#Daily_News
Published_ 20 November 2023

၁။ ဆောင်းကာလ နေ့ပူ၍ ညချမ်းသည့်ဒေသများတွင် နှာစေး၊ ချောင်းဆိုးနှင့် အပြင်းထန်ဆုံး လေဖြတ်ခြင်းများ မဖြစ်အောင် သတိပြုနေထိုင်ရန်လို

၂။ စားနပ်ရိက္ခာအခက်ခဲမဖြစ်စေရန် အခြေခံစားသောက်ကုန်များ ဈေးလျော့ရောင်းပေးသော်လည်း  ဈေးတင်ပြီး တစ်ဆင့်ပြန်လည် ရောင်းချသူများကြောင့် အခက်တွေ့

၃။ ရွှေဘိုပေါ်ဆန်းဆန်များအား ကုန်အမှတ်တံဆိပ်လိုဂိုများဖြင့် တစ်နိုင်ငံလုံးသို့ ဖြန့်ချီမည်

၄။ ကမ္ဘောဒီးယားတွင်တရုတ်မှ ရင်းနှီးထောက်ပံ့မှုဖြင့် ဆောက်လုပ်သည့် ဆိုင်ယမ်ရိအပြည်ပြည်ဆိုင်ရာလေဆိပ်ကြီး တရားဝင်ဖွင့်ပွဲကျင်းပ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG News

Published 20 November 2023

ရန်ကုန်တိုင်းဒေသကြီး၊ မှော်ဘီမြို့နယ်၊ ဘွက်ကြီးကျေးရွာအပိုင် ဖားအောက်တောရရှေ့၌ လက်နှင့်ခြေထောက်များတွင်ပိုးလောက်တွယ်ဒဏ်ရာများနှင့် စွန့်ပစ်ခံရသည့် စိတ်မကျန်းမာသူအမျိုးသားကို သဘာဝတရားရိပ်သာသို့ ပို့ဆောင်လိုက်ပြီဖြစ်ကြောင်း ရွှေမေတ္တာလူမှုကူညီရေး အသင်းမှ သိရသည်။

နိုဝင်ဘာ ၂၀ ရက် မနက်ပိုင်းက စိတ်ကျန်းမာရေးမကောင်းသူ အမျိုးသားတစ်ဉီးအား ဖားအောက်တောရရှေ့တွင် စွန့်ပစ်သွား‌ကြောင်း မြန်မာနိုင်ငံ ဘက်စုံလူမှုကူညီရေးအသင်းနှင့်ဘွက်ကြီးကျေးရွာတာဝန်ရှိသူများမှ နားခိုရာနေရာတစ်ခုခုကို ပို့ဆောင်ပေးနိုင်ရန် အကူအညီတောင်းခံချက်အရ ရွှေမေတ္တာလူမှုကူညီရေးအသင်းက သွားရောက်ခေါ်ဆောင်ပေးခဲ့ခြင်းဖြစ်ကြောင်းသိရသည်။

' ဒဏ်ရာတွေက အနံ့အသက် အတော်ဆိုး‌နေလို့ အကောင်တွေ ရသလောက်ဖယ်၊ဆေးထည့်‌‌
တာတွေ လုပ်ပေးရပါတယ်၊ဒဏ်ရာ‌တွေက ပုတ်နေတဲ့အတွက် ဖြတ်တောက်ရမယ့် အ‌ခြေအနေရှိနိုင်ပါတယ်၊ သန်လျင် သဘာဝတရားရိပ်သာရဲ့ ကွန်းခိုရာ ကျန်းမာရေးစောက်ရှောက်မှု အခမဲ့ဆေးရုံမှာ ဆက်လက်တင်ပို့ ကုသပေးသွားမှာပါ'ဟု ရွှေမေတ္တာလူမှုကူညီရေး အသင်းက တာဝန်ရှိသူတစ်ဦးကပြောသည်။

အဆိုပါ စွန့်ပစ်ခံရသည့် အမျိုးသားသည် အသက် ၄၀ ဝန်းကျင်အရွယ်ဖြစ်ပြီး နေရပ် ၊ အမည် များ မသိရှိရသေးကြောင်း သိရသည်။
#Yangon_Times/NN
#Local_News
#Published_ 20 November 2023
#YMG #Yangon_Times #Yangon_Media_Group #YMG_News

Published_ 20 November 2023

နိုဝင်ဘာလ(၂၀)ရက်မှစပြီးလာမည့်နှစ်ရက်အတွင်း စစ်ကိုင်းတိုင်း၊တနင်္သာရီတိုင်း ၊ကချင်ပြည်နယ်၊ ရှမ်းပြည်နယ်မြောက်ပိုင်းနှင့် ချင်းပြည်နယ်တို့တွင် ညအပူချိန်များ ဆက်လက်ကျဆင်းမည်ဖြစ်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှသိရသည်။

ထူးခြားသည့်ညအပူချိန်များအဖြစ် ဟားခါးမြို့တွင် (၈)ဒီဂရီစင်တီဂရိတ်၊ တီးတိန်မြိုနှင့် ပြင်ဦးလွင်မြိုတို့တွင် (၁၀)ဒီဂရီစင်တီဂရိတ်စီနှင့် ကျောက်မဲမြို့၊ မိုင်းယန်းမြို့၊ တွန်းဇံမြို့နှင့် မိုးကုတ်မြို့တို့တွင် (၁၂)ဒီဂရီ စင်တီ ဂရိတ်စီတို့ရှိခဲ့ပြီး ရာသီဥတုအအေးပိုခဲ့သည်။

နိုဝင်ဘာလ၂၁ရက်နေ့မနက်အထိခန့်မှန်းချက်အဖြစ် မြစ်ကြီးနားတွင် အနိမ့်ဆုံးအပူချိန် ၁၅ဒီဂရီစင်တီဂရိတ် ၊လားရှိုး၊ကျိုင်းတုံတွင် ၁၄ဒီဂရီ၊တောင်ကြီးတွင် ၁၅ဒီဂရီ၊ဟားခါးတွင်၈ဒီဂရီ၊ဟုမ္မလင်း ၁၅ဒီဂရီ၊လွိုင်ကော်တွင် ၁၉ဒီဂရီ၊ မကွေးတွင် ၂၀ဒီဂရီနဲ့အအေးပိုမည်ဖြစ်ပြီး ရန်ကုန်၊မန္တလေးနှင့်နေပြည်တော်တို့တွင် ၂၂ဒီဂရီစင်တီဂရိတ် စီရှိမည်ဖြစ်ကြောင်းသိရသည်။

မိုးရွာသွန်းမှုအခြေအနေအဖြစ် ချင်းပြည်နယ်တွင် နေရာကျဲကျဲနှင့် စစ်ကိုင်းတိုင်း ၊ မန္တလေးတိုင်း ၊ မကွေးတိုင်း ၊ တနင်္သာရီတိုင်း ၊ ရှမ်းပြည်နယ်(တောင်ပိုင်း)နှင့် ရခိုင်ပြည်နယ်တို့တွင် နေရာကွက်ကျား မိုးထစ်ချုန်းရွာနိုင်ကြောင်း သိရသည်။
#Yangon_Times/tthl
#Local_News
#Published_ 20 November 2023
#YMG #Yangon_Times #Yangon_Media_Group #YMG_News

' ရန်ကုန်အခြေစိုက် တောင်ကိုရီးယားကုမ္ပဏီနှစ်ခုက ပြည်ပက တင်သွင်းလာတဲ့ ရွှေနဲ့လက်ဝတ်ရတနာတွေကို အချောထည်ပြုလုပ်ပြီး ကုန်သွယ်ဖက်နိုင်ငံတွေကို ပြန်လည်တင်ပို့နေတယ်'
#Yangon_Times/NN
#Local_News
#Published_ 20 November 2023
#YMG #Yangon_Times #Yangon_Media_Group #YMG_News

၂၀ နိုဝင်ဘာ ၂၀၂၃

ကေပေါ့တ် BIGBANG အဖွဲ့သားတစ်ဦးဖြစ်တဲ့ ဂျီဒရယ်ဂွန် G-Dragon ရဲ့ ဆံပင်နမူနာကိုယူပြီး မူးယစ်ဆေးဝါး အသေးစိတ်စစ်ဆေးမှုတစ်ခုကို တောင်ကိုရီးယားနိုင်ငံ မှုခင်းဆေးပညာဌာနက စစ်ဆေးခဲ့ရာ နဂ္ဂတစ်အဖြေ ထွက်ရှိတယ်လို့  အရာရှိတွေက နိုဝင်ဘာ ၂၀ ရက် တနင်္လာနေ့ကပြောပါတယ်။

အမျိုးသားမှုခင်းဆေးပညာဌာနက လတ်တလောအဖြေရလာဒ်ကပို အင်ချီယွန်မြို့ပြရဲဌာနကို အကြောင်းကြား ပြီး ဖြစ်ပါတယ်။ ဒါပေမယ့် အဆိုတော်ရဲံလက်သည်း ခြေသည်းတွေကို စစ်ဆေးအဖြေထုတ်ဖို့တော့ လိုပါသေးတယ်။

ဂျီဒရယ်ဂွန်လို့သိကြတဲ့ အမည်ရင်း ကွမ်ဂျီယွန်း Kwon Ji-yong ဟာ အောက်တိုဘာ ၂၅ ရက်နေ့က မူးယစ်ဆေးဝါး တရားမဝင်သုံးစွဲတယ်ဆိုကာ အမှုဖွင့်ခံရပြီးနောက် နိုင်ငံကထွက်မသွားဖို့ တားမြစ်လည်းခံခဲ့ရပါတယ်။

နိုဝင်ဘာ ၆ ရက်က သူ့ကို ပထမဆုံမေးမြန်းမှုတွေပြုလုပ်စဉ်အတွင်း စစ်ဆေးထားတဲ့ အဖြေ ယခုထွက်ရှိလာတာ ဖြစ်ပါတယ်။ အသေးစိတ်ထပ်သိရအောင်လို့ သူတို့က အဆိုတော်ရဲ့ ဆံပင်နှင့် လက်သည်းခြေသည်းတွေကို မှုခင်းဆေးပညာဌာနကိုပေးပို့ထားတာပါ။

မူးယစ်ဆေးဝါးကို မစစ်ဆေးခင် ငါးရက်နှင့် ၁၀ရက်အတွင်းသုံးစွဲခဲ့လျှင် စစ်ဆေးရင် ပေါ့စတစ်အဖြေပေါ်မှာပါ။  ဒါပေမယ့် မူးယစ်ဆေးဝါးကိုအကြာကြီးသုံးစွဲတဲ့ကိစ္စတွေမှာတော့ တိကျမှန်ကန်တဲ့အဖြေရဖို့ ခက်ခဲလှပါတယ်။

ဆံပင်ကိုစစ်ဆေးလို့ရတဲ့အဖြေဟာ အဲဒီပုဂ္ဂိုလ်အနေနှင့် တစ်နှစ်အတွင်းမူးယစ်ဆေးဝါးသုံးမသုံး သိနိုင်မှာဖြစ်ပါတယ်။ ဆံပင်အတိုအရှည်ပေါ်တော့မူတည်ပါတယ်။ လက်သည်းခြေသည်းကိုစစ်ဆေးရင်တော့ လွန်ခဲ့တဲ့ ငါးလ ခြောက်လခန့်က သုံးမသုံးအဖြေထွက်ပါတယ်။

ရဲတွေအနေနှင့် ပိုပြီးသေချာအောင် ကျန်တဲ့ စစ်ဆေးချက်အဖြေတွေမရခင်မှာ သူ့ကို အခြား အထောက်အထားတွေ ဆက်လက်စစ်ဆေးဦးမှာဖြစ်ပါတယ်။

၂၀၁၁ခုနှစ်တုန်းက ဂျီဒရယ်ဂွန်ဟာ ဆေးခြောက်သုံးစွဲခဲ့ပေမယ့် သူက ဘာမှန်းမသိခဲ့လို့ပါလို့ပြောတဲ့အတွက် အမှုစွဲ အရာရှိတွေက အမှုကိုပြန်ရုပ်သိမ်းပေးခဲ့ပါသေးတယ်။

Source Yna

ရွှေကျင်တွဲဖက်သာသနာပိုင်စည်ရှင်ဆရာတော်ကြီး ဈာပနမန္တလေး၊ဧရာဦးဆိပ်ကမ်းတွင်ကျင်းပမည်၊ ယောဆရာတော်၊ပါမောက္ခချုပ်ဆရာတော်နှင့် သီတဂူဆရာတော်တရားချီးမြှင့်မည်

‘နိုဝင်ဘာလ(၂၃)ရက်မှာတော့ အန္တိမအဂ္ဂိဈာပနပူဇော်ပွဲကို ဧရာဦးဆိပ်ကမ်း ဈာပနကွင်းမှာ ကျင်းပမယ်။ဆရာတော်ကြီးရဲ့ ဆန္ဒအရ သံဃာတော်တွေနဲ့ သီလရှင်တွေထံမှ လှူဒါန်းမှုကို လက်မခံဖို့လည်း သတ်မှတ်ထားတယ်။ နိုဝင်ဘာလ၂၁ရက်မှာ ယောဆရာတော်ကြီး၊ နိုဝင်ဘာလ၂၂ရက်မှာ ပါမောက္ခချုပ် ဆရာတော်ကြီးတို့ တရားတော်ဟောကြားမှာဖြစ်ပြီး သီတဂူဆရာတော်ကြီးမှ ရေစက်ချ သံဝေဂတရားဟောကြားဖို့ရှိပါတယ်’မဟာဝိသုဒ္ဓါရုံတိုက်သစ်၊စည်ရှင်ကျောင်း
#Yangon_Times/tthl
#Local_News
#Published_ 20 November 2023
#YMG #Yangon_Times #Yangon_Media_Group #YMG_News

Published 20 November 2023

အိန္ဒိယဝယ်လိုအားလျော့ကျ၍ ပဲစင်းငုံဈေးနှုန်းများကျဆင်းနေကြောင်း ပဲနှမ်းဈေးကွက်အတွင်းမှသိရသည်။ ထိုသို့ကျဆင်းရာတွင် ပြီးခဲ့သည့်အပတ်ကထက်တစ်တန်ကို ကျပ်ခြောက်သိန်းခွဲ အထိကျဆင်းလာကြောင်းသိရသည်။

'ပဲစင်းငုံကထွက်ချိန်နီးနေပြီ၊လက်ကျန်ကလည်းရှိသေးတယ်၊ဒီအချိန်မှာအိန္ဒိယကလည်းပဲဝယ်လိုအားလျော့သွားတဲ့အတွက် ဈေးကျလာတာ၊ဒီလဆန်းထဲကကျနေတာပါ' ဟု ပဲနှမ်းကုန်သည် ဦးဇော်လွင်ကပြောသည်။

ပဲစင်းငုံကို အိန္ဒိယသို့အဓိက နှင့် တရုတ်နိုင်ငံသို့ တင်ပို့မှုရှိသော်လည်း လတ်တလောတွင်ဝယ်လက်ပျောက်နေကြောင်းသိရသည်။

ပဲစင်းငုံကို မန္တလေးတိုင်း၊စစ်ကိုင်းတိုင်း၊မကွေးတိုင်းတို့၌အဓိကစိုက်ပျိုးကြပြီးအများအားဖြင့်သက်ကြီးမျိုးများအားသီးညှပ်စိုက်ပျိုးလေ့ရှိကြောင်းသိရသည်။

ထို့အပြင် အပင်သက်တမ်းအားဖြင့်သက်လျင်မျိုးမှာရက်ပေါင်း၁၆၀အောက်၊သက်လတ်မျိုးမှာရက်ပေါင်း၁၆၀မှ၂၀၀ရက်အတွင်းနှင့်သက်ကြီးမျိုးမှာရက်ပေါင်း၂၀၀ရက်အထက်ရှိ‌ကြောင်း
သိရသည်။
#Yangon_Times/NN
#Local_News
#Published_ 20 November 2023
#YMG #Yangon_Times #Yangon_Media_Group #YMG_News

Published_ 20 November 2023

ယခုတစ်ပတ်တွင် စားအုန်းဆီလက်ကားရည်ညွှန်းဈေးရာဂဏာန်းမြင့်တက်လာပြီး တစ်ပိဿကျပ် ၄၉၉၀သတ် မှတ်ထားကြောင်း စားသုံးသူရေးရာဦးစီးဌာနမှသိရသည်။

ပြီးခဲ့သည့်အပတ်တွင် စားအုန်းဆီတစ်ပိဿကျပ်၄၆၈၀သာ ရှိခဲ့ပြီး အခုအပတ်တွင် စားအုန်းဆီ တစ်ပိဿာ လျှင် ၄၉၉၀ ကျပ်ဖြစ်သွားသည့်အတွက် ကျပ်၃၁၀တက်သွားခဲ့ခြင်းဖြစ်သည်။

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊စားသုံးဆီတင်သွင်းသိုလှောင်ဖြန့်ဖြူးရေး လုပ်ငန်းကြီးကြပ်ရေး ကော်မတီအနေဖြင့် စားအုန်းဆီ ကမ္ဘာ့ဈေးနှုန်းဖြစ်ပေါ်ပြောင်းလဲမှုနှင့်အညီပြည်တွင်း၌ဖြစ်သင့်သောဈေးနှုန်းများ ဖြစ်ပေါ်စေရေးထိန်းကျောင်းဆောင်ရွက်လျက်ရှိပြီးစားအုန်းဆီထုတ်လုပ်သည့် မလေးရှားနိုင်ငံတွင်ဖြစ်ပေါ်နေ သည့် FOBဈေးနှုန်းများကိုစောင့်ကြည့်ပြီး သယ်ယူပို့ ဆောင်ခ၊ဘဏ်စရိတ်နှင့်အခွန်အခများထည့်သွင်းတွက် ချက်ပြီး ပြည်တွင်းဈေးကွက်၌ ရောင်းဝယ်ရမည့် အခြေခံ လက်ကားရည်ညွှန်းဈေးများကို သတ်မှတ်ထုတ်ပြန် ပေးခြင်းဖြစ်သည်ဟုဆိုသည်။

ကမ္ဘာ့စားအုန်းဆီ ထုတ်လုပ်တင်ပို့သည့် နိုင်ငံများတွင် ဈေးကွက်နှင့် ဈေးနှုန်းဖြစ်ပေါ်မှုများအရ ၂၀၂၃ ခုနှစ်၊ နိုဝင်ဘာလ (၂၀) ရက်နေ့ မှ နိုဝင်ဘာလ (၂၇) ရက်နေ့အထိ ရန်ကုန်အထိုင်ဈေး အခြေခံလက်ကား ရည်ညွှန်းဈေးနှုန်းမှာ စားအုန်းဆီ တစ်ပိဿာ လျှင် ၄၉၉၀ ကျပ် ဖြစ်ကြောင်းထုတ်ပြန်ကြေညာထားသည်။

ဈေးကစားရန် ရည်ရွယ်ချက်ဖြင့် သိုလှောင်ခြင်းနှင့် မသမာသည့် လုပ်ဆောင်မှုများပြုလုပ်ပါက အရေးကြီး ကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း အသိပေး ထုတ်ပြန်ထားသည်။
#Yangon_Times/tthl
#Local_News
#Published_ 20 November 2023
#YMG #Yangon_Times #Yangon_Media_Group #YMG_News

‌ရွှေဘိုပေါ်ဆန်းဆန်များအား စစ်မှန်ကြောင်းကုန်အမှတ်တံဆိပ်လိုဂို‌များဖြင့် ဒီရက်ပိုင်းထဲဖြန့်ချီမယ်

' ရွှေဘိုပေါ်ဆန်း စိုက်ပျိုးထုတ်လုပ်နေတဲ့ GI ဧရိယာအတွင်းမှာ ပါဝင်တဲ့ရွှေဘို၊ ဒီပဲယင်းမြို့နယ်အပါအဝင် မြို့နယ်ခုနှစ်ခုက ထွက်ရှိတဲ့ ရွှေဘိုပေါ်ဆန်းဆန်အိတ်တွေကို စစ်မှန်ကြောင်းကုန်အမှတ်တံဆိပ်လိုဂို‌တွေ တပ်ဆင်နိုင်ဖို့ ဆောင်ရွက်နေတာဖြစ်ပါတယ်
#Yangon_Times/NN
#Local_News
#Published_ 20 November 2023
#YMG #Yangon_Times #Yangon_Media_Group #YMG_News

Published 20 November 2023

   ထိုင်းနိုင်ငံအတွင်း အကြောင်းအမျိုးမျိုးကြောင့် ပြစ်ဒဏ်ချခံပြီး ပြစ်ဒဏ်သတ်မှတ်ရက် ပြည်သည့် မြန်မ၇၅ဦးကို နိုဝင်ဘာလ၂၀ရက် တွင် ထိုင်းနိုင်ငံ ရနောင်းမြို့မှ မြန်မာနိုင်ငံ ကော့သောင်းမြို့သို့ ပို့ဆောင်ပေးခဲ့ကြောင်း ထိုင်းသတင်းဌာန များမှသိရသည်။

    အဆိုပါ မြန်မာနိုင်ငံသားများသည် ထိုင်းနိုင်ငံတောင်ပိုင်းရှိ အချုပ်နှင့်ထောင်များတွင်  ပြစ်ဒဏ်ကျခံပြီးသောကြောင့် ထိုင်းအာဏာပိုင်များ က မြန်မာနိုင်ငံဘက်ကို ပြန်ပို့ခဲ့ခြင်းဖြစ်သည်။

ယင်းမြန်မာနိုင်ငံသားများကို ရနောင်းမြို့ကနေ စက်လှေနှင့် ကော့သောင်းမြို့ကို ပြန်ပို့ခဲ့ခြင်းဖြစ်ပြီး နေရပ်ပြန်ပို့ခံရသူများထဲတွင်  မြန်မာနိုင်ငံသား ၁၈ နှစ်အောက် အမျိုးသမီး ၂ ဦး၊အမျိုးသား ၁ ဦး ၊၁၈နှစ်အထက် အမျိုးသမီး ၁၇ ဦးနှင့် အမျိုးသား ၅၅ ဦး ပါဝင်ကြောင်းသိရသည်။

   ကော့သောင်းမြို့သို့ ရောက်လာသည့် ယင်းမြန်မာနိုင်ငံသားများကို ဒေသအာဏာပိုင်တွေက ကိုဗစ်-၁၉ စစ်ဆေးပြီး ကိုယ်ရေးအချက်အလက်စစ်ဆေးကာ ကိုဗစ်- ၁၉ ရောဂါ ကာကွယ်ဆေး မထိုးရသေးသော သူများကို သတ်မှတ်ထားသည့် အသွားအလာစောင့်ကြည့်ရေး စင်တာတွေမှာ ထားရှိမည်ဖြစ်ကြောင်း သိရသည်။
#Yangon_Times/LW
#Local_News
#Published_ 20 November 2023
#YMG #Yangon_Times #Yangon_Media_Group #YMG_News

အမှန်တကယ် လိုတဲ့အပ်သူကိုသာ ရောင်းချပေးတော့မယ်လို့ဆို

ရှမ်းပြည်မြောက်ပိုင်းမှာ ဖြစ်ပေါ်နေတဲ့ တိုက်ပွဲတွေကြောင့် ပြည်သူများ စားနပ်ရိက္ခာအခက်ခဲ မဖြစ်စေရန် ပရဟိတအသင်းမှ အခြေခံစားသောက်ကုန်တွေကို ဈေးလျော့ရောင်းပေးခဲ့ပေမယ့် အချို့ ပြည်သူတွေက ဈေးတင်ပြီး တစ်ဆင့်ပြန်လည် ရောင်းချတာတွေ ရှိနေတယ်လို့ သိရပါတယ်။
#Yangon_Times/LW
#Local_News
#Published_ 20 November 2023
#YMG #Yangon_Times #Yangon_Media_Group #YMG_News

၂၀ စက်တင်ဘာ ၂၀၂၃

ကိုလံဘီယာ စူပါစတားအဆိုတော် ရှာကီးယားသည် အခွန်လိမ်လည်မှုနှင့် စပိန်နိုင်ငံ ဘာစီလိုနာမှာ တနင်္လာနေ့ နိုဝင်ဘာ ၂၀ရက်က တရားရင်ဆိုင်နေရပါတယ်။ စပိန်တရားလိုရှေ့နေတွေက ဂရမ်မီဆုရှင်ဖြစ်တဲ့ သူမကို ထောင်(၈)နှစ်ကျော် ကျခံရအောင် ကြိုးစားနေကြပါတယ်။ အသက် ၄၆နှစ်အရွယ်ရှိပြီဖြစ်တဲ့ ရှာကီးယားဟာ ၂၀၁၂ခုနှစ်မှ ၂၀၁၄ခုနှစ်အထိ ရရှိခဲ့တဲ့ဝင်ငွေအပေါ် လိမ်လည်ခဲ့တယ်လို့ သူတို့က စွပ်စွဲထားပါတယ်။ ဒါပေမယ့် ရှာကီးယားက အဲဒါတွေကို ငြင်းဆိုလိုက်ပြီး သူမအနေနှင့် စပိန်ကို ၂၀၁၅ခုနှစ်ရောက်မှသာ လုံးဝရွှေ့ပြောင်းခဲ့တာ ဖြစ်တယ်လို့ချေပပြောဆိုထားပါတယ်။

ယခုအမှုမှာ “Hips Don't Lie"၊"Whenever, Wherever" နှင့် ၂၀၁၀ ကမ္ဘာ့ဖလားသီချင်း "Waka Waka"တို့နှင့် အကြီး အကျယ်ပေါက်ခဲ့တဲ့ အဆိုတော်ရှာကီးယားအနေနှင့် ၂၀၁၂ခုနှစ်မှ  ၂၀၁၄ ခုနှစ် အတွင်း စပိန်မှာ အချိန်ဘယ်လောက် နေခဲ့သလဲဆိုတဲ့အပေါ် မူတည်နေပါတယ်။

စပိန်အာဏာပိုင်တွေကတော့ သူမဟာ အဲဒီကာလအတွင်းမှာ အချိန်တစ်ဝက်ကျော် စပိန်မှာနေခဲ့တာဖြစ်လို့ စပိန်ကို အခွန်ဆောင်ရမယ်လို့ စွပ်စွဲပြောဆိုထားပါတယ်။သူမဟာ အက်စီဘာစီလိုနာက နောက်တန်းကစားသမား Gerard Pique နှင့် ဇာတ်လမ်း လူသိရှင်ကြား ဖြစ်ပြီးနောက် စပိန်ကို ၂၀၁၁ မှာ ပြောင်းလာတယ်လို့ စပိန်အာဏာပိုင်တွေက ပြောထားပါတယ်။ ဒါပေမယ့် ၂၀၁၅ခုနှစ်အထိ ဘာဟာမားမှာ တရားဝင်အခွန်ဆောင်ရာနေရပ်အဖြစ်သူမက ဆက်လက်ထားရှိခဲ့ပါတယ်တဲ့။ သူမဟာ ဝင်ငွေခွန်သက်သာတဲ့နိုင်ငံတွေမှာရှိတဲ့ ကုမ္ပဏီအတွဲကြီးလိုက် အသုံးပြုခဲ့ပြီး စပိန်မှာ အခွန်မပေးရအောင်ရည်ရွယ်လုပ်ဆောင်ခဲ့တယ်လို့လည်း တရားစွဲရှေ့နေတွေက ပြောကြပါတယ်။

သူတို့က ရှာကီးယားအပေါ် ထောင်ဒဏ် (၈)နှစ်နှင့် (၂)လ ၊ ဒဏ်ကြေးငွေ ယူရို ၂၄သန်း ခန့် (အမေရိကန်ဒေါ်လာ ၂၄သန်း) ဆောင်ရအောင် ကြိုးစားနေကြတာဖြစ်ပါတယ်။

ရှာကီယားရဲ့ရှေ့နေတွေကတော့ သူမဟာ ၂၀၁၄ခုနှအထိ နေရာအတည်တကျမနေဘဲ လှည့်လည်သွားလာနေတဲ့ အချိန်ဖြစ်ပြီး သူမရဲ့ ဝင်ငွေအများစုဟာ နိုင်ငံတကာခရီးလှည့်ဖျော်ဖြေရေးတွေက ရရှိခဲ့တာဖြစ်တယ်လို့ ပြောကြပါတယ်။ ၂၀၁၅ ဇန်နဝါရီလကျမှသာ သူမရဲ့ ဒုတိယကလေးမမွေးခင်ကလေးမှာ ဘာစီလိုနာကို အပြီးရွှေ့ခဲ့တာဖြစ်တယ်လို့လည်း သူတို့ကဆိုပါတယ်။

“  သူတို့ တရားမစွဲခင်အထိ ကျွန်မပေးစရာရှိတာ အကုန်ပေးပြီးပြီ။အဲဒါကြောင့် ဒီကနေ့မှာ သူတို့ကိုပေးစရာ သုညပဲ” လို့ အဆိုတော်ရှာကီးယားက အယ်လ်မဂ္ဂဇင်းကို ၂၀၂၂မှာ အင်တာဗျူးဖြေခဲ့ပါတယ်။

သူမဟာ ၂၀၂၂ ဇွန်မှာ Pique နှင့် ကွဲခဲ့ပြီး ကမ္ဘာ့ လူသိအများဆုံးဆယ်လီစုံတွဲတွေထဲက တစ်တွဲရဲ့ ဆယ်စုနှစ်တစ်စု ကြာ ဇာတ်လမ်းအဆုံးသတ်ခဲ့ပါတယ်။ အဲဒီနောက်သူမဟာ သားနှစ်ဦးဖြစ်တဲ့ မီလန်နှင့်ဆာရှာနှင့်အတူ မီယာမီကို ဧပြီလာမှာ ပြောင်းရွှေ့ခဲ့တာဖြစ်ပါတယ်။

Source: NDTV