#Health_Matters
Published_ 22 July 2023

- ဆင်းရဲမွဲတေမှုဖြစ်နေတဲ့ နိုင်ငံတွေမှာ ကျန်းမာရေးလုံခြုံမှုကို ဘယ်လိုမြှင့်တင်လို့ရမလဲဆရာ ...??

#Health_Matters #ကျန်းကျန်းမာမာ လုံလုံခြုံခြုံ
#Dr.KML #YMG #Yangon_Media_Group

#Local_News
Published-22 July 2023

တောင်ကိုရီးယားနိုင်ငံတွင်  ၂၀၂၄ခုနှစ်အတွက် မြန်မာအပါအဝင် လုပ်သားများအတွက်  အနိမ့်ဆုံး လုပ်ခနှုန်းထားသစ်ကို တိုးမြှင့်သတ်မှတ်လိုက်ကြောင်း  ကိုရီးယားရောက် မြန်မာလုပ်သားများကိုကူညီပေးနေသည့် ကိုဇော်မိုးအောင်(ကိုးရီးယား) က သိရသည်။ 

အနိမ့်ဆုံးလစာသတ်မှတ်​ရေးကော်မတီအစည်းအဝေးကို ဇူလိုင်လ ၁၈ရက် ညနေ ၃နာရီမှ ဇူလိုင်လ ၁၉ရက် နံနက် ၆နာရီအထိ ကျင်းပဆွေးနွေးခဲ့ကြရာတွင် သတ်မှတ်ခဲ့ခြင်းဖြစ်ကြောင်းကိုးရီးယားသတင်းများအရ သိရကြောင်း ဆိုသည်။

ယင်းလစာနှုန်းထားသတ်မှတ်ချက်တွင် လုပ်ခလစာအနိမ့်ဆုံးနှုန်းထားကို ၂၀၂၄ခုနှစ်အတွက် ၁နာရီလုပ်အားခ ဝမ် ၉၈၆၀(မြန်မာငွေ ကျပ်ငွေ) ၁၆၄၀၀ကျပ်ခန့်အထိ သတ်မှတ်ပေးလိုက်ခြင်းဖြစ်ကြောင်းသိရသည်။

၂၀၂၃ခု နှစ်တွင် ကိုရီးယားနိုင်ငံ၏ အနိမ့်ဆုံးလုပ်ခလစာနှုန်းထားသည်  ၁နာရီကို ဝမ်၉၆၂၀ ရှိခဲ့ပြီး ၂၀၂၄ခုနှစ်တွင် လုပ်ခလစာနှုန်းထားဟာ ဝမ် ၂၄၀ကိုပိုတိုးပေးလိုက်ခြင်းဖြစ်ကြောင်းလည်းသိရသည်။

#Yangon_Times/BMM

#Health_Matters
Published_ 22 July 2023

- ကျန်းမာရေးလုံခြုံမှုဟာ အခြေခံကျတဲ့လုံခြုံမှုလား ဒါမှမဟုတ် အခြားသော စီးပွာရေးနှင့်နိုင်ငံရေးဆိုင်ရာ
လုံခြုံမှုစတာတွေအပေါ်မှီတည်နေပါသလားဆရာ ...??

#Health_Matters #ကျန်းကျန်းမာမာ လုံလုံခြုံခြုံ
#Dr.KML #YMG #Yangon_Media_Group

#Daily_News
Published_ 22 July 2023

၁။ သဘင်အိမ်ယာနှင့်သဘင်ရွာ အမြန်ဆုံးအကောင်အထည်ဖော်နိုင်ရေး စတင်ဆောင်ရွက်နေ

၂။ U-12 Junior Soccer World Challenge 2023 ပြိုင်ပွဲအတွက် ပဏာမကစား သမား (၄၀) ဦး ရွေးချယ်ခံရ

၃။ EVကား(၄၅)စီး ရန်ကုန်ဆိပ်ကမ်းသို့ ထပ်မံရောက်ရှိ၊ ဇူလိုင်လအတွင်း(၁၇၇)စီးရောက်ရှိထားပြီဖြစ်

၄။ ကမ္ဘာ့အကြီးဆုံးနှင့်အမြင့်ဆုံး ရေအားလျှပ်စစ်-ဆိုလာလျှပ်စစ်ဓာတ်အားပေးစက်ရုံကြီး တရုတ်နိုင်ငံစီချွမ်တွင် စတင်လည်ပတ် .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

#Health_Matters
Published_ 22 July 2023

- လူသားတွေအတွက်  လုံခြုံမှုတွေထဲမှာ ကျန်းမာရေးလုံခြုံမှုဟာ ဘယ်လိုအရေးကြီးတဲ့အဆင့်မှာရှိနေသလဲဆရာ ...??

#Health_Matters #ကျန်းကျန်းမာမာ လုံလုံခြုံခြုံ
#Dr.KML #YMG #Yangon_Media_Group

#Local_News
Published_ 22 July 2023

Naypyidaw State Acedamy မှ ကျောင်းသား၊ကျောင်းသူ(၁၁၂)ဦး Paukphaw Scholarship ပညာသင်ဆုရရှိခဲ့ကြောင်း ပညာရေးဝန်ကြီးဌာနမှ သိရသည်။

တရုတ်နိုင်ငံကျေးလက်ဒေသဖွံ့ဖြိုးတိုးတက်ရေးဖောင်ဒေးရှင်း(CFRD) မှပေးသည့် Paukphaw Scholarship ပညာသင်ဆုရရှိခဲ့ခြင်းဖြစ်ပြီး ကျောင်းသား၊ ကျောင်းသူတစ်ဦးကို ကျပ်(၅)သိန်းနှုန်းဖြင့် ထောက်ပံ့ခဲ့သည်ဟု ဆိုသည်။

ပညာရေးဝန်ကြီးဌာနဒုတိယဝန်ကြီး ဒေါက်တာဇော်မြင့်က ပညာသင်ဆုများကိုပေးအပ်ချီးမြှင့်ခဲ့ပြီးNaypyidaw State Acedamyမှ ဘာသာရပ်(၁၂)ခုမှ ကိုယ်စားပြုကျောင်းသားကျောင်းသူများကပညာသင်ဆုများလက်ခံရ ယူခဲ့သလို CFRDမှ ပရိုဂမ်မန်နေဂျာကို ဒုတိယဝန်ကြီးကဂုဏ်ပြုမှတ်တမ်းလွှာ ပြန်လည်ပေးအပ်ခဲ့သည်။

တရုတ်နိုင်ငံ ကျေးလက်ဒေသဖွံ့ဖြိုးတိုးတက်ရေးဖောင်ဒေးရှင်း(CFRD)သည်၂၀၁၆ ခုနှစ်မှ ယနေ့ချိန်အထိ မြန်မာနိုင်ငံရှိတက္ကသိုလ်(၁၄)ခုမှ ကျောင်းသား၊ ကျောင်းသူ(၁၁၄၈)ဦးကို ပညာသင်ဆုပေးအပ်ခဲ့ကြောင်းနှင့် ၂၀၂၂-၂၀၂၃ ခုနှစ်ပညာသင်နှစ်အတွင်း တက္ကသိုလ်(၆) ခုမှ ကျောင်းသား၊ ကျောင်းသူ(၈၀၀)ကျော်ကို ပညာသင်ဆု ပေးအပ်ခဲ့ပြီးဖြစ်ကြောင်း သိရသည်။

#tthl #Local_News #Naypyidaw State Acedamy
#Yangon_Times

‘လျှပ်စစ်သုံးမော်တော်ယာဉ်EVကားတွေကို ကုမ္ပဏီအချိုမှတင်သွင်းလာကြပြီးလုပ်ထုံးလုပ်နည်းနဲ့အညီ ထုတ်ယူခွင့်ပြုကာ အကောက်ခွန်ကင်းလွတ်ခွင့်ပြုထားတယ်’အမျိုးသားအဆင့်လျှပ်စစ်သုံးယာဉ်နှင့် ဆက်စပ်လုပ်ငန်းများဖွံဖြိုးတိုးတက်ရေးဦးဆောင်ကော်မတီ
Published 22 July 2023
#Local_News
#EV ကား(၄၅)စီးရန်ကုန်ဆိပ်ကမ်းသို့ရောက်ရှိ
#Ymg/my #Yangon_Times

အထက်မြန်မာပြည်နဲ့ အောက်မြန်မာပြည် ဇုန်(၂)ခုခွဲပြီး ကစားသမားတွေကို ရွေးချယ်ခဲ့

Published 22 July 2023
#Local_News
#U-12 Junior Soccer World Challenge 2023
#Ymg/my #Yangon_Times

‘သဘင်လောကသားအများစုဟာ အိမ်ခြေရာခြေမရှိတဲ့အတွက် အခုလို သဘင်အိမ်ယာနဲ့ သဘင်ရွာ သဘင်လောကသားတွေအတွက်အကျိုးသက်ရောက်မှုများနိုင်တယ်’ ဦးပေါ်လေး၊ သဘင်ပညာရှင်တစ်ဦး
Published 22 July 2023
#Local_News
#သဘင်အိမ်ယာနှင့်သဘင်ရွာ
#tthl #Yangon_Times

#Local_News
Published 22-7-2023

အိန္ဒိယ -မြန်မာ နှစ်နိုင်ငံကုန်သွယ်ရေးတွင် တိုက်ရိုက်ငွေပေးချေနိုင်ရေးအတွက် မြန်မာနိုင်ငံဆိုင်ရာ အိန္ဒိယသံအမတ်ကြီးနှင့် ဗဟိုဘဏ် ဉက္ကဌ တို့ ဆွေးနွေးခဲ့ကြောင်း ယင်းဘဏ်က ယနေ့တွင် ထုတ်ပြန်ထားသည်။

တိုက်ရိုက်ငွေပေးချေရေးနိုင်ရေးကိစ္စနှင့်ပတ်သက်၍ အိန္ဒိယနိုင်ငံ Punjub National Bank တွင်ဖွင့် လှစ်ထားရှိမည့် မြန်မာဘဏ်များတွင် အထူးဖွင့်လှစ်ထားရှိသော ငွေစာရင်း၌ မည်သည့်နည်းလမ်းဖြင့်မဆိုရရှိသည့် အိန္ဒိယငွေများအား ထည့်ခွင့်ပြုသွားရန် ဆွေးနွေးခဲ့ခြင်းဖြစ်သည်။

ယင်းအတွက် နှစ်နိုင်ငံသဘောတူညီချက်ပါ အချက်များအနက် ဆက်လက်ဆောင်ရွက်ရန်နှင့် အိန္ဒိယနိုင်ငံရောက် မြန်မာအလုပ်သမားများ၏ ပြည်တွင်းသို့ လွှဲပို့ငွေကို အထူးဖွင့်လှစ်ထားရှိသော ငွေစာရင်း၌ လက်ခံထည့်သွင်းရန်လည်း ဆွေးနွေးခဲ့ကြသည်။

ထို့အပြင် နှစ်နိုင်ငံအကြား ငွေကြေးခဝါချမှု တိုက်ဖျက်ရေးဆိုင်ရာကိစ္စများကို အထောက်အကူပြုရန်နှင့် နည်းပညာဆိုင်ရာအကူအညီများပေးရန်လည်း ဆွေးနွေးခဲ့သည်ဟု ထုတ်ပြန်ချက်အရ သိရသည်။

#Ymg/my #Local_News #နှစ်နိုင်ငံကုန်သွယ်ရေးတွင် တိုက်ရိုက်ငွေပေးချေရေးဆွေးနွေး
#Yangon _Times

#Local_News
Published- 22 July 2023

ရှမ်းပြည်နယ်(တောင်ပိုင်း)ဟိုပုံးမြို့နယ်တွင်  ပထမဦးဆုံးတည်ဆောက်နေသည့် ထောပတ်သီးသန့်စင်ထုပ်ပိုးသည့်စက်ရုံကို ကုန်ကျငွေကျပ်သိန်းပေါင်း (၃၀၀၀၀)ကျော် အကုန်ကျခံ၍ တည်ဆောက်လျက်ရှိကြောင်း ထောပတ်သီးစိုက်ပျိုးထုတ်လုပ်တင်ပို့ရောင်းချသူများအသင်းမှ သိရသည်။

မြန်မာနိုင်ငံတွင် ထောပတ်သီး ကဏ္ဍဖွံ့ဖြိုးတိုးတက်စေရေးအတွက် လာမည့်ထောပတ်သီးရာသီအမီ ကြိုးစားတည်ဆောက်လျက်ရှိပြီး လက်ရှိတွင် (၆၀)ရာခိုင်နှုန်းတည်ဆောက်ပြီးစီးနေပြီဖြစ်ကြောင်း သိရသည်။

စက်ရုံတည်ဆောက်ပြီးပါက ခူးဆွတ်အသီးများကို သန့်စင်ခြင်း၊ အရွယ်အစား Size ခွဲခြင်း၊ ပါကင်လုပ်ခြင်း စသည့်စနစ်ပိုင်းများဆောင်ရွက်သွားမည်ဖြစ်ပြီး  ပြည်ပနိုင်ငံများက တောင်းဆိုသည့် KG ပုံးများအတိုင်း ထုပ်ပိုးကာ ဝန်ဆောင်မှုပေးနိုင်မည်ဖြစ်ကြောင်း သိရသည်။

ထို့အပြင် လာမည့် ထောပတ်သီးရာသီ၌ အိန္ဒိယနိုင်ငံမှ ထောပတ်သီးတန်ချိန် (၁၀၀၀)ဝယ်ယူရန် ကမ်းလှမ်းထားပြီး မြန်မာကုန်ထွက် ထောပတ်သီးရာသီချိန်ဖြစ်သော နိုဝင်ဘာလမှဖေဖော်ဝါ ရီလအတွင်း လာမည့် ၂၀၂၃-၂၀၂၄ခု နှစ်တွင် အိန္ဒိယနိုင်ငံသစ်သီးကုန်သည်အဖွဲ့အစည်းမှဝယ်ယူရန်ကမ်းလှမ်းထားသော တန်ချိန်(၁၀၀၀) ကိုလည်း တင်ပို့ရောင်းချသွားမည်ဖြစ်ကြောင်း သိရသည်။

#Local_News #ပထမဦးဆုံးထောပတ်သီးသန့်စင်ထုတ်ပိုးသည့်စက်ရုံကိုဟိုပုံးမြို့နယ်တွင်တည်ဆောက်နေ
#Yangon_Times/BM

#World_News
Published 22 July 2023

အမေရိကန်သမ္မတ 'ဂျိုးဘိုင်ဒင်'က CIA ညွှန်ကြားရေးမှူး 'ဝီလျံဘန်းစ်'ကို အစိုးရအဖွဲ့ အဖွဲ့ဝင်အဖြစ် တာဝန်ထမ်းဆောင်ပေးရန် သောကြာနေ့က ကမ်းလှမ်းလိုက်ပါတယ်။

ဒါဟာ အမျိုးသားလုံခြုံရေးနဲ့ နိုင်ငံခြားရေးမူဝါဒဆိုင်ရာ အနီးကပ်ဆုံး အကြံပေးတစ်ဦးကို ရာထူးတိုးမြှင့်ပေးရန် ဆုံးဖြတ်လိုက်တာ ဖြစ်ပါတယ်။

သူ့ရဲ့ဦးဆောင်မှုအောက်မှာ CIA ဟာ နိုင်ငံတော် ထိပ်တန်းလုံခြုံရေးစိန်ခေါ်မှုတွေကို ရှင်းရှင်းလင်းလင်းနဲ့ ရေရှည်ချဉ်းကပ်ဆောင်ရွက်နေကြောင်း ဘိုင်ဒင်က မိန့်ကြားလိုက်ကာ ယူကရိန်းကို ရုရှားကျူးကျော်ခြင်းနဲ့ အမေရိကန်နဲ့ တရုတ်ပြိုင်ဆိုင်မှုတို့မှာ ဘန်းစ်ရဲ့ချဉ်းကပ်ပုံတွေကို ဖော်ညွှန်းချင်တာဖြစ်ပါတယ်။

ဝါရှင်တန်ပို့စ်က အစောပိုင်းကတည်းက ဒီအစီအစဉ်ကို ဖော်ပြခဲ့ပြီး ဒါဟာ ကြီးမားတဲ့သင်္ကေတဖြစ်ကာ ဘန်းစ်ကို အာဏာအသစ်တွေ ပေးအပ်သွားမှာ မဟုတ်ကြောင်း ဖော်ပြခဲ့ပါတယ်။

အခုလိုခန့်အပ်ခြင်းဟာ ဘန်းစ်ရဲ့ အတွေ့အကြုံအပေါ် ဘိုင်ဒင်ရဲ့ ယုံကြည်မှုကို ဖော်ပြနေကြောင်း အမေရိကန်၏ ဂျာမန်မာရှယ်ရန်ပုံငွေမှ အင်ဒို-ပစိဖိတ်ပရိုဂရမ်အကြီးအကဲ 'ဘွန်နီဂလေဆာ'က ပြောကြားလိုက်ပါတယ်။

၂၀၂၁ မှာ CIA ကို စတင်ဦးဆောင်ခဲ့တဲ့ ဘန်းစ်ဟာ နိုင်ငံတော်လုံခြုံရေး ဆုံးဖြတ်ချက် ချမှတ်ရာမှာ သိသာထင်ရှားစွာ ပါဝင်ကူညီနိုင်ခဲ့ပြီး အထူးသဖြင့် ရုရှားနဲ့တရုတ်ကိစ္စတို့မှာ ပါဝင်ကူညီထားတယ်လို့ ဂလေဆာက ဆိုပါတယ်။

CIA ညွှန်ကြားရေးမှူးအနေနဲ့ အစိုးရအဖွဲ့ဝင် ဖြစ်လာတဲ့အထဲမှာ ဘန်းစ်က ပထမဆုံးတော့ မဟုတ်ပါဘူး။

သမ္မတဟောင်း 'ဘီလ်ကလင်တန်'က CIA ညွှန်ကြားရေးမှူးတွေဖြစ်တဲ့ 'ဂျွန်ဒက်ချ်'နဲ့ 'ဂျော့ဂျ်တဲနက်'တို့ကို အစိုးရအဖွဲ့ထဲ ခန့်အပ်ခဲ့သလို 'ရော်နယ်ရီဂန်'ကလည်း 'ဝီလျံကေဆီ'ကို ခန့်အပ်ခဲ့ဖူးပါတယ်။

ဒါဟာ CIA မှာ ဘန်းစ်ရဲ့ အခန်းကဏ္ဍ အလွန်သက်ရောက်မှုရှိတယ်ဆိုတဲ့ သက်သေပဲဖြစ်တယ်လို့ ဂျော့ဂျ်တောင်းတက္ကသိုလ် လုံခြုံရေးလေ့လာမှုပရိုဂရမ် ညွှန်ကြားရေးမှူး 'ဒန်နီယယ်ဘိုင်မန်း'က ပြောကြားခဲ့ပါတယ်။

"ဘန်းစ်ဟာ ဘိုင်ဒင်ရဲ့ နိုင်ငံခြားရေးပေါ်လစီမှာ အရေးပါတဲ့ အစိတ်အပိုင်းဖြစ်သလို ထောက်လှမ်းရေးခေါင်းဆောင် တစ်ဦးဖြစ်တဲ့အပြင် ယူကရိန်း၊ အရှေ့အလယ်ပိုင်း၊ အခြားနိုင်ငံတွေအတွက်လည်း သံတမန်တစ်ဦးဖြစ်ပါတယ်။ ဘိုင်ဒင်က ဘန်းစ်ရဲ့ အသိပညာနဲ့ ကျွမ်းကျင်မှုတို့ကို အသုံးချချင်နေတာပါ" လို့ ပြောကြားသွားပါတယ်။

သမ္မတတွေက သူတို့ရဲ့အစိုးရအဖွဲ့မှာ ကိုယ်စားပြုတဲ့ အေဂျင်စီများကို ကွဲပြားအောင်ပြုလုပ်လေ့ရှိကြောင်း အိမ်ဖြူတော်က ဆိုပါတယ်။

ဥပမာအားဖြင့် သမ္မတ'ဘာရက်အိုဘားမား'က အသေးစားစီးပွားရေး စီမံခန့်ခွဲမှုအကြီးအကဲကို အစိုးရအဖွဲ့ထဲ ခန့်အပ်ခဲ့သလို ကလင်တန်က ဖက်ဒရယ်အရေးပေါ် စီမံရေးအေဂျင်စီအကြီးအကဲ 'ဂျိမ်းစ်ဝစ်'ကို အစိုးရအဖွဲ့ထဲ ခန့်အပ်ခဲ့ကြပါတယ်။

Source: Reuters #World_News #ဝီလျံဘန်းစ်အား အစိုးရဝန်ကြီးအဖွဲ့ဝင်အဖြစ်ရာထူးတိုးမြှင့်ကမ်းလှမ်း
#YMG #Yangon_Times