၇ ဒီဇင်ဘာ ၂၀၂၃

နိုင်ငံတော်ကာကွယ်ရေးနှင့် လုံခြုံရေးတာဝန်များကို စွမ်းစွမ်းတမံ ထမ်းဆောင်ခဲ့သည့် ပုဂ္ဂိုလ်များကို ဂုဏ်ထူးဆောင်ဘွဲ့များ၊ ဂုဏ်ထူးဆောင် တံဆိပ်များ ချီးမြှင့်အပ်နှင်း

ကောလာဟလ သတင်းတု၊ သတင်းမှားများ အချိန်ကိုက် လှုံ့ဆော်ဝါဒဖြန့်နေမှုများ

၇-၁၂-၂၀၃ ရက်နေ့ ရှမ်းပြည်နယ်(မြောက်ပိုင်း)နှင့် စစ်ကိုင်းတိုင်းဒေသကြီးတို့တွင် ထိတွေ့တိုက်ပွဲဖြစ်ပွား မှုအခြေအနေများ

အစိုးရအနေဖြင့် နိုင်ငံရေးရည်မှန်းချက်နှင့်အမျိုးသားရေးရည်မှန်းချက်များအပေါ် ရပ်တည်ဆောင်ရွက်နေမှုများ

နစက သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ် ဇော်မင်းထွန်းက ပြောကြားခဲ့ပါတယ်။

အဆိုပါပြောကြားချက်အပြည့်အစုံကို ပြန်လည်ဖော်ပြပေးပါတယ်။

Ymg/knl

#Daily_News
Published 07 December 2023

၁။ စက်သုံးဆီအခက်အခဲရှိသော်လည်း ရန်ကုန်-ခရမ်းတက်စီယာဉ်လိုင်းကြိုးစားပြေးဆွဲပေးနေဟုဆို

၂။ တညင်းကုန်း ဈေးရှိ ကိုယ်တိုင်စိုက်ပျိုးရောင်းချသူများ ကို အဓိက ထားပြီး MSMEချေးငွေ ထုတ်ပေးနိုင်ရန် MAEX နှင့်A bank တို့ MOU လက်မှတ် ရေးထိုး

၃။ ဈေးကွက်ဝင် ကြက်မဲများ တစ်နိုင်တစ်ပိုင်မွေးမြူရန် အော်ဒါမှာယူမှုများလာ

၄။ နိုင်ငံတကာရွှေဈေးမြင့်တက်ခြင်းကြောင့် တောင်ကိုရီးယားတွင်ရွှေနှင့်ငွေထည်များစံချိန်တင်ရောင်းဝယ်မှုမြင့်တက် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

Published 07 December 2023

ငါးရက်တာအတွင်း မြိတ်ကုန်သွယ်ရေးစခန်း မှ ကန်ဒေါ်လာတစ်သန်းကျော်ဖြင့်ကုန်သွယ်ထားကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှသိရသည်။

ထိုသို့ကုန်သွယ်မှုပြုရာတွင် မြိတ်ကုန်သွယ်ရေးစခန်းမှ နိုဝင်ဘာလ(၂၉)ရက်နေ့မှဒီဇင်ဘာလ(၃)ရက်နေ့အတွင်း ပို့ကုန်တင်ပို့မှု ငါးကြိတ်သားတစ်တန်လျှင် (၁၈၀၇)ဒေါ်လာနှုန်းဖြင့်(၁၈)တန်၊ တန်ဖိုး(ဝ.၀၃၂) ဒေါ်လာသန်းအား အကောက်ခွန်သက်သာခွင့်ဆိုင်ရာ ပင်ရင်းနိုင်ငံသက်သေခံလက်မှတ် Form D အကျိုးခံစားခွင့် လျှောက်ထားရယူ၍ ထိုင်းနိုင်ငံသို့ ကားလမ်းကြောင်းဖြင့် မောတောင်ကုန်သွယ် ရေးစခန်းမှတစ်ဆင့် ပရာကျွတ်ကရီခမ်ခရိုင်သို့ တင်ပို့နိုင်ခဲ့ခြင်းဖြစ်ကြောင်းသိရသည်။

ထို့ပြင် မြိတ်ကုန်သွယ်ရေးစခန်းမှနိုဝင်ဘာလ (၂၉)ရက်နေ့မှ ဒီဇင်ဘာလ (၃) ရက်နေ့ အတွင်း သွင်းကုန်တင်သွင်းမှုဒီဇယ်ဆီတစ်တန်လျှင်(၈၇၀) ဒေါ်လာနှုန်းဖြင့်(၉၀၀) တန် ၊ တန်ဖိုး (ဝ.၇၈၃)ဒေါ်လာသန်း၊ ဓါတ်ဆီတစ်တန်လျှင်(၉၅၃)ဒေါ်လာနှုန်းဖြင့်(၂၄၀)တန် ၊ တန်ဖိုး (ဝ.၂၂၉) ဒေါ်လာသန်း စုစုပေါင်းသွင်းကုန်တန်ဖိုး(၁.၀၁၂)ဒေါ်လာသန်း တင်သွင်းခဲ့ကြောင်းသိရသည်။

မြိတ်ဒေသ တွင် ဓာတ်ဆီတစ်လီတာ (၂၈၅၀) ကျပ်နှင့်ဒီဇယ်တစ်လီတာ (၂၈၆၀) ကျပ်ဖြင့် ဖြန့်ဖြူးရောင်းချ လျက်ရှိကြောင်း၊ ကျပ်/ဘတ်ငွေလဲနှုန်းမှာ (၁) ဘတ်လျှင် (၉၆) ကျပ်ဖြင့် အရောင်းအဝယ်ဖြစ်နေ ကြောင်း၊ မြိတ်ကုန်သွယ်ရေးစခန်းမှ တဆင့်ထိုင်းနိုင်ငံသို့ ပို့ကုန်များပို့ရာတွင်လည်း မောတောင်ကုန်သွယ်ရေးစခန်းအထိ ကုန်(၁) တန်လျှင်ကားခ (ကုန်ကျစ်) ၁၀၀၀၀ဝိ/-(ကျပ်တစ် သိန်း)ရှိကြောင်း သိရပြီး ကုန်သွယ်မှုလမ်းကြောင်းအနေဖြင့် မြိတ် - ထားဝယ် - ရန်ကုန်လမ်း ကြောင်း ကောင်းမွန်လျက်ရှိကြောင်း သိရသည်။
Yangon-Times/NN
#Local_News
#Published 07 December 2023
#Yangon_Times #Daily_News #YMG_News #Yangon_Media_Group

Published 7 December 20023

ထိုင်းနိုင်ငံ၊ ပသမ်သနီပြည်နယ်၌ မြန်မာအလုပ်သမားများကို တင်ဆောင်လာသည့် ကုန်တင်ကားတစ်စီးသည် ကွန်တိန်နာထရပ်ကားနှင့် တိုက်မိပြီး တိမ်းမှောက်ခဲ့‌သောကြောင့် မြန်မာအလုပ်သမား ၁၅ ဦး ဒဏ်ရာရရှိခဲ့ကြောင်း ထိုင်းနိုင်ငံရှိ သတင်းဌာနများ၏ဖော်ပြချက်အရသိရသည်။

အဆိုပါ တိမ်းမှောက်ခဲ့သည့် ကုန်တင်ကားသည် မြန်မာနိုင်ငံသား အလုပ်သမား၂၀ဦး ကို ပသမ်သနီမြို့ရှိ စင်တာတစ်ခုမှ ၄တို့နေထိုင်ရာ နေရာသို့ပို့ဆောင်ခဲ့ရာ ယင်းကုန်တင်ကားသည် ဒီဇင်ဘာလ ၇ ရက် နံနက် ၆ နာရီလခန့်က ထိန်းချုပ်မှု ပြတ်တောက်၍ကွန်တိန်နာတင်ထရပ်ကားကို ဝင်တိုက်မိပြီး လူ အများအပြား ဒဏ်ရာရရှိခဲ့ခြင်းဖြစ်ကြောင်းအလုပ်သမားများ၏ ကြီးကြပ်ရေးမှူးတစ်ယောက်၏ ပြောကြားချက်အရသိရသည်။

ထို့ပြင် ယင်းကွန်တိန်နာကုန်တင်ယာဉ်သည် ခွန်တိုဆိပ်ကမ်းမှ အယုဒ္ဓယပြည်နယ် ဝမ်နွိုင် သို့ ကုန်ပစ္စည်းများ သယ်ယူပို့ဆောင်နေခြင်းဖြစ်ကာ မြန်မာအလုပ်သမားတွေကို သယ်ဆောင်လာသည့် ကုန်တင်ယာဉ်မှ နောက်မှ လာတိုက်ပြီး တိမ်းမှောက်သွားခြင်းဖြစ်‌ကြောင်း၊ အဆိုပါယာဉ်တိုက်မှုဖြစ်ပွားရာနေရာကို စစ်ဆေးကာ တာဝန်ရှိသူများမှ သက်‌သေအထောက်အထားများအား မှတ်တမ်းတင်ခဲ့သည့်အပြင် အခင်းဖြစ်ပွားရာနေရာက မော်တော်ယာဉ်တွေကို ဖယ်ရှားဖို့အတွက် ကရိန်းယာဉ်ကို အသုံးပြုခဲ့ရကြောင်း၊ဒဏ်ရာရ မြန်မာအမျိုးသား၊ အမျိုးသမီးများကို ဆေးရုံအမြန်ဆုံး ပို့ဆောင်ပေးခဲ့‌ကြောင်း တာဝန်ရှိသူများ၏ ပြောကြားချက်အရသိရသည်။
Yangon-Times/NN
#Local_News
#Published 07 December 2023
#Yangon_Times #Daily_News #YMG_News #Yangon_Media_Group

Published 7 December 2023

ကရင်ပြည်နယ် ဘားအံ မြို့နယ် ဖားပုကျေးရွာ ရှိ ဘုရားလေးဘေး ငါးကန်တွင် ရေဆင်းချိုးသည့် အမျိုသား တစ်ဦး ရေနစ်သေဆုံးခဲ့ကြောင်း မြန်မာနိုင်ငံ လူမှုကူဆယ်ရေးအဖွဲ့(ကရင်ပြည်နယ်)ထံ က သိရသည်။

ဒီဇင်ဘာ ၆ ရက် ညနေ ၆ နာရီ ခန့် က ရေဆင်းချိုးရင်း ရေနစ် မြုပ်ခဲ့တာကြောင့် လူမူကယ်ဆယ်ရေး အဖွဲ့များ က ရှာဖွေ ကယ်ဆယ်ခဲ့ရာ ည ၉နာရီ ခန့် တွင် အဆိုပါ အမျိုးသား၏ ရုပ်အလောင်း ကို တွေ့ရှိ ခဲ့ ကြောင်း သိရသည်။

'' အမျိုးသား က အသက် ၄၀ လောက်ရှိပြီ ညနေ ၆ နာရီ လောက်မှာ ရေချိုး ဆင်းသွားတာကနေ နစ်မြုပ်သွားတယ်လို့ ကျွှန်တော်အဖွဲ့ ကို အကြောင်းကြားလို့ ၈နာရီ ခွဲ မှာ ဖြစ်စဉ် နေရာ ကို ရောက်တယ်၊၈နာရီ ၅၅ မှာ စပြီး ရှာတယ် ၉နာရီ ခွဲ လောက် မှာတော့ အမျိုးသားရဲ့ ရုပ်အလောင်း ကို ကန်အတွင်းမှာ ရှာဖွေတွေ့ရှိခဲ့ပါတယ်''ဟု မြန်မာနိုင်ငံ လူမှုကူဆယ်ရေးအဖွဲ့(ကရင်ပြည်နယ်)ရေငုတ်ရှာဖွေကယ်ဆယ်ရေးအဖွဲ့ မှ အဖွဲ့ဝင်တစ်ဦးကပြောသည်။

ဒီဇင်ဘာ ၅ရက် တွင်လည်း ရှမ်းပြည်နယ် ကျိုင်းတုံ မြို့နယ် လွိုင်မွေ အတတ်လမ်းရှိ ငါးကန်အဟောင်း တွင် လည်း အမျိုးသား တစ်ဦး ရေဆင်းကူးရာမှ ရေနစ်သေဆုံးခဲ့သေးကြောင်းမြန်မာနိုင်ငံ မီးသတ်တပ်ဖွဲ့ ထံ မှ သိရသည်။
Yangon-Times/LW
#Local_News
#Published 07 December 2023
#Yangon_Times #Daily_News #YMG_News #Yangon_Media_Group

ဒီဇင်ဘာ ၇၊၂၀၂၃

လတ်တလောတွင် တရုတ်-မြန်မာပူးပေါင်း၍ မြန်မာနိုင်ငံမြောက်ပိုင်းဒေသတွင် ဆက်သွယ်ရေးလိမ်လည်မှုများတိုက်ဖျက်ရေးနှင့် ပိတ်မိနေသူများအားကယ်ဆယ်ရာတွင် ကောင်းမွန်သည့်ရလဒ်များ ရရှိခဲ့ပြီး ရာဇဝတ်အဖွဲ့အစည်းများကို ထိရောက်စွာ ဟန့်တားလိုက်နိုင်ကြောင်းနှင့် တရားဥပဒေစိုးမိုးရေးလုံခြုံမှု ပူးပေါင်းဆောင်ရွက်မှုများကို မြှင့်တင်ကာ အွန်လိုင်းလောင်းကစားနှင့် ဆက်သွယ်ရေးလိမ်လည်မှုများကို နှစ်ဖက်ပူးပေါင်း၍အမြတ်ပြတ်ချေမှုန်းရမည်ဟုတရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရိုအဖွဲ့ဝင်၊ နိုင်ငံခြားရေးဝန်ကြီး မစ္စတာဝမ်ယီ Mr. Wang Yi ကပြောသည်။

Video:CCTV+

"စစ်ကိုင်းတိုင်းအထက်ပိုင်း၊ မန္တလေးတိုင်း ၊ ကချင်ပြည်နယ်၊ ရှမ်းပြည်နယ်နှင့် ချင်းပြည်နယ် တို့တွင် နေရာကျဲကျဲ မိုးဆက်လက် ထစ်ချုန်းရွာနိုင်တယ်" မိုးလေဝသနှင့်ဇလဗေဒညွှန်ကြားမှုဦးစီးဌာန
Yangon-Times/tthl
#Local_News
#Published 07 December 2023
#Yangon_Times #Daily_News #YMG_News #Yangon_Media_Group

" ဒီဇင်ဘာလ၄ရက်မှစပြီး ဘုရင့်နောင်ကုန်စည်ဒိုင်နဲ့ ညောင်ပင်လေးဈေးတိုမှာ ဆီအသင်းကပေးတဲ့ စားအုန်းဆီတွေမရတော့သလို ဆီကုမ္ပဏီ‌‌တွေကလည်း ဆီမရောင်းပေးတော့ဘူး။ အုပ်ချုပ်ရေးမှူးတွေက‌နေတစ်ဆင့်ရောင်းပေးတာမျိုးဖြစ်သွားတယ်"
ဘုရင့်နောင်ကုန်စည်ဒိုင်စားအုန်းဆီလက်ကားဒိုင်မှတာဝန်ရှိသူတစ်ဦး
Yangon-Times/tthl
#Local_News
#Published 07 December 2023
#Yangon_Times #Daily_News #YMG_News #Yangon_Media_Group

Published 07 December 2023

နိုင်ငံတကာအဆင့်မီ တန်ဖိုးမြှင့် စားသောက်ကုန်များအဖြစ် ထုတ်လုပ်နိုင်ရန်အခြေခံစားသောက်ကုန်ပစ္စည်းများ ထုတ်လုပ်သည့် MSMEs လုပ်ငန်းရှင်များအား အဖက်အဖက်မှ ပံ့ပိုးရန် သက်ဆိုင်ရာဝန်ကြီးဌာနများ၊ အသင်းချုပ်နှင့် ညီနောင်အသင်းတို့ ညှိနှိုင်းဆောင်ရွက်သွားကြမည်ဖြစ်ကြောင်းကုန်သည်စက်မှုအသင်းချုပ်မှပြောကြားသည်။

မြန်မာနိုင်ငံ စားသောက်ကုန်ထုတ်လုပ် တင်ပို့ရောင်းချသူများ အသင်း၏ (၁၂)ကြိမ်မြောက် နှစ်ပတ်လည် အသင်းသားစုံညီ အစည်းအဝေး၌ကုန်သည်စက်မှုအသင်းချုပ် ဥက္ကဌကယင်းသို့ပြောကြားခဲ့ခြင်းဖြစ်သည်။

ကုန်သည်စက်မှုအသင်းချုပ် ဥက္ကဋ္ဌ ဦးအေးဝင်းက “စားသောက်ကုန်လုပ်ငန်းများဟာ ပြည်တွင်း စီးပွားရေးကဏ္ဍ အတွက် အရေးပါတဲ့အခန်းကဏ္ဍမှာပါဝင်ပြီး MSME စီးပွားရေးလုပ်ငန်းများကနေ အရွယ်အစား ကြီးမားသော လုပ်ငန်းကြီးများအထိ ဝင်ရောက် ရင်းနှီးလုပ်ကိုင်ရန် အလားအလာကောင်းရှိတဲ့ လုပ်ငန်းကဏ္ဍ တစ်ခုလည်း ဖြစ်ပါတယ်။

ပြည်တွင်းမှာ ထုတ်လုပ်တဲ့ အခြေခံစားသောက်ကုန်ပစ္စည်းတွေကို နိုင်ငံတကာအဆင့်မီ တန်ဖိုးမြှင့် စားသောက်ကုန်များအဖြစ် ယခုထက်ပိုမို ထုတ်လုပ်နိုင်ဖို့အတွက် MSMEs လုပ်ငန်းရှင်များကို နည်းပညာ ပံ့ပိုးမှုများ၊ ဈေးကွက်အခွင့်အလမ်းများအပြင် လိုအပ်တဲ့ ငွေကြေးအရင်းအမြစ် ၊ ဗဟုသုတများ ရရှိဖို့လည်း အရေးကြီးသည့်အတွက် သက်ဆိုင်ရာဝန်ကြီးဌာနများ၊ အသင်းချုပ်နှင့် ညီနောင်အသင်းတို့ ညှိနှိုင်းဆောင်ရွက်သွားကြမည်ဖြစ်ပါတယ်'' ဟု ပြောကြားခဲ့သည်။

မြန်မာနိုင်ငံ စားသောက်ကုန်ထုတ်လုပ် တင်ပို့ရောင်းချသူများ အသင်း (MFPEA) ကို ၂၀၁၆ ခုနှစ်တွင် စတင် တည်ထောင်ခဲ့ပြီး စားသောက်ကုန်ထုတ်လုပ်သူများ၏ ကုန်ထုတ်လုပ်မှုတိုးတက်လာစေရန်၊ ဘေးအန္တရာယ် ကင်းရှင်းသည့် အရည်အသွေးမြင့် စားသောက်ကုန်များ ထုတ်လုပ်လာနိုင်စေရန်၊ ပြည်တွင်းထုတ်ကုန်ပစ္စည်းများကို စားသုံးသူပြည်သူများ ပိုမိုယုံကြည်သုံးစွဲလာစေရန်၊ ပြည်ပဈေးကွက်သို့ ထိုးဖောက်ရောင်းချနိုင်ရန်၊ စားသောက်ကုန်များ၏ အရည်အသွေး ဖွံ့ဖြိုးတိုးတက်လာစေရန် ပံ့ပိုးပေးနိုင်မည့် နိုင်ငံတကာ အဆင့်မီဓါတ်ခွဲခန်းများဖြင့် နိုင်ငံတကာအသိအမှတ်ပြု လက်မှတ်များ ထုတ်ပေးနိုင်ရန်စသည့် ရည်ရွယ်ချက်များနှင့် အသင်းကို လည်ပတ်ဆောင်ရွက်လျက်ရှိကြောင်းသိရသည်။
Yangon-Times/NN
#Local_News
#Published 07 December 2023
#Yangon_Times #Daily_News #YMG_News #Yangon_Media_Group

Published 7 December 2023

မန္တလေးတိုင်းဒေသကြီး မတ္တရာ မြို့နယ် တောင်ပြုံးကျေးရွာ အုပ်စု နန်းကြီးကျေးရွာ တွင် မီးလောင် မှုကြောင့် နေအိမ် ၁၀လုံးကျော် မီးလောင်ဆုံးရှုံးခဲ့ကြောင်း သွားရောက် ကူညီပေးသည့် လူမှု ကူညီရေး အသင်းများ ထံ က သိရသည်။

ဒီဇင်ဘာ ၇ ရက နံနက် ၁၁နာရီ ၄၀ မိနစ် ခန့် က မီးလောင်မှု ဖြစ်ပွားကြောင်း သတင်းရရှိသဖြင့် အောင်မြေသာစံ မြို့နယ် မီးသတ်စခန်း၊မတ္တရာမြို့နယ် မီးသတ်စခန်းနှင့် ပုသိမ်ကြီး မြို့နယ် မီးသတ်စခန်း တို့ မှ မီးသတ်ယာဉ်များ ထွက်ခွာ ငြိမ်းသတ်ခဲ့ကြောင်း သိရသည်။

ထိုသို့ ငြိမ်းသတ်ခဲ့ရာ တွင် မီးများသောကြောင့် မွန်းတည့် ၁၂နာရီ ၃၆ မိနစ် တွင် မီးထိမ်းနိုင်ခဲ့ ပြီး ၁၂နာရီ ၄၀ တွင် မီးငြိမ်းသတ် နိုင်ခဲ့ကြောင်း သိရသည်။

'' တောင်ပြုံး နတ်နန်း တောင်ဘက် ကပ်လျက်မှာ လောင်တာ၊မီးများတဲ့ အတွက် မီးငြိမ်းသတ်ရတဲ့ အချိန်လဲ ကြာသွားတယ်၊နေအိမ် ၁၀လုံးကျော် မီးလောင်ဆုံးရှုံးသွားတယ်''ဟု လူမှုကူညီရေးအသင်းမှ အသင်းဝင်တစ်ဦးကပြောသည်။

လက်ရှိတွင် မီးလောင်သည့် အကြောင်းအရာ အချက်အလက်များနှင့် ဆုံးရှုံးမှု တန်ဖိုးများ ကို သက်ဆိုင်တာဝန်ရှိသူများ က စစ်ဆေးလျက်ရှိကြောင်း သိရသည်။
Yangon-Times/LW
#Local_News
#Published 07 December 2023
#Yangon_Times #Daily_News #YMG_News #Yangon_Media_Group

ကြက်မဲကရရှိတဲ့ ကြက်မဲဥကို ကိုဗစ်ကာလက ဝယ်ယူစားသုံးကျပြီးနောက်ပိုင်း လက်ရှိအချိန်ထိ နာမကျန်းဖြစ်နေသူတွေ နဲ့ကျန်းမာရေး လိုက်စားသူတွေက ပုံမှန်ဝယ်ယူတာတွေ ရှိနေကြတာအပြင် ကိုယ်တိုင်စားသုံးဖို့နဲ့
ပြန်လည်ရောင်းချဖို့ တစ်နိုင်တစ်ပိုင်မွေးမြူသူတွေကပါ ကြက်မဲအကောင်လိုက် အော်ဒါမှာယူနေကြတယ်လို့ ပြင်ဦးလွင် ကြက်မဲမွေးမြူရေးခြံပိုင်ရှင် ဒေါ်မွန်မွန်ရှိန်က ရန်ကုန်မီဒီယာဂရုကို အခုလိုပဲပြောပါတယ်။
Yangon-Times/NN
#Local_News
#Published 07 December 2023
#Yangon_Times #Daily_News #YMG_News #Yangon_Media_Group

ရန်ကုန်တိုင်းဒေသကြီး အင်းစိန်မြို့နယ်မှာ ရှိတဲ့ တညင်းကုန်းလက်ကားဈေးကြီးမှာ ကိုယ်တိုင် စိုက်ပျိုး ရောင်းချ တဲ့ သူတွေ ကို အဓိက ထား MSMEချေးငွေ ထုတ်ပေးနိုင် ဖို အတွက် Myanmar Argo Echange published Co.ltdနဲ့ A bank တို နားလည် မှု စာချွန်လွှာ ကို ဒီဇင်ဘာ၆ ရက်က လက်မှတ် ရေးထိုးခဲ့တယ်လို သိရပါတယ်။
Yangon-Times/LW
#Local_News
#Published 07 December 2023
#Yangon_Times #Daily_News #YMG_News #Yangon_Media_Group