#Local_News
Published November 2023

ယခုအပတ်တွင် စားအုန်းဆီ အခြေခံလက်ကားရည်ညွှန်းဈေးကျပ်၄၆၈၀ရောင်းချပေးရန်သတ်မှတ်ထားကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ သိရသည်။

ကမ္ဘာ့စားအုန်းဆီ ထုတ်လုပ်တင်ပို့သည့် နိုင်ငံများတွင် ဈေးကွက်နှင့်ဈေးနှုန်းဖြစ်ပေါ်မှုများအရ ၂၀၂၃ ခုနှစ်၊ နိုဝင်ဘာလ ၁၃ ရက်နေ့ မှ နိုဝင်ဘာလ ၁၉ ရက်နေ့အထိ ရန်ကုန်အထိုင်ဈေး အခြေခံလက်ကား ရည်ညွှန်းဈေးနှုန်းမှာ စားအုန်းဆီ တစ်ပိဿာလျှင် ၄,၆၈၀ ကျပ် ဖြစ်ကြောင်းထုတ်ပြန်ကြေညာထား ခြင်းဖြစ်သည်။

ပြီးခဲ့သည့်အပတ်က စားအုန်းဆီတစ်ပိဿလျှင် လက်ကားရည်ညွှန်းဈေး၄၅၆၀ဖြင့်ရောင်းချခဲ့ခြင်းဖြစ်ပြီး ယခုအပတ်တွင်ရာဂဏာန်းခန့်တက်ခဲ့ကြောင်းသိရသည်။

နိုဝင်ဘာလ၁၃ရက်တွင် ရန်ကုန်တိုင်း၊ ပြင်ဦးလွင်၊ ပဲခူးတိုင်းအပါအဝင်ဒေသ(၁၃)ခုကို မြန်မာနိုင်ငံဆီကုန်သည် နှင့်ဆီလုပ်ငန်းရှင်များအသင်း ၏စီစဉ်မှုဖြင့် ဆီကုမ္ပဏီများမှ ဆီပေပါ ၃၀၀၀ ကိုအခြေခံလက်ကားရည်ညွှန်းဈေး တစ်ပိဿာလျှင် ၄,၆၈၀ ကျပ်ဖြင့်ရောင်းချထားပေးပြီဖြစ်ကောင်းသိရသည်။

ဈေးကစားရန် ရည်ရွယ်ချက်ဖြင့် သိုလှောင်ခြင်းနှင့် မသမာသည့် လုပ်ဆောင်မှုများပြုလုပ်ပါက အရေးကြီး ကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း အသိပေး ထုတ်ပြန်ထားကြောင်း သိရသည်။

#Local_News #စားအုန်းဆီလက်ကား #ရည်ညွှန်းဈေးကျပ် ၄၆၈၀ #tthl #Yangon_Times

လာမယ့် ဒီဇင်ဘာလမှ စိုက်ပျိုးထွက်ရှိမှာ ဖြစ်ပေမယ့် မကွေးတိုင်းဒေသကြီးက စိုက်ပျိုးထွက်ရှိမယ့် ပဲစဉ်းငုံတန် ၂၀၀၀ ကို ဝယ်ယူရန် ပို့ကုန်လုပ်ငန်းရှင်မှ ကမ်းလှမ်းထားပြီဖြစ်တယ်လို့ မကွေးတိုင်းတောင်သူဖွံ့ဖြိုးရေးအဖွဲ့ထံက သိရပါတယ်။
‌#Local_News
Published_ 13 November 2023
#ပဲစဉ်းငုံ #ပို့ကုန်လုပ်ငန်းရှင် #မကွေးတိုင်းတောင်သူ
#YMG/LW #Yangon_Times

'ဈေးမြင့်မားတဲ့အနေအထားပေါ်မှာ အရောင်းအဝယ်အေးနေတယ်၊ အဝယ်‌တွေပျောက်သွားတာ၊ တစ်ချို့ကျတော့လည်း သုံးဖို့ပြုဖို့ဝယ်ထားတယ်၊ တချို့ကျတော့လည်းဝယ်ရောင်းပေါ့နော်၊ မြတ်ရင်ပြန်ရောင်းမယ်၊ လုပ်ငန်းပိုင်းအနေနဲ့ကတော့ အားကောင်းတဲ့အနေအထားမရှိဘူး ' မြန်မာနိုင်ငံအိမ်ခြံမြေဝန်ဆောင်မှုအသင်း(ဗဟို)ဥက္ကဌဦးခင်မောင်သန်း
‌#Local_News
Published_ 13 November 2023
#စက်မှုဇုန်မြေဈေးကွက် #အရောင်းအဝယ်အေး
#YMG/ NN #Yangon Times

‘ဆောင်းတွင်းမှာ ကိုဗစ်တစ်ကျော့ပြန်ပြန်ဖြစ်နိုင်လို့ သတိထားဖို့လိုပါတယ်။နာတာရှည်ရောဂါရှိသူတွေ၊ လူအများနဲ့ထိတွေ့ဆက်ဆံရတဲ့အလုပ်လုပ်ကိုင်ရသူတွေအနေနဲ့ခြောက်လတစ်ကြိမ်ကိုဗစ်ကာကွယ်ဆေးပြန် ထိုးဖို့လိုသလို ကျန်တဲ့သူတွေကတော့ တစ်နှစ်တစ်ကြိမ်ပြန်ထိုးသင့်တယ်’ မကွေးတိုင်းဒေသကြီးပြည်သူ့ကျန်းမာရေးဦးစီးဌာနမှူးဒေါက်တာနန္ဒဝင်း

#Local_News
Published_ 13 November 2023
#ကိုဗစ်ပိုးတွေ့သူ(၂၅)ဦး #ပြည်သူ့ကျန်းမာရေး #ကိုဗစ်တစ်ကျော့ပြန်ပြန်ဖြစ်နိုင်
#tthl #Yangon_Times

#Local_News
Published 13 November 2023

ပြည်တွင်းရေယာဉ်များ လုံခြုံချောမွေ့စွာသွားလာနိုင်ရေးအတွက် ဝန်တင်ရေစူးကန့်သတ်ချက် များကို ရေယာဉ်များ အနေဖြင့် လိုက်နာကျရန် ရေအရင်းမြစ်နှင့် မြစ်ချောင်းများ ဖွံ့ဖြိုးတိုးတက်ရေးဦးစီးဌာနမှ ရေလမ်းသတိပေးချက်ကို နိုဝင်ဘာ ၁၃ ရက်က ထုတ်ပြန်ထားသည်။

ယင်းထုတ်ပြန်ချက်တွက် ၂၀၂၃ ခုနှစ် နိုဝင်ဘာ ၁၅ ရက်မှ ၂၀၂၄ ခုနှစ် မေလ ၁၅ ရက်အထိ ကာလကို ရေနည်းကာလအဖြစ် သတ်မှတ်၍ ရေကြောင်းနယ်မြေအလိုက် ရေယာဉ်များ၏ ဝန်တင်ရေစူးကို ကန့်သတ်လိုက်ကြောင်း သိရသည်။

ကန့်သတ်လိုက်သည့် ရေယာဉ်များ၏ ဝန်တင်ရေစူးမှာ ဧရာဝတီမြစ်နှင့်ချင်းတွင်းမြစ်အတွင်းရှိ ရေကြောင်းနယ်မြေ ၉ ခုတွင်ဖြစ်ပြီး ရေစူးကန့်သတ်ချက်များကို ရေကြောင်းနယ်မြေ အလိုက် သတ်မှတ်ထားကြောင်း သိရသည်။

အဆိုပါ ဝန်တင်ရေစူးကန့်သတ်ချက်များကို ရေယာဉ်များ အနေဖြင့် လိုက်နာကျရန် ရေအရင်းမြစ်နှင့်မြစ်ချောင်းများ ဖွံ့ဖြိုးတိုးတက်ရေး ဦးစီးဌာနမှ ကတိုက်တွန်းနှိုးဆော်ထားသည်။

#Local_News #ရေစူးကန့်သတ်ချက် #ရေအရင်းမြစ်နှင့်မြစ်ချောင်း #ရေလမ်းသတိပေး
#YMG/LW #Yangon_Times

#Local_News
Published 13 November 2023

အလုပ်သမားဝန်ကြီးဌာနက သတ်မှတ်ထားသည့် အလုပ်သမား၁၀ဦးနှင့်အထက်ရှိသည့် လုပ်ငန်းများတွင် လုပ်ကိုင်နေသော အလုပ်သမားများအတွက် ထောက်ပံကြေးတစ်ရက်လျှင် ၁၀၀၀ ကျပ် မရရှိပါက အလုပ်သမားဝန်ကြီးဌာနကို တိုင်ကြားနိုင်ကြောင်း သိရသည်။

အဆိုပါ အပိုထောက်ပံကြေး ၁၀၀၀ ကျပ်ကို ၂၀၂၃ ခုနှစ် အောက်တိုဘာလ ၁ရက်ကစပြီးအလုပ်သမား ၁၀ဦးနှင့်အထက်ရှိသည့် လုပ်ငန်းများရှိ အလုပ်သမားများ ခံစားခွင့်ရရန် အတွက် အောက်တိုဘာ ၉ ရက်က အလုပ်သမားဝန်ကြီးဌာနက ထုတ်ပြန်ကြေညာခဲ့သော်လည်း အချို့ လုပ်ငန်းခွင်များတွင် မရရှိသည့် အလုပ်သမားများ ရှိနေကြောင်း သိရသည်။

''အလုပ်သမား ၁၀ဦးနဲ့ အထက်ရှိတဲ့ စက်ရုံအလုပ်ရုံတွေက အလုပ်သမားတွေ အကုန်ထောက်ပံ့ကြေး ၁၀၀၀ ကျပ်ရရမှာပါ မရဘူးဆိုရင် မြို့နယ်အလုပ်သမားရုံးကို လာတိုင်လို့ရပါတယ်၊ စက်ရုံက စက်ချုပ်သမားပဲရမယ် Helperတော့ မရဘူးဆိုတာ မရှိပါဘူး။ အနည်းဆုံးအခကြေးငွေ ၄၈၀၀ ကျပ်အပြင် အပိုထောက်ပံကြေး ၁၀၀၀ ကျပ်ရရပါမယ်''ဟု အလုပ်သမားဝန်ကြီးဌာနက တာဝန်ရှိသူကပြောသည်။

ယင်းအပိုထောက်ပံကြေး ၁၀၀၀ ကျပ် ကို ၁၉၅၁ ခုနှစ်ခွင့်ရက်နှင့်အလုပ်ပိတ်ရက်ဥပဒေအရ ရက်သတ္တပတ်အလုပ်ပိတ်ရက်နှင့် အများပြည်သူရုံးပိတ်များအတွက်ရရှိမှာဖြစ်ပြီး ခွင့်တိုင်ကြား ခြင်းမရှိဘဲ အလုပ်ပျက်ကွက်ပါက ပျက်ကွက်သည့်နေ့အတွက် အပိုထောက်ပံကြေးရရှိမည် မဟုတ်ကြောင်း သိရသည်။

သို့သော် အချိန်ပို လုပ်အားခတွက်ချက်ရာတွင် အနည်းဆုံးအခကြေးငွေ ၄၈၀၀ ကျပ် ပေါ် မူတည်ပြီးသာ တွက်ချက်ရမည်ဖြစ်ပြီး အပိုထောက်ပံ့ကြေးဖြစ်သောကြောင့် ထည့်သွင်း တွက်ချက်၍ မရကြောင်း ထည့်သွင်းတွက်ချက်ပါကလည်း အလုပ်ရှင်အလုပ်သမား သဘော တူညီမှုအပေါ် မူတည်ကြောင်း သိရသည်။

#Local_News #ထောက်ပံကြေးတစ်ရက်အတွက်၁၀၀၀ကျပ် #မရပါကတိုင်ကြားနိုင် #YMG/LW #Yangon_Times

#World_News
Published 13 November 2023

ဟားမတ်စ်စစ်သွေးကြွများ အုပ်စိုးထားတဲ့ ဂါဇာကမ်းမြောင်ကို အစ္စရေးလ်တို့ ဆက်လက်တိုက်ခိုက်နေရာ ဂါဇာရှိ အကြီးဆုံးဆေးရုံကြီး လည်ပတ်မှုရပ်ဆိုင်းသွားပြီး လူနာများ သေဆုံးမှုနှုန်း မြင့်တက်နေကြောင်း WHO အကြီးအကဲက ပြောကြားလိုက်ပါတယ်။

ပါလက်စ်တိုင်း ဂါဇာမြောက်ပိုင်းရှိ ဆေးရုံများနဲ့ အယ်ရှီဖာအိမ်ရာတို့ကို အစ္စရေးလ်တပ်များ ဝန်းရံပိတ်ဆို့ထားပြီး ပြင်းထန်တဲ့ တိုက်ခိုက်မှုများကြား ဆေးရုံအထဲမှလူများကို မစောင့်ရှောက်နိုင်ဘဲ ဖြစ်နေကာ ရှီဖာမှာ မွေးကင်းစကလေး ၃ ဦးသေဆုံးပြီး လျှပ်စစ်ဓာတ်အား ပြတ်တောက်ခြင်းပြဿနာ ပိုမိုဆိုးရွားနေကြောင်း ဆေးဘက်ဆိုင်ရာ ဝန်ထမ်းတစ်ဦးက ဆိုပါတယ်။

အောက်တိုဘာ ၇ ရက်နေ့ အစ္စရေးလ်တောင်ပိုင်းကို ဝင်ရောက်တိုက်ခိုက်သွားတဲ့ ဟားမတ်စ်စစ်သွေးကြွတွေကို ချေမှုန်းနေတာဖြစ်ပြီး စစ်သွေးကြွတွေက ဆေးရုံအနီးနားနဲ့ အဆောက်အအုံအောက်တွေမှာ စစ်ဌာနစခန်းတွေ ထားရှိထားတယ်လို့ အစ္စရေးလ်တို့က ဆိုပါတယ်။

WHO က ရှီဖာမှ ကျန်းမာရေးပညာရှင်များနဲ့ စကားပြောခွင့်ရခဲ့ရာမှာ အဆက်မပြတ် တိုက်ခိုက်မှုများက လက်ရှိအခြေအနေကို ပိုမိုဆိုးရွားစေတယ်လို့ WHO အထွေထွေညွှန်ကြားရေးမှူး တက်ဒရိုစ်အက်ဒါနွမ်ဂေဘရီယဲဆပ်စ်က ပြောပြသွားပါတယ်။

ချက်ချင်းအပစ်အခတ်ရပ်စဲရန် အခြားကုလသမဂ္ဂ ထိပ်သီးအရာရှိများနည်းတူ တက်ဒရိုစ်ကလည်း တောင်းဆိုလိုက်ကာ ဆေးရုံတွေမှာ သေကြေပျက်စီးမှု ဖြစ်နေရတာကို ကမ္ဘာက နှုတ်ဆိတ်မနေသင့်ကြောင်း ပြောပြခဲ့ပါတယ်။

အောက်တိုဘာ ၇ ရက်နေ့က ဟားမတ်စ်စစ်သွေးကြွများ ဖမ်းဆီးခေါ်ဆောင်သွားတဲ့ ဓားစာခံ ၂၀၀ ကျော် လွတ်မြောက်နိုင်ရန် ကြိုးပမ်းနေကြောင်း အစ္စရေးလ်ဘက်က ဆိုပါတယ်။

ဂါဇာမှာ ဆေးရုံတွေနဲ့ အရပ်သားတွေကို လူသားဒိုင်းအဖြစ် အသုံးချနေတဲ့ ဟားမတ်စ်တွေကို ဥရောပသမဂ္ဂက ရှုတ်ချလိုက်ကာ အရပ်သားများ မထိခိုက်အောင် အတတ်နိုင်ဆုံး ထိန်းသိမ်းပေးဖို့ အစ္စရေးလ်ကို တိုက်တွန်းနေပါတယ်။

ဟားမတ်စ်တို့ ဆေးရုံတွေနဲ့ လူနေအရပ်တွေမှာ တိုက်ခိုက်ရေးသမားတွေ လက်နက်တွေ ထားရှိတာဟာ စစ်ပွဲဥပဒေကို ချိုးဖောက်ရာကျတယ်လို့ အိမ်ဖြူတော် အမျိုးသားလုံခြုံရေး အကြံပေး ဂျိတ်ခ်ဆာလီဗန်က ပြောပါတယ်။

အပြစ်မရှိတဲ့ အရပ်သားတွေ ဆေးကုသမှုခံယူနေတဲ့ ဆေးရုံတွေ ပစ်ခတ်ခံရပြီး ပျက်စီးနေကြတာကို အမေရိကန်က မမြင်ချင်တာကြောင့် အစ္စရေးလ် ကာကွယ်ရေးတပ်များနဲ့ တိုင်ပင်ဆွေးနွေးနေတယ်လို့ ပြောပြခဲ့ပါတယ်။

မွေးကင်းစကလေးတွေကို ရွှေ့ပြောင်းရန်နဲ့ ရှီဖာဝင်ပေါက်မှာ လောင်စာဆီ ၃၀၀ လီတာ ထားရှိဖို့ကို ဟားမတ်စ်တို့က ပိတ်ပင်ခဲ့တယ်လို့ အစ္စရေးလ်စစ်တပ်ဘက်က ဆိုပါတယ်။

ဓာတ်အားမလုံလောက်တာကြောင့် ကလေးတွေကို ဖန်ပေါင်းအိမ်ထဲမှာ မထားနိုင်ဘဲ သာမန်အိပ်ရာတွေမှာပဲ ထားနေရကာ နေ့စဥ်နဲ့အမျှ သေဆုံးမှုတွေ ပိုမိုမြင်တွေ့ရနိုင်တယ်လို့ ဆရာဝန်တစ်ဦးက ပြောပြသွားပါတယ်။

#World_News #အစ္စရေးလ်တိုက်ခိုက်မှု #ဂါဇာ၏အကြီးဆုံးဆေးရုံ #Source: Reuters

#Local_News
Published_ 13 November 2023

တရုတ်နိုင်ငံ၊ ဝူဟန်တက္ကသိုလ် (Wuhan University)၏ နှစ်(၁၃၀)ပြည့်မြောက်သည့် အထိမ်းအမှတ်နေ့၌ ယင်းတက္ကသိုလ်ရှိ နိုင်ငံတကာဆက်ဆံရေးဘာသာရပ်အထူးပြုပညာသင်ကြားလျက်ရှိသည့် မြန်မာ၊ တရုတ်နှင့်နိုင်ငံတကာ ကျောင်းသားကျောင်းသူများအား တရုတ်နိုင်ငံဆိုင်ရာ မြန်မာသံအမတ်ကြီးမှ သင်ခန်းစာများသင်ကြား ပို့ချခဲ့ကြောင်း မြန်မာနိုင်ငံခြားရေးဝန်ကြီးဌာနမှသိရသည်။

တရုတ်ပြည်သူ့သမ္မတနိုင်ငံဆိုင်ရာ မြန်မာသံအမတ်ကြီး ဦးတင်မောင်ဆွေသည် ASEAN-China Centre နှင့် ဟူပေးပြည်နယ်အစိုးရ၏ ဖိတ်ကြားမှုအရ နိုဝင်ဘာလ(၁၀)ရက်တွင်ဟူးပေပြည်နယ်၊ဝူဟန်မြို့ရှိ ဝူဟန်တက္ကသိုလ် (Wuhan University)၏နှစ်(၁၃၀) ပြည့်မြောက်သည့် အထိမ်းအမှတ်နေ့ကိုတက်ရောက်ခဲ့ခြင်းဖြစ်သည်။

ထိုသို့ သင်ခန်းစာပို့ချရာတွင် မြန်မာနိုင်ငံ၏ ယဉ်ကျေးမှု အမွေအနှစ်သမိုင်းကြောင်း၊ မြန်မာ-တရုတ် သံတမန်ဆက်ဆံရေး သမိုင်းကြောင်း၊ မြန်မာ-တရုတ် နှစ်နိုင်ငံအကြား ဆွေမျိုးပေါက်ဖော် ချစ်ကြည်ရေး စတင်ခဲ့ပုံ၊ မြန်မာနိုင်ငံမှ အာဆီယံအဖွဲ့ဝင် ဖြစ်လာပုံနှင့် အာဆီယံ-တရုတ် ဆက်ဆံရေး အစရှိသည့် အကြောင်းအရာများ သင်ကြားပို့ချခဲ့သည်ဟုဆိုသည်။

အဆိုပါအခမ်းအနားသို့ ASEAN-China Centre မှ Secretary General H.E. Mr. Shi Zhong Jun နှင့်အဖွဲ့၊ ဟူးပေပြည်နယ်အစိုးရမှ တာဝန်ရှိသူများ၊ ဟူးပေပြည်နယ်ဆိုင်ရာ ပညာရေးဌာန၏ တာဝန်ရှိသူများ၊ ဝူဟန်တက္ကသိုလ်၏ ကျောင်းအုပ်၊ Dean များနှင့် ပါမောက္ခများအပါအဝင် ဝူဟန်တက္ကသိုလ်မှ နိုင်ငံတကာဆက်ဆံရေး ဘာသာရပ်အထူးပြု တရုတ်နှင့် နိုင်ငံတကာ ကျောင်းသား ကျောင်းသူများ၊ ဟူပေးပြည်နယ်တစ်ဝိုက် ပညာသင်ကြားလျက်ရှိကြသည့် အစိုးရပညာသင် မြန်မာကျောင်းသားကျောင်းသူများ၊ မြန်မာသံရုံးမှ ပညာရေးသံမှူး ဒေါက်တာဝင်းမြတ်အောင်တို့ တက်ရောက်ခဲ့သည်။

မြန်မာသံအမတ်ကြီး၏ ဝူဟန်မြို့ ခရီးစဉ်အတွင်း ဟူပေးပြည်နယ်နှင့် မြန်မာနိုင်ငံအကြား အထူးသဖြင့် ပညာရေးကဏ္ဍပူးပေါင်းဆောင်ရွက်မှုများ မြှင့်တင်ရန်နှင့် မြန်မာကျောင်းသားကျောင်းသူများအတွက် ပညာသင်ဆုများ ပိုမိုရရှိနိုင်ရေးအတွက်ညှိနှိုင်းဆွေးနွေးခဲ့ကြောင်း သိရသည်။

#Local_News #ဝူဟန်တက္ကသိုလ် #နှစ်နိုင်ငံသမိုင်းကြောင်း #tthl #Yangon_Times

#World_Health
Published 13 November 2023

ကလေးတွေ မျက်မှန်တပ်ဖို့ လိုအပ်ပြီလားဆိုတာကို သိရဖို့ လက္ခဏာ ၈ ရပ်ကို မျက်လုံးပညာရှင်တစ်ဦးက ဖော်ပြသွားပါတယ်။

ကလေးတွေ မျက်လုံးပြဿနာ မတွေ့ရဘူးဆိုရင် မျက်စိစစ်ဆေးဖို့ မလိုအပ်ဘူးလို့ မိဘတွေ ထင်နေကြပေမယ့် အစောပိုင်းအရွယ်ကတည်းက စစ်ဆေးသင့်ပါပြီ။

လူတွေရဲ့ လေ့လာသင်ယူနိုင်စွမ်း၊ ဦးနှောက်စွမ်းရည်၊ ပေါင်းသင်းဆက်ဆံရေးတို့ရဲ့ ၈၀ ရာခိုင်နှုန်းလောက်ဟာ အမြင်အာရုံကနေ လုပ်ဆောင်ကြတယ်လို့ ဂျီလက်စ်အက်ဒ်မန်က ဆိုပါတယ်။

အချို့သော မျက်လုံးပြဿနာတွေက စောစီးစွာသိရှိပါက ထိရောက်စွာ ကုသနိုင်မှာဖြစ်တယ်လို့ ဆိုပါတယ်။

ဒါကြောင့် ကလေးတွေမှာ မျက်လုံးပြဿနာဖြစ်နေပြီဆိုတာကို အရိပ်အကဲသိနိုင်မယ့် နည်းလမ်းကို ၈ မျိုးကို ဖော်ပြလိုက်ပါတယ်။

(၁) မျက်လုံးပွတ်ခြင်းဟာ မျက်စိညောင်းညာနေပြီဆိုတာကို ဖော်ပြနေပြီး တစ်ခုခုကို အာရုံစိုက်ကြည့်နေရင်း အမြင်အာရုံ လွဲမှားတာမျိုးကြောင့် ဖြစ်နိုင်ပါတယ်။

(၂) စာဖတ်ရာမှာ မနည်းအားယူပြီး ဖတ်နေရတယ်ဆိုရင် မျက်လုံးပြဿနာအမျိုးမျိုး ဖြစ်နိုင်ကာ ကြည့်ရှုစရာတွေကို မျက်လုံးနဲ့ အနည်းငယ်ဝေးကွာတဲ့ အနေအထားမှာထားပြီး ဖတ်ခြင်းက သက်သာစေနိုင်ပါတယ်။

(၃) တစ်ခုခုကို ကြည့်ရှုရာမှာ အားစိုက်ပြီး ကြည့်နေရတာဟာ မျက်လုံးမှာ ပြဿနာဖြစ်နေတာကို ညွှန်ပြနေပါတယ်။

(၄) စာဖတ်တဲ့အခါ မျက်လုံးနားတဝိုက်က ကြွက်သားတွေ ပင်ပန်းစေပြီး ခေါင်းကိုက်တာမျိုး ဖြစ်တတ်ပါတယ်။

(၅) ကလေးဟာ တီဗီအနီးကိုသွားပြီး ကြည့်နေတယ်ဆိုရင် အတိအကျမမြင်ရတာကြောင့် ဖြစ်ပြီး ဒီလိုကြည့်ခြင်းဟာ မျက်လုံးပိုမိုအားစိုက်ရပါတယ်။

(၆) စာဖတ်ရာမှာ ခေါင်းစောင်းပြီး ဖတ်လေ့ရှိတယ်ဆိုရင် အမြင်အာရုံမှာ ပြဿနာရှိနေပါပြီ။

(၇) စာသင်ခန်းရဲ့ ရှေ့ဆုံးတန်းမှာ ထိုင်ခြင်းက သေချာမမြင်ရလို့ ထိုင်ရတာဖြစ်ပါတယ်။

(၈) မျက်လုံးတစ်ဖက်ပိတ်လေ့ရှိတယ်ဆိုရင် ကလေးတွေမှာ အမြင်အာရုံ ပြဿနာဖြစ်နေတာကို ညွှန်ပြပါတယ်။

#World_Health #သင့်ကလေးမျက်မှန်တပ်ရန် #လက္ခဏာများ #Source: New York Post

#Local_News
Published 13 November 2023

ပြည်တွင်းစက်သုံးဆီဖူလုံစေရေးအတွက် ပြီးခဲ့ သည့် နိုဝင်ဘာ ၁၁ရက်နှင့် ၁၂ရက်တို့တွင်စက်သုံးဆီတင် ဘင်္ဘော ၄စီးဆိုက်ကပ်ခဲ့ပြီး မကြာမီမှာလည်း စက်သုံးဆီတင်သင်္ဘော ၁၅ စီး ထပ်မံ ရောက်ရှိလာမည်ဖြစ်ကြောင်း နိုင်ငံပိုင်သတင်းဌာနများ၏ ထုတ်ပြန်ချက်အရ သိရသည်။

ပြီးခဲ့သည့် နိုဝင်ဘာ ၁၀ရက်က ရန်ကုန်မြို့ပေါ်ရှိ စက်သုံးဆီအရောင်းဆိုင် ၁၄၆ အနက် အချို့ဆိုင်များတွင် ဓါတ်ဆီ 92 RON သည်နေ့စဉ်ပုံမှန် ရောင်းအားထက် ပိုမိုရောင်းအားမြင့်တက်ခဲ့တာကြောင့် ပြည်တွင်းစက်သုံးဆီသိုလှောင်ထား သည့် Terminal (၃) မှအရောင်းဆိုင်များ အားလုံးသို့ဖြန့်ဖြူးပေးရာတွင် ဖြန့်ဖြူးနိုင်မှုစွမ်းအားအရ အလျင်မမှီဖြစ်ခဲ့ခြင်းကြောင့် စက်သုံးဆီ ပြတ်လပ်မှုဖြစ်ပေါ်ခဲ့ရာ ယင်းနေ့ညတွင်းချင်းပင် Urgend စနစ်ဖြင့် ဖြည့်တင်းပေးခဲ့ကြောင်း သိရသည်။

ပြည်တွင်း စက်သုံးဆီ လုံလောက်မှုရှိအောင် စီမံဆောင်ရွက်ထားရှိပြီး လက်ရှိတွင် အများသုံးဓါတ်ဆီဖြစ်သော 92 RON ဂါလံ ၁၃ သန်းကျော် 95 ဂါလံ၃သန်းကျော်၊ 97 RON ၁ ဒသမ ၄ သန်းကျော်၊ ရိုးရိုးဒီဇယ် ၂၉သန်းကျော်နှင့် ပရီမီယာ ဒီဇယ်သန်း၂၀ ကျော် ကျန်ရှိကြောင်း သိရကာ ပြတ်လပ်မှုမရှိစေရေး အချိန်မီဆက်လက် ဖြန့်ဖြူးပေးလျက်ရှိကြောင်း သိရသည်။

နိုင်ငံတော်အစိုးရအနေဖြင့် စက်သုံးဆီများ ဖူလုံစွာရရှိရေးအတွက် ကြိုးပမ်းဆောင်ရွက်လျက်ရှိပြီး ပြည်တွင်းတွင် မည်သည့်စက်သုံးဆီ အမျိုးအစားမဆို အရန်တစ်လစာ ကျန်ရှိအောင် အမြဲ ဆောင်ရွက်လျက်ရှိပြီး ယခုကာလသည် ခရီးသွားရာသီဖြစ်၍ ခရီးသွားများနှင့် အများပြည်သူများ စက်သုံးဆီပြတ်လပ်မှုမရှိစေရေး စက်သုံးဆီတင်သွင်း သိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီက အနီးကပ်ကြပ်မတ်ဆောင်ရွက်လျက်ရှိကြောင်း သိရသည်။

#Local_News #ပြည်တွင်းစက်သုံးဆီ #ဘင်္ဘော ၁၅ စီးထပ်မံရောက်ရှိ #YMG/LW #Yangon_Times

#World_Science
Published 13 November 2023

၁၉၇၈ နောက်ပိုင်းကတည်းက ဂရင်းလန်းရေခဲကျောက်ဆောင်တွေဟာ ၃ ပုံ ၁ ပုံကျော်တဲ့အထိ ပျောက်ကွယ်လာကြောင်း သုတေသီများ ဖော်ပြခဲ့ကြပါတယ်။

သမုဒ္ဒရာရေများ ပူနွေးလာခြင်းကြောင့် ရေခဲကျောက်ဆောင် အောက်ခြေကနေ အရည်ပျော်လာပြီး ပြိုကျလာကာ ရေခဲကျောက်ဆောင်တွေ အရှိန်အဟုန်မြန်မြန်ဖြင့် ပျက်စီးလာတာ ဖြစ်ပါတယ်။

ဂရင်းလန်းမြောက်ပိုင်း ရေခဲမြစ်များကို ထောက်ပံ့ထားတဲ့ ရေခဲကျောက်ဆောင် ၈ ခုထဲက ၃ ခုဟာ လုံးဝပြိုလဲသွားပြီဖြစ်ပြီး ကျန်တဲ့ ၅ ခုဟာလည်း အလျင်အမြန် အရည်ပျော်နေပါတယ်။

သမုဒ္ဒရာရေများ ပူနွေးလာခြင်းကြောင့် ရေခဲကျောက်ဆောင်များ အလျင်အမြန် အရည်ပျော်လာပြီး ကမ္ဘာ့ပင်လယ်ရေမျက်နှာပြင် မြင့်တက်လာမယ့် အန္တရာယ်ရှိနေပါတယ်။

ပြင်သစ် သိပ္ပံသုတေသန စင်တာမှ ပညာရှင်များ ပြောပုံအရ အဆိုပါ ရေခဲကျောက်ဆောင်အားလုံး လုံးဝအရည်ပျော် ပျောက်ကွယ်သွားပါက ကမ္ဘာ့ပင်လယ်ရေမျက်နှာပြင် ၆.၈ ပေ မြင့်တက်လာနိုင်ဖွယ် ရှိနေပါတယ်။

ဒါတွေဟာ ဂရင်းလန်းရဲ့ အကြီးဆုံးရေခဲမြစ်များ ဖြစ်ပြီး အရေးကြီးဆုံး ရေခဲပြင်တွေထဲမှာ ပါဝင်ကြောင်း ဂရီနိုဘယ်အဲ့ပ်စ်တက္ကသိုလ်မှ ရေခဲမြစ်ပညာရှင် ရိုမိန်းမီလန်က CNN ကို ပြောပြခဲ့ပါတယ်။

ရေခဲကျောက်ဆောင်တွေ ယခင်နဲ့ ယခုပြောင်းလဲမှုတွေအကြောင်း ပိုမိုသိရှိစေရန် မီလန်နဲ့အဖွဲ့က ဂြိုဟ်တုပုံရိပ်များ၊ ကွင်းပြင်နဲ့ ရာသီဥတုပုံစံ အတိုင်းအတာများကို အသုံးပြုခဲ့ပါတယ်။

၁၉၇၈ နောက်ပိုင်း ဂရင်းလန်းမြောက်ပိုင်း ရေခဲမြစ်များကို ထောက်ပံ့ထားတဲ့ ရေခဲကျောက်ဆောင် စုစုပေါင်းထုထည်ရဲ့ ၃၅ ရာခိုင်နှုန်းကျော်ဟာ အရည်ပျော်လာပါတယ်။

#World_Science #ဂရင်းလန်း #ရေခဲကျောက်ဆောင် #(၃)ခုပြိုလဲ #Source: WION

#Local_News
Published 12 November 2023

ဂီတလောကသား အသံဖမ်းအင်ဂျင်နီယာ ဦးကျော်ကျော်အနုပညာဆည်းဆာရိပ်တွင်နားခိုနိုင်ရန်မြန်မာနိုင်ငံဂီတအစည်းအရုံးမှဆက်သွယ်အကူ အညီပေးခဲ့ကြောင်းသိရသည်။

တစ်ခေတ်တစ်ခါက မေစတူဒီယိုတွင် အသံသွင်းပြီးပေါက်ခဲ့သည့်စီးရီးတော်တော်များများ၏အသံဖမ်းအင်ဂျင်နီယာ ဦးကျော်ကျော်အားကူညီစောင့်ရှောက်ပေးရန် မြန်မာနိုင်ငံဂီတအစည်းအရုံးမှဆက်သွယ်အကူအညီတောင်းခဲ့သည့်အတွက်အနုပညာဆည်းဆာရိပ်တွင်ခိုလုံနိုင်ရန်ကူညီပေးခဲ့သည်ဟုဆိုသည်။

ဦးကျော်ကျော်သည် ဘယ်ဘက်တစ်ခြမ်း ​​လေထိထားတဲ့အတွက် ဘယ်လက်တစ်ဖက် မလှုပ်ရှားနိုင်သလို အတူ​နေသမီးက မိသားစု စီးပွား​ရေးအတွက် တရပ်တ​​ကျေးမှာ အလုပ်သွားလုပ်ရမှာမို့ အဘိုးကိုအနုပညာဆည်းဆာရိပ်မှာ ​နေထိုင်ခွင့်ပြုရန် ဆက်သွယ်အကူအညီတောင်းခံခဲ့ခြင်း ဖြစ်ကြောင်း သိရသည်။

  #Local_News #အသံဖမ်းအင်ဂျင်နီယာဦးကျော်ကျော် #အနုပညာဆည်းဆာရိပ်တွင်နားခို  #tthl #Yangon_Times