Published_ 17 July 2023

စစ်ကိုင်းတိုင်းဒေသကြီး၊ ရွှေဘိုမြို့၊ (၄)ရပ်ကွက်၊ အနောက်ဈေးရပ်ရှိ မြို့မဈေးအတွင်း Drop Bomb များဖြင့် ပစ်ချတိုက်ခိုက်ခံရ၍ ကိုရင် ၁ ပါး ၊ ကလေးငယ် ၂ ဦး အပါအဝင် ၈ ဦးဒဏ်ရာရခဲ့ကြောင်း နစက သတင်းထုတ်ပြန်ရေးအဖွဲ့က သိရသည်။

ဇူလိုင်လ ၁၆ ရက် နံနက်က Drop Bomb များဖြင့် ပစ်ချတိုက်ခိုက်ခဲ့ရာ ဈေးအတွင်း သား၊ငါး အရောင်းဆိုင်များအနီး ကျရောက်ပေါက်ကွဲခဲ့သော ကြောင့် အဆိုပါနေရာအနီး ရောက်ရှိနေကြသည့် ကိုရင် အာလောက(ခ)အာကာကျော် နှင့် ကလေးငယ် ၂ ဦးအပါအဝင် အရပ်သား ပြည်သူအမျိုးသား ၃ ဦး၊ အမျိုးသမီး ၅ ဦးတို့တွင် ဗုံးသီးစများအသီးသီး ထိမှန်ဒဏ်ရာများရရှိခဲ့ခြင်း ဖြစ်ကြောင်း သိရသည်။

ယင်းကြောင့် အဆိုပါဒဏ်ရာရရှိသူများအား လုံခြုံရေးတပ်ဖွဲ့ဝင်များက ရွှေဘိုမြို့နယ် ပြည်သူ့ဆေးရုံသို့ ပို့ဆောင်ပေးခဲ့ကြောင်း နစက သတင်းထုတ်ပြန်ရေးအဖွဲ့က သိရသည်။
Yamgon_Times/BM
#Local_News
#YMG #Yangon_Times

Published_ 17 july 2023

စစ်ကိုင်းတိုင်းဒေသကြီး၊ ကလေးဝမြို့နယ်၊ ဆင်အိုင်မကျေးရွာအနီး လုံခြုံရေးဆောင်ရွက်နေသော တပ်ဖွဲ့ဝင်များအားလက်နက်ကြီးလက်နက်ငယ်များဖြင့် လာရောက်တိုက်ခိုက်၍ ကျေးရွာမီးရှို့ဖျက်ဆီးခံခဲ့ရသောကြောင့် စာသင်ကျောင်း ၁ ကျောင်း အပါအဝင် လူနေအိမ်များ မီးလောင်ပျက်စီးခဲ့ကာ အရပ်သားအချို့ သေဆုံး ဒဏ်ရာရရှိကာ လုံခြုံရေးတပ်ဖွဲ့ဝင်တစ်ချို့ ထိခိုက်ဒဏ်ရာရရှိခဲ့ကြောင်း သိရသည်။

ဇူလိုင်လ ၁၅ ရက် က နံနက် ၆ နာရီ ၄၀ မိနစ်ခန့်အချိန်နှင့် နံနက် ၁၁ နာရီခွဲခန့်အချိန်တို့တွင် လက်နက်ကြီး၊ လက်နက်ငယ်များ အသုံးပြု၍ အင်အားအလုံးအရင်းဖြင့် လာရောက်ပစ်ခတ်တိုက်ခိုက်ခဲ့ရာ လုံခြုံရေးတပ်ဖွဲ့ဝင်များက ပြန်လည်ပစ်ခတ်တိုက်ခိုက်ခဲ့သဖြင့် တစ်ဖက်က ဆုတ်ခွာထွက်ပြေးသွားခဲ့ကြောင်း၊ ထိုသို့ဆုတ်ခွာထွက်ပြေးစဉ် လုံခြုံရေးတပ်ဖွဲ့ဝင်များ ၎င်းတို့၏ နောက်သို့ ထပ်ကြပ်လိုက်လံချေမှုန်းတိုက်ခိုက်ခြင်း မပြုနိုင်ရန် ကျေးရွာအတွင်းရှိ လူနေအိမ်များကို မီးရှို့ဖျက်ဆီးသွားခဲ့ကြောင်းနှင့် လုံခြုံရေးတပ်ဖွဲ့ဝင်များက မီးငြှိမ်းသတ်ခြင်းနှင့် ကယ်ဆယ်ရေးလုပ်ငန်းများ ဆောင်ရွက်ခဲ့ကြောင်း နစက သတင်းထုတ်ပြန်ရေးအဖွဲ့က ထုတ်ပြန်ထားသည်။

မီးရှို့ဖျက်ဆီး ခဲ့မှုကြောင့် လူနေအိမ် ၆၅ လုံးနှင့် အခြေခံပညာအလယ်တန်း ကျောင်း(ခွဲ) ၁ ကျောင်းတို့ မီးလောင်ပျက်စီးသွားခဲ့ပြီး လက်နက်ငယ်များဖြင့် ပစ်ခတ်တိုက်ခိုက်မှုကြောင့် ကျေးရွာနေ အရပ်သားပြည်သူ ၁ ဦး သေဆုံးကာ ၁ ဦး ဒဏ်ရာရရှိခဲ့ကာ လုံခြုံရေးတပ်ဖွဲ့ဝင်တစ်ချို့ ထိခိုက်ဒဏ်ရာရရှိခဲ့ကြောင်း သိရသည်။
Yangon-Times/BM
#Local_News
#YMG #Yangon_Times

ဇူလိုင်-၁၆၊၂၀၂၃

ကမ္ဘာပေါ်ရှိ ထိုင်တော်မှု ကျောက်ဆစ်ဗုဒ္ဓရုပ်ပွားတော်များအနက်ဉာဏ်တော်အမြင့်ဆုံးဖြစ်လာမည့် မာရဝိဇယ ဗုဒ္ဓရုပ်ပွားတော်မြတ်ကြီးတည်ဆောက်ပြီးစီးမှုအခြေအနေများကို နစက ဥက္ကဋ္ဌ ဗိုလ်ချူပ်မှူးကြီးမင်းအောင်လှိုင်က ဇူလိုင် ၁၆ ရက်နေ့က ရှင်းလင်းပြသသည့်အခမ်းအနားသို့ နိုင်ငံတော်သမ္မတ(ငြိမ်း) ဦးသိန်းစိန်နှင့် ယာယီသမ္မတ ဦးမြင့်ဆွေတို့ တက်ရောက်ခဲ့ကြတယ်လို့ နစကရဲ့သတင်းထုတ်ပြန်ချက်အရသိရပါတယ်။

အဆိုပါအခမ်းအနားသို့ ဦးသိန်းစိန်၊ဦးမြင့်ဆွေတို့နှင့်အတူ ယခင် နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီနှင့်  ဦးသိန်းစိန်အစိုးရ လက်ထက်မှ အငြိမ်းစားတပ်မတော်အရာရှိကြီးများနှင့်အစိုးရထိပ်တန်းပုဂ္ဂိုလ်များ   တက်ရောက်ခဲ့ကြတာကိုလည်း တွေ့ရှိရပါတယ်။

ဦးဆောင်ဘုရားဒါယကာ ဗိုလ်ချုပ်မှူးကြီး မင်းအောင်လှိုင်က ကမ္ဘာပေါ်ရှိထိုင်တော်မှုကျောက်ဆစ်ဗုဒ္ဓရုပ်ပွားတော်များ အနက် ဉာဏ်တော်အမြင့်ဆုံးဖြစ်လာမည့် မာရဝိဇယဗုဒ္ဓရုပ်ပွားတော်မြတ်ကြီး တည်ထားကိုးကွယ်ရခြင်းနှင့်ပတ်သက်၍ းကျောက်တုံးတော်ကြီးများကို အပိုင်းလိုက်ခွဲ၍ရေကြောင်း ကုန်ကြမ်းအဆင့်ဆင့်သယ်ယူခဲ့ခြင်းမှစပြီး ယခုနောက်ဆုံး ဆောင်ရွက်နေသည့် အခြေအနေများကို အသေးစိတ်ရှင်းလင်းပြောပြခဲ့တယ်လို့ သတင်းထုတ်ပြန်ချက်မှာ ဖော်ပြထားပါတယ်။

အခမ်းအနားတက်ရောက်လာကြသူတွေဟာ  မာရဝိဇယဘုရားကြီးနှင့် ဗုဒ္ဓဥယျာဉ်ပုံစံငယ်များ၊ ပိဋကတ်ကျမ်းစာအုပ်များကို ပါဠိအက္ခရာနှင့် RomanizeLanguage တို့ဖြင့်ရိုက်နှိပ်ထားမှုနှင့် Tablet များအတွင်းထည့်သွင်းထားရှိမှုများကို ကြည့်ရှုခဲ့ကြပါတယ်။

အဲဒီနောက် လုမ္ဗိနီအင်ကြင်းပင်များကို စုပေါင်းစိုက်ပျိုးခဲ့ကြပြီးနောက်မာရဝိဇယဗုဒ္ဓရုပ်ပွားတော်မြတ်ကြီးနှင့် မာရဝိဇယဗုဒ္ဓဥယျာဉ်တော်အတွင်းလှည့်လည်ကြည့်ရှုဖူးမြော်ခဲ့ကြပါတယ်။

မြန်မာနိုင်ငံတွင် ထေရဝါဒ ဗုဒ္ဓသာသနာတော်ကြီး ခိုင်မာစွာ ထွန်းလင်းတောက်ပလျက်ရှိမှုအား ကမ္ဘာကိုပြသရန်၊ မြန်မာနိုင်ငံသည်ထေရဝါဒ ဗုဒ္ဓဘာသာကိုးကွယ်မှု၏ ဗဟိုချက်ဖြစ်စေရန်၊ နိုင်ငံတော်ကြီး သာယာဝပြောမှုရှိစေရန်၊ ကမ္ဘာကြီးငြိမ်းချမ်းသာယာမှုဖြစ်စေရန် စသည့် ရည်ရွယ် ချက် ၄ ရပ်ဖြင့် မာရဝိဇယဗုဒ္ဓရုပ်ပွားတော်မြတ်ကြီးကို တည်ထားကိုးကွယ်ခဲ့ခြင်းဖြစ်ကြောင်းလည်းသိရှိရပါတယ်။

Published_ 16 July 2023
ထိုင်းနိုင်ငံ၊ ဗန်ကောက်မြို့၌ ပြုလုပ်နေသည့် မဲခေါင်-ဂင်္ဂါ ပူးပေါင်းဆောင်ရွက်မှု နိုင်ငံခြားရေးဝန်ကြီးများ အစည်းအဝေးနှင့် ဘင်းမ်စတက် နိုင်ငံခြားရေးဝန်ကြီးများ၏ သီးသန့်အစည်းအဝေးသို့ တက်ရောက်လျက်ရှိသည့် နိုင်ငံခြားရေးဝန်ကြီး ဦးသန်းဆွေ သည် ဇူလိုင် ၁၆ ရက်တွင် အိန္ဒိယနိုင်ငံ ပြည်ပရေးရာဝန်ကြီး ဒေါက်တာ အက်စ်ဂျိုင်ရှန်ကာ၊ ထိုင်းနိုင်ငံ ဒုတိယဝန်ကြီးချုပ်နှင့်နိုင်ငံခြားရေးဝန်ကြီး မစ္စတာ ဒွန်ပရာမွတ်(ဒ်)ဝီနိုင်း တို့နှင့် သီးခြားစီ တွေ့ဆုံခဲ့ကြောင်း သိရပါတယ်။
အိန္ဒိယပြည်ပရေးရာဝန်ကြီးနှင့် တွေ့ဆုံစဉ် ဝန်ကြီးက နိုင်ငံတော်အစိုးရ၏ ရှေ့လုပ်ငန်းစဉ် (၅) ရပ်နှင့်အညီ ငြိမ်းချမ်းရေး၊ ဖွံ့ဖြိုးတက်ရေးနှင့် ဒီမိုကရေစီ ဖော်ဆောင် ရေးတို့အတွက် ကြိုးပမ်းဆောင်ရွက်နေမှုများနှင့် မြန်မာနိုင်ငံ၏ လက်ရှိဖြစ်ပေါ် တိုးတက်မှု အခြေအနေများကို ရှင်းလင်းပြောကြားခဲ့ပါတယ်။
မြန်မာ-အိန္ဒိယအကြား ကာလရှည်ကြာ ချစ်ကြည်ရင်းနှီးသည့် ဆက်ဆံရေး ပိုမို တိုးမြှင့်ရေး၊ နှစ်နိုင်ငံနယ်စပ်ဒေသ ဖွံ့ဖြိုးတိုးတက်ရေးနှင့် လုံခြုံရေး၊ ပေါင်းစည်း ချိတ်ဆက်မှုကဏ္ဍများအပါအဝင် နှစ်နိုင်ငံအကြား အပြန်အလှန် အကျိုး ဖြစ်ထွန်းစေမည့် ပူးပေါင်းဆောင်ရွက်မှုများတိုးချဲ့ရေး၊ မဲခေါင်-ဂင်္ဂါ ပူးပေါင်း ဆောင်ရွက်မှုနှင့် ဘင်းမ်စတက် အပါအဝင် ဒေသတွင်းနှင့် နိုင်ငံတကာမျက်နှာစာတွင် ပိုမိုနီးကပ်စွာ ပူးပေါင်းဆောင်ရွက် ရေးကိစ္စရပ်များကို ဆွေးနွေးခဲ့ကြပါတယ်။
ဆက်လက်၍ ထိုင်းနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီးနှင့် တွေ့ဆုံစဉ် မြန်မာနိုင်ငံနှင့် ထိုင်းနိုင်ငံတို့အကြား ရှိရင်းစွဲချစ်ကြည်ရင်းနှီးမှုနှင့် မိတ်ဖက်ဆက်ဆံရေး ပိုမိုတိုးမြှင့် ခိုင်မာရေး၊ နှစ်နိုင်ငံ အပြန်အလှန်ပူးပေါင်း ဆောင်ရွက်မှုများ အထူးသဖြင့် ကုန်သွယ်ရေးနှင့် ရင်းနှီးမြှုပ်နှံမှုများမြှင့်တင်ရေး၊ အာဆီယံနှင့် ကုလသမဂ္ဂတို့တွင် ပိုမိုပူးပေါင်းဆောင်ရွက်သွားရေး ကိစ္စရပ်များအပေါ် ခင်မင်ရင်းနှီးစွာဆွေးနွေးခဲ့ကြကြောင်း သတင်းရရှိပါတယ်။
ygm_mnn
#Yangon_Media_Group

ငါးမြစ်ချင်း၊ ငါးခုံးမ၊ ရွှေဝါငါးကြင်း စတဲ့ ငါးကောင်ရေ (၈)သိန်းကို မှော်ဝန်းချောင်းအတွင်း ငါးမျိုးစိုက်ထည့်ပေးခဲ့

သဘာဝမြစ်ကြီးတွေနဲ့ မြစ်ဖျား၊ ချောင်းဖျားတွေအတွင်းကို  (၂")လက်မအရွယ် ငါးသားပေါက်ကောင်ရေ သိန်း (၂၇၀)ငါးမျိုး စိုက်ထည့်သွားမယ်
Yangon Times/my
#Local_News
#Published_ 15 July 2023
#YMG #Yangon_Times

တောင်ကိုရီးယားနိုင်ငံမှာ အဆက်မပြတ်မိုးသည်းထန်စွာရွာသွန်းပြီး အနီးအနားက မြစ်ရေတွေပါဝင်လာတဲ့အတွက် ချောင်ကျူးမြို့၊ အိုဆောင်းဘူတာရုံအနီးက ရေလျှံနေတဲ့ ဥမင်လိုဏ်ခေါင်း တစ်ခုအတွင်း ပိတ်မိနေသူတွေကို ကယ်ဆယ်ရေးလုပ်ငန်းတွေလုပ်ဆောင်နေရပါတယ်။  အဲဒီဥမင်လိုဏ်ခေါင်းထဲပိတ်မိနေတဲ့ ဘတ်စ်ကားတစ်စီးထဲက အလောင်း(၇)လောင်း ပြန်လည်ထုတ်ယူခဲ့ပါတယ်။

မိုးကြီးတဲ့အတွက် ရေကြီးရေလျှံဖြစ်ကာ မြေပြိုကျမှုတွေပါ ဖြစ်ပွားတဲ့အတွက် လောလောဆယ် ၃၃ ဦးခန့်သေဆုံးနေပြီး လူ ၁၀ ဦးခန့်ပျောက်ဆုံးနေပါတယ်။

Video: SOUTH KOREAN NATIONAL FIRE AGENCY/AFP

Published_ 16 July 2023

ဆီးချိုရောဂါနည်းပညာမှာ အသစ်တီထွင်ထုတ်လုပ်တဲ့ နည်းပညာက အင်ဆူလင်မှီခိုနေရတဲ့ ဆီးချိုဝေဒနာရှင် သန်းပေါင်းများစွာရဲ့ ဘဝတွေကို ပြောင်းလဲပေးနိုင်ဖွယ် ရှိနေပါတယ်။

မိုက်ခရိုပန်ကရိယကို ဖန်တီးရာမှာ တိုးတက်မှုတွေ ရှိလာပြီလို့ အစ္စရေးလ်ကုမ္ပဏီ ဘီတာလင်သယ်ရယ်ပျူတစ်က ကြေညာလိုက်ပါတယ်။

ထိုနည်းပညာကို စမ်းသပ်ထုတ်လုပ်နေဆဲဖြစ်ပြီး အင်ဆူလင်ထိုးဆေးကို မှီခိုနေရတဲ့ ဆီးချိုလူနာများအတွက် အဆင်ပြေစေမှာဖြစ်ကြောင်း နိုင်ငံတကာဆီးချိုဖက်ဒရေးရှင်းမှ ဥက္ကဌပရော်ဖက်ဆာ 'ပီတာရှဝါဇ်'က ပြောပြခဲ့ပါတယ်။

ကမ္ဘာတဝှမ်းမှာ ဆီးချိုရောဂါပထမအမျိုးအစား ခံစားနေရသူ ၈.၅ သန်းခန့်ရှိနေပါတယ်။
ထိုလူနာတွေမှာ ကိုယ်ခံအားစနစ်က ပန်ကရိယကနေ အင်ဆူလင် မထုတ်လုပ်နိုင်အောင် ဖျက်ဆီးလိုက်တာ ဖြစ်ပါတယ်။

ဆေးဝါးများ၊ အစားအစာ၊ လေ့ကျင့်ခန်းများဖြင့် သွေးတွင်းသကြားဓာတ်ကို မထိန်းသိမ်းနိုင်သူတွေအတွက် အင်ဆူလင်ကုထုံးက အရေးပါနေပါတယ်။

ချမ်းသာတဲ့နိုင်ငံတွေမှာ အင်ဆူလင်လိုအပ်တဲ့ ဆီးချိုလူနာတွေအတွက် အသုံးအများဆုံးကုထုံးတစ်ခုက အင်ဆူလင်ပန့် ဖြစ်ပါတယ်။

လူနာအရေပြားအောက်မှာ တပ်ဆင်ထားတဲ့ ကိရိယာမှတဆင့် အင်ဆူလင်ကို အဆက်မပြတ် ထုတ်ပေးတာဖြစ်ပါတယ်။

ဒီစက်က ဈေးကြီးတာကြောင့် အလယ်အလတ်နိုင်ငံတွေနဲ့ ဆင်းရဲတဲ့နိုင်ငံတွေမှာတော့ မတွင်ကျယ်ပါဘူး။

နောက်တစ်မျိုးကတော့ အလှူရှင်ထံမှ ပန်ကရိယဆဲလ်တွေကို လူနာထံသို့ အစားထိုးထည့်ပေးတာ ဖြစ်ပါတယ်။

ဒါပေမဲ့ အလှူရှင်ရှားပါးခြင်းနဲ့ ဆဲလ်တွေရဲ့ အရည်အသွေး ကွာခြားတာကြောင့် သိပ်အဆင်မပြေပါဘူး။

ဒီအတွက် ဘီတာလင်က ဘီတာဆဲလ်တွေကို ထည့်သွင်းကာ ဆဲလ်ကြီးထွားမှုကို လှုံ့ဆော်ပေးတဲ့ အခြေအနေကို ဖန်တီးခဲ့ပါတယ်။

ဝက်တွေထံမှ အဆုတ်တစ်ရှူးကို ရယူပြီး ပိုင်းဖြတ်သန့်စင်ကာ ဆဲလ်အကြွင်းအကျန်များ ဖယ်ရှားပေးပြီး လုပ်ဆောင်ချက်များကိုတော့ ကျန်ရှိစေပါတယ်။

ဘီတာလင်က ဓာတ်ခွဲခန်းစမ်းသပ်မှုနဲ့ ကြွက်၊ ဝက်တို့မှာ စမ်းသပ်ခဲ့ရာ အောင်မြင်မှု ရရှိခဲ့ပါတယ်။

ဆက်လက်ပြီး လေ့လာစမ်းသပ်နေပါက ကုမ္ပဏီအသစ်အနေနဲ့ တစ်ချိန်ချိန်မှာ ဆီးချိုကုထုံးအသစ် ရရှိနိုင်မယ်လို့ မျှော်လင့်နေပါတယ်။
Source: The Jerusalem Post
#World_Health
#YMG #Yangon_Times

Published_ 16 July 2023

အင်ဒိုနီးရှားနိုင်ငံတွင်ကျင်းပမည့် ကုန်စည်ပြပွဲ 38th Trade Expo Indonesia၌မြန်မာလုပ်ငန်းရှင်များ
ပါဝင်တက်ရောက်ပြသရန်စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှဖိတ်ခေါ်ထားကြောင်းသိရသည်။

အဆိုပါပြပွဲကိုအောက်တိုဘာ၁၈ရက်မှ၂၂ရက်အထိကျင်းပသွားမည်ဖြစ်ပြီးမြန်မာစွန့်ဦးတီထွင်စီးပွားရေးလုပ်ငန်းရှင်များ၊အလားအလာရှိသောဝယ်လက်များ၊ရင်းနှီးမြုပ်နှံသူများနှင့်UMFCCIအဖွဲ့ချုပ်အဖွဲ့ျဝင်များတက်ရောက်ပြသရန်ဖိတ်ကြားထားခြင်းဖြစ်သည်။

ယင်းပြပွဲကိုအင်ဒိုနီးရှားနိုင်ငံကုန်သွယ်ရေးဝန်ကြီးဌာနကကြီးမှူးကျင်းပ၍ SustainableTrade Global Economic Resilienceခေါင်းစဉ်ဖြင့် Hybridပုံစံကျင်းပမည်ဖြစ်ပြီးOnline Product Showcaseကိုအောက်တိုဘာ၁၈ရက်မှ ဒီဇင်ဘာ၁၈ရက်အတွင်းအချိန်မရွေးပြသနိုင်မည်ဖြစ်သည်။

ပြပွဲတွင်အစားအသောက်နှင့်အဖျော်ယမကာများ၊အဝတ်အထည်နှင့်အထည်လိပ်များ၊ဓာတုဗေဒစွမ်းအင်နှင့်ထုတ်ကုန်များ၊Digitalဝန်ဆောင်မှုများ၊အလှအပပစ္စည်း၊ဆေးပစ္စည်း၊ကျန်းမာရေးဝန်ဆောင်မှုနှင့်အိမ်အသုံးအဆောင်ပစ္စည်းများကိုခင်းကျင်းပြသသွားမည်ဖြစ်သည်။

ပါဝင်ပြသလိုသည့်စီးပွားရေးလုပ်ငန်းရှင်များအနေဖြင့်စီးပွားရေးနှင်ကူးသန်းရောင်းဝယ်ရေးဝန်ကြီးဌာန၊မြန်မာ့ကုန်သွယ်မှုမြှင်တင်ရေးအဖွဲ့၊ကုန်သွယ်မှုဖွံ့ဖြိုးရေးဌာနခွဲသို့ဆက်သွယ်နိုင်ကြောင်းသိရသည်။
Yangon_Time/tthl
#Local_News
#YMG #Yangon_Times

မြန်မာ့ကျောက်စိမ်းထည်များကို တရုတ်သို့အခွန်သက်သာစွာ တင်ပို့နိုင်

‘ရွှေနဲ့ပြုလုပ်ထားတဲ့ မြန်မာ့ကျောက်စိမ်း လက်ဝတ်ရတနာကျောက်စိမ်းထည်တွေကို တရုတ်အပါအဝင် ပြည်ပကို အခွန်သုညရာခိုင်နှုန်းဖြင့်ပို့နိုင်ပြီ’ ဦးမျိုးမြင့် (ရန်ကုန်တိုင်းဒေသကြီးရွှေလုပ်ငန်းရှင်များအသင်း၊ဥက္ကဌ)
Yangon_Times/tthl
#Local_News
#Published_ 15 July 2023
#YMG #Yangon_Times

မြန်မာနိုင်ငံရဲ့ ဂျီဒီပီမှာမြန်မာနိုင်ငံ၏ရေမြေသဘာဝနှင့်တူညီသည့် ဒေသတွင်းနိုင်ငံများ၏ ဂျီဒီပီနှင့်နှိုင်းယှဉ်ပါကများစွာကွာခြားလျက်ရှိနေသေးတယ်လို့ နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က  ဇူလိုင် ၁၅ ရက်က ကျင်းပတဲ့ ကုန်ထုတ်လုပ်မှုမြှင့်တင်ရေးအစည်းအဝေးတစ်ခုတွင် ပြောကြားပါတယ်။

နေပြည်တော်မှာ ဇူလိုင် ၁၅ရက်က ကျင်းပတဲ့ နိုင်ငံကုန်ထုတ်လုပ်မှုမြှင့်တင်ရေး အစည်းအဝေးတွင် နစကဥက္ကဋ္ဌ နိုင်ငံတော်ဝန်ကြီးချုပ်ဗိုလ်ချုပ်မှူးကြီး မင်းအောင်လှိုင်က ပြောကြားခဲ့တာဖြစ်တယ်လို့ နစကရဲ့ သတင်းထုတ်ပြန်ချက်အရ သိရပါတယ်။

အဲဒီအတွက် ဂျီဒီပီတိုးတက်ရေးအတွက် လုပ်ငန်းဆောင်ရွက်နေသူများအားလုံး လုပ်ငန်းများအလိုက် အောင်မြင်အောင် ဆောင်ရွက်လိုစိတ်ရှိဖို့လိုတယ်လို့လည်း ဗိုလ်ချူပ်မှူးကြီးကပြောပါတယ်။

ပြည်သူအများစုနေ့စဉ် သုံးစွဲစားသုံးနေရတဲ့ စိုက်ပျိုး၊ မွေးမြူရေးထုတ်ကုန်များကို ပြည်တွင်းဖူလုံမှုကို ဦးစားပေး၍ဆောင်ရွက်ရမှာဖြစ်ပြီး  အများစုသုံးစွဲခြင်းမဟုတ်ဘဲ ပြည်ပပို့ကုန်အဖြစ်တင်ပို့နိုင်သည့် ထုတ်ကုန်များကိုမူ ပို့ကုန်အဖြစ်ပိုမိုတင်ပို့နိုင်ရေး ဆောင်ရွက်နိုင်တယ်လို့ ဗိုလ်ချူပ်မှူးကြီးက ဆက်လက်ပြောဆိုပါတယ်။

ယင်းအပြင် ဗိုလ်ချုပ်မှူးကြီးက မွေးမြူရေးနှင့်ပတ်သက်၍ မြန်မာနိုင်ငံတွင် လူဦးရေ ၅၅ သန်းခန့်ရှိပြီး အသား၊ ငါး၊ဥ၊ နို့များနှင့် စားသောက်ကုန်များ နေ့စဉ်လိုအပ်ချက်များရှိကြောင်း၊ ပြည်နယ်နှင့်တိုင်းဒေသကြီးများအလိုက် ဒေသတွင်းဖူလုံနေရုံဖြင့် ကျေနပ်နေခြင်းမရှိဘဲ တစ်နိုင်ငံလုံးဖူလုံမှုရှိရေးအတွက် စဉ်းစားဆောင်ရွက်ရန်လိုအပ်နေတယ်လို့ ပြောဆိုခဲ့ပါတယ်။

ဒေသတွင်းနိုင်ငံတွေက လိုအပ်ချက် ရှိသည့် သီးနှံထွက်ကုန်တွေကို  စိုက်ပျိုးရေး သုတေသန၊ ဈေးကွက်သုတေသနများ ပြုလုပ်ပြီး  စိုက်ပျိုးပြီးတင်ပို့ဆောင်ရွက်ရန်လိုကြောင်းနှင့် ပြည်တွင်း၌ အဓိကလိုအပ် သည့်သီးနှံများ၊ ပြည်ပတင်ပို့မှုအတွက် အဓိကလိုအပ်သည့် သီးနှံများကို အောင်မြင်ဖြစ်ထွန်းအောင်ဆောင်ရွက်ကြရန် နစက ဥက္ကဋ္ဌက ပြောဆိုခဲ့ကြောင်း သတင်း ထုတ်ပြန်ချက်မှာဖော်ပြထားပါတယ်။

အစည်းအဝေးတွင် ကောင်စီဝင် ဒုတိယဗိုလ်ချုပ်ကြီး မိုးမြင့်ထွန်း နှင့် ပြည်ထောင်စုဝန်ကြီးများ၊နေပြည်တော်ကောင်စီဥက္ကဋ္ဌ၊ စစ်ကိုင်းတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ မန္တလေးတိုင်းဒေသကြီး၊ ရန်ကုန်တိုင်းဒေသကြီး၊ရှမ်းပြည်နယ်နှင့် ဧရာဝတီတိုင်းဒေသကြီး အစိုးရအဖွဲ့ ဝန်ကြီးချုပ်တို့က စိုက်ပျိုးရေးနှင့်မွေးမြူရေးဆောင်ရွက်နေမှုဆိုင်ရာ ကုန်ထုတ်လုပ်မှုအခြေအနေတွေကို ရှင်းလင်းတင်ပြခဲ့ကြတယ်လို့ သတင်းရရှိပါတယ်။

#ymg/knl

#Seniorgeneralminaunghlaing

#SAC

#myanmareconomy

Published_ 16 July 2023

နေစက်ဝန်းများအပေါ် လူအများ စိတ်ဝင်စားမှု မြင့်တက်လာကြကာ ၂၀၂၅ မှာ ပေါ်ပေါက်လာမယ့် အမြင့်ဆုံးနေလှုပ်ရှားမှုကြောင့်လည်း ကမ္ဘာပေါ်ကို သက်ရောက်မှုတွေကို စိုးရိမ်လာကြပါတယ်။

ထိုကာလမှာ ယနေ့ခေတ် ဒီဂျစ်တယ်လောကနဲ့ ပတ်သက်ပြီး စိုးရိမ်လာကြကာ နေမုန်တိုင်းများကြောင့် ကမ္ဘာ့ဆက်သွယ်ရေးကွန်ရက်များ ပျက်စီးစေနိုင်ဖွယ် ရှိနေပါတယ်။

ဝါရှင်တန်ပို့စ်ဖော်ပြချက်အရ ၂၀၂၅ ခုနှစ်မှာ နေလှုပ်ရှားမှုအမြင့်ဆုံး ရောက်နိုင်ချေရှိပါတယ်။

၂၀၂၅ နေမုန်တိုင်းကြောင့် အင်တာနက်တွေ ပျက်သုဉ်းရမှာလားဆိုတာ မသေချာမရေရာဖြစ်နေပါတယ်။

ဒီပူပန်စရာတွေက အခြေအမြစ်မရှိတာမျိုး မဟုတ်သလို ပြင်းထန်တဲ့နေမုန်တိုင်းကြောင့် ကမ္ဘာ့ဆက်သွယ်ရေး အခြေခံအဆောက်အအုံတွေ ထိခိုက်လာနိုင်ကာ အင်တာနက်ပြတ်တောက်မှုတွေ ဖြစ်လာနိုင်ချေရှိနေပါတယ်။

၁၈၅၉ ခုနှစ်က ကြေးနန်းလိုင်းများ မီးပွင့်ထွက်ကာ အော်ပရေတာများ ဓာတ်လိုက်ခဲ့တဲ့ ကာရင်တန်ဖြစ်စဉ်မျိုး၊ ၁၉၈၉ ခုနှစ် နေမုန်တိုင်းက ကွီဘက်ဓာတ်အားလိုင်းတွေကို နာရီနဲ့ကြာအောင် ပျက်စီးစေခဲ့တဲ့ဖြစ်စဉ်တွေကို အမှတ်ရစရာဖြစ်လာစေပါတယ်။

အဆိုးရွားဆုံး အဖြစ်အပျက် မကြုံဖူးတာကြောင့် ဒီက အခြေခံအဆောက်အအုံတွေ ဘယ်လိုတုန့်ပြန် ဆောင်ရွက်နိုင်မလဲဆိုတာ မသိရဘူးလို့ ကယ်လီဖိုးနီးယားတက္ကသိုလ်မှ ကွန်ပျူတာသိပ္ပံပရော်ဖက်ဆာ 'ဆန်ဂျီသာအက်ဘ်ဒူဂျိုသီ'က ပြောပြခဲ့ပါတယ်။

နေမုန်တိုင်းကြောင့် ဆက်သွယ်ရေးပြတ်တောက်မှု ဖြစ်ပေါ်ပါက အမေရိကန်တစ်နိုင်ငံတည်းမှာပင် တစ်နေ့တည်းဖြင့် ဒေါ်လာ ၁၁ ဘီလီယံကျော် ဆုံးရှုံးမှုဖြစ်လာနိုင်ပါတယ်။

အာကာသမိုးလေဝသရူပဗေဒပညာရှင် 'တာမစ်ထာစကော့ဗ်'က နေမှဖြာထွက်နေတဲ့ ထုတ်လွှတ်မှုတွေကို ဗီဒီယိုဖြင့်ပြသခဲ့ကာ စွမ်းအားမြင့်အားများကို ပုံဖော်ပြသခဲ့ပါတယ်။

အတိုချုံ့ပြောရရင် ၂၀၂၅ နေလှုပ်ရှားမှုအမြင့်ဆုံးအခြေအနေက နေမုန်တိုင်းများနဲ့ ကမ္ဘာ့ဆက်သွယ်ရေးကွန်ရက်များအပေါ် သက်ရောက်မှုများအကြောင်း စိုးရိမ်ပူပန်စရာတွေ ဖြစ်လာပါတယ်။

မသေချာမရေရာမှုတွေ သတင်းမှားတွေရှိနေပေမယ့် ကျွမ်းကျင်သူတွေက ဘေးအန္တရာယ်တွေကို သတိမူပြီး စီးပွားရေးသက်ရောက်မှုများ ဖြစ်လာနိုင်တဲ့အပေါ် ပြင်ဆင်နေကြပါတယ်။
Source: WION
#World_Science
#YMG #Yangon_Times

Published_ 16 July 2023

လျှပ်စစ်သုံးမော်တော်ယာဉ်EVကား(၃၇)စီးနှင့်အားသွင်းစက်(၃၀)ခုရန်ကုန်ဆိပ်ကမ်းသို့ထပ်မံရောက်ရှိလာကြောင်း သိရသည်။

အမျိုးသားအဆင့် လျှပ်စစ်သုံးယာဉ်နှင့်ဆက်စပ်လုပ်ငန်းများဖွံ့ဖြိုးတိုးတက်ရေးဦးဆောင်ကော်မတီ၏ခွင့်ပြုချက် ဖြင့် Amazing Auto Co.ltdမှ EVကား၃၇စီးနှင့် Grand Sirius Co.Ltdမှတင်သွင်းလာသည့် လျှပ်စစ်သုံးယာဉ်အားသွင်းစက်(EV Charger/60KW)အခု(၃၀)တို့ရောက်ရှိလာသဖြင့် လုပ်ထုံးလုပ်နည်းနှင့်အညီ ထုတ်ယူခွင့်ပြုခဲ့ကြောင်းနှင့်အဆိုပါလျှပ်စစ်မော်တော်ယာဉ်များနှင့်အားသွင်းစက်များတင်သွင်းမှုအတွက် အကောက်ခွန်ကင်းလွတ်ခွင့်ပြုထားသည်ဟုဆိုသည်။

အခုရောက်ရှိလာသည့် EVကားအမျိုးအစားသည် Faw Toyota BZ4xအမှတ်တံဆိပ်အမျိုးအစားဖြစ်ပြီး (၃၇)စီးဝင်ရောက်လာခြင်းဖြစ်သည်။

ပြီးခဲ့သည့်ဇူလိုင်လ(၁၀)ရက်ကလည်း MGအမှတ်တံဆိပ် EVကား(၅၅)စီး ရန်ကုန်ဆိပ်ကမ်းသို့ရောက်ရှိခဲ့ ကြောင်းသိရသည်။
Yangon_Time/tthl
#Local_News
#YMG #Yangon_Times