#World_Health
Published 12 December 2023

ညဘက်မှာ အိပ်ရေးမဝတာမျိုး လုံးဝမအိပ်ရတာမျိုး ကြုံခဲ့ရင် နောက်နေ့မှာ အရေးကြီးတဲ့ ဆုံးဖြတ်ချက်တွေ မချမှတ်သင့်ဘူးလို့ ကနေဒါသုတေသနက ဆိုလိုက်ပါတယ်။

စစ်ဘက်ဆိုင်ရာနဲ့ နိုင်ငံရေးခေါင်းဆောင်များ၊ ကပ်ဘေးအန္တရာယ်အတွင်း ဦးဆုံးလှုပ်ရှားဆောင်ရွက်သူများဟာ ဖိစီးမှုအလွန်များတဲ့ သူတွေဖြစ်ပြီး ညဘက်မအိပ်ရတဲ့အခါ နောက်တစ်နေ့မှာ အရေးကြီးတဲ့ ဆုံးဖြတ်ချက်တွေ ချမှတ်ခြင်းကို ရှောင်ရှားသင့်ပါတယ်။

လူသားတွေရဲ့ ကျန်းမာရေး၊ ဦးနှောက်သိရှိမှုစွမ်းရည်၊ စိတ်ခံစားချက် ထိန်းချုပ်မှုတွေမှာ အိပ်စက်ခြင်းရဲ့ အရေးပါပုံကို သိရှိနားလည်ထားပါတယ်လို့ အော့တာဝါတက္ကသိုလ်မှ အာရုံကြောသိပ္ပံ အချက်အလက် သိပ္ပံပညာရှင် ကျိုးဖန်က ပြောပြသွားပါတယ်။

အိပ်ရေးပျက်ခြင်းကြောင့် အမျိုးမျိုးသော ခန္ဓာကိုယ်ဖြစ်စဥ်တွေမှာ စွမ်းဆောင်ရည် ကျဆင်းလာတာကို တွေ့ရှိထားသလို အများပြည်သူ ကျန်းမာရေးကို ဆက်လက်ခြိမ်းခြောက်နေပြီး အသက်အရွယ်မရွေး ထိခိုက်စေနိုင်ပါတယ်။

၂၄ နာရီအချိန်အတွင်း အိပ်ရေးပျက်ခြင်းဟာ ရွေးချယ်လိုက်တဲ့ ရလဒ်တွေမှာ အာရုံကြောတုန့်ပြန်ခြင်းကို ထိခိုက်စေပြီး ဆုံးဖြတ်ချက်ချတဲ့ ဖြစ်စဥ်တွေကို သိသိသာသာ ထိခိုက်စေတယ်လို့ သုတေသီများ တွေ့ရှိခဲ့ပါတယ်။

တစ်ညအတွင်း ၇ နာရီလောက်မျှ မအိပ်ရဘူးဆိုရင် လူတွေရဲ့ ဦးနှောက်အသိဉာဏ် စွမ်းရည်၊ အာရုံစူးစိုက်မှု၊ စွမ်းဆောင်ရည်တွေ ကျဆင်းသွားသလို စိတ်ခံစားချက်ကိုလည်း ထိခိုက်စေပါတယ်။

ကျန်းမာသန်စွမ်းတဲ့လူ ၅၆ ဦးမှာ တစ်ညတာ အိပ်ရေးပျက်ခြင်းကို စမ်းသပ်ရာမှာ အမျိုးမျိုးသော ထွက်ပေါ်ချက်တွေကို ဦးနှောက်က တုန့်ပြန်ရာမှာ သိသိသာသာ ကျဆင်းသွားပြီး တစ်ညတာ အိပ်ရေးပျက်ခြင်းကြောင့် စွန့်စားဆုံးဖြတ်ချက်တွေမှာ အာရုံကြောတုန့်ပြန်မှုတွေကို ထိခိုက်စေပါတယ်။

အာရုံကြောတုန့်ပြန်မှုနဲ့ စွန့်စားမှုလုပ်ရတဲ့ အနေအထားကြား ဆက်စပ်မှုကို ဆိုးရွားစွာ ထိခိုက်စေပါတယ်။

ဒီလေ့လာချက်ရလဒ်တွေက လုံလောက်စွာ အိပ်စက်ရဖို့ ဘယ်လောက်အရေးကြီးကြောင်း၊ အိပ်ရေးပျက်တာမျိုး ကြုံတွေ့ရတဲ့အခါ အရေးကြီးဆုံးဖြတ်ချက်များ မပြုလုပ်ရန် လိုအပ်ကြောင်း ထောက်ပြနေတယ်လို့ ပန်ဆယ်လ်ဗေးနီးယားတက္ကသိုလ်မှ တီယန်ရှင်မောက်က ဖော်ပြခဲ့ပါတယ်။

#World_Health #ညအိပ်ချိန်(၇)နာရီလုံလောက်စွာအိပ်စက်ရ #အရေးကြီးဆုံးဖြတ်ချက် #Source: The Jerusalem Post

ဂျပန်နိုင်ငံမှာ ယခုနှစ် ရာသီဥတုပုံမှန် မဟုတ်တာကြောင့် ပုံမှန်ဆောင်းရာသီထက် ပူနွေးတဲ့ အခြေအနေ ကြုံတွေ့နေရပါတယ်။
#Asia_Climate
Published 11 December 2023
#ဆောင်းရာသီအပူချိန် #ဂျပန်တွင်ကြုံတွေ့နေရ
#Yangon_Times #YMG_News #Yangon_Media_Group

#Daily_News
Published 11 December 2023

၁။ စားအုန်းဆီဈေးပြန်ကျလာပြီး ကျပ် ၅၀၀၀ အောက်ရောက်ရှိကာ ကျပ် ၄၈၁၅ ကျပ်ဖြစ်သွား၊ ပေပါ(၉)ထောင်နီးပါးရောင်းချပေးထားဟုဆို

၂။ တညင်းကုန်းဈေးရှိ ဈေးရုံ (၅) အတွက် ဆိုင်ခန်းလျှောက်ထားသူများနေကာ  လက်ကားရောင်းချသူများကို အဓိကထားနေရာချပေးရန်စီစဉ်နေဟုဆို

၃။ ဒီဇင်ဘာလအတွက် ဆန်အမျိုးအစားအလိုက်ရောင်းရမည့် ဆန်ဈေးနှုန်းများသတ်မှတ်၊ ဧည့်မထတစ်အိတ်အမြင့်ဆုံး၆သောင်း၈ထောင်ဖြင့်သာ ရောင်းမည်

၄။ ပုံမှန်ထက်ပူနွေးသော ဆောင်းရာသီအပူချိန် ဂျပန်တွင်ကြုံတွေ့နေရ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

၁၁ ဒီဇင်ဘာ ၂၀၂၃

မြန်မာနိုင်ငံ အမျိုးသားစည်းလုံးညီညွတ်ရေးနှင့်ငြိမ်းချမ်းရေးဖော်ဆောင်မှု ညှိနှိုင်းရေးကော်မတီနှင့် MNDAA ၊ TNLA ၊ AA အဖွဲ့တို့တရုတ်ပြည်သူ့သမ္မတနိုင်ငံ၏ အကူအညီဖြင့် နိုင်ငံရေးအရဖြေရှင်းနိုင်ရန် တွေ့ဆုံဆွေးနွေးမှုများပြုလုပ်

၁၁-၁၂-၂၀၂၃ ရက်နေ့ ရခိုင်ပြည်နယ်ဗောဓိကုန်းရဲကင်းစခန်း၊ ကရင်ပြည်နယ်ကော့ကရိတ်၊ ကျိုက်ဒုံတို့တွင် ထိတွေ့တိုက်ပွဲ ဖြစ်ပွားမှု အခြေအနေများ

နိုင်ငံတော်ဝန်ကြီးချုပ် လားရှိုးမြို့သို့သွားရောက်ပြီး ယာယီတိုက်ပွဲရှောင် ပြည်သူများနှင့် ပတ်သက်၍ ကူညီပံ့ပိုးမှုများပြုလုပ်ပေး

နေရပ်ဒေသတွင် ပြန်လည်အခြေချနိုင်ရေးလုပ်ငန်းများနှင့် ပတ်သက်၍

နစက သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ် ဇော်မင်းထွန်း၏ ပြောကြားချက်အပြည့်အစုံကို ပြန်လည်ဖော်ပြပေး အပ်ပါတယ်။

Ymg/knl

#Local_News
Published 11 December 2023

အလုပ်အကိုင်အခွင့်အလမ်းများစွာကို ရှာဖွေပေးနေသည့်ပလက်ဖောင်းJobNet.com.mmမှပေးအပ်သည့် ၂၀၂၃ခုနှစ်အတွက် မြန်မာနိုင်ငံတွင်အလုပ်လုပ်ကိုင်ရန်အကောင်းဆုံးကုမ္ပဏီဆုBest Companies to Work(BCIM Award)ကို မြန်မာနည်းပညာကုမ္ပဏီဖြစ်သည့်Global Technologyကုမ္ပဏီမှထပ်မံဆွတ်ခူးရရှိခဲ့ကြောင်း သိရသည်။

ယင်းကဲ့သို့ BCIM Awardအကောင်းဆုံးကုမ္ပဏီဆုကိုရရှိခဲ့ကြောင်းကို JobNet.com.mm၏ websiteတွင်တရား ဝင် ထုတ်ပြန်ကြေညာချက်အရသိရခြင်းဖြစ်သည်။

BCIM Awardဆု အကြောင်းနှင့်ပတ်သက်ပြီး JobNet Group၏MD Mr.Matt Gelucaက ‘‘ BCIM Awardသည် ကုမ္ပဏီများအတွက်အဆင့်များကိုသိမြင်စေရန် မြန်မာနိုင်ငံရှိ အခြားအဖွဲ့အစည်းများနှင့်နှိုင်းယှဉ်၍ စံပြု သတ်မှတ်ပေးသည့်လွတ်လပ်သောပလက်ဖောင်းတစ်ခုဖြစ်ကြောင်း၊ BCIMပရိုဂမ်သည် တရားဝင် အတည်ပြု ပါတနာဖြစ်သည့်Deloitteထံမှထောက်ခံမှုရရှိခဲ့ပြီး စစ်တမ်းရလဒ်များကို Deloitteနှင့် အရည်အချင်းပြည့်မီ သောအကောင်းဆုံး ကုမ္ပဏီများကိုစိစစ်ပေးကြောင်းနဲ့ မြန်မာနိုင်ငံရဲ့ အလုပ်အကိုင် ဈေးကွက်ထဲမှာ ယှဉ်ပြိုင်မှု ပြင်းထန်လာပြီး ကုမ္ပဏီတွေက Brandကို ထိပ်တန်းအဖွဲ့အစည်းတွေထဲကို တတ်နိုင်သမျှအကောင်းဆုံးဆွဲ ဆောင်နိုင်ဖို့ နည်းလမ်းတွေအမြဲရှာဖွေနေပါတယ်’’ဟု ပြောပြထားသည်။

ယခု မြန်မာနိုင်ငံတွင်အလုပ်လုပ်ကိုင်ရန်အကောင်းဆုံးကုမ္ပဏီဆုရရှိခဲ့သည့် အဆိုပါ Global Technology ကုမ္ပဏီသည် ICTနည်းပညာများဖြစ်သည့် မိုဘိုင်းအသံနှင့်ဒေတာဆိုင်ရာ Infrastructureများ၊ Cloud Computing ဝန်ဆောင် မှုများ၊အိုင်တီဝန်ဆောင်မှုများနှင့် နည်းပညာအကြံပေးခြင်းများကို ပူးပေါင်းဆောင်ရွက်နေသည့် ကုမ္ပဏီဖြစ်သည် ဟုဆိုသည်။

ယင်းအပြင် ဒစ်ဂျစ်တယ်စီးပွားရေးစနစ်ဖြစ်ပေါ်စေရန် Infrastructure As a service၊Plattform As a service အပြင် Software As a Serviceများဝန်ဆောင်မှုများ၊မြန်မာနိုင်ငံရှိ ရုပ်သံလိုင်းများကွန်ယက်တည်ဆောက်ခြင်း နှင့် အရည်အသွေးမြှင့်တင်ခြင်းလုပ်ငန်းများကိုဦးဆောင်ဆောင်ရွက်ခြင်းသည့်ကုမ္ပဏီတစ်ခုလည်းဖြစ်သည်။

Global Technologyကုမ္ပဏီ၏Managing Directorဦးမင်းဆွေလှိုင်က ဆုရရှိတာနှင့်ပတ်သက်ပြီး ‘‘ ဒီလိုဆုရရှိ ဖို့ဆိုရင် ကျွန်တော်တို့ အနေနဲ့ Leadership Commitmentရှိမှသာ ကမ္ဘာကျော် ကုမ္ပဏီကြီးတွေနဲ့ယှဉ်ပြိုင် ရယူနိုင်မှာ ခွန်အားတစ်ရပ်ပဲဖြစ်ပါ တယ်။ တစ်ဦးတစ်ယောက်ချင်းတော်လို့ တတ်လို့ဆိုတာထက်အားလုံးရဲ့ ပါဝင်မှု၊ Leadership Skillကောင်းမွန် မှုတွေကြောင့်ရရှိတာဖြစ်တဲ့အတွက် ကုမ္ပဏီမှာရှိနေတဲ့တစ်ဦးချင်းတစ် ယောက်ချင်းစီအတွက် ဂုဏ်ယူပါတယ်”ဟု ပြောကြားခဲ့သည်။

Global Technologyကုမ္ပဏီ၏ Chairmanဦးရှိန်းသူအောင်ကလည်း‘‘အခုလို Best Companies to Work in Myanmar (BCIM Award)ကို ကျွန်တော်တို့Global Technologyကုမ္ပဏီအနေနဲ့ရရှိခဲ့တာဟာ အားလုံးရဲ့ ကြိုးစားအားထုတ်မှု စုပေါင်းအားနဲ့ရတဲ့ Collective Achievementပါပဲ။ ဒီလိုမျိုး ကုမ္ပဏီတွေမှာ အလိုအပ်ဆုံးကတော့ Engagement နဲ့ workplaceကို ကျွန်တော်တို့ဒီလောက်တောင်လုပ်ထားလို့လည်း ဒီလို Engagement နဲ့ပတ်သက်တဲ့ Awardတွေကို ရတာပါ။ဒီ့ထက်လည်း ကျွန်တော်တို့အနေနဲ့ ဒီဟာတွေကို ခြေလှမ်းအနေနဲ့ အားယူပြီးတော့ ဆက်လက်ကြိုးစား ကြရပါမယ်’’ ဟုထည့်သွင်းပြောခဲ့သည်။

Global Technologyကုမ္ပဏီအနေဖြင့် ရှေ့ဆက်ပြီးတော့ဆောင်ရွက်မည့်အကြောင်းများကို Global Technology ကုမ္ပဏီ၏CEOဦးသိန်းသန်းတိုးကလည်း ‘‘ဒီကနေဆက်စပ်ပြီးတော့ Other Digital Transformation Internet System တွေလုပ်နေပါတယ်။ အခုဂါနာနဲ့ ၂၀၂၃ The Latest Technology trend မှာဆိုရင် augmented connected workforceပါပါတယ်။ ခုကျွန်တော်တို့ သွားနေတဲ့ Trendကအဲဒီ့ကို သွားနေတာပါ’’ဟုပြောခဲ့သည်။

BCIM Awardဆုရရှိသည့် Global Technologyကုမ္ပဏီသည်မြန်မာနိုင်ငံ၏ဆက်သွယ်ရေးနည်းပညာသမိုင်းတွင် ကမ္ဘာအနှံ့ရှိနိုင်ငံခြား ဆက်သွယ်ရေးကုမ္ပဏီများနှင့် နည်းပညာဆိုင်ရာဝန်ဆောင်မှုများကို ပထမဆုံး ချိတ်ဆက်ဝန်ဆောင်မှုပေးခဲ့သည့် တစ်ခုတည်းသော မြန်မာနိုင်ငံသားပိုင်ကုမ္ပဏီဖြစ်ကြောင်းနှင့် ယခင် ၂၀၂၀ခုနှစ်နှင့်၂၀၂၂ခုနှစ်အတွက်လည်း အဆိုပါကုမ္ပဏီမှBest Companies to Work(BCIM Award)ဆုများ ရရှိဆွတ်ခူးခဲ့ဖူးကြောင်း သိရသည်။

#Local_News #ကုမ္ပဏီဆုBCIM Award #Global Technologyမှထပ်မံဆွတ်ခူး #tthl #Yangon_Times

#Local_News
Published 11 December 2023

စင်္ကာနိုင်ငံတွင် ရောက်ရှိနေသော မြန်မာအလုပ်သမားများ အနေဖြင့် ပြည်ပနေ မြန်မာနိုင်ငံသားများ အတွက် သက်မှတ်ထားသည့် လစာဝင်ငွေခွန် ပေးဆောင်ထားသည့် အခွန်စာရွက်ပြည်ပနိုင်မှသာ နိုင်ငံကူးလက်မှတ်သက်တမ်းတိုးပေးမည် ဖြစ်ကြောင်း စင်္ကာပူနိုင်ငံဆိုင်ရာ မြန်မာသံရုံးက ဒီဇင်ဘာ ၁၁ ရက်တွင် ထုတ်ပြန်သည်။

ပြည်ပနေ မြန်မာနိုင်ငံသားများ၏ ပြည်ပတွင် ရရှိသည့် လစာဝင်ငွေအပေါ် ၂၀၂၃ ခုနှစ်အောက်တိုဘာ ၁ရက်နေ့မှ စပြီး ၀င်ငွေခွန် ပေးဆောင်ရမည် ဖြစ်ကြောင်း စီမံကိန်းနှင့်ဘဏ္ဍာရေးဝန်ကြီးဌာနမှ နိုဝင်ဘာ ၂၂ရက်က အမိန့်ကြောငြာစာ ထုတ်ပြန်ကြေညာခဲ့သည်။

သို့ဖြစ်၍ စင်္ကာပူ နိုင်ငံရောက် ရှိနေသော မြန်မာနိုင်ငံသားများ အနေဖြင့် ၂၀၂၃ခုနှစ် ဒီဇင်ဘာ ၁၂ရက်မှစပြီး ၀င်ငွေခွန်ပေးဆောင်ရမည် ဖြစ်ပြီး ၂၀၂၃ခုနှစ် အောက်တိုဘာလမှ လာရောက်ဆောင်ရွက်သည့် ကာလအထိ၀င်ငွေခွန် ပေးဆောင်ပြီးမှသာ မြန်မာသံရုံး၊ စင်္ကာပူမြို့တွင်နိုင်ငံကူးလက်မှတ် သက်တမ်းတိုးမြှင့်ခြင်းနှင့်ကောင်စစ်ဆိုင်ရာ ကိစ္စရပ်များ လုပ်ဆောင်ပေးမည်ဖြစ်ကာ အခွန်ကောက်ခံမည့် လစဉ်နှုန်းထားများအား နေထိုင်ခွင့်အမျိုးအစားအပေါ် မူတည်ပြီး သတ်မှတ်နှုန်းထားအပေါ် ၂ရာခိုင်နှုန်းပေးဆောင်ရမည် ဖြစ်ကြောင်း ထုတ်ပြန်ချက် တွင် ဖေါ်ပြထားသည်။

စင်္ကာပူတွင် ကျောင်းလာတတ်သည့် Student pass ကိုင်ဆောင်ထားသျူား အနေဖြင့် လက်ရှိတက်ရောက်နေသည့် ကျောင်း၏ ထောက်ခံစာ စာရွက် တင်ပြလျှင် ၀င်ငွေခွန်ပေးဆောင်ရခြင်း ကင်းလွတ်မည်ဖြစ်ကာ အခွန်ထမ်းဆောင်သူများ\ ဇနီး၊ခင်ပွန်းသို့မဟုတ် သား၊ သမီးများအား အိမ်ထောင်စုစာရင်း၊မွေးစားရင်း ၊လက်ထပ်စာချုပ် တင်ပြနိုင်ကပါက မှီခိုသူအဖြစ် သက်တမ်းတိုးဆောင်ရွက်ပေးမည်ဖြစ်ကြောင်း သိရသည်။

ထို့ပြင်အကြောင်း အမျိုးမျိုးကြောင့် မြန်မာနိုင်ငံသို့ ပြန်မည့်သူများ အနေဖြင့် စင်္ကာပူဆိုင်ရာ မြန်မာသံရုံတွင် လစာ ၀င်ငွေခွန်အပေါ် အခွန်ထမ်းဆောင်ပြီးကြောင်း ထောက်ခံစာ လာရောက်ယူဆောင်ရန် လိုအပ်ကြောင်း သိရသည်။

#Local_News #မြန်မာအလုပ်သမား #နိုင်ငံကူးလက်မှတ်သက်တမ်းတိုးပေး #မြန်မာသံရုံးထုတ်ပြန် #YMG/LW #Yangon_Times

#Local_News
Published-11 December

2023 ယခုဘဏ္ဍာနှစ်ဧပြီလမှ ဒီဇင်ဘာလဆန်းအထိ ပို့ကုန်တင်ပို့မှုမှကန်ဒေါ်လာ ၁၀သန်းခန့် ရရှိထားကြောင်းစီးပွားရေးကူးသန်း ရောင်းဝယ်ရေးဝန်ကြီးဌာန၏ စာရင်းများအရသိရသည်။

ထိုသို့တင်ပို့ရာတွင် လယ်ယာထွက်ကုန်၊တိရိစ္ဆာန်ထွက်၊စက်မှုကုန်ချောနှင့်အခြား ထုတ်ကုန်အပါအဝင် စုစုပေါင်းတင်ပို့မှုမှ ကန်ဒေါ်လာ ၉၆၂၇ဒသမ၈၀၀သန်းအထိရရှိထားကြောင်းသိရသည်။

အဆိုပါကဲ့သို့ ပို့ကုန်များတင်ပို့ရာတွင် နိုင်ငံပိုင်ကဏ္ဍမှ ၂၈၆၉ သန်းကျော်၊ပုဂ္ဂလိကပိုင်ကဏ္ဍမှ ၆၇၅၈သန်းကျော်အထိတင်ပို့နိုင်ခဲ့ပြီး ပြည်ပနိုင်ငံပေါင်း ၁၁၇ နိုင်ငံသို့တင်ပို့ခဲ့ခြင်းဖြစ်ကြောင်း သိရသည်။

အဆိုပါ နိုင်ငံများတွင် ထိုင်း၊ တရုတ်၊ ဂျပန်၊ အိန္ဒိယ၊ အမေရိကန်၊ ဂျာမနီ၊ ပိုလန်၊ တောင်ကိုရီးယား၊ ဗြိတိန်၊ စပိန်၊ ဘယ်လ်ဂျီယံ၊ ဖိလစ်ပိုင်၊ အင်ဒိုနီးရှား၊ မလေးရှားနိုင်ငံများမှ ကုန်စည်အလိုက် ဈေးကွက်ဝယ်လိုအား များပြားသည့် နိုင်ငံများဖြစ်ကြောင်း၊၄အပြင် မတ်ပဲ၊ ဆန်၊ ဆန်ကွဲ၊ ပြောင်း၊ ပဲတီစိမ်း၊ ရော်ဘာ၊ ပဲစင်းငုံ၊ နှမ်း၊ မြေပဲ၊ ကြက်သွန်နီ၊ နနွင်းတက်၊ မန်ကျည်းသီး၊ ချင်းခြောက်၊ ဝဥ၊ ကြက်ဆူစေ့၊ ကော်ဖီစေ့၊ သီဟိုဠ်စေ့၊ ဝါ၊ ပီလောပီနံ၊ ဖရဲ၊ သခွား၊ သရက်၊ တစ်သျှူးငှက်ပျော စသည့် အဓိက လယ်ယာထွက်များ တင်ပို့ခဲ့ကြောင်း သိရသည်။

#Local_News #ကန်ဒေါ်လာသန်း၁၀၀၀ခန့်ရရှိ #YMG/NN #Yangon-Times

နေပြည်တော်က တာဝန်ရှိသူတွေကလာရောက်ပြီး ဆီဆိုင်တွေကိုစီမံခန့်ခွဲပေးတာ၊ ယာဉ်ကြောပိတ်ဆို့တာတွေကိုရှင်းလင်းပေးနေတာတွေကို ဆောင်ရွက်ပေးနေတယ်၊ ဒါ့ကြောင့် စက်သုံးဆီဆိုင်တွေမှာ တန်းစီဝယ်ယူရတာတွေ အရင်လောက်ကားတန်းမရှည်တော့ဘဲ အချိန်တိုအတွင်းဝယ်ယူနိုင်တာပါ၊ ဒီဇယ်အပြင်ဓာတ်ဆီတွေပါဝယ်ယူနိုင်ပါတယ်။'
#Local_News
Published 11 December 2023
#ရန်ကုန်စက်သုံးဆီဆိုင် #အချိန်တိုအတွင်းဝယ်ယူနိုင်
#YMG/NN #Yangon-Times

"နယ်ဘက်မှာဆိုင်ကယ်ဆီတွေကလိုတော့ ဆီဈေးကွက်မှာ ပုံမှန်ဓာတ်ဆီ၊ ဒီဇယ်ဆီဈေးဟာ တစ်လီတာကျပ်နှစ်ထောင်ကျော် လောက်သာရှိပေမယ့် မှောင်ခိုဈေးကွက်မှာတော့ ကျပ်လေးထောင်ကျော်မှ ငါးထောင်အထိ ပေါက်နေသလို မဝယ်မဖြစ်တဲ့သူတွေက ဝယ်နေရတယ်"မော်လမြိုင်အခြေစိုက်လူမှုကူညီရေးမှ တာဝန်ရှိသူတစ်ဦး
#Local_News
Published 11 December 2023
#မှောင်ခိုဆီဈေးကွက် #ဈေးနှစ်ဆပေးဝယ်နေရ
#tthl #Yangon_Times

‘ဧည့်မထအုပ်စုမှာ အနည်းဆုံး၆၀,၀၀၀ မှ အများဆုံးကျပ်၆၈,၀၀၀အထိ၊ ဧရာမင်း၊ ဧရာပဒေသာ၊ အထူးဧည့်မထအုပ်စု ကျပ် ၆၈,၀၀၀ မှကျပ် ၉၅,၀၀၀ထိ။ ဧရာဝတီပေါ်ဆန်းအုပ်စုကတော့ ၈၀,၀၀၀ မှကျပ် ၉၀,၀၀၀ ထိ၊‌ ရွှေဘို ပေါ်ဆန်းက ၉၀,၀၀၀ မှ ၉၅,၀၀၀ သတ်မှတ်ထားပါတယ်။ လက်လီ၊ လက်ကားဈေးကွက်အတွင်း ရောင်းချမှုအတွက် ဈေးနှုန်း ၅ရာခိုင်နှုန်းက‌နေ ၁၀ရာခိုင်နှုန်းအထိ ကွာဟနိုင်သလို စူပါမားကတ်နဲ့၊ မီနီမတ်တွေမှာ Coustomer Packaging နဲ့ Modern Trade ရောင်းချမှုတွေအတွက်ဈေးနှုန်း ၁၀ ရာခိုင်နှုန်းက‌နေ၂၀ ရာခိုင်နှုန်းအထိ
ကွာဟနိုင်တယ်’ မြန်မာနိုင်ငံဆန်စပါးအသင်းချုပ်
#Local_News
Published 11 December 2023
#မြန်မာနိုင်ငံဆန်စပါးအသင်းချုပ် #လက်လီ၊လက်ကားဈေးကွက်
#YMG/ NN #Yangon_Times

"ဒီဇင်ဘာလ ၁၁ ရက်မှ ၁၇ ရက်အထိ စားအုန်းဆီ အခြေခံလက်ကားရည်ညွှန်းဈေးနှုန်းတစ်ပိဿာကျပ် ၄၈၁၅ကျပ်နဲ့ ရောင်းချသွားမှာဖြစ်ပြီး ရန်ကုန်တိုင်းအတွက် စားအုန်းဆီ ၂၉၆၇ ပေပါ၊ နေပြည်တော်အပါ အဝင်ပြည်နယ်နဲ့တိုင်းဒေသကြီးအသီးသီးအတွက် စားအုန်းဆီ ၆၂၄၀ ပေပါကို မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းရဲ့စီစဉ်မှုနဲ့ ဆီကုမ္ပဏီတွေက ရောင်းချပေးထားတယ်"မြန်မာနိုင်ငံဆီကုန်သည်နှင့်ဆီလုပ်ငန်းရှင်များအသင်း
#Local_News
Published 11 December 2023
#စားအုန်းဆီဈေးပြန်ကျ #ဆီလုပ်ငန်းရှင်
#tthl #Yangon_Times

#Local_News
Published 11 December 2023

မြန်မာနိုင်ငံအနေဖြင့် ၂၀၂၂-၂၀၂၃ခုနှစ် အောက်တိုဘာလအထိ ထိုင်းနိုင်ငံသို့ စေလွှတ်ခဲ့သည့် MOU အလုပ်သမားများ အပါအ၀င် ထိုင်းနိုင်ငံအတွင်းရောက်ရှိနေပြီး တရားဝင်အထောက်အထားပြုလုပ်နိုင်ရန်အတွက် ထုတ်ပေးသည့် မည်သူမည်ဝါဖြစ်ကြောင်း ထောက်ခံစာ(CI)ကတ် လျှောက်ထားမှုနှင့် ထုတ်ပေးထားသည့် အရေအတွက်မှာ ၂ဒသမ ၅သန်း ခန့် ရှိကြောင်း အလုပ်သမားဝန်ကြီးဌာန၏ ထုတ်ပြန်ချက်အရ သိရသည်။

ထိုင်းနိုင်ငံသို့ စေလွှတ်ခဲ့သည့် အလုပ်သမားနှင့် CI ထုတ်ပေးမှုအရေအတွက်မှာ (၁.၁) သန်း၊ MoU လူသစ်သည် (၀.၄၄) သန်း၊ MoU လူဟောင်း (၀.၁၆)သန်း၊ စုစုပေါင်း (၁.၇) သန်းအပြင် လက်တလောတွင် CI ထပ်ဆောင်ရွက်ရန် (၈) သိန်းကျော်ရှိကြောင်း သိရသဖြင့် စုစုပေါင်း (၂.၅) သန်း ခန့်မှန်းထားကြောင်း သိရသည်။

ထို့ပြင် မြန်မာရွေ့ပြောင်းအလုပ်သမားများအား အလုပ်ရှင်များက လုပ်အားခေါင်းပုံဖြတ်ခြင်းကို ကာကွယ်ရှောက်ပေးရန်၊ သက်ဆိုင်ရာနိုင်ငံ၏ဥပဒေပါအတိုင်း အကျိုးခံစားခွင့်များရရှိအောင် ဆောင်ရွက်ပေးရန်နှင့် အလုပ်သမားရေးရာပြဿနာများကို အချိန်နှင့်တပြေးညီ ညှိနှိုင်းဆောင်ရွက်ပေးနိုင်ရန်အတွက် ပြည်ပတွင်အလုပ်လုပ်ကိုင်မှုကြီးကြပ်ရေးကော်မတီ၏ ကြီးကြပ်မှုဖြင့် ၂၀၁၁ ခုနှစ်မှစ၍ အလုပ်သမားသံအရာရှိတစ်ဦးကိုခန့်ထားဆောင်ရွက်ခဲ့ကြောင်း သိရသည်။

လက်ရှိတွင် အလုပ်သမားအရေအတွက်များပြားလာခြင်းနှင့် အလုပ်သမားရေးရာ ပြဿနာရပ်များကို ပိုမိုထိရောက်စွာ ဖြေရှင်းဆောင်ရွက်နိုင်ရန်အတွက် အလုပ်သမားဝန်ကြီးဌာနမှ အလုပ်သမားသံအရာရှိ (၅) ဦးကို တာဝန်ပေးစေလွှတ်ခဲ့ကာ MoU U-turn လုပ်ငန်းစဉ်နှင့် အခြားလုပ်ငန်းလိုအပ်ချက်များအရ ၂၀၂၃ ခုနှစ်၊ အောက်တိုဘာလတွင် ညွှန်ကြားရေးမှူးအဆင့် အရာထမ်း (၁) ဦးအား အလုပ်သမား သံအရာရှိအဖြစ် ထိုင်းနိုင်ငံသို့ ထပ်မံစေလွှတ်တာဝန်ပေးအပ်ခဲ့ပြီး ဦးစီးအရာရှိအဆင့် အလုပ် သမားသံအရာရှိ(၁) ဦးကိုလည်း ထပ်မံသက်တမ်းတိုး တာဝန်ပေးအပ်ခဲ့ကြောင်း သိရသည်။

#Local_News #CIထုတ်ပေးမှု #မြန်မာအလုပ်သမား၂ဒသမ၅သန်းခန့်ရှိ #YMG/LW #Yangon_Times