စာသင်ကျောင်းများ၌ အာဟာရဖွံဖြိုးရေးများလုပ်မည်

‘မြန်မာနိုင်ငံမှာ နိုသောက်တဲ့အလေ့အကျင့်အားနည်းနေတဲ့အတွက် ကယ်ဆီယမ်ဓာတ်အားနည်းပြီး အမျိုးသမီးတွေမှာ အရိုးပွ၊အရိုးကျိုးတာနဲ့ကလေးငယ်တွေမှာ အရပ်ပုတာတွေဖြစ်ပွားနေပါတယ်။ဒါကြောင့်မိုလို့ ကလေးငယ်တွေကို နိုနဲ့နိုထွက်ပစ္စည်းအာဟာရတွေ တိုက်ကျွေးသွားမယ်’ မွန်ပြည်နယ်၊ ပြည်သူ့ကျန်းမာရေးဦးစီးဌာနမှူးဒေါက်တာနန္ဒဝင်း
Yangon_Times/tthl
#Local_News
#Published_ 13 July 2023
#YMG #Yangon_Times

ထိုင်းနိုင်ငံခြားရေးဝန်ကြီးနှင့် ဒေါ်အောင်ဆန်းစုကြည်တို့ ဟာ ပြီးခဲ့တဲ့ တနင်္ဂနွေနေ့က နေပြည်တော်မှာ တွေ့ဆုံခဲ့တယ်လို့ မြန်မာ နစက သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်းက မီဒီယတွေကို အတည်ပြုပြောဆိုပါတယ်။ နှစ်ဦးတည်းသာ လွတ်လွတ်လပ်လပ်တွေ့ဆုံခဲ့ကြတာဖြစ်တယ်လို့ သူကပြောပါတယ်။

#YMG #Yangon_Times

Published_ 13 July 2023

ပဲခူးတိုင်းဒေသကြီး ပြည်မြို့တွင် ဆွမ်းခံကြွလာသည့် သံဃာတော် ၁ ပါး ခွေးကိုက်ခံရ၍ ဦးခေါင်းထိခိုက်ဒဏ်ရာရရှိခဲ့​ကြောင်း မြန်မာနိုင်ငံလူမှုကူညီရေးအသင်း(ပြည်)က သိရသည်။

ဖြစ်စဥ်မှာယနေ့ ဇူလိုင်လ၁၃ရက် နံနက် ၈နာရီအချိန်က ပြည်မြို့၊ ဆံတော်ရပ်ကွက် ဘူတာကြီးအရှေ့ ( Hotel 3D အနီး )တွင် ဆွမ်းခံကြွလာစဉ် အထက်ပါအတိုင်း ဖြစ်ပွားခဲ့ခြင်း ဖြစ်သည်။

"မနက်၈နာရီလောက်က ဆွမ်းခံကြွဘုန်းကြီးတစ်ပါး ခွေးကိုက်ခံရလို့ ဒဏ်ရာတွေရနေတယ်လို့ အကြောင်းကြားလာတယ်။ အကြောင်းစုံကိုတော့ သေချာမသိခဲ့ရဘူး။ ခွေးကိုက်ဖို့လိုက်တော့ ပြေးတာမှာ လဲကျတာမျိုးလားလည်းမသိ။ ဦးခေါင်းကဒဏ်ရာရတာကတော့ သေချာပါတယ်"ဟု အဆိုပါအသင်းမှ တာဝန်ရှိသူတစ်ဦးကဆိုသည်။

အဆိုပါလူမှုကူညီရေးအသင်းမှ မြေပြင်အရေးပေါ်ကုသ လိုအပ်သည်များကို ပြုစုကူညီပေး၍ အရေးပေါ် ဆေးကုသမှုခံယူရန်အတွက် ပြည်ဆေးရုံကြီးသို့ ပါရမီ (3) အရေး ပေါ်ယာဥ်ဖြင့် ပို့ဆောင်ကူညီပေးခဲ့ကြောင်းလည်း သိရသည်။
#Yangon-Times/BM
#Local_News
#YMG #Yangon_Times

အမျိုးသမီး ယူ- ၁၉ ပြိုင်ပွဲ မြန်မာနှင့် ဗီယက်နမ် ယှဉ်ပြိုင်ကစားမည်။

ဆီမီးဖိုင်နယ်ပွဲစဥ်မှာ အိမ်ရှင်အင်ဒိုနီးရှားအသင်းနဲ့ ထိုင်းအသင်း၊ မြန်မာအသင်းနဲ့ ဗီယက်နမ်အသင်း တို့ ယှဉ်ပြိုင်ကစားမည်
Yangon_Times/my
#Local_News
#Published_ 13 July 2023
#YMG #Yangon_Times

နိုင်ငံခြားငွေ လဲလှယ်ခွင့်ရကုမ္ပဏီ(၁၀)ခုကို လိုင်စင်ရုပ်သိမ်း

‘မြန်မာနိုင်ငံတော်ဗဟိုဘဏ်က ထုတ်ပြန်ထားတဲ့ အမိန့်နှင့်ညွှန်ကြားချက်တွေကို လိုက်နာမှုမရှိသည့် အတွက် နိုင်ငံခြားငွေတွေ ဝယ်ယူရောင်းချလဲလှယ်ပေးခွင့်လိုင်စင် (Money Changer License) တွေကို အမှုဆောင်ကော်မတီအစည်းအဝေးဆုံးဖြတ်ချက်အရ ရုပ်သိမ်း’မြန်မာနိုင်ငံတော်ဗဟိုဘဏ်
Yangon_Times/tthl
#Local_News
#Published_ 13 July 2023
#YMG #Yangon_Times

Published_ 13 July 2023

စက်မှုဝန်ကြီးဌာနဝန်ကြီး ဒေါက်တာချာလီသန်းသည် ရုရှားဖက်ဒရေးရှင်းနိုင်ငံ ဒုတိယဝန်ကြီးချုပ်၊ စက်မှုနှင့်ကုန်သွယ်ရေးဝန်ကြီးဌာန ဝန်ကြီးမစ္စတာဒဲနစ် မန်ဒူးရော့ဖ် ဦးဆောင်သည့် ကိုယ်စားလှယ်အဖွဲနှင့်တွေ့ဆုံ၍ ရုရှား-မြန်မာ ပူးပေါင်းဆောင်ရွက်ရေး ဆိုင်ရာ ကိစ္စရပ်များ ဆွေးနွေးခဲ့ကြောင်း သိရပါတယ်။

ထိုသို့ဆွေးနွေးရာတွင် အထူးသဖြင့်သံမဏိထုတ်လုပ်ရေး၊ ဆေးဝါးဆိုင်ရာပူးပေါင်း ထုတ်လုပ်ရေး၊ ချည်မျှင်နှင့်အထည်ထုတ်လုပ်ရေး၊ ဘိလပ်မြေထုတ်လုပ်ရေး၊ ဆေးဘက် ဆိုင်ရာ အထောက်အကူပြုပစ္စည်း ကိရိယာများထုတ်လုပ်ရေး၊ MSME စီးပွားရေး လုပ်ငန်းများ ဖွံဖြိုးတိုးတက်စေရန် အခွင့်အလမ်းများ ရှာဖွေနေမှုနှင့် ရုရှား-မြန်မာ နှစ်နိုင်ငံ ပြည်သူများ အကျိုးစီးပွားဖြစ်ထွန်းစေမည့် အလားအလာရှိသော ပူးပေါင်းဆောင်ရွက်ရေး ဆိုင်ရာ ကိစ္စရပ်များကို အပြန်အလှန် ဆွေးနွေးခဲ့ကြောင်း သိရပါတယ်။

အဆိုပါ ဆွေးနွေးပွဲသို ရုရှားနိုင်ငံ စက်မှုနှင့်ကုန်သွယ်ရေးဝန်ကြီး ဌာနမှ ဒုတိယ ဝန်ကြီး Alexey V. Gruzdev၊ အာရှ၊ အာဖရိက၊ လက်တင်အမေရိကဌာန၊ ညွှန်ကြားရေးမှူး Nosov Sergey Sergeevich ၊ ဆောက်လုပ်ရေးလုပ်ငန်းသုံး စက်ပစ္စည်းနှင့် အကြီးစားအင်ဂျင်နီယာဌာန ညွှန်ကြားရေးမှူးPiven Valery Vyacheslavovich ၊ ဒုတိယ ဝန်ကြီးချုပ်၏ လက်ထောက် Alexey A. Mednikov ၊ မြန်မာနိုင်ငံဆိုင်ရာ ရုရှားနိုင်ငံ စီးပွားရေးသံမှူး Kazadaev Vladimir Sergeevich နှင့် မြန်မာကိုယ်စားလှယ်များ တက်ရောက်ကြကြောင်း သတင်းရရှိပါတယ်။

ထို့ပြင် မြန်မာကိုယ်စားလှယ်အဖွဲသည် ဇူလိုင် ၁၁ ရက် နံနက်ပိုင်းက ရုရှားနိုင်ငံ၊ ရက်ကတ်ထရင်ဘတ်မြို၌ ကျင်းပသည့် INNOPROM International Industrial Exhibition သိုတက်ရောက်ခဲ့ကြောင်း သတင်းရရှိပါတယ်။
ygm_mnn
#Local_News
#YMG #Yangon_Times

Published_ 13 July 2023

ဘီလျံနာစွန့်ဦးတီထွင်သူ 'အီလွန်မက်စ်'က နှစ်ရှည်လများစီစဉ်နေတဲ့ ဉာဏ်ရည်တုကုမ္ပဏီအသစ် xAI ကို ဗုဒ္ဓဟူးနေ့က စတင်ဖွင့်လှစ်ခဲ့ပြီး ChatGPT အစားထိုးတည်ဆောက်ဖို့ တူညီတဲ့ အမေရိကန်နည်းပညာကုမ္ပဏီကြီးများမှ အင်ဂျင်နီယာများ ပါဝင်တဲ့အဖွဲ့ကို ထုတ်ဖော်ပြသလိုက်ပါတယ်။

တက်စ်လာလျှပ်စစ်ကားထုတ်လုပ်ရေး စီအီးအို၊ စပေ့စ်အိတ်စ်ကုမ္ပဏီ စီအီးအို၊ တွစ်တာပိုင်ရှင်ဖြစ်တဲ့ အီလွန်မက်စ်က ထိုကုမ္ပဏီကို ဦးဆောင်သွားမှာဖြစ်ကာ ဉာဏ်ရည်တုတီထွင်မှုကို ခေတ္တရပ်ဆိုင်းသင့်ပြီး စည်းမျဉ်းစည်းကမ်းများ ချမှတ်ရန်လိုအပ်ကြောင်း အကြိမ်ကြိမ်ပြောကြားထားပါတယ်။

ဉာဏ်ရည်တုကြောင့် လူသားကဏ္ဍပျက်စီးနိုင်မယ့် အလားအလာအကြောင်း မက်စ်ကစိုးရိမ်ပူပန်ကြောင်း အကြိမ်ကြိမ် သတိပေးထားပါတယ်။

ဗုဒ္ဓဟူးနေ့ညနေခင်းမှာ မက်စ်က ပိုမိုဘေးကင်းစိတ်ချရတဲ့ ဉာဏ်ရည်တုတည်ဆောက်ရန် သူ့ရဲ့အစီအစဉ်ကို ရှင်းပြခဲ့ပါတယ်။

အကယ်၍ ဉာဏ်ရည်တုက စကြဝဠာရဲ့ သဘောသဘာဝကို နားလည်ဖို့ ကြိုးစားခဲ့မယ်ဆိုရင် ဒါဟာ ဉာဏ်ရည်တုဘေးကင်းရေးရှုထောင့်ကနေ တွေးခေါ်နိုင်တဲ့ အကောင်းဆုံးအရာဖြစ်ကြောင်း ပြောကြားခဲ့ပါတယ်။

လူသားတွေထက် ပိုပြီးထက်မြက်ပါးနပ်တဲ့ စူပါဉာဏ်ရည်တုတွေ လာမယ့် ၅ နှစ် ၆ နှစ်အတွင်း ရောက်ရှိလာလိမ့်မယ်လို့ မက်စ်က ခန့်မှန်းလိုက်ပါတယ်။

ChatGPT နောက်ကွယ်က OpenAI ကုမ္ပဏီကို ၂၀၁၅ ခုနှစ်က ပူးတွဲတည်ထောင်ခဲ့တဲ့ မက်စ်ဟာ ၂၀၁၈ မှာ ကုမ္ပဏီဘုတ်အဖွဲ့ကနေ နှုတ်ထွက်ခဲ့တာ ဖြစ်ပါတယ်။

xAI အဖွဲ့မှာ ဂူဂဲလ်ဒီ့ပ်မိုင်း အင်ဂျင်နီယာဟောင်း အီဂေါဘာဘုရှ်ခင်၊ ဂူဂဲလ်မှာ အလုပ်လုပ်ခဲ့တဲ့ တိုနီဝူ၊ ဂူဂဲလ်မှ သုတေသနသိပ္ပံပညာရှင် 'ခရစ်ရှန်ဆဇက်ဂျဒီ'၊ မိုက်ခရိုဆော့ဖ်မှာ လုပ်ခဲ့တဲ့ ဂရက်ယန်တို့ ပါဝင်ပါတယ်။

နီဗာဒါမှာ တည်ထောင်တဲ့ X.AI အမည်ရှိကုမ္ပဏီတစ်ခုကို မက်စ်က မတ်လမှာ မှတ်ပုံတင်ခဲ့ပါတယ်။

ကုမ္ပဏီမှာ မက်စ်က တစ်ဦးတည်းသော ညွှန်ကြားရေးမှူးဖြစ်ပြီး မက်စ်ရုံးချုပ် စီမံညွှန်ကြားရေးမှူး ဂျဲရတ်ဘာချယ်လ်က အတွင်းရေးမှူးဖြစ်ပါတယ်။

xAI အဖွဲ့ကို အကြံပေးမယ့် ဒန်ဟင်ဒရစ်ခ်က လက်ရှိမှာ AI Safety စင်တာညွှန်ကြားရေးမှူးဖြစ်ပြီး သူ့ရဲ့အလုပ်က AI အန္တရာယ်တွေကို ကြီးကြပ်ရတာဖြစ်ပါတယ်။

မက်စ်ရဲ့ကုမ္ပဏီအသစ်က တွစ်တာ၊ တက်စ်လာ၊ အခြားကုမ္ပဏီများနဲ့လည်း နီးစပ်စွာလုပ်ကိုင်သွားမှာဖြစ်ပါတယ်။
xAI က ဆန်ဖရန်ဆစ္စကိုဘေးနေရာမှာ အတွေ့အကြုံရှိ အင်ဂျင်နီယာများနဲ့ သုတေသီများ ခေါ်ယူနေပါတယ်။
Source: Reuters.
#World_News
#YMG #Yangon_Times

Published_13 July 2023

လူသားတွေထက် များစွာသေးငယ်တဲ့ ပျားလေးတွေဟာ သူတို့အတွက် အရေးကြီးတဲ့အရာတွေကို ရွေးချယ်တဲ့အခါ လူသားတွေထက် ပိုမိုလျင်မြန်သာလွန်စွာ ပြုလုပ်နိုင်စွမ်းရှိပါတယ်။

အံ့အားစရာကောင်းတာက နှမ်းစေ့ထက်ပင် သေးငယ်တဲ့ ပျားတွေရဲ့ဦးနှောက်တွေဟာ ဆုံးဖြတ်ချက်ချရာမှာ လူသားတွေထက် ပိုမိုမြန်ဆန်ကာ ပိုမိုတိကျမှုရှိနေကြောင်း မကြာသေးမီက လေ့လာမှုမှာ တွေ့ရှိခဲ့ပါတယ်။

ပျားရည်ထုတ်ပျားတွေက သူတို့ပျားအုံအတွက် အစာရှာရာမှာ ကြိုးပမ်းအားထုတ်မှု၊ စွန့်စားရမှု၊ အကျိုးရလဒ်များကို ကောင်းမွန်ထိရောက်စွာ အသုံးချနိုင်ရန် နှစ်သန်းပေါင်းချီပြီး ဆင့်ကဲပြောင်းလဲလာခဲ့ပါတယ်။

တိရိစ္ဆာန်တွေက သူတို့ဘဝနဲ့ ပတ်သက်တဲ့ ဆုံးဖြတ်ချက်တွေ အဆက်မပြတ်ရင်ဆိုင်နေရတာကို ဖော်ပြကာ ဆုံးဖြတ်ချက်ချခြင်း အရေးကြီးပုံကို မက်ကွာရီတက္ကသိုလ်မှ ပရော်ဖက်ဆာ'အန်ဒရူဘာရွန်'က ဖော်ပြသွားပါတယ်။

ပျားတစ်ကောင်ရဲ့ လုပ်ငန်းတာဝန်တွေအတိုင်း စက်ရုပ်တစ်ခုကို လုပ်ခိုင်းမယ်ဆိုပါက စူပါကွန်ပျူတာရဲ့စွမ်းရည်မျိုး လိုအပ်လောက်တယ်လို့ ဆိုပါတယ်။

ပျားတွေဟာ ဝတ်ရည်စုဆောင်းခြင်း၊ ရန်သူများထံမှ ကာကွယ်ခြင်းတို့ကို ထိရောက်မြန်ဆန်စွာ ဆုံးဖြတ်ချက်ချ လုပ်ဆောင်ရသလို ဘယ်ပန်းတွေက အစာပါဝင်နိုင်သလဲဆိုတာကိုလည်း ဆုံးဖြတ်ရပါသေးတယ်။

လေထဲပျံနေတဲ့အချိန်မှာ လေထဲကတိုက်ခိုက်မှုတွေ အဓိကကြုံနိုင်သလို စားသောက်ဖို့ ရပ်နားလိုက်ရင်လည်း ပန်းတွေလို သရုပ်ဖျက်ဟန်ဆောင်ထားတဲ့ သတ္တဝါတွေနဲ့ တွေ့နိုင်ပါတယ်။

စမ်းသပ်ချက်အရ ပန်းတစ်ပွင့်က အစာရှိလား မရှိဘူးလားဆိုတာ ဆုံးဖြတ်ချက်ချဖို့ ၀.၆ စက္ကန့်သာကြာပြီး လျင်မြန်စွာ ဆုံးဖြတ်နိုင်ကြောင်း ဒေါက်တာ'မာဘူဒီ'က ရှင်းပြခဲ့ပါတယ်။

မသေချာဘူးဆိုရင်တော့ ၁.၄ စက္ကန့်လောက်ကြာမြင့်တတ်ပါတယ်။

သုတေသီတွေက ပျားတွေရဲ့ ဆုံးဖြတ်ချက်ချတဲ့ လုပ်ဆောင်ချက်များအပေါ် အခြေခံကာ ကွန်ပျူတာပုံစံတစ်ခုထုတ်လုပ်ခဲ့ပါတယ်။

ကွန်ပျူတာမော်ဒယ်တည်ဆောက်ပုံက ပျားဦးနှောက်ပုံသဏ္ဍာန်နဲ့ အတော်လေးဆင်တူပါတယ်။
Source: WION.
#World_Science
#YMG #Yangon_Times

Published_ 13July 2023

တစ်ကိုယ်ရည်အာသာဖြေခြင်းက လူသားများအပါအဝင် မျောက်မျိုးနွယ်အားလုံးမှာ အသက်ရှင်ဖွံ့ဖြိုးစေရန် ကျန်းမာရေးအကျိုးကျေးဇူးများစွာ ပေးစွမ်းနိုင်ပြီး မျိုးစိတ်များဆင့်ကဲပြောင်းလဲလာစေရန် ကူညီပေးနိုင်ကြောင်း ဗြိတိန်လေ့လာချက်မှာ တွေ့ရှိထားပါတယ်။

တစ်ကိုယ်ရည်အာသာဖြေခြင်း အလေ့အကျင့်ဟာ သတ္တဝါလောကအနှံ့ မြင်တွေ့နေကျအရာဖြစ်ပြီး လူသားတွေမှာ အများဆုံးတွေ့ရပါတယ်။

လေ့လာမှုနောက်ကွယ်မှ သုတေသီများဟာ လူသားမျိုးနွယ်ဆင့်ကဲဖြစ်စဉ် သမိုင်းတလျှောက် လူသားများ မျောက်များ မျောက်ဝံများ နောက်ဆုံးဘိုးဘေးများမှာ တွေ့နေနိုင်တယ်လို့ ယုံကြည်ရပါတယ်။

အာသာဖြေခြင်းက တိရိစ္ဆာန်များ အထူးသဖြင့် မျောက်ထီးတွေမှာ မျိုးပွားမှုအောင်မြင်စေရန် အထောက်အကူဖြစ်စေကြောင်း လေ့လာတွေ့ရှိထားပါတယ်။

သုတေသီများ မှတ်ချက်ပြုထားတဲ့အတိုင်း သုတ်လွှတ်ခြင်းမရှိဘဲ တစ်ကိုယ်ရည်အာသာဖြေခြင်းဟာ လိင်စိတ်နိုးကြားမှုကို အမှန်တကယ် တိုးပွားစေပါတယ်။

ဒီလိုပြုလုပ်ခြင်းက မိတ်လိုက်စဉ် လိင်စိတ်ကျဆင်းမသွားစေရန်နဲ့ လျင်မြန်စွာပြီးဆုံးနိုင်စေရန် အသုံးဝင်တဲ့နည်းလမ်း ဖြစ်လာနိုင်ပါတယ်။

အာသာဖြေခြင်းရဲ့ နောက်ထပ်အကျိုးကျေးဇူးတစ်ခုက အရည်အသွေးနိမ့်သုတ်ပိုးများကို စွန့်ထုတ်ပေးပြီး မိတ်လိုက်ရန် အရည်အသွေးအမြင့်မားဆုံး လတ်ဆတ်တဲ့သုတ်ပိုးတွေသာ ကျန်ရှိစေပါတယ်။

ဆီးလမ်းကြောင်း သန့်ရှင်းစေပြီး ကျန်းမာရေးထိန်းသိမ်းပေးကာ လိင်မှတဆင့်ကူးစက်တဲ့ရောဂါများကို ကာကွယ်ပေးပါတယ်။

အမများအာသာဖြေခြင်းနဲ့ ပတ်သက်ပြီးတော့ အထောက်အထားကတော့ မရှိသေးဘဲ နောက်ထပ်အချက်အလက်တွေ လိုအပ်နေပါသေးတယ်။

အာသာဖြေခြင်းအကျိုးကျေးဇူးများအကြောင်း သုတေသနလုပ်ခဲ့တာ ပထမဆုံးအကြိမ် မဟုတ်တော့ပါဘူး။

ယခင်လေ့လာမှုများအရ စိတ်ဖိစီးမှုပြေလျော့စေခြင်း၊ ယုံကြည်မှုတည်ဆောက်ခြင်း၊ ဆက်ဆံရေးကျေနပ်ခြင်းများ ရရှိစေကြောင်း တွေ့ရှိထားပါတယ်။

၂၀၁၆ လေ့လာချက်မှာ အာသာဖြေခြင်းဖြင့် ဆီးကျိတ်ကင်ဆာ ဖြစ်နိုင်ချေကိုလည်း လျှော့ချနိုင်ကြောင်း ဖော်ပြထားပါတယ်။

တစ်ကိုယ်ရည်အာသာဖြေခြင်းက လိင်ပိုင်းဆိုင်ရာ ကျန်းမာရေး အပြုအမူတစ်စိတ်တစ်ပိုင်းဖြစ်ကြောင်း ဖော်ပြနေပါတယ်။
Source: The Jerusalem Post
#World_Health
#YMG #Yangon_Times

ဘရူနိုင်းနှင့်တရုတ်တောင်ဘက်ကမ်းရိုးတန်းဆိပ်ကမ်းတို့ကြား ချိတ်ဆက်ထားသော ကွန်တိန်နာသင်္ဘောလမ်းကြောင်းကြီး ဖွင့်လှစ်ပြေးဆွဲ

ဘရူနိုင်းဟာ သူတိုရဲ့တစ်ခုတည်းသော ရေနက်ပိုင်းဆိပ်ကမ်းနဲ့ ကွမ်ရှီရွှောင်ဒေသတောင်ဘက်ကမ်းရိုးတန်းရှိ အဓိကတရုတ်ဆိပ်ကမ်းကြားက ကွန်တိန်နာသင်္ဘောလမ်းကြောင်းကို စနေနေ့က ဖွင့်လှစ်ခဲ့ပြီး ဘရူနိုင်းနဲ့တရုတ်နိုင်ငံကြား ပထမဆုံးလမ်းကြောင်း ဖြစ်လာပါတယ်။
#Asia_Development
#Published_ 12 July 2023
#YMG #Yangon_Times

#Daily_News
Published_ 12 July 2023

၁။ မှိုပေါသည့်မိုးရာသီတွင် အဆိပ်ရှိမှိုစားမိ၍ ဆေးရုံရောက်သူများရှိနေ

၂။ ဝါဆိုလပြည့်၊ ဓမ္မစကြာအခါတော်နေ့တွင် ရွှေဘုန်းပွင့်စေတီ၌ ဝါဆိုသင်္ကန်းကပ်လှူပူဇော်ပွဲ ပြုလုပ်မည်

၃။ မန္တလေးမြို့တွင် ယနေ့ နံနက်ပိုင်းအချိန်အတွင်း မီးနှစ်ကြိမ် ဆက်တိုက်လောင်ကျွမ်းမှုဖြစ်ပွား

၄။ ဘရူနိုင်းနှင့်တရုတ်တောင်ဘက် ကမ်းရိုးတန်းဆိပ်ကမ်းတို့ကြား ချိတ်ဆက်ထားသော ကွန်တိန်နာသင်္ဘောလမ်းကြောင်းကြီး ဖွင့်လှစ်ပြေးဆွဲ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Time #Daily_News #YMG

ရခိုင်ဉီးဆောင်ပါတီအနေနဲ့ ရခိုင်ပြည်နယ် တစ်ပြည်နယ်လုံးမှာ ရုံးခွဲတွေဖွင့်လှစ်သွားဖို စီစဉ်နေတယ်လို့ ပါတီ ဉက္ကဌ ဒေါက်တာအေးမောင်က Yangon Times ကို ပြောပါတယ်။
Yangon_Time/my
#Local_News
#Published_ 12 July 2023
#YMG #Yangon_Times