Published 31 December 2023
 
ရန်ကုန်တိုင်းဒေသကြီး၊ ဒဂုံဆိပ်ကမ်းမြို့နယ်၊ (၆၀)ရပ်ကွက်၊ ဧရာဝဏ်လမ်း ရှိ ဟိုတယ် နိုဗယ် တွင် မီးလောင်မှု ဖြစ်ပွားခဲ့ကြောင်းမြန်မာနိုင်ငံမီးသတ်တပ်ဖွဲ့ထံ က သိရသည်။

  ဒီဇင်ဘာ ၃၀ရက် ည ၈နာရီ ၅၁မိနစ် အချိန်ခန့်က ဖြစ်ပွားခဲ့ ခြင်း ဖြစ်ပြီး  ဆိပ်ကမ်းမြို့နယ် မီးသတ်တပ်ဖွဲ့ က ထွက်ခွာငြိမ်းသတ်ခဲ့ရာ ၉နာရီ ၂၅ မိနစ် တွင် မီးငြိမ်းသတ်နိုင်ခဲ့ကြောင်း သိရသည်။

  အဆိုပါ မီးလောင်သည့် အကြောင်းရာ နှင့် ဆုံးရှုံးမှု တန်ဖိုး များ ကို သက်ဆိုင်ရာ မှ စစ်ဆေး လျက်ရှိ ကြောင်း သိရသည်။
Yangon Times/LW
Published 31 December 2023
#Local_News
#Yangon_Times #YMG_News #Yangon_Media_Group

Published_31 December 2023

မြန်မာနိုင်ငံဘောလုံးအဖွဲ့ချုပ်၏ (၆) ကြိမ်မြောက်ညီလာခံ (6th MFF Congress 2023) ကို ဒီဇင်ဘာ ၃၀ ရက်က Video Conferencing ဖြင့် ကျင်းပခဲ့ကြောင်း သိရပါတယ်။

ညီလာခံသို့ မြန်မာနိုင်ငံအိုလံပစ်ကော်မတီဥက္ကဋ္ဌ၊ အားကစားနှင့် လူငယ်ရေးရာဝန်ကြီး ဦးမင်းသိန်းဇံ၊ အာရှဘောလုံးအဖွဲ့ချုပ်ဥက္ကဋ္ဌ Shaikh Salman Bin Ebrahin1 Al Khalifa ၊ အာရှ ဘောလုံးအဖွဲ့ချုပ် အကြီးတန်း ဒုဥက္ကဋ္ဌ၊ မြန်မာနိုင်ငံဘောလုံး အဖွဲ့ချုပ်ဥက္ကဋ္ဌ ဦးဇော်ဇော်၊ ဒုဥက္ကဋ္ဌ ဒေါက်တာစိုင်းဆမ်ထွန်းနှင့် တာဝန်ရှိသူများ၊ မြို့နယ် ဘောလုံးအဖွဲ့ချုပ် ၁၉၀ မှ တာဝန်ရှိသူများ၊ မြန်မာနေရှင်နယ်လိဂ်နှင့် ကလပ်အသင်းများမှ တာဝန်ရှိသူများ၊ အဖွဲ့ချုပ်ကော်မတီ အသီးသီးမှ တာဝန်ရှိသူများ တက်ရောက်ကြပါတယ်။

ညီလာခံတွင် မြန်မာနိုင်ငံအိုလံပစ်ကော်မတီဥက္ကဋ္ဌ၊ အားကစားနှင့်လူငယ်ရေးရာဝန်ကြီး ဦးမင်းသိန်းဇံ၊ အာရှဘောလုံးအဖွဲ့ချုပ်ဥက္ကဋ္ဌ Shaikh Salman Bin Ebrahin1 Al Khalifa တို့က အမှာစကားပြောကြားပြီး အာရှဘောလုံးအဖွဲ့ ချုပ်အကြီးတန်းဒုဥက္ကဋ္ဌ၊ မြန်မာနိုင်ငံဘောလုံးအဖွဲ့ချုပ်ဥက္ကဋ္ဌ ဦးဇော်ဇော်က ကြိုဆိုနှုတ်ခွန်း ဆက်စကား ပြောကြားကြပါတယ်။

ဆက်လက်၍ မြန်မာနိုင်ငံဘောလုံးအဖွဲ့ချုပ် ဒုဥက္ကဋ္ဌဒေါက်တာစိုင်းဆမ်ထွန်းက ၂၀၂၃ ခုနှစ်အတွက် ရငွေ/သုံးငွေ စာရင်းများနှင့်ဘဏ္ဍာရေး အခြေအနေများအား ရှင်းလင်းတင်ပြပါတယ်။

၂၀၂၃ ခုနှစ် ငွေစာရင်းရှင်းလင်းချက်အရ မြန်မာနိုင်ငံဘောလုံး အဖွဲ့ချုပ်ဥက္ကဋ္ဌ၏ စိုက်ထုတ်ငွေ အမေရိကန်ဒေါ်လာ ၁၈၂၅၅၃၃ အပါအဝင် ကမ္ဘာ့ဘောလုံးအဖွဲ့ချုပ် (ဖီဖာ) ၏ ပံ့ပိုးငွေ အမေရိကန် ဒေါ်လာ ၁၈၅၇၈၈၄၊ အာရှဘောလုံးအဖွဲ့ချုပ်၏ ပံ့ပိုးငွေအမေရိကန်ဒေါ်လာ ၆၀၉၉၀၆၊ အာဆီယံဘောလုံးအဖွဲ့ချုပ်၏ ပံ့ပိုးငွေအမေရိကန်ဒေါ်လာ ၉၂၅၉၀၊ ဥရောပဘောလုံးအဖွဲ့ချုပ်၏ ပံ့ပိုးငွေအမေရိကန်ဒေါ်လာ ၂၂၃၂၄၊ စပွန်ဆာနှင့် အခြားဝင်ငွေ အဖြစ် အမေရိကန်ဒေါ်လာ ၇၁၁၈၂၈ ဖြင့် ဝင်ငွေစုစုပေါင်း အမေရိကန်ဒေါ်လာ ၅၅၁၇၄၈၀ ဖြစ်​ပါတယ်။
လည်ပတ်သုံးစွဲငွေ စုစုပေါင်းမှာအမေရိကန် ဒေါ်လာ ၆၁၈၃၇၃၄ ဖြစ်သော ကြောင့် လိုငွေ အမေရိကန်ဒေါ်လာ ၆၆၆၂၅၅ ရှိ​ပါတယ်။

မြန်မာနိုင်ငံ ဘောလုံးအဖွဲ့ချုပ် ငွေစာရင်းနှင့်ပတ်သက်၍ ပြင်ပ စာရင်းစစ်အဖွဲ့၏ ၂၀၂၂ ခုနှစ် ဘဏ္ဍာရေးနှစ် အစီရင်ခံစာအား JF Group (Audit Firm) မှ Managing Partner ဦးဝမ်တင်က ရှင်းလင်းတင်ပြပါတယ်။
ယင်း နောက် မြန်မာနိုင်ငံ ဘောလုံးအဖွဲ့ချုပ် ဖွဲ့စည်းပုံစည်းမျဉ်းများ Statutes of Myanmar Football Federation [Edition – 2023] နှင့်စပ်လျဉ်း၍ ဥပဒေရေးရာကော်မတီဥက္ကဋ္ဌ ဦးဇော်မင်းစိန်က ဆက်လက်ရှင်းလင်းတင်ပြသည ဥပဒေရေးရာကော်မတီဥက္ကဋ္ဌ၏ ရှင်းလင်းတင်ပြချက်တွင် မြန်မာ နိုင်ငံဘောလုံးအဖွဲ့ချုပ်အလုပ် အမှုဆောင်ရွေးကောက်ပွဲအားလာမည့် ၂၀၂၄ ခုနှစ် မတ် ၃၀ ရက်တွင် ကျင်းပမည်ဖြစ်ကြောင်း ထည့်သွင်းကြေညာပါတယ်။

ညီလာခံတွင် ၂၀၂၄ ခုနှစ် အတွက် ရငွေ/သုံးငွေ ကြိုတင် ရေးဆွဲခြင်းကို ရှင်းလင်းတင်ပြ ခြင်း၊ ဆန္ဒမဲရေတွက်ခြင်းနှင့် အတည်ပြုချက်များ ရယူခြင်းစသည့် ကွန်ဂရက်အစီအစဉ် များကို ဆက်လက်ကျင်းပခဲ့ပြီးနောက် အာရှဘောလုံးအဖွဲ့ချုပ် အကြီးတန်းဒုဥက္ကဋ္ဌ၊ မြန်မာနိုင်ငံဘောလုံးအဖွဲ့ချုပ်ဥက္ကဋ္ဌ ဦးဇော်ဇော်က နိဂုံးချုပ်စကား ပြောကြားခဲ့ပါတယ်။
ymn_mnn
Published 31 December 2023
#Local_News
#Yangon_Times #YMG_News #Yangon_Media_Group

Published 31 December 2023

ကြက်သွန်ဖြူစားခြင်းဖြင့် ကျန်းမာရေးအတွက် ကောင်းမွန်စေတယ်လို့ ရှေးအစဥ်အဆက်တည်းက ပြောလာကြပါတယ်။

ဒါပေမဲ့ ကျန်းမာရေးကို ဘယ်လိုမျိုး အထောက်အကူပြုလဲဆိုတာကို သိပ်ပြီးမသိကြပါဘူး။

Eating Well မှ သုတေသန ပညာရှင်များက ကြက်သွန်ဖြူရဲ့ လုပ်ဆောင်ပုံတွေကို ဖော်ပြသွားပါတယ်။

(၁) ကိုယ်ခံအားစနစ်မြှင့်တင်ပေးခြင်း
ကြက်သွန်ဖြူမှာပါတဲ့ အယ်လီဆင်ဒြပ်ပေါင်းဟာ ဆေးစွမ်းကောင်းဖြစ်ပြီး အော်ဂဲနိုဆာလ်ဖာကလည်း ခန္ဓာကိုယ်ကို ကာကွယ်ပေးပါတယ်။

(၂) ကိုလက်စ်ထရောလ် လျှော့ချပေးခြင်း
ကြက်သွန်ဖြူအရည်မှ ရတဲ့ ဓာတ်တိုးဆန့်ကျင်ပစ္စည်းတွေဟာ ကိုလက်စ်ထရောလ်ပမာဏ လျော့နည်းအောင် ကူညီပေးပါတယ်။

(၃) သွေးပေါင်ချိန်ကျစေခြင်း
သွေးတိုးရှိပြီး နှလုံးရောဂါများ၊ ဆီးချိုရောဂါတို့ ရှိသူတွေဟာ ကြက်သွန်ဖြူအစိမ်းကို တစ်နေ့နှစ်ကြိမ်ဖြင့် ၄ ပတ်ဆက်တိုက် စားပေးသင့်တယ်လို့ National Heart, Lung and Blood Institute မှ ဖော်ပြထားပါတယ်။

(၄) အူလမ်းကြောင်းကျန်းမာရေး ကောင်းမွန်စေခြင်း
ကြက်သွန်ဖြူမှာ ပရီဘိုင်အိုတစ်များ ပါဝင်တာကြောင့် အူလမ်းကြောင်းရှိ ကောင်းကျိုးပြု ဘက်တီးရီးယားများ တိုးများစေပါတယ်။

(၅) ဓာတ်တိုးဆန့်ကျင်ပစ္စည်း ကြွယ်ဝခြင်း
သက်ကြီးရွယ်အိုတွေမှာ ဦးနှောက်လုပ်ဆောင်ချက်ကို ထောက်ပံ့ပေးပြီး ကြက်သွန်ဖြူစားတဲ့ သက်ကြီးရွယ်အိုတွေဟာ မစားသူတွေထက် ပိုမိုအသက်ရှည်ကြောင်း တွေ့ရှိထားပါတယ်။

ကြက်သွန်ဖြူကို အစိမ်းလိုက်စားခြင်းက အကောင်းဆုံးဖြစ်ပြီး အဆင့်ဆင့်လုပ်ဆောင်မှု များလေလေ အာနိသင်လျော့နည်းလာလေ ဖြစ်ပါတယ်။

အစာအိမ်မကောင်းတဲ့သူတွေမှာ ကြက်သွန်ဖြူစားလိုက်ရင် လေပွခြင်းခံစားရတာဟာ ကောင်းတဲ့လက္ခဏာဖြစ်ပါတယ်။
Source: New York Post
Published_31 December 2023
#World_Health
#Yangon_Times #YMG_News #Yangon_Media_Group

Published 31 December 2023

ခန္ဓာကိုယ်မှ သံဓာတ်လုံလောက်စွာ မရတဲ့အခါ သိုင်းရွိုက်လှုပ်ရှားမှု လျော့နည်းခြင်း၊ အားနည်းခြင်း၊ အဝလွန်ခြင်းတို့ပင် ဖြစ်နိုင်ပါတယ်။

ဒါ့အပြင် သံဓာတ်နည်းပါးပါက ဆံပင်ကျွတ်ခြင်း၊ အိပ်ရေးပျက်ခြင်း၊ ကိုယ်အလေးချိန်တက်ခြင်းတို့ ဖြစ်နိုင်ပါတယ်။

သက်သက်လွတ်စားသူတွေမှာ သံဓာတ်ချို့တဲ့ခြင်း အဖြစ်များပေမယ့် အသားစားသူတွေဟာလည်း သံဓာတ်စုပ်ယူမှု နည်းပါးကာ သံဓာတ်နည်းပါးနိုင်ပါတယ်။

သံဓာတ်ချို့တဲ့တဲ့အခါ သွေးအားနည်းခြင်း၊ ခန္ဓာကိုယ်အားနည်းခြင်း၊ ကယ်လိုရီလောင်ကျွမ်းမှု နည်းပါးခြင်းတို့ ဖြစ်နိုင်ကာ အချိုအစားများလာနိုင်ပါတယ်။

ဒါ့အပြင် သိုင်းရွိုက်ဟော်မုန်း ထုတ်လုပ်မှု နည်းပါးသွားကာ ဇီဝဖြစ်ပျက်မှုဖြစ်စဥ် နှေးသွားပြီး ကိုယ်အလေးချိန် တက်လာနိုင်ပါတယ်။

အသားမစားဖို့ အကြံပြုထားကြကာ ပဲအမျိုးမျိုး၊ အခွံမာသီးများ၊ ကောက်ပဲသီးနှံများ၊ ဟင်းရွက်စိမ်းတွေဟာ သံဓာတ်ကြွယ်တဲ့ အစားအစာတွေ ဖြစ်ပါတယ်။

ပဲနီကလေးတစ်ခွက်စာ ချက်ပြုတ်စားခြင်းက ကြက်ရင်အုံထက် သံဓာတ်ပိုမိုရရှိပါတယ်။  
Source: The Jerusalem Post.
Published_31 December 2023
#World_Health
#Yangon_Times #YMG_News #Yangon_Media_Group

၃၀ ဒီဇင်ဘာ ၂၀၂၃

#တရုတ်-မြန်မာနှစ်နိုင်ငံဆက်ဆံရေးပျက်ပြားအောင် သတင်းမီဒီယာများမှ လုပ်ဆောင်နေမှုများ၊

#မြန်မာနိုင်ငံ၏ ရပ်တည်ချက်သည် မြန်မာမြေကို၊ မြန်မာနိုင်ငံပိုင်နက်ကို အသုံးပြုပြီး အိမ်နီးနားချင်းနိုင်ငံတွေရဲ့ အကျိုးစီးပွား၊ တည်ငြိမ်မှုနှင့် ပြည်သူလူထု လူမှုစီးပွား ဘဝကို ထိခိုက်နှောက်ယှက်စေသည့် မည်သည့်လုပ်ငန်းမျိုးကိုမှ လက်ခံမှာ မဟုတ်

#မြန်မာနိုင်ငံ လောက်ကိုင်မှာရောက်ရှိနေတဲ့ တရားမဝင်နေထိုင်သူများအား တရုတ်နိုင်ငံနှင့် သက်ဆိုင်ရာနိုင်ငံများသို့ပြန်လည်  လွှဲပြောင်းပေးမှုအခြေအနေများ၊

#‌လောက်ကိုင်မြို့အခြေအနေများ

#နယ်စပ် ဒေသတည်ငြိမ်အေးချမ်းရေး၊ တရားဥပဒေ စိုးမိုးရေး၊ မူးယစ်ဆေးဝါးတားဆီး   နှိမ်နင်းရေး၊ အွန်လိုင်းလောင်းကစား မှုနှင့် ငွေကြေးလိမ်လည်မှုများ တိုက်ဖျက်ရေးဆိုင်ရာ ဆွေးနွေးမှုများ၊

#မူးယစ်မှောင်ခိုဂိုဏ်းအဖွဲ့အားဖော်ထုတ်ဖမ်းဆီးရမိများနှင့်

ပတ်သက်၍ နစကသတင်းထုတ်ပြန်ရေး အဖွဲ့ခေါင်းဆောင် ဗိုလ်ချုပ်ဇော်မင်းထွန်း၏ ပြောကြားချက်အပြည့်အစုံကို ပြန်လည်ဖော်ပြပေးအပ်ပါတယ်။

-ymg/knl

တရုတ်အနောက်တောင်ပိုင်း စီချွမ်ပြည်နယ်ရှိ ပန်ဒါမွေးမြူရေးစခန်းမှာ ပန်ဒါဝက်ဝံငယ်တစ်ကောင် ဆော့ကစားပုံတွေကို ဗီဒီယိုရိုက်ကူးပြီး ပြသခဲ့ကြပါတယ်။

ဗီဒီယိုထဲမှာ ချန်ဒူပန်ဒါဝက်ဝံ သုတေသနမွေးမြူရေးစခန်းရှိ စူးစမ်းစုစပ်နေတဲ့ ပန်ဒါလေးက ပတ်ဝန်းကျင်ကို လေ့လာနေပြီး ပန်ဒါထိန်းကျောင်းသူနဲ့ ဆော့ကစားနေတာကို မြင်တွေ့ရပြီး တရုတ်ပြည်မှာ တန်ဖိုးထားတဲ့ ပန်ဒါတွေရဲ့ နေ့စဥ်လှုပ်ရှားမှုတွေကို တင်ဆက်နေတဲ့ iPanda ချန်နယ်လိုင်းကနေ မကြသေးမီက ထုတ်လွှင့်ခဲ့ပါတယ်။
Published_30 December 2023
#Asia_Conservation
#Yangon_Times #YMG_News #Yangon_Media_Group

#Daily_News
Published_30 December 2023

၁။ ရန်ကုန်တိုင်းတွင် ပုဂ္ဂလိကကိုယ်ပိုင်ကျောင်းအချို့ တစ်ဦးချင်းဖွင့်ရန်ခက်ခဲပါက စုပေါင်းဖွင့်သင့်ဟုဆို

၂။ ယခုနှစ် ပဲဖတ်ဈေးကွက် ၀ယ်လိုအား အလွန်နည်းသဖြင့် ဈေးကောင်းမရ

၃။ အခေါက်ရွှေ စံချိန်တင်အမြင့်တန်းဈေး၌ အတက်အကျနည်းပါးနေ

၄။ စီချွမ်ဒေသ ချန်ဒူပန်ဒါသုတေသနမွေးမြူရေးစခန်းမှ ပန်ဒါငယ်လေးတစ်ကောင်၏ ချစ်စဖွယ်လှုပ်ရှားမှုများကို ဗီဒီယိုရိုက်ကူးထုတ်လွှင့် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

Published_ 30 December 2023

ရန်ကုန်မြို့၌ နှစ်သစ်ကူးပွဲတော် New Year Countdown 2024 ကို ကျင်းပသွားမည်ဖြစ်ကြောင်း ရန်ကုန်တိုင်းဒေသကြီး အစိုးရအဖွဲ့ရုံးမှ သိရသည်။

အဆိုပါ ပွဲတော်ကို ၂၀၂၃ ခုနှစ် ဒီဇင်ဘာလ ၃၁ ရက်၊ ညနေ (၆) နာရီမှ စတင်ကာ ပြည်သူ့ရင်ပြင်၌ ကျင်းပပြုလုပ်သွားမည်ဖြစ်ပြီး နိုင်ငံကျော် ရုပ်ရှင်သရုပ်ဆောင်များ၊ အဆိုတော်များ၊ DJ ပညာရှင်များ၊ အကအဖွဲ့များနှင့် မျိုးဆက်သစ်တေးသံရှင်များစွာဖြင့် ဖျော်ဖြေတင်ဆက်သွားမည်ဖြစ်ကြောင်း သိရသည်။

ထို့အပြင် မီးရှူးမီးပန်းပစ်ဖောက်ခြင်း အပါအဝင် စည်ကားသိုက်မြိုက်စွာ ကျင်းပပြုလုပ်သွားမည်ဖြစ်သောကြောင့် ပါဝင်ဆင်နွှဲကြရန် ပွဲတော်ကျင်းပရေးကော်မတီက ဖိတ်ခေါ်ထားကြောင်း သိရသည်။
Yangon_Times/NN
Published_30 December 2023
#Local_News
#Yangon_Times #YMG_News #Yangon_Media_Group

Published_30 December 2023

နေပြည်တော် စည်ပင်သာယာရေးနယ်နမိတ်အတွင်းရှိ အစိုးရနေအိမ်၊ တိုက်ခန်းများတွင် နေထိုင်သူများအနေဖြင့် ခွေး၊ ကြောင်မွေးထားပါက တိရစ္ဆာန်ဆေးကုနှင့် သားသတ်ရုံများ ဌာန၌ မှတ်ပုံတင်ရမည်ဖြစ်ကြောင်း နေပြည်တော်စည်ပင်သာယာရေးကော်မတီမှ သိရသည်။

အဆိုပါ နေပြည်တော်စည်ပင်သာယာရေးနယ်နမိတ်အတွင်း ခွေရူးရောဂါကဲ့သို့ တိရစ္ဆာန်မှလူသို့ ကူးစက်တတ်သောရောဂါများ ကာကွယ်တားဆီးရေးအတွက် အိမ်မွေးတိရစ္ဆာန်ခွေး၊ကြောင်မွေးသူများအနေဖြင့် အောက်ပါအချက်များအားလိုက်နာရမည်ဖြစ်ကြောင်းသိရသည်။

အစိုးရနေအိမ်၊တိုက်ခန်းများတွင် နေထိုင်ခွင့်ရသူများသည်အများကို အနှောင့်အယှက် မည်သည့်တိရိစ္ဆာန်ကိုမှ မွေးမြူရေးခြင်းမပြုရကြောင်း၊အများပြည်သူများအား အန္တရာယ်ဖြစ်စေနိုင်သည်ဟု ကော်မတီကသတ်မှတ်သော တိရိစ္ဆာန်များကို မွေးမြူခြင်းမပြုရကြောင်းသိရသည်။

ထို့အပြင် ခွေး၊ကြောင်များကို သတ်မှတ်စည်းကမ်းချက်အတိုင်းကာကွယ်ဆေးမထိုးဘဲ မွေးမြူခြင်းမပြုရကြောင်း၊မိမိနေအိမ်တွင်း ခွေး၊ကြောင်မွေးမြူလိုသူများသည်တိရစ္ဆာန်ဆေးကုနှင့်သားသတ်ရုံများဌာန၌မှတ်ပုံတင်ရမည်ဖြစ်ကြောင်း သိရသည်။

၄င်းအပြင် အိမ်မွေးတိရစ္ဆာန်မွေးမြူရန် ခွင့်ပြုချက်ရယူသူသည် ခွင့်ပြုချက်ပါစည်းကမ်းများကို လိုက်နာရမည့်အပြင် နေပြည်တော်စည်ပင်သာယာရေးကော်မတီနှင့် တိရစ္ဆာန်ဆေးကုနှင့် သားသတ်ရုံများဌာနတို့က အခါအားလျော်စွာထုတ်ပြန်သော အမိန့်နှင့်ညွှန်ကြားချက်များကိုလည်း လိုက်နာရမည်ဖြစ်ကြောင်းသိရသည်။

ကာကွယ်ဆေးထိုးနှံခြင်း၊လည်ပတ်တံဆိပ်များတပ်ဆင်ခြင်းနှင့်အခြားအခွန်အခများပေးဆောင်ခြင်းတို့ကိုလည်းဆောင်ရွက်ရမည်ဖြစ်ကြောင်း၊အများပြည်သူနှင့်သက်ဆိုင်သောနေရာများတွင် ကာကွယ်ဆေးမထိုးရသေးသောထိန်းကျောင်းသူမပါရှိသော ခွေးနှင့်ကြောင်များကို လွှတ်ထားခြင်းမပြုကြောင်း၊လည်ပတ်နှင့်ထိန်းကြိုးများခိုင်ခန့်စွာတပ်ဆင်ထားရမည်ဖြစ်ကြောင်းသိရသည်။
Yangon_Times/NN
Published_30 December 2023
#Local_News
#Yangon_Times #YMG_News #Yangon_Media_Group

"ပလင်းကမ်းသာယာဆင်စခန်း ဝင်ကြေးတွေ ပြောင်းလဲမှုမရှိဘဲ ပြည်တွင်းခရီးသွားတွေအတွက် ၁၀၀၀ကျပ်၊နိုင်ငံခြားသား တစ်သောင်းနဲ့ ဆင်စီးငှား ပြည်တွင်းကျပ်၅၀၀၀ ပြည်ပ ကျပ်၁၀၀၀၀ သတ်မှတ်ထားတယ်"
ပလင်းကမ်းသာယာဆင်စခန်းမှ တာဝန်ရှိသူတစ်ဦး
Yangon_Times/tthl
Published_30 December 2023
#Local_News
#Yangon_Times #YMG_News #Yangon_Media_Group

' လက်ရှိပဲစင်းငုံတစ်တန် ၃၃သိန်းလောက်ရှိနေတယ်၊ အိန္ဒိယရာသီဥတုမကောင်းခဲ့လို့ အထွက်နှုန်းမသေချာတာကောမှန်းထားတဲ့ ပမာဏလောက်မထွက်နိုင်လို့ ယူဆထားတာကြောင့် ပဲစင်းငုံ လိုအပ်ချက်များနေတာကြောင့် ဆက်တက်ဦးမယ် '
Yangon_Times/NN
Published_30 December 2023
#Local_News
#Yangon_Times #YMG_News #Yangon_Media_Group

Published_30 December 2023

သင်္ကြန်မိုးဇာတ်ကားထုတ်လုပ်သူ ဦးဇော်မြင့်(ရီမြင့်ရုပ်ရှင်မန္တလေး)၏ မိခင်၊ အကယ်ဒမီနောင်နောင်(သရုပ်ဆောင်)၏ ဘွားဘွား ဒေါ်ရီရီ(Nelly Thant) (BA. Geography၊ရီမြင့်ရုပ်ရှင်မန္တလေး) သည်ဒီဇင်ဘာလ၂၈ရက်တွင် ကွယ်လွန်သွားကြောင်းသိရသည်။

ကွယ်လွန်ချိန်တွင် အသက် ၉၂နှစ်ရှိပြီဖြစ်ပြီး  ဒီဇင်ဘာလ၃၁ရက်တွင် မန္တလေးရှိ အေးရိပ်ငြိမ် သုဿန်၌သဂြိုဟ်သွားမည်ဟုဆိုသည်။

အဘွားဒေါ်ရီရီကွယ်လွန်သွားသည့်အတွက်အကယ်ဒမီ ဒါရိုက်တာမောင်မျိုးမင်းမှလည်း ဝမ်းနည်းကြေကွဲရကြောင်းကိုယခုလိုဖော်ပြထားသည်။

"ရီမြင့်ရုပ်ရှင်ထုပ်လုပ်ရေးမှ ကိုဇော်မြင့်၏ မိခင်ကြီးဒေါ်ရီရီ ကွယ်လွန်ကြောင်းကြားသိရတဲ့အတွက် မိသားစုနှင့်အတူ ဝမ်းနည်းရပါတယ် မိခင်ကြီးကောင်းရာသုဂတိရောက်ပါစေ"ဟု အကယ်ဒမီ ဒါရိုက်တာမောင်မျိုးမင်းက ဖော်ပြထားသည်။
Yangon_Times/tthl
Published_30 December 2023
#Local_News
#Yangon_Times #YMG_News #Yangon_Media_Group