#Local_News
Published_ 24 February 2023
ပြည်တွင်းပြည်ပက ရုပ်ရှင်ဇာတ်ကားတွေကို တရားမဝင်ပြသရောင်းချနေတဲ့ အွန်လိုင်းပေါ်က Channel တွေ၊ website တွေ၊ Facebook Page တွေကို အရေးယူဆောင်ရွက်သွားဖို့ရှိတယ်လို့ ပြန်ကြားရေးဝန်ကြီးဌာနမှ သိရပါတယ်၊၊
#Local_News #ရုပ်ရှင်ဇာတ်ကား#YMG #Yangon_Media_Group
- Category: Myanmar
- Hits: 329
#Local_News
Published_ 24 February 2023
ဖေဖော်ဝါရီလ ၂၄ ရက်မနက်ပိုင်းမှာ ကမ္ဘာ့ရွှေဈေးဟာ တစ်အောင်စကို ၁၈၂၂ ဒေါ်လာနဲ့ဈေးဖွင့်လာပြီး ပြည်တွင်းရွှေဈေးဟာလည်း ၂၈ သိန်း ၅ သောင်းအောက်ကို ကျဆင်းလာတယ်လို့ ရွှေလုပ်ငန်းရှင်တွေက ပြောပါတယ်။
#Local_News #Gold #Business #YMG
#Yangon_Media_Group
- Category: Myanmar
- Hits: 292
#Local_News
Published_ 24 February 2023
မတ်လ ၁ ရက်နေ့ကစပြီး နယ်စပ်ကုန်သွယ်ရေးစခန်းများကနေတစ်ဆင့်တစ်ဖက်နိုင်ငံကို ဆန်နဲ့ဆန်ထွက်ပစ္စည်းတင်ပို့ရောင်းမှုကနေ ရရှိလာတဲ့ နိုင်ငံခြားသုံးငွေ ၆၅ ရာခိုင်နှုန်းကို ဗဟိုဘဏ်သတ်မှတ်နှုန်း အတိုင်း မြန်မာကျပ်ငွေနဲ့ လဲလှယ်ရမှာဖြစ်တယ်လို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ကုန်သွယ်ရေးဦးစီးဌာနက ဖေဖော်ဝါရီလ ၂၃ ရက်နေ့မှာ ထုတ်ပြန်လိုက်ပါတယ်။
#Local_News #Rice #Export #ဗဟိုဘဏ်သတ်မှတ်နှုန်း
#YMG #Yangon_Media_Group
- Category: Myanmar
- Hits: 301
#DailyNews
Published_ 24 February 2023
၁။ ဆန်နှင့်ဆန်ထွက်ပစ္စည်းများ နိုင်ငံခြားတင်ပို့မှုမှရရှိသည့် နိုင်ငံခြားငွေ ၆၅ ရာခိုင်နှုန်းကို ဗဟိုဘဏ်သတ်မှတ်နှုန်းအတိုင်းလဲလှယ်ရမည်
၂။ ကမ္ဘာ့ရွှေဈေး ၁၈၂၂ ဒေါ်လာ ပေါက်ဈေးရှိပြီး ပြည်တွင်ရွှေဈေးဆက်တိုက်ကျဆင်းနေ
၃။ ရုပ်ရှင်ဇာတ်ကားများကို တရားမဝင်ပြသရောင်းချနေသည့် Channel များ၊ Website များ၊ Page များကို အရေးယူရန်ရှိဟုဆို
၄။ အန္တာတိကရေခဲပြင်တွင်(၂.၅)ကီလိုမီတာ ရေကူးခတ်ပြီး စံချိန်တင်ခဲ့သည့် ချီလီရေကူးမယ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group #Daily_News #YMG
- Category: Myanmar
- Hits: 193
#Local_News
Published_ 24 February 2023
အခုရက်ပိုင်းမှာ တနင်္လာဂြိုလ် Moon ရယ်၊ကြာသပတေးဂြိုလ် Jupiter ရယ်၊ သောကြာဂြိုလ် Venus ရယ် ဂြိုဟ်သုံးလုံးတစ်တန်းတည်းကျရောက်ခဲ့တယ်လိုသိရပါတယ်၊၊
#Local_News #ဂြိုဟ်သုံးလုံး
#YMG #Yangon_Media_Group
- Category: Myanmar
- Hits: 523
#Local_News
Published_ 24 February 2023
CB ဘဏ်မှ ငွေကျပ်သိန်းသုံးထောင်ထုတ်ယူပြီး ပြန်အလာတွင် လုယက်သွားမှုတစ်ခု ရန်ကုန်မြို့တွင်း၌ ယနေ့ ဖေဖော်ဝါရီလ ၂၄ ရက်တွင် ဖြစ်ပွားခဲ့သည်။
ငွေလွှဲလုပ်ငန်းတစ်ခုမှ အမျိုးသမီးဝန်ထမ်းတစ်ဦးနှင့် ယာဉ်မောင်းတို့က ဆာကူရာတာဝါ ရှိ CB ဘဏ်မှ ငွေကျပ်သိန်းသုံးထောင်ကို ထုတ်ယူပြီး ဆာလာအိတ်နှစ်အိတ်ဖြင့် ထည့်၍ ကားဖြင့် သယ်လာစဉ် အထက်ပါအတိုင်း လုယူခံခဲ့ရခြင်းဖြစ်ကြောင်း ရဲတပ်ဖွဲ့နှင့် နီးစပ်သည့် အသိုင်းအဝိုင်းက သိရသည်။
အဆိုပါ ကားမှာ ဗိုလ်ချုပ်လမ်းမှ မဟာဗန္ဓုလပန်းခြံလမ်းအတွင်းသို့ ကွေ့ဝင် မောင်းနှင်ခဲ့ကာ ကျောက်တံတားမြို့နယ်၊ ဆိပ်ကမ်းသာလမ်းနှင့် မဟာဗန္ဓုလလမ်းထောင့် အရောက်တွင် လူငါးဦးက ဓားမြှောင်များကိုင်၍ ယာဉ်ပေါ်သို့တက်ကာ မဟာဗန္ဓုလလမ်းအတိုင်း ဆိပ်ကမ်းသာလမ်းထိပ်သို့ မောင်းခိုင်းပြီး အသင့်စောင့်နေသော ကားပေါ်သို့ အဆိုပါ ငွေအိတ် နှစ်အိတ်ကို ရွှေ့ပြောင်း၍ လုယက်ထွက်ပြေးသွာခြင်း ဖြစ်ကြောင်း သိရသည်။
#ymg/mt #Local_News #CB bank #YMG #လုယက်သွားမှု
#Yangon_Media_Group
- Category: Myanmar
- Hits: 581
#World_Business
Published 24 February 2023
ကမ္ဘာ့ဘဏ်ကို ဦးစီးရန်အတွက် MasterCard Inc ရဲ့ အမှုဆောင်အရာရှိချုပ်ဟောင်း 'အာဂျေးဘန်ဂါ'ကို အမေရိကန်သမ္မတ'ဂျိုးဘိုင်ဒင်'က အဆိုပြုလိုက်ပါတယ်။
အိန္ဒိယနွယ်ဖွားအမှုဆောင်ဟာ ပုဂ္ဂလိကရေးရာကဏ္ဍမှာ ဆက်ဆံရေးကောင်းရှိထားပြီး သက်တမ်း ၇၇ နှစ်ရှိတဲ့ အဖွဲ့အစည်းအနေနဲ့ ရာသီဥတုဖောက်ပြန်မှုကို ကောင်းစွာဖြေရှင်းနိုင်ရန် အရှိန်အဟုန်ဖြင့် ပြုပြင်မွမ်းမံသွားမှာ ဖြစ်ပါတယ်။
အမေရိကန်နိုင်ငံသားဖြစ်နေပြီး အသက် ၆၃ နှစ်ရှိပြီဖြစ်တဲ့ ဘန်ဂါကို ကြာသပတေးနေ့မှာ ဘိုင်ဒင်က အဆိုပြုလိုက်ကာ ဖွံ့ဖြိုးဆဲနိုင်ငံတွေမှာ ရာသီဥတုပြောင်းလဲမှုကို ဖြေရှင်းရန်ကြိုးပမ်းနေတဲ့ ကမ္ဘာ့ဘဏ်ရဲ့ ဘီလီယံဒေါ်လာငွေကြေးတွေကို တာဝန်ယူကိုင်တွယ်ဖို့ သေချာသလောက်ဖြစ်နေပါတယ်။
ပြီးခဲ့တဲ့အပတ်က ရာထူးကနေနှုတ်ထွက်မယ်လို့ ကြေညာခဲ့တဲ့ ဥက္ကဌ'ဒေးဗစ်မယ်လ်ပတ်စ်'ရဲ့နေရာမှာ မေလအစောပိုင်းအတွင်း ဥက္ကဌအသစ်အစားထိုးရန် ကမ္ဘာ့ဘဏ်က မျှော်မှန်းထားပါတယ်။
ဒေးဗစ်မယ်လ်ပတ်စ်ဟာ ရာသီဥတုပြောင်းလဲမှုနဲ့ ပတ်သက်တဲ့ သိပ္ပံနည်းကျဘုံသဘောတူညီချက်ကို လက်ခံမလားဆိုတာကို အစပိုင်းမှာ ငြင်းပယ်ခဲ့ပြီး ခိုင်မာတဲ့ပြုပြင်ရေးများ ဆောင်ရွက်ရန် ဘဏ္ဍာရေးဝန်ကြီး'ဂျဲနတ်ယယ်လန်'ကလည်း ဖိအားပေးနေခဲ့တာကြောင့် အငြင်းပွားစရာများ ဖြစ်ခဲ့ပါတယ်။
အခုလိုမျိုး ပုဂ္ဂိုလ်တစ်ဦးကို အလျင်အမြန်ပဲ အဆိုပြုလိုက်တာကြောင့် အခြားယှဉ်ပြိုင်ချင်တဲ့သူတွေအတွက် အားလျော့သွားစေကြောင်း အမေရိကန်ဘဏ္ဍာရေးမှူးဟောင်း 'စကော့မောရစ်'က ဆိုပါတယ်။ နှစ်
ဘန်ဂါက ရာသီဥတုပြောင်းလဲမှုတုန့်ပြန်ရေးအတွက် ကမ္ဘာ့ကုမ္ပဏီတွေ၊ ပုဂ္ဂလိကမိတ်ဖက်အဖွဲ့အစည်းတွေနဲ့ ဆောင်ရွက်ခဲ့တဲ့ အတွေ့အကြုံတွေ ဆယ်စုနှစ်ချီရှိနေပြီး ကမ္ဘာ့ခေါင်းဆောင်တွေနဲ့ အလုပ်လုပ်ဖူးတဲ့ မှတ်တမ်းတွေရှိထားကြောင်း ဘိုင်ဒင်က မှတ်ချက်ပြုလိုက်ပါတယ်။
ဘန်ဂါက ဘဏ္ဍာရေးတိုးချဲ့ခြင်းတွေ၊ နည်းပညာအသစ်ကျွမ်းကျင်ခြင်းတွေအပေါ် စိတ်ပါဝင်စားခြင်းက ချမ်းသာတဲ့နိုင်ငံတွေနဲ့ ကျယ်ပြန့်စဈေးကွက်တွေကြား ကူးပေါင်းပေးနိုင်မှာဖြစ်ကြောင်း အင်တာအမေရိကန်ဖွံ့ဖြိုးရေးဘဏ်ဥက္ကဌဖြစ်ပြီး ဘန်ဂါနဲ့နီးစပ်စွယလုပ်ကိုင်နေတဲ့ လူးဝစ္စအယ်လ်ဘတ်တိုမိုရီနိုက ဆိုပါတယ်။
အိန္ဒိယကလည်း ဘန်ဂါပါဝင်ယှဉ်ပြိုင်မယ့်အပေါ် ထောက်ပံ့ပေးဖို့ မျှော်လင့်နေကြောင်း နိုင်ငံတကာငွေကြေးရန်ပုံငွေအဖွဲ့မှ အိန္ဒိယအမှုဆောင်ညွှန်ကြားရေးမှူးက ပြောကြားသွားပါတယ်။
#Source: Reuters #World_Business #ဘိုင်ဒင်အဆိုပြု
#YMG #Yangon_Media_Group
- Category: World
- Hits: 283
#Local_News
Published_ 24 February 2023
ပြည်တွင်းမှာထွက်ရှိသည့်ဆန်ကို အင်ဒိုနီးရှားနိုင်ငံသို့ တင်ပို့နိုင်းရေး နိုင်ငံလုပ်ငန်းရှင်တွေ ဆွေးနွေးနေကြောင်း မြန်မာနိုင်ငံကုန်သည်များနှင့်စက်မှုလက်မှုလုပ်ငန်းရှင်းအသင်းမှသိရသည်။ ဒါ့အပြင် အင်ဒိုနီးရှား _မြန်မာ စွမ်းအင်လုပ်ငန်းတွင် ပူးပေါင်းဆောင်ရွက်ရေး၊ မြန်မာကျောင်းသားများကို ပညာသင်ဆုပေးအပ်ရေးတို့ကိုလည်း ဆွေးနွေးခဲ့ကြောင်း သိရသည်။
မြန်မာ့ဆန်တင်ပို့နိုင်းရေးအတွင် ပြည်တွင်းငွေကြေးစနစ်နှင့်ဘဏ်လုပ်ငန်းများ ကောင်းမွန်လည်ပတ်နိုင်စေရေးတို့ကိုလည်း ဆွေးနွေးခဲ့ကြောင်းသိရသည်။ လက်ရှိမှာ ပြည်တွင်းကဆန်နှင့် ဆန်ထွက်ပစ္စည်းတင်ပို့ရာမှ ရရှိသည့် ပို့ကုန်ဝင်ငွေ ၆၅ ရာခိုင်နှုန်းကို ဗဟိုဘဏ်သတ်မှတ်နှုန်းအတိုင်းလဲလှယ်ဖို့ စီးပွားကူးသန်းဝန်ကြီးဌာနက ညွှန်ကြားချက် အသစ်ထုတ်ပြန်ထားသည်။
၂၀၂၂_ ၂၀၂၃ ခုနှစ် ဇန်နဝါရီလကုန်အထိ ပြည်ပသို့ဆန်တန်ချိန် ၂ သန်းတင်ပို့ထားပြီး ဖေဖော်ဝါရီလနှင့်မတ်လကုန်တို့မှာ ဆန်တန်ချိန် ၃သိန်းထပ်မံတင်ပို့ရန်လျာထားတယ်လို့ မြန်မာနိုင်ငံဆန်စပါးအသင်းချုပ်မှ သိရသည်။
#ymg/ynzw #Local_News #အင်ဒိုနီးရှား
#Yangon_Media_Group
- Category: Myanmar
- Hits: 363
#Local_News
Published_ 24 February 2023
အရေးပေါ်သက်တမ်းကာလ ထပ်မံတိုးမြှင့်မှုအပေါ် ပြည်သူများ၏တုန့်ပြန်ချက်များ လိုအင်ဆန္ဒများကို ဖြေရှင်းဆောင်ရွက်လျက်ရှိကြောင်း နစကဥက္ကဋ္ဌက ဖေဖော်ဝါရီ (၂၃) ရက်ကပြုလုပ်တဲ့ နစက အစည်းအဝေး (၂/၂၀၂၃) မှာ ပြောကြားခဲ့ပါတယ်။
နစကရဲ့ ၂ နှစ်တာကာလ တာဝန်ထမ်းဆောင်မှုနှင့် ပတ်သက်၍ ယာယီသမ္မတ ထံသို့ အစီရင်ခံတင်ပြခဲ့ပြီး အရေးပေါ်အခြေအနေ သက်တမ်းကာလကို ၆ လ ထပ်မံတိုးခဲ့ ရာ တွေ့ရှိရသည့် ဝေဖန်မှုများ၊ တုန့်ပြန်ချက် များနှင့်လိုအင်ဆန္ဒများကို လေ့လာဆန်းစစ်ခဲ့ တယ်လို့ နစကဥက္ကဋ္ဌက ဆိုပါတယ်။
တွေ့ရှိချက်များအရ ရွေးကောက်ပွဲပြန်လည် ဆောင်ရွက်ပေးရန်၊ တည်ငြိမ်အေးချမ်းမှုရှိအောင် ဆောင်ရွက်ပေးရန်နှင့် ကုန်ဈေးနှုန်းကျဆင်းမှုရှိအောင် ဆောင်ရွက်ပေးရန် ဟူသည့် အချက် ၃ ချက်မှာ အဓိကဖြစ်တယ်လို့ ဆိုပါတယ်။
ထို့ပြင် တည်ငြိမ်အေးချမ်းမှုရှိရန်အတွက် အချို့သောမြို့နယ်များ၌ စစ်အုပ်ချုပ်ရေး အမိန့်ကိုထုတ်ပြန်ခဲ့ပြီး တပ်မတော်အနေဖြင့် တည်ငြိမ်အေးချမ်း မှုရှိအောင် ဆောင်ရွက် ရာတွင် ယခင်ကြုံတွေ့ခဲ့ရသည့် အတွေ့အကြုံများအရ ဥပဒေနှင့်အညီသာ ထိန်းသိမ်း ဆောင်ရွက်လျက်ရှိတယ်လို့ ပြောပါတယ်။
ရွေးကောက်ပွဲမှာ တိုင်းပြည်တစ်ခုရဲ့ သိက္ခာပင်ဖြစ်သဖြင့် သိက္ခာရှိတဲ့ရွေးကောက်ပွဲ တစ်ရပ်ဖြစ်ပေါ်စေရေး ကြိုးပမ်းဆောင်ရွက်သွားရမည်ဖြစ်ကာ မဲစာရင်းများ မှန်ကန်မှုရှိစေရေးအတွက် လိုအပ်သည်များကို ဆောင်ရွက်ရန် အချိန်လိုအပ်နေသေးတယ်လို့ ဆိုပါတယ်။
ကုန်ဈေးနှုန်းကျဆင်းစေရေးနှင့်ပတ်သက်၍ ကုန်ဈေးနှုန်းများမြင့်တက်ရခြင်းမှာ ယခင်က ထုတ်ကုန်နည်းပါးပြီး သွင်းကုန်များများပြားခြင်းကြောင့် ကုန်သွယ်မှု လိုငွေများ ဖြစ်ပေါ်ခဲ့ကြောင်း၊ မိမိတို့နိုင်ငံတွင် ကုန်ဈေးနှုန်းများမြင့်တက်ခဲ့ သော်လည်း အခြေခံ ကုန်ပစ္စည်းများ ပြတ်လပ်မှုမရှိခဲ့ကြောင်း၊ နိုင်ငံ့ဝင်ငွေတိုးတက်စေရေး အတွက် ပြည်တွင်း ကုန်ထုတ်လုပ်မှုများ တိုးတက် စေရေးအားပေးဆောင်ရွက်လျက်ရှိ ကြောင်း၊ သို့မှသာ ကုန်ဈေးနှုန်းများကျဆင်းလာမည်ဖြစ်ကြောင်း၊ မိမိတို့အနေဖြင့် ကုန်ဈေးနှုန်းများ ကျဆင်းစေရေး တတ်နိုင်သမျှ ဆောင်ရွက်လျက်ရှိကြောင်း ပြောကြားခဲ့ပါတယ်။
#ygm_mnn #အရေးပေါ်သက်တမ်း #Local_News #YMG
#Yangon_Media_Group
- Category: Myanmar
- Hits: 550
#Local_News
Published_ 24 February 2023
နိုင်ငံတော်ရဲ့အကျိုးစီးပွားကို ကာကွယ်စောင့်ရှောက်ရမှာဖြစ်တယ်လို့ နိုင်ငံခြားရေး ဝန်ကြီးဦးသန်းဆွေက အမေရိကဇုန်၊ ဥရောပဇုန်၊ အရှေ့အလယ်ပိုင်း နှင့် အာဖရိကဇုန်တို့ရှိ မြန်မာသံရုံးများနှင့် မြန်မာအမြဲတမ်းကိုယ်စားလှယ်အဖွဲ့ရုံးတို့မှ အကြီးအကဲများ၊ သံရုံးယာယီတာဝန်ခံများကို ဖေဖော်ဝါရီ (၂၃) ရက်တွင် Video Conferencing စနစ်ဖြင့် တွေ့ဆုံရာမှာ ပြောကြားခဲ့ပါတယ်။
ဝန်ကြီးက နိုင်ငံ့အကျိုး အများပြည်သူအကျိုးကို ဆထက်ထမ်းပိုး ထမ်းဆောင်ကြ စေလိုကြောင်း၊ မှန်ကန်တဲ့ သတင်းအချက်အလက်များကို သက်ဆိုင်ရာများထံသို့ ရောက်အောင် ဆောင်ရွက်သွားရမှာဖြစ်တယ် လို့ ဆိုပါတယ်။
မြန်မာနိုင်ငံရဲ့ အခြေအနေမှန်ကို သိရှိခြင်းမရှိဘဲ၊ မဟုတ်မမှန် ဝါဒဖြန့်နေသော မီဒီယာများ၏ သတင်းများသာ လွှမ်းမိုးနေသည်ကို သံရုံးအကြီးအကဲများ သဘောပေါက် နားလည်ရန်လိုအပ်တယ်လို့ ပြောပါတယ်။
ထို့အပြင် နိုင်ငံ့ဝန်ထမ်းများအနေဖြင့် နိုင်ငံရေးနှင့်မပတ်သက်ကြရန် ဥပဒေက သတ်မှတ်ထားကြောင်း၊ အချို့သော နိုင်ငံများဆိုပါက နိုင်ငံ့ဝန်ထမ်းများသာမက ၎င်းတို၏ မိသားစုဝင်များကိုပါ နိုင်ငံရေးပါတီများနှင့် မပတ်သက်ရန် တားမြစ်ချက်များ ရှိပါကြောင်း၊ တာဝန်အရ ပေးအပ်ထားသည့် အမိန့်ညွှန်ကြားချက်များကို လိုက်နာဆောင်ရွက်ရန်နှင့် လုပ်ပိုင်ခွင့်များကို အလွဲသုံးစားပြုခြင်း၊ တာဝန်ပျက်ကွက်ခြင်းများ မဖြစ်ပေါ်ဖို့ မှာကြားခဲ့ကြောင်း သတင်းရရှိပါတယ်။
#ygm_mnn #Local_News #ကာကွယ်စောင့်ရှောက် #သံရုံး/အဖွဲ့ရုံး
#YMG #Yangon_Media_Group
- Category: Myanmar
- Hits: 271
#Local_News
Published_ 24 February 2023
ရွှေတိဂုံစေတီတော် ၂၆၁၁ ကြိမ်မြောက် ဗုဒ္ဓပူဇနိယ တပေါင်းပွဲတော်ကြီးကို ယနေ့ဖေဖော်ဝါရီလ ၂၄ ရက် နံနက်က စတင်ကျင်းပခဲ့ကြောင်း သိရသည်။
အဆိုပါ တပေါင်းပွဲတော်ကြီးကို ၁၀ ရက်ကြာ ကျင်းပသွားမည်ဖြစ်ကြောင်း၊ မတ်လ ၄ ရက် (အဖိတ်နေ့) ညနေ ၄ နာရီအချိန်တွင် သံဃာတော် ၁၁၇ ပါး၊ သီလရှင် ၂၇ ပါးတို့အား ဆွမ်းဆန်စိမ်းလောင်းလှူမှုများ ပြုလုပ်၍ မတ်လ ၅ ရက် (တပေါင်းလပြည့်နေ့) နံနက် ၉ နာရီတွင် မဟာပဋ္ဌာန်းသိမ်းအောင်ပွဲကို ကျင်းပသွားမည်ဖြစ်ကြောင်း၊ဆွမ်းဆန်စိမ်းလောင်းလှူပွဲသို့ ဘုရားဖူးလာရောက်သည့် ဧည့်သည်တော်များအနေဖြင့် ကြိုတင်စာရင်းပေးသွင်း၍ ပါဝင်လောင်းလှူနိုင်ကြောင်းလည်း သိရသည်။
တပေါင်းပွဲတော် မကျင်းပမီ ဖေဖော်ဝါရီလ ၈ ရက်ကစ၍ ယနေ့ ဖေဖော်ဝါရီလ ၂၄ ရက်ထိ အလှည့်ကျ အကြိုမဟာပဋ္ဌာန်းရွတ်ဆိုပူဇော်မှုများ ပြုလုပ်ခဲ့ကြကြောင်းလည်း ဂေါပက အဖွဲ့က သိရသည်။
ဗုဒ္ဓပူဇနိယ တပေါင်းပွဲတော်စတင် ကျင်းပသည့် ယနေ့တွင် နှစ်ကျိပ်ရှစ်ဆူ ဘုရားများအား စေတီတော်မြတ်ကြီးမား တစ်ပတ်ခွဲ လှည့်လည်အပူဇော်ခံခဲ့ကြောင်းလည်း သိရသည်။
#ymg/mt #Local_News #ရွှေတိဂုံစေတီ #တပေါင်းပွဲတော်
#YMG #Yangon_Media_Group
- Category: Myanmar
- Hits: 282
#Local_News
Published_ 24 February 2023
တရုတ်နိုင်ငံခြားရေးဝန်ကြီး ချင်ဂန်းသည်အင်ဒိုနီးရှားနိုင်ငံသို့ ချစ်ကြည်ရေးခရီး လာရောက်စဉ် ဖေဖော်ဝါရီ ၂၂ ရက်တွင် ဂျကာတာမြို့ရှိ အာဆီယံအတွင်းရေးမှူးချုပ်ရုံး၌ အာဆီယံဆိုင်ရာ အမြဲတမ်းကိုယ်စားလှယ်များနှင့် တွေ့ဆုံခဲ့ကြောင်း သိရပါတယ်။
မြန်မာနိုင်ငံသည် အာဆီယံ-တရုတ် ဆွေးနွေးဖက်ဆက်ဆံရေးညှိနှိုင်းရေးမှူး တာဝန်ယူထားရာ အဆိုပါအစည်းအဝေးကို အာဆီယံဆိုင်ရာ မြန်မာအမြဲတမ်း ကိုယ်စားလှယ် ဦးအောင်မျိုးမြင့်က ဆွေးနွေးဖက်ဆက်ဆံရေး ညှိနှိုင်းရေးမှူးအဖြစ် ဆောင်ရွက်၍ ပါဝင်တက်ရောက်ခဲ့ကြောင်း သိရပါတယ်။
ဆွေးနွေးပွဲသို့ အာဆီယံဆိုင်ရာ အမြဲတမ်းကိုယ်စားလှယ်များ၊ အာဆီယံ နိုင်ငံရေး နှင့် လုံခြုံရေးဆိုင်ရာ ဒုတိယအတွင်းရေးမှူးချုပ် Michael Tene တို့ တက်ရောက်ခဲ့ပြီး၊ အင်ဒိုနီးရှားနိုင်ငံဆိုင်ရာ တီမောလက်စ်တေ သံအမတ်ကြီး Filomeno Aleixo da Cruz က လေ့လာသူအဖြစ် ပါဝင်တက်ရောက်ခဲ့ကြပါတယ်။
ထိုသို့တွေ့ဆုံစဉ် အာဆီယံ-တရုတ် နှစ် (၃၀) ပြည့် အထိမ်းအမှတ် အထူးထိပ်သီး အစည်းအဝေး၌ အာဆီယံ-တရုတ် ဘက်စုံမဟာဗျူဟာမြောက် မိတ်ဖက်ဆက်ဆံရေး တည်ထောင်နိုင်ခဲ့ခြင်းအပါအဝင် အာဆီယံ-တရုတ် ဆွေးနွေးဖက်ဆက်ဆံရေး ညှိနှိုင်းရေးမှူးဖြစ်တဲ့ မြန်မာနိုင်ငံ၏ ဆွေးနွေးဖက်ဆက်ဆံရေး တိုးတက်စေရေးအတွက် ကြိုးပမ်းဆောင်ရွက်မှုများကို ဆွေးနွေးကြပါတယ်။
၂၀၂၃ ခုနှစ်သည် ချစ်ကြည်ရေးနှင့် ပူးပေါင်းဆောင်ရွက်ရေး သဘောတူစာချုပ်တွင် တရုတ်နိုင်ငံက လက်မှတ်ရေးထိုးခြင်း နှစ် (၂၀) ပြည့်မြောက်သဖြင့် နှစ်ပတ်လည် အထိမ်းအမှတ်အစီအစဉ်များနှင့် အာဆီယံ-တရုတ် စိုက်ပျိုးရေးနှင့် စားနပ် ရိက္ခာဖူလုံရေး ပူးပေါင်းဆောင်ရွက်မှုနှစ်အတွက် ပြုလုပ်ရန်ရှိမည့် အစီအစဉ်များနှင့် တောင်တရုတ် ပင်လယ်ဆိုင်ရာ ကျင့်ထုံးတစ်ရပ်၏ တစ်ခုတည်းသော ညှိနှိုင်းစာသားအပေါ် ဒုတိယ အကြိမ်ဆွေးနွေးမှုအား ဆောလျင်စွာအပြီးသတ်ရေး ကြိုးပမ်းဆောင်ရွက်သွားရန် တို့နှင့်ပတ်သက်၍ အမြင်ချင်းဖလှယ် ဆွေးနွေးခဲ့ကြကြောင်း သတင်းရရှိပါတယ်။
#ygm_mnn #Local_News #အာဆီယံ #တရုတ်နိုင်ငံခြားရေးဝန်ကြီး
#YMG #Yangon_Media_Group
- Category: Myanmar
- Hits: 377