#Local_News
၂၀ ဒီဇင်ဘာ ၂၀၂၄
▪️ နိုင်ငံတကာ Esports ဖက်ဒရေးရှင်း (IESF)၏ ၂၀၂၄ခုနှစ်အတွက် Esports အကောင်းဆုံးနိုင်ငံဆုအတွက် အမှတ်ပေးရွေးချယ်ခဲ့ရာ မြန်မာ Esports သည်ချန်ပီယံဆုနှင့်ကပ်လွဲကာ ဒုတိယအကောင်းဆုံးနိုင်ငံ အဖြစ် ရွေးချယ်ခံခဲ့ရတယ်လို့ သိရပါတယ်။
▪️ အဆိုပါ အကောင်းဆုံး Esports နိုင်ငံ ဆုပေးပွဲကို တောင်ကိုရီးယားနိုင်ငံ ဘူဆန်မြို့မှာ ဒီဇင်ဘာ ၅ ရက်နှင့် ၆ ရက်များမှာကျင်းပခဲ့တာဖြစ်ပါတယ်။
▪️ ပထမချန်ပီယံဆုကို အင်ဒိုနီးရှားနိုင်ငံကရရှိခဲ့တာဖြစ်ပြီး အမှတ်ပေါင်း ၁၉၄၉ရရှိခဲ့ပါတယ်။ မြန်မာနိုင်ငံက အမှတ်ပေါင်း၁၉၁၀ ရရှိခဲ့ပါတယ်။ တတိယရရှိတဲ့ ပိုလန်နိုင်ငံ Esports က ၁၈၃၃မှတ်သာရရှိခဲ့ပါတယ်။
▪️ စတုတ္ထအဖြစ် အမှတ်ပေါင်း ၁၈၂၂ဖြင့် ဟန်ဂေရီနှင့် ပဉ္စမနေရာအတွက် အမှတ်ပေါင်း ၁၈၂၁ဖြင့် ဆာဘီယားကရရှိခဲ့ကြပါတယ်။
▪️ တစ်နှစ်တာအတွင်းအကောင်းဆုံ Esports နိုင်ငံဆုကို တစ်နှစ်ပတ်လုံး Esports လှုပ်ရှားမှုတွေမှာ အကောင်းဆုံးလုပ်နိုင်ခဲ့တဲ့နိုင်ငံကို အမှတ်ပေးရွေးချယ်တာလို့သိရပါတယ်။
▪️ အဲသလိုရွေးချယ်ရာမှာ ပရော်ဖက်ရှင်နယ်ကျကျလုပ်ဆောင်မှု၊ ပြိုင်ပွဲအောင်မြင်မှု၊ ဈေးကွက်ကမကထ ပြုမှု နှင့် Esports ရဲ့ ဂေဟစနစ်တိုးတက်ကြီးထွားလာဖို့ ကြိုးပမ်းအားထုတ်မှုဆိုတဲ့ နယ်ပယ်လေးခုမှာ တစ်ခုစီအလိုက်အမှတ်ပေးရွေးချယ်ခဲ့တာဖြစ်ကြောင်း Esports ရဲ့ဝက်ဘ်ဆိုက်မှာ သတင်းထုတ်ပြန်ထား ပါတယ်။
▪️ လုပ်ငန်းလုပ်ဆောင်မှုဌာန၊ပြိုင်ပွဲဌာနနှင့်ဈေးကွက်ဌာနတွေက စုစုပေါင်းအမှတ်အားလုံးရဲ့ ၃၀ရာခိုင် နှုန်းစီနှင့် အားကစားကော်မတီဌာနက ၁၀ရာခိုင်နှုန်းအမှတ်ပေးရွေးချယ်ခဲ့တာဖြစ်ပါတယ်။
