#Local_News
Published 6 December 2023

ပဲပင်ပေါက်ပြုလုပ်ရန် မြန်မာ့ပဲတီစိမ်းများ ဥရောပမှအဓိကဝယ်ယူနေသည့်အတွက်‌ ဈေးကွက်ပုံမှန်ရှိနေကြောင်း ပဲကုန်သည်များထံမှသိရသည်။

မြန်မာ့ပဲတီစိမ်းကို နယ်သာလန်၊ အိုင်ယာလန်၊ အင်္ဂလန်၊ ဂျာမနီနိုင်ငံတို့က အများဆုံးဝယ်ယူကြပြီး အခြားသော ဥရောပကုန်သည်များနှင့် ချိတ်ဆက်ကာ ပြန်လည်ဖြန့် ဖြူးရောင်းချလေ့ရှိကြပြီး နယ်စပ်အပြင်ပင်လယ်ရေကြောင်းမှပါတင်ပို့နေရသည့်အတွက်ဈေးကွက်ပုံမှန်ရှိနေ‌ခြင်းဖြစ်ကြောင်း သိရသည်။

'ပဲတီစိမ်းကနယ်စပ်အပြင်ပယ်လယ်ရေကြောင်းကလည်းသွားတယ်၊အဓိကဥရောပနိုင်ငံတွေကိုလည်းသွားနေတော့လက်ရှိဈေးကွက်အခြေအနေကမှန်မှန်လေးပါပဲ၊ ' ဟု ပဲကုန်သည် ဦးဝင်းမြင့်က ပြောသည်။

မြန်မာ့ပဲတီစိမ်းကိုအီးယူနိုင်ငံများသို့နှစ်စဉ်တန်ချိန် ၈,၀၀၀ ကျော်ခန့် တင်ပို့ရောင်းချလျက်ရှိပြီး ယခု ၂၀၂၃ ခုနှစ် ပဲရာသီဖြစ်သည့် မတ်လမှ အောက်တိုဘာလအထိ ကာလအတွင်း စုစုပေါင်းတန်ချိန် (၇၄,၀၁၃) တန် တင်ပို့နိုင်ခဲ့ကြောင်းသိရသည်။

ထို့အပြင် ယခုနှစ် ပဲရာသီတွင်လည်း မြန်မာ့ပဲတီစိမ်းကို ဥရောပသမဂ္ဂနိုင်ငံများသို့ တင်ပို့ရန် အဆိုပြုထားသည့် ကုမ္ပဏီ ၁၀ ခုတွင်ကုမ္ပဏီအသစ်လေးခု ပါဝင်လာကြောင်း သိရသည်။

#Local_News #မြန်မာ့ပဲတီစိမ်း #ဥရောပမှအဓိကဝယ်ယူ ‌ #YMG/NN #Yangon_Times

ဒီဇင်ဘာ ၅ ရက်က စတင်ပြီး သီလဝါတွင် ဆီထုတ်ဖို့တန်းစီနေကြတဲ့ ဆီသယ်ယာဉ်တန်းကြီးနဲ့ ဆီထည့်ဖို့ စောင့်ဆိုင်းနေကြတဲ့ မော်တော်ယာဉ်တွေဟာ တန်းစီမှုများပြားနေကာ ရန်ကုန်မြိုတွင်း၌လည်း ဒီကနေ့မနက်အထိဆိုင်အချို့ဆက်လက်ပိတ်ထားတာကြောင့် ရောင်းချပေးနေတဲ့ဆိုင်တွေမှာပဲ တန်းစီဝယ်ယူနေရပြီး အချို့မှာဇီးရိုးမိုင်အထိ သွားရောက်ဝယ်ယူ‌နေရတယ်လို့ စက်သုံးဆီဝယ်ယူသူတွေကပြောပါတယ်။
‌#Local_News
Published 06 December 2023
#စက်သုံးဆီ #သီလဝါ #တရုတ်မှဝယ်ယူရောင်းချ
#YMG/ NN #Yangon_Times

#Local_News
Published 06 December 2023

'မြန်မာ့အထည်အလိပ်နှင့် စက်ယန္တရားကုန်စည်ပြပွဲ ၂၀၂၃' ရန်ကုန်၌ ပြုလုပ်မည်ဖြစ်ကြောင်း Myanmar International Textile Expo မှ သိရသည်။

အဆိုပါပြပွဲတွင် တရုတ်နိုင်ငံနှင့် မြန်မာနိုင်ငံရှိအထည်ချုပ်လုပ်ငန်းရှင်‌များမှ လာရောက်ခင်းကျင်းပြသသွားမည်ဖြစ်ပြီး ဒီဇင်ဘာလ ၈ရက်မှ ၁၀ ရက်အထိ Inya Lake Hotel, Yangon Convention Center (YCC) တွင် ပြုလုပ်သွားမည်ဖြစ်ကြောင်းသိရသည်။

'တရုတ်နိုင်ငံနဲ့ မြန်မာနိုင်ငံမှာရှိတဲ အထည်ချုပ်လုပ်ငန်းရှင်‌တွေ လာရောက်ခင်းကျင်းပြသမှာပါ။ တရုတ်နိုင်ငံက အမှတ်တံဆိပ် (၂၅) ခုနှင့် အတူအထည်အလိပ်၊ အဝတ်အထည်၊ ဖိနပ်နဲ့အိတ် ထုတ်လုပ်သူ (၁၀၀) ကျော်တို့ရဲ့ ထုတ်ကုန်များကို ပြသသွားမှာ ဖြစ်ပါတယ်။ ဒါ့အပြင် Made in Myanmar ထုတ်ကုန်များဖြစ်တဲ့ အဝတ်အထည်၊ ပြည်တွင်းထုတ် ဖိနပ်နှင့် အိတ်များကိုလည်း ပြသသွားမှာဖြစ်ပြီး ပြည်တွင်း SME လုပ်ငန်းများအား အရောင်းမြှင့်တင်ခြင်း၊ မိတ်ဆက်ခြင်းများကို ပြုလုပ်သွားမှာဖြစ်ပါတယ်'ဟု Myanmar International Textile Expo မှတာဝန်ရှိသူတစ်ဦးကပြောသည်။

ယင်းပြပွဲအား တရုတ်နိုင်ငံ၊ Zhejiang ပြည်နယ်မှ ကူးသန်းရောင်းဝယ်ရေးဦးစီးဌာန၏ ပံ့ပိုးကူညီမှုဖြင့် မြန်မာနိုင်ငံအထည်ချုပ်လုပ်ငန်းရှင်များအသင်း (MGMA) နှင့် Chinese Textile & Garment Association In Myanmar (CTGA) တို့ ပူးပေါင်းကာ တရုတ်-မြန်မာနှစ်နိုင်ငံအထည်အလိပ်နှင့် အထည်ချုပ်လုပ်ငန်းများ ဖွံ့ဖြိုးတိုးတက်ရေးအတွက် ရည်ရွယ်၍ ကျင်းပမည်ဖြစ်ကြောင်း သိရသည်။

#Local_News #မြန်မာ့အထည်အလိပ် #စက်ယန္တရားကုန်စည်ပြပွဲ #YMG/NN #Yangon_Times

‌#Local_News
Published 6 November 2023
 
လှိုင်သာယာ(အရှေ့ပိုင်း)မြို့နယ် ၄ ရပ်ကွက် ဘုရင့်နောင်တံတားအောက်တွင် ပန်းခြံတည်ဆောက်နေကြောင်း ရန်ကုန်မြို့တော်စည်ပင်သာယာရေးကော်မတီ ပန်းဉယျာဉ်နှင့်အားကစားကွင်းများဌာနမှ သိရသည်။

လက်ရှိတွင် ပန်းခြံတည်ဆောက်ရေးအတွက် မြက်ခင်းများညီညာအောင်စိုက်ပျိုးဆောက်ရွက်ခြင်းများ၊ မြေနေရာ ပြန့်ပြူးအောင်ဆောင်ရွက်ခြင်းများ၊ အလှပန်းပင်များစိုက်ပျိုးခြင်းတို့ဆောင်ရွက်လျက်ရှိကြောင်း သိရသည်။

ထို့ပြင် ပန်းခြံ‌ဘေးဆိပ်ကမ်းသာလမ်းရှိ လှိုင်မြစ်အတွင်းသို့စီးဝင်သည့် ညောင်ချောင်း ရေတံခါးနှင့်ရှမ်းချောင်းရေတံခါးများ ရေစီးရေလာကောင်းမွန်ရန် စီစဉ်ဆောင်ရွက်ခြင်းလုပ်ငန်းနှင့် ပန်းခြံပတ်လမ်းအား ကတ္တရာကွန်ကရိ(AC) ခင်းကျင်းရေးတို့ လုပ်ဆောင်နေကာပန်းခြံရုပ်လုံးပေါ်လာအောင် အမြန်ဆုံးပြုပြင်ဆောင်ရွက်သွားမည်ဖြစ်ကြောင်း သိရသည်။

ပန်းခြံတည်ဆောက်နေသည့် ဘုရင့်နောင်တံတား  အမှတ်၂ သည် လှိုင်မြစ်ကို ဖြတ်သန်းပြီး လှိုင်သာယာနှင့်မရမ်းကုန်းမြို့နယ်တို့ကို ဆက်သွယ်ထားသည့် လေးလမ်းသွားနှင့် လူသွားလမ်းတဘက်တစ်ခြပ်စီပါသည့် တံတားဖြစ်ကာ ၂၀၁၄ခုနှစ် နိုဝင်ဘာလက တည်ဆောက်ပြီးစီးခဲ့ကြောင်း သိရသည်။

‌#Local_News #ပန်းခြံတည်ဆောက်နေ #လှိုင်သာယာ #YMG/LW #Yangon_Times

"လတ်တ‌လောမှာ‌တော့အဝေးပြေးယာဉ်လိုင်းတွေက အဝေးပြေးကားလက်မှတ်ခတွေ တက်ဖို့မရှိသေးပါဘူး"
ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေးကော်မတီ (YRTC)၊တွဲဖက်အတွင်းရေးမှူး ဦးလျန်ကျင့်မန်
#Local_News
Published 06 December 2023
#စက်သုံးဆီအခက်အခဲ #(YRTC)
#tthl #Yangon_Times

‌#Local_News
Published 06 December 2023

တာမွေရှိရပ်ကွက်(၁၉)ခု၌ ပုံမှန်ထက် လျှပ်စစ်ဓာတ်အားယာယီပိုပြတ်တောက်မည်ဖြစ်ကြောင်း တာမွေ YESC ရုံး၏ ထုတ်ပြန်ချက်အရ သိရသည်။

ဒီဇင်ဘာလ(၆)ရက် မနက် (၉:၀၇)ခန့်အချိန်တွင် 66kV သာကေတ-ပုသိမ်ညွန့်ဓာတ်အားလိုင်းအား LDC မှ အရေးပေါ်ဝန်အားထိန်းညှိ၍ ဓာတ်အားပြတ်တောက်နေပါသဖြင့် နတ်ချောင်းရပ်ကွက်၊ မေတ္တာညွန့်ရပ်ကွက်၊ တာမွေကြီး(ခ)၊ မလွှကုန်းဌေးကြွယ်၊ ကျားကွက်သစ်၊ ဗျိုင်းကွက်သစ်၊ နတ်မောက်၊ပျားရည်ကုန်း၊ ဗျိုင်းရွာမ၊ တာမွေကြီး(က+ဂ)ရပ်ကွက်၊ မြန်မာ့ဂုဏ်ရောင်၊ စက်မှုလက်မှု၊ ကျောက်ရှေ့၊ကျောက်ကြီး၊ အောင်မင်္ဂလာရပ်ကွက်၊ ကျောက်ထပ်ရပ်ကွက်၊ နတ်မောက်၊ မအူကုန်း၊ ကျားကွက်သစ်၊ ပုသိမ်ညွန့်စံပြရပ်ကွက်များ ယာယီဓာတ်အားပြတ်တောက်မည်ဖြစ်ကြောင်း အသိပေးထားသည်။

အခုရက်ပိုင်းအတွင်း တာမွေမြို့နယ်တွင် ပုံမှန်ထက် မီးပိုပျက်နေပြီး မနက်ပိုင်းထမင်းဟင်းချက်ရန်ပင် ခက်ခဲလျက်ရှိသည်ဟု တာမွေဒေသခံများထံမှ သိရသည်။

ဓာတ်အားလိုင်းပြန်‌ကောင်းပြီး မြို့နယ်ခွဲရုံများသို့ ဓာတ်အားပြန်လည်ဝင်ရောက်လာပါက အမြန်ဆုံးဓာတ်အားပြန်လည်ဖြန့်ဖြူးပေးမည်ဖြစ်ကြောင်းလည်း ဖော်ပြထားသည်။

‌#Local_News #လျှပ်စစ်ဓာတ်အားယာယီပိုပြတ် #tthl #Yangon_Times

'ငွေပေါ်မှဖြစ်မယ်ဆိုတဲ့ သိန်းတစ်သောင်းကနေ နှစ်သောင်းကျော်ဈေးနှုန်းရှိတာတွေကို သိန်း
၂၀၀၀ ကနေ ၃၀၀၀ လောက်အထိ လျော့ရောင်းနေတယ်။ ဒါတောင်ရောင်းချင်တိုင်းရောင်းမထွက်ဘူး၊ အနည်းအပါးလောက်ပဲဖြစ်တယ်' မြန်မာနိုင်ငံအိမ်ခြံမြေဝန်ဆောင်မှုအသင်း(ဗဟို)ဥက္ကဌဦးခင်မောင်သန်း
‌#Local_News
Published 06 December 2023
#ရန်ကုန်အိမ်ခြံမြေဈေးကွက် #အရောင်းအေး
#YMG/ NN #Yangon_Times

"ပူတာအိုရေခဲတောင်တက်ခရီးသွားဖို့ မူလက ခရီးသွားအဖွဲ့ ၂၀လောက် ကြိုတင်ဘိုကင်တင်ထားပေမယ့်လည်း ပူဝာာအိုကိုပြေးဆွဲတဲ့ လေယာဉ်နည်းပါးတဲ့အတွက် ခရီးစဉ်ဘိုကင်ပြန်ဖျက်သွားရတာမျိုးတွေရှိတယ်"
ပူတာအို ခရီးသွားဧည့်လမ်းညွှန်ကိုဆန်းနိုင်ဧလိယား
#Local_News
Published 06 December 2023
#ပူတာအိုတွင်ရေခဲ #ရေခဲတောင်တက်ခရီး
#tthl #Yangon_Times

ရှမ်းမြောက်တိုက်ပွဲတွေကြောင့် လမ်းပန်းဆက်သွယ်ရေးပြတ်နေတဲ့အတွက် မူဆယ်မှာအိမ်သုံး gas ဈေးမြင့်ခဲ့ပေမယ့် လက်ရှိမှာတရုတ်ဘက်မှ gas များ ၀ယ်ယူနိုင်တဲ့အတွက်စျေးထက်ဝက်ခန့်ပြန်ကျလာတယ်လို့ မူဆယ်ရှိ လူမှုကူညီရေး အသင်းတွေထံက သိရပါတယ်။
#Local_News
Published 06 December 2023
#အိမ်သုံးgas #ထက်ဝက်ခန့်ပြန်ကျ
#YMG/LW #Yangon_Times

‌#Local_News
Published 6 November 2023

ယခုနှစ်အတွင်း ပြည်ပခရီးသွားဝင်ရောက်မှုမှာ ၂သိန်းခွဲဝန်းကျင်ရှိကာ ယခင်နှစ်ထက်ထက်ဝက်ကျော်များလာကြောင်း မြန်မာနိုင်ငံခရီးသွားလုပ်ငန်းရှင်များအသင်း၏ စာရင်းများအရ သိရသည်။

ယခုနှစ်ဇန်နဝါရီမှ နိုဝင်ဘာ ၂၂ ရက်အထိ ၁၁ လနီးပါးအတွင်း စုစုပေါင်း ခရီးသွားဦးရေ ၂၄၅,၀၀၀ ခန့်ရှိကာ ၂၀၂၁ ခုနှစ်တွင် ပြည်ပခရီးသွား ၁၂,၀၀၀ ဦးခန့်၊ ၂၀၂၂ ခုနှစ်တွင် ၈၇,၀၀၀ ဦးဝင်ရောက်ခဲ့ကြောင်း သိရသည်။

မြန်မာနိုင်ငံခရီးသွားလုပ်ငန်းရှင်များအသင်း၏ စာရင်းများအရ မြန်မာနိုင်ငံသို့ နိုင်ငံအလိုက် ပြည်ပခရီးသွားဝင်ရောက်မှုသည် တရုတ်နိုင်ငံဖြစ်ပြီး ထိုင်းနိုင်ငံက ဒုတိယအများဆုံး ဝင်ရောက်ကြောင်း သိရသည်။

ထိုင်းနိုင်ငံက ဝင်ရောက်မှုတွင် ယခင်နှစ်က လူဦးရေ ၁၂,၀၀၀ ခန့်ဝင်ရောက်သော်လည်း ယခုနှစ်တွင် ဝင်ရောက်သူဦးရေ ၄၀, ၀၀၀ ကျော်အထိ တိုးတက်လာကြောင်း အဓိကအားဖြင့် ဘာသာရေးနှင့် ပတ်သက်၍ လာရောက်လေ့လာကြခြင်းဖြစ်ကြောင်း သိရသည်။

ခရီးသွားရာသီဖြစ်သည့် ၂၀၂၃ ခုနှစ် အောက်တိုဘာမှ  ၂၀၂၄ ခုနှစ် မတ်လအထိ ခရီးသွားရာသီခြောက်လတာကာလအတွင်း ခရီးသွားဧည့်သည်များ ပိုမိုဝင်ရောက်နိုင်ရန်အတွက် မျှော်မှန်းထားကြောင်း သိရသည်။

ထို့အပြင် အာဆီယံဒေသများဖြစ်သည့် ဗီယက်နမ် ၊ ကမ္ဘောဒီးယားစသည့် နိုင်ငံများမှ ခရီးသွားကုမ္ပဏီများကို ထပ်မံဖိတ်ခေါ်၍ မြန်မာနိုင်ငံသို့ဝင်ရောက်ရန်အတွက် ဆောင်ရွက်လျက်ရှိကြောင်း သိရသည်။

‌#Local_News #ပြည်ပခရီးသွား #၂သိန်းကျော်ရှိ #YMG/LW #Yangon_Times

#Local_News
Published 06 December 2023

ရန်ကုန်မှမြဝတီသို့ ကားအကြီး‌များဖြင့်သွားလာ၍  မရ‌သေးသော်လည်း ကားအသေးဖြင့်သွားလာ၍ ရသေးကြောင်းသိရသည်။

ယခင်လမ်းအစားတောလမ်းမှမောင်းနှင်ရခြင်းဖြစ်ပြီး ၁၅ယောက်စီး အန်စာတုံးကားများဖြင့် သွားနိုင်သည်ဟုဆိုသည်။

"ရန်ကုန်ကနေ မြဝတီကို ကားကြီးတွေတော့ သွားလို့မရသေးဘူး။ ကားသေး ၁၅ ယောက်စီး အန်စာတုံးကားတွေတော့ ပေးသွားနေပြီ။ ကားခအပြောင်းအလဲတော့ရှိတယ် တောလမ်းကနေပတ်သွားရတော့လေ"ဟု ရန်ကုန်-မြဝတီကား စီးလုံးငှားလုပ်ငန်းမှ တာဝန်ရှိသူတစ်ဦးက YMGကို ပြောသည်။

ကားလက်မှတ်ခကတော့ ယခင် ကျပ် ၃၅၀၀၀ သာ ကုန်ကျမည်ဖြစ်သော်လည်း ယခုအခါတစ်ဦးကို ကျပ်‌၆၀၀၀၀ ကျော်ကုန်ကျမည်ဖြစ်ပြီး ကားဆီဈေးကြောင့်မဟုတ်ဘဲ တောလမ်းအကွာအဝေးပိုလာသောကြောင့်ဖြစ်ကြောင်းနှင့် လုံခြုံရေးယူ‌ပေးထားမှုများရှိ‌‌ကြောင်း သိရသည်။

#Local_News #ရန်ကုန်မှမြဝတီ #ကားခအပြောင်းအလဲရှိ #tthl #Yangon_Times

#Local_News
Published 06 December 2023

အီဂျစ်နိုင်ငံ၊ ကိုင်ရိုမြို့တွင် မြန်မာလူမျိုးများ အကြောင်းကိုအီဂျစ်နိုင်ငံသားများ နားလည်နိုင်‌စေရန် Myanmar Showcase 2023 ပြပွဲပြသခဲ့ကြောင်း မြန်မာနိုင်ငံခြားရေးဝန်ကြီးဌာနမှ သိရသည်။

အီဂျစ်နှင့် မြန်မာနိုင်ငံ အစိုးရနှစ်ရပ်အကြား ရှိရင်းစွဲဆက်ဆံရေးကို ပိုမိုတိုးမြှင့်ခိုင်မာလာစေရန် ရည်ရွယ်၍ Myanmar Showcase 2023 ပြပွဲအခမ်းအနားကို မြန်မာသံရုံး၊ ကိုင်ရိုမြို့၌ ၂၀၂၃ ခုနှစ်၊ နိုဝင်ဘာလ ၃၀ ရက်နေ့တွင် ကျင်းပခဲ့သည်ဟု ဆိုသည်။

မြန်မာနိုင်ငံ၊ မြန်မာ့သမိုင်း၊ တိုင်းရင်းသားလူမျိုးများ၊  မြန်မာ့ယဉ်ကျေးမှု၊ လယ်ယာထွက်ကုန်များ၊ မြန်မာ့ရိုးရာအစားအစာနှင့် ရေမြေသဘာဝ၊ မတူကွဲပြားသော ဘာသာဝင်များ  သဟဇာတရှိစွာ အတူယှဉ်တွဲနေထိုင်နေမှု၊ ရခိုင်ပြည်နယ်မှ နေရပ်စွန့်ခွာသွားသူများအတွက်  ပြန်လည်လက်ခံရေး  ပြင်ဆင်ဆောင်ရွက်ထားရှိမှုနှင့် ပြည်တွင်းနိုင်ငံရေးဖြစ်ထွန်း တိုးတက်မှုအခြေအနေတိုနှင့် စပ်လျဉ်းပြီး အီဂျစ်နိုင်ငံသားများမှ ပိုမိုသိရှိနားလည်လာကာ နှစ်နိုင်ငံ ပြည်သူများအကြား ကူးလူးဆက်ဆံမှုများကို တိုးမြှင့်ဆောင်ရွက်နိုင်ခြင်းမှတစ်ဆင့် နှစ်နိုင်ငံဆက်ဆံရေးခိုင်မြဲစေရန်ရည်ရွယ်ကျင်းပခြင်းဖြစ်သည်။

အခမ်းအနားတွင် မြန်မာနိုင်ငံနှင့် ပတ်သက်၍  Power Point presentation ဖြင့် မိတ်ဆက်ခြင်း၊ မြန်မာ့ရိုးရာယဉ်ကျေးမှု အနုပညာပြခန်းအသီးသီးတို့အပြင် အီဂျစ်-မြန်မာနှစ်နိုင်ငံဆက်ဆံရေး ဓါတ်ပုံပြကွက်၊ နေရပ် စွန့်ခွာသူများအား ပြန်လည်လက်ခံရေး နိုင်ငံတော်အစိုးရ၏ဆောင်ရွက်ချက် ဓါတ်ပုံပြကွက်၊ ပြည်တွင်းနိုင်ငံရေးဖြစ်ထွန်းတိုးတက်မှု ဆိုင်ရာဓါတ်ပုံပြကွက်တို့အား လိုက်လံလှည့်လည် ပြသရှင်းလင်းပြောကြားခဲ့ပြီး မြန်မာ့ရိုးရာ အုန်းနို့ခေါက်ဆွဲ၊ မန္တလေးပဲကြော်၊ ကော်ပြန့်ကြော်၊ ရွှေရင်အေး၊ ဌက်ပျောသီးပူတင်းတို့ဖြင့် တည်ခင်းဧည့်ခံခဲ့ပြီး ဧည့်သည်တော်များအား မြန်မာနိုင်ငံနှင့် ပတ်သက်သည့် လက်ကမ်း စာစောင်များ၊ အမှတ်တရ လက်ဆောင်ပစ္စည်းများ ပေးအပ်သည်ဟု ဖော်ပြထားသည်။

သံအမတ်ကြီး ဝဏ္ဏကျော်ထင် ဦးမြင့်လွင်က "သံတမန်တို့၏ ပင်မတာဝန်သည် နှစ်နိုင်ငံအစိုးရတို့အကြား ဆက်ဆံရေး တိုးမြှင့်ခိုင်မာမှုရှိလာစေရေးအတွက် ဆောင်ရွက်ရန်ဖြစ်ကြောင်း၊ ထိုသို့ဆောင်ရွက်ရာတွင် မိမိနိုင်ငံ၊ လူမျိုး၊ ယဉ်ကျေးမှု၊ ဓလေ့ထုံးတမ်း၊ နိုင်ငံခြားရေးမူဝါဒ၊ အမျိုးသားအကျိုးစီးပွားအတွက် အစိုးရ၏ အကောင်အထည် ဖော်ဆောင်နေမှု အခြေအနေမှန်တို့ကို လက်ခံသည့်နိုင်ငံမှ ပြည်သူများမှ ပိုမိုသိရှိလာစေရန်နှင့် နှစ်နိုင်ငံပြည်သူများအကြား  အပြန်အလှန်ကူးလူးဆက်ဆံမှုများတိုးမြှင့်လာစေရန် Public Diplomacy အား အကောင်အထည်ဖော်ဆောင်နိုင်မှုသည်အဓိက အခန်းကဏ္ဍမှပါဝင်နေပါကြောင်း၊  ယနေ့ကျင်းပသည့် Myanmar Showcase 2023 သည် မြန်မာနိုင်ငံနှင့်ပတ်သက်၍ အီဂျစ်ပြည်သူများမှ ပိုမိုသိရှိလာစေကာ ပြည်သူများအကြား ကူးလူးဆက်ဆံမှုများ တိုးမြှင့်ဆောင်ရွက်နိုင်ခြင်းမှတစ်ဆင့် နှစ်နိုင်ငံအစိုးရတိုအကြားရှိရင်းစွဲ ဆက်ဆံရေးကို ပိုမိုတိုးမြင့်ခိုင်မာလာစေမည်ဟု ယုံကြည်ပါကြောင်း"ဖြင့်  ရှင်းလင်း ပြောကြားခဲ့သည်။ 

အခမ်းအနားသို့ အီဂျစ်နိုင်ငံခြားရေးဝန်ကြီးဌာန၊ ဥရောပဌာနမှ ဒုတိယလက်ထောက် နိုင်ငံခြား ရေးဝန်ကြီး Ambassador Mrs. Aya Saad Mohamed Abdelkarim၊ မြန်မာနိုင်ငံဆိုင်ရာ အီဂျစ်သံအမတ်ကြီးဟောင်းများ ဖြစ်ကြသော Ambassador Sherif El Leithy and Ambassador Fawzi Shamawy၊ OIC အဖွဲ့၏ မြန်မာနိုင်ငံဆိုင်ရာ အထူးသံတမန် (မြန်မာနိုင်ငံဆိုင်ရာ အီဂျစ်သံအမတ်ကြီးဟောင်း) Ambassador Ibrahim Ahdy Khairat၊  Al-Azhar အဖွဲ့အစည်းမှ အစ္စလာမ်မစ်သုတေသနအကယ်ဒမီ အထွေထွေအတွင်းရေးမှူးချုပ် Prof. Nazir Muhammad Nair ၏ အထူးကိုယ်စားလှယ်၊ အီဂျစ်စိုက်ပျိုးရေးဝန်ကြီးဌာန၊ ပြည်ပဆက်ဆံရေးဌာန၊ အာရှရေးရာ ညွှန်ကြားရေးမှူး Mrs. Marwa Fouda၊ နှင့် အီဂျစ်အစိုးရရုပ်သံလိုင်း Nile TV International ၏ ဥက္ကဋ္ဌ Ms. Taghreed Hussein၊  Diplomatic Magazine ၏ CEO Mr. Abdelhay Mokhtar၊ Egyptian Public Relations Association ဥက္ကဌ Dr. Hatem Mohamed၊ the African-Asian Journalists Union ဥက္ကဌ Mr. Nizar Al-Khaled၊  ပြည်တွင်းသတင်းမီဒီယာများ၊ အရပ်ဖက်လူမှုအဖွဲ့အစည်းများ၊ ခရီးသွားလုပ်ငန်း အေဂျင်စီများမှ တာဝန်ရှိသူများ တက်ရောက်ခဲ့ကြောင်း သိရသည်။

#Local_News #အီဂျစ်နိုင်ငံ #Myanmar_Showcase_2023 ပြပွဲ #tthl #Yangon_Times