Published_ 30 December 2023

   တိုက်ပွဲကြောင့် ပျက်စီးခဲ့သည့် သီပေါ -နမ္မတူ လမ်းပိုင်း ဆက်သွယ်ထားသည့် မိုးတေတံတားကို ဒေသခံပြည်သူများက ယာယီပြုပြင်ပြီး ယာဉ်ငယ်များ ဖြတ်သန်းနိုင်ရန် ဆောင်ရွက်ထားကြောင်းဒေသခံ ပြည်သူများထံက သိရသည်။

  ဒီဇင်ဘာ (၂၈)ရက် ည (၇)နာရီဝန်ကျင်းအချိန်ခန့်တွင် သီပေါ နှင့် နမ္မတူအကြားလမ်းပိုင်းတွင် တိုက်ပွဲဖြစ်ပွားခဲ့ပြီး  ယင်းလမ်း‌ပိုင်းပေါ်ရှိ မိုးတေတံတား ထပ်မံပျက်ဆီးခဲ့ကာ လုံးဝကျိုးကျသွားခြင်းမျိုးမဟုတ်ဘဲ တံတားအစိတ် အပိုင်းတစ်နေရာတွင် လက်နက်ကြီးကျရောက်ပေါက်ကွဲခြင်းကြောင့် ပျက်ဆီးခဲ့ရခြင်းဖြစ်ကြောင်း သိရသည်။

"" ၂၉ ရက် နေ့ မှာ ပဲ အနီးနား က ပြည်သူတွေက လမ်းပဲ့သွား ပေါက်သွားတဲ့ နေရာ တွေကို ယာယီ သွားလို့ရအောင် လုပ်လိုက်တဲ့ အတွက် ယာဉ်အသေးတွေနဲ့ တန်ချိန်နည်းတဲ့ယာဉ် တွေ ဖြတ်သန်းသွားလာလို့ရပါတယ်""ဟု သီပေါ မှ ဒေသခံတစ်ဦးကပြောသည်။

  ရှမ်းပြည်မြောက်ပိုင်းတိုက်ပွဲများကြောင့် ယခု ဒီဇင်ဘာလ (၁)ရက်နေ့တွင် လားရှိုးနှင့် သီပေါမြို့သို့ဆက်သွယ်ထားသော စဉ့်အင်တံတားမှာ ကျိုးကျပျက်ဆီးခဲ့သည်။

  အလားတူ နိုဝင်ဘာလ နောက်ဆုံးပတ်အတွင်း ယင်းလမ်းမပေါ်ရှိ ကျောက်မဲ-သီပေါ ဆက်သွယ်ထားသော  ကျင်သီတံတားမှာလည်း လက်နက်ကြီးထိမှန်မှုကြောင့် ကျိုးကျပျက်ဆီးခဲ့သေးကြောင်း သိရသည်။
Yangon_Times/LW
Published_30 December 2023
#Local_News
#Yangon_Times #YMG_News #Yangon_Media_Group

ဒီအချိန်မှာ ရွှေတွေထုတ်ပြီး လုပ်ငန်းလုပ်မယ့်အစား၊ တစ်ချို့အလုပ်မရှိတဲ့သူတွေက ရွှေတွေပြန်ဝယ်ပြီး ကိုင်ကြတာကြောင့်ရယ်၊ နောက်ပစ္စည်းရှားတာ၊ ငွေလဲနှုန်းကြောင့်ရွှေဈေးက ၃၇သိန်းမှာ ငြိမ်နေတယ်။
Yangon_Times/NN
Published_30 December 2023
#Local_News
#Yangon_Times #YMG_News #Yangon_Media_Group

မွေးမြူရေးတိရစ္ဆာန်အစာအနေနဲ့ အသုံးပြုတဲ့ ပဲဖတ်ဈေးကွက်ဟာ ယခုနှစ်မှာ ၀ယ်လိုအားအလွန်နည်းတဲ့အတွက် ဈေးမြင့်ရရှိမှု မရှိဘူးလို့ ကုန်သည်တွေထံက သိရပါတယ်။
Yangon_Times/LW
Published_30 December 2023
#Local_News
#Yangon_Times #YMG_News #Yangon_Media_Group

"ပုဂ္ဂလိကပညာရေးဥပဒေအရ သတ်မှတ်အကျယ်အဝန်းရှိတဲ့ စာသင်ခန်းတွေပါတဲ့ စာသင်ကျောင်းတွေ ဖွင့်လှစ်ရမှာဖြစ်တဲ့အတွက် တစ်ဦးချင်းဖွင့်ဖို့ ခက်ခဲသူတွေရှိလာနိုင်လို့ စုပေါင်းဖွင့်သင့်တယ်" မြန်မာနိုင်ငံကိုယ်ပိုင်ကျောင်းများအသင်းဥက္ကဌဦးနေအုပ်
Yangon_Times/tthl
Published_30 December 2023
#Local_News
#Yangon_Times #YMG_News #Yangon_Media_Group

Published. 30  December 2023

  မြန်မာနိုင်ငံခရီးသွားလုပ်ငန်း ဖွံ့ဖြိုးတိုးတက်ရေးဆိုင်ရာ အကြံပြုချက်များကို သိရှိနိုင်စေရန်အတွက် ပြည်တွင်းပြည်ပ ခရီးသွားစစ်တမ်းများကို ကောက်ယူမည်ဖြစ်ကြောင်းဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီး ဒေါက်တာသက်သက်ခိုင်ကပြောကြားသည်။

   နေပြည်တော်ရှိ ဟိုတယ်နှင့်ခရီးသွားလာရေးဝန်ကြီးဌာန ကျောက်စိမ်းခန်းမ၌ ဒီဇင်ဘာ၂၉ရက်ကပြုလုပ်ခဲ့သော
ဟိုတယ်နှင့်ခရီးသွားလာရေးဝန်ကြီးဌာနသည် သုတေသနဆောင်ရွက်ပုံနည်းလမ်းများအတိုင်း စနစ်တကျ သုတေသနပြုလုပ်ခြင်းမှတစ်ဆင့် ရရှိလာသည့် ကိန်းဂဏန်းအချက်အလက်များကို သက်ဆိုင်ရာဝန်ကြီးဌာနများ၊ အသင်းအဖွဲ့များနှင့် ပြည်သူများအကြား ကျယ်ကျယ်ပြန့်ပြန့် သိရှိနိုင်ရန်နှင့်သုတေသနတွေ့ရှိ ချက်များကိုအခြေခံ၍ ဟိုတယ်နှင့်ခရီးသွားလုပ်ငန်းများ ဖွံ့ဖြိုးတိုးတက်ရေးကို ထိရောက်စွာဆောင်ရွက်နိုင်ရန်ရည်ရွယ်၍ ခရီးသွားစစ်တမ်းများ စတင်ကောက်ယူခြင်း ဖွင့်ပွဲအခမ်းအနားတွင် ယင်းသို့ပြောကြားခဲ့ခြင်းဖြစ်သည်။

   ပြည်တွင်းခရီးသွားစစ်တမ်းကို နေပြည်တော်၊ ရန်ကုန်၊ မန္တလေး အပါအဝင် မြို့ပေါင်း ၁၉ မြို့ရှိ ခရီးသွားဆွဲဆောင်ရာ နေရာများ၊ ဝင်/ထွက်ပေါက်များ၊ မီးရထားဘူတာရုံများတွင် ကောက်ယူသွားမည်ဖြစ်ပြီး မြန်မာနိုင်ငံသို့ လာရောက်လည်ပတ်သည့် နိုင်ငံခြားသားခရီးသွားစစ်တမ်းကို ရန်ကုန်၊ မန္တလေး၊ တာချီလိတ်၊ မြဝတီ၊ ကော့သောင်းနှင့် မူဆယ်မြို့များရှိ အပြည်ပြည်ဆိုင်ရာ ဝင်ပေါက်များနှင့် နယ်စပ်ဝင်ပေါက်များတွင် ကောက်ယူသွားမည်ဖြစ် ကြောင်းသိရသည်။

  အဆိုပါ ခရီးသွားစစ်တမ်း ကောက်ယူ မှုအစီအစဉ်အရ ပြည်တွင်းခရီးသွားများကို ဒီဇင်ဘာ ၃၀ ရက်မှ စတင်ကောက်ယူသွားမည်ဖြစ်ကြောင်း သိရ သည်။
Yangon_Times/LW
Published_30 December 2023
#Local_News
#Yangon_Times #YMG_News #Yangon_Media_Group

Published 30 December 2023

အမေရိကန်ဟာ ပုံမှန်လွှတ်တော်သုံးသပ်ချက် လျှော့ပေါ့ရေး အရေးပေါ် အခြေအနေတစ်ရပ်အဖြစ် ဒေါ်လာ ၁၄၇.၅ သန်းတန်ကြေးရှိ ပေါက်ကွဲအားပြင်းတဲ့ ၁၅၅ မီလီမီတာ အမြောက်ကျည်များနဲ့ ဆက်စပ်ပစ္စည်းများ အစ္စရေးလ်သို့ ရောင်းချခြင်းကို အတည်ပြုရန် ဒီဇင်ဘာ ၂၉ ရက်နေ့က ကြေညာလိုက်ပါတယ်။

ဂါဇာမှာ ဟားမတ်စ်တို့နဲ့ စစ်ဖြစ်နေတဲ့ အစ္စရေးလ်တို့အတွက် ၁၂၀ မီလီမီတာ တင့်ကားကျည် ၁၄,၀၀၀ နီးပါးရောင်းချခြင်းကိုလည်း အတည်ပြုရန် ယခုလအစောပိုင်းက ဆောင်ရွက်ခဲ့ပါတယ်။

အစ္စရေးလ်တို့က ယခင်စစ်လက်နက် ရောင်းချခြင်းအပြင် ၁၅၅ မီလီမီတာ လက်နက်ခဲယမ်းများပါ ရောင်းချပေးရန် တောင်းဆိုခဲ့ရာ စုစုပေါင်းခန့်မှန်း ကုန်ကျစရိတ်က ဒေါ်လာ ၉၆.၅၁ သန်းကနေ ၁၄၇.၅ သန်းအထိ များပြားလာကြောင်း အမေရိကန် ကာကွယ်ရေးနဲ့ လုံခြုံရေးပူးပေါင်းအေဂျင်စီက ထုတ်ပြန်ကြေညာလိုက်ပါတယ်။

နိုင်ငံခြားရေးဝန်ကြီးဌာနမှ ကြေညာချက်အရ ကွန်ဂရက်မှ သာမန်အတိုင်း ပြန်လည်သုံးသပ်မှုတွေ လျှော့ပေါ့ပေးရမယ့်် အရေးပေါ်အခြေအနေဖြင့် အစ္စရေးလ်အစိုးရသို့ ချက်ချင်းရောင်းချရန် ဆုံးဖြတ်လိုက်ကြောင်း၊ လက်နက်ခဲယမ်းတွေက အမေရိကန်စစ်တပ် လက်နက်တိုက်မှ ပစ္စည်းဖြစ်ကြောင်း သိရပါတယ်။

မြင့်မားလာမယ့် စစ်ရေးစွမ်းရည်ဖြင့် အစ္စရေးလ်ဟာ ဒေသတွင်း ခြိမ်းခြောက်မှုကို ချေဖျက်ပြီး အမိမြေကာကွယ်ရေးကို တိုးမြှင့်ဆောင်ရွက်လာနိုင်မှာ ဖြစ်ကြောင်း ကြေညာထားပါတယ်။

အောက်တိုဘာ ၇ ရက်နေ့က ပါလက်စ်တိုင်း စစ်သွေးကြွဟားမတ်စ်အဖွဲ့ဟာ နယ်စပ်ဖြတ်ကျော်ပြီး အစ္စရေးလ်ကို ဝင်ရောက်တိုက်ခိုက်ခဲ့တာကြောင့် အစ္စရေးလ်-ဟားမတ်စ် စစ်ပွဲဖြစ်ပွားခဲ့ပါတယ်။

ဒီနောက် အမေရိကန်ရဲ့ စစ်ရေးကူညီမှုများဖြင့် အစ္စရေးလ်ဟာ ဂါဇာမှာ စစ်ဆင်ရေးများ ဆောင်ရွက်ခဲ့ပါတယ်။

အစ္စရေးလ်စစ်ဆင်ရေးကြောင့် ဂါဇာမှာ ပျက်စီးဆုံးရှုံးမှုနဲ့ အရပ်သားသေဆုံးမှုပမာဏက နိုင်ငံတကာမှာ ဝေဖန်စရာဖြစ်နေပြီး အစ္စရေးလ်ကို ထောက်ပံ့နေတဲ့ အမေရိကန်ရဲ့ နိုင်ငံတကာဆိုင်ရာ ပုံရိပ်မှာလည်း ကျဆင်းလာပါတယ်။
Source: CNA
Published_30 December 2023
#World_Military
#Yangon_Times #YMG_News #Yangon_Media_Group

Published 30 December 2023

အမျိုးအမည် မသိရသေးတဲ့ ပဋိဇီဝပစ္စည်းတွေဟာ တုပ်ကွေးဗိုင်းရပ်စ် အမျိုးမျိုးကို ချေဖျက်နိုင်စွမ်းရှိတယ်လို့ ပစ်ဘာ့ဂ်ဆေးတက္ကသိုလ်မှ သုတေသီများက တွေ့ရှိထားပါတယ်။

ဒီတွေ့ရှိချက်တွေကြောင့် တုပ်ကွေးဗိုင်းရပ်စ်အားလုံးကို ထိရောက်စေမယ့် ကာကွယ်ဆေး ထုတ်လုပ်လာနိုင်ဖို့ ခြေလှမ်းတိုးတက်လာတာ ဖြစ်ပါတယ်။

သမားရိုးကျ တုပ်ကွေးကာကွယ်ဆေးတွေက ကိုယ်ခံအားကို လှုံ့ဆော်ကာ ပဋိဇီဝပစ္စည်းများ ထွက်ရှိစေပြီး တုပ်ကွေးဗိုင်းရပ်စ် မျက်နှာပြင်ပေါ်မှ ဟီမာဂလူလင်လို့ခေါ်တဲ့ ဗိုင်းရပ်စ်ပရိုတိန်းကို ပစ်မှတ်ထားတာ ဖြစ်ပါတယ်။

ဒါပေမဲ့ အဆိုပါ ပရိုတိန်းက အချိန်နဲ့အမျှ ဗီဇပြောင်းလဲလာပြီး တုပ်ကွေးမျိုးဗီဇကွဲအသစ်များ ပေါ်ထွက်လာကာ ယခင်ကာကွယ်ဆေးတွေကို ခုခံလာနိုင်ပါတယ်။

ကူးစက်မှုများတဲ့ H1 ၊ H3 တို့လို တုပ်ကွေးမျိုးကွဲတွေကို တပြိုင်တည်းကာကွယ်နိုင်မယ့် ပဋိဇီဝဆေးတွေကို သုတေသီများ စူးစမ်းထုတ်လုပ်လာကြပါတယ်။

လူနာတွေရဲ့ သွေးနမူနာများဖြင့် စမ်းသပ်မှုပြုလုပ်ရာမှာ H3 နဲ့ H1 မျိုးကွဲများကို ချေဖျက်နိုင်စွမ်းရှိတဲ့ ပဋိဇီဝဆေးအသစ်တစ်မျိုးကို တွေ့ရှိခဲ့ကြပါတယ်။

ပြောင်းလဲနေတဲ့ ဗိုင်းရပ်စ်တွေကို ကာကွယ်နိုင်ဖို့ နှစ်စဥ်တုပ်ကွေးကာကွယ်ဆေး လိုအပ်ကြောင်း၊ တုပ်ကွေးဗိုင်းရပ်စ် ထိတွေ့ခြင်းနဲ့ ကာကွယ်ဆေးပေးခြင်းတို့ သင့်တင့်စွာ ပေါင်းစပ်ပါက တုပ်ကွေးမျိုးကွဲတွေကို ခုခံနိုင်မယ့် ပဋိဇီဝတုန့်ပြန်မှု ရရှိမှာဖြစ်ကြောင်း သုတေသီများ ဖော်ပြသွားပါတယ်။

ဒါ့အပြင် အမြဲဗီဇပြောင်းလဲနေတဲ့ တုပ်ကွေးဗိုင်းရပ်စ်တွေကို တာရှည်ကာကွယ်ပေးနိုင်မယ့် ကာကွယ်ဆေး အနာဂတ်မှာ ရရှိရန် မျှော်လင့်နေကြပါတယ်။
Source: The Jerusalem Post
Published_30 December 2023
#World_Health
#Yangon_Times #YMG_News #Yangon_Media_Group

Published 30 December 2023

သကြားစားသုံးမှု မြင့်မားတဲ့အခါ ဆီးချို၊ နှလုံးရောဂါများ၊ ကင်ဆာများ ဖြစ်နိုင်ခြေများသလို အလွန်အမင်း စားသုံးမိပါက အင်ဆူလင် ယဥ်ပါးခြင်း၊ ရောင်ရမ်းခြင်း၊ ဇီဝဖြစ်စဥ်ချို့ယွင်းခြင်းတို့ ဖြစ်လာနိုင်ပါတယ်။

အချိုဓာတ် စွဲလမ်းတဲ့အခါ ခဏခဏ စားချင်စိတ်ပေါ်ပြီး ကျန်းမာရေးနဲ့ မညီညွတ်တဲ့အစာများ စားသုံးမိကာ အာဟာရဓာတ် မညီမျှတာတွေ ဖြစ်ပေါ်နိုင်ပါတယ်။

ဒါကြောင့် သကြားစားသုံးမှု လျှော့ချနိုင်စေမယ့် နည်းလမ်းတွေကို ဖော်ပြလိုက်ပါတယ်။
 
(၁) စားသောက်ကုန်တွေမှာ ဖော်ပြထားတဲ့ သကြားဓာတ် ပါဝင်ပစ္စည်းများကို ဖတ်ရှုသင့်ပါတယ်။

(၂) အဆင့်ဆင့်ထုတ်လုပ် ထုပ်ပိုးထားတဲ့ အစားအစာတွေဟာ သကြားဓာတ်မြင့်မားစွာ ပါဝင်တာကြောင့် လျှော့ချစားသုံးသင့်ပါတယ်။

(၃) သန့်စင်ထုတ်လုပ်ထားတဲ့ သကြားအစား ပျားရည်၊ မေပယ်သကာရည်တို့လို သဘာဝအချိုဓာတ်ပစ္စည်းတွေ ရွေးချယ်သင့်သလို သင့်တော်ရုံသာ အသုံးပြုသင့်ပါတယ်။

(၄) ပရိုတိန်းနဲ့ ကျန်းမာရေးညီညွတ်တဲ့ အစားအစာများ စားသုံးခြင်းဖြင့် ဗိုက်ပြည့်ဝစေပြီး အချိုစားချင်စိတ်ကို လျှော့ချနိုင်ပါတယ်။

(၅) အချိုရည်သောက်မယ့်အစား ရေကိုသာ သောက်သုံးပြီး ရေဓာတ်ပြည့်ဝအောင် နေထိုင်သင့်ပါတယ်။

(၆) အချိုဓာတ်ပါတဲ့ စားစရာတွေ မစားမိစေရန် ကျန်းမာရေးနဲ့ ညီညွတ်တဲ့ စားစရာများကို စနစ်ကျကျ ပြင်ဆင်စားသုံးသင့်ပါတယ်။

(၇) အချိုပါတဲ့ မုန့်တွေအစား လတ်ဆတ်တဲ့ အသီးအနှံတွေကို ရွေးချယ်သင့်ပါတယ်။

(၈) သကြားစားတဲ့အခါမှာလည်း အလွန်အကြူး မစားသင့်ဘဲ သင့်တင့်ရုံသာ စားသုံးသင့်ပါတယ်။

(၉) ဟင်းသီးဟင်းရွက်နဲ့ ပဲတွေလိုမျိုး အမျှင်ဓာတ်တွေ စားသုံးခြင်းဖြင့် အချိုဓာတ်စားချင်စိတ်ကို လျော့ကျစေပါတယ်။

(၁၀) လှုပ်ရှားလေ့ကျင့်ခန်း ပြုလုပ်ပေးပါက အချိုစားချင်စိတ်ကို လျော့ကျစေပြီး ကျန်းမာရေးကို တိုးတက်စေပါတယ်။
Source: DoctorNDTV.
Published_30 December 2023
#World_Health

#Yangon_Times #YMG_News #Yangon_Media_Group

Published_29 Dec 2023

ပြည်ထောင်စု ရွေးကောက်ပွဲကော်မရှင်(UEC)က ၈၈ မျိုးဆက်ကျောင်းသားခေါင်းဆောင်လည်း ဖြစ်၊ ၈၈ မျိုး ဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်း ခေါင်းဆောင်လည်း ဖြစ်ခဲ့သူ ဦးကိုကိုကြီး ဦးဆောင်သည့် ပြည်သူ့ပါတီ (PP)ကို ပါတီတည်ထောင်ခွင့်ပြုလိုက်ကြောင်း သိရသည်။

ပြည်ထောင်စုရွေးကောက်ပွဲကော်မရှင်က ၂၀၂၃ခုနှစ် ဒီဇင်ဘာ ၂၉ ရက်ရက်စွဲဖြင့်ကြေညာချက်အမှတ် ၅၄/၂၀၂၃ကို ထုတ်ပြန်ကြေညာရာတွင် ပြည်သူ့ပါတီကို နိုင်ငံရေးပါတီအဖြစ်မှတ်ပုံတင်ခွင့်ပြုလိုက်ကြောင်း ဖော်ပြပါရှိသည်။

ပြည်သူ့ပါတီ၏ မှတ်ပုံတင်အမှတ်မှာ (၄၇)ဖြစ်သည်ဟုလည်း ရွေး/ကော်၏ ကြေညာချက်အရသိသည်။

“နိုင်ငံရေးဘောင် ကျဉ်းနေသ၍ စစ်ရေးဘောင်ကျယ်နေမှာဖြစ်တယ်၊နိုင်ငံရေးဘောင် ကျယ်အောင် အားလုံးဝိုင်းဝန်း  ကြိုးစားဆောင်ရွက်ကြပါ” ဟု ဦးကိုကိုကြီးက ပါတီမှတ်ပုံတင်ရရှိမှုအပေါ်မှတ်ချက်ပေးပြောဆိုသည်။

ပြည်သူ့ပါတီ(PP) အနေဖြင့် လွန်ခဲ့သော ၈ လခန့်ကပင် ပြည်ထောင်စုအဆင့်(နိုင်ငံတစ်ဝှမ်းလုံး) ဝင်ရောက် ယှဉ်ပြိုင်မည့် နိုင်ငံရေး ပါတီအဖြစ် ပါတီမှတ်ပုံတင်လျှောက်ထားခဲ့ခြင်း ဖြစ်ကြောင်း သိရသည်။

ယခုနှစ် ဇန်နဝါရီလအတွင်းက နိုင်ငံရေးပါတီများ မှတ်ပုံတင်ခြင်းနည်းဥပဒေကို ထုတ်ပြန်ခဲ့ကာ နိုင်ငံရေး ပါတီ များ ကို ပါတီမှတ်ပုံတင်ရန် ထုတ်ပြန်ထားခဲ့ပြီးနောက် မှတ်ပုံတင်ရန် လျှောက်ထားသော နိုင်ငံရေပါတီများကို  UEC အနေဖြင့် ပါတီမှတ်ပုံတင်ခွင့်ပြုရန် စိစစ်မှူများ အထပ်ထပ် ပြုလုပ်နေကြောင်း ဖြစ်ကြောင်း ယခင်က မီဒီယာများကို ပြောကြား ထားခဲ့ဖူးသည်။

ယခုအခါ ပြည်ထောင်စု ရွေးကောက်ပွဲကော်မရှင်(UEC)အနေဖြင့် မှတ်ပုံတင်ရန် ခွင့်ပြုပြီး နိုင်ငံရေးပါတီပေါင်းမှာ ပြည်သူ့ပါတီအပါအဝင် (၄၇)ပါတီ ရှိပြီ ဖြစ်ကြောင်း သိရသည်။

Yangon_Times/PP

သက်တမ်းရင့်သံလွင်ပင်ကြီးဟာ ဂျေရုဆလမ်ရှိ ပါလက်စ်တိုင်များအတွက် လုံခြုံရေးနဲ့ တည်ငြိမ်အေးချမ်းခြင်းကို ရာစုနှစ်များတိုင်အောင် ပေးစွမ်းထားပါတယ်။
ဂျေရုဆလမ်မြို့ဟောင်း အနောက်တောင်ဘက် ၁၀ ကီလိုမီတာအကွာ အယ်လ်ဝါလာဂျာ ပါလက်စ်တိုင်းရွာမှာ တည်ရှိတာဖြစ်ပြီး ဒေသခံများရဲ့ ယုံကြည်မှုသင်္ကေတလည်း ဖြစ်ပါတယ်။
Published 29 December 2023
#World_Nature
#Yangon_Times #YMG_News #Yangon_Media_Group

#Daily_News
Published 29 December 2023

၁။ အွန်လိုင်းဈေးရောင်းသူများ  ဇန်နဝါရီလအတွင်း မှတ်ပုံတင်ရင် သက်တမ်း(၂)နှစ်နေမှ သက်တမ်းတိုးရမည်

၂။ မိုးယွန်းကြီးအင်းဘေးမဲ့တောသို့ ငှက်ကြည့်ရန် လာရောက်သူ အလွန်နည်းသွားပြီး အပန်းဖြေရန်လာရောက်သူ ပိုများလာ ဟုဆို

၃။ ကျိုက်ထီးရိုးစေတီတော်ပေါ်ရှိ ဘောဂသိဒ္ဓိတောရ တရားရိပ်သာအတွက် ‌ရေကန်နှင့် ထာဝရ‌ရေအလှုရှင် လိုအပ်နေ

၄။ ပါလက်စ်တိုင်းလူမျိုးများ၏ ငြိမ်းချမ်းရေးပြယုဂ်ဖြစ်သည့် နှစ်ထောင်ချီသက်တမ်းရှိ သံလွင်ပင် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

Published 29 December 2023

 Mister Supranational Myanmar 2024 ပြိုင်ပွဲကြီးတွင်ပါဝင်ယှဉ်ပြိုင်ရန်အတွက် အမျိုးသားပြိုင်ပွဲဝင်များကို တရားဝင်ဖိတ်ခေါ်လိုက်ပြီဖြစ်ကြောင်း Missosology Myanmar မှသိရသည်။

အသက် (၁၈)နှစ်ပြည့်ပီး (၃၂)နှစ်ထက်မကျော်သည့် မြန်မာတစ်နိုင်ငံလုံးရှိ အမျိုးသားများ ဝင်ရောက်ယှဉ်ပြိုင်ခွင့်ရှိပြီး၂၀၂၄ခုနှစ် ဇန်နဝါရီလ၃၁ရက်နောက်ဆုံးထားပြီး ပါဝင်ယှဉ်ပြိုင်နိုင်မည်ဖြစ်သည်။

ပထမဆုံးအကြိမ်ခမ်းနားကြီးကျယ်စွာကျင်းပမည့် Big (5) စာရင်းဝင် Mister Supranational Myanmar 2024 ပြိုင်ပွဲကြီးတွင် ပါဝင်ယှဉ်ပြိုင်ရန်အတွက် အမည် ၊မွေးသက္ကရာဇ် ၊အရပ်အမြင့် ၊
ပညာအရည်အချင်း ၊မှတ်ပုံတင်အမှတ် ၊ဓာတ်ပုံ (မျက်နှာပုံ/တစ်ကိုယ်လုံးပုံ)ဆက်သွယ်ရမည့် ဖုန်းနံပါတ် စသည်တို့ကို ပြည့်စုံစွာရေးသားပြီး Supranational Myanmar ယခု Missosology MyanmarPage Messenger (or) Google Form link သို့အရင်ဦးစွာ ပေးပို့လျှောက်ထားနိုင်ကြောင်သိရသည်။

မြန်မာကိုယ်စားပြု Miss Supranational 2024 အဖြစ် အလှမယ်‌ဒီးကို ရွေးချယ်ထားပြီဖြစ်ပြီး  မြန်မာကိုယ်စားပြု Mister Supranational 2024ကို ထပ်မံရွေးချယ်ပြီး  နိုင်ငံတကာစင်မြင့်ထက်တွင် ယှဉ်ပြိုင်သွားကြမည်ဖြစ်ကြောင်း သိရသည်။
Yangon_Times/tthl
Published 29 December 2023
#Local_News
#Yangon_Times #YMG_News #Yangon_Media_Group