"တန်ဆောင်မုန်းလပြည့်နေ့ မနက် ၁၁ နာရီ ၃၅ မိနစ်မှ၁၁နာရီ၄၅မိနစ် အတွင်း ဆေးပေါင်းခချိန်မှာ ဆေးဘက်ဝင် မဲဇလီဖူးသုပ်ကို သုံး‌ဆောင်ပါက မိမိပြောဆိုသမျှအောင်မြင်တာ၊စီးပွားလာဘ်လာဘကောင်းဝာာ၊ အသိုင်းအဝိုင်း‌ကောင်းတွေကြုံတွေ့နိုင်တယ်။ ရုံးသမားတွေည၆ နာရီ ၅ မိနစ်မှာ စားနိုင်တယ်" မြန်မာနိုင်ငံနက္ခတ်ပညာသင်တန်းကျောင်း၊ ကျောင်းအုပ်ဆရာမကြီး ပါရဂူဒေါက်တာကြည်ကြည်စိန်‌

#Local_News
Published_ 07 November 2023
#တန်ဆောင်မုန်းလပြည့်နေ့ #ဆေးပေါင်းခမည့်အချိန်(၂)ခုရှိ
#tthl #Yangon_Times

ထိုင်းနိုင်ငံကို တရားဝင်သွားရောက်အလုပ်လုပ်မယ့် MOU အလုပ်သမားတွေကို မြဝတီကျောက်လုံးကြီးစခန်းမှ တစ်ဆင့်ပုံမှန်စေလွှတ်မှုတွေရှိနေတယ်လို့ အလုပ်သမားဝန်ကြီးဌာန ထံ က သိရပါတယ်။

#Local_News
Published_ 07 November 2023
#ထိုင်းနိုင်ငံ #MOU #မြဝတီကျောက်လုံးကြီးစခန်း
#YMG/LW #Yangon_Times

#Local_News
Published_ 07 November 2023

ကြံရာသီနီးကပ်လာသောကြောင့် သကြားဈေးနှုန်းများအမြင့်တန်း၌ငြိမ်နေကြောင်း သကြားကုန်သည်တွေထံမှသိရသည်။ လတ်တလောတွင် သကြားတစ်ပိဿာလျှင် ကျပ် ၃၇၈၀ မှ ၃၈၂၀ ကျပ်အတွင်းရှိ ကာယခုလအတွင်းဈေးငြိမ်နေကြောင်း သိရသည်။

'သကြားဈေးက ကြံရာသီလည်းနီးလာပြီဆိုတော့ အတက်ဈေးနဲ့ငြိမ်နေတာကမ္ဘာ့ဈေးအတက်အကျသိပ်မရှိတာလည်းပါတယ်ပေါ့၊ ဒီဘက်ကလည်းရာသီချိန်လဲနီးကပ်လာပြီဆိုတော့ဈေးငြိမ်နေတာ၊ သိပ်များများထွက်လာချိန်မှာတော့ဈေးကကျဖို့ရှိပါတယ်' ဟုကြံ သကြားကုန်သည် ဦးစိုး‌မောင်ကပြောသည်။

ပြည်တွင်း၌ကြံကြိတ်ခွဲရာသီမှာ ဒီဇင်ဘာလ၌ စတင်လေ့ရှိကာမတ်လနှင့် ဧပြီလများ၌ ရာသီချိန်ကုန်ဆုံးလေ့ရှိကြောင်း သိရသည်။

မြန်မာ့သကြားအား ဗီယက်နမ်သို့သကြားဖြူအဖြစ် အဓိကတင်ပို့လေ့ရှိသည့်အပြင်ကြံကိုအချောင်းလိုက်အဖြစ် တရုတ်သို့တင်ပို့လေ့ရှိပြီး ယခုနှစ်တွင် သကြားအမျိုးမျိုးတင်သွင်းရန်ကမ်းလှမ်းမှုများလည်းရှိကြောင်း သိရသည်။ ပြည်တွင်း၌ကြံစိုက်ဧက လေးသိန်းခွဲဝန်းကျင်အထိစိုက်ပျိုးထားပြီး သကြားအသစ်တည်ရှိရာဒေသများ၌ တိုးချဲ့စိုက်ပျိုးမှုများရှိခဲ့ကြောင်း သိရသည်။

#Local_News #ကြံရာသီ #သကြားဈေးနှုန်းများမြင့် #YMG/NN #Yangon_Times

#World_News
Published 07 November 2023

ဂါဇာကမ်းမြောင်ဟာ ကလေးတွေရဲ့ သုသာန်ပြင်ကြီးတစ်ခု ဖြစ်လာကြောင်း ကုလသမဂ္ဂ အတွင်းရေးမှူးချုပ် အန်တိုနီယိုဂူတာရက်စ်က တနင်္လာနေ့က ဆိုလိုက်ကာ အပစ်အခတ်ရပ်စဲရေးအတွက် တောင်းဆိုမှုများ ပိုမိုပြုလုပ်လာပါတယ်။

အစ္စရေးလ်တို့ရဲ့ တိုက်ခိုက်မှုများကြောင့် ဂါဇာရှိ အသေအပျောက်စာရင်းက လူတစ်သောင်း ကျော်လာပြီဖြစ်တယ်လို့ ပါလက်စ်တိုင်း ကျန်းမာရေးအာဏာပိုင်များက ထုတ်ပြန်ကြေညာထားပါတယ်။

အစ္စရေးလ်ရော ဟားမတ်စ်စစ်သွေးကြွတွေကပါ နိုင်ငံတကာမှ အပစ်အခတ်ရပ်စဲရေးအတွက် ဖိအားပေးနေတာကို ပြန်လည်ငြင်းဆန်နေကြပါတယ်။

အောက်တိုဘာ ၇ ရက်နေ့ အစ္စရေးလ်တောင်ပိုင်းကို ဟားမတ်စ်တို့ ဝင်ရောက်သောင်းကျန်းခဲ့စဥ် ခေါ်ဆောင်သွားတဲ့ ဓားစာခံတွေကို အရင်လွှတ်ပေးသင့်တယ်လို့ အစ္စရေးလ်တို့က ဆိုနေကြကာ ဟားမတ်စ်တို့က ဂါဇာဒေသ တိုက်ခိုက်ခံနေရသရွေ့ ဓားစာခံတွေ ပြန်လွှတ်ပေးမှာ မဟုတ်သလို တိုက်ခိုက်တာတွေ ရပ်တန့်သွားမှာ မဟုတ်ဘူးလို့ ဆိုလိုက်ပါတယ်။

အစ္စရေးလ်ကာကွယ်ရေးတပ်များက မြေပြင်စစ်ဆင်ရေများ ပြုလုပ်နေပြီး ပစ်ခတ်တိုက်ခိုက်နေတာဟာ အရပ်သားတွေ၊ ဆေးရုံတွေ၊ ဒုက္ခသည်စခန်းတွေ၊ ဗလီကျောင်းတွေ၊ ဘုရားကျောင်းတွေ၊ ကုလသမဂ္ဂ အဆောက်အအုံတွေကို ထိခိုက်နေကာ ဘယ်သူမှ လုံခြုံမှုမရှိဘူးလို့ ဂူတာရက်စ်က သတင်းထောက်တွေကို ပြောကြားလိုက်ပါတယ်။

ဒါ့အပြင် ဟားမတ်စ်နဲ့ အခြားစစ်သွေးကြွများက အရပ်သားတွေကို လူသားဒိုင်းအဖြစ် အသုံးချနေပြီး စစ်တပ်နဲ့မခွဲခြားဘဲ အစ္စရေးလ်ဘက်ကို ဒုံးကျည်များ ဆက်လက်ပစ်ခတ်နေတယ်လို့ ဆိုလိုက်ကာ ဓားစာခံအားလုံးကို ခြွင်းချက်မရှိ ချက်ချင်းပြန်လွှတ်ပေးဖို့ တောင်းဆိုလိုက်ပါတယ်။

အစ္စရေးလ်တို့က အောက်တိုဘာ ၂၇ ရက်နေ့ ဂါဇာကို မြေပြင်စစ်ဆင်ရေး စတင်ချဲ့ထွင်တဲ့နေ့ကစပြီး တပ်သား ၃၁ ဦးသေဆုံးထားကြောင်း၊ ဟားမတ်စ်တို့က ဆေးရုံတွေထဲမှာ အရပ်သားတွေနဲ့ အတူ ပုန်းခိုနေကြကြောင်း စွပ်စွဲထားပါတယ်။

ဒီသတင်းဟာ အမှားသာဖြစ်ပြီး ကုလအနေနဲ့ အတည်ပြုစစ်ဆေးသင့်ကြောင်း ဟားမတ်စ်တို့က တုန့်ပြန်ပြောဆိုလိုက်ပါတယ်။

အစ္စရေးလ်ဘက်က ညတွင်းချင်း လေကြောင်း၊ ရေကြောင်း၊ မြေပြင်တို့ကနေ ပစ်ခတ်တိုက်ခိုက်တာဟာ အောက်တိုဘာ ၇ ရက်နေ့နောက်ပိုင်း အပြင်းထန်ဆုံးတိုက်ခိုက်မှု ဖြစ်ကြောင်း ဂါဇာရှိ ရိုက်တာသတင်းထောက်က ပြောပြသွားပါတယ်။

ဂါဇာမှာ အနည်းဆုံး လူ ၁၀,၀၂၂ ဦးသေဆုံးထားကာ ကလေး ၄,၁၀၄ ဦးပါဝင်ကြောင်း ဟားမတ်စ်အုပ်စိုးရာ ဂါဇာကမ်းမြောင်မှ ကျန်းမာရေးဝန်ကြီးဌာနက ထုတ်ပြန်လိုက်ပါတယ်။

‘’ဂါဇာဒေသဟာ ကလေးတွေအတွက် သုသာန်သင်္ချိုင်းမြေ ဖြစ်လာပါတယ်။ နေ့စဥ် ကလေးတွေ ရာနဲ့ချီပြီး ဒဏ်ရာရ သေဆုံးနေပါတယ်’’ လို့ ဂူတာရက်စ်က ပြောပါတယ်။

ဆေးရုံတွေဟာ ဒဏ်ရာရသူတွေကို လုံလောက်စွာ မကုသပေးနိုင်သလို ထောက်ပံ့ကူညီမှုတွေ မရဘဲ စားနပ်ရိက္ခာနဲ့ ရေရှားပါးနေကြောင်း၊ တိုက်ခိုက်နေတာတွေက ရက် ၃၀ လောက်ရှိနေပြီဖြစ်ကာ ရပ်တန်းကရပ်သင့်ပြီ ဖြစ်ကြောင်း နိုင်ငံတကာ အဖွဲ့အစည်းများက ဆိုပါတယ်။

အစ္စရေးလ်စစ်တပ်က ဟားမတ်စ်တို့ရဲ့ ခြံဝင်းကြီးတစ်ခုကို သိမ်းပိုက်လိုက်ကာ မြေအာက်လှိုဏ်ဂူတွေထဲမှာ ပုန်းခိုနေတဲ့ စစ်သွေးကြွများကို ဝိုင်းရံတိုက်ခိုက်ရန် ပြင်ဆင်နေကြပါတယ်။

#World_News #ဂါဇာကမ်းမြောင် #သုသာန်သင်္ချိုင်းမြေ #Source: Reuters

#Local_News

Published_ 07 November 2023

ထိုင်းတော်ဝင်ရဲတပ်ဖွဲ့ဒုရဲချုပ်နှင့်အဖွဲ့ဝင်များသည် မြန်မာနိုင်ငံသို့လာ‌‌ရောက်ခဲ့ပြီး ဗိုလ်တထောင်စေတီ‌တော်ကြီးသို့ လာရောက်ဖူးမြော်ကြည်ညိုခဲ့ကြောင်း ဗိုလ်တထောင်ဂေါပကအဖွဲ့၏ ထုတ်ပြန်ချက်အရ သိရသည်။

ဗိုလ်တထောင်ကျိုက်ဒေးအပ်ဆံတော်ဦးစေတီတော်မြတ်ကြီးသို့ နိုဝင်ဘာလ ၆ရက် ညနေပိုင်းတွင် ထိုင်းနိုင်ငံတော်ဝင်ရဲတပ်ဖွဲ့ဒုရဲချုပ်၊ ရဲဗိုလ်ချုပ်ကြီး Surachate Hakparn နှင့်အဖွဲ့ရောက်ရှိခဲ့ခြင်း ဖြစ်သည်။

အဆိုပါ အဖွဲ့ဝင်များကို အလှည့်ကျသဘာပတိ ဒေါက်တာတင်ထွန်း၊ ဘဏ္ဍာတော်ထိန်းဂေါပကအဖွဲ့ဝင် ဦးအောင်မြတ်၊ ဦးဝင်းထူးတို့ မှ ခရီးဦးကြိုဆို၍ ထိုင်းတော်ဝင်ရဲတပ်ဖွဲ့ရဲချုပ်အဖွဲ့မှ ဆံတော်မြတ်ရတနာ၊ ဆံတော်တိုက်ပြခန်း၊ နန်းဦးဘုရားကြီး၊ ဗိုလ်တထောင်ရောဟဏီ ဘိုးဘိုးကြီး၊ အစ်မတော်မြနန်းနွယ် နှင့်ရင်ပြင်တော်ရှိ တန်ဆောင်းအသီးသီးရှိ ဘုရားများအား လှည့်လည်ဖူးမြှော်ကြည်ညို ကြ၍ ညနေ ( ၁၇: ၃၀) မိနစ်အချိန်တွင် ပြန်လည် ထွက်ခွာသွားကြောင်းဗိုလ်တထောင်ကျိုက်ဒေးအပ်ဆံတော်ဦးစေတီတော်၊ဘဏ္ဍာတော်ထိန်းဂေါပကအဖွဲ့ ထံမှသိရသည်။

#tthl #Local_News #ထိုင်းတော်ဝင်ရဲတပ်ဖွဲ့ဒုရဲချုပ်နှင့်အဖွဲ့ #Yangon_Times

#Local_News
Published 7 November 2023

၂၀၂၃ ခုနှစ်၊ တက္ကသိုလ်ဝင်စာမေးပွဲအောင်မြင်ပြီး ဆေးတက္ကသိုလ်များနှင့် ဆေးပညာနှီးနွှယ် တက္ကသိုလ်များသို့ တက်ရောက်ခွင့်ရရှိသူများ အချိန်မှီကျောင်းအပ်နှံနိုင်ရေးအတွက် ကျန်းမာရေးဝန်ကြီးဌာနက ထုတ်ပြန်ကြေညာထားသည်။

အဆိုပါကြေညာချက်တွင် ကျန်းမာရေးလူ့စွမ်းအား အရင်းအမြစ်ဦးစီးဌာနအောက်ရှိ ဆေးတက္ကသိုလ်များနှင့် ဆေးပညာနှီးနွှယ်တက္ကသိုလ်များသို့ ပထမနှစ်သင်တန်းတက်ရောက်ခွင့်ရရှိသူများ စာရင်းကို နိုဝင်ဘာ၇ ရက်က စပြီး ကျန်းမာရေးဝန်ကြီးဌာန Website (www.moh.gov.mm)၊ Facebook Page (Ministry of Health Myanmar)၊ ကျန်းမာရေးလူ့စွမ်းအားအရင်းအမြစ်ဦးစီးဌာန Website (www.hrh.gov.mm) နှင့် သက်ဆိုင်ရာ တက္ကသိုလ်များတွင် ကြေညာပေးသွားမည်ဖြစ်ကြောင်း သိရသည်။

တက္ကသိုလ်များသို့ တက်ရောက်ခွင့်ရရှိသူများ ကျောင်းဝင်မှတ်ပုံတင်ခြင်းကို သက်ဆိုင်ရာ တက္ကသိုလ်များတွင် ၂၀၂၃ ခုနှစ် နိုဝင်ဘာ (၁၆) ရက်မှ စတင်၍ စနေ၊ တနင်္ဂနွေနေ့များတွင်ပါ ကျောင်းအပ်လက်ခံပေးမည်ဖြစ်ကြောင်း သိရသည်။

အဆိုပါ ဆေးတက္ကသိုလ်များနှင့် ဆေးပညာနှီးနွှယ် တက္ကသိုလ်များသို့ တက်ရောက်ခွင့်ရရှိသူများအနေဖြင့် ပထမနှစ် သင်တန်းများကို ၂၀၂၃ ခုနှစ် နိုဝင်ဘာ (၂၃) ရက်မှ စတင် ဖွင့်လှစ်ပေးသွားမည်ဖြစ်ကြောင်း သိရသည်။

#Local_News #ဆေးတက္ကသိုလ် #ကျန်းမာရေးဝန်ကြီးဌာန #YMG/LW #Yangon_Times

Published 07 November 2023

လူတွေရဲ့နေ့စဥ်ဘဝမှာ အကြောင်းအမျိုးမျိုးကြောင့် စိတ်ဖိစီးမှု ကြုံတွေ့ရစမြဲဖြစ်ပြီး သဘာဝအတိုင်း တုန့်ပြန်ဆောင်ရွက်တဲ့ သဘောဖြစ်ပါတယ်။

စပြီးတော့ ဖိစီးမှုဖြစ်တဲ့အခါ အက်ပီနက်ဖရင်းလို့ ခေါ်တဲ့ ဟော်မုန်းထွက်လာပြီး စားချင်စိတ်ကို လျော့ကျစေပါတယ်။

ဒါပေမဲ့ ဖိစီးမှုကြာရှည်လာရင်တော့ ကော်တီဆော်လ်တို့ ခေါ်တဲ့ ဟော်မုန်းထွက်လာကာ စားချင်စိတ်ကို ဖြစ်စေပါတယ်။

အချိုအအီပါတဲ့ စားစရာတွေ၊ ကယ်လိုရီများတဲ့ စားစရာတွေကို စားချင်လာပါတယ်။

ဒီစားစရာတွေက ဖိစီးမှုကို ခဏတာ ပြေလျော့စေပေမယ့် ကျန်းမာရေးနဲ့ မညီညွတ်တဲ့ အစားအစာတွေကို စားမိစေပါတယ်။

ဒါကြောင့် ဖိစီးမှုကို ရေရှည်ကြုံတွေ့လာရင်တော့ ကျန်းမာရေးကို ထိခိုက်လာစေပါတယ်။
 
(၁) အဝလွန်ခြင်း
ဖိစီးမှုများပြီး စားသုံးမိတဲ့အခါ ကယ်လိုရီများတာတွေကို စားမိပြီး ကိုယ်အလေးချိန် တက်လာစေတဲ့အပြင် နှလုံးသွေးကြောရောဂါများ၊ ဆီးချိုရောဂါတို့ကို ဖြစ်လာစေပါတယ်။
 
(၂) အသည်းအဆီဖုံးရောဂါ
ဖိစီးမှုများပြီး အဆီများတဲ့ အကြော်မုန့်တွေ စားမိတဲ့အခါ အသည်းထဲကဆဲလ်တွေမှာ အဆီတွေစုပုံလာပြီး အသည်းရဲ့အခြေအနေကို ပိုမိုဆိုးရွားစေပါတယ်။
 
(၃) အရက်ကြောင့်မဟုတ်သော အသည်းရောင်ရောဂါ (NASH)
အသည်းအဆီဖုံးရောဂါ ပိုမိုဆိုးရွားလာတဲ့အခါ NASH ဖြစ်လာနိုင်ပြီး အသည်းဆဲလ်များ ထိခိုက်ရောင်ရမ်းလာတာ ဖြစ်ပါတယ်။
 
(၄) အသည်းခြောက်ခြင်း
အခြားအသည်းပြဿနာတွေ ပိုဆိုးလာတဲ့အခါ အသည်းခြောက်ခြင်း ဖြစ်နိုင်ပါတယ်။
ကောင်းတဲ့ ဆဲလ်တွေနေရာမှာ အမာရွတ်တွေ ဖြစ်လာပြီး အသည်းလုပ်ဆောင်ချက်တွေကို ထိခိုက်စေပါတယ်။
 
ဒါကြောင့် လူတိုင်းဟာ စိတ်ဖိစီးမှုကို ဖြေရှင်းဖို့နဲ့ ကျန်းမာစွာ စားသောက်နေထိုင်ဖို့ အရေးကြီးကြောင်း သိရှိထားသင့်ပါတယ်။
Source: DoctorNDTV.
#World_Health
#Published_ 07 November 2023
#YMG #Yangon_Times #Yangon_Media_Group

Published 07 November 2023

အရေးမသာတဲ့ အခြေအနေတစ်ခုမှာ မလိုအပ်ဘဲ စွန့်စားမှုမလုပ်တဲ့ လုပ်ရပ်မျိုးကို လူသားတွေ ကျင့်ကြံကြတာဟာ သဘာဝဖြစ်ပါတယ်။

အိုင်ဗရီကို့စ်အနောက်တောင်ပိုင်း ထိုင်အမျိုးသားဥယျာဥ်ရှိ ချင်ပန်ဇီမျောက်များဟာလည်း ဒီလိုမျိုး လုပ်ဆောင်တတ်ကြပုံကို မြင်တွေ့ခဲ့ရပါတယ်။

အဆိုပါချင်ပန်ဇီ အသိုင်းအဝိုင်း ၂ ဖွဲ့ကို ၃ နှစ်ကြာအောင် နေ့စဥ်လှုပ်ရှားမှုများ လေ့လာခဲ့ရာမှာ စစ်ပွဲတွေမှာ မြင့်မားတဲ့နယ်ပယ် အသုံးချတဲ့နည်းဗျူဟာများ အသုံးပြုတာကို မှတ်တမ်းတင်နိုင်ခဲ့တယ်လို့ သုတေသီများက ကြာသပတေးနေ့မှာ ပြောပြခဲ့ပါတယ်။

ချင်ပန်ဇီတွေဟာ ရန်သူနယ်မြေထဲ ခိုးဝင်ခြင်းရှိမရှိ တောင်ကုန်းပေါ်မှ ထောက်လှမ်းရရှိတဲ့ အချက်အလက်များဖြင့် ထိပ်တိုက်တွေ့ဆုံနိုင်ခြေ နည်းတဲ့အချိန်မှာ ပိုမိုလုပ်ဆောင်ကြတယ်လို့ လေ့လာတွေ့ရှိပါတယ်။

ဒီလေ့လာမှုကနေ ချင်ပန်ဇီတွေဟာ လူသားတွေအသုံးပြုတဲ့ နည်းဗျူဟာများအတိုင်း လုပ်ဆောင်နိုင်တာကို ပထမဆုံးအကြိမ် တွေ့ရှိခဲ့တာ ဖြစ်ပါတယ်။

ရရှိလာတဲ့ သတင်းအချက်အလက်အရ ဘယ်အချိန် ဘယ်နေရာမှာ ဘေးကင်းစွာဘယ်လို လုပ်ဆောင်ရမလဲဆိုတဲ့ အသိဉာဏ်ရှိကြတာကို တွေ့မြင်ခဲ့ရကြောင်း ကိမ်းဘရစ်ချ်တက္ကသိုလ်မှ သုတေသနခေါင်းဆောင် ဆဲလ်ဗိန်းလီမွန်က ပြောပြသွားပါတယ်။

ချင်ပန်ဇီများကြား အုပ်စုတွင်းအကြမ်းဖက်မှုများ မကြာခဏရှိတတ်သလို နယ်မြေလုတာနဲ့ ပတ်သက်ပြီး မကြာမကြာ တိုက်ခိုက်နေတတ်ပါတယ်။

ချင်ပန်ဇီတွေဟာလည်း စားစရာရင်းမြစ်ခိုင်မာစေရန် နေရာလုကြကြောင်း၊ နယ်မြေကျယ်တဲ့အခါ အုပ်စုတွင်းရန်လိုမှု နည်းပါးသွားကြောင်း၊ အမတွေရဲ့ မျိုးပွားနှုန်းက ကျယ်ပြန့်နေရာတွေမှာ ပိုများကြောင်း ဖော်ပြထားပါတယ်။

စမ်းသပ်မှုမှာပါဝင်တဲ့ အဖွဲ့  ၂ ဖွဲ့မှာ အရေအတွက်အားဖြင့် အကောင် ၄၀ မှ ၄၅ အတွင်းရှိကြကာ အထီးတွေက ၅ ကောင်မှ ၆ ကောင်၊ အမတွေက ၁၀ ကောင်မှ ၁၃ ကောင်၊ ကျန်တာတွေက ဆယ်ကျော်သက်တွေ၊ မသန်မစွမ်းတွေ၊ ကလေးတွေ ဖြစ်ကြပါတယ်။

ချင်ပန်ဇီတွေက နယ်မြေအလွန်စိုးမိုးကြပြီး ပုံမှန်လှည့်လည် စောင့်ကြပ်ကြကာ အလွန်ပူးပေါင်းညီညွတ်တဲ့ နည်းလမ်းဖြင့် လှည့်လည်ကြတယ်လို့ သုတေသီက ပြောပြခဲ့ပါတယ်။

ချင်ပန်ဇီတွေနဲ့ ဘိုနိုဘိုတို့ဟာ လူသားတွေနဲ့ မျိုးရိုးဗီဇ အနီးကပ်ဆုံးဖြစ်ပြီး DNA ၉၈.၈ လောက်တူညီပါတယ်။

လူသားတွေနဲ့ ချင်ပန်ဇီတို့ရဲ့ မျိုးရိုးလမ်းကြောင်း ကွဲပြားသွားတာဟာ လွန်ခဲ့တဲ့ နှစ်သန်းပေါင်း ၆.၉ သန်းကနေ ၉ သန်းအတွင်းဖြစ်ပါတယ်။

ဒီလေ့လာမှုဟာ လူသားတွေရဲ့ မူလမျိုးစိတ်တွေရဲ့ ပြုမူနေထိုင်ပုံတွေကို ပိုမိုသိရှိစေတယ်လို့ ဆိုပါတယ်။

လူသားတွေနဲ့ အနီးစပ်ဆုံးမျိုးစိတ်တွေနဲ့ ဘယ်လောက်အထိ ကိုက်ညီမှုရှိကြောင်း၊ တောရိုင်းတိရိစ္ဆာန်တွေနဲ့ ဘယ်လောက်နီးစပ်ခဲ့ကြောင်း လေ့လာခွင့်ရတယ်လို့ ဆိုသွားပါတယ်။
Source: Reuters
#World_Science
#Published_ 07 November 2023
#YMG #Yangon_Times #Yangon_Media_Group

၆ နိုဝင်ဘာ ၂၀၂၃

နစက ဥက္ကဋ္ဌ၊တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်သည် ယနေ့ နိုဝင်ဘာ ၆ ရက် မနက်ပိုင်းက ပထမအကြိမ် မြန်မာ- ရုရှား ရေကြောင်းလုံခြုံရေးဆိုင်ရာ လေ့ကျင့်ခန်း 1th MYANMAR-RUSSIA MARITIME SECURITY EXERCISE (MARUMEX) ပြုလုပ်ရန် ရန်ကုန်မြို့တွင်ရောက်ရှိနေသည့် Russian Pacific Fleet စစ်ရေယာဉ်အုပ်စုကို သွားရောက် ကြည့်ရှုခဲ့ပါတယ်။

ဗိုလ်ချုပ်မှူးကြီးကို  ရုရှားဖက်ဒရေးရှင်း နိုင်ငံရေတပ်ဦးစီးချုပ် Admiral Nikolai A.EVMENOV ဦးဆောင်သည့် ကိုယ်စားလှယ် အဖွဲ့နှင့်ကာကွယ်ရေးဦးစီးချုပ်(ရေ) ဗိုလ်ချုပ်ကြီး မိုးအောင်တို့ကကြိုဆိုကာ Russian Pacific Fleet စစ်ရေယာဉ်အုပ်စု၏ ဂုဏ်ပြုတပ်ဖွဲ့က  နှစ်နိုင်ငံနိုင်ငံတော်တေးသီချင်းများဖြင့် ဂုဏ်ပြုကြိုဆိုခဲ့တယ်လို့ နစကရဲ့သတင်း ထုတ်ပြန်ချက် မှာ ဖော်ပြ  ထားပါတယ်။

ဗိုလ်ချုပ်မှူးကြီးနှင့် အဖွဲ့ဝင်များသည် ရုရှားစစ်ရေယာဉ် Admiral Tributs သို့တက်ရောက်ရာ စစ်ရေယာဉ်မှူး 2nd rank Igor N.TOLBATOV ကကြိုဆိုပြီး သင်္ဘောပေါ်ရှိ စစ်ရေယာဉ်၏ စက်ပိုင်းဆိုင်ရာနှင့် တပ်ဆင်ထားသည့် ကာကွယ်ရေးဆိုင်ရာ လက်နက်များ၏စနစ်များနှင့် စွမ်းရည်များ၊ ခေတ်မီစနစ်များ တပ်ဆင်ထားရှိသည့် အခြေအနေများ၊ ရေငုပ်သင်္ဘော  တိုက်ဖျက် ရေးရဟတ်ယာဉ် ဆိုင်ရာအချက်အလက်များနှင့်ပတ်သက်၍ လိုက်လံရှင်းလင်းတင်ပြကြခဲ့ကြပါတယ်လို့သိရပါတယ်။

ဗိုလ်ချုပ်မှူးကြီးသည် ရုရှားစစ်ရေယာဉ် Admiral Tributs ဧည့်သည်တော်မှတ်တမ်း စာအုပ်တွင်မှတ်တမ်း လက်မှတ်  ရေးထိုးပြီး ရုရှားရေတပ်ဦးစီးချုပ်နှင့် ကာကွယ်ရေးဦးစီးချုပ်(ရေ)တို့က ပထမအကြိမ် မြန်မာ-ရုရှား ရေကြောင်း   လုံခြုံရေး  ဆိုင်ရာလေ့ကျင့်ခန်း 1th MYANMAR-RUSSIA MARITIME SECURITY EXERCISE (MARUMEX) ဖွင့်ပွဲ အထိမ်းအမှတ်  ခေါင်းလောင်းနှင့် အထိမ်းအမှတ်တံဆိပ်တို့အား ဗိုလ်ချုပ်မှူးကြီးထံပေးအပ်ပါတယ်။ ဗိုလ်ချုပ်မှူးကြီးကလည်း စစ်ရေယာဉ်မှူး   ထံ တပ်မတော်ကာကွယ်ရေးဦးစီးချုပ်၏ အထိမ်းအမှတ် တံဆိပ်ကိုပေးအပ်ခဲ့ပါတယ်။

ဗိုလ်ချုပ်မှူးကြီး နှင့် ရုရှားဖက်ဒရေးရှင်းနိုင်ငံရေတပ်ဦးစီးချုပ်တို့သည် အမှတ်တရလက် ဆောင်ပစ္စည်းများ အပြန်အလှန်   ပေးအပ်ကြပြီးနောက် ရုရှားဖက်ဒရေးရှင်းနိုင်ငံ ရေတပ်ဦးစီးချုပ်မှ တည်ခင်း ဧည့်ခံသည့် ဂုဏ်ပြုနေ့လယ်စာကို အတူတကွ သုံးဆောင်ခဲ့ကြတယ်လို့လည်း သတင်းထုတ်ပြန်ထားပါတယ်။

ပထမအကြိမ် မြန်မာ-ရုရှား ရေကြောင်း လုံခြုံရေးဆိုင်ရာ လေ့ကျင့်ခန်း 1th MYANMAR-RUSSIA MARITIME SECURITY EXERCISE (MARUMEX) ကို မြိတ်မြို့၏ အနောက်ဘက် ရေမိုင် ၈၅ မိုင်ခန့်အကွာတွင် မြန်မာ့တပ်မတော်(ရေ)နှင့် ရုရှား ရေတပ် Russian Pacific Fleet မှ စစ်ရေယာဉ်များဖြင့် နိုဝင်ဘာ ၇ ရက်မှ ၉ ရက်အထိ ပြုလုပ်သွားမည်ဖြစ်ကြောင်း သိရှိရပါတယ်။

-ymg/knl

အစ္စရေးလ်နှင့် ပါလက်စ်တိုင်းတို့ တစ်နိုင်ငံနှင့်တစ်နိုင်ငံ လူ့အခွင့်အရေးများကို အပြန်အလှန်လေးစားသင့်ကြောင်း ညှိနှိင်းဖျန်ဖြေရေးမှူးဟောင်းအကြံပေး

ငြိမ်းချမ်းရေး ရရှိဖို့အတွက်ဆိုရင် အစ္စရေးလ်နဲ့ ပါလက်စ်တိုင်းတိုဟာ နှစ်ဖက်စလုံးမှ လူသားများတည်ရှိခြင်းနဲ့ လွတ်မြောက်ခြင်းဆိုင်ရာ ရပိုင်ခွင့်များကို အသိအမှတ်ပြုရန် လိုအပ်ကြောင်း အစ္စရေးလ်ဓားစာခံ ညှိနှိင်းရေးမှူးဟောင်းက ပြောပြသွားပါတယ်။
#World_News
#Published_ 06 November 2023
#YMG #Yangon_Times #Yangon_Media_Group

#Daily_News
Published_ 06 November 2023

၁။ ရှမ်းမြောက်တိုက်ပွဲကြောင့် လောက်ကိုင်တွင် အနယ်နယ်အရပ်ရပ်မှ ပြည်သူ သောင်းနှင့်ချီ ပိတ်မိနေဟုဆို

၂။ ယခုနှစ် လှည်းကူးတန်ဆောင်တိုင်ပွဲတော်တွင် နှစ်ကျိပ်ရှစ်ဆူဘုရား လှည့်လည်ပူဇော်ပွဲ ပြန်လည်ကျင်းပမည်

၃။ ပွင့်လင်းရာသီ ရောက်လာပြီ ဖြစ်သောကြောင့် သင်ဖြူးဖျာ အရောင်းအဝယ်သွက်လာ 

၄။ အစ္စရေးလ်နှင့် ပါလက်စ်တိုင်းတို့ တစ်နိုင်ငံနှင့်တစ်နိုင်ငံ လူ့အခွင့်အရေးများကို အပြန်အလှန်လေးစားသင့်ကြောင်း ညှိနှိုင်းဖျန်ဖြေရေးမှူးဟောင်း အကြံပေး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

Published 6 November 2023
ခရီးသွားပြည်သူများ ခရီးသွားလာရေး အဆင်ပြေစေရန်ရည်ရွယ်၍ မြိတ်- ရန်ကုန် အမြန်ရေယာဉ်လိုင်းများ ပြန်လည်ပြေးဆွဲသွားရန် စီစဉ်ဆောင်ရွက်နေကြောင်း တနင်္သာရီတိုင်းဒေသကြီးပုဂ္ဂလိကသင်္ဘောလုပ်ငန်းရှင်များ အသင်းထံမှ သိရသည်။

မြိတ်-ရန်ကုန် ခရီးသည်တင် အမြန်ရေယာဉ်ကို လွန်ခဲ့သည့် ၁၀ နှစ်ကျော်က ပြေးဆွဲခဲ့ပြီး ပြန်လည်ရပ်နားခဲ့ကာ ယခု ပွင့်လင်းရာသီတွင် ခရီးသည်တင် အမြန်ရေယာဉ် ကို ပြည်သူများ သွားရေးလာရေး အဆင်ပြေစေရန်အတွက် ပြန်လည်ပြေးဆွဲပေးရန် စီစဉ်ဆောင်ရွက်နေကြောင်း သိရသည်။

ယခုလက်ရှိတွင် လေယာဉ်ဈေးနှုန်းများ ကြီးမြင့်လာခြင်း၊ လေယာဉ်လက်မှတ်ဝယ်ယူရန် ခက်ခဲလာခြင်းတို့ကြောင့် အများပြည်သူ ခရီးသွားလာရေး အဆင်ပြေစေရန်ရည်ရွယ်၍ ကမ်းရိုးတန်းသွားခရီးသည်တင်အမြန်ရေယာဉ်များကို ပြန်လည်ပြေးဆွဲရန် ဆွေးနွေးညှိနှိုင်းနေခြင်းဖြစ်ကြောင်း သိရသည်။

တနင်္သာရီတိုင်းဒေသကြီးအတွင်းရှိ မြိတ်မြို့မှ ရန်ကုန်မြို့သို့ ခရီးသည်တင် အမြန်ရေယာဉ်ပြေးဆွဲပါက ကြာချိန် ၁၁ နာရီကျော် ရှိမည်ဖြစ်ပြီး နေ့ချင်းရောက် ခရီးစဉ်တစ်ခုဖြစ်ကာ မြိတ်-ကော့သောင်း ခရီးစဉ်ကိုလည်း ပြေးဆွဲနိုင်ရေး စီစဉ်ဆောင်ရွက်နေကြောင်း သိရသည်။
‌Yangon Time/LW
#Local_News
#Published_ 06 November 2023
#YMG #Yangon_Times #Yangon_Media_Group