နံရံပန်းချီရှိသော ပုဂံဘုရား(၄၁၆)ဆူ၏ Data များကောက်ယူမည်

‘ပုဂံဒေသရှိ နံရံဆေးရေးပန်းချီလက်ရာတွေရှိတဲ့ ဘုရားပေါင်း(၄၁၆)ဆူရဲ့အသေးစိတ်အချက်အလက် သစ်တွေကွင်းဆင်းပြီးကောက်ယူသွားဖို့ရှိပါတယ်။အသေးစိတ်အချက်အလက်တွေ ကောက်ယူပြီး Update Data Baseတည်ဆောက်တာ၊ ပဏာမအဆင့်မှတ်ခြင်းလုပ်ငန်းအတွက် Assessment ကွင်းဆင်းကောက်ယူတာတွေ ဆောင်ရွက်လျက်ရှိတယ်’ ရှေးဟောင်းသုတေသနနှင့်အမျိုးသားပြတိုက်ဦးစီးဌာန(ပုဂံဌာနခွဲ)
Yangon_Times/tthl
#Local_News
#Published_ 11 August 2023
#နံရံပန်းချီ #ပုဂံဘုရား #Data များကောက်ယူ #ရှေးဟောင်းသုတေသနနှင့်အမျိုးသားပြတိုက်ဦးစီးဌာန
#YMG #Yangon_Times

Published_ 11 August 2023

မန္တလေး တိုင်းဒေသကြီး ၊မန္တလေးမြို့ပတ် သံလမ်းဘေး မိုးမခဆိုင်ရှေ့တွင် မော်တော်ကားနှင့်ဆိုင်ကယ် ဝင်တိုက် မိ၍ အမျိုးသား ၁ဦးသေဆုံးမှုယမန်နေ့ညကဖြစ်ခဲ့ကြောင်း နန်းတော်ရှေ့နယ်လုံးဆိုင်ရာလူမှုကယ်ဆယ်ရေးအသင်းကသိရသည်။

သြဂုတ် ၁၀ရက် ည၈နာရီအချိန်ကမန္တလေးမြို့ပါတ်သံလမ်းဘေးလမ်းမိုးမခဆိုင်ရှေ့တွင် လမ်းပြောင်းပြန်ဝင်လာသော မော်တော်ကားနှင့်ဆိုင်ကယ်တိုက် မိခဲ့ခြင်းဖြစ်ကြောင်းသိရသည်။

အဆိုပါဖြစ်စဉ်ကြောင့်ဆိုင်ကယ်စီးလာသူအမျိုးသား ၂ဦးအနက် ၁ဦးမှာ ညာနားထင်ပေါက် ၊ဘယ်ရင်အုံပေါက်ပြဲ၊ညာဝမ်းဗိုက်ပေါက်၊ လက်နှစ်ဖက်ကျိုး၊ ညာခြေကျိုး၍ဆေးရုံရောက်ရှိချိန်တွင် သေဆုံးသွားခဲ့ကြောင်းသိရသည်။

"ဆိုင်ကယ်စီးလာသူ ၂ဦးထဲက ၁ဦးက ဒဏ်ရာပြင်းထန်တော့ ဆေးရုံပို့တော့ ဆေးရုံအရောက် မှာ သေဆုံးသွားပါတယ်"ဟု အဆိုပါအသင်းကသိရသည်။

သေဆုံးသူအားသေမှုသေခင်းစစ်ချက်များယူ၍မန္တလေးပြည်သူ့ဆေးရုံကြီးတွင်(PR04)ဖြင့်ပို့ဆောင်ပေးခဲ့ကြောင်းလည်းသိရသည်။
#Yangon-Times/PP
#Local_News
#YMG #Yangon_Times

Published_ 11 August 2023

ဘရာဇီးလ်နိုင်ငံ၊ ဆိပ်ကမ်းများသို့ ဆိုက်ရောက်လာကြသည့် သင်္ဘောသား အသိ အမှတ်ပြု သက်သေခံကတ်ပြား (Seafarers Identity Document‒SID) ကိုင်ဆောင် ထားခြင်းမရှိသေးသော မြန်မာသင်္ဘောသားများ ဒဏ်ကြေးပေးဆောင် နေရခြင်းမှ ကာလတစ်ခုအထိ ကင်းလွတ်ခွင့်ရရှိရေး နှစ်နိုင်ငံတာဝန်ရှိစသူများ ဆွေနွေးခဲ့ကြောင်း သိရပါတယ်။

ဘရာဇီးလျားမြို့၊ မြန်မာသံရုံးမှ သံအမတ်ကြီး ဦးအောင်ကျော်ဇံ သည် ဩဂုတ် ၁၀ ရက်တွင် ဘရာဇီးလ်နိုင်ငံ၊ နိုင်ငံခြားရေးဝန်ကြီးဌာနသို့ သွားရောက်၍ နယ်စပ်ဖြတ်ကျော် မှုခင်းဆိုင်ရာဌာန အကြီးအကဲဖြစ်သူ Minister Marcelo Della Nina နှင့် ကောင်စစ်ရေးရာ၊ လူဝင်မှုကြီးကြပ်ရေး၊ ဥပဒေရေးရာ ပူးပေါင်းဆောင်ရွက်မှုဌာနများမှ တာဝန်ရှိ ပုဂ္ဂိုလ်များ နှင့် တွေ့ဆုံစဉ် ဆွေးနွေးခဲ့တာ ဖြစ်ပါတယ်။

ထို့ပြင် မြန်မာသင်္ဘောသားများအတွက်လိုအပ်တဲ့ ကောင်စစ်ရေးရာ အကာအကွယ် များပေးအပ်နိုင်ရေး နည်းလမ်းများကိုလည်း ဆွေးနွေးညှိနှိုင်းခဲ့တယ်လို့ ဆိုပါတယ်။

မြန်မာသံအမတ်ကြီးက မြန်မာနိုင်ငံ၏လူကုန်ကူးမှု တိုက်ဖျက်ရေးဆိုင်ရာ ဆောင်ရွက်ချက်များ၊ လက်ရှိစတုတ္ထ(၅)နှစ်စီမံကိန်း (၂၀၂၂-၂၀၂၆) အကောင်အထည်ဖော် ပြီးစီးမှု အခြေအနေနှင့် ဆက်လက်လုပ်ဆောင်သွားမည့် လုပ်ငန်းစဉ်များကို ရှင်းလင်း ပြောကြားခဲ့ကြောင်း သတင်းရရှိပါတယ်။
ygm_mnn
#Local_News
#YMG #Yangon_Media_Group

သုံးနှစ်ကြာ ဒေသစာရီအပူဇော်ခံ ရပ်နားထားရသော အင်းလေးဖောင်တော်ဦးဘုရား အပူဇော်ခံ ကြွမည်

အောက်တိုဘာလ(၁၅)ရက်ကနေ နိုဝင်ဘာ (၁) ရက်နေ့အထိ ကျင်းပသွားဖို့ရှိ
Yangon_Times/my
#Local_News
#Published_ 11 August 2023
#အင်းလေးဒေသ #ဒေသစာရီအပူဇော်ခံ #အင်းလေးဖောင်တော်ဦးဘုရား #ရှေးရိုးရာအစဉ်အလာ
#YMG #Yangon_Times

အိမ်ခြံမြေ အဝယ်လိုက်နေ ရောင်းမည့်သူနည်းပါး

‘ အိမ်ခြံမြေဝယ်ယူပြီး မြေစုကာ ရင်းနှီးမြုပ်နှံလိုသူတွေများပေမယ့် ရောင်းချပေးမယ့်သူတွေနည်းပါး နေလို့ ဈေးကွက်အေးနေဆဲဖြစ်တယ်၊၊ ရွှေဈေးနဲ့ ဒေါ်လာဈေးတွေက အပြောင်းအလဲတွေရှိနေတဲ့အတွက် ခိုင်မာတဲ့အိမ်၊ခြံ၊မြေဘက်လှည့်လာပြီးဝယ်ယူကာ ရင်းနှီးမြုပ်နှံကြသူတွေများလာတယ်’ ဒေါ်နှောင်းဝဿန်၊(အိမ်ခြံမြေအကျိုးတော်ဆောင်)
Yangon_Times/tthl
#Local_News
#Published_ 11 August 2023
#အိမ်ခြံမြေ #ရွှေဈေး #ဒေါ်လာဈေး #အိမ်ခြံမြေအကျိုးတော်ဆောင်
#YMG #Yangon_Times

ဆန်တစ်ပြည်(၂၅၀၀)ဖြင့် ဆန်အကန့်အသတ်မရှိ ရောင်းပေးမည်

‘ဧည့်မထဆန် တစ်ပြည်(၂၅၀၀)ကျပ်၊ဧရာဝတီပေါ်ဆန်း တစ်ပြည်ကိုကျပ်(၄၀၀၀)၊စားအုန်းဆီ တစ်ပိဿထည့်စရာပါရှိပါ က(၄၄၀၀)ကျပ်နှုန်း ထည့်စရာမပါရှိပါက (၅၄၀၀)ကျပ်နှုန်းနဲ့ လူတစ်ဦးလျှင် ဆန်(၅)ပြည်နှင့် ဆီ(၁) ပိဿဝယ်ယူနိုင်မှာဖြစ်ပြီး လွတ်လပ်စွာဝယ်ယူနိုင်တယ်’ ရန်ကုန်တိုင်းဒေသကြီး အစိုးရအဖွဲ့
Yangon_Times/tthl
#Local_News
#Published_ 11 August 2023
#ဆန်တစ်ပြည်(၂၅၀၀) #ပြည်သူ့ရင်ပြင် #စားအုန်းဆီ #ရန်ကုန်တိုင်းဒေသကြီးအစိုးရအဖွဲ့
#YMG #Yangon_Times

အနားယူတော့မယ့် ကမ္ဘောဒီးယားဝန်ကြီးချုပ် ဟွန်ဆန်ဟာ သူ့သားအကြီးဆုံး ဦးဆောင်တဲ့ အစိုးရအဖွဲ့ထဲ သူ့ရဲ့ အငယ်ဆုံးသား၊သူ့ရဲ့တူဖြစ်သူတို့ကို အကြီးတန်းနေရာများပေးပြီး အစိုးရအသစ်ဖွဲ့စည်းတော့မှာဖြစ်ပါတယ်။

ဆယ်စုနှစ်လေးစုနီးပါးမျှ ကမ္ဘောဒီးယားကို အုပ်စိုးခဲ့ပြီးနောက် ဟွန်ဆန်ဟာ ဝန်ကြီးချုပ်အဖြစ်က အနားယူတော့မယ့် အကြောင်း ပြောခဲ့ပြီးနောက် သူ့သားအကြီးဆုံး အသက် ၄၅နှစ်အရွယ် ဗိုလ်ချုပ်ကြီး ဟွန်မန်နက်ကို ဘုရင်မင်းမြတ်က ဝန်ကြီးချုပ်အဖြစ် ခန့်အပ်ခဲ့ပါတယ်။

အစိုးရအဖွဲ့အသစ်ထဲမှာ ဟွန်ဆန်ရဲ့ သားအငယ်ဆုံး ဟွန်မန်နီဟာ အစိုးရဌာနများဝန်ကြီးအဖြစ်လည်းကောင်း၊ တူဖြစ်သူ လက်ရှိ ရဲချုပ် နက်ဆာဗိုယမ်ကို  ဒုတိယဝန်ကြီးချုပ်အဖြစ်လည်းကောင်း ခန့်အပ်မှာဖြစ်ပါတယ်။ အဲဒီအပြင် အနားယူတော့မယ့်ပြည်ထဲရေးဝန်ကြီးနှင့် ကာကွယ်ရေးဝန်ကြီးတွေရဲ့ သားတွေကလည်း ဖခင်တွေရဲ့ ဝန်ကြီးနေရာတွေမှာ အစားထိုးနေရာယူမှာဖြစ်တဲ့အကြောင်း  ထုတ်ပြန်ချက်မူကြမ်းကို ကြည့်ခွင့်ရခဲ့တဲ့ အေအက်ဖ်ပီကရေးပါတယ်။

ဟွန်ဆန်ဟာ လက်ရှိဝန်ကြီးအဖွဲ့နှင့် အသစ်ဖွဲ့မယ့်ဝန်ကြီးအဖွဲ့တွေနှင့်တွေ့ဆုံခဲ့တာကို တယ်လီဂရမ်မှာ ပို့်စ်တင်ခဲ့ပါတယ်။

ဟွန်ဆန်ဟာ ဝန်ကြီးချုပ်အဖြစ်မှ  အနားယူပြီးတဲ့နောက် လာမယ့်နှစ်ဆန်းမှာ ဆီးနိတ်ဥက္ကဋ္ဌဖြစ်လာပါလိမ့်မယ်။ အဲဒီ့အပြင်  ဘုရင်မင်းမြတ် နိုင်ငံရပ်ခြားသွားနေတဲ့အချိန်မျိုးမှာ ယာယီနိုင်ငံတော်ခေါင်းဆောင် acting  head of state အဖြစ် တာဝန်ထမ်းဆောင်မှာလည်းဖြစ်ပါတယ်။ သူဟာ ၂၀၃၃ခုနှစ်အထိ အခြားသော ရာထူးတွေယူဦးမှာဖြစ်တယ်လို့ လည်းဟွန်ဆန်ကပြောကြောင်း CNA သတင်းမှာဖော်ပြထားပါတယ်။

Ref- AFP/CNA

Published_ 11 August 2023

ရီးရဲလ်မက်ဒရစ်အသင်း၏အဓိကရိသမားဖြစ်သောသီဘို ကော်တိုအာသည် လေ့ကျင့်ရေးတွင် ဒူးအရွတ်ကြော ထိခိုက်မှုဒဏ်ရာရရှိမှုကြောင့် ကာလရှည်အနားယူရမည်ဖြစ်ကြောင်း သိရသည်။

အသက် ၃၁နှစ်ရှိ ကော်တိုအာသည် ၂၀၁၈ ခုနှစ်တွင် ချယ်လ်ဆီးမှပြောင်းရွှေ့ကခဲ့ပြီး ရီးရဲလ်အတွက်ပွဲပေါင်း ၂၀၀ ကျော်ကစားထားကာ ဘယ်လ်ဂျီယံလက်ရွေးစင် ဂိုးသမား လည်းဖြစ်သည်။

ကော်တိုအာသည် လေ့ကျင့်ရေးကွင်းတွင် ဘယ်ဖက်ဒူးအရွတ်ကြောထိခိုက်မှုကြောင့် မကြာမီခွဲစိတ်ကုသမှုခံယူရမည်ဖြစ်ကြောင့်ရီးရဲလ်မက်ဒရစ်အသင်း၏ တရားဝင်ဝက်ဘ်ဆိုဒ်တွင်ဖော်ပြထားသည်။

ကော်တိုအာ သည် ၂၀၂၂ ချန်ပီယံလိဂ်ဖိုင်နယ်ပွဲတွင် အထူးလက်စွမ်းပြသကာ Man_of_the_Match ဆုရရှိခဲ့ပြီး ၎င်းပွဲစဉ်တွင် ရီးရဲလ်က လီဗာပူးကို အနိုင်ရဗိုလ်စွဲခဲ့သည်။

ယခင်ကရီးရဲလ်သို့ပြောင်းရွှေရန် သတင်းထွက်ပေါ်ခဲ့သည့် ဒေးဗစ်ဒီဂီယာမှာ မန်ယူနှင့်စာချုပ်သက်တမ်း ကုန်ဆုံးခဲ့ပြီးနောက် နည်းပြအန်ဆယ်လော့တီက ခေါ်ယူရန်ကြိုးပမ်းလာဖွယ်ရှိနေသည်။

အခြားသတင်းတစ်ရပ်တွင်ရီးရဲလ်မက်ဒရစ်သို့ ပြောင်းရွှေရန် သတင်းထွက်ပေါ်နေသောတိုက်စစ်မှူး အမ်ဘာပေက ယခုရာသီတွင် ပီအက်စ်ဂျီအသင်း၌ဆက်လက်ကစားများ မည်ဖြစ်ကြောင်း ထပ်လောင်းပြောကြားခဲ့သည်ဟု သိရသည်။
Ref ; Fotmob.
#World_Sport
#Published_ 11 August 2023
#YMG #Yangon_Times

Published_ 11 August 2023

နိုင်ငံကျော်ရှမ်းတိုင်းရင်းသားအဆိုတော် စိုင်းဆိုင်မောဝ်၏ အကိုတော်စပ်သူ တေးရေးဆရာ စိုင်းလောဝ်ဆိုင်သည် ပြီးခဲ့သော ဩဂုတ် (၇) ရက် ကွယ်လွန်သွားခဲ့ပြီဖြစ်ကြောင်း သိရသည်။

၎င်းကွယ်လွန်ချိန်တွင် အသက် (၈၁)နှစ်ရှိပြီဖြစ်ကာ၊ ဩဂုတ်လ (၇)ရက်က ပြင်ဦးလွင်မြို့ရှိ ၎င်းနေထိုင်ရာ နေအိမ်၌ပင် ကွယ်လွန်ခဲ့ခြင်းဖြစ်ကြောင်း သိရသည်။

သူ၏ ဈာပနအခမ်းအနားအား ဩဂုတ် (၉)ရက် မွန်းလွဲ (၁) နာရီအချိန်တွင် ပြင်ဦးလွင်မြို့ ရှစ်မိုင်ကုန်းသုဿာန်တွင် သဂြိုဟ် ပြီးစီးခဲ့ပြီဖြစ်သည်။

ကွယ်လွန်သူ ရှမ်းတိုင်းရင်းသား တေးရေးဆရာ စိုင်းလောဝ်ဆိုင်သည် ရှမ်းတေးသီချင်းများစွာကို ရေးသားဖော်စပ်ခဲ့သည့် ပုဂ္ဂိုလ်တစ်ဦးဖြစ်ပြီး၊ သူ၏ဈာပနသို့ ရှမ်းတေးသံရှင်များစွာလိုက်လံပို့ဆောင်ပေးခဲ့ကြကြောင်း သိရသည်။
Yangon-Times/my
#Local_News
#Published_ 11 August 2023
#YMG #Yangon_Times

Published_ 11 August 2023

လတ်တလောတွင် မြစ်ရေများကြီးနေသဖြင့် ရေဘေးအတွက်ဆောင်ရန်၊ရှောင်ရန်နှင့် ကြိုတင်ပြင်ဆင်ထားရမည့် အချက်များထုတ်ပြန်ထားကြောင်းသိရသည်။

ယင်းထုတ်ပြန်ချက်တွင် ရေကြီးနေစဉ် အိမ်သုံးလျှပ်စစ်ပစ္စည်းများ၊မိန်းခလုတ်များပိတ်ထားရန်၊ ရေသန့် ကြိုချက်ထားသောရေ၊ရေသန့်ဆေးခတ်ထားသောရေကိုသာသောက်သုံးရန်၊အဆိပ်ရှိသော တိရစ္ဆာန်များ အိမ်ခြံတွင်းရှိမရှိစစ်ဆေးခြင်းများဆောင်ရွက်ရန်ဆိုသည့်အချက်များထည့်သွင်းဖော်ပြထားသည်။

ရေစိုနေသည့်လျှပ်စစ်ပစ္စည်းများအသုံးမပြုရန် ရေကြီးသောဒေသများတွင် မြစ်ကမ်းပါးတိုက်စားပြီး ပြိုကျတတ်သောကြောင့် မြစ်ကမ်းပါးအနီးမသွားရန်၊မိသားစုကွဲကွာနိုင်သဖြင့် ဆုံရပ်နှင့်ဆက်သွယ်ရမည့် ဖုန်းနှင့်နေရာများကိုကြိုတင်သတ်မှတ်ထားရန်လိုအပ်သည်ဟုဆိုသည်။

ရေဘေးမကြုံသေးသူများအနေဖြင့်လည်း ကြိုတင်ပြင်ဆင်မှုအနေဖြင့် နေအိမ်ကြံ့ခိုင်မှုစစ်ဆေးထားခြင်း၊ ပြောင်းရွှေ့မည့်လမ်းကြောင်းနှင့်မိသားစုဆုံမှတ်သတ်မှတ်ထားခြင်း၊ အရေးပေါ်သုံးပစ္စည်းများ၊စားရေ ရိက္ခာနှင့်စာရွက်စာတမ်းများကို မိမိနှင့်အတူအဆင်သင့်ထားရှိထားရန်လိုအပ်ကြောင်းသိရသည်။
Yangon-Times/tthl
#Local_News
#Published_ 11 August 2023
#မြစ်ရေများကြီးနေ #ကြိုတင်ပြင်ဆင်မှု #ပြိုကျတတ်သောကြောင့်မြစ်ကမ်းပါးအနီးမသွားရန်
#YMG #Yangon_Times

Published_ 11 August 2023

ရုရှားနှင့် မြန်မာတိုက်ရိုက် လေကြောင်း ခရီးစဉ်အနေဖြင့် ရန်ကုန်လေဆိပ်နှင့် မန္တ‌လေး တံတားဦး လေဆိပ်မှတဆင့် ရုရှားနိုင်ငံ နိုဗိုဆီဘီရက်စ်ခ် ခရီးစဉ်ကိုလာမည့် စက်တင်ဘာ (၅) ရက် မှစ၍ MAI လေကြောင်းလိုင်းမှပျံသန်းမည်ဖြစ်ကြောင်း ယင်း လေကြောင်းလိုင်းမှ သိရသည်း

MAI လေကြောင်းလိုင်းမှ အဆိုပါခရီးစဉ်ကို အပတ်စဉ် အင်္ဂါနှင့် စနေ​ေန့တိုင်း ပျံသန်းပြေးဆွဲသွားမည်ဟုသိရပြီး လက် မှတ်ခနှုန်းထားအနေဖြင့် အမေရိကန်ဒေါ်လာ  409 ဒေါ်လာဖြစ်သည်ဟု အဆိုပါလေကြောင်းလိုင်းမှ သိရသည်။

ခရီးစဉ်လမ်းကြောင်းသစ်ကို မြန်မာနိုင်ငံရှိ  နာမည်ကြီး ပြည်တွင်းခရီးစဉ်များဖြစ်သည့် ငပလီ ၊ ဟဲဟိုး၊ ပုဂံ ၊ ညောင်ဦး ခရီးစဉ်တို့နှင့်လည်း ချိတ်ဆက်ဆောင်ရွက်ပေးသွားရန်ရှိကြောင်း သိရသည်။

ယင်းခရီးစဉ်လမ်းကြောင်းမှတဆင့် ရုရှားနိုင်ငံမှ ခရီးသည်များအနေဖြင့် ထိုင်းနိုင်ငံ သုဝဏ္ဏဘူမိနှင့် ဒွန်မောင်းလေဆိပ် ၊စင်ကာပူ၊ ကွာလာလမ်ပူ၊ ဟနွိုင်း၊ ဖနွမ်းပင်နှင့် ကာလကတ္တားတို့အထိ အဆင်ပြေစွာ ချိတ်ဆက်၍ ခရီး သွားနိုင်မည်ဖြစ်ကြောင်းလည်း သိရသည်။
Yangon-Times/PP
#Local_News
#Published_ 11 August 2023
#MAI လေကြောင်းလိုင်း #ရုရှား - မြန်မာ လေကြောင်းခရီးစဉ် #ရန်ကုန်နှင့်မန္တ‌လေး
#YMG #Yangon_Times

Published_ 11 August 2023

နိုင်ငံ့ဂုဏ်ဆောင် ရွှေခေတ်မြန်မာ့လက်ရွေးစင် ဘောလုံးသမားဟောင်း ဦးတင်အေးသည် ယမန်နေ့ ဩဂုတ်လ (၁၀)ရက်က ကွယ်လွန်ခဲ့ပြီဖြစ်ကြောင်း မြန်မာနိုင်ငံဘောလုံးအဖွဲ့ချုပ်က အသိ ပေးထုတ်ပြန်သည်။

၎င်း ကွယ်လွန်ချိန်တွင် အသက် ၈၇ နှစ်ပြီဖြစ်ကာ ၊ ယမန်နေ့ နံနက် ၃နာရီ မိနစ် ၅၀အချိန်တွင် ကွယ်လွန်ခဲ့ကြောင်း သိရသည်။

ဦးတင်အေးကွယ်လွန်ခြင်းအတွက် မြန်မာနိုင်ငံဘောလုံးအဖွဲ့ချုပ် ဥက္ကဌ၊အလုပ်အမှုဆောင်အဖွဲ့နှင့်ဝန်ထမ်းများက ဝမ်းနည်းကြောင်း သဝဏ်လွှာထုတ်ပြန်ခဲ့သည်။

ဦးတင်အေးသည် ရွှေခေတ် မြန်မာ့လက်ရွေးစင်ဘောလုံးသမားများဖြစ်ကြသည့် ဗဟာဒူး၊ ဦးစိုးမြင့် တို့နှင့်အတူ ၁၉၆၂ ခုနှစ် အာရှဂိမ်းဘောလုံးပြိုင်ပွဲ၌ မြန်မာနိုင်ငံအတွက် ရွှေတံဆိပ်ရယူ‌ပေးခဲ့ကြသူများဖြစ်ကြောင်း သိရသည်။
Yangon_Times/my
#Local_News
#မြန်မာ့လက်ရွေးစင်ဘောလုံးသမား #ဦးတင်အေး #အာရှဂိမ်းဘောလုံးပြိုင်ပွဲ #ရွှေတံဆိပ်ရယူ‌ပေးခဲ့
#YMG #Yangon_Times