#Local_News
Published_ 24 November 2023

ပုဂံရှေးဟောင်းဘုရား(၈၉)ဆူရှိ အပင် ၁၂၇၆ ပင်ကို ရှင်းလင်းနိုင်ခဲ့သလို ပုဂံဘုရား(၁၁‌)ဆူ၌ မိုးကြိုးလွှဲတပ်ဆင်ရန်စီစဉ်နေ‌ကြောင်း ရှေးဟောင်းသုတေသနနှင့် အမျိုးသားပြတိုက်ဦးစီးဌာနမှ သိရသည်။

ပုဂံဒေသဆိုင်ရာ ပူးပေါင်းဆောင်ရွက်ရေးကော်မတီ(မန္တလေးတိုင်းဒေသကြီး၊ညောင်ဦးခရိုင်)၏ လုပ်ငန်းညှိနှိုင်းအစည်းအဝေး၌ ရှေးဟောင်းသုတေသနနှင့်အမျိုးသားပြတိုက်ဦးစီးဌာနမှတာဝန်ရှိသူက ထည့်သွင်းပြောခဲ့ခြင်းဖြစ်သည်။

စက်တင်ဘာ၆ရက်မှအောက်တိုဘာ၂၂ ရက်အထိ ပုဂံရှေးဟောင်းအဆောက်အအုံ ၈၉ ဆူတွင် ပေါက်ရောက်နေသည့်  ညောင်ပင်နှင့် အခြားအပင် စုစုပေါင်း ၁၂၇၆ ပင်ကို ဓာတုဗေဒဆေးနှင့် ရှင်းလင်း နှိမ်နင်းခြင်း ဆောင်ရွက်နိုင်ခဲ့ကြောင်း၊ 

ပုဂံယဉ်ကျေးမှု အမွေအနှစ်ဒေသအတွင်းရှိ ဘုရား၊ ပုထိုးစေတီအချို့တွင် မိုးကြိုးစက်ကွင်း“ခ” မှုများဖြစ်ပေါ်ခဲ့သဖြင့် ရှေးဟောင်းအဆောက်အအုံ ၁၁ ဆူတွင် မိုးကြိုးလွှဲ တပ်ဆင်နိုင်ရန် ဆက်စပ်ဌာနများ၊ ဂေါပကအဖွဲ့များနဲ့ ပူးပေါင်းဆောင်ရွက်လျက်ရှိကြောင်း  ရှေးဟောင်းသုတေသနနှင့် အမျိုးသား ပြတိုက်ဦးစီးဌာန၊ ပုဂံဌာနခွဲ ၊ ညွှန်ကြားရေးမှူးကပြောကြားခဲ့သည်။

ယင်းအပြင်မိုခါမုန်တိုင်းကာလတွင် ရှေးဟောင်းအဆောက်အအုံ(၅၉)ဆူ ထိခိုက်မှုရှိသည့်အနက် အဆောက်အအုံ ပိုင်းဆိုင်ရာ ထိခိုက်မှု (၅၃)ဆူ၊ နံရံပန်းချီနှင့် အင်္ဂတေပန်းဆိုင်ရာထိခိုက်မှု (၆)ဆူဖြစ်ပြီး ဌာနက အချိန်နှင့်တပြေးညီ ပြုပြင် ထိန်းသိမ်းခြင်းနှင့်    ကြံ့ခိုင်ထိန်းသိမ်းခြင်းတို့ကို  ဆောင်ရွက်ခဲ့ပြီဖြစ်ကြောင်း၊ မိုခါမုန်တိုင်းကြောင့် ရေဝပ်မှုဖြစ်ပေါ်ခဲ့သည့် ရှေးဟောင်းအဆောက်အအုံ ၁၅ ဆူကို   မြေပြင်ကွင်းဆင်း သုတေသနပြုလုပ်ပြီး ထပ်မံရေဝပ်ခြင်းများ မဖြစ်ပေါ်စေရန် လိုအပ်သည့် ကာကွယ်ရေးလုပ်ငန်းများနှင့် ပြုပြင်ထိန်းသိမ်းရေးများကို ဆောင်ရွက်လျက်ရှိကြောင်းလည်းပြောကြားခဲ့ကြောင်း သိရသည်။

#Local_News #ပုဂံဘုရား(၈၉)ဆူ #မိုးကြိုးလွှဲတပ်ဆင်ရန်စီစဉ်နေ #tthl #Yangon_Times

#Local_News
Published 24 November 2023

သင်္ဃန်းကျွန်းမြို့နယ်၌ ဦးလေးဖြစ်သူနေအိမ်ထဲ အပေါင်းအသင်းများနှင့်အတူဝင်ရောက်အကြမ်းဖက်လုယက်သည့် တူဖြစ်သူအား ရပ်ကွက်နေပြည်သူများဝိုင်းဝန်းဖမ်းဆီးလိုက်ကြောင်းပရဟိတအသင်းများနှင့် ရပ်ကွက်နေပြည်သူများထံမှ သိရသည်။

နိုဝင်ဘာ ၂၃ ရက် နေ့လယ် ၂ နာရီခွဲခန့်တွင် သင်္ဃန်းကျွန်းမြို့နယ်၊ သွပ်ဝိုင်းကြီးရပ်ကွက်၊ နီလာလမ်းရှိ ဦးလေးဖြစ်သူနေအိမ်သို့တူဖြစ်သူက လာရောက်ကန်တော့ပြီး အိမ်တွင်လူမရှိသည်ကို သိရှိပြီးနောက် ၄င်း၏အပေါင်းအပါ နှစ်ဦးကိုပါ အချက်‌ပြခေါ်ယူပြီး အကြမ်းဖက်လုယက်ခဲ့သဖြင့် အိမ်ရှင်ဦးလေးဖြစ်သူ၏ လည်ပင်းတွင် ပြတ်ရှဒဏ်ရရခဲ့သောကြောင့် နေအိမ်ရှေ့ရှိတက်စီဖြင့် ဆေးရုံသို့ ပို့ဆောင်ပေးခဲ့ရကြောင်း သိရသည်။

တူဖြစ်သူမှာမုန့်ပုံးဖြင့် လာရောက်ကန်တော့စဉ် နေအိမ်တွင်ဉီး‌လေးဖြစ်သူတစ်ဉီးသာရှိသည့်အတွက် ယခုကဲ့သို့အကြမ်းဖက်ဖြစ်စဉ်ဖြစ်ပွားခဲ့ခြင်းဖြစ်ကြောင်း၊ လတ်တလောတွင်လူနာမှာ အခြေအနေကောင်းနေပြီဖြစ်‌ကြောင်း သုဝဏ္ဏပရဟိတအသင်းမှ တာဝန်ရှိသူတစ်ဦးကပြောသည်။

အဆိုပါ အကြမ်းဖက်လုယက်သူတစ်ဉီးအား ရပ်ကွက်ရှိ အများပြည်သူများက စုပေါင်းဖမ်းဆီးထားပြီး နယ်မြေခံရဲစခန်းတာဝန်ကျမှ သုဝဏ္ဏရဲစခန်းသို့ ကူညီပို့ဆောင်ပေးပါရန် အကူအညီတောင်းခံမှုအရ ရဲစခန်းသို့ပို့ဆောင်ပေးခဲ့ကြောင်း သိရသည်။

#Local_News #အကြမ်းဖက်လုယက် #ရပ်ကွက်နေပြည်သူများဝိုင်းဝန်းဖမ်းဆီး #YMG/NN #Yangon_Times

#Local_News
Published-24 November-2023

မန္တလေး-ပြင်ဦးလွင်ကားလမ်း ၁၉ မိုင်အနီးတွင် ယာဉ်တိုက်မှုကြောင့် ၃ဦးသေဆုံးကာ ၅ဦး ထိခိုက်ဒဏ်ရာရရှိခဲ့ကြောင်း သွားရောက်ကူညီပေးသည့် စေတနာမွန်(အုန်းချော)အသင်းထံက သိရသည်။

နိုဝင်ဘာ ၂၄ ရက် နံနက် ၈နာရီ ခန့်က ဖြစ်ပွားခဲ့ခြင်းဖြစ်ပြီး ယာဉ်တိုက်မှုကြောင့် ယာဉ်တစ်စီးမှာ လမ်းဘေးချောက်ထဲသို့ ထိုးကျသွားကြောင်း သိရသည်။

''ချောက်ထဲကို ကျသွားတဲ့ ယာဉ်ကပဲ အရှေ့ကကားကိုဝင်တိုက်တာ ပြီးတော့အရှိန်မထိန်းနိုင်ဘဲ ချောက်ထဲကို ပြုတ်ကျတာ အဲ့ကားပေါ်မှာက လူယာဉ်မောင်းအပါ ၁၀ယောက်လောက်ပါတယ်။အမျိုးသား ၃ယောက်က သေဆုံးသွားတယ်၊ ၅ယောက်ကတော့ ထိခိုက်ဒဏ်ရာရတယ်''ဟု စေတနာမွန်(အုန်းချော)အသင်း မှ တာဝန်ရှိသူတစ်ဦးက ပြောသည်။

ယာဉ်တိုက်မှုကြောင့် ချောက်ထဲသို့ ကျစဉ်ယာဉ်ပေါ်မှ အမျိုးသားတစ်ဦး လွှင့်စင်ကျပြီး ကျောက်တုံးကြားတွင် ညှပ်နေသောကြောင့် လူမှုကူညီရေးအသင်းများနှင့်သက်ဆိုင်ရာ အဖွဲ့စည်းများက ကူညီရေးလုပ်ငန်းများ ဆောင်ရွက်ပေးခဲ့ရကြောင်း သိရသည်။

#Local_News #မန္တလေး- ပြင်ဦးလွင် #ယာဉ်တိုက်မှုဖြစ် #၃ဦးသေဆုံး၅ဦးထိခိုက်ဒဏ်ရာရ
#YMG/LW #Yangon_Times

#World_News 
Published 24 November 2023

OpenAI ဟာ အလွန်အဆင့်မြင့်တဲ့ စနစ်ကို လုပ်ဆောင်နေပြီး အမှုဆောင်အရာရှိချုပ် ဆမ်အော့တ်မန်း အလုပ်ထုတ်မခံရခင်မှာပင် ကုမ္ပဏီဝန်ထမ်းတွေဟာ သူတို့ရဲ့ လုံခြုံရေးဆိုင်ရာ စိုးရိမ်မှုများ ရှိလာပါတယ်။

လူလုပ်အသိဉာဏ်(AI) ဒီလောက်အထိ အဆင့်မြင့်နေတာကို OpenAI မှ သုတေသီအချို့ ထိတ်လန့်နေကြပြီး လူသားတွေကို ခြိမ်းခြောက်လာနိုင်တယ်လို့ ဒါရိုက်တာဘုတ်အဖွဲ့ထံ ရေးသားတင်ပြခဲ့ကြပါတယ်။

Q* လို့အမည်ပေးထားတဲ့ AI စနစ်ပုံစံဟာ ယခင်ကမကြုံဖူးတဲ့ အခြေခံသင်္ချာနည်းတွေကိုပါ ဖြေရှင်းနိုင်စွမ်း ရှိနေတယ်လို့ နည်းပညာဝက်ဘ်ဆိုက်တစ်ခုမှာ ဖော်ပြထားပါတယ်။

ထိုစနစ်ရဲ့  တိုးတက်မှုနှုန်းက သုတေသီအချို့အတွက် ထိတ်လန့်စရာ ဖြစ်နေပါတယ်။

သင်္ချာမေးခွန်းတွေကို ဖြေရှင်းနိုင်စွမ်းရှိတာဟာ AI နည်းပညာမှာ ထင်ရှားတဲ့တိုးတက်မှု ဖြစ်လာမှာပါ။

ဆန်ဖရန်ဆစ္စကို အခြေစိုက် OpenAI က စီအီးအိုအော့တ်မန်းကို ရာထူးမှ ထုတ်ပယ်လိုက်ချိန်မှာ ဘုတ်အဖွဲ့အတွင်း ပွက်လောရိုက်သွားပြီး ကုမ္ပဏီဝန်ထမ်းပေါင်း ၇၅၀ က စီအီးအိုကို ပြန်မခေါ်ပေးရင် အလုပ်ထွက်ကြမယ်လို့ ခြိမ်းခြောက်ခဲ့ပြီးနောက် အော့တ်မန်းကို အလုပ်ပြန်ခန့်ခဲ့ပါတယ်။

OpenAI ရဲ့ အကြီးမားဆုံး ရင်းနှီးမြှုပ်နှံသူ မိုက်ခရိုဆော့ဖ်ကလည်း အော့တ်မန်းကို ထောက်ခံထားပါတယ်။

OpenAI လိုမျိုး ကုမ္ပဏီတွေ ယေဘုယျ လူလုပ်အသိဉာဏ်(AGI)ကို ဖန်တီးရာမှာ ရှေ့ရောက်လွန်းတယ်လို့ ပညာရှင်များက စိုးရိမ်ဖော်ပြနေကြပါတယ်။

AGI ဆိုတာက လူသားအသိဉာဏ်နဲ့ တန်းတူ ဒါမှမဟုတ် လူသားအသိဉာဏ်ထက် သာလွန်တဲ့ အတိုင်းအတာဖြင့် လုပ်ငန်းတာဝန်များစွာကို လုပ်ဆောင်နိုင်တဲ့ စနစ်ကို ခေါ်ဆိုတာ ဖြစ်ပါတယ်။

သင်္ချာနည်းဖြေရှင်းသော စနစ်ပုံစံကြီး(LLM) တည်ရှိတာဟာ အောင်မြင်မှုတစ်ခု ဖြစ်လာနိုင်တယ်လို့ လူသားဗဟိုပြုAIအဖွဲ့အစည်းမှ အန်ဒရူးရိုဂွိုင်စကီးက ပြောပြသွားပါတယ်။

အော့တ်မန်းဟာ အလုပ်ထုတ်မခံရခင် တစ်နေ့က ChatGPT နောက်ကွယ်ကနေ ကုမ္ပဏီဟာ နောက်ထပ်ဖန်တီးမှုတစ်ခုကို ပြုလုပ်နိုင်ခဲ့ပြီလို့ အာရှပစိဖိတ် စီးပွားရေး ပူးပေါင်းဆောင်ရွက်မှု(APEC) ထိပ်သီးအစည်းအဝေးမှာ ကြေညာခဲ့ပါတယ်။

#World_News #အဆင့်မြင့်လှသောAI #အော့တ်မန်း #OpenAI ဖန်တီးနိုင်ခဲ့ #Source: WION

#World_Health
Published 24 November 2023 

အထီးကျန်ခြင်းဟာ ကျန်းမာရေး ပြဿနာတစ်ခုဖြစ်နေတယ်လို့ WHO က ကြေညာလိုက်ကာ တစ်နေ့ကို စီးကရက် ၁၅ လိပ်သောက်သကဲ့သို့ ကျန်းမာရေးကို ခြိမ်းခြောက်နေတယ်လို့ ဆိုလိုက်ပါတယ်။ 

အထီးကျန်ဆန်ခြင်းက ကမ္ဘာလုံးဆိုင်ရာ ပြည်သူ့ကျန်းမာရေး ပြဿနာဖြစ်လာပြီး လူတွေရဲ့ ကျန်းမာပျော်ရွှင်မှုကို သက်ရောက်နေတယ်လို့ အာဖရိကပြည်ထောင်စုလူငယ်ဆိုင်ရာ သံတမန် ချီဒိုအမ်ပမ်ဘာက The Guardian ကို ပြောပြသွားပါတယ်။ 

အမ်ပမ်ဘာနဲ့ လူမှုဆက်ဆံရေး နိုင်ငံတကာ ကော်မရှင််မှ ဒေါက်တာ ဗီဗက်မာသီက ကိုဗစ်ကပ်ရောဂါကာလအတွင်း အထီးကျန်ဆန်လာခြင်းကို တိုက်ဖျက်ဖို့ ကြိုးစားနေကြတာ ဖြစ်ပါတယ်။ 

သက်ကြီးရွယ်အို ၄ ယောက်မှာ ၁ ယောက်နှုန်းက လူမှုဆက်ဆံရေးမရှိခြင်းကို ခံစားနေရပြီး ဆယ်ကျော်သက် ၁၀ရာခိုင်နှုန်းကျော်လောက်က အထီးကျန်ခြင်းဝေဒနာ ခံစားနေရတယ်လို့ WHO က ကြေညာထားပါတယ်။ 

မိသားစု၊ မိတ်ဆွေများနဲ့ ပေါင်းသင်းဆက်ဆံမှု မရှိပါက စောစီးစွာ အသက်ဆုံးပါးနိုင်ခြေ ၃၉ ရာခိုင်နှုန်း ပိုများကြောင်း ဂလက်စ်ဂိုတက္ကသိုလ်မှ လေ့လာတွေ့ရှိထားပါတယ်။ 

မိသားစု၊ မိတ်ဆွေများနဲ့ အနည်းဆုံး တစ်လတစ်ခါပင် ဆက်ဆံပြောဆိုပါက အလွန်တန်ဖိုးရှိပြီး အပေါ်ယံဆက်ဆံရုံလောက်ကတော့ အရွယ်မတိုင်ခင် သေဆုံးနိုင်ခြေကို မလျှော့ချနိုင်ဘူးလို့ BMC Medicine ဂျာနယ်မှာ ဖော်ပြထားပါတယ်။ 

အထီးကျန်ခြင်းနဲ့ လူမှုပေါင်းသင်းရေး မရှိခြင်းတို့ကို သပ်သပ်စီနဲ့ ပူးတွဲလေ့လာခဲ့ကာ အထီးကျန်ဆန်နေတဲ့ သူတွေကို ထောက်ပံ့သွားမှာ ဖြစ်တယ်လို့ သုတေသနပြုစုသူ ဟမ်မစ်ရှ်ဖော်စ်တာက ပြောကြားသွားပါတယ်။ 

အသက်အရွယ်မရွေး ကျန်းမာရေးကောင်းမွန်ဖို့ရာ လူမှုပေါင်းသင်းရေးက အဓိကကျပုံကို သုံးသပ်ရန်နဲ့ လူမှုဆက်ဆံရေး ကျယ်ပြန့်ရန် နည်းလမ်းများ ချမှတ်ဖို့ WHO ကော်မရှင်က စီစဥ်နေပါတယ်။ 

အထီးကျန်ဆန်ခြင်းနဲ့ လူမှုဆက်ဆံရေး မရှိသူတွေမှာ စိုးရိမ်ပူပန်ခြင်း၊ စိတ်ဓာတ်ကျခြင်း၊ ခုခံအားလုပ်ဆောင်ချက် ချို့ယွင်းခြင်း၊ နှလုံးသွေးကြောပြဿနာများ၊ ဦးနှောက်ကျုံ့ခြင်းတို့အပြင် ဦးနှောက်အချို့နေရာတွေမှာ သေးငယ်သွားတာ တွေ့ရပါတယ်။ 

#World_Health #တစ်နေ့ကိုဆေးလိပ်(၁၅)လိပ်သောက် #ကျန်းမာရေးကိုထိခိုက် #Source: New York Post

#Local_News
Published-24 -November-2023

မြောက်ဒဂုံမြို့နယ် ဘေလီတံတားအနီးတွင် နိုဝင်ဘာ ၂၃ရက်ညနေ ၅နာရီ ၄၅ မိနစ်ခန့်က ကားတစ်စီးလမ်းချော်ကာ လမ်းဘေးချောက်ထဲထိုးကျမှုဖြစ်ပွားခဲ့ကြောင်း လူမှုကူညီရေးအသင်းများထံ ကသိရသည်။

အဆိုပါယာဉ်သည် မြောက်ဒဂုံမှ တောင်ဥက္ကလာဘက်သို့အဆင်းတွင်ဖြစ်ပွားခဲ့ခြင်းဖြစ်ပြီးအမျိုးသားတစ်ဦးနှင့် အမျိုးသမီးတစ်ဦး ထိခိုက်ဒဏ်ရာရရှိခဲ့ကြောင်း သိရသည်။

''light truck ယာဉ်ဖြစ်တာ မြောက်ဒဂုံကနေ တောင်ဥက္ကလာဘက်အဆင်းမှာ လမ်းချော်ပြီး လမ်းဘေးချောက်ထဲကို ပြုတ်ကျတာကားပေါ်ပါတဲ့ အမျိုးသားတစ်ဦးနဲ့ အမျိုးသမီးတစ်ဦး ဒဏ်ရာရတယ် မစိုးရိမ်ရတဲ့ အနေထားပါ''ဟု လူမှုကူညီရေးအသင်းမှ တာဝန်ရှိသူတစ်ဦးပြောသည်။

အဆိုပါထိခိုက်ဒဏ်ရာရရှိသူနှစ်ဦးကိုမြန်မာ့ကြယ်ဖြူလူမှုကူညီရေးအသင်းမှ ဆေးရုံသို့ပို့ဆောင်ပေးခဲ့ကြောင်း သိရသည်။

#Local_News #မြောက်ဒဂုံဘေလီတံတားအနီး #လမ်းဘေးချောက်ထဲထိုးကျမှုဖြစ် #YMG/LW #Yangon_Times

#World_Health
Published 24 November 2023 

ကလေးတွေရဲ့ အစောပိုင်းသက်တမ်းမှာ မြေပဲကိုထည့်သွင်းပြီး စားသုံးစေပါက မြေပဲဓာတ်မတည့်တဲ့ အခြေအနေ ကင်းဝေးစေရန် အထောက်အကူ ဖြစ်နိုင်ကြောင်း လေ့လာချက်တစ်ခုမှာ တွေ့ရှိထားပါတယ်။ 

မြေပဲဓာတ်မတည့်တဲ့ ရောဂါဟာ အသက်အန္တရာယ်ပါ ဖြစ်စေပြီး ကမ္ဘာတဝှမ်းက ကလေးအများအပြားမှာ ဖြစ်ပွားနေပါတယ်။ 

မွေးကင်းစကလေးတွေနဲ့ ကလေးငယ်တွေမှာ မြေပဲထုတ်ကုန်များကို ဖြည်းဖြည်းချင်း တိုးမြှင့်ကျွေးမွေးခြင်းဖြင့် ဓာတ်မတည့်မှုကို ပိုမိုခံနိုင်ရည် ရှိလာနိုင်တယ်လို့ သုတေသီများ တွေ့ရှိခဲ့ပါတယ်။ 

အသက် ၃ နှစ်အောက် မြေပဲဓာတ်မတည့်တဲ့ ကလေး ၁၄၆ ဦးကို ၂ နှစ်ခွဲကြာတဲ့အထိ လေ့လာခဲ့ပါတယ်။ 

ထိုထဲကမှ ၉၆ ယောက်ကို နေ့စဥ် မြေပဲပရိုတိန်းမှုန့်များ ကျွေးပြီး ဖြည်းဖြည်းချင်းနဲ့ မြေပဲ ၆ တောင့်နဲ့ ညီမျှတဲ့အထိ စားသုံးစေခဲ့ပါတယ်။ 

ကျန်တဲ့ကလေးတွေကိုတော့ အာနိသင်မပါတဲ့ အုတ်စပါးမှုန့်တွေ စားသုံးစေခဲ့ပါတယ်။ 

မြေပဲမှုန့်စားသုံးခဲ့တဲ့ ကလေးတွေထဲက အယောက် ၂၀ ဟာ လေ့လာချက်အပြီး ၆ လအကြာမှာ မြေပဲဓာတ်မတည့်ခြင်း မဖြစ်ပွားခဲ့ပါဘူး။ 

ထိုကလေးတွေဟာ မြေပဲ ၁၆ တောင့်စာညီမျှတဲ့ ပမာဏကို ခံနိုင်ရည်ရှိလာပါတယ်။ 

နောက်ထပ် အယောက် ၂၀ ကတော့ ဓာတ်မတည့်မှုဒဏ် ခံနိုင်ရည်မြင့်မားပေမယ့် လုံးဝမဖြစ်တာတော့ မဟုတ်ပါဘူး။ 

ထိုကလေးတွေကတော့ မြေပဲ ၆ တောင့်မှ ၁၂ တောင့်အထိ ညီမျှတဲ့ပမာဏကို ခံနိုင်ရည်ရှိပါတယ်။ 

လေ့လာချက်ထဲက အသက်အငယ်ဆုံးကလေးတွေက ဓာတ်မတည့်ခြင်းမျိုး မဖြစ်တာ အများဆုံးဖြစ်နေပြီး အသက် ၁၂ လအောက်တွေမှာ ရလဒ်အကောင်းဆုံး ဖြစ်နေပါတယ်။ 

ဒါကြောင့် အစောဆုံး အသက်အရွယ်မှာ ကုသထားခြင်းက အကောင်းဆုံးဖြစ်စေနိုင်မှာ ဖြစ်ပါတယ်။ 

အနောက်နိုင်ငံတွေမှာ မြေပဲဓာတ်မတည့်ခြင်းက ၂ ရာခိုင်နှုန်းသော ကလေးတွေမှာ တွေ့ရပြီး တသက်လုံး ခံစားရတတ်ပါတယ်။ 

မြေပဲစားသုံးလို့မရဘဲ မတော်တဆထိတွေ့မိရင်တောင် အသက်ဆုံးပါးနိုင်သည်အထိ အန္တရာယ်ရှိပါတယ်။ 

ဒီအတွက် ကုသနည်းလမ်းမရှိသလို မြေပဲနဲ့ မထိတွေ့မိစေရန် အမြဲတမ်းစောင့်ရှောက်နေရတတ်ပါတယ်။ 

ယခင်လေ့လာမှုတွေမှာလည်း ထိုကဲ့သို့ရလဒ်များ ထွက်ပေါ်ခဲ့ပေမယ့် ယခုလေ့လာချက် အချိန်ကာလက ထူးခြားနေခဲ့ပါတယ်။ 

#World_Health #မြေပဲဓာတ်မတည့်ခြင်း #မြေပဲထည့်သွင်းကျွေးမွေးသင့် #Source: DoctorNDTV

လွန်ခဲ့တဲ့ ဆယ်စုနှစ်တစ်ခုကျော်လောက်က နျူကလီးယားအက်ဆီးဒင့် ဖြစ်ခဲ့တဲ့ ဖူကူရှီးမားမှာ ရေဒီယိုသတ္တိကြွမြေများ ရှိနေသေးပြီး အပြည့်အဝ မရှင်းလင်းနိုင်သေးတာကြောင့် မြိုမှစွန့်ခွာတိမ်းရှောင်လာသူတွေဟာ ပြန်သွားဖိုကို တွန့်ဆုတ်နေကြပါတယ်။
#Asia_Disaster
Published_ 23 November 2023
#နျူကလီးယားအက်ဆီးဒင့် #ဖူကူရှီးမား #ရေဒီယိုသတ္တိကြွမြေ
#Yangon_Times

၂၃ နိုဝင်ဘာ ၂၀၂၃

မူဆယ်မြို့နယ်၊ ကောင်းခံကျေးရွာအနီးရှိ Seven ဟွာကျင့် ကုန်တင်ကုန်ချကားကြီးဝင်း MNDAA နှင့် TNLA ပူးပေါင်း အကြမ်းဖက်သမားများမှ ကားများအပေါ် Drop ဗုံးများဖြင့် တိုက်ခိုက်ခဲ့မှု၊၂၃-၁၁-၂၀၂၃ ရက်နေ့ ရှမ်းပြည်နယ်(မြောက်ပိုင်း)၊ ကယားပြည်နယ်၊ရခိုင်ပြည်နယ်တို့တွင်ထိတွေ့တိုက်ပွဲများဖြစ်ပွားမှု၊ကောလာဟလမျိုးစုံထုတ်လွှင့်နေမှုများနှင့်ပတ်သက်၍ နစကသတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်း၏ ပြောကြားရှင်းလင်းခဲ့ပါတယ်။

အဆိုပါပြောကြားချက် အပြည့်အစုံကို ပြန်လည်ဖော်ပြအပ်ပါတယ်။

-ymg/knl

#Daily_News
Published_ 23 November 2023

၁။ မုန်တိုင်းငယ်အရှိန်ကြောင့် ဆောင်းတွင်းမိုးသည်းဦးမည်ဖြစ်၍ စပါးနှင့်ဆောင်းသီးနှံများ မပျက်စီးအောင်သတိထားရန်လို

၂။ ဘင်္ဂလားဒေရှ့်မှ ဝယ်လိုအားရှိပေမယ့် လမ်းပိတ်ထားသည့်အတွက် အုန်းသီးတင်ပို့မှု ရပ်ထားရဟုဆို

၃။ သယ်ယူပို့ဆောင်ရန် အခက်အခဲအချို့နှင့် ငပိလုပ်ငန်းများအဝယ်လျော့သည့်အတွက်ဆားကြမ်းဈေးနှုန်းများကျဆင်း

၄။ နျူကလီးယားအက်ဆီးဒင့်ဖြစ်ပွားခဲ့သည့် ဖူကူရှီးမားတွင် ရှင်းလင်းစွန့်ပစ်ရေးလုပ်ငန်းများအပြည့်အဝပြုလုပ်နိုင်ခြင်းမရှိသေး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News

ပုံမှန်တင်ပို့ရောင်းချနေရတဲ့ နေရာတွေကို အကြောင်းအမျိုးမျိုးကြောင့် တင်ပို့မရတဲ့ အတွက် ဘဲဥဈေးကျဆင်းလာပေမယ့် ဘဲစာအတွက် သုံးရတဲ့ကုန်ကြမ်းဈေးတွေကတော့ မြင့်
လာတာကြောင့် ဘဲမွေးမြူရေးလုပ်ငန်းရှင်တွေ အခက်တွေ့နေတယ်လို့ ဧရာဝတီတိုင်းဒေသကြီးရှိ ဘဲမွေးမြူရေးလုပ်ငန်းရှင်တွေထံက သိရပါတယ်။
#Local_News
Published_ 23 November 2023
#ဘဲဥဈေးကျ #အစာကုန်ကြမ်းဈေးမြင့် #ဘဲမွေးမြူရေးလုပ်ငန်းရှင်
#YMG/LW #Yangon_Times

#Local_News
Published-23 November 2023

ဧရာဝတီတိုင်းရှိ ငါးမွေးမြူရေးလုပ်ငန်းများမှ ဝယ်လိုအားများနေသည့်အတွက် ပဲဖတ်ဈေးမာနေကြောင်း ပခုက္ကူမြို့နယ်မှ ပဲဆံ၊ ပဲဖတ်ရောင်းဝယ်ရေးနှင့် ဆုံဆီလုပ်ငန်းလုပ်ကိုင်သူတစ်ဦးကပြောသည်။

ပဲဆီကြိတ်ခွဲရာမှထွက်ရှိသည့် ပဲဖတ်အားတိရိစ္ဆာအဖြစ်ငါးမွေးမြူရေးလုပ်ကိုင်သူများ ကဝယ်ယူလေ့ရှိခြင်းဖြစ်ကြောင်း သိရသည်။

'ပဲဖတ်ကတော့အခုလောလောဆယ် ပြန်မာလာတယ်၊ မြေပဲဆုံခွေတို့ မြေပဲဖတ်တို့ပေါ့၊မြေပဲဖတ်ကတိရစ္ဆာန်အစာအဖြစ်သုံးကြတာ၊လက်ရှိဧရာဝတီတိုင်းကငါးမွေးမြူရေးလုပ်ငန်းလုပ်တဲ့သူတွေကဝယ်ကြတာ၊ ဝယ်လိုအားများတော့ဈေးမာလာတဲ့သဘောပါ' ပခုက္ကူမြို့နယ်မှ ပဲဆံ၊ပဲဖတ်ရောင်းဝယ်ရေးနှင့် ဆုံဆီလုပ်ငန်းလုပ်ကိုင်သူတစ်ဦးကဆက်ပြောသည်။

လတ်တလောတွင် ပဲဖတ်တစ်ပိသာလျှင် ၂၅၀၀ကျပ်အထိဈေးနှုန်းရရှိနေကာ ကျပ်၃၀၀ခန့်အထိမြင့်တက်လာခြင်းဖြစ်ကြောင်း သိရသည်။

မြေပဲ၊ နေကြာ၊ ဆီကြိတ်ခွဲရာမှထွက်ရှိလာသည့် ဆီကြိတ်ဖတ်များကို ဈေးကွက်တခုအဖြစ် ဈေးဖွင့်ရောင်းဝယ်လေ့ရှိကြပြီးမြေပဲ၊ နှမ်း၊ နေကြာကုန်ကြမ်းဈေးအနိမ့်အမြင့်နှင့် တိရစ္ဆာန်အစာဈေးကွက်ပေါ်မူတည်၍ ဆီကြိတ်ဖတ်ဈေးကွက်ပြောင်းလဲဖြစ်ပေါ်ကြောင်း သိရသည်။

နေကြာဖတ်ကို တိရစ္ဆာန်အစာတောင့်စက်ရုံများမှ အဓိကထားဝယ်ယူပြီး၊ ငါးမွေးမြူရေးလုပ်ငန်းများမှ ပဲဖတ်၊ နှမ်းဖတ်ကို အဓိကထားဝယ်ယူကြောင်း သိရသည်။

#Local_News #ငါးမွေးမြူရေးလုပ်ငန်း #ပဲဖတ်ဈေးမာနေ #YMG/NN #Yangon_Times