Published 14 November 2023

မကွေးတိုင်းဒေသကြီး မင်းဘူး (စကု) မြို့နယ်မှ သမိုင်းဝင်မန်းရွှေစက်တော်ဘုရားကြီး တွင် လာမည့် ပွဲတော် ရာသီ အမီ ဘုရားဖူး ပြည်သူများ အတွက် တိုးချဲ့ ပြင်ဆင် မှုတွေ ပြုလုပ်နေကြောင်း ရွှေစက်တော်ဂေါပကအဖွဲ့ထံမှ သိရသည်။

ဘုရားဝန်းအတွင်း ရှိ ကိုးခန်းကြီး၊ နှစ်ကျိပ်ရှစ်ဆူဘုရား၊ အထက်စက်တော်ရာအတက် စောင်းတန်းနှင့် မုခ်ဦး၊ အောက်စက်တော်ရာရင်ပြင်နှင့် နဂါးရေအိုင်များ ပြင်ဆင်၍ တိုင်လုံးများနှင့် ဘုံခုနစ်ဆင့်မှ ပန်းချီ၊ ပန်းပု၊ ဗိသုကာလက်ရာများကို ရှေးမူလက်ရာအတိုင်း အဆင့်မြှင့်တင်ပြင်ဆင်ခြင်းများနှင့် ဘုရားအဝင် သုံးမိုင်လမ်းတွင် တံတားနှစ်စင်း တိုးချဲ့ဆောက်လုပ်ခြင်း၊ အရိပ်ရသစ်ပင်စိုက်ပျိုးခြင်းနှင့် Flower Box များ ထားရှိခြင်းများကို ဘုရားပွဲတော်ရာသီအမီ တိုးချဲ့ပြင်ဆင်သွားမည်ဖြစ်ကြောင်း သိရသည်။

ထိုကဲ့သို့ အဆင့်မြှင့်တင်ထားရှိခြင်းကြောင့် အနယ်နယ်အရပ်ရပ်မှ  ဘုရားဖူးဧည့်သည်များ မျက်စိပသာဒ အေးချမ်းစွာဖြင့် ကြည်ညိုသဒ္ဓါပွားနိုင်ခြင်း၊ ကြယ်လိပ်နှင့် ရွှေသမင်များ ကြည့်ရှုလေ့လာနိုင်ခြင်း၊ ဆင်စခန်းမှ ဆင်များစီး၍ အပန်းဖြေခြင်းများအပြင် မန်းချောင်းအတွင်းမှ အပျော်စီးလှေများစီး၍ စိတ်အေးချမ်းပျော်ရွှင်စွာ တည်းကျောင်းများတွင် တည်းခိုကာ အထက် စက်တော်ရာနှင့်အောက်စက်တော်ရာ ပါဒစေတီတော်နှစ်ဆူအား ဖူးမြော်ကြည်ညိုနိုင်မည် ဖြစ်ကြောင်း သိရသည်။

မန်းရွှေစက်တော် ဘုရား ပွဲတော်ကို တပို့တွဲလ ဆန်း ၅ရက်မှ မြန်မာ့နှစ်ဆန်း ၁ရက် နေ့ အထိ ကျင်းပ ပြီး ပြီးခဲ့သည့် နှစ်ပွဲတော်ကာလ က ဘုရားဖူးဧည့်သည် ၄၈၈၇၇၃ ဦးအထိ ဝင်ရောက်ဖူးမြော်ခဲ့ကြကြောင်း သိရသည်။
#Yangon_Times/LW
#Local_News
#Published_ 14 November 2023
#YMG #Yangon_Times #Yangon_Media_Group

#World_Health
Published 14 November 2023

နေ့စဥ်အိမ်မှုကိစ္စများ ပြုလုပ်ခြင်းဖြင့် ၅၀၀ ကယ်လိုရီခန့် လောင်ကျွမ်းနိုင်ပြီး ကိုယ်အလေးချိန်ထိန်းသိမ်းရာမှာ အထောက်အကူ ဖြစ်စေနိုင်ကြောင်း ပညာရှင်များက အခိုင်အမာ ဆိုလိုက်ပါတယ်။

ပထမတစ်ရက်မှာ အဝတ်သိမ်း ဖုန်သုတ်၊ နောက်နေ့မှာ ရေချိုးခန်းသန့်ရှင်း၊ နောက်တစ်ရက်မှာ ကြမ်းပြင်ဖုန်သုတ်ခြင်းတို့ ပြုလုပ်နိုင်တယ်လို့ မယ်ရီလန်းတက္ကသိုလ်မှ ပရော်ဖက်ဆာ ဒက်စတန်မောရစ်က အကြံပြုသွားပါတယ်။

၂၀၁၉ နော်ဝေး အားကစားသိပ္ပံကျောင်းမှ လေ့လာချက်အရ လမ်းလျှောက်ခြင်း၊ ကြမ်းတိုက်ခြင်း၊ ခြံပျိုးခြင်းစတဲ့ လှုပ်ရှားမှုများ ပြုလုပ်ခြင်းဖြင့် စောစီးစွာ အသက်ဆုံးပါးနိုင်ခြေကိုပါ လျှော့ချပေးတယ်လို့ သိရပါတယ်။

 
(၁) ဖုန်သုတ်ခြင်း

အမြင့်နေရာတွေကို ဖုန်သုတ်တဲ့အခါ လက်တွေ ပခုံးတွေ လှုပ်ရှားရပြီး ထိုင်လိုက်ထလိုက် ပြုလုပ်ခြင်းဖြင့် ကယ်လိုရီတွေ လောင်ကျွမ်းစေပါတယ်။

ဖုန်သုတ်ရင်း ဘေးသို့ခြေထောက်မြှောက်တာကလည်း ထိရောက်မှုရှိပြီး လက်တစ်ဖက်တည်းဖြင့် မလုပ်ဘဲ အလှည့်ကျပြုလုပ်သင့်ပါတယ်။

 
(၂) ရေချိုးခန်းကြမ်းတိုက်ခြင်း

ရေချိုးခန်း၊ ကြွေပြား၊ ရေစိမ်ကန်၊ မှန်၊ စားပွဲခုံ၊ အိမ်သာထိုင်ခုံတို့ကို သန့်ရှင်းရေးလုပ်တာဟာ လက်၊ ကျော၊ ပခုံးစတဲ့ ကြွက်သားတွေကို လှုပ်ရှားစေပါတယ်။

ခြေထောက်ကိုခွပြီး ကြမ်းတိုက်ခြင်းဖြင့် ၁၀၀ ကယ်လိုရီခန့် လောင်ကျွမ်းနိုင်ပါတယ်။

 
(၃) မီးဖိုချောင်သန့်ရှင်းခြင်း

မီးဖိုချောင်မှာ မတ်တပ်ရပ်လိုက် ကုန်းလိုက် သန့်ရှင်းလုပ်ခြင်းဖြင့် အားအင်တွေကို အသုံးပြုရပါတယ်။
 

(၄) အဝတ်ခေါက်သိမ်းခြင်း

အဝတ်ခေါက်သိမ်းရတာဟာ အလွန်ပျင်းစရာကောင်းပေမယ့် နှလုံးကို အလုပ်လုပ်စေပါတယ်။

အိပ်ရာခင်းတွေသိမ်းရာမှာ ခန္ဓာကိုယ်ကို ရှေ့သို့စောင်းပြီးလုပ်ရတဲ့အတွက် ဒိုက်ထိုးသကဲ့သို့ အကျိုးကျေးဇူးရစေပါတယ်။

 
(၅) ကြမ်းပြင်သန့်ရှင်းခြင်း

ကြမ်းပြင်ကို ဖုန်စုပ်စက်၊ အဝတ်စတာတွေနဲ့ သန့်ရှင်းရေး ပြုလုပ်ခြင်းဖြင့် ခန္ဓာကိုယ်ကို ကြံ့ခိုင်သွယ်လျစေပါတယ်။

ခန္ဓာကိုယ်ရဲ့ ထောက်တိုင်ကြွက်သားတွေကို လှုပ်ရှားစေပြီး ပရိဘောဂပစ္စည်းတွေကို ရွှေ့ပြောင်းခြင်းကလည်း လက်မောင်းရှေ့၊ လက်မောင်းနောက်၊ ရင်ဘတ်၊ ကျောဘက်မှ ကြွက်သားတွေ ပါဝင်လှုပ်ရှားရပါတယ်။

 
ဒါကြောင့် အိမ်မှုကိစ္စပြုလုပ်ရင်း ကယ်လိုရီလောင်ကျွမ်းစေတဲ့အပြင် ကျန်းမာရေးကို မြှင့်တင်ပေးနိုင်မှာ ဖြစ်ပါတယ်။

#World_Health ##အိမ်မှုကိစ္စသန့်ရှင်းရေး #(၅၀၀)ကယ်လိုရီခန့်လောင်ကျွမ်း #Source: New York Post

Published 14 November 2023

ထိုင်းနိုင်ငံ ရယောင်ခရိုင် နိုခုမ်ဖတ်ထနာ မြို့ ဖနာနိခုမ်ကျေးရွာ အုပ်စု ၅ တွင် အလုပ်ရှင်မှ စွန်ပစ်ခဲ့သည့် ဆောက်လုပ်ရေး လုပ်ငန်းခွင်မှ မြန်မာ အလုပ်သမား ၁၈၀ ဦး ကို ထိုင်းအလုပ်သမားရေးရာဌာန များနှင့် လူဝင်မှုကြီးကြပ်ရေးဌာနတို့ အပါအဝင် ထိုင်းလူမှုရေး အဖွဲ့အစည်းများ က ကူညီပေးနေကြောင်း ထိုင်းသတင်းဌာနများ၏ ဖေါ်ပြချက် အရ သိရသည်။

အဆိုပါ မြန်မာ အလုပ်သမား ၁၈၀ ဦးသည် ယင်းမြို့နယ် ရှိ ပုဂ္ဂလိက စက်မှုဇုန် တွင် အလုပ်လုပ်နေသည့် ဆောက်လုပ်ရေးလုပ်သားများ ဖြစ်ကာ အလုပ်ရှင်မှ လုပ်အားခမပေးသည်မှာ နှစ်လနီးပါး ရှိပြီ ဖြစ်ပြီး အလုပ်ရှင်မှ စွန့်ပစ်သွားသောကြောင့် စားသောက်နေထိုင်ရေး အခက်ခဲ ဖြစ်နေကြောင်း သိရသည်။

'' လုပ်အားခ မရတာလဲ နှစ်လ နီးပါး ရှိပြီ အလုပ်ရှင်ကလည်း စွန့် ပစ်သွားတော့ စားသောက်နေထိုင်ရေး ခက်ခဲ ပြီး ပီလောပီနံဥ တူးစားနေရတယ်၊ကန်စွန်းရွက်ခူးစားနေရတာ ကို ထိုင်းလူမျိုးရွာခံတွေ မြင်တော့ သနားလို့ သူတို့လည်းတတ်နိုင်သလောက် ကူညီပေးတယ်၊သက်ဆိုင်ရာဌာန တွေကိုလဲ အကူညီတောင်းပေးတယ်၊ နိုဝင်ဘာ ၁၃ ရက်မှာတော့ ထိုင်းအာဏပိုင်တွေ လာပြီး ကူညီဆောင်ရွက်ပေးနေပါတယ်''ဟု ထိုင်းနိုင်ငံ ရှိ မြန်မာအလုပ်သမား တစ်ဦးကပြောသည်။

ယခု မြန်မာ အလုပ်သမား ၁၈၀ ဦးသည် အထောက်အထား အမှန်ကန် ရှိသည့် လုပ်သားများ ဖြစ်ကာ ထိုင်းအလုပ်ရှင်မှ ပေးရမည့် လုပ်အား ခ ဘတ်၃ သန်းခန့် ကို လည်း လာရောက် ပေးချေရန် ထိုင်းအာဏပိုင်များ က ညှိနှိုင်းဆောင်ရွက်ပေးနေကြောင်း သိရသည်။

မြန်မာ အလုပ်သမား များ အတွက် အရေးပေါ် လိုအပ်နေသည့် လိုအပ်ချက်များ ကို ရယောင်ခရိုင် လူမှုဖွံဖြိုးရေးနှင့် လူသားလုံခြုံရေးဌာန က ထမင်းနှင့်ဆန်ရိက္ခာခြောက်များ ကို အလုပ်သမား များ ကို ကူညီပေးခဲ့ကြောင်း သိရသည်။

နိခုမ်ဖတ်ထနာ မြို့ရှိ တာဝန်ရှိ ရဲများ က အလုပ်သမား များ နေထိုင်သည့် နေရာများ သည် ကျန်းမာရေးနှင့် ညီညွတ်မှု မရှိသဖြင့် ပြည်သူ့ ကျန်းမာရေး ဥပဒေနှင့် အညီဆောင်ရွက်ပေးဖို့ ယခင်က သတိပေးခဲ့သော်လည်း လိုက်နာဆောင်ရွက် ခြင်း မရှိသည် ကို တွေ့ရသဖြင့် မြေနေရာ ဌားပေးသည့် မြေပိုင်ရှင် ကို ပြည်သူ့ ကျန်းမာရေးဥပဒေဖြင့် တရားစွဲရန် ပြင်ဆင်နေပြီ ဖြစ်ကြောင်း ထိုင်းသတင်းဌာန ဖေါ်ပြထားသည်။
#Yangon_Times/LW
#Local_News
#အလုပ်ရှင်စွန့်ပစ်ခဲ့သည့်မြန်မာအလုပ်သမား #ထိုင်းအလုပ်ရှင်
#YMG #Yangon_Times #Yangon_Media_Group

Published_ 14 November 2023

ရန်ကုန်တိုင်း မရမ်းကုန်းမြို့နယ်ရှိ Honey nest DJဘား ဗုံး‌ပေါက်ကွဲမှုဖြစ်ခဲ့သည်ဟု  သတင်းများပြန့်နှံ့ခဲ့‌ပေမည့် ဘားအတွင်းပေါက်ကွဲခြင်းမရှိဘဲ ခြံဝန်းစပ်၌ပေါက်ကွဲခဲ့ခြင်းဖြစ်ကြောင်းသိရသည်။

နိုဝင်ဘာ ၁၃ရက် ည၉နာရီခွဲ ဝန်းကျင်မှာပေါက်ကွဲမှု ဖြစ်ပွားခဲ့ခြင်းဖြစ်ပြီး Honey nest DJဘား၏ ခြံဝန်းနှင့်အခြားခြံဝန်းကြားတွင်ပေါက်ကွဲမှုဖြစ်ခဲ့သည့်အတွက် ဘားအတွင်းwaiterများ၊ဧည့်သည်များထိခိုက်ဒဏ်ရာရရှိမှုမရှိခဲ့ဘူးဟု Honey nest Barမှသိရသည်။

"ခြံဝန်းစပ်မှာပေါက်တာ။Honey nest DJဘားရဲ့ ခြံဝန်းနဲ့အခြားခြံနှစ်ခြံကြားမှာပေါက်တာ။ဘားအတွင်းwaiter‌ တွေ၊ဧည့်သည်‌တွေထိခိုက်ဒဏ်ရာရရှိမှုမရှိခဲ့ဘူး"ဟု Honey nest Barမှတာဝန်ရှိသူတစ်ဦးကYMGကိုအတည်ပြုပြောခဲ့သည်။

အဆိုပါDJဘားအနီးပတ်ဝန်းကျင်နေထိုင်သူများမှ‌ ပေါက်ကွဲမှုဖြစ်ပွား‌ကြောင်းတင်ထားပြီး Honey nest DJဘားတည်ရှိသည့်ရပ်ကွက်၌မီးဖြတ်လိုက်ကြောင်းလည်း တင်ထားကြကြောင်း သိရသည်။
#Yangon_Times/thl
#Local_News
#Honey nest Bar #မရမ်းကုန်းမြို့နယ် #ဗုံး‌ပေါက်ကွဲမှု
#YMG #Yangon_Times #Yangon_Media_Group

#World_Health
Published 14 November 2023

ကလေးမရတဲ့ ပြဿနာဟာ ဖြေရှင်းရရှုပ်ထွေးပြီး ကိုယ်ဝန်ရဖို့ ကုသနည်းတွေကလည်း သေချာမသိရှိကြသေးပါဘူး။

ဒီပြဿနာ ဖြေရှင်းနိုင်ဖို့အတွက် အရင်ဆုံး အကြောင်းအရင်းများကို သိရှိထားဖို့ အရေးကြီးပါတယ်။

အမျိုးသားတွေမှာ မျိုးမပွားနိုင်တဲ့ ပြဿနာ ဖြစ်ရခြင်း အကြောင်းအရင်းတွေကတော့ သုတ်ပိုးလှုပ်ရှားနိုင်စွမ်းနဲ့ အကောင်ရေနည်းပါးခြင်း၊ သုတ်ပိုးထုတ်လုပ်မှု ပုံမှန်မဟုတ်ခြင်းနဲ့ မထုတ်လုပ်နိုင်ခြင်း၊ ထောင်မတ်နိုင်စွမ်းမရှိခြင်း၊ စောစီးစွာသုတ်လွှတ်ခြင်းတို့ ဖြစ်ပါတယ်။

အမျိုးသမီးတွေမှာ ဖြစ်ရတဲ့ အကြောင်းအရင်းတွေက မျိုးဥပုံမှန်မကြွေခြင်း၊ သားဥအိမ်ပြွန် ထိခိုက်ပိတ်ဆို့ခြင်း၊ သားအိမ်နံရံရောင်ခြင်း၊ မမျိုးဥထိန်းသိမ်းနိုင်စွမ်း နည်းပါးခြင်းတို့ ဖြစ်ပါတယ်။

အချို့သော အကြောင်းအရင်းတွေက ဆေးပညာအရ ကုသလို့ရနိုင်သလို နေထိုင်စားသောက်မှုပုံစံ ပြောင်းလဲခြင်းဖြင့်လည်း ပြေလည်စေတတ်ကြောင်း ဆာရ်ဂန်ဂရမ်ဆေးရုံမှ ဒေါက်တာ ရွှီတာမစ်တယ်က ပြောပြသွားပါတယ်။

အချို့သောကိစ္စတွေကတော့ ရှင်းပြရခက်ခဲပြီး အကြောင်းအရင်းတွေ့ရှိဖို့လည်း ကြာမြင့်တတ်ပါတယ်။

မျိုးမပွားနိုင်ခြင်း ပြဿနာအဆင့်ဆင့်အတွက် ကုသနည်းလမ်းအချို့ ရှိပါတယ်။

ရာသီစက်ဝန်းအလိုက် မမျိုးဥကို လေ့လာကာ မျိုးဥကြွေတဲ့အချိန်မှာ ဆေးထိုးခြင်းဖြင့် မျိုးပွားနိုင်ခြေကို မြင့်မားစေမှာ ဖြစ်ပါတယ်။

သားဥအိမ်ပြွန်တွေကို စစ်ဆေးပြီး အနည်းငယ်ခွဲစိတ်မှု ပြုလုပ်ကာ ပြွန်ပိတ်ဆို့မှုကို ဖယ်ရှားတာမျိုးလည်း ပြုလုပ်နိုင်ပါတယ်။

နောက်တစ်နည်းကတော့ အမျိုးသမီးကို အားဆေးဖြည့်စွက်စာများပေးကာ အမျိုးသားရဲ့ သုတ်ပိုးကိုယူပြီး သားအိမ်ထဲသို့ ထည့်သွင်းတဲ့နည်းလမ်း ဖြစ်ပါတယ်။

ဒါတွေနဲ့ မအောင်မြင်ရင်တော့ ဖန်ပြွန်သန္ဓေသားနည်လမ်းလည်း ရှိပါသေးတယ်။

ဒီနည်းလမ်းကတော့ သားဥအိမ်မှ မျိုးဥတွေကို ရယူကာ သုတ်ပိုးနဲ့ ထိတွေ့မျိုးအောင်စေပြီး ငါးရက်အတွင်း သားအိမ်ထဲသို့ ထည့်ပေးရတာ ဖြစ်ပါတယ်။

မျိုးမအောင်တဲ့အကြောင်းကို အများစုက ဆွေးနွေးဖို့ ဝန်လေးနေကြတာကြောင့် နောက်ကျမှ ရောက်လာကြပြီး ကိုယ်ဝန်ရနိုင်ရန် အခွင့်အလမ်း ပိုနည်းလာပါတယ်။

#World_Health #ကလေးမရသည့်ပြဿနာ #ကုသနိုင်သည့်နည်းလမ်း #Source: DoctorNDTV

တရုတ်ပြည်မှ အကြီးဆုံး ကြိုးတင်သင်္ဘောကြီး ကျီဖန်၁၉ ဟာ ကျန်ဆုပြည်နယ်အရှေ့ပိုင်း နန်တုံမြို့မှာ ကြာသပတေးနေ့က ပင်လယ်ပြေးဆွဲစမ်းသပ်မှုများ စတင်ပြုလုပ်ခဲ့ပါတယ်။
#Asia_Development
Published_ 13 November 2023
#ကြိုးတင်သင်္ဘောကြီး #ပင်လယ်ရေချစမ်းသပ်မှု

၁၃ နိုဝင်ဘာ ၂၀၂၃

ဒုတိယဝန်ကြီးချုပ်နှင့်နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေသည် မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံ သံအမတ်ကြီး မစ္စတာချန်းဟိုင်အား နိုဝင်ဘာ ၁၃ ရက် ည (၆)နာရီအချိန်တွင် နေပြည်တော်ရှိ နိုင်ငံခြားရေးဝန်ကြီး ဌာန၌ လက်ခံတွေ့ဆုံကာ နှစ်နိုင်ငံနယ်စပ်ဒေသတည်ငြိမ်အေးချမ်းရေးနှင့်တရားဥပဒေစိုးမိုးရေးတို့ အတွက် ဆွေးနွေးခဲ့ကြတယ်လို့သိရပါတယ်။

တွေ့ဆုံကြရာတွင် “ နှစ်နိုင်ငံဆက်ဆံရေး၊ မြန်မာ-တရုတ် နှစ်နိုင်ငံနယ်စပ်ဒေသ တည်ငြိမ်အေးချမ်းရေး နှင့် တရားဥပဒေစိုးမိုးရေးအတွက် နှစ်ဖက်ပူးပေါင်းဆောင်ရွက်ရေး ကိစ္စရပ်များအပေါ် ရင်းနှီးပွင့်လင်းစွာ ဆွေးနွေးအမြင်ချင်း ဖလှယ်ခဲ့ကြောင်း” နစက နိုင်ငံခြားရေးဝန်ကြီးဌာနက သတင်းထုတ်ပြန်ထားပါတယ်။

-ymg/knl

၁၃ နိုဝင်ဘာ ၂၀၂၃

၂၀၂၃ခုနှစ် နိုဝင်ဘာ၁၃ ရက်နေ့ ရှမ်းပြည်နယ်(မြောက်ပိုင်း)၊ ရခိုင်ပြည်နယ်၊ ကယားပြည်နယ် လွိုင်ကော် ဒေသတို့တွင် တိုက်ပွဲဖြစ်ပွားမှုများကို နစကသတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်း၏ ရှင်းလင်းပြောကြားချက်ကို မီဒီယာများသို့ ယနေ့ ညနေပိုင်းတွင်ဖြန့်ဝေပေးခဲ့ရာ ယင်းကို မူရင်းအတိုင်း အပြည့်အစုံ ဖော်ပြပေးအပ်ပါတယ်။

-ymg/knl

#Daily_News
Published_ 13 November 2023

၁။ ယခုလတွင် ကိုဗစ်ပိုးတွေ့သူ(၂၅)ဦးရှိပြီဖြစ်၊ ဆောင်းကာလကိုဗစ်တစ်ကျော့ပြန် မဖြစ်အောင်ကိုဗစ်ကာကွယ်ဆေးပြန်ထိုးသင့်ဟုဆို

၂။ စက်မှုဇုန်မြေဈေးကွက်အတွင်း ဝယ်လက်များပျောက်နေ

၃။ မကွေးတိုင်းမှထွက်ရှိမည့် ပဲစဉ်းငုံ တန် ၂၀၀၀ ဝယ်ယူရန် ပို့ကုန်လုပ်ငန်းရှင်မှ ကမ်းလှမ်းထားပြီဟုဆို

၄။ တရုတ်ပြည်၏အကြီးဆုံး ကြိုးတင်သင်္ဘောကြီး ပင်လယ်ရေချစမ်းသပ်မှုများပြုလုပ်... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

‘ကလေးသိုက်နန်းရှင်တွေထံ စီးပွားရေးဆိုင်ရာ ခြံကွက်၊ မြေကွက်တွေအရောင်းထွက်ဖို့ဆုတောင်းကြပြီး ဆုတောင်းပြည့်တဲ့အတွက် လှူဒါန်းငွေတွေပေးပိုလှူဒါန်းစေတာမျိုးတွေရှိသလို ကလေးသိုက်နန်းရှင်လေး တွေလိုအပ်တဲ့ အဝတ်အစား၊ အသုံးအဆောင်ပစ္စည်းလေးတွေပေးပို့လှူဒါန်းတာမျိုးတွေ ရှိနေတယ်။ သိုက်နန်းရှင် ကလေးတွေဆီကနေစွန့်ပြီး ကလေးတွေကိုပြန်လှူဒါန်းပါတယ်’ နဂါးမောက်ဘုရားမှ အကျိုးတော်ဆောင်ကိုဇင်မိုး
‌#Local_News
Published_ 13 November 2023
#နဂါးမောက်ဘုရား #ကလေးသိုက်နန်းရှင်
#tthl #Yangon_Times

'ဇီးခွဲဆံဝတ်ဆံကို တရုတ်ကအများဆုံးဝယ်တာ အခုကလမ်းပန်းဆက်သွယ်ရေးကြောင့်လည်းပါတယ်၊ ဈေးကွက်တွေကတအားအေးနေတာ'ကျောက်ပန်းတောင်းမြို့၊ သိန်းတစ်ရာဇီးခွဲစက်ကိုသန့်
‌#Local_News
Published_ 13 November 2023
#ဇီးဆံဈေးနှုန်း #တင်ပို့မှုရပ်နား
#YMG/NN #Yangon_Times