#Local_News
Published 28 December 2024
▪️ မြန်မာ့ကလေးငယ် ၆ သန်းခန့်သည် ပိုမိုဆိုးရွားလာသည့် လူသားချင်းစာနာထောက်ထားမှုဆိုင်ရာ အခြေအနေများကို ရင်ဆိုင်နေရပြီး ပြည်တွင်းနေရပ်စွန့်ခွာ ထွက်ပြေးတိမ်းရှောင်သူ ၃.၅ သန်းခန့်၏ ၃၃ ရာခိုင်နှုန်းကျော်မှာ ကလေးငယ်များဖြစ်ေကြာင်း UNICEF Myanmar မှ သိရသည်။
▪️ ပိုမိုကျယ်ပြန့်လာသည့် ပဋိပက္ခများကြောင့် ၂၀၂၄ ခုနှစ်သည် မြန်မာနိုင်ငံတစ်ဝှမ်းရှိ ကလေးငယ်များအတွက် စိန်ခေါ်မှုပေါင်းများစွာရှိခဲ့သည့် နှစ်တစ်နှစ်ဖြစ်ခဲ့ပြီး ပဋိပက္ခများ ကြောင့် ကလေးငယ် ၇၅၀ ကျော် သေဆုံး၊ ဒဏ်ရာရရှိခဲ့ကြောင်း၊၂၀၂၄ ခုနှစ် ဇန်နဝါရီလမှ စက်တင်ဘာလအတွင်း မြေမြှုပ်မိုင်းများနှင့် စစ်လက်နက်ပစ္စည်းကြွင်းကျန်များ (ERW)ကြောင့် အနည်းဆုံးကလေး ၂၅၀ ဦး သေဆုံး၊ ဒဏ်ရာရရှိခဲ့ပြီး ထိုကိန်းဂဏန်းသည် ကမ္ဘာပေါ်တွင်အများဆုံးဖြစ်ခဲ့ကြောင်း သိရသည်။
▪️ ကျန်းမာရေးစောင့်ရှောက်မှုနှင့်ပညာရေး အစရှိသည့် အရေးကြီးဝန်ဆောင်မှုများ ကျယ်ကျယ်ပြန့်ပြန့် လိုအပ်လာခြင်းနှင့် ကျဆင်းလာသည့် စီးပွားရေးအခြေအနေများကြောင့် မြန်မာကလေးများ၏နေ့စဉ်ဘဝသည် ယခင်နှစ်များထက် ပိုမို ဆိုးရွားလာခဲ့ခြင်းကြောင့် UNICEF Myanmar အနေဖြင့် ပြည်တွင်းရှိ ကလေးငယ်များအရေးကို ပိုမို တိုးမြှင့်လုပ်ဆောင်သွားမည်ဖြစ်ကြောင်း သိရသည်။
#YMG/SW #Yangon_Times
