#World_Health
Published 22 October 2022
ယူကေနိုင်ငံမှာ ကလေးတွေက အသက် ၁၈ နှစ်ပြည့်ပြီးကြောင်း အမှန်ခြစ်ခြစ်ကာ အပြာကားများကြည့်ရှုနေကြကြောင်း စောင့်ကြည့်ရေးအဖွဲ့ Ofcam က ဖော်ပြခဲ့ပါတယ်။
အပြာကားဝက်ဘ်ဆိုက်တစ်ခုဆိုရင် အသက်ပြည့်ကြောင်း စစ်ဆေးမှုများပြုလုပ်ပေမယ့် သိပ်ပြီးအသုံးမဝင်ဘူးလို့ စောင့်ကြည့်ရေးအဖွဲ့ကို ပြောပြခဲ့ပါတယ်။
Ofcam အကြီးအကဲက ဝက်ဘ်ဆိုက်တွေဟာ ကလေးတွေရဲ့ ဘေးကင်းစိတ်ချရမှုထက် သူတို့ရဲ့အကျိုးအမြတ်ကိုသာ ကြည့်ရှုကြောင်း စွပ်စွဲခဲ့ပြီး အခုအချိန်မှာ ထိုပြဿနာများကို ဖြေရှင်းနိုင်ရန် အင်တာနက်ဥပဒေအသစ်များ ထုတ်ပြန်တော့မှာဖြစ်ပါတယ်။
အွန်လိုင်းဘေးကင်းလုံခြုံရေးဥပဒေကြမ်းအရ အင်တာနက်အသုံးပြုသူတွေဟာ အပြာကားကြည့်ရှုခွင့်ရဖို့ အသက် ၁၈ နှစ်ပြည့်ပြီးကြောင်း အထောက်အထားရှိရမှာပါ။
ယူကေနိုင်ငံမှ အပြာကားဝက်ဘ်ဆိုက်တွေထဲမှာတော့ ဒီလိုစစ်ဆေးမှုမျိုးပြုလုပ်တဲ့ဝက်ဘ်ဆိုက်ကြီးတွေထဲမှာ OnlyFans တစ်ခုသာရှိကြောင်း တွေ့ရှိခဲ့ပါတယ်။
ကျန်တဲ့ဝက်ဘ်ဆိုက်တွေကတော့ ၁၈ နှစ်ပြည့်ပြီးကြောင်း အမှန်ခြစ်ခြစ်လိုက်ရုံသာ ဖန်တီးပေးထားပါတယ်။
အချို့ဆိုက်တွေက ကြည့်ရှုခွင့်ပေးရာမှာ ငွေသားကတ်အချက်အလက် ဖြည့်သွင်းဖို့တောင်းဆိုပေမယ့် အသက် ၁၈ နှစ်မပြည့်ဘဲနဲ့လည်း ကတ်အသုံးပြုနေကြတာတွေ ရှိနေပါတယ်။
ဥပဒေမူကြမ်းမှာ Ofcam အနေနဲ့ နှစ်စဉ် ၁၀ ရာခိုင်နှုန်း ဒဏ်ကြေးပေးဆောင်မှုများကို ထိန်းချုပ်ခွင့်ပေးသွားမှာဖြစ်ပြီး ဝက်ဘ်ဆိုက်တွေကို ယူကေမှာ ကြည့်ရှုခွင့်ပိတ်ပင်သည်အထိ ပြုလုပ်နိုင်ဖွယ်ရှိနေပါတယ်။
Ofcam ရဲ့ နောက်ဆုံးတင်ပြချက်ထဲမှာ OnlyFans အပြင် AdmireMe, Fanzworld, PocketStars, Xpanded နဲ့ RevealMe စတဲ့ ဝက်ဘ်ဆိုက်များလည်း ပါဝင်ပါတယ်။
OnlyFans ကတော့ ယူကေမှ ကြည့်ရှုသူအသစ်များအတွက် အသက်စစ်ဆေးတဲ့စနစ်များ ထည့်သွင်းထားပါတယ်။
အသုံးပြုသူက ဒီစနစ်မှာကျရှုံးခဲ့ရင် အသက်စစ်ဆေးဖို့အတွက် သူတို့ရဲ့ နိုင်ငံသားကတ်၊ ပတ်စ်ပို့တို့ဖြင့် စစ်ဆေးခံရမှာဖြစ်ပြီး မပြသနိုင်ပါက ဝင်ရောက်ကြည့်ရှုခွင့်ရမှာ မဟုတ်ပါဘူး။
ဥပဒေအသစ်ထုတ်ပြန်ခြင်းဖြင့် ကုမ္ပဏီတွေကနေ ဘေးကင်းလုံခြုံရေးစနစ်များ ချမှတ်သွားကြမှာဖြစ်ပါတယ်။
အချို့မိဘတွေက သူတို့ရဲ့ကလေးတွေ အသက်မပြည့်သေးဘဲ အပြာကားကြည့်ပြီး မသင့်လျော်တဲ့အတွေးတွေဝင်လာမှာကို စိုးရိမ်နေကြပါတယ်။
Source: Daily Mail
#Yangon_Media_Group
- Category: World
- Hits: 1165
#Local_News
Published_ 22 October 2022
ထိုင်းနိုင်ငံမှ မြန်မာနိုင်ငံ၏ ကိုဗစ်-၁၉ ရောဂါကာကွယ်၊ ထိန်းချုပ်၊ ကုသရေးလုပ်ငန်းများတွင် အထောက်အကူဖြစ်စေရန် မြန်မာနိုင်ငံ ကြက်ခြေနီ အသင်းမှတဆင့် လှူဒါန်းတဲ့ ကလေးများမှာထိုးနှံနိုင်တဲ့ ဖိုင်ဇာ ကိုဗစ်-၁၉ ရောဂါကာကွယ်ဆေး ၁၀၀,၀၀၀ doses နှင့် ဆေးထိုး အပ်များသည် အောက်တိုဘာ ၂၁ ရက် နံနက်ပိုင်းတွင် လေယာဉ် ခရီးစဉ် TG-303 ဖြင့် ရန်ကုန်အပြည်ပြည်ဆိုင်ရာ လေဆိပ်သို့ရောက်ရှိခဲ့ပါတယ်။
အဆိုပါ ကာကွယ်ဆေးများကို ကျန်းမာရေးဝန်ကြီးဌာန၊ ရန်ကုန်တိုင်း ပြည်သူ့ ကျန်းမာရေးဦးစီးဌာနမှ တာဝန်ရှိပုဂ္ဂိုလ်များ၊ မြန်မာနိုင်ငံကြက်ခြေနီအသင်းမှ တာဝန်ရှိ ပုဂ္ဂိုလ်များနှင့် မြန်မာနိုင်ငံဆိုင်ရာ ထိုင်းနိုင်ငံသံရုံးမှ ကိုယ်စားလှယ်များက ရန်ကုန်အပြည်ပြည်ဆိုင်ရာ လေဆိပ်၌ လွှဲပြောင်းလက်ခံကြပါတယ်။
ကိုဗစ်-၁၉ ကာကွယ်ဆေးများအား အခြေခံပညာကျောင်းသား/သူများကို ထိုးနှံ ပေးခဲ့ရာ အကြိမ်ပြည့် ထိုးနှံပြီးစီးမှု (၉၄ ဒသမ ၃၅) ရာခိုင်နှုန်းရှိပြီး ကျောင်းပြင်ပ ကလေးများကို အကြိမ်ပြည့် ထိုးနှံပြီးစီးမှု (၇ ဒသမ ၈၉) ရာခိုင်နှုန်းရှိပြီဖြစ်တယ်လို့ သိရပါတယ်။
ယခုထိုင်းနိုင်ငံမှ လှူဒါန်းတဲ့ ကလေးများတွင် ထိုးနှံနိုင်သည့် ကိုဗစ်-၁၉ ရောဂါ ကာကွယ်ဆေး Pfizer Vaccine များအား အသက် (၅) နှစ်မှ (၁၁) နှစ်အတွင်းရှိ ကာကွယ်ဆေး မထိုးနှံရသေးသော အခြေခံပညာ ကျောင်းသား/သူများနှင့် ကျောင်းပြင်ပ ကလေးများကို ထိုးနှံပေး နိုင်ရေး စီစဉ်ဆောင်ရွက်လျက်ရှိကြောင်း သတင်းရရှိပါတယ်။
#ygm_mnn
#Yangon_Media_Group
- Category: Myanmar
- Hits: 292
#Local_News
Published 22 Oct 2022
မြန်မာ့ကျောက်မျက်ရတနာပြပွဲ တတိယနေ့ကို နေပြည်တော်ရှိ မဏိရတနာ ကျောက်စိမ်းခန်းမ၌ ဆက်လက်ကျင်းရာ ပုလဲအတွဲပေါင်း ၁၇၃ တွဲရောင်းချခဲ့ရကြောင်း သိရပါတယ်။
ဒီကနေ့ပြပွဲတွင် ရောင်းချမည့် ပုလဲအတွဲအမှတ် ၂၀၁ မှ အတွဲအမှတ် ၄၀၀ အထိ ပုလဲအတွဲများကို ပြည်တွင်း၊ ပြည်ပရတနာကုန်သည်များက ကြည့်ရှုစစ်ဆေးကြပြီး ဈေးနှုန်းတင်သွင်းလွှာများကို တင်ဒါပုံးများအတွင်းသို့ ထည့်သွင်းကြကာ တာဝန်ရှိသူ များက ဖွင့်ဖောက်စစ်ဆေးရာ ပုလဲအတွဲပေါင်း (၁၆၈) တွဲနှင့် လက်ကျန်ပုလဲအတွဲ (၅) တွဲ စုစုပေါင်း (၁၇၃) တွဲ ရောင်းချရခြင်း ဖြစ်ပါတယ်။
ပြပွဲစတုတ္ထနေ့တွင် ကျောက်မျက်အတွဲ အမှတ် ၁ မှ အတွဲအမှတ် ၁၂၀ ကို အိတ်ဖွင့်တင်ဒါစနစ်ဖြင့် ပြည်တွင်း၊ ပြည်ပရတနာကုန်သည်များအား ဆက်လက်ရောင်းချ ပေးသွားမည်ဖြစ်ကြောင်း သိရပါတယ်။
ယခုကျင်းပပြုလုပ်တဲ့ နှစ်လယ်မြန်မာ့ကျောက်မျက်ရတနာပြပွဲကို အောက်တိုဘာ ၁၉ ရက်မှ စတင်၍ ၂၅ ရက်အထိ ကျင်းပနေခြင်းဖြစ်ပြီး ပြပွဲတွင် ပုလဲအတွဲပေါင်း ၄၀၀ အနက်မှ စုစုပေါင်းပုလဲအတွဲပေါင်း ၃၆၂ တွဲ ရောင်းချခဲ့ရပြီး၊ ကျောက်မျက်အတွဲ ၁၂၀ နှင့် ကျောက်စိမ်းအတွဲ ၂၁၅၀ တို့ကို အိတ်ဖွင့်တင်ဒါစနစ်ဖြင့် ပြည်တွင်း၊ ပြည်ပရတနာ ကုန်သည်များကို ရောင်းချပေးသွားမှာ ဖြစ်ပါတယ်။
ထိုသို့ရောင်းချရာ၌ ပြည်တွင်း၊ ပြည်ပရတနာကုန်သည်များအနေဖြင့် အမေရိကန် ဒေါ်လာ၊ ယူရို၊ ယွမ်၊ ဘတ် နှင့် ကျပ်ငွေများဖြင့် ပေးချေနိုင်မှာ ဖြစ်ပါတယ်။
#ygm_mnn
#Yangon_Media_Group
- Category: Myanmar
- Hits: 356
#World_Health
Published 22 October 2022
၁၀ နှစ်သားအရွယ်ကလေးတစ်ယောက်ဟာ ပုံမှန်အသက်ရှူဖို့နဲ့ စကားပြောဆိုနိုင်ဖို့ မနက်တိုင်းမှာ သူ့ရဲ့မေးရိုးကို တစ်လက်မရဲ့ ၄ ပုံ ၁ ပုံလောက် မူလီကြပ်ပေးရပါတယ်။
အီလီနွိုက်စ်မှ 'ဘရိုင်ဆန်ရိုက်'ဟာ မွေးပြီးလို့ မကြာခင်မှာပဲ Goldenhar syndrome ရောဂါရှိကြောင်း သိခဲ့ရကာ သူ့ရဲ့ညာဘက်နားရွက်နဲ့ ညာဘက်မေးရိုးတို့က ဖွံ့ဖြိုးမှုအားနည်းနေပါတယ်။
နှစ်အနည်းငယ်ကြာတော့ အဆိုပါမေးရိုးက ဖွံ့ဖြိုးမှုရပ်တန့်သွားခဲ့ကာ ခွဲစိတ်ခဲ့ရတဲ့အထိ ဖြစ်ခဲ့ပါတယ်။
အခုဆိုရင် ကလေးက မေးရိုးချဲ့စက်တပ်ဆင်ထားရကာ အမေဖြစ်သူ'ဘရီယာနာ'က မနက်တိုင်း မေးရိုးချဲ့စက်ကို လှည့်ပေးရပါတယ်။
ထိုစက်ကြောင့် 'ဘရိုင်ဆန်'အတွက် မနာကျင်ရပေမယ့် ကျောင်းမသွားရဘဲ ဖြစ်နေပါတယ်။
အိပ်နေစဉ် အသက်ရှူရကြပ်လာတတ်တဲ့ အခြေအနေ သက်သာစေရန် မေးရိုးကြီးမားလို့လိုအပ်နေပါတယ်။
မေးရိုးချဲ့စက်ဖြင့် မေးရိုးနေရာကျယ်ပြန့်လာကာ အစာစားနိုင်၊ အသက်ရှူနိုင်လာမှာ ဖြစ်ပါတယ်။
Goldenhar syndrome က မွေးဖွားလာတဲ့ ကလေးငယ် ၃,၅၀၀ ကနေ ၂၅,၀၀၀ မှာ တစ်ယောက်နှုန်း ရှားရှားပါးပါးဖြစ်လေ့ရှိပြီး ဦးခေါင်း၊ ကျောရိုး၊ အချို့သောအင်္ဂါတို့က ကောင်းစွာမဖွံ့ဖြိုးတတ်တဲ့ ရောဂါဖြစ်ပါတယ်။
ဖြစ်ရတဲ့အကြောင်းအရင်း သေချာမသိရှိကြသေးဘဲ မိခင်ဝမ်းဗိုက်ထဲမှာ ကြီးထွားမှုပြဿနာရှိခဲ့တာကြောင့် ဒါမှမဟုတ် မျိုးရိုးဗီဇကြောင့် ဖြစ်နိုင်ဖွယ်ရှိနေပါတယ်။
ဒီရောဂါက မွေးကတည်းက ဖြစ်လာတာဖြစ်ပြီး နားရွက်၊ မျက်လုံး၊ ကျောရိုးတို့မှာ အဓိကဖြစ်တတ်ပါတယ်။
လူနာတွေက အကြားအာရုံချို့တဲ့ခြင်း၊ စကားပြောရခက်ခဲခြင်း၊ အသက်ရှူပြဿနာများ ခံစားရတတ်ပါတယ်။
ဝေဒနာခံစားရတဲ့အပေါ်မူတည်ပြီး ကုသမှုပြောင်းလဲမှုရှိတတ်ကာ ခွဲစိတ်မှုပြုလုပ်ရလေ့ရှိပါတယ်။
'ဘရိုင်ဆန်'ကတော့ အမြင်အာရုံနဲ့ ကျောရိုးတို့မှာ ပြဿနာတစ်စုံတစ်ရာ မရှိပါဘူး။
ခွဲစိတ်မှုပြုလုပ်ရာမှာတော့ ဆရာဝန်များက ပါးစပ်အနောက်ဘက်နားက မေးရိုးကိုဖြတ်လိုက်ကာ မူလီဖြင့်ဆက်လိုက်ကြပါတယ်။
ဒီနောက် ပါးနားမှာကပ်ပြီးရှိနေမယ့် သတ္တုချောင်းကို ချိတ်ဆက်လိုက်ကြပါတယ်။
သူ့အမေက မနက်တိုင်း ထိုစက်ကို ၈ ချက်လှည့်ပေးရကာ မေးရိုးကျယ်လာအောင် ပြုလုပ်ပေးရပါတယ်။
၁၃ ပတ်ကြာပြီးနောက် ဖယ်ရှားရမှာဖြစ်ပြီး လူပျိုဖော်ဝင်တဲ့အချိန်ကျမှ နောက်တစ်ခါ ထပ်ချဲ့ရမှာဖြစ်ပါတယ်။
ခွဲစိတ်မှုပြုလုပ်ပြီးနောက် ကလေးငယ်ဟာ ကျောင်းနားထားရပြီး အနာသက်သာစေတဲ့ ဆေးများသုံးစွဲနေရပါတယ်။
Source: Daily Mail
#Yangon_Media_Group
- Category: World
- Hits: 605
#Local_News
Published_21 October 2022
ယခု ၂၀၂၂-၂၀၂၃ ဘဏ္ဍာနှစ်ရဲ့ ခြောက်လကျော်ကာလအတွင်းမှာ မြန်မာ-ထိုင်းနယ်စပ်ကုန်သွယ်ရေးရဲ့ ကုန်သွယ်မှုပမာဏတန်ဖိုး အမေရိကန်ဒေါ်လာ ၂ ဒသမ ၇၂ ဘီလျံကုန်သွယ်မှု ပြုလုပ်နိုင်ခဲ့တယ်လို့ စီးပွားရေးနှင့် ကူးသန်းရောင်းဝယ်ရေးကြီးဌာနမှ ထုတ်ပြန်ထားတဲ့ စာရင်းတွေအရ သိရပါတယ်။
#Yangon_Media_Group
- Category: Myanmar
- Hits: 293
#World_Health
Published 21 October 2022
ကိုဗစ်ကပ်ရောဂါကြောင့် ၂ နှစ်ကျော် စီတန်းလှည့်လည်ပွဲ မပြုလုပ်ခဲ့ရတဲ့ ပီရူးနိုင်ငံမှာ ပြီးခဲ့တဲ့အင်္ဂါနေ့က လီမာမြို့လမ်းတွေမှာ အံ့ဘွယ်အရှင်သခင်ပုံတော်နဲ့အတူ ဆုတောင်းသူများနဲ့ ထောင်ပေါင်းများစွာသော ပီရူးကက်သလစ်များဟာ ဖြည်းဖြည်းချင်းလှည့်လည်ခဲ့ကြပါတယ်။
#Yangon_Media_Group
- Category: World
- Hits: 363
Published 21 Oct 2022
ရုရှားသမ္မတ ဗလာဒီမာပူတင်ဟာ ကြာသပတေးနေ့က ပထမဆုံးအကြိမ်အဖြစ် စစ်စည်းရုံးထားတဲ့ ရုရှားတွေအတွက် လေ့ကျင့်ရေးဌာနတစ်ခုကို သွားရောက်ခဲ့ပါတယ်။ ဒါဟာ စက်တင်ဘာ ၂၁ရက်မှာ ပူတင်က တစ်စိတ်တစ်ပိုင်းအနေအထား စစ်ထဲဝင်ရန်အမိန့်ထုတ်ပြန်ကြေညာအပြီး သွားရောက်ခဲ့တဲ့ခရီးဖြစ်ပါတယ်။
ပူတင်ဟာ မော်စကိုမြို့တော်ရဲ့ အရှေ့တောင်ဖက် ရာဇန်ဒေသမှာရှိတဲ့ ပစ်ခတ်ကွင်းတစ်ခုကို သွားရောက်ခဲ့တာတွေ ရုရှား နိုင်ငံပိုင်ရုပ်သံကထုတ်လွှင့်ပြသခဲ့ပါတယ်။ အနက်ရောင်ဝတ်ဆင်ထားတဲ့ ပူတင်ဟာ အသစ်ထုတ်လုပ်ထားတဲ့ လက်ဖြောင့် ရိုင်ဖယ်သေနတ်ကို ပစ်ခတ်ခဲ့ပြီး စစ်သည်တွေကိုလည်း ပွေ့ဖက်ခဲ့ပါတယ်။
Source AFP
#Vladimir_Putin
#Mobilised_Russians_Training
#Russia_Military
- Category: World
- Hits: 394
#Local_News
Published_ 21 October 2022
ဗိုလ်တထောင်ကျိုက်ဒေးအပ်ဆံတော်ဦးစေတီတော်မြတ်ကြီးမှာ'မသိုးရွှေကြာသင်္ကန်းယှဉ်ပြိုင်ရက်ခတ်ဆက်ကပ်ပူဇော်ပွဲ' ပြန်လည်ကျင်းပသွားဖို့ရှိတယ်လို့ သိရပါတယ်၊၊
#Yangon_Media_Group
- Category: Myanmar
- Hits: 340
#Local_News
Published_21 October 2022
ကိုဗစ်ကြောင့် (၂)နှစ်ကြာ ရပ်ထားရတဲ့ ပြင်ဦးလွင်တန်ဆောင်တိုင်မီးပုံးပျံပွဲတော်ကို ဒီနှစ်မှာ ပြန်စမှာ ဖြစ်ပါတယ်။
#Yangon_Media_Group
- Category: Myanmar
- Hits: 403
Published 21 Oct 2022
အမေရိကန် သမ္မတ ဂျိုးဘိုင်ဒင်က ဗြိတိန်ဝန်ကြီးချုပ် လစ်ထရပ်စ်သည် ရုရှားကိစ္စ၊ယူကရိန်းကိစ္စတို့တွင် မိတ်ဖက်ကောင်း တစ်ဦး ဖြစ်တယ်လို့ ပြောလိုက်ပါတယ်။ သူဟာ ပဲင်စီလ်ဗေးနီးယားမှာ ဆီးနိတ်အမတ်လောင်း ဂျွန် ဖက်တာမင်းဘေးရပ်တည်ပေးဖို့ အိမ်ဖြူတော်မှ မထွက်ခွာခင် သတင်းထောက်တွေကိုပြောကြားခဲ့တာဖြစ်ပါတယ်။
Source AFP
#Joe_Biden
#Liz_Truss
#UK_Politics
- Category: World
- Hits: 366
#Local_News
Published _ 21 october 2022
နေရာထိုင်ခင်း အခက်အခဲရှိတဲ့ အငြိမ်းစားဝန်ထမ်းတွေ၊ အစိုးရဝန်ထမ်းတွေ၊ ကုမ္ပဏီဝန်ထမ်းတွေနဲ့ ပြည်သူတွေကို ပြင်ပဌားရမ်းခထက် သက်သာတဲ့နှုန်းထားတွေနဲ့ ရှမ်းပြည်နယ်အစိုးရအဖွဲ့မှ ကူညီဌားရမ်းပေးသွားမှာ ဖြစ်တယ်လို့ သိရှိရပါတယ်။
#Yangon_Media_Group
- Category: Myanmar
- Hits: 319
#DailyNews
Published _ 21 October 2022
၁။ ရှမ်းပြည်နယ်ရှိ နေစရာအခက်အခဲရှိသူများကို တည်ဆောက်ပြီး အဆင့်မြင့်တိုက်ခန်းများအား ဌားရမ်းပေးသွားမည်
၂။ (၂)နှစ်ကြာ ရပ်ထားရသည့် ပြင်ဦးလွင်တန်ဆောင်တိုင်မီးပုံးပျံပွဲတော် ပြန်စမည်
၃။ ဗိုလ်တထောင်စေတီတော်တွင်'မသိုးရွှေကြာသင်္ကန်း ယှဉ်ပြိုင်ရက်ခတ်ဆက်ကပ်ပူဇော်ပွဲ' ပြန်လည်ကျင်းပမည်
၄။ ကိုဗစ်ကပ်ရောဂါအလွန် ပီရူးမြို့တော်၌ အံ့ဘွယ်အရှင်သခင်စီတန်းလှည့်လည်ပွဲအား ပြန်လည်ကျင်းပ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group
- Category: Myanmar
- Hits: 277