#Local_News
Published_ 22 February 2023
ကချင်ပြည်နယ်ဝိုင်းမော်မြို့နယ်အတွင်း တည်ရှိသော "ကန်ပိုက်တီ"မြို့၏ အမည်နာမ မှာ ကောင်းသော နိမိတ်မရှိဟုဆိုကာ "ကံပိုင်တည်" ဟု ပြောင်းလဲကြောင်း ပြည်ထဲရေးဝန်ကြီးဌာနက ဖေဖော်ဝါရီ(၁၄) ရက်စွဲပါ အမိန့်ကြော်ငြာစာအမှတ်(၁၁၀/၂၀၂၃)ဖြင့် အမည်ပြောင်းလဲ ပြင်ဆင်ဖွဲ့စည်းကြောင်း ထုတ်ပြန်ထားသည်။
တရုတ်ဘာသာစကားဖြင့် အဓိပ္ပာယ်ဖွင့်ဆိုရာတွင် “ကန်းပိုင်တီ”၊ “ကန်း=ခြောက်သွေ့ခြင်း၊ ပိုင်= ပျက်စီးခြင်း၊ တီ=နေရာ”ဟု အဓိပ္ပာယ်ဖွင့်ဆိုထားသဖြင့် မြန်မာစာလုံးပေါင်း သတ်ပုံကျမ်း ပါ “ကံ=ကံကောင်းခြင်း၊ ပိုင်= ပြည်ထောင်စုကပိုင်ဆိုင်ခြင်း၊ တည်=တည်ငြိမ်ခြင်း၊ တည်တံ့ ခြင်း၊ တည်ရှိခြင်း”ဟူသော ကျက်သရေမင်္ဂလာအဖြာဖြာနှင့် ပြည့်စုံသည့် “ကံပိုင်တည်” ဟူသော အမည်ကို မြန်မာနိုင်ငံတစ်ဝန်းတစ်ပြေးညီသုံးစွဲနိုင်စေရန် အမည်ပြောင်းလဲ ပြင်ဆင်ခဲ့ခြင်းဖြစ်ကြောင်း သိရသည်။
အဆိုပါအမည်ကို ပြောင်းလဲရန် မြို့နေပြည်သူလူထုများ၊ မြို့မိမြို့ဖများ၏ သဘောထားဖြင့် ကချင်အထူး ဒေသ(၁) ထာဝရငြိမ်းချမ်းရေးအဖွဲ့ချုပ်ဥက္ကဋ္ဌ ဦးဇခုန်တိန့်ယိန်း က ကချင်ပြည်နယ် အစိုးရအဖွဲ့ ဝန်ကြီးချုပ်၏ သဘောထား ထောက်ခံချက်ဖြင့် နိုင်ငံတော်စီမံအုပ်ချုပ်ရေးကောင်စီရုံးသို့ တင်ပြခဲ့ခြင်းဖြစ်ကြောင်း သိရသည်။
ကန်ပိုက်တီမြို့သည် ယခင်က ဝိုင်းမော်မြို့နယ်၊ ဝေါ့ချုံးကျေးရွာ အုပ်စုအတွင်းပါဝင်သော ကျေးရွာငယ်တစ်ခုဖြစ်ခဲ့ပြီး ပင်လယ်ရေမျက်နှာပြင် အထက် ၆၅၃၄ ပေတွင် တည်ရှိကာ မြို့ဧရိယာမှာ ၂၀၈ ဒသမ ၅၉ စတုရန်းမိုင် ကျယ်ဝန်းကြောင်း ၊ တရုတ်ပြည်သူ့သမ္မတနိုင်ငံနှင့် နယ်နိမိတ်ချင်းထိစပ်နေသော နယ်စပ်မြို့တစ်မြို့ဖြစ်ကြောင်း သိရသည်။
ကချင်ပြည်နယ်၊ မြစ်ကြီးနားခရိုင်၊ ဝိုင်းမော်မြို့နယ်အတွင်းရှိ “ကန်ပိုက်တီ”မြို့ကို ပြည်ထဲရေး ဝန်ကြီးဌာန၏ ၂၀၁၁ ခုနှစ်၊ ဇန်နဝါရီ ၁၂ ရက်စွဲပါ အမိန့်ကြော်ငြာစာဖြင့် ရပ်ကွက်သုံးရပ်ကွက်ဖြင့် ဖွဲ့စည်းခဲ့ပြီး မြို့တစ်မြို့၊ ရပ်ကွက် သုံးရပ်ကွက်၊ ကျေးရွာအုပ်စုသုံးအုပ်စု၊ ကျေးရွာ ၃၀ တို့ဖြင့် ကန်ပိုက်တီမြို့နယ်ခွဲအဖြစ် စတင်ဖွဲ့စည်းခဲ့ကြောင်း ကန်ပိုက်တီ နှင့်ပတ်သက်သော မှတ်တမ်းများတွင် ဖော်ပြထားသည်။
ယင်းအပြင် ၂၀၀၈ ခုနှစ်၊ ဖွဲ့စည်းပုံအခြေခံဥပဒေ ပုဒ်မ ၅၁ ပါ ပြဋ္ဌာန်းချက်နှင့်အညီ ဖြစ်စေရန် မြို့နယ်ခွဲ စကားရပ်ကို ပယ်ဖျက်၍ ပြည်ထဲရေးဝန်ကြီးဌာနမှ ၂၀၁၄ ခုနှစ်၊ မေလ ၂၂ ရက်တွင် “မြို့”အဖြစ် ပြင်ဆင်ဖွဲ့စည်းခဲ့သဖြင့် “ကန်ပိုက်တီမြို့”အဖြစ်တည်ရှိလာခဲ့ခြင်း ဖြစ်သည်။
#ymg/ynzw #ကန်ပိုက်တီ#ကံပိုင်တည်#ဝိုင်းမော်
#YMG #Yangon_Media_Group
- Category: Myanmar
- Hits: 344
#Local_News
Publushed-22 February 2023
ရန်ကုန်တိုင်းဒေသကြီး၊ ခရမ်းမြို့နယ်၊ (၁၂)ရပ်ကွက်၊ ဦးညီလှလမ်းတွင် အဆောက်အဦဆောက်လုပ်ရန်အုတ်မြစ်ချနေစဉ် မြေပြိုကျမှုဖြစ်ပွားခဲ့သောကြောင့် အမျိုးသား နှစ်ဦးထိခိုက်ဒဏ်ရာရရှိခဲ့ကြကြောင်း သိရသည်။
ယနေ့ ဖေဖော်ဝါရီလ ၂၂ ရက် နံနက် ၉ နာရီ ၂၅ မိနစ်ခန့် အချိန်က မြေပြိုကျမှု ဖြစ်စဉ်သတင်းရရှိသဖြင့် ခရမ်းမြို့နယ်မီးသတ်စခန်းမှ ရှာဖွေကယ်ဆယ်ရေးယာဉ်(၁)စီးဖြင့် ရှာဖွေကယ်ဆယ်ရေးလုပ်ငန်းများ ဆောင်ရွက်ခဲ့ကြကြောင်း သိရသည်။
ယင်းနောက် ထိခိုက်ဒဏ်ရာရသော အမျိုးသား ၂ ဦးအား ခရမ်းကြက်ခြေနီအသင်းမှယာဉ်ဖြင့် ခရမ်းမြို့နယ်ပြည်သူ့ဆေးရုံသို့ ပို့ဆောင်ထားကြကြောင်းနှင့် ဒဏ်ရာများမှာ မစိုးရိမ်ရကြောင်း သိရသည်။
#ymg/mt#ခရမ်းမြို့#မြေပြိုကျမှုဖြစ်ပွား
#Yangon_Media_Group#YMG
- Category: Myanmar
- Hits: 280
#World_Health
Published 22 February 2023
ဆောင်းရာသီဝင်လာတာနဲ့ ပိုပြီးအိပ်ချင်စိတ်ရှိလာတာဟာ သင်ပျင်းရိလို့မဟုတ်ပါဘူး။
လူတွေသတိမထားမိတာက ချမ်းအေးတဲ့လတွေမှာ အိပ်ချိန်ပိုမိုလိုအပ်တာသာ ဖြစ်ပါတယ်။
REM အိပ်စက်ခြင်းက အလင်းရောင်ပြောင်းလဲခြင်းနဲ့ဆိုင်ပြီး ဆောင်းတွင်းမှာ မိနစ် ၃၀ ခန့် ပိုမိုကြာရှည်တတ်ပါတယ်။
ဒီတွေ့ရှိချက်တွေကို ကျန်းမာရေးနဲ့ညီညွတ်အောင် အလိုက်သင့်ပြောင်းလဲနိုင်ပါတယ်။
သိပ္ပံပညာရှင်များအဖွဲ့က လူနာ ၂၉၂ ဦးမှာ အိပ်စက်ခြင်းဆိုင်ရာ လေ့လာချက်များ ပြုလုပ်ခဲ့ပါတယ်။
သူတို့ရဲ့အိပ်ချိန်၊ အိပ်ခြင်းပုံစံတို့ကို ကြည့်ရှုစစ်ဆေးရန်အတွက် အချက်ပေးသံမပေးဘဲ ဓာတ်ခွဲခန်းထဲမှာ အိပ်စက်စေခဲ့ပါတယ်။
ရာသီဥတုပြောင်းလဲခြင်းက သတ္တဝါအားလုံးပေါ် သက်ရောက်နေကာ ဆောင်းတွင်းမှာ လူတွေက မပြောင်းလဲဘဲ ဆက်လက်လုပ်ဆောင်ကြပေမယ့် ခန္ဓာကိုယ်တွင်းဖြစ်စဉ်တွေကတော့ နှေးကွေးကုန်ကြပါတယ်။
ယေဘုယျအားဖြင့် လူတွေက အိပ်စက်ခြင်းကြာချိန်၊ အလုပ်လုပ်ချိန်တို့ကိုပါ အလိုက်သင့်ပြောင်းလဲသင့်တယ်လို့ အကြံပြုခဲ့ကြပါတယ်။
#Source: WION
#Yangon_Media_Group
#World_Health
#YMG
- Category: World
- Hits: 336
Published 22 Feb 2023
ရုရှားအနေနှင့် အမေရိကန်ပြည်ထောင်စုနှင့် နောက်ဆုံးလက်ကျန် နျူကလီးယား သဘောတူစာချုပ်မှာ ပါဝင်တော့မှာ မဟုတ်ဘူးလို့ သမ္မတဗလက်ဒီမာ ပူတင်က အင်္ဂါနေ့က ကြေညာခဲ့ပါတယ်။ ရုရှားပါလီမာန်ကို ပြောကြားတဲ့ သူ့ရဲ့ မိန့်ခွန်းမှာ ပူတင်က ရုရှားဟာ အဆိုပါစာချုပ် New Start Treaty ကနေ ထွက်မှာမဟုတ်ပေမယ့် ယာယီအားဖြင့်တော့ ပါဝင်မှုဆိုင်းငံ့မယ်လို့ ပြောခဲ့ပါတယ်။
ရုရှားနှင့် အမေရိကန်တို့ဟာ တစ်နိင်ငံနှင့်တစ်နိုင်ငံ ပြိုင်ဘက်တွေလိုမမြင်ခဲ့ကြတဲ့ ယခုအခြေအနေနှင့် လုံးဝခြားနားတဲ့ အခြေအနေမှာ စာချုပ်ကို သဘောတူခဲ့ကြတာဖြစ်တယ်လို့လည်း ပူတင်ကရှင်းပြခဲ့ပါတယ်။
ဒါပေမယ့် ယခုအခါမှာ အမေရိကန်ဟာ ရုရှားကို ရာဇသံပေးရုံတင်မကဘဲ နေတိုးကိုယ်တိုင်က စာချုပ်ရဲ့ အစိတ်အပိုင်းအဖြစ် ပါဝင်ဖို့ လျှောက်ခဲ့တယ်လို့ သူကပြောပါတယ်။
နိုင်ငံတော်ကိုပြောကြားတဲ့ သူ့ရဲ့မိန့်ခွန်းမှာ အမေရိကန်ကသာ နျူကလီးယားစမ်းသပ်မှုလုပ်လာရင် ရုရှားအနေနှင့် နျူကလီးယားစမ်းသပ်မှုတွေပြန်လုပ်ဖို့ အဆင်သင့်ပဲလို့လည်း ပူတင်က သတိပေးပါတယ်။ ဒီလိုသာဆိုရင် စစ်အေးကာလ ကရှိခဲ့တဲ့ နျူကလီးယားစမ်းသပ်မှုတွေကိုပိတ်ပင်ခဲ့တာတွေ အဆုံးသတ်သွားပါလိမ့်မယ်။
New START စာချုပ်ပါလိုက်နာရမယ့်အချက်တွေကို သူဒီလိုဆိုင်းငံ့လိုက်ရတာတွေကို ပူတင်ကရှင်းပြရင်းနှင့် အမေရိကန်နှင့်သူ့မဟာမိတ်နေတိုး တို့ဟာ ယူကရိန်းမှာ ရုရှားတို့ရှုံးရမယ်ဆိုတဲ့ ရည်မှန်းချက်ကို ပြောင်ဖွင့်ပြောလာကြ တယ်လို့လည်း စွပ်စွဲလိုက်ပါတယ်။
“ သူတို့ဟာ ကျွန်တော်တို့အပေါ်မှာ မဟာဗျူဟာမြောက် အောင်နိုင်အောင်နှင့် တစ်ပြိုင်တည်းမှာပဲ ကျွန်တော်တို့ရဲ့ နျူကလီးယား အဆောက်အအုံကိုပါ ကြိုးစားလာတယ်” လို့ပူတင်ကပြောပါတယ်။
“ယခုစာချုပ်အရ အမေရိကန်ဟာ ရုရှားရဲ့ နျူကလီးယားအဆောက်အအုံကို စစ်ဆေးမှုတွေပြန်စဖို့ တွန်းအားပေးခဲ့တယ်။ နျူကလီးယားစွမ်းဆောင်နိုင်တဲ့ မဟာဗျူဟာမြောက်ဗုံးကြဲလေယာဉ်တွေအခြေစိုက်တဲ့ ရုရှားလေကြောင်းအခြေစိုက် စခန်းတွေကို ယူကရိန်းက ဒရုန်းတွေနှင့်တိုက်ခတ်နိုင်အောင် နေတိုးမဟာမိတ်တွေကလည်း ကူညီပေးခဲ့ကြတယ်”လို့ ပူတင်က ပြောပါတယ်။
အဲဒီအတွက်သုံးမယ့် ဒရုန်းတွေကို ခေတ်မီကိရိယာတွေတပ်ဆင်ရာမှာ နေတိုးရဲ့ ကျွမ်းကျင်သူတွေ ကူညီပေးခဲ့ကြတယ် လို့လည်း ပူတင်ကပြောပါတယ်။ “ အခု သူတို့က ကျွန်တော်တို့ရဲ့ ကာကွယ်ရေးအဆောက်အအုံတွေကို စစ်ဆေးချင်ကြတယ်။ ယနေ့ထိပ်တိုက်ရင်ဆိုင်မှုအခြေအနေမျိုးမှာ ဒါကြီးက အတော့်ကို အဓိပ္ပါယ်မရှိတာပဲ” လို့ ပူတင်က ပြောပါတယ်။
Source: india.com
# New_Start_Treaty
#Russia_US
#ရုရှား-အမေရိကန်_နျူကလီးယားစာချုပ်
- Category: World
- Hits: 332
#Local_News
Publushed-22 February 2023
မန္တလေးတိုင်းဒေသကြီး၊ ပုသိမ်ကြီးမြို့နယ် အထည်ဂိုဒေါင်၌ ဖေဖော်ဝါရီလ ၂၁ ရက်ညပိုင်းက မီးလောင်မှုဖြစ်ပွားခဲ့သောကြောင့် Level 2 အဆင့်ဖြင့် ငြှိမ်းသတ်ခဲ့ရကြောင်း မြန်မာနိုင်ငံမီးသတ်တပ်ဖွဲ့က သိရသည်။
အဆိုပါ အထည်ဂိုဒေါင်မှာ ပုသိမ်ကြီးမြို့နယ်၊ နန္ဒာတောင်၊ ရွှေကျင်ကွက်သစ်မြောက်ဘက်တွင် တည်ရှိပြီး မီးလောင်မှုဖြစ်ပွားရာနေရာသို့ မီးသတ်တပ်ဖွဲ့ဝင်များနှင့် မြန်မာနိုင်ငံလူမှုကယ်ဆယ်ရေးအဖွဲ့ဝင်များထွက်ခွာ၍ Level 1 အဆင့်ဖြင့် စတင် ငြှိမ်းငြိမ်းသတ်ခဲ့ကြောင်း၊ မီးလောင်မှု များလာသောကြောင့် Level 2 အဆင့်ဖြင့် ထပ်မံငြှိမ်းသတ်ခဲ့ရကြောင်းလည်း သိရသည်။
ယင်းမီးငြိမ်းရာတွင် ပါဝင်ဆောင်ရွက်ခဲ့သူ အချို့အသေးစားထိခိုက်ဒဏ်ရာရရှိခဲ့ကြောင်းလည်း လူမှုကယ်ဆယ်ရေးအသင်းဝင်တစ်ဦးက ပြောသည်။
#ymg/mt
#Myanmar_Fire
#ပုသိမ်ကြီး
#Yangon_Media _Group
#YMG
- Category: Myanmar
- Hits: 236
#World_Politics
Published 21 February 2023
အမေရိကန်သမ္မတ'ဂျိုးဘိုင်ဒင်'က ယူကရိန်းနဲ့အတူ အဆုံးအထိရပ်တည်သွားမှာဖြစ်ကြောင်း ပြသတဲ့အနေနဲ့ ကိဗ်မြို့တော်အလယ်မှာ လမ်းလျှောက်ဖြတ်သန်းခဲ့ပါတယ်။
နောက်တစ်ရက်အကြာမှာတော့ ရုရှားသမ္မတ'ဗလာဒီမာပူတင်'က ယူကရိန်းကိုကျူးကျော်တာ တစ်နှစ်ပြည့်တဲ့အနေနဲ့ရည်ရွယ်ပြီး မိန့်ခွန်းပြောကြားမှာဖြစ်ပါတယ်။
ဘိုင်ဒင်က ကိဗ်သို့ရုတ်တရက်လည်ပတ်ခဲ့ပြီးနောက် ပိုလန်သို့ထွက်ခွာသွားကာ ယူကရိန်းကိုကူညီဖို့ အမေရိကန်က ကမ္ဘာကိုဘယ်လိုစည်းရုံးပေးနေကြောင်း၊ နေတိုးအရှေ့ဘက်ခြမ်းကို အမေရိကန်က ဘယ်လိုထောက်ပံ့ပေးနေကြောင်း အင်္ဂါနေ့မှာ မိန့်ခွန်းပြောကြားမှာဖြစ်ပါတယ်။
တနင်္လာနေ့နံနက်ပိုင်းက ဘိုင်ဒင်နဲ့ ယူကရိန်းသမ္မတ'ဗိုလိုဒီမီယာဇယ်လန်စကီ'တို့ ကိဗ်မြို့တော်ရှိ ဘုရားကျောင်းသို့ အတူလမ်းလျှောက်သွားခဲ့ပါတယ်။
"လွန်ခဲ့တဲ့ ၁ နှစ်နီးပါးခန့် ယူကရိန်းကို ပူတင်ကျူးကျော်စဉ်က ယူကရိန်းဟာ အင်အားနည်းပြီး အနောက်တိုင်းနဲ့ ကွဲထွက်နေတယ်လို့ ယူဆပြီး အနိုင်ပိုင်းနိုင်မယ်လို့ ထင်ခဲ့ပါတယ်၊ ဒါပေမဲ့ သူလုံးဝမှားသွားခဲ့တယ်၊ ယူကရိန်းအတွက် ပေးဆပ်စရာအလွန်များပြားပါတယ်၊ စတေးခဲ့ရတာတွေ အများကြီးပါ၊ ရှေ့မှာလည်း နောက်ထပ်ခက်ခဲဦးမယ့် နှစ်တွေလတွေ ရှိပါသေးတယ်" လို့ ပြောကြားသွားပါတယ်။
ဘုရားကျောင်းအပြင်ဘက်မှာတော့ ရုရှားဘက်က ကျဆုံးခဲ့တဲ့ တင့်ကားတွေလောင်ကျွမ်းပျက်စီးနေပုံကို မြင်တွေ့ရပါတယ်။
ရုရှားတို့ကျူးကျော်ချိန်ကတည်းကစပြီး နှစ်ဘက်စလုံးမှ လူပေါင်းသောင်းချီသေဆုံးထားကာ မြို့များပျက်စီးကြေမွသွားပြီး လူသန်းပေါင်းများစွာ စွန့်ခွာထွက်ပြေးကြရပါတယ်။
ရုရှားတို့က ယူကရိန်းနိုင်ငံရဲ့ ၅ ပုံ ၁ ပုံနီးပါးကို သိမ်းပိုက်ထားတယ်လို့ ထုတ်ပြန်ထားကာ အနောက်နိုင်ငံက ယူကရိန်းစစ်ရေးအတွက် ဒေါ်လာဘီလီယံနဲ့ချီ ကူညီထောက်ပံ့ပေးထားပါတယ်။
၁၅ နှစ်အတွင်း ဒီကို အမေရိကန်သမ္မတ လာရောက်လည်ပတ်တာဟာ ပထမဆုံးဖြစ်ပြီး အမေရိကန်-ယူကရိန်းဆက်ဆံရေးသမိုင်းမှာ အရေးကြီးဆုံးဖြစ်ကြောင်း ဇယ်လန်စကီက ဆိုပါတယ်။
ဘိုင်ဒင်ရောက်နေစဉ် ကိဗ်ကိုတိုက်ခိုက်လာတာမျိုး မဖြစ်စေရန် ဘိုင်ဒင်မထွက်ခွာခင်မှာ ရုရှားကိုအသိပေးခဲ့ကြောင်း အမေရိကန်နဲ့ရုရှားမှ အရာရှိများက ပြောကြားခဲ့ကြပါတယ်။
ပူတင်ကတော့ အင်္ဂါနေ့မှာ ရုရှားစစ်ရေးနဲ့ ယူကရိန်းပဋိပက္ခအကြောင်း ပြင်ဆင်မွမ်းမံမှုများကို လွှတ်တော်နှစ်ရပ်လုံးရှေ့မှာ မိန့်ခွန်းပြောကြားမှာဖြစ်ပါတယ်။
Source: Reuters
#Yangon_Media_Group
#Ukraine
#Putin
#JoeBiden
#YMG
- Category: World
- Hits: 185
#World_Health
Published 22 February 2023
ဘဝမှာပျော်ရွှင်မှုရရှိဖို့အတွက် ပိုက်ဆံနဲ့ အောင်မြင်မှုဆိုတာထက် မိတ်ဆွေအပေါင်းအသင်း ဆက်ဆံရေးကောင်းမွန်ဖို့က အများကြီးပိုအရေးကြီးကြောင်း ဟားဗတ်ဒ်တက္ကသိုလ်မှ လေ့လာတွေ့ရှိထားပါတယ်။
ပေါင်းသင်းဆက်ဆံရေးကောင်းခြင်းက ဘဝမှာပျော်ရွှင်မှုပေးနိုင်ရုံမက စိတ်နဲ့ခန္ဓာကိုလည်း ကျန်းမာစေကြောင်း စိတ်ရောဂါပညာရှင် 'ရောဘတ်ဂျေဝယ်ဒင်ဂါ'က Daily Mail ကို ပြောကြားခဲ့ပါတယ်။
၂၀၁၀ လေ့လာချက်အရ အပေါင်းအသင်းဝင်ဆံ့သူတွေဟာ အသက်ရှင်နိုင်စွမ်း ၅၀ ရာခိုင်နှုန်းပိုများကြောင်း တွေ့ရပါတယ်။
ဒါ့အပြင် အခြားလူတွေအတွက် အချိန်မပေးတဲ့လူတွေဟာ အထီးကျန်ပြီး မပျော်မရွှင်ဖြစ်ကြရပါတယ်။သင့်ကိုကူညီထောက်ပံ့သူတွေနဲ့ သင်က ကူညီထောက်ပံ့ပေးတဲ့သူတွေကို မှတ်သားထားကာ ထိုကနေ လေ့လာသင်ယူခြင်း၊ နီးစပ်စေခြင်း၊
ယုံကြည်မှုရှိခြင်း၊ စိတ်ပျော်ရွှင်ကျေနပ်ခြင်းတို့ ခံစားရစေပါတယ်။
ပျော်ရွှင်ရခြင်းက ဘဝရည်မှန်းချက်မဟုတ်ပေမယ့် ခက်ခဲတဲ့အချိန်များကို အတူတကွဖြတ်သန်းရင်း ရရှိတာမျိုးဖြစ်ပါတယ်။
ကောင်းမွန်တဲ့ဘဝဆိုတာ ပျော်ရွှင်ရသလို အခက်အခဲတွေလည်း ရှိစမြဲဖြစ်ပြီး ကိုယ်ဖြစ်ချင်သလို ဖြစ်လေ့မရှိပါဘူး။
ဘယ်လိုပဲဘဝမှာ ပျော်ရွှင်ကောင်းမွန်သည်ဖြစ်ပါစေ နောက်ဆုံးတော့ သေခြင်းတရားနဲ့ ရင်ဆိုင်ရမှာပါပဲ။
တွေ့ကြုံခဲ့ရတာကနေ သင်ခန်းစာယူပြီး နောက်တစ်ကြိမ်မှာ အောင်မြင်အောင် ကြိုးစားရပါမယ်။
သင့်ရဲ့ငယ်ဘဝနဲ့ သဘာဝပတ်ဝန်းကျင် အခြေအနေတွေက သင့်ရဲ့ကံကြမ္မာမဟုတ်သလို နေထိုင်ကြီးပြင်းရာကလည်း ဘဝကြီးမဟုတ်ပါဘူး။
#Source: The Jerusalem Post
#Health
#Yangon_Media_Group
#YMG
- Category: World
- Hits: 355
#Local_News
Published_ 21 February 2023
မန္တလေးတိုင်းဒေသကြီး ချမ်းအေးသာဇံမြို့နယ်မှာ မနေ့ည ၈ နာရီခွဲဝန်းကျင်က ဆေးလိပ်တိုစည်းကမ်းမဲ့ထားရာကနေ မီးလောင်မှုဖြစ်ပွားခဲ့တယ်လို့ မြန်မာနိုင်ငံလူမှုကယ်ဆယ်ရေးအသင်း (မန္တလေး)က နေသိရပါတယ်။
#Yangon_Media_Group
#Crime
#Myanmar_Fire
#YMG
- Category: Myanmar
- Hits: 258
#World_Society
Published 21 February 2023
၁၉၇၀ ပြည့်နှစ်တွေကစပြီး ဂျပန်မှာ ကလေးယူနှုန်းလျှော့ချလိုက်ခြင်းဟာ အခုဆိုရင်လုပ်ငန်းရှင်တွေအတွက် ဝန်ထမ်းအင်အားရှားပါးလာပြီဖြစ်ပါတယ်။
#Yangon_Media_Group
#World_News
- Category: World
- Hits: 321
#Local_News
Published_ 21 February 2023
ပြည်ပကနေ လျှပ်စစ်သုံးယာဉ်များ တင်သွင်းလိုသူတွေအတွက် လိုက်နာရမယ့် စည်းကမ်းချက်တွေကို စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ထုတ်ပြန်လိုက်တယ်လို့ သိရပါတယ်၊၊
- Category: Myanmar
- Hits: 269
#Local_News
Published_ 21 February 2023
ဖေဖော်ဝါရီလ ၂၁ ရက်မနက်ပိုင်းမှာလည်း အကယ်ဒမီအခေါက်ရွှေပြင်ပပေါက်ဈေး ၂၈သိန်း ၅ သောင်း၇ထောင်ကျော်အထိ ပေါက်ဈေးရှိနေပါတယ်။
- Category: Myanmar
- Hits: 319
#Local_News
Published_ 21 February 2023
YBSယာဉ်စီးခအဖြစ် တစ်ထောင်တန်ငွေစက္ကူအတုတွေထည့်ပြီး ပြန်အမ်းငွေ ကျပ် ၈၀၀ ပြန်ယူတာတွေများနေတယ်လို့ ရန်ကုန်တိုင်းဒေသကြီး ပုဂ္ဂလိက သယ်ယူပို့ဆောင်ရေးကြီးကြပ်မှု ကော်မတီ YRTC မှ သိရပါတယ်၊၊
#Yangon_Media_Group
- Category: Myanmar
- Hits: 314