Published 14 December 2023

ကိုဘာလာမင်လို့ခေါ်တဲ့ ဗိုက်တာမင် ဘီ၁၂ ဟာ ခန္ဓာကိုယ်ရဲ့ လုပ်ဆောင်ချက် အမျိုးမျိုးမှာ ပါဝင်နေပါတယ်။

ဒါကြောင့် ဗိုက်တာမင် ဘီ၁၂ ချို့တဲ့တဲ့အခါ ကျန်းမာရေးကို ထိခိုက်စေပါတယ်။

ဘီ၁၂ ချို့တဲ့တဲ့လက္ခဏာတွေကတော့..
(၁) အားအင်ကုန်ခမ်းပြီး ပင်ပန်းနွမ်းနယ်တာဟာ ဘီ၁၂ ချို့တဲ့တဲ့လက္ခဏာ ဖြစ်ပြီး နေ့စဥ်လုပ်ဆောင်နိုင်စွမ်းကို ထိခိုက်စေပါတယ်။

(၂) ဘီ၁၂ ချို့တဲ့ရင် သွေးနီဥထုတ်လုပ်မှု နည်းပါးသွားကာ အရေပြားဖျော့ခြင်း၊ ဝါခြင်းတို့ ဖြစ်တတ်ပါတယ်။

(၃) သွေးတွေထဲမှာ အောက်ဆီဂျင် သယ်ယူနိုင်စွမ်း ကျဆင်းသွားတာကြောင့် အသက်ရှူမဝခြင်းမျိုး ဖြစ်တတ်ပါတယ်။

(၄) အောက်ဆီဂျင်မလုံလောက်တာကြောင့် မကြာခဏ မူးဝေခြင်းနဲ့ ခေါင်းကိုက်ခြင်းတို့ ဖြစ်တတ်ပါတယ်။

(၅) လျှာမှာ ဖောရောင်ပြီး အရောင်ပြောင်းသွားကာ ရောင်ရမ်းခြင်း ဖြစ်နိုင်ပါတယ်။

(၆) အစာခြေပြဿနာဖြစ်နိုင်ကာ ဝမ်းလျှောခြင်း၊ ဝမ်းပိတ်ခြင်း၊ စားချင်စိတ်လျော့နည်းခြင်းတို့ ဖြစ်နိုင်ပါတယ်။

(၇) အာရုံကြောစနစ်ရဲ့ လုပ်ဆောင်ချက်ကို ထိခိုက်စေပြီး ထုံကျဥ်ခြင်း၊ ခြေလက်တွေမှာ စူးရှခြင်းခံစားချက်မျိုး ခံစားရတတ်ပါတယ်။

(၈) မှတ်ဉာဏ်ဆုံးရှုံးခြင်း၊ အာရုံစူးစိုက်ရန် ခက်ခဲခြင်း၊ ဦးနှောက်သိရှိမှု လျော့ကျခြင်းတို့ ခံစားရတတ်ပါတယ်။

(၉) စိတ်ဓာတ်ကျခြင်း၊ အထိမခံနိုင်ခြင်း၊ စိတ်အပြောင်းအလဲဖြစ်ခြင်းတို့ ဖြစ်တတ်ပါတယ်။

(၁၀) နှလုံးရောဂါဖြစ်နိုင်ခြေကိုလည်း များစေပါတယ်။
 
ဗိုက်တာမင် ဘီ၁၂ ချို့တဲ့မှုကို ဖြေရှင်းနိုင်မယ့်နည်းလမ်းတွေကတော့ ..
-        အသား၊ ငါး၊ ပင်လယ်စာ၊ နို့ထွက်ပစ္စည်းများက ဘီ၁၂ ကြွယ်ဝတဲ့ အစားအစာတွေဖြစ်ပြီး များများ စားပေးသင့်ပါတယ်။

-        ကျွမ်းကျင်ပညာရှင်နဲ့ တိုင်ပင်ပြီး ဘီ၁၂ ဖြည့်စွက်စာများကို သောက်သုံးခြင်း၊ ဆေးထိုးခြင်းတို့ ပြုလုပ်နိုင်ပါတယ်။

-        ကွေကာနဲ့ ကောက်ပဲသီးနှံများ၊ အပင်အခြေပြုနို့များ၊ အာဟာရအတောင့်များ စားပေးနိုင်ပါတယ်။

-        ဘီ၁၂ စုပ်ယူမှုပြဿနာရှိနေသူများအတွက် နှာခေါင်းအစက်ချဆေး အသုံးပြုဖို့ အကြံပြုပါတယ်။

-        သွေးစစ်ဆေးမှုများ ပြုလုပ်ပြီး ဘီ၁၂ ပမာဏကို ပုံမှန်စစ်ဆေးနိုင်ပါတယ်။
Source: NDTV
#World_Health
#Published 14 December 2023
#Yangon_Times #Daily_News #YMG_News #Yangon_Media_Group

၂၀၂၃ ကမ္ဘာ့စွမ်းအင်သစ်ယာဥ်များကွန်ဂရက် (WNEVC)ဟာ တရုတ်နိုင်ငံတောင်ပိုင်း ဟိုင်ကော်မှာ စနေနေ့က ပြီးဆုံးခဲ့ပြီး စွမ်းအင်သစ် မော်တော်ယာဥ်လုပ်ငန်းကဏ္ဍရဲ့ နောက်ဆုံးပေါ်တိုးတက်မှုများနဲ့ အနာဂတ်လမ်းကြောင်းများကို ပြသခဲ့ပါတယ်။

၃ ရက်တာပွဲမှာ စတီယာရင်မပါတဲ့ အဆင့်မြင့်မောင်းသူမဲ့ယာဥ်များနဲ့ သတ်မှတ်ထားတဲ့ လမ်းကြောင်းတွေကနေ အဓိကနဲ့ နေရာခွဲများကြား စီးနင်းသူများကို လမ်းပြပေးပါတယ်။
#Asia_Industry
#Published 13 December 2023
#Yangon_Times #Daily_News #YMG_News #Yangon_Media_Group

၁၃ ဒီဇင်ဘာ ၂၀၂၃

KNLA နှင့် PDFများမြဝတီမြို့နယ်၊ သင်္ကန်းညီနောင်ရှိ 230 KV ဓာတ်အားခွဲရုံအား Drop Bomb များဖြင့် ပစ်ချတိုက်ခိုက်ဖျက်ဆီး

ကျောက်တံခါးမြို့နယ်အတွင်း မန္တလေး-ရန်ကုန် လူစီး ရထားအား ရီမုမိုင်းဖြင့် ဖောက်ခွဲတိုက်ခိုက်ဖျက်ဆီးခံရ

၁၃-၁၂-၂၀၂၃ ရက်နေ့ ရှမ်းပြည်နယ်(မြောက်ပိုင်း)နမ့်ဆန်မြို့၊ နမ့်ခမ်းမြို့၊ ရခိုင်ပြည်နယ် ယဉ်ကျေးမှုအမွေအနှစ်နယ်မြေ မြောက်ဦးမြို့နှင့် ပဲခူးတိုင်းဒေသကြီး ဖြူးမြို့နယ်၊ ညောင်ပင်သာရဲစခန်းတို့တွင် ထိတွေ့တိုက်ပွဲဖြစ်ပွားမှုအခြေအနေများနှင့်

ပတ်သက်၍ နစကသတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ် ဇော်မင်းထွန်း၏ ပြောကြားချက်အပြည့်အစုံကို ပြန်လည် ဖော်ပြပေးအပ်ပါတယ်။

-ymg/knl

#Daily_News
Published 13 December 2023

၁။ ကျိုက်ထီးရိုးသို့ ပိတ်ရက်ဘုရားဖူးတစ်ထောင်ခန့် ဝင်ရောက်၊ ဇန်နဝါရီလ၌ ပဌာန်းပွဲ၊ ဆီမီးကိုးထောင်ပူဇော်ပွဲများရှိ 

၂။ ရန်ကုန်ကားဈေးကွက် အရောင်းအဝယ်အေးနေပြီး ပွဲတော်ချိန်များ၌ ဈေးမာနိုင်

၃။ ကော့ကရိတ်မြို့နယ်အတွင်း တိုက်ပွဲများကြောင့် စစ်ဘေးရှောင်သူများပြားနေပြီး စစ်ရှောင်များအတွက် စားနပ်ရိက္ခာနှင့် ဆေးဝါးများ လိုအပ်နေဟုဆို

၄။ ကမ္ဘာ့စွမ်းအင်သစ်ယာဥ်များ ကွန်ဂရက်တွင် နောက်ဆုံးပေါ်ထုတ်လုပ်မှုများနှင့် အနာဂတ်လမ်းကြောင်းများ ပြသ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

13 December 2023

In a recent incident reported by Myanmar State media, the Mandalay-Yangon passenger train fell victim to an attack involving remote mines in Kyauktagar township. Fortunately, no casualties were reported in the aftermath.

The train, led by locomotive No. DF/2083 and helmed by locomotive driver U Khin Maung Than, departed from Mandalay Station at 5 pm on December 12 bound for Yangon. According to the report, at approximately 3:45 am on December 13, as the train traversed between railway mile post No. 103 mile 24 furlong and 104 mile 1 furlong, roughly 7500 meters southeast of Kyauktagar township, it came under attack by KNLA and PDF forces who deployed remote mines from both sides of the tracks, said report.

The explosive impact caused the locomotive and two coaches to derail, resulting in significant damage to the train tracks and sleeper blocks. However, despite the derailment, both railway staff and passengers emerged unharmed from the incident.

Efforts are underway by relevant authorities to promptly initiate repair work at the site of the railway damage. Additionally, security forces are intensifying measures to ensure the area's security in light of this attack.

-ymg/knl

13 December 2023

မန္တလေးတိုင်းဒေသကြီး ညောင်ဦးခရိုင်၊ကျောက်ပန်းတောင်းမြို့နယ်ရှိမူလတန်းလွန်ကျောင်းနှင့်အထက်တန်း ကျောင်းစုစုပေါင်း(၄)ကျောင်းကို တရုတ်နိုင်ငံမှ ပန်ကာ၊အလိုအလျောက် ကျောင်းတက်ဆင်းခေါင်းလောင်း အပါအဝင်ယဉ်ကျေးမှုနှင့်အားကစားဆိုင်ရာပစ္စည်းများ လှူဒါန်းခဲ့ကြောင်းသိရသည်။

ကျောက်ပန်းတောင်းမြို့နယ်ရှိ အမှတ်(၁) အခြေခံပညာအထက်တန်း ကျောင်း၊ အမှတ်(၂) အခြေခံပညာ အထက်တန်းကျောင်း၊ မြို့ရှေ့အခြေခံပညာအထက်တန်းကျောင်းနှင့် မြို့မကွက်သစ်အခြေခံပညာမူလတန်း လွန်ကျောင်း စသည့် တရုတ်-မြန်မာချစ်ကြည်ရေးကျောင်း ၄ ကျောင်းသို့ နံရံကပ်ပန်ကာ၊ အလိုအလျောက် ကျောင်းတက်ဆင်းခေါင်းလောင်း၊ စားပွဲတင်တင်းနစ်စားပွဲ၊ ဘောလုံး၊ ဘော်လီဘောနှင့် ကြက်တောင်စသည့် ယဉ်ကျေးမှုနှင့်အားကစားဆိုင်ရာပစ္စည်းများကို မြန်မာနိုင်ငံဆိုင်ရာတရုတ်သံရုံးအနေဖြင့် ဒီဇင်ဘာလ ၁၁ ရက်နေ့၌ လှူဒါန်းခဲ့သည်ဟုဆိုသည်။

၂၀၁၇ ခုနှစ် မှ ၂၀၁၈ ခုနှစ်အတွင်း မြန်မာနိုင်ငံ၏တောင်းဆိုချက်အရ မြန်မာနိုင်ငံဆိုင်ရာ တရုတ်သံရုံးသည် အထက်ပါကျောင်း ၄ ကျောင်းအတွက် စာသင်ကျောင်းဆောင်များပြုပြင်မွမ်းမံခြင်း သို့မဟုတ် အသစ်ဆောက်လုပ်ပေးခြင်း၊ သောက်သုံးရေစက်များတပ်ဆင်ပေးခြင်းတို့ လုပ်ဆောင်ခဲ့ကာ မြန်မာနိုင်ငံ ပညာရေးဝန်ကြီးဌာနနှင့်အတူ အထက်ပါကျောင်းအား “တရုတ်-မြန်မာ ချစ်ကြည်ရေးစာသင်ကျောင်း” ဟု အမည်ပေးခဲ့သည်။

ကျောက်ပန်းတောင်းမြို့နယ် ပညာရေးမှူးရုံးတာဝန်ခံ ဒေါ်အေးအေးမိုးမှ ဆရာ၊ ဆရာမ၊ ကျောင်းသူ ကျောင်သားများကိုယ်စား မြန်မာနိုင်ငံဆိုင်ရာတရုတ်သံရုံး၏ ကျောင်းများအပေါ် ဂရုစိုက်ကူညီပေးမှုအပေါ် ကျေးဇူးတင်ရှိပါကြောင်း၊ ထိုပစ္စည်းများအား ကောင်းမွန်စွာအသုံးပြုသွားမည်ဖြစ်ကြောင်း၊ ကျောင်းသား ကျောင်းသူများကို စာကြိုးစားပြီး ကိုယ်လက်ကြံ့ခိုင်မှုမြှင့်တင်ကာ တရုတ်-မြန်မာချစ်ကြည်ရေး အမွေဆက်ခံသူများဖြစ်လာစေရန် တိုက်တွန်းသွားမည်ဖြစ်ကြောင်း၊ ဆွေမျိုးပေါက်ဖော် ချစ်ကြည်ရေးသံယောဇဉ် အဆက်မပြတ် တိုးတက်လာစေရန် တရုတ်သံရုံးနှင့်အတူ ပညာရေးနှင့် လူမှုယဉ်ကျေးမှုကဏ္ဍတွင် ဆက်လက် ပူးပေါင်းဆောင်ရွက်မှုမြှင့်တင်သွားရန် မျှော်လင့်ကြောင်း ပြောကြားခဲ့သည်။

လတ်တလောနှစ်များအတွင်း မြန်မာနိုင်ငံဆိုင်ရာ တရုတ်သံရုံးမှ တရုတ်-မြန်မာချစ်ကြည်ရေးကျောင်းအတွက် အဆက်မပြတ်ကူညီပံ့ပိုးပေးခဲ့ကြောင်းနှင့် လူငယ်ဆရာဆရာမကိုယ်စားလှယ်များ တရုတ်နိုင်ငံသို့သွားရောက်လေ့ လာသင်ယူရန် ဖိတ်ကြားခြင်း အပါအဝင် “တရုတ်-မြန်မာချစ်ကြည်ရေးကျောင်း” များ၏ အနှစ်သာရကို အဆက်မပြတ်ပြည့်ဝစေကာ ကျောင်းသားကျောင်းသူနှင့် ဆရာဆရာမများကို အကျိုးခံစားရစေခဲ့သည်ဟု သိရသည်။
Yangon-Times/tthl
#Local_News
#Published 13 December 2023
#Yangon_Times #Daily_News #YMG_News #Yangon_Media_Group

အပြည်ပြည်ဆိုင်ရာ ကမ္ဘာ့ငြိမ်းချမ်းရေး Belt and Road(၁၀)နှစ်ပြည့် အထိမ်းအမှတ်အဖြစ် ရန်ကုန်မြို့ရှိ ရွှေတိဂုံစေတီတော်မြတ်ကြီးမှာ ဆီမီး(၁၀၀၀၀)ထွန်းညှိပူဇော်တာ၊ ဆွမ်းကပ်တရားနာ ဆုတောင်းပွဲတွေ ပြုလုပ်သွားဖို့ရှိတယ်။ မန္တလေးနှင့်ပုဂံမှာလည်းကျင်းပဖို့ရှိပါတယ်။ မြန်မာ့အနုပညာနှင့်ယဉ်ကျေးမှုအသင်းဥက္ကဌ ဒေါ်အေးသဉ္ဇာသူ
Yangon-Times/tthl
#Local_News
#Published 13 December 2023
#Yangon_Times #Daily_News #YMG_News #Yangon_Media_Group

Published-13-December-2023

  ရန်ကုန်တိုင်းဒေသကြီး၊ ဒဂုံဆိပ်ကမ်းမြို့နယ်အတွင်း လမ်းဘေးရပ်ထားသည့် တွဲကားတစ်စီးအား သဲများတင်ဆောင်သည့် ကားတစ်စီးက နောက်မှဝင်ရောက်တိုက်သည့်  ဖြစ်စဉ်တစ်ခု ဖြစ်ပွားခဲ့ကြောင်း သိရသည်။

ဒီဇင်ဘာ ၁၃ရက် နေ့လည် ၂နာရီဝန်းကျင်က ဒဂုံဆိပ်ကမ်းမြို့နယ်၊ ရတနာလမ်းမကြီး ရာဇဂြိုဟ် မှတ်တိုင်အနီးတွင် လမ်းဘေးရပ်ထားသော တွဲကားတစ်စီးအား သဲကားက နောက်မှဝင်ရောက်တိုက်မိခဲ့ကာ ယင်းယာဉ်တိုက်မှုကြောင့် သဲကားပေါ်မှ အမျိုးသားတစ်ဦး ထိခိုက်ဒဏ်ရာ ရရှိခဲ့ကြောင်း သိရသည်။

    အဆိုပါ ဖြစ်စဉ်ကြောင့် ထိခိုက်ဒဏ်ရာရသည့် အမျိုးသားတစ်ဦးအား 5B TAXI လူမှုကူညီရေးအသင်း Ambulance ယာဉ်ဖြင့် မြောက်ဥက္ကလာ မေဓာဝီ ဆေးရုံသို့ ပို့ဆောင်ထားကြောင်း သိရသည်။
Yangon-Times/LW
#Local_News
#Published 13 December 2023
#Yangon_Times #Daily_News #YMG_News #Yangon_Media_Group

' စက်သုံးဆီ အရောင်းဆိုင်များထံ ဆီတွေလုံလောက်အောင် ရောင်းချပေးထားပြီးဖြစ်တာကြောင့် မကြာမီရက်ပိုင်းအတွင်း ပုံမှန်အနေအထားအဖြစ် ပြန်လည်ရောက်ရှိနိုင်မှာဖြစ်တယ်လို့ မြန်မာနိုင်ငံ စက်သုံးဆီတင်သွင်းသိုလှောင် ရောင်းချ ဖြန့်ဖြူးရေးအသင်း ကသိရပါတယ်။
Yangon-Times/NN
#Local_News
#Published 13 December 2023
#Yangon_Times #Daily_News #YMG_News #Yangon_Media_Group

Published-13 December 2023

ယခုနှစ် ၁၁ လအတွင်း YBS ယာဉ်များ ယာဉ်မတော်တဆမှု ၇၁မှုဖြစ်‌ ပွားပြီး ခရီးသည် ၂၉ ဉီးသေဆုံးကြောင်း ရန်ကုန်တိုင်း ပုဂ္ဂလိကသယ်ယူပို့ဆောင်ရေးကြီးကြပ်မှုကော်မတီ YRTC မှ သိရသည်။

၂၀၂၃ ခုနှစ်၁၁လတာအတွင်း ယာဉ်တိုက်မှု ၇၁ မှု ဖြစ်ပွားခဲ့ပြီး ခရီးသည် ၂၉ ဉီးသေဆုံး၍ ၁၁၀ ဉီး ဒဏ်ရာရရှိခဲ့ကြောင်း သိရသည်။

' တစ်ချို့ YBS ယာဉ်လိုင်းတွေက တစ်စီးနဲ့တစ်စီး အပြိုင်အဆိုင် မောင်းတာတွေရှိတယ်။ မီးနီဖြတ်မောင်းတာတွေ၊ အရှိန်ပြင်းမောင်းတာတွေကြောင့် ယာဉ်တိုက်မှုတြွေဖစ်ပြီး ခရီးသည်တွေ သေဆုံးတာ၊ လမ်းဖြတ်ကူးတဲ့သူတွေ သေဆုံးတာမျိုးရှိတယ်။ " ဟု YRTC မှ တွဲဖက်အတွင်းရေးမှူး ဉီးလျန်ကျင့်မာန်က ပြောသည်။

အဆိုပါကဲ့သို့ ဖြစ်ပွားပါက ယာဉ်မောင်းကို YRTC မှ ထုတ်ပေးထားသည့် YBS ယာဉ်မောင်းနှင်ခွင့်ကတ် ပြန်သိမ်းခြင်း၊ ယာဉ်လိုင်းမှ ရာသက်ပန် ထုတ်ပယ်ခြင်းများပြုလုပ်သည့်အပြင် ဥပဒေအရ အရေးယူလေ့ရှိကြောင်းသိရသည်။

ယခင် ၂၀၂၂ ခုနှစ်တွင် YBS ယာဉ်လိုင်းများ ယာဉ်တိုက်မှု ၆၅ မှု ဖြစ်ပွားခဲ့ပြီး ခရီးသည် ၃၁ ဉီးသေဆုံးကာ ၈၆ ဉီး ဒဏ်ရာရရှိခဲ့ရာ ယခုနှစ်တွင် သေဆုံးသူ ၂ ဉီးလျော့နည့်ခဲ့ကြောင်း သိရသည်။
Yangon-Times/NN
#Local_News
#Published 13 December 2023
#Yangon_Times #Daily_News #YMG_News #Yangon_Media_Group

Published 13  December 2023

    ကျောက်တံခါးမြို့နယ်အတွင်း မန္တလေး-ရန်ကုန် လူစီးရထား ရီမုမိုင်းဖြင့် ဖောက်ခွဲတိုက်ခိုက်ခံရ ကာ လူထိခိုက်မှု မရှိကြောင်း နစက သတင်းထုတ်ပြန်ရေးအဖွဲ့က ထုတ်ပြန်သည်။

ယမန်နေ့ဒီဇင်ဘာလ ၁၂ ရက် ညနေ ၅ နာရီခန့်တွင် မန္တလေးဘူတာမှ ရန်ကုန်သို့ ထွက်ခွာလာသည့် စက်ခေါင်းမောင်း ဦးခင်မောင်သန်း မောင်းနှင်လာသည့် စက်ခေါင်းအမှတ် DF/2083 ၊ လူစီးရထားသည် ကျောက်တံခါးမြို့ အရှေ့တောင်ဘက် မီတာ ၇၅၀၀ ခန့်အကွာ ရထားလမ်း ကြေးနန်းမိုင်တိုင်အမှတ် ၁၀၃ မိုင် ၂၄ ဖာလုံနှင့် ၁၀၄ မိုင် ၁ ဖာလုံ သို့ ဒီဇင်ဘာလ ၁၃ ရက် နံနက် ၃ နာရီ ၄၅ မိနစ်ခန့် တွင် ရောက်ရှိစဉ် KNLA နှင့် PDF တို့က ရထား လမ်းဘေး ဘယ် ညာမှ ရီမုမိုင်းများဖြင့် ဖောက်ခွဲတိုက်ခိုက်ခဲ့ခြင်းဖြစ်ကြောင်းသိရသည်။

ယင်းကြောင့်ရထားစက် ခေါင်းတွဲနှင့် ရထားတွဲ ၂ တွဲ လမ်းချော်မှုဖြစ်ပွားခဲ့ကြောင်း၊ သို့သော်လည်း ရထားပေါ်တွင် လိုက်ပါလာသော မီးရထားဝန်ထမ်းများနှင့်ခရီးသည်များ ထိခိုက်ဒဏ်ရရှိမှု မရှိကြောင်း၊ ရထားသံလမ်းများနှင့် ဇလီဖားတုံးများ ပြတ်တောက်ပျက်စီးခဲ့ကြောင်းသိရသည်။

    မီးရထားလမ်း ပျက်စီးခဲ့သည့်နေရာအား သက်ဆိုင်ရာတာဝန်ရှိသူများက ပြန်လည်ပြုပြင်ခြင်းလုပ်ငန်းများကို အမြန်ဆုံး ဆောင်ရွက်ပေးသွားမည်ဖြစ်ကြောင်း နှင့် လုံခြုံရေးတပ်ဖွဲ့ဝင်များက နယ်မြေလုံခြုံရေးအတွက် လိုအပ်သည့် လုံခြုံရေး လုပ်ငန်းများ တိုးမြှင့်ဆောင်ရွက်သွားမည် ဖြစ်ကြောင်း သိရသည်။
Yangon-Times/LW
#Local_News
#Published 13 December 2023
#Yangon_Times #Daily_News #YMG_News #Yangon_Media_Group