#World_Science
Published 10 November 2023

ရှေးဟောင်း အီဂျစ်တော်ဝင် ကျမ်းပညာရှင်တစ်ဦးရဲ့ ခမ်းနားထည်ဝါလှတဲ့ အုတ်ဂူကြီးကို ရှေးဟောင်းသုတေသန ပညာရှင်များ မကြာသေးမီက တူးဖော်တွေ့ရှိခဲ့ပါတယ်။

အဆိုပါတွေ့ရှိချက်ဟာ မြှုပ်နှံရာနေရာတစ်ခုအပြင် အဆိပ်ပြင်းမြွေများကို ကြောက်ရွံ့နေရတဲ့ အချိန်ကာလကိုလည်း လေ့လာခွင့်ရခဲ့တာ ဖြစ်ပါတယ်။

အီဂျစ်နိုင်ငံ အဘူဆီယာ ရှေးဟောင်းသုတေသနနေရာမှာ ဧပြီလနဲ့ မေလအတွင်း တူးဖော်မှုပြုလုပ်စဥ် တွေ့ရှိခဲ့တာဖြစ်ပြီး အဆိုပါအုတ်ဂူဟာ ဘီစီ ၅၀၀ ခန့်က ဖြစ်မယ်လို့ ယူဆနေကြပါတယ်။

ဂီဇာနဲ့ ဆာကာရာ သမိုင်းဝင်နေရာကြားမှာ တည်ရှိပြီး အဘူဆီယာ ရှေးဟောင်းပိရမစ်ဟာ အံ့အားသင့်ဖွယ် ကောင်းနေပါတယ်။

အီဂျစ်မှ ၂၆ မင်းဆက်နဲ့ ၂၇ မင်းဆက်တို့မှ အထက်ပိုင်းအရာရှိများနဲ့ စစ်ဗိုလ်များ နောက်ဆုံးမြှုပ်နှံရာနေရာ ဖြစ်ခဲ့ပါတယ်။

ခမ်းနားကြွယ်ဝါစွာ စီခြယ်ထားတဲ့ အုတ်ဂူထဲမှာ မြှုပ်နှံထားတဲ့သူက ပါရှန်းတပ်များ ကျူးကျော်စဥ် အီဂျစ်သမိုင်းမှာ ရုန်းရင်းဆန်ခတ် ဖြစ်ခဲ့တဲ့ကာလမှ အမည်မသိ ဂုဏ်သရေရှိပုဂ္ဂိုလ်တစ်ဦး ဖြစ်ပါတယ်။

မျိုးရိုးစဥ်ဆက်သမိုင်းကို လေ့လာဖော်ထုတ်ပြီးနောက် ဒါဟာ တော်ဝင်ကျမ်းဂန်ပညာရှင် ဘွဲ့ရခဲ့တဲ့ ဂျီဟက်ယဲမက် ဖြစ်နေပါတယ်။

အုတ်ဂူဟာ သာမန်အရွယ်အစားရှိပြီး ကမ္ပည်းစာများ၊ အနုပညာလက်ရာများ၊ စာသားများဖြင့် စီခြယ်ထားပါတယ်။

သိသားထင်ရှားတာကတော့ နံရံမြောက်ဘက်မှာ မြွေအန္တရာယ်မှ ကာကွယ်ရန် ဂါထာမန္တရားများ ထွင်းထားတာပဲ ဖြစ်ပါတယ်။

ထိုခေတ်တုန်းက အဆိပ်ပြင်းမြွေများဟာ နေ့စဥ်မပြတ် ခြိမ်းခြောက်နေပြီး ထိုဂါထာတွေက မြွေရန်မှ ကာကွယ်ဖို့ အရေးကြီးလှပါတယ်။

ဒါပေမဲ့ ဒါတွေကပဲ မြွေတွေကို မြှုပ်နှံရာအလောင်းတွေရဲ့ ကာကွယ်သူအဖြစ် ရှိနေစေခဲ့ပါတယ်။

အုတ်ဂူဟာ မြေမျက်နှာပြင်အောက် ပေ ၅၀ မှာ ဖုံးကွယ်တည်ရှိနေခဲ့ပါတယ်။

အုတ်ဂူအလယ်တည့်တည့်မှာ ကျောက်တလားကြီးတစ်ခုလည်း ပါဝင်ပြီး အချို့သော ကမ္ပည်းစာတွေက မရဏစာအုပ်ထဲက ရွေးနုတ်ဖော်ပြချက်တွေ ဖြစ်ပါတယ်။

ထိုစာအုပ်ဟာ ရှေးဟောင်းအီဂျစ် အသုဘကျမ်းစာတွေ စုစည်းပါဝင်ပြီး သူတို့ရဲ့ ဂါထာမန္တရားတွေနဲ့ မှော်ဝင်နည်းလမ်းများ ဖော်ပြထားပါတယ်။

ဒီစာတွေက သေဆုံးပြီးသူကို နောက်ဘဝမှာ ကာကွယ်လမ်းညွှန်ပေးတယ်လို့ ယုံကြည်ခဲ့ကြပါတယ်။

#World_Science #အီဂျစ် #မြွေအန္တရာယ် #မရဏကျမ်းမှရွေးနုတ်ဖော်ပြ #Source: WION

#Local_News
Published 10 November 2023

ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ ပြည်တော်သာရပ်ကွက်၊ ရန်ကုန်-ပြည်လမ်းမပေါ်တွင် ယနေ့နံနက်ပိုင်းက ကား(၁)စီး မီးလောင်မှုဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့၏ သတင်းထုတ်ပြန်ချက်အရ သိရသည်။

မင်္ဂလာဒုံမြို့နယ်၊ ပြည်တော်သာရပ်ကွက်၊ ရန်ကုန်-ပြည်လမ်းမပေါ်တွင် နိုဝင်ဘာ (၁၀)ရက် နံနက်(၅) နာရီ (၂၄)မိနစ် အချိန်ခန့်က ကား(၁)စီး မီးလောင်မှုဖြစ်ပွားကြောင်း သတင်းအရ မင်္ဂလာဒုံမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီးထွက်ခွာငြှိမ်းသတ်ခဲ့ရကြောင်း သိရသည်။

ကားမီးလောင်မှုကို မင်္ဂလာဒုံမြို့နယ်မီးသတ်စခန်း တာဝန်ရှိသူများမှ (၁၀) မိနစ်ခန့် ငြှိမ်းသတ်ခဲ့ရပြီး နံနက် (၅)နာရီ (၃၃)မိနစ်အချိန်တွင် မီးငြိမ်းခဲ့ကြောင်း သိရသည်။

အဆိုပါ ကားမီးလောင်မှုကြောင့် ကားတစ်စီးလုံး မီးလောင်ပျက်စီးဆုံးရှုံးခဲ့ကြောင်း သိရသည်။

#Local_News #ရန်ကုန်-ပြည်လမ်းမပေါ် #ကား(၁)စီးမီးလောင်မှုဖြစ် #YMG/LW #Yangon_Times

#World_Health
Published 10 November 2023

လူတွေဟာ မွေးဖွားချိန်ကစတဲ့ လူ့လောကသက်တမ်းကို သိရှိကြပေမယ့် ခန္ဓာကိုယ်ထဲက ဇီဝဖြစ်စဥ်သက်တမ်းကိုတော့ သိပ်ပြီး သတိမထားမိကြပါဘူး။

ဒါတွေဟာ ဇီဝကမ္မဖြစ်စဥ်များ၊ ရောင်ရမ်းခြင်းနဲ့ အင်္ဂါများရဲ့ လုပ်ဆောင်ချက်တွေကို တိုင်းတာလေ့လာခြင်း ဖြစ်ပါတယ်။

နှလုံးသွေးကြော ကျန်းမာရေး ကောင်းမွန်ပါက ဇီဝဖြစ်စဥ်သက်တမ်း အိုမင်းခြင်းနှုန်းကို လျော့ကျစေပြီး အသက်ကို ၆ နှစ်စာလောက် ပိုမိုငယ်ရွယ်သွားစေပါတယ်။

ကျန်းမာသန်စွမ်းနေစေမယ့် နေထိုင်စားသောက်မှုပုံစံများနဲ့ နှလုံးသွေးကြောကျန်းမာရေးကို အထောက်အကူ ဖြစ်စေမယ့် အဓိကအချက် ၈ ချက်ကို အမေရိကန်နှလုံး ကျန်းမာရေးအဖွဲ့အစည်းက ဖော်ပြလိုက်ပါတယ်။

 
(၁) လုံလောက်စွာအိပ်စက်ခြင်း

(၂) ဆေးလိပ်မသောက်ခြင်း

(၃) လေ့ကျင့်ခန်း ပုံမှန်ပြုလုပ်ခြင်း

(၄) ကျန်းမာရေးနဲ့ညီညွတ်သော စားစရာများ

(၅) ကျန်းမာရေးနဲ့ညီညွတ်သော ကိုယ်အလေးချိန်

(၆) သွေးတွင်းဂလူးကို့စ်ပမာဏ

(၇) ကိုလက်စ်ထရောလ်ပမာဏ

(၈) သွေးပေါင်ချိန်

 အထက်ပါ ၈ ချက်စလုံးကို ကြည့်ပြီး လူတစ်ယောက်ရဲ့ ကျန်းမာရေးရမှတ်ကို တွက်ချက်နိုင်ကာ နှလုံးသွေးကြောကျန်းမာရေးမှာ ကောင်းမွန်ခြင်း၊ အလယ်အလတ်၊ နိမ့်ပါးခြင်းဆိုပြီး ၃ မျိုး ခွဲခြားနိုင်ပါတယ်။

သုတေသီများက အမေရိကန်မှ လူပေါင်း ၆,၅၀၀ ကျော်ကို လေ့လာခဲ့ပါတယ်။

နှလုံးသွေးကြော ကျန်းမာရေး ကောင်းမွန်သူတွဟာ ဇီဝဖြစ်စဥ်သက်တမ်း ရင့်ရော်မှုနှုန်း နှေးကွေးကာ တကယ့်အသက်ထက် ရုပ်ပိုင်းဆိုင်ရာက ပိုပြီးနုပျိုနေပါတယ်။

ဥပမာအားဖြင့် နှလုံးသွေးကြောကျန်းမာရေး ကောင်းမွန်သူတွေရဲ့ တကယ့်ပျမ်းမျှသက်တမ်းက ၄၁ နှစ်ဖြစ်ပြီး ဇီဝဖြစ်စဥ်သက်တမ်းကတော့ ၃၆ နှစ်ဖြစ်နေပါတယ်။

နှလုံးကျန်းမာရေး ကောင်းလာတာနဲ့အမျှ ဇီဝဖြစ်စဥ်အိုမင်းခြင်းနှုန်းလည်း လျော့ကျလာပြီး အနာဂတ်မှာ ရောဂါဖြစ်နိုင်ခြေ လျှော့ချပေးကာ ကျန်းမာသန်စွမ်းစေတယ်လို့ မေးလ်မန်း ပြည်သူ့ကျန်းမာရေးကျောင်းမှ လက်ထောက်ပရော်ဖက်ဆာ ဒေါက်တာနောမက်ခရမ်က ပြောပြသွားပါတယ်။

အချက် ၈ ချက်ဖြင့် တိုင်းတာရာမှာ အမှတ်အများဆုံး ရတဲ့သူတွေဟာ အနည်းဆုံးရတဲ့သူတွေနဲ့ ယှဥ်ရင် တကယ့်အသက်ထက် ပျမ်းမျှအားဖြင့် ၆ နှစ်ပိုမိုငယ်ရွယ်နေတယ်လို့ လေ့လာဖော်ပြခဲ့ပါတယ်။

ဒီတွေ့ရှိချက်တွေက ပြင်ပသက်တမ်းနဲ့ ဇီဝဖြစ်စဥ်သက်တမ်းတို့ကြား ဆက်စပ်မှုကို နားလည်စေပြီး ကျန်းမာရေးနဲ့ ညီညွတ်တဲ့ နေထိုင်စားသောက်မှုပုံစံက သက်ရှည်ကျန်းမာအောင် ဘယ်လိုထောက်ပံ့လဲဆိုတာကိုလည်း သိရှိစေတယ်လို့ ဒေါက်တာ ဒေါ်နယ်လွိုက်ဂျုန်းစ်က ပြောပြသွားပါတယ်။

#World_Health #သက်တမ်းအိုမင်းခြင်းနှုန်း #ပိုမိုနုပျိုစေမည့်နည်းလမ်း #Source: New York Post

အမေရိကန်နှင့်တရုတ်ကြားကုန်သွယ်ရေးသည် နှစ်နိုင်ငံစီးပွားရေးနှင့် ဆက်ဆံရေးကိုအကျိုးဖြစ်ထွန်းစေမည်ဟု အမေရိကန်အရာရှိပြော

အမေရိကန်နဲ့ တရုတ်တို့ရဲ့ ကုန်သွယ်ရေးဟာနှစ်နိုင်ငံစလုံးရဲ့ စီးပွားရေးနဲ့ဆက်ဆံရေးတို့ကို အကျိုးဖြစ်ထွန်းစေကြောင်း အမေရိကန် စိုက်ပျိုးမွေးမြူရေး အရာရှိတစ်ဦးက ရှန်ဟိုင်းမှာကျင်းပတဲ့ ဆဌမအကြိမ်မြောက် အပြည်ပြည်ဆိုင်ရာ တရုတ်တင်သွင်းကုန်စည်ပြပွဲ (CIIE)မှာ သတင်းမီဒီယာများကို ပြောပြခဲ့ပါတယ်။
#World_Trade
Published_ 09 November 2023
#အမေရိကန်နှင့်တရုတ် #တရုတ်တင်သွင်းကုန်စည်ပြပွဲ

#Daily_News
Published_ 09 November 2023

၁။ မူဆယ်မှတစ်ဆင့် တရုတ်သို့ ယာယီနယ်စပ်ဖြတ်သန်းခွင့် လက်မှတ်(TBP)ဖြင့် ဝင်ရောက်သူရဲ့တစ်ဝက်ခန့်သာ  မြန်မာဘက်ကို ပြန်လည်ဝင်ရောက်လာဟုဆို

၂။ ရာသီဥတုအေးသည့်ဒေသများတွင် နေထိုင်သူများ၊ စစ်ဘေးရှောင်များ ငှက်ဖျားနှင့်တုပ်ကွေးမဖြစ်အောင်နေထိုင်ရန်လိုဟုဆို

၃။ ရှမ်းမြောက်တိုက်ပွဲများကြောင့် မြန်မာ့ဖရဲများမိုင်းလားနှင့်လွယ်ဂျယ်လမ်းကြောင်းများမှ တဆင့်တရုတ်သို့ လမ်းကြောင်းပြောင်းလဲတင်ပို့နေ

၄။ အမေရိကန်နှင့်တရုတ်ကြားကုန်သွယ်ရေးသည် နှစ်နိုင်ငံစီးပွားရေးနှင့် ဆက်ဆံရေးကိုအကျိုးဖြစ်ထွန်းစေမည်ဟု အမေရိကန်အရာရှိပြော ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

'ဆန်လိုတယ်၊ သူတို့တောင်းနေကြတာကတော့ ဆန်တောင်းနေကြတယ်၊ ဆန်ဆီအဲ့ဒီနှစ်ခုပဲ၊ ကျန်တာကအဆင်ပြေသေးတယ်၊ အသီးအနှံက နည်းနည်းရှိသေးတယ်၊ အဓိကကဆန်ပဲ' ကမ္ဘောဇပရဟိတအသင်း ဦးစန်းဦးက

‌#Local_News
Published_ 09 November 2023
#လားရှိုး #တိုက်ပွဲရှောင် #ကမ္ဘောဇပရဟိတအသင်း
#YMG/NN #Yangon_Times

#Local_News
Published_ 09 November 2023

မြန်မာသံတမန်ဆက်ဆံရေး ထူထောင်ခြင်း နှစ် (၇၀) ပြည့်နှင့် မြန်မာ့ရုပ်ရှင် နှစ် (၁၀၀) ပြည့်အား ဂုဏ်ပြုရန်အတွက် တရုတ်နိုင်ငံသည် မြန်မာနိုင်ငံ၏ တောင်းဆိုချက်အရ “ငဘ” ရုပ်ရှင်အား ဒစ်ဂျစ်တယ်နည်းပညာဖြင့် ပြုပြင်ထိန်းသိမ်းခဲ့ပြီး မြန်မာနိုင်ငံထံသို့ လက်ဆောင်ပေးအပ်ခဲ့ကြောင်း မြန်မာနိုင်ငံဆိုင်ရာတရုတ်သံရုံးမှ သိရသည်။

နိုဝင်ဘာလ ၈ ရက်နေ့တွင် မြန်မာရုပ်ရှင် “ငဘ” ၏ အဓိကသရုပ်ဆောင်ဖြစ်သူ ဦးမြင့်မောင်၏ မိသားစုဝင်သည် ဖိတ်ကြားချက်အရ မြန်မာနိုင်ငံဆိုင်ရာ တရုတ်သံရုံးသို့ လာရောက်ခဲ့ရာ သံမှူးကြီး Dr. Zheng Zhihong သည် ၎င်းနှင့်အတူ ရင်းနှီးစွာဆွေးနွေး၍ ဒစ်ဂျစ်တယ်နည်းပညာဖြင့် ပြုပြင်ထိန်းသိမ်းထားသော ရုပ်ရှင် soft copy အားလက်ဆောင်ပေးအပ်ခဲ့သည်။

သံမှူးကြီး Dr. Zheng Zhihong က ၂၀၁၉ ခုနှစ်တွင် တရုတ်-မြန်မာသံတမန်ဆက်ဆံရေးထူထောင်ခြင်း နှစ် (၇၀) ပြည့်နှင့် မြန်မာ့ရုပ်ရှင် နှစ် (၁၀၀) ပြည့်အား ဂုဏ်ပြုရန်အတွက် တရုတ်နိုင်ငံသည် မြန်မာနိုင်ငံ၏တောင်းဆို ချက်အရ “ငဘ” ရုပ်ရှင်အား ဒစ်ဂျစ်တယ်နည်းပညာဖြင့် ပြုပြင်ထိန်းသိမ်းခဲ့ပြီး မြန်မာနိုင်ငံထံသို့ လက်ဆောင်ပေးအပ်ခဲ့ကြောင်း၊ လတ်တလောနှစ်ပိုင်းတွင် တရုတ်နိုင်ငံကလည်း တရုတ်ရုပ်သံဇာတ်လမ်းတွဲနှင့် မှတ်တမ်းရုပ်ရှင်များစွာကို မြန်မာနိုင်ငံ၌ထုတ်လွှင့်ပြသရန်ဆောင်ရွက်ခဲ့ပြီး မြန်မာရုပ်ရှင်ဇာတ်လမ်းတွဲများလည်း တရုတ်နိုင်ငံတွင်ပြသနိုင်ကာ တရုတ်-မြန်မာ ဆွေမျိုးပေါက်ဖော်ချစ်ကြည်ရေးသံယောဇဉ်နှင့် ပြည်သူများ စိတ်နှလုံးချင်းဆက်နွယ်မှု အဆက်မပြတ်တိုးမြှင့်လာခြင်းကိုလည်း တွေ့မြင်ရကြောင်း ပြောကြားခဲ့သည်။

“ငဘ” ရုပ်ရှင် အဓိကသရုပ်ဆောင်၏မြေးဖြစ်သူ ဦးသီဟအောင်ကလည်း အဖိုးဖြစ်သူပါဝင်သရုပ်ဆောင်သည့် ရုပ်ရှင်ကိုမကြည့်ရှုသည်မှာ ကြာပြီဖြစ်ကြောင်း၊ တရုတ်ဘက်က “ငဘ” ရုပ်ရှင်ကို ပြုပြင်ပေး၍ မိသားစုဝင် များအား လက်ဆောင်ပေးခြင်းကို အထူးပင်ကျေးဇူးတင်ရှိပါကြောင်း၊ ရုပ်ရှင်လုပ်ငန်းတွင် လုပ်ကိုင်သူအနေဖြင့် မြန်မာ-တရုတ်ရုပ်ရှင်ကူးလူးဖလှယ်ရေးအတွက်လည်း တက်တက်ကြွကြွ အကျိုးထမ်း ဆောင်သွားလိုကြောင်း ပြောကြားခဲ့သည်။

#Local_News #“ငဘ”ရုပ်ရှင် #ဒစ်ဂျစ်တယ်နည်းပညာ #လက်ဆောင်ပြန်ပေးအပ်
#tthl #Yangon_Times

#Local_News
Published_ 09 November 2023

အခုရက်ပိုင်းအတွင်း မိုးတိမ်တောင်များကြောင့် ရန်ကုန်အပါအဝင်ဒေသအချို့ မိုးထစ်ချုန်းခြင်း၊မိုးခြိမ်းခြင်း၊ မိုးကြိုးပစ်ခြင်းနှင့်မိုးသီးကြွေခြင်းဖြစ်ပေါ်နိုင်ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနမှ သတိပေးထားသည်။

ရန်ကုန်တိုင်း ၊ ဧရာဝတီတိုင်း ၊ တနင်္သာရီတိုင်း ၊ ကရင်ပြည်နယ်နှင့် မွန်ပြည်နယ်တို့တွင် မိုးတိမ်တောင် များဖြစ်ပေါ်လျက်ရှိပြီး၊ အဆိုပါ မိုးတိမ်တောင်များ ရွေ့လျား ရာနေရာတစ်လျှောက်တွင် မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေခြင်းနှင့် နေရာကွက်ကျား မိုးထစ်ချုန်း ရွာခြင်းစသည့် မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန် အကြံပြုထားသည်။

နိုဝင်ဘာလ ၁၀ ရက်မနက်ပိုင်းအထိ ခန့်မှန်းချက်အနေဖြင့် တနင်္သာရီတိုင်းတွင် နေရာအနှံ့အပြား၊ ရန်ကုန်တိုင်း၊ ဧရာဝတီတိုင်း၊ ကရင်ပြည်နယ်နှင့် မွန်ပြည်နယ်တို့တွင်နေရာကွက်ကျားမိုးထစ်ချုန်းရွာမည်ဖြစ်သည်။

နောက်နှစ်ရက်အတွက်ခန့်မှန်းချက်အနေဖြင့် ကချင်ပြည်နယ်၊ ရှမ်းပြည်နယ်နှင့် ချင်းပြည်နယ်တိုတွင် ညအပူချိန်များ အနည်းငယ် လျော့နည်းနိုင်ကြောင်းသိရသည်။

#Local_News #မိုးတိမ်တောင် #မိုးထစ်ချုန်းခြင်း #မိုးသီးကြွေခြင်းဖြစ်ပေါ်နိုင် #tthl #Yangon_Times

‘သောက်ရေတကောင်းပိုက်တပ်လို့ရတဲ့ စစ်ကိုင်းမြေထည်သောက်ရေအိုးတွေနဲ့ မြေထည်ပန်းအိုးတွေကို ရန်ကုန်မှဝယ်ယူမှုတွေများနေတယ်။ စဉ့်ထည်အဓိက အားထားအသုံးပြုတဲ့ ချင်းပြည်နယ်ကို လမ်းပန်းဆက်သွယ်ရေးအခြေအနေတွေကြောင့် တင်ပို့နိုင်ခြင်းမရှိဘဲ အရောင်းအဝယ်အေးနေတယ်’ စစ်ကိုင်းရှိမြေထည်စဉ့်ထည်လက်ကားဒိုင်မှ တာဝန်ရှိသူတစ်ဦး
#Local_News
Published_ 09 November 2023
#ဆီမီးခွက် #စစ်ကိုင်းမြေထည်သောက်ရေအိုး
#tthl #Yangon_Times

#Local_News
Published 9 November 2023

ထိုင်းနိုင်ငံတွင် အလုပ်လုပ်ကိုင်နေသည့် မြန်မာအပါအဝင် ရွေ့ပြောင်းလုပ်သားများ၏ ဗီဇာကြေးကို ဘတ်ငွေ ၅၀၀ သာကောက်ခံတော့မည်ဖြစ်ကြောင်း ထိုင်းအလုပ်သမားဝန်ကြီးဌာန က အသိပေးကြေညာထားသည်။

ယခင်က ပြည်ပရွေ့ပြောင်းလုပ်သားများ၏နေထိုင်ခွင့်ဗီဇာကြေးကို ဘတ် ၁၉၀၀ ကောက်ခံခဲ့ပြီး လာမည့် နိုဝင်ဘာ၁၁ ရက်မှစကာ ဘတ် ၅၀၀ သာ ကောက်တော့မည်ဖြစ်ကြောင်း သိရသည်။

ယခုကဲ့သို့ဗီဇာကြေးထက်ဝက်ကျော် လျော့ချပေးခြင်းမှာ ထိုင်းနိုင်ငံရှိ ရွှေ့ပြောင်းအလုပ်သမားများကို အလုပ်ခန့်ထားသည့် လုပ်ငန်းရှင်​များအား အကူအညီ​ဖြစ်စေရန်အတွက် ဗီဇာကြေး လျော့ချသတ်မှတ်တာဖြစ်ပြီး ထိုင်းစီးပွားရေးကို အရှိန်အဟုန်မြှင့် ရှေ့သို့စဉ်ဆက်မပြတ် ရွေ့လျားစေရန် ရွှေ့ပြောင်းအလုပ်သမား ပြဿနာကို ဖြေရှင်းရန်နှင့် တရားဝင်အလုပ်သမား စနစ်ကို အား​ပေးဖို့ရန်ဖြစ်ကြောင်း သိရသည်။

 ထိုင်းနိုင်ငံတွင် မြန်မာ၊ ကမ္ဘောဒီးယား၊ ဗီယမ်နမ်နှင့်လာအိုနိုင်ငံတို့ မှ လာရောက်အလုပ်လုပ်ကျသည့် ရွေ့ပြောင်းလုပ်သားများရှိကြောင်း သိရသည်။

#Local_News #ထိုင်းနိုင်ငံ #ဗီဇာကြေးဘတ်၅၀၀ #YMG/LW #Yangon_Times

#Local_News
Published-9 November 2023

ရန်ကုန်တိုင်း၌ ဆောင်းဆီထွက်သီးနှံလျာထားချက်ဧက၏ ထက်ဝက်ကျော်ဖြင့် နေကြာသီးနှံအား အဓိကစိုက်ပျိုးသွားမည်ဖြစ်ကြောင်း ရန်ကုန်တိုင်းဒေသကြီးစိုက်ပျိုးရေးဦးစီးဌာနမှ သိရသည်။

ယခု၂၀၂၃_၂၀၂၄ စိုက်ရာသီအတွက် ရန်ကုန်တိုင်းဒေသကြီးအတွင်း၌ ဆီထွက်သီးနှံဧက၁၇,၆၄၀ စိုက်ပျိုးရန်လျာထားပြီးနေကြာကို ဧက ၈,၉၆၉ ဖြင့် အများဆုံး စိုက်ပျိုးသွားမည်ဖြစ်ကြောင်း သိရသည်။

နေကြာကို တိုက်ကြီးမြို့နယ်၌ ၂၄၁၄ ဧကဖြင့် အများဆုံး၊ လှည်းကူးမြို့နယ်၌ ၈၅၄ ဧက ဖြင့် ဒုတိယအများဆုံး၊ ကွမ်းခြံကုန်းမြို့နယ်၌ ၈၃၄ ဧကဖြင့် တတိယ အများဆုံးစိုက်ပျိုးသွားမည်ဖြစ်ကြောင်း သိရသည်။

ထို့အပြင် နှမ်းစိုက်ဧက ၄,၉၅၃ ဧကနှင့် မြေပဲစိုက်ဧက ၃,၇၁၈ဧက စိုက်ပျိုးရန်လျာထား‌ခြင်းဖြစ်ပြီး မြေပဲကိုတိုက်ကြီးမြို့နယ်၌ ၁,၅၅၇ ဧကဖြင့် အများဆုံး၊ လှည်းကူးမြို့နယ်၌ ၉၇၀ ဧက ဖြင့်ဒုတိယအများဆုံး၊ ထန်းတပင်မြို့နယ်၌ ဧက ၅၂၀ ဖြင့် တတိယအများဆုံးနှင့် နှမ်းကို တိုက်ကြီးမြို့နယ်၌ ၄,၉၃၁ ဧကဖြင့် အများဆုံးနှင့် မှော်ဘီမြို့နယ်၌ ၂၀ ဧကဖြင့် ဒုတိယအများဆုံး စိုက်ပျိုးသွားမည်ဖြစ်ကြောင်း သိရသည်။

ရန်ကုန်တိုင်းဒေသကြီး၌ ဆောင်းပဲမျိုးစုံနှင့် ဆီထွက်သီးနှံများအား မိုးရွာသွန်းမှုကုန်ဆုံးချိန်နောက်ကျခြင်းနှင့် စောခြင်းပေါ်မူတည်၍ အောက်တိုဘာနှင့် နိုဝင်ဘာစသည့်လများ၌ စတင်စိုက်ပျိုးလေ့ရှိကာ အပင်သက်တမ်းများမှာသုံးလကြာမြင့်လေ့ရှိကြောင်း သိရသည်။

#Local_News #ရန်ကုန်တိုင်း #နေကြာသီးနှံ #ဆောင်းဆီထွက်သီးနှံ #YMG/NN #Yangon_Times

#Local_News
Published_ 09 November 2023

အစားအစာဘေးကင်းစေရေးအတွက် တရားမဝင်အသားများ ရောနှောရောင်းချမှုရှိမရှိ ရန်ကုန်မြို့ရှိ ဈေးများတွင် လိုက်လံစစ်ဆေးကြပ်မတ်နေကြောင်း ရန်ကုန်မြို့တော်စည်ပင်သာယာကော်မတီ၏ထုတ်ပြန်ချက်များ အရသိရသည်။

ရန်ကုန်မြို့တော် စည်ပင်သာယာရေးကော်မတီ တိရစ္ဆာန်ဆေးကုနှင့်ထုတ်လုပ်ရေးဌာနသည် ရန်ကုန်မြို့နေ ပြည်သူများနေ့စဉ်စားသုံးသည့်အသား/ငါးများမှ တစ်ဆင့်ရောဂါမဖြစ်စေရေးနှင့်ဘေးကင်းလုံခြုံစေရေးအတွက် အသားထုတ်လုပ်ရုံများနှင့်စည်ပင်သာယာဈေးများအား ဝင်ရောက်စစ်ဆေးခဲ့နေခြင်းဖြစ်သည်။

နိုဝင်ဘာ ၈ ရက်တွင် ယင်းဌာနမှ ဒုတိယ တိရစ္ဆာန်ဆေးကုမှူး ဒေါက်တာနွယ်နီဝင်းဦးစီးအဖွဲ့သည် ဈေးများနှင့်ကုန်စည်ပွဲရုံများဌာနမှ ဝန်ထမ်းများနှင့်ပူးပေါင်း၍ ဒဂုံမြို့သစ်(ဆိပ်ကမ်း) မြို့နယ်ရှိ အမှတ်(၈၈)ဈေး သို့သွားရောက်၍ အသားများသန့်ရှင်းလတ်ဆတ်မှုရှိ/မရှိ၊ လိုင်စင်စီများမှဖြန့်ဖြူးရောင်းချခြင်း၊ တရားမဝင်အသားများရောနှောရောင်းချခြင်းရှိ/မရှိတို့အား စစ်ဆေး၍ လိုအပ်သည်များကြပ်မတ်ဆောင်ရွက်ခဲ့သည်ဟု ဆိုသည်။

နိုဝင်ဘာ ၉ ရက်တွင်လည်း အဆိုပါအဖွဲ့ဝင်များသည် ဒဂုံမြို့သစ်(တောင်ပိုင်း) မြို့နယ်ရှိကေတုမတီဈေးသို့ သွားရောက်၍ အသားများသန့်ရှင်းလတ်ဆတ်မှုရှိ/မရှိ၊ လိုင်စင်စီများမှ ဖြန့်ဖြူးရောင်းချခြင်း၊ တရားမဝင်အသားများရောနှောရောင်းချခြင်းရှိ/မရှိတို့အား စစ်ဆေး၍ လိုအပ်သည်များ ကြပ်မတ်ဆောင်ရွက်ခဲ့ကြောင်း သိရသည်။

#Local_News #တရားမဝင်အသား #ရောနှောရောင်းချမှုရှိမရှိ #လိုက်လံစစ်ဆေးကြပ်မတ်နေ
#tthl #Yangon_Times