သာလာခြင်းကို ဆရာဝန်တွေ စောင့်ကြည့်သွားဖို့ လိုအပ်ပါတယ်။

အဆင်ပြေတယ်ဆိုရင် သွားအစားထိုးထည့်ခြင်း၊ ပါးစပ်ကြွက်သား ပြန်လည်တည်ဆောက်ခြင်းတို့ ဖြစ်လုပ်မှာဖြစ်ကာ အလှအပဆိုင်ရာဆရာဝန်များက အကျိတ်ကကျန်ခဲ့တဲ့ တစ်ရှူးများကို ဖယ်ရှားမှာဖြစ်ပါတယ်။
Source: NY Post.
#World_Health
#YMG #Yangon_Times

Published 11 July 2023

ဇီဝနည်းပညာကုမ္ပဏီတစ်ခုဖြစ်တဲ့ Integrated Biosciences မှ ဦးဆောင်တဲ့ သက်ရွယ်ကြီးရင့်မှုသုတေသနဟာ ဆီနော်လစ်တစ်ဒြပ်ပေါင်းများ ရှာဖွေရာမှာ လူလုပ်ဉာဏ်ရည်တု(AI)ရဲ့ အလားအလာကို ပြသထားပါတယ်။

ဆီနော်လစ်တစ်တွေက ရောင်ရမ်းခြင်း၊ တစ်ရှူးပြဲခြင်း၊ ကင်ဆာစတဲ့ အသက်အရွယ်အိုမင်းခြင်းနဲ့ ပတ်သက်တဲ့ဖြစ်စဉ်တွေကို တားဆီးနိုင်တဲ့ မော်လီကျူးငယ်တွေ ဖြစ်ပါတယ်။

AI နည်းပညာဖြင့် ဒြပ်ပေါင်း ၈ သိန်းကျော် စစ်ဆေးကာ လက်ရှိဆီနော်လစ်တစ်တွေနဲ့ နှိုင်းယှဉ်ရင် သာလွန်ကောင်းမွန်တဲ့ ဓာတုဗေဒဂုဏ်သတ္တိများ ပြသနိုင်တဲ့ စွမ်းဆောင်ရည်မြင့်ဆေးဝါး ၃ မျိုးကို သုတေသီများတွေ့ရှိခဲ့ပါတယ်။

သက်ရှည်ကျန်းမာရေးအတွက် သုတေသနနဲ့ ဆေးဝါးရှာဖွေရေးမှာ AI အသုံးပြုခြင်းက အရေးပါတဲ့ မှတ်ကျောက်တစ်ခု ဖြစ်လာနိုင်ပါတယ်။

ဓာတုအာကာသစူးစမ်းလေ့လာရန် AI စွမ်းရည်များအသုံးချပြီး Integrated Bio-sciences မှ သုတေသီများက အိုမင်းရင့်ရော်မှုကို ဆန့်ကျင်တဲ့ဒြပ်ပေါင်းများစွာကို ရှာဖွေတွေ့ရှိခဲ့ပါတယ်။

အိုမင်းဆဲလ်တွေဟာ ဆီးချို၊ ကင်ဆာ၊ အယ်လ်ဇိုင်းမားရောဂါ၊ နှလုံးသွေးကြောရောဂါစတဲ့ ရောဂါအခြေအနေတွေမှာ အရေးပါတဲ့ကဏ္ဍက ပါဝင်နေပါတယ်။

သုတေသီတွေက ကျန်းမာတဲ့ဆဲလ်တွေကို မထိခိုက်စေဘဲ အိုမင်းဆဲလ်တွေကို ခန္ဓာကိုယ်ကနေ ရွေးချယ်ဖယ်ရှားနိုင်မယ့် ဆေးဘက်ဆိုင်ရာ လုပ်ဆောင်ချက်မျိုး တွေ့ရှိနိုင်ဖို့ ရည်ရွယ်ထားပါတယ်။

AI နည်းပညာဖြင့် အလားအလာရှိတဲ့ ဆီနော်လစ်တစ်ဒြပ်ပေါင်း ၃ မျိုးကို တွေ့ရှိခဲ့ကြပါတယ်။

ထိုဒြပ်ပေါင်းများရဲ့ ဆေးဘက်ဆိုင်ရာ ဓာတုဂုဏ်သတ္တိများ ပြသထားပြီး လက်တွေ့ရလဒ်များ အောင်မြင်မယ့် အလားအလာများပါတယ်။

မော်လီကျူးအမျိုးမျိုးရဲ့ ဆီနော်လစ်တစ်လုပ်ဆောင်ချက်များကို ခန့်မှန်းနိုင်ရန် သိပ္ပံပညာရှင်များက စမ်းသပ်ထုတ်လုပ်ထားတဲ့ အချက်အလက်ကို အသုံးပြုပြီး နက်နဲတဲ့အာရုံကြောကွန်ရက်များကို ဖန်တီးခဲ့ကြပါတယ်။
Source: WION
#World_Science
#YMG #Yangon_Times

ဇူလိုင်၁၀-၂၀၂၃

ဆောက်လုပ်ရေးပစ္စည်းများနှင့်အသုံးအဆောင်ပစ္စည်းများကို ဈေးတင်ရောင်းသူတွေကို ထိထိရောက်ရောက် အရေးယူ‌ကြဖို့ ဗိုလ်ချုပ်မှူးကြီးမင်းအောင်လှိုင်က ဇူလိုင် ၁၀ရက်နေ့တွင် ရခိုင်ပြည်နယ် စစ်တွေမြို့တွင်ကျင်းပတဲ့ မိုခါမုန်တိုင်းဒဏ်သင့် ရခိုင်ဒေသများ ပြန်လည်ထူထောင်ရေးလုပ်ငန်းများဆိုင်ရာ အစည်းအဝေးတစ်ခုတွင် တာဝန်ရှိသူတွေကိုမှာကြားခဲ့ပါတယ်။

“သဘာဝဘေးအန္တရာယ် ကြုံတွေ့ရသည့်အချိန်တွင် ဖြစ်လေ့ဖြစ်ထရှိသည့်ဆောက်လုပ်ရေးပစ္စည်းများ၊ အသုံးအဆောင်ပစ္စည်းများကို ဈေးနှုန်းမြှင့်တင်ရောင်းချနေသူများကိုလည်း ထိထိရောက်ရောက် အရေးယူဆောင်ရွက်ရန်လိုအပ်ပါတယ်။ ဥပဒေအရထိရောက်သည့် ပြစ်ဒဏ်များကို ပေးရမှာ ဖြစ်ပြီး မိမိတို့တစ်ဦးတစ်ယောက်၏ ကိုယ်ကျိုးစီးပွားအတွက် … ဒေသခံအချင်းချင်းအပေါ် အမြတ်ထုတ်ဆောင်ရွက်ခြင်းမှာ မဖြစ်သင့်တဲ့အတွက် တာဝန်ရှိသူများအနေဖြင့် စနစ်တကျ ကြပ်မတ်ဆောင်ရွက်သွားရန်လိုအပ်ပါတယ်” လို့ နစက ဥက္ကဋ္ဌ ဗိုလ်ချူပ်မှူးကြီးမင်းအောင်လှိုင်က ပြောကြားခဲ့တာဖြစ်ကြောင်း နစကရဲ့ သတင်းထုတ်ပြန်ချက်မှာဖော်ပြထားပါတယ်။

ဘေးဒဏ်ကျရောက်ခဲ့ပြီး နှစ်လခန့်အတွင်း ပြန်လည်ထူထောင်ရေးလုပ်ငန်းများကိုအတိုင်းအတာတစ်ခုအထိ တိုးတက်မှုရှိအောင်ဆောင်ရွက်နိုင်ခဲ့သည်ကို ယခု ထပ်မံရောက်ရှိချိန်တွင် တွေ့ရှိရတယ်လို့ နစက ဥက္ကဋ္ဌက သုံးသပ်ပြောဆိုပါတယ်။

ဒေသတွင်နေထိုင်ကြသူများအနေဖြင့်လည်း ပြန်လည်ထူထောင်ရေးလုပ်ငန်းတွေမှာ အတူတကွ ဝိုင်းဝန်းကြိုးပမ်းဆောင်ရွက်ကြမည်ဆိုပါက မူလအခြေအနေများထက်ပိုမိုကောင်းမွန်သည့် ဒေသများအဖြစ် ဆက်လက်ဖော်ဆောင်သွားနိုင်မှာဖြစ်တယ်လို့လည်း ဗိုလ်ချူပ်မှူးကြီးက ပြောဆိုပါတယ်။

 ခေတ်မီမြို့ပြအဖြစ်ရောက်ရှိလာစေရေး မြို့တွင်းရှိ ဆက်သွယ်ရေးလမ်းကြောင်းများကိုလည်း အဆင့်မြှင့်တင်ခြင်းများ ဆောင်ရွက်သွားရမည်ဖြစ်သကဲ့သို့ အဆောက်အဦများကိုလည်း ခေတ်နှင့်လျော်ညီသည့် အဆောက်အဦများဖြစ်စေရေး စီမံဆောင်ရွက်သွားရန်လိုကြောင်း၊ ပြန်လည်ထူထောင်ရေးလုပ်ငန်းများဆောင်ရွက်ရာ၌ ဒေသ၏ ရေရှည်အကျိုးကိုကြည့်၍ စနစ်တကျ တွက်ချက်ဆောင်ရွက်သွားရန်လိုကြောင်းလည်း နစက ဥက္ကဋ္ဌကပြောဆိုခဲ့တယ်လို့ နစက သတင်းထုတ်ပြန်ချက် အရသိရပါတယ်။

ပြည်ထောင်စုဝန်ကြီးတွေ၊ဒုဝန်ကြီးတွေ၊ ရခိုင်ပြည်နယ်ဝန်ကြီးချုပ်နှင့်ပြည်နယ်အဆင့်တာဝန်ရှိသူတွေကလည်း မိမိတို့ တာဝန်ယူထားတဲ့ ကဏ္ဍများအလိုက် ဆောင်ရွက်ပြီးစီးမှုများနှင့် ဆက်လက်ဆောင်ရွက်မည့် ပြန်လည်ထူထောင်ရေး လုပ်ငန်းတွေကိုရှင်းလင်းတင်ပြခဲ့ကြပါတယ်။

စစ်တွေမြို့ View Point နှင့်ရှုခင်းသာလမ်းတစ်လျောက် ပြန်လည်ပြုပြင်ရေးလုပ်ငန်းများဆောင်ရွက်နေသည်များကို နစက ဥက္ကဋ္ဌနှင့်အဖွဲ့က သွားရောက်ကြည့်ရှုစစ်ဆေးခဲ့တဲ့အပြင် ဘက်စုံသုံးဆိပ်ကမ်း၌ MV ROYAL VENUS သင်္ဘောနှင့် Fortuneသင်္ဘောပေါ်မှ ကူညီကယ်ဆယ်ရေးနှင့် ပြန်လည်ထူထောင်ရေးလုပ်ငန်းများတွင် အသုံးပြုမည့်ပစ္စည်းများကို လူအင်အား၊ စက်ယန္တရားအင်အားများ အသုံးပြု၍ သဘာဝဘေးဒဏ်သင့် ဒေသများသို့ ဖြန့်ခွဲပေးရန်ဆောင်ရွက်နေမှုတွေကိုလည်းကြည့်ရှုစစ်ဆေးခဲ့တယ်လို့ သတင်းထုတ်ပြန်ချက်အရသိရပါတယ်။

Knl/ymg

တရုတ်မော်တော်ယာဉ် ထုတ်လုပ်ရေး BYD ဟာ ဘရာဇီးလ်နိုင်ငံအတွင်း လျှပ်စစ်ကားထုတ်လုပ်‌မယ့် စက်ရုံသစ်ဆောက်လုပ်ရန် အစီအစဉ်များ ကြေညာပြီး ဘရာဇီးလ် ဘာဟီယာမှာ အင်္ဂါနေ့က အောင်ပွဲခံအခမ်းအနား ကျင်းပခဲ့ပါတယ်။
#World_Automobile
#Published_ 10 July 2023
#YMG #Yangon_Times

#Daily_News
Published_ 10 July 2023

၁။ မိုးလယ်ကာလဖြစ်သည့် ဇူလိုင်နှင့် ဩဂုတ်လ၌ မြစ်ရေကြီးနိုင်

၂။ မြဝတီသွားမည့်သူများ မော်လမြိုင်ဘက်မှ ပတ်ပြီးသွားနိုင်ဟုဆို

၃။ မိခင်ဖြစ်သူကို သမီးဖြစ်သူက သုဿန်အတွင်း လာရောက်စွန့်ပစ်မှုဖြစ်ပွား

၄။ တရုတ်လျှပ်စစ်ကားထုတ်လုပ်ရေးစက်ရုံအား ဘရာဇီးလ်တွင် မကြာမီဖွင့်လှစ်သွားမည် .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Time #Daily_News #YMG

#Published_ 10 July 2023

ယခုနှစ်တွင်ကျင်းပပြုလုပ်သည့် အစိုးရနိကာယ်စာမေးပွဲအောင်မြင်သူ(၄၆၅၄)ဦးရှိကြောင်း သာသနာရေး နှင့်ယဉ်ကျေးမှုဝန်ကြီးဌာန၏ထုတ်ပြန်ချက်အရသိရသည်။

ဇွန်လအတွင်း(၃၀)ကြိမ်မြောက် အစိုးရနိကာယ်စာမေးပွဲစစ်ဆေးခဲ့ပြီး ပါဝင်ဖြေဆိုသည့်ရဟန်းရှင်လူ( ၁၃၀၀၁)ဦး အနက်(၄၆၅၄)ဦးအောင်မြင်ခဲ့သည့်အတွက်အောင်မြင်မှုရာခိုင်နှုန်း၃၉ဒဿမ၇၉ရာခိုင်နှုန်းအောင်မြင်သည်ဟုဆိုသည်။

(၃၀)ကြိမ်မြောက် အစိုးရနိကာယ်စာမေးပွဲအောင်စာရင်းအပြည့်အစုံကို နိုင်ငံတော်သံဃမဟာနာယကအဖွဲ့ websiteဖြစ်သည့် www.mahana.org.mmနှင့်သာသနာရေးနှင့်ယဉ်ကျေးမှုဝန်ကြီး ဌာနwebsiteဖြစ်သည့် www.mora.gov.mm၊သာသနာရေးဦးစီးဌာန၏website www.dra.gov.mmတို့တွင် ကြည့်ရူနိုင်ကြောင်းသိရသည်။

အဆိုပါအစိုးရနိကာယ်စာမေးပွဲကိုတစ်ပြည်လုံးရှိခွင့်ပြုစာဖြေ(၇၈)ခုတို့၌ဇွန်လ(၁)ရက်မှ(၅)ရက်အထိငါးရက်တိုင်တိုင်ကျင်းပခဲ့ခြင်းဖြစ်ပြီး အောင်မြင်သူ(၄၆၅၄)ဦးအောင်မြင်ခဲ့ကြောင်းသိရသည်။
Yangon_Time/tthl
#Local_News
#YMG #Yangon_Times

မိခင်ဖြစ်သူကို သမီးဖြစ်သူက သုဿန်အတွင်းလာရောက်စွန့်ပစ်မှုဖြစ်ပွား

အေးရိပ်ငြိမ်သုသာန် မြန်မာသင်္ချိုင်းနဲ့ တရုတ်သင်္ချိုင်းကြားတွင် လာရောက်စွန်ပစ်
Yangon_Time/my
#Local_News
#Published_ 10 July 2023
#YMG #Yangon_Times

မြွေဆိပ်ဖြေဆေး ထုတ်လုပ်ဖို မြွေပွေးနဲ့ မြွေဟောက် အကောင်ရေထောင်ချီ ဝယ်ယူမယ်

မြွေပွေး(  ၁၂၀၀)ကောင်နဲ့ မြွေဟောက် (၄၀၀)ကောင်ကို ဝယ်ယူလို
Yangon_Time/my
#Local_News
#Published_ 10 July 2023
#YMG #Yangon_Times

အာဇာနည်ဗိမာန်၊ ဗိုလ်ချုပ်ပြတိုက်နှင့် အတွင်းဝန်ရုံးအနီးလမ်းများ ခေတ္တပိတ်ထားမည်

‘အာဇာနည်နေ့ အခမ်းအနားကျင်းပရန်ရှိ၍ အာဇာနည်ဗိမာန်၊ ဗိုလ်ချုပ်အောင်ဆန်း ပြတိုက်(ရန်ကုန်)နဲ့ အတွင်းဝန်ရုံးအနီးရှိလမ်းများ ခေတ္တပိတ်ထားရန်ရှိ’ရန်ကုန်တိုင်းဒေသကြီးအစိုးရအဖွဲ့
Yangon_Time/tthl
#Local_News
#Published_ 10 July 2023
#YMG #Yangon_Times

သထုံ-ဘားအံလမ်းပိုင်းကားလေးများပေးဖြတ်နေပြီ

‘ရန်ကုန်ကနေ မြဝတီသွားမယ့်သူတွေ မော်လမြိုင်ကပတ်ပြီးတော့သွားလို့ရပါတယ်။လတ်တလောမှာ တော့ဘားအံ့-သထုံလမ်းမကြီးကို ကားလေးတွေပေးဖြတ်နေပြီလို့သိရတယ်’ လူမှုကူညီရေးအဖွဲ တာဝန်ရှိသူတစ်ဦး
Yangon_Time/tthl
#Local_News
#Published_ 10 July 2023
#YMG #Yangon_Times