#Local_News
Published 13 October 2023

ထိုင်းနိုင်ငံ မဲဆောက်မြို့တွင် မူးယစ်ဆေးဝါးတွေ့ရှိမှုဖြင့် မြန်မာနိုင်ငံသား ၂ဦး ဖမ်းဆီးခံခဲ့ရကြောင်း ထိုင်းသတင်းဌာန များ၏ ဖေါ်ပြချက်အရ သိရသည်။

အောက်တိုဘာ ၁၃ ရက်က မဲဆောက်မြို့၊ အမှတ် (၁)၊ ထာ့ဆိုင်လွှက်ကျေးရွာရှိ အုပ်ချုပ်ရေးမှူးနှင့် တာဝန်ရှိသူများသည် ကျေးရွာလုံခြုံရေးအတွက် လှည့်ကင်းပြုလုပ်နေစဉ် ကျေးရွာအပိုင်ရှိ လူကူးခုံးကျော်တံတားအနီးတွင် မသင်္ကာဖွယ်ရာ မြန်မာနိုင်ငံသား ၂ ဦးကို တွေ့ရှိသဖြင့် စစ် ဆေးခဲ့ရာမှ ဖမ်းဆီးရမိခဲ့ခြင်း ဖြစ်ကြောင်း သိရသည်။

ထိုသို့ စစ်ဆေးရာတွင် မြန်မာနိုင်ငံသား အမျိုးသားတစ်ဦးနှင့် အမျိုးသမီးကို ဖမ်းဆီးရာမှာ အမျိုးသား၏ဘက်လွယ်အိပ်အတွင်းမှ WYစာတန်းပါမူးယစ်ဆေးဝါး ၇ ပြားနှင့် ဓါးမြှောင် ၁ချောင်းတို့အား တွေ့ရှိရကြောင်း သိရသည်။

အဆိုပါ ဖမ်းဆီးရမိသူ မြန်မာနိုင်ငံသား ၂ ဦးအနက် အမျိုးသားဖြစ်သူအား မူးယစ်ဆေးဝါးလက်ဝယ်တွေ့ရှိမှု၊ တရားမဝင် လက်နက်ကိုင်ဆောင်မှု၊ ထိုင်းနိုင်ငံအတွင်း တရားမဝင် နယ်စပ်ဖြတ်ကျော်ဝင်ရောက်မှုတို့ဖြင့် အမှုဖွင့်လှစ်ထားပြီး အမျိုးသမီးဖြစ်သူအား ထိုင်းနိုင်ငံအတွင်း တရားမဝင် နယ်စပ်ဖြတ်ကျော်ဝင်ရောက်လာမှုဖြင့် မဲဆောက်ရဲစခန်းတွင် အမှုဖွင့်လှစ်ထားကြောင်း သိရသည်။

#Local_News #မြန်မာ၂ဦးအဖမ်းခံရ #YMG/LW #Yangon_Times

#Local_News
Published-13 October 2023

တောင်ကိုးရီးယားတွင် မြန်မာတစ်ဦး အိပ်နေစဉ်သေဆုံးမှု ယနေ့အောက်တိုဘာလ ၁၃ ရက် က ဖြစ်ပွားခဲ့သည်။

ယင်းသေဆုံးသူမှာ ကိုရီးယားနိုင်ငံ ဂယောင်ဂီပြည်နယ် ဆုဝါန်မြို့တွင်နေသောအသက် ၃၉ နှစ်အရွယ်ကိုနိုင်ဝင်းထွန်းဖြစ်ပြီး မြန်မာနိုင်ငံ၊ ရန်ကုန်တိုင်းဒေသကြီး၊ သန်လျင်မြို့နယ် ဗိုလ်ချုပ်ရွာနေ ဦးသန်းဝင်း၊ ဒေါ်ကြိုင်ကြိုင်တို့၏သားဖြစ်ကြောင်း၊ ၎င်း၏မိဘ ၂ ပါးလုံးမှာလည်းကိုဗစ်ရောဂါဖြင့် ကွယ်လွန်သွားခဲ့ပြီးဖြစ်ကြောင်းသိရသည်။

"ကိုနိုင်ဝင်းထွန်းသေဆုံးနေ​တာကို အခန်းနေ သူငယ်ချင်းတစ်စုက ၁၁၉ ကို ဖုန်းဆက် အကူအညီတောင်းခဲ့တယ်လို့သိရပြီး လက်ရှိအချိန်မှာရဲဝန်ထမ်းတွေ
က ကွယ်လွန်သူနဲ့ ပတ်သက်သမျှကို စစ်ဆေးနေတယ်လို့သိရတယ်"ဟု ကိုးရီးယားရောက် မြန်မာလုပ်သားများကိုကူညီဆောင်ရွက်ပေးနေသူ ကိုဇော်မိုးအောင်ထံကသိရသည်။

ရဲဝန်ထမ်းများ စစ်ဆေးပြီးနောက် သင်္ဂြိုဟ်ခွင့်ပြုပါက နာရေး ကိစ္စကိုလုပ်ဆောင်မည်ဖြစ်ကြောင်း သိရသည်။

Photo-Zaw Moe Aung
#Local_News #တောင်ကိုးရီးယား #အိပ်နေစဉ်သေဆုံး
#Yangon_Times/PP

#Local_News
Published_ 13 October 2023

မန္တလေးတိုင်း၊ ပုသိမ်ကြီးမြို့နယ်တွင် တောင်ကျရေများမြို့တွင်းဝင်၍ လျှပ်စစ်ဓာတ်အားပိတ်ထားရကြောင်း ပုသိမ်ကြီးမြို့နယ်လျှပ်စစ်ရုံးမှ ထုတ်ပြန်ထားကြောင်း သိရသည်။

အောက်တိုဘာလ ၁၃ရက်တွင် ပုသိမ်ကြီးမြို့နယ် အတွင်းမိုးသည်းထန်စွာရွာသွန်းမှုကြောင့် တောင်ကျရေများမြို့တွင်းဝင်ရောက်မှုကြောင့် 33/11kV 20MVA မြို့မ ဓာတ်အားခွဲရုံမှ ဓာတ်အားပေးထားသော အောက်ပါ Feeder များအား ၀၈:၂၈ နာရီတွင်ဓာတ်အားပိတ်ထားသည်ဟုဆိုသည်။

အဆိုပါပိတ်ထားသည့် ဓာတ်အားခွဲရုံများမှာ 
(1)11kV ရေထွက်ဖီဒါ
(2)11kV စမ်းကျဖီဒါ
(3)11kV ရန်ကင်းတောင်
(4)11kV ‌မြို့မ MTU
တို့ဖြစ်ကြောင်းသိရသည်။

#Local_News #တောင်ကျရေများ #ပုသိမ်ကြီးမြို့
#tthl #Yangon_Times

#World_News
Published 13 October 2023

အစ္စရေးလ်ရဲ့ တိုက်ခိုက်မှုများကြောင့် ဆီးရီးယား အဓိကလေဆိပ် ၂ ခု ကြာသပတေးနေ့က လည်ပတ်မှုယန္တရား ရပ်ဆိုင်းသွားခဲ့ကြောင်း ဆီးရီးယားနိုင်ငံပိုင် မီဒီယာက ဖော်ပြလိုက်ပါတယ်။

ဒါဟာ ပါလက်စ်တိုင်းမှ ဟားမတ်စ်စစ်သွေးကြွများ အစ္စရေးလ်ကို ဝင်ရောက် တိုက်ခိုက်ပြီးနောက် အပြင်းအထန် ပစ်ခတ်နေတဲ့ ရက်ပိုင်းအတွင်း ပထမဆုံး တိုက်ခိုက်မှုမျိုး ဖြစ်ပါတယ်။

အစ္စရေးလ်တို့ အကြိမ်ကြိမ် တိုက်ခိုက်မှုများကြောင့် ဆီးရီးယားအစိုးရမှ ထိန်းချုပ်ထားတဲ့ ဆီးရီးယားမြို့တော် ဒါမတ်စ်ကပ်စ်နဲ့ မြောက်ပိုင်းမြို့အလက်ပိုတို့ရှိ လေဆိပ်တွေမှာ လေကြောင်းခရီးစဥ်များ ဖျက်သိမ်းခဲ့ရပါတယ်။

လေဆိပ်နှစ်ခုစလုံးမှာ တပြိုင်တည်း တိုက်ခိုက်ခဲ့တာဖြစ်ပြီး လေယာဥ်ဆင်းသက်ရာ လမ်းကြောင်းများ ထိခိုက်ပျက်စီးခဲ့ကာ ယန္တရားလည်ပတ်မှု ရပ်ဆိုင်းလိုက်ရကြောင်း စစ်တပ်သတင်းရင်းမြစ်တစ်ခုရဲ့ ပြောကြားချက်ကို မီဒီယာက ဖော်ပြခဲ့ပါတယ်။

ဟားမတ်စ်စစ်သွေးကြွ သေနတ်သမား ရာဂဏန်းခန့်ဟာ စနေနေ့က ဂါဇာနယ်စပ်ကို ချိုးဖောက်ကာ အစ္စရေးလ်ဘက်သို့ ဝင်ရောက်လာပြီး အရပ်သားအများစု ပါဝင်တဲ့ လူပေါင်း ၁,၂၀၀ ခန့်ကို သတ်ဖြတ်ခဲ့ပြီးနောက် ဟားမတ်စ်နဲ့ အစ္စရေးလ်တို့ အပြန်အလှန် ပစ်ခတ်နေကြတာ ၆ ရက်မြောက် ရှိလာပါပြီ။

အမေရိကန် နိုင်ငံခြားရေးဝန်ကြီး အန်တိုနီဘလင်ကန် အစ္စရေးလ်သို့ ရောက်ရှိခဲ့ပြီး အီရန်သမ္မတ အီဘရာဟင်ရစ်ဆီနဲ့ ဆီးရီးယားသမ္မတ ဘာရှာအယ်လ်အက်ဆက်ဒ်တို့ တယ်လီဖုန်းပြောဆိုကာ အာရပ်နဲ့ အစ္စလာမ်နိုင်ငံများအနေဖြင့် အစ္စရေးလ်ကို ပူးပေါင်းရင်ဆိုင်ဖို့ တောင်းဆိုလိုက်ပြီးနောက် နာရီပိုင်းအကြာမှာပဲ အခုလို ဆီးရီးယားဘက်ကို တိုက်ခိုက်မှုများ ပြုလုပ်ခဲ့တာ ဖြစ်ပါတယ်။

ဆီးရီးယားနိုင်ငံပိုင် မီဒီယာရဲ့ အဆိုအရ ဆီးရီးယားကို တိုက်ခိုက်တာဟာ ဂါဇာမှာ ဟားမတ်စ်တို့နဲ့ ပဋိပက္ခဖြစ်နေရာကနေ အစ္စရေးလ်တို့ အာရုံလွှဲဖို့ ကြိုးပမ်းတာဖြစ်နိုင်ကြောင်း စစ်တပ်သတင်းရင်းမြစ်က ဆိုပါတယ်။

ဆီးရီးယားနိုင်ငံအတွင်း ဆယ်စုနှစ်တစ်ခုကျော် စစ်ပွဲဖြစ်ပွားနေစဥ် အစ္စရေးလ်တို့က လေကြောင်းတိုက်ခိုက်မှုပေါင်း ရာနဲ့ချီပြုလုပ်ခဲ့ကာ အီရန်ကျောထောက် နောက်ခံပြု တပ်များ၊ လက်ဘနွန် ဟက်ဇ်ဘိုလာ တိုက်ခိုက်ရေးသမားများ၊ ဆီးရီးယားစစ်တပ် အခြေချစခန်းများကို အဓိကပစ်မှတ်ထားခဲ့ပါတယ်။

ဆီးရီးယားအပေါ် တိုက်ခိုက်မှုများအကြောင်း အစ္စရေးလ်ဘက်က မှတ်ချက်ပြုခြင်း မရှိပေမယ့် အီရန်အနေဖြင့် ဆီးရီးယားအစိုးရကို ထောက်ပံ့တာမျိုး ခွင့်မပြုနိုင်ဘူးလို့ အကြိမ်ကြိမ် ပြောကြားခဲ့ဖူးပါတယ်။

ဟားမတ်စ်တို့ကို့ ထောက်ပံ့ကူညီထားတဲ့ အီရန်ဟာ အစ္စရေးလ်ဘက်ကို တိုက်ခိုက်ရာမှာ မပတ်သက်ဘူးလို့ ဆိုထားပေမယ့် အဆိုပါဖြစ်ရပ်နဲ့ ပတ်သက်ပြီး စနေနေ့က အောင်ပွဲခံခဲ့ပါတယ်။

#World_News #အစ္စရေးလ် #ဆီးရီးယား #လေဆိပ်နှစ်ခုလည်ပတ်မှုရပ်တန့် #Source: NDTV

#World_Health
Published 13 October 2023

ကိုလက်စ်ထရောလ်များခြင်းအတွက် ဆေးသောက်သုံးသူတွေမှာ မကောင်းတဲ့ LDL ကိုလက်စ်ထရောလ်က ၂၁ မှတ်ခန့်လျော့ကျသွားပေမယ့် အရွယ်ရောက်ပြီးသူတွေမှာ ကိုလက်စ်ထရောလ် မြင့်မားနေတဲ့သူတွေ များပြားနေဆဲ ဖြစ်ပါတယ်။

ကိုလက်စ်ထရောလ် များပါက နှလုံးဖောက်ခြင်း၊ လေဖြတ်ခြင်း၊ နှလုံးရောဂါတို့ ဖြစ်နိုင်ချေ များပါတယ်။

ကိုလက်စ်ထရောလ် ပမာဏလျော့ကျစေရန် ဆေးဝါးများအပြင် ဖြည့်စွက်စာများလည်း စားသုံးနိုင်ပါတယ်။

 
-        တစေးနီထမင်း

စပါးပင်တွေမှာ ကြီးထွားတဲ့ တစေးတစ်မျိုးနဲ့ ထမင်းကို ရောနှောထားတာဖြစ်ပါတယ်။

မိုနာကိုလင်-ကေ ဆိုတဲ့ စွမ်းအားမြင့် စတက်တင်တစ်မျိုး ပါဝင်ကာ LDL ကိုလက်စ်ထရောလ်ကို လျှော့ချပေးပါတယ်။

သာမန်အားဖြင့် စားသုံးဖို့ဘေးကင်းပေမယ့် စတက်တင်ဆေးတွေလိုမျိုး အစာအိမ် မအီမသာဖြစ်ခြင်း၊ ရင်ပူခြင်း၊ လေတက်ခြင်း၊ ခေါင်းကိုက်ခြင်းတို့  ဖြစ်တတ်ပါတယ်။

 
-        ဂေါ်ဖီထုပ်ကဲ့သို့ အရွက်ထုပ်ဟင်းရွက်

ထိုအရွက်မှ ညှစ်ထုတ်ရရှိတဲ့အရည်မှာ ဆင်နာရင်ဒြပ်ပေါင်း ပါဝင်ပြီး သည်းခြေရည် စီးဆင်းမှုကို အားကောင်းစေကာ ကိုလက်စ်ထရောလ်ကို ကူညီရှင်းလင်းပေးပါတယ်။
 
-        အပင်စတီရောလ်များ

အစေ့အဆန်ပင်များ၊ ဟင်းသီးဟင်းရွက်များ၊ အသီးအနှံများ၊ ဟင်းရွက်ဆီများမှာ ပါဝင်တဲ့ ဖိုင်တိုစတီရောလ်များက ကိုလက်စ်ထရောလ်ပမာဏကို လျှော့ချပေးပါတယ်။

ဖိုင်တိုစတီရောလ် ၂ ဂရမ် နေ့စဥ်စားသုံးခြင်းဖြင့် LDL ကိုလက်စ်ထရောလ် ၁၀ ရာခိုင်နှုန်းလျော့ကျစေတယ်လို့ လေ့လာချက်တွေမှာ တွေ့ရပြီး စတက်တင်၊ အက်ဇီတီမိုက်ဆေးတွေ သုံးစွဲနေရတဲ့သူတွေမှာလည်း အကျိုးရှိစေပါတယ်။

 
-        ဒိန်ရည်ပရိုတိန်း

ဒိန်ရည်ပရိုတိန်း ဖြည့်စွက်စာတွေဟာလည်း ကိုလက်စ်ထရောလ်ကို ကျစေတယ်လို့ တွေ့ရှိထားပါတယ်။

အမှုန့်ဖျော်သောက်မယ်ဆိုရင်တော့ သကြားဓာတ်နည်းအောင် ရွေးချယ်သောက်သုံးသင့်ပါတယ်။
 
-        Psyllium အမျှင်

အမျှင်ဖြည့်စွက်စာများဟာ Psyllium၊ မီသိုင်းဆဲလူးလို့စ်၊ ဒိန်ရည်ဒက်စ်ထရို့စ်၊ ကယ်လ်စီယမ် ပိုလီကာဘိုဖီလ်အနေဖြင့် စားသုံးနိုင်ပါတယ်။

Psyllium ပုံမှန်သုံးစွဲခြင်းဖြင့် ကိုလက်စ်ထရောလ် လျော့ကျစေတဲ့အပြင် ဝမ်းချုပ်ခြင်းကို သက်သာစေပြီး ဆီးချိုလူနာတွေမှာ သွေးတွင်းသကြားဓာတ်ကို လျော့ကျစေပါတယ်။
 
-        နိုင်ယာစင်

ဗိုက်တာမင်-ဘီ၃လည်းဖြစ်တဲ့ နိုင်ယာစင်ကို ကိုလက်စ်ထရောလ်များတဲ့ လူတွေမှာ အသုံးပြုပါတယ်။

ကောင်းတဲ့ HDL ကိုလက်စ်ထရောလ်တွေကို များစေပြီး သွေးကြောပိတ်ဆို့စေတဲ့ ထရိုင်ဂလစ်စရိုက်တွေကို လျော့နည်းစေပါတယ်။
 
-        ပိုက်ဆံလျှော်စေ့

လျှော်စေ့တွေမှာ အမျှင်ဓာတ်နဲ့ အိုမီဂါ ၃ ဖက်တီးအက်ဆစ် ကြွယ်ဝစွာပါဝင်ပြီး အစေ့တစ်ခုလုံးကို ခန္ဓာကိုယ်က မချေဖျက်နိုင်တာကြောင့် အဆီ ဒါမှမဟုတ် ထုခွဲပြီးသားကို စားသုံးတာ အကောင်းဆုံးဖြစ်တယ်လို့ ပညာရှင်များ အကြံပြုထားပါတယ်။

 
ကိုလက်စ်ထရောလ်များတဲ့ သူတွေက ဆေးဝါး၊ သဘာဝစားစရာတွေကိုသာ မှီခိုမနေသင့်ဘဲ ကျန်းမာရေး ပညာရှင်များနဲ့လည်း တိုင်ပင်သင့်ပါတယ်။

ဒါ့အပြင် ကိုယ်လက်လှုပ်ရှားမှုများ၊ ကျန်းမာရေးနဲ့ ညီညွတ်တဲ့ အစားအစာများ မှီဝဲပေးဖို့ကလည်း အရေးကြီးနေပါတယ်။

#World_Health #ကိုလက်စ်ထရောလ် #သဘာဝအတိုင်းကျဆင်း
Source: New York Post

#World_Health
Published 13 October 2023

ဗိုက်တာမင်ဒီက အဆီမှာပျော်ဝင်တဲ့ ဗိုက်တာမင်ဖြစ်ပြီး အရိုးနဲ့သွားများ ကျန်းမာကြံ့ခိုင်စေရန် အရေးကြီးတဲ့ ကယ်လ်စီယမ်နဲ့ ဖော့စ်ဖရပ်စ်တို့ ခန္ဓာကိုယ်မှ စုပ်ယူနိုင်အောင် ကူညီပေးပါတယ်။

ခန္ဓာကိုယ်မှာ ဗိုက်တာမင်ဒီ ချို့တဲ့ရင်တော့ ကျန်းမာရေးပြဿနာများ ဖြစ်လာနိုင်ပါတယ်။

 
(၁) ကိုယ်ခံအားစနစ်အားနည်းခြင်း

ဗိုက်တာမင်ဒီ ချို့တဲ့ရင် ကိုယ်ခံအားစနစ် အားနည်းသွားကာ ရောဂါကူးစက်မှုများ ဝင်ရောက်လာနိုင်ပါတယ်။

နေရောင်ဟာ ဗိုက်တာမင်ဒီပါဝင်တဲ့ ရင်းမြစ်တစ်ခုဖြစ်သလို အဆီပါသောငါးများ၊ နို့ထွက်ပစ္စည်းများမှာ ဗိုက်တာမင်ဒီ ကြွယ်ဝစွာ ပါဝင်ပြီး ဖြည့်စွက်များလည်း စားသုံးနိုင်ပါတယ်။

 
(၂) အရိုးဆုံးရှုံးခြင်းနှင့် အရိုးပွခြင်း

ဗိုက်တာမင်ဒီက ကယ်လ်စီယမ် စုပ်ယူမှုကို အားကောင်းစေကာ အရိုးကြီးထွားခြင်းကို အားပေးပြီး အရိုးဆုံးရှုံးမှုမှ ကာကွယ်ပေးတာကြောင့် ဗိုက်တာမင်ဒီချို့တဲ့ရင် အရိုးအားနည်းပြီး အရိုးပွရောဂါ ဖြစ်လာနိုင်ပါတယ်။

 
(၃) ရာသီလိုက်နေမကောင်းဖြစ်ခြင်း

ဗိုက်တာမင်ဒီ နည်းပါးပါက ရာသီအကူးအပြောင်းမှာ စိတ်ဓာတ်ကျခြင်းမျိုး လက္ခဏာများ ဖြစ်တတ်ပြီး အပြင်ဘက်မှာ နေရောင်ထိတွေ့ခြင်းဖြင့် သက်သာစေနိုင်ပါတယ်။

 
(၄) နှလုံးသွေးကြောရောဂါများ ဖြစ်နိုင်ချေများခြင်း

ဗိုက်တာမင်ဒီ ချို့တဲ့ရင် နှလုံးသွေးကြောဆိုင်ရာ ရောဂါများ အပါအဝင် သွေးတိုးရောဂါ၊ နှလုံးရောဂါ၊ လေဖြတ်ခြင်းတို့ ဖြစ်နိုင်ချေ များစေပြီး ပုံမှန်လှုပ်ရှားလေ့ကျင့်ခန်း ပြုလုပ်ခြင်း၊ ညီညွတ်မျှတစွာ စားသောက်ခြင်း၊ စိတ်ဖိစီးမှုလျှော့ချခြင်းတို့ဖြင့် ကျန်းမာစွာ နေထိုင်နိုင်မှာ ဖြစ်ပါတယ်။

 
(၅) ဦးနှောက်သိရှိမှုစွမ်းရည်လျော့ကျခြင်းနှင့် စိတ်မူမမှန်ခြင်း

မှတ်ဉာဏ်ဆိုင်ရာ ပြဿနာများ၊ အသိဉာဏ်စွမ်းရည် လျော့ကျခြင်း၊ စိတ်ဓာတ်ကျခြင်း ပူပန်သောကရောက်ခြင်းလိုမျိုး စိတ်မူမမှန်ခြင်းများ ခံစားရနိုင်ကာ အစားအသောက်၊ လေ့ကျင့်ခန်းတို့ဖြင့် ထိန်းသိမ်းနိုင်ပါတယ်။

 
(၆) ရင်ကြပ်ဝေဒနာပိုမိုဆိုးရွားစေခြင်း

ဗိုက်တာမင်ဒီက ရောင်ရမ်းခြင်းကို လျော့ကျစေတာကြောင့် ချို့တဲ့တဲ့အခါ ရင်ကြပ်လက္ခဏာများ ပိုမိုဆိုးရွားစေပြီး ရင်ကြပ်ခြင်းခံစားရမှု ပိုမိုဖြစ်ပေါ်နိုင်ပါတယ်။

 
(၇) ကိုယ်ခံအားနည်းသောရောဂါများ ဖြစ်နိုင်ချေများခြင်း

ဗိုက်တာမင်ဒီ ချို့တဲ့တဲ့အခါ လေးဘက်နာ၊ ဆီးချိုရောဂါတို့လို ကိုယ်ခံအားနည်းခြင်းနဲ့ သက်ဆိုင်တဲ့ ရောဂါများ ဖြစ်လာနိုင်ပါတယ်။

 
ရောဂါဖြစ်နိုင်ချေ များတဲ့သူတွေအနေဖြင့် ကျန်းမာရေးပညာရှင်နဲ့ တိုင်ပင်ဆွေးနွေးကာ လိုအပ်တဲ့ ဖြည့်စွက်စာများ သုံးစွဲရန်လည်း အရေးကြီးပါတယ်။

#World_Health #ဗိုက်တာမင်-ဒီ #Source: DoctorNDTV

ယူအေအီးနိုင်ငံရဲ့ စွမ်းအင်ကူးပြောင်းရေးနဲ့ စီးပွားရေး ဖွံ့ဖြိုးတိုးတက်မှုတို့ကို မြှင့်တင်ပေးနိုင်ရန် ရည်မှန်းကာ သန့်စင်လျှပ်စစ်စွမ်းအား ထုတ်လုပ်နိုင်ဖို့အတွက် တရုတ်ကုမ္ပဏီများမှ ဆောက်လုပ်ပေးတဲ့ အဘူဒါဘီရှိ လေအားလျှပ်စစ်စီမံကိန်းဟာ စတင်လည်ပတ်နေပြီ ဖြစ်ပါတယ်။

Published_ 12 October 2023
#World_Development
#တရုတ်နိုင်ငံ #လေအားလျှပ်စစ်စီမံကိန်း #ယူအေအီး
#Yangon_Times

#Daily_News
Published_ 12 October 2023

၁။ မြန်မာ့မြေထည်ဆီမီးခွက်များ မနှစ်ကဈေးအတိုင်းရောင်းချနေ၊ ဈေးကွက်အတွင်း ဒီဇိုင်းဆန်းဆီမီးခွက်များဈေးကောင်းနေ

၂။ ရှမ်းပြည်ထွက် အသီးအနှံများ အဓိကရောင်းချနိုင်မည့် ဆိုင်ခန်းပေါင်း ၁၆၀၀ ပါဝင်သော ဈေးရုံကြီးအတွက် လျှောက်လွှာများ စတင်လက်ခံနေ

၃။ ဘုရင့်နောင်ကုန်စည်ဒိုင်သို့ အခြေခံစားကုန်အဝင်များပြီး ဝယ်လိုအားနည်းပါး‌‌နေသောကြောင့် ဈေးနှုန်းများကျဆင်းနေ

၄။ တရုတ်နိုင်ငံမှ ကူညီဆောက်လုပ်ပေးသည့် လေအားလျှပ်စစ်စီမံကိန်း ယူအေအီးတွင်စတင်လည်ပတ် .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

ညလွှတ်မီးပုံးပျံအလုံး(၆၃)လုံးလွှတ်တင်၊ နေ့လွှတ်အရုပ်မီးပုံးပျံတွေယှဉ်ပြိုင်လိုသူ ‌‌တွေဖိတ်ခေါ်

Published_ 12 October 2023
#Local_News
#မီးပုံးပျံဓာတ်ပုံပြိုင်ပွဲ #အရုပ်မီးပုံးပျံ
#YMG/NN #Yangon_Times

#Local_News
Published_ 12 October 2023

တစ်ခေတ်တစ်ခါက ပရိတ်သတ်များအသည်းနှလုံးကို သဘင်အနုပညာမှော်ဖြင့် ဆွဲကိုင်ဖမ်းစားနိုင်ခဲ့သည့် အငြိမ့်မိခင်ကြီးရွှေလိပ်ပြာဒေါ်အေးကြည်သည် အောက်တိုဘာလ ၁၁ ရက်တွင်ကွယ်လွန်သွားကြောင်း မြန်မာနိုင်ငံသဘင်အစည်းအရုံး(ဗဟို)မှသိရသည်။

အငြိမ့်မင်းသမီးကြီး ရွှေလိပ်ပြာဒေါ်အေးကြည်သည် မြန်မာနိုင်ငံသဘင်အစည်းအရုံးနာယကတစ်ဦးဖြစ်သလို နှလုံးသားကိုအလှဆင်မည့်အငြိမ့်မင်းသမီးများအဆိုအကအဖွဲ့မှလှူဒါန်းကန်တော့လေ့ရှိသည့် အငြိမ့် မိခင်ကြီးတစ်ဦးလည်းဖြစ်သည်။

‘အမေကြီးရွှေလိပ်ပြာကွယ်လွန်သွားတဲ့အတွက် နှမျောတသ ဝမ်းနည်းကြေကွဲရပါတယ်။ ကွယ်လွန်ချိန်မှာ အသက်ကတော့၉၂နှစ်၊၉၃ပေါ့။ အလုံမြို့နယ်က ရွှေလိပ်ပြာအိမ်ရာမှာ ကွယ်လွန်သွားပါတယ်။ အမေကြီး (ရွှေလိပ်ပြာ)ကျန်းမာနေချိန်အိုမင်းတဲ့အချိန်မှာ အမေကျားတို့တစ်ခါသွားကန်တော့တယ်။ နောက်တစ်ကြိမ် လူကြီးရောဂါဖြစ်လို့သိပ်မသိတော့တဲ့အချိန်မှာ တစ်ခါသွားတယ်။ နောက်ဆုံးတစ်ကြိမ်တစ်ခါသွားဖြစ်တယ်’’ဟု နှလုံးသားကိုအလှဆင်မည့်အငြိမ့် မင်းသမီးများအဆိုအကအဖွဲ့မှ အငြိမ့်မင်းသမီးကျားလေးစိန်ကပြောပြသည်။

နှလုံးသားကို အလှဆင်မည့်အငြိမ့်မင်းသမီးများ အဆိုအကအဖွဲ့အနေဖြင့် ပြည်တွင်းပြည်ပအလှူရှင် သူတော်ကောင်းများကိုယ်စား အငြိမ့်မိခင်ကြီး ရွှေ ..ရွှေလိပ်ပြာ..ဖွားဖွားကြီးရွှေလိပ်ပြာ၏ နောက်ဆုံးခရီးကို သင်္ဂြိုဟ်သွားဦးမည်ဖြစ်ကြောင်း သိရသည်။

#Local_News #အငြိမ့်မိခင်ကြီး #ရွှေလိပ်ပြာဒေါ်အေးကြည်
#tthl #Yangon_Times

#Local_News
Published 12 October 2023

လာမည့် ၄၈ နာရီ အတွင်း စစ်တောင်းမြစ်ရေသည် တောင်ငူမြို့နယ်တွင် ယင်းမြို့၏ စိုးရိမ်ရေ အမှတ်ကို ရောက်ရှိလာမည်ဖြစ်ကြောင်း မိုးလေဝသနှင့်ဇလဗေဒဦးစီးဌာနက ထုတ်ပြန်သတိပေးထားသည်။

အောက်တိုဘာလ ၁၂ ရက် မြန်မာစံတော်ချိန် ၁၂နာရီခွဲ တိုင်းတာချက်အရ စစ်တောင်းမြစ်ရေသည် တောင်ငူမြို့တွင် ယင်းမြို့၏ စိုးရိမ်ရေအမှတ်အောက် ၂ပေကျော် (၆၂စင်တီမီတာ)တွင် ရောက်ရှိနေပြီး နောက် ၂ရက်အတွင်း ယင်းမြို့၏ စိုးရိမ်ရေအမှတ်ကို ရောက်ရှိလာမည် ဟု ထုတ်ပြန်ကြေညာထားသည်။

ထို့ကြောင့် တောင်ငူမြို့နယ်အတွင်း ရှိ့မြစ်ကမ်းပါးအနီးနှင့် မြေနိမ့်ပိုင်းနေထိုင်သူများ အနေဖြင့် အထူး သတိပြုနေထိုင်ကြရန်အကြံပြုထားကြောင်း သိရသည်။

ယခင်ရက်ပိုင်းက စိုးရိမ်ရေအမှတ်ထက် ၄ပေကျော်ရောက်ရှိခဲ့သည် ပဲခူးမြစ်ရေသည် အောက်တိုဘာ ၁၂ ရက် နေ့လည် ၁နာရီခွဲ တိုင်းတာချက်အရ ပဲခူးမြို့၏ စိုးရိမ်ရေအမှတ် ထက်၂ပေခန့်(၅၆စင်တီမီတာ) ရောက်ရှိနေပြီး နောက် ၂ရက်အတွင်း စိုးရိမ်ရေအမှတ် အောက်ကိုပြန်လည်ကျဆင်းနိုင်ကြောင်း ထုတ်ပြန်ကြေညာထားသည်။

#YMG/LW #Local_News #စစ်တောင်းမြစ်ရေ #မိုးဇလသတိပေး #Yangon_Times

#Local_News
Published-12 October 2023

မကွေးတိုင်း၊ မကွေးမြို့၊ နတ်မောက်လမ်းနှင့် သုခိတာလမ်းထောင့်တွင် ယနေ့ နံနက်က ဆိုင်ကယ် (၂) စီးတိုက်မိခဲ့ကြောင်း ပရဟိတမင်းခေါင်ရှာဖွေကယ်ဆယ်ရေးအဖွဲ့မှ သိရသည်။

အောက်တိုဘာလ ၁၂ရက်နံနက် ၉ နာရီကျော်အချိန်က ဆိုင်ကယ်၂စီးတိုက်မိ၍ အမျိုးသားတစ်ယောက်က ပြင်းထန်ဒဏ်ရာရရှိ၍ စိုးရိမ်ဒဏ်ရာရရှိကာ ကျန်၁ဦးမှာ ဘယ်ဘက်လက်တွင်ပွန်းပဲ့ဒဏ်ရာသာရရှိကြောင်း လူမှုကူညီရေးအသင်းက သိရသည်။

ထိခိုက်ဒဏ်ရာရသူ (၂) ဦးအား ပရဟိတမင်းခေါင်ရှာဖွေကယ်ဆယ်ရေးအဖွဲ့မှ မြေပြင်ကုသမှုများပြုလုပ်ပေးပြီးနောက် မကွေးတိုင်းပြည်သူ့ဆေးရုံကြီးသို့ ပို့ဆောင်ပေးခဲ့ကြကြောင်း သိရသည်။

#Local_News #မကွေး #ဆိုင်ကယ်(၂) စီးတိုက်မိ #ဒဏ်ရာရသူ၂ဦး #Yangon_Times/PP