#Local_News
Published_5 January 2024

မြန်မာနိုင်ငံအင်ဂျင်နီယာကောင်စီ အဆောက်အအုံရှိ စတုတ္ထအလွှာအား (၃)နှစ်တာ ငှားရမ်းရန်အတွက် အိတ်ဖွင့် တင်ဒါခေါ်ယူလိုက်ပြီးဖေဖော်ဝါရီလ၅ရက်ညနေ၄နာရီနောက်ဆုံးထား လျှောက်ထားနိုင်ကြောင်း သိရသည်။

တင်ဒါကြမ်းခင်းဈေးအနေနဲ့ (၁)စတုရန်းပေကို ကျပ်၁၂၅၀ဖြင့်ခေါ်ယူထားပြီး အဆောက်အအုံ၏ အကျယ်အဝန်း သည်(၅၇၀၅.၀၉)စတုရန်းပေကျယ်ဝန်းသည်ဟုဆိုသည်။

မြန်မာနိုင်ငံအင်ဂျင်နီယာကောင်စီ အဆောက်အအုံရှိ စတုတ္ထအလွှာအား ပြည်တွင်း၊ပြည်ပလုပ်ငန်းရှင်များ၊ ကုမ္ပဏီများ၊ပုဂ္ဂလိကတက္ကသိုလ်များနှင့် ဆက်စပ်သင်တန်းဖွင့်လှစ်လိုသည့် အဖွဲ့အစည်းများသို့ (၃)နှစ်တာငှားရမ်းရန်အတွက်အိတ်ဖွင့်တင်ဒါအဆိုပြုလွှာတင်သွင်းရန်ခေါ်ယူထားခြင်းဖြစ်သည်။

တင်ဒါအဆိုပြုလွှာတင်သွင်းမှုကို ဖေဖော်ဝါရီလ၅ရက်ညနေ၄နာရီနောက်ဆုံးထားတင်သွင်းရမည်ဖြစ်ပြီး တင်ဒါပုံစံနှင့် အသေးစိတ်အချက်အလက်များကို တစ်စုံလျှင် ကျပ်တစ်သောင်းဖြင့် လမ်းမတော်မြို့နယ်၊ ခရေပင်လမ်း၊အမှတ်(၅/က)သို့ ရုံးချိန်အတွင်းရယူနိုင်မည်ဖြစ်ပြီး တင်သွင်းသူများအနေဖြင့် ဈေးနှုန်းမတင်နိုင် သေးမီကာလတွင် စိတ်ဝင်စားမှုအဆိုပြုလွှာကိုသတ်မှတ်ရက်အတွင်း တင်သွင်းရန် ဖြစ်ရမည်ဖြစ်ကြောင်း ဖော်ပြထားသည်။

#Local_News #အင်ဂျင်နီယာကောင်စီပိုင်အဆောက်အအုံ #(၃)နှစ်တာငှားရမ်းရန်တင်ဒါခေါ်ယူ #tthl #Yangon_Times

#World_News
Published 05 January 2024

အိုင်အက်စ် အစ္စလာမ်ဂျီဟဒ်ဝါဒီအဖွဲ့က ဇန်နဝါရီ ၃ ရက်နေ့ အီရန်မှာ လူ ၈၄ ဦးသေဆုံးစေခဲ့တဲ့ ပေါက်ကွဲမှု ၂ ခုကို ပြုလုပ်ခဲ့တယ်လို့ ၄ ရက်နေ့မှာ ဝန်ခံလိုက်ပါတယ်။

ကာမန်မြို့တောင်ပိုင်းရှိ အီရန်တော်လှန်ရေးအစောင့်တပ်မှ ကျဆုံးလေပြီးသော တပ်မှူးဗိုလ်ချုပ်ကြီး ကာဆန်ဆိုလေမန်ရဲ့ အုတ်ဂူအနီးမှာ လူအများစုဝေးနေကြစဥ် ဂျီဟဒ်အဖွဲ့မှ အဖွဲ့ဝင် ၂ ဦးက သူတို့ရဲ့ ဖောက်ခွဲရေးဝတ်စုံများကို ဖောက်ခွဲခဲ့တယ်လို့ အိုင်အက်စ်ဂျီဟဒ်အဖွဲ့က တယ်လီဂရမ်မှာ ကြေညာထားပါတယ်။

သေဆုံးသူစာရင်းက ၁၀၃ ဦးလို့ အစောပိုင်းမှာ ဖော်ပြခဲ့ပေမယ့် ပြန်လည်ပြင်ဆင်ပြီးနောက် ၈၄ ဦးဖြစ်တယ်လို့ အီရန်အာဏာပိုင်များက ကြာသပတေးနေ့မှာ ဖော်ပြလိုက်ပါတယ်။

အစောပိုင်းက တွက်ချက်ရာမှာ ပေါက်ကွဲမှုကြောင့် ပြတ်ထွက်သွားတဲ့ အလောင်းအစိတ်အပိုင်းတွေကို အကြိမ်ကြိမ် ရေတွက်မိခဲ့တာ ဖြစ်တယ်လို့ အီရန်အရေးပေါ်ဌာနမှ အကြီးအကဲ ဂျာဖာမီယက်ဖာက ဆိုပါတယ်။

၂၀၂၀ ခုနှစ်က အီရတ်မှာ အမေရိကန် ဒရုန်းတိုက်ခိုက်မှုကြောင့် ကျဆုံးသွားခဲ့တဲ့ ဆိုလေမန်ရဲ့ နှစ်ပတ်လည်အခမ်းအနားမှာ လူရာနဲ့ချီစုဝေးနေစဥ် ပေါက်ကွဲမှုများ ဖြစ်ခဲ့တာ ဖြစ်ပါတယ်။

ဆိုလေမန်အုတ်ဂူ တည်ရှိရာ သင်္ချိုင်းသို့သွားတဲ့လမ်းမှာ လူအုပ်ကြီးရှိနေစဥ် မွန်းလွဲ ၃ နာရီ ၄ မိနစ်ခန့်မှာ ပထမအကြိမ် ပေါက်ကွဲခဲ့ပြီး နောက်ထပ် ၁၃ မိနစ်ခန့်ကြာတဲ့ အချိန်မှာ နောက်ထပ်တစ်ကြိမ် ပေါက်ကွဲခဲ့တာဖြစ်ကြောင်း အီရန်အခြေစိုက် တက်စ်နင်မ်သတင်းဌာနက ဖော်ပြခဲ့ပါတယ်။

ဆိုလေမန်ဟာ အစ္စလာမ် တော်လှန်ရေးအစောင့်တပ်မှာ တာဝန်ထမ်းဆောင်နေတဲ့ အီရန်စစ်တပ်အရာရှိဖြစ်ပြီး Quds တပ်ဖွဲ့ရဲ့ တပ်မှုးဗိုလ်ချုပ်ကြီးလည်း ဖြစ်ကာ ဘဂ္ဂဒက်လေဆိပ် အပြင်ဘက်မှာ အမေရိကန်ဒရုန်း တိုက်ခိုက်မှုကြောင့် သေဆုံးခဲ့ပါတယ်။

အဆိုပါ ဖောက်ခွဲမှု ၂ ခုကို နိုင်ငံပိုင်မီဒီယာနဲ့ ဒေသတွင်းအာဏာပိုင်များက အကြမ်းဖက်လုပ်ရပ်လို့ သတ်မှတ်ထားကာ အနောက်အာရှမှာ ပဋိပက္ခကျယ်ပြန့်လာမှာ စိုးရိမ်နေရပါတယ်။

ပေါက်ကွဲမှုအတွက် အမေရိကန်နဲ့ အစ္စရေးလ်တို့ ပါဝင်ပတ်သက်နေမယ်လို့ အီရန်သမ္မတရဲ့ နိုင်ငံရေးလက်ထောက်ပုဂ္ဂိုလ် မိုဟာမက်ဂျမ်ရှီဒီက ဆိုလိုက်ပါတယ်။

အီရန်သမ္မတ အီဘရာဟင်ရေစီက ဒါဟာ ကောက်ကျစ်ရက်စက်တဲ့ ရာဇဝတ်မှုဖြစ်တယ်လို့ ရှုတ်ချလိုက်ကာ ကြာသပတေးနေ့ကို တစ်နိုင်ငံလုံးဆိုင်ရာ ဝမ်းနည်းပူဆွေးခြင်းနေ့အဖြစ် သတ်မှတ်လိုက်ပါတယ်။

#World_News #အီရန်တွင်ဖြစ်ပွားခဲ့သည့်ပေါက်ကွဲမှု(၂)ခု #အိုင်အက်စ်အစ္စလာမ်ဂျီဟဒ်အဖွဲ့ #Source: WION

Published 05 January 2024

ခွေး ဒါမှမဟုတ် ကြောင်လိုမျိုး အိမ်မွေးတိရိစ္ဆာန် မွေးထားတဲ့ တစ်ဦးတည်းနေ သက်ကြီးရွယ်အိုတွေဟာ ဦးနှောက်အသိဉာဏ် ယိုယွင်းလာမှုနှုန်း နှေးကွေးတာကို ဆက်စပ်တွေ့ရှိထားပါတယ်။

အခြားလူတွေနဲ့ နေထိုင်ပြီး အိမ်မွေးတိရိစ္ဆာန် မွေးထားတဲ့သူတွေမှာတော့ ထိုကဲ့သို့ သက်ရောက်မှုမျိုး မတွေ့ရပါဘူး။

တရုတ်သုတေသီတွေက သက်ကြီးပိုင်း အယောက် ၈ ထောင်နီးပါးကို လေ့လာဖော်ပြခဲ့ကြပါတယ်။

သူတို့ရဲ့ ပညာရေးအဆင့်အတန်း၊ အလုပ်အကိုင်၊ လူမှုရေးအခြေအနေတို့အပြင် ဆေးလိပ်အရက် သုံးစွဲမှု၊ ကိုယ်လက်လှုပ်ရှားမှု၊ ကိုယ်ကာယကျန်းမာရေး၊ စိတ်ဓာတ်ကျလက္ခဏာများ၊ ဆီးချို၊ သွေးတိုး၊ နှလုံးသွေးကြောရောဂါများကိုပါ မှတ်သားခဲ့ကြပါတယ်။

 ၅၆ ရာခိုင်နှုန်းလောက်က အမျိုးသမီးတွေ ဖြစ်ပြီး ၃ ပုံ ၁ ပုံခန့်က ခွေး ဒါမှမဟုတ် ကြောင် မွေးထားပါတယ်။

တစ်ဦးတည်းနေတဲ့ သက်ကြီးရွယ်အိုတွေဟာ ဦးနှောက်ယိုယွင်းခြင်း ဒီမန်ရှာ ဖြစ်နိုင်ခြေများကြောင်း၊ သက်ကြီးပိုင်း လူဦးရေနဲ့ ပျမ်းမျှနေထိုင်သက်တမ်း များပြားလာတာကြောင့် ဦးနှောက်အသိဉာဏ် ယိုယွင်းလာခြင်းက အဓိကကျန်းမာရေးပြဿနာ ဖြစ်လာကြောင်း ဖော်ပြသွားပါတယ်။

၂၀၁၉ ခုနှစ်မှာ ဒီမန်ရှာရောဂါရှိသူ ၅၇ သန်းရှိရာကနေ ၂၀၅၀ ခုနှစ်မှာ ၁၅၃ သန်းရှိလာလိမ့်မယ်လို့ ခန့်မှန်းထားကြောင်း၊ အသိဉာဏ်မှတ်ဉာဏ် ယိုယွင်းလာခြင်းက ရောဂါရှင်တွေသာမက စောင့်ရှောက်သူတွေကိုလည်း ဝန်ထုပ်ဝန်ပိုး ဖြစ်စေပြီး ကျန်းမာရေးနဲ့ ဘဏ္ဍာရေးစနစ်တို့ကိုလည်း ထိခိုက်စေကြောင်း ဖော်ပြထားပါတယ်။

၂၀၂၁ အတွင်း ယူကေမှာ တစ်ဦးတည်းနေ အိမ်ထောင်စု အချိုးနှုန်းက ၂၉.၄ ရာခိုင်နှုန်း၊ အမေရိကန်မှာ ၂၈.၅ ရာခိုင်နှုန်း ရှိခဲ့ပါတယ်။

ခွေးတွေ ကြောင်တွေမရှိတဲ့ တစ်ဦးတည်းနေ လူကြီးတွေဟာ မိသားစုတွေနဲ့ နေထိုင်တဲ့လူကြီးတွေ၊ ခွေးကြောင်တွေရှိတဲ့ တစ်ဦးတည်းနေလူကြီးများထက် စကားပြောဆိုမှုဆိုင်ရာ အသိဉာဏ်ပိုင်း ယိုယွင်းလာမှုနှုန်း ပိုမြန်နေပါတယ်။

လူဖြူမဟုတ်သူတွေနဲ့ အခြားလူမျိုးတွေမှာ အလားတူရလဒ်တွေ ထွက်လားဆိုတာကို နောက်ထပ်လေ့လာရဦးမှာ ဖြစ်ပါတယ်။
Source: The Jerusalem Post
#Published 05 January 2024
#World_Health
#YMG #Yangon_Times #Yangon_Media_Group #YMG_News

Published_4 Jan 2024

(၇၆) နှစ်မြောက် လွတ်လပ်ရေးနေ့အထိမ်းအမှတ် ဂုဏ်ထူးဆောင်ဘွဲ့များ ချီးမြှင့် အပ်နှင်းခြင်းအခမ်းအနားကို ယနေ့ ဇန်နဝါရီ လ ၄ ရက်တွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံး သဘင်ဆောင်၌ ပြုလုပ်ခဲ့ကြောင်း သိရသည်။

နိုင်ငံတော်အတွက် ထူးကဲသာလွန်စွာအကျိုးပြုခဲ့ကြ သူများကို ဂုဏ်ပြုချီးမြှင့်နိုင်ရန်အတွက် ယခုအခမ်းအနား ကို ကျင်းပရခြင်းဖြစ်ကြောင်း နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ် မှူးကြီး သတိုးမဟာသရေစည်သူ သတိုးသီရိသုဓမ္မ မင်းအောင်လှိုင် က ယင်းအခမ်းအနားတွင်ပြောသည်။

အခမ်းအနား တွင် သရေစည်သူဘွဲ့ (၉) ဦး၊ စည်သူဘွဲ့ (၅) ဦး၊ သူရဘွဲ့ (၆) ဦး၊ သီရိပျံချီဘွဲ့ (၄၂)ဦး၊ ဝဏ္ဏကျော်ထင်ဘွဲ့ (၈၃) ဦး၊ အလင်္ကာကျော်စွာဘွဲ့(၄)ဦး၊ သိပ္ပကျော်စွာ ဘွဲ့(၄)ဦး၊စုစုပေါင်း(၁၅၃)ဦးကို သက်ဆိုင်ရာဂုဏ်ထူးဆောင်ဘွဲ့တံဆိပ်များချီးမြှင့် အပ်နှင်းခဲ့ကြောင်း သိရသည်။

ယခုကဲ့သို့ဂုဏ်ပြုချီးမြှင့်ခြင်းခံရသည့်အတွက် ဘွဲ့ခံပုဂ္ဂိုလ်များ အနေဖြင့် ဝမ်းမြောက်ဝမ်းသာဖြစ်သကဲ့သို့ ဘွဲ့ခံပုဂ္ဂိုလ်များအတွက် သာမက သက်ဆိုင်ရာ မိသားစုဝင်များအတွက်လည်း သားစဉ်မြေးဆက် ဂုဏ်ယူ ဝင့်ကြွားစရာ အထိမ်းအမှတ် သင်္ကေတများအဖြစ်ဖြင့် ဆက်လက်တည်ရှိနေကြမည် ဖြစ်ကြောင်းလည်း ၎င်းက ပြောသည်။

နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ် မှူးကြီး သတိုးမဟာသရေစည်သူ သတိုးသီရိသုဓမ္မ မင်းအောင်လှိုင် က ပြည်ထောင်စု စည်သူသင်္ဂဟဘွဲ့များဖြစ်ကြသည့် သရေစည်သူဘွဲ့ရရှိသူ ၄ ဦးနှင့် စည်သူဘွဲ့ရရှိသူ ၃ ဦး၊ တပ်မတော်စွမ်းရည်သတ္တိဆိုင်ရာဘွဲ့ဖြစ်သည့် သူရဘွဲ့ရရှိသူ ၆ ဦး၊ စွမ်းဆောင် မှုဆိုင်ရာ ဂုဏ်ထူးဆောင်ဘွဲ့များဖြစ်ကြသည့် သီရိပျံချီဘွဲ့ရရှိသူ ၁၆ ဦးနှင့် ဝဏ္ဏကျော်ထင်ဘွဲ့ရရှိသူ ၅၈ ဦး၊ အလင်္ကာ ကျော်စွာဘွဲ့ရရှိသူ ၃ ဦးနှင့် သိပ္ပကျော်စွာဘွဲ့ရရှိသူများအား လက်ရောက်ချီးမြှင့်အပ်နှင်းခဲ့ကြောင်း သိရ သည်။
Yangon_Times/PP
#Local_News
Published 04 January 2024
#Yangon_Times #YMG_News #Yangon_Media_Group

Published_4 Jan 2024

ဘက်စုံစစ်ပွဲသဘောတရားများကြောင့် တိုက်ပွဲများသည် တောတောင်များအတွင်း၌သာ တိုက်ခိုက်ကြရသည် မဟုတ်တော့ဘဲ မြို့ပြနေရာများ အထိ ဆင်နွှဲလာကြသည်ကိုတွေ့ရှိရသည့်အတွက် ရှေ့တန်းနယ်မြေသည် ပိုမိုကျယ်ပြန့်လာသည်ကိုတွေ့ရှိရကြောင်း နစက ဥက္ကဌက ပြောသည်။

ယနေ့ ဇန်နဝါရီလ ၄ ရက် မွန်းလွဲပိုင်းတွင် နေပြည်တော်ရှိ ဇေယျာသီရိဗိမာန်၌ ကျင်းပပြုလုပ်ခဲ့သော တပ်မတော်စွမ်းရည်သတ္တိဆိုင်ရာ ဂုဏ်ထူးဆောင်တံဆိပ်များ ချီးမြှင့်အပ်နှင်းခြင်း အခမ်းအနားအတွင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ် မှူးကြီး သတိုးမဟာ သရေစည်သူ သတိုးသီရိသုဓမ္မ မင်းအောင်လှိုင် က အထက်ပါအတိုင်း ပြောကြားခဲ့ခြင်း ဖြစ်သည်။

ယင်းက ကိုယ့်နိုင်ငံ၊ ကိုယ့်လူမျိုးအကျိုးအတွက် နိုင်ငံတော် ကာကွယ်ရေးတာဝန်များကို အပြောမဟုတ် အလုပ် သက်သေများနှင့် ဆောင် ရွက်ပြသည့် ပါရမီဖြည့်ဖက်များ၏ ဆောင်ရွက်ချက်များသည် သာမန်အမျိုးသမီးတိုင်း လုပ်နိုင်ခဲသည့် စွမ်းဆောင်ရည်ဖြစ်များပင်ဖြစ်ကြောင်း၊ ထိုကဲ့သို့စွမ်းဆောင်ရည်များ ပေါ်ထွက်လာခြင်း ၏အ ခြေခံ သည် မိမိနိုင်ငံအပေါ်ထားရှိသည့် စစ်မှန်သည့်မျိုးချစ်စိတ်ကြောင့်ပင်ဖြစ် ကြောင်း၊ တပ်မတော်၏ အဓိက အမာ ခံအရန်အင်အားများဖြစ်သည့် ရဲမေမိသားစုဝင်များ သည် အရေးကြုံပါက သက်လုံကောင်းစွာ မိသားစု ဂုဏ်နှင့် တပ်မတော်ဂုဏ်ကို စောင့် ထိန်းသူများဖြစ်ခဲ့ကြသောကြောင့် စစ်မှန်သည့် မျိုးချစ်စိတ်များကို ဆက် လက် ထိန်းသိမ်း သွားကြရန်လည်း တိုက်တွန်းခဲ့သည်။

အများတကာလုပ်ဆောင်နိုင်ရန် ခဲယဉ်းသည့်တာဝန်များကို စွန့်လွှတ်စွန့်စား မှုအပြည့်ဖြင့် ကျေကျေပွန် ပွန် ထမ်းဆောင်ခဲ့သူများအတွက် နှစ်စဉ်လွတ်လပ်ရေးနေ့ အခမ်းအနားများတွင် တပ်မတော်စွမ်းရည်သတ္တိနှင့် စွမ်းဆောင်မှုဆိုင်ရာ ဂုဏ်ထူးဆောင် ဘွဲ့၊တံဆိပ်နှင့် လက်မှတ်များ ချီးမြှင့်ခြင်းအခမ်းအနားများ ကျင်းပပေးခြင်းဖြစ်ကြောင်းလည်း သိရသည်။

ယခု အခမ်းအနားတွင် သူရဲကောင်းမှတ်တမ်းဝင်တံဆိပ်ရရှိသူ ၂၅ ဦး၊ရဲသူရတံဆိပ်ရရှိသူ ၉ ဦး၊ ရဲဗလ တံဆိပ် ရရှိသူ ၉၉ ဦး၊ စီမံထူးချွန် တံဆိပ်(ပထမ)ဆင့်ရရှိသူ ၁၄ ဦး၊ စီမံထူးချွန်တံဆိပ်(ဒုတိယ)ဆင့်ရရှိသူ ၂၈ ဦး၊ စီမံ ထူး ချွန် တံဆိပ်(တတိယ)ဆင့်ရရှိသူ ၃၄ ဦး၊ လူမှုထူးချွန်တံဆိပ်(ပထမ)ဆင့် ရရှိသူ ၃ ဦး၊ လူမှု ထူးချွန်တံ ဆိပ် (ဒုတိယ)ဆင့်ရရှိသူ ၆ ဦး၊ လူမှုထူးချွန် တံဆိပ် (တတိယ)ဆင့်ရရှိသူ ၃ ဦး၊ နည်းပညာထူးချွန်တံ ဆိပ် (ပထမ) ဆင့် ရရှိသူ ၅ ဦး၊ နည်းပညာထူးချွန်တံဆိပ် (ဒုတိယ) ဆင့်ရရှိသူ ၁၀ ဦး၊ နည်းပညာထူးချွန်တံဆိပ် (တတိယ) ဆင့်ရရှိသူ ၃၃ ဦး၊ တပ်မတော် ကာကွယ်ရေးဦးစီးချုပ်၏ သူရဲကောင်းလက်မှတ်ရရှိသူ ၁၁၁ ဦး၊ တပ်မတော် ကာကွယ် ရေး ဦးစီးချုပ်၏ ဂုဏ်ထူးဆောင်လက်မှတ်ရရှိသူ ၄၈၀ ဦးတို့ အသီးသီး ချီးမြှင့်ခဲ့ကြောင်း သိရသည်။
Yangon_Times/PP
#Local_News
Published 04 January 2024
#Yangon_Times #YMG_News #Yangon_Media_Group

အီရန်အနေဖြင့် စက်မှုနဲ့ စွမ်းအင်ကဏ္ဍတွေမှာ ပူးပေါင်းဆောင်ရွက်ကာ BRICS အဖွဲ့ဝင်အဖြစ်မှ စီးပွားရေးအခွင့်အလမ်းများ ကနဦးအကောင်းဆုံးဖြစ်အောင် လုပ်ဆောင်ဖို့က ဦးစားပေးအခြေအနေတစ်ခု ဖြစ်ကြောင်း နိုင်ငံတကာဆက်ဆံရေး ပညာရှင်တစ်ဦးက ပြောကြားလိုက်ပါတယ်။
#World_News
#Published_04 January 2024
#YMG #Yangon_Times #Yangon_Media_Group #YMG_News

#Daily_News
Published_4 January 2024

၁။ မိုးနှမ်း ရာသီကုန်ချိန်ရောက်မှ တရုတ်၀ယ်လိုအားကြောင့် နှမ်းဈေးပြန်မြင့်လာ

၂။ လွတ်လပ်ရေးနေ့အထိမ်းအမှတ် အပြည်ပြည်ဆိုင်ရာ မြင်းစီးတန်းခုန်ပြိုင်ပွဲ ကျင်းပ 

၃။ ကျိုက်သလ္လံစေတီ‌တော်ရှိ  ဆွေးမြေ့ပျက်စီးနေသော စောင်းတန်းအမိုးများကို ပြုပြင်မွမ်းမံမည်

၄။ အီရန်အပါအဝင် နိုင်ငံ(၅)နိုင်ငံ BRICS စီးပွားရေးပူးပေါင်းအဖွဲ့အစည်း၏ တရားဝင်အဖွဲ့ဝင်များဖြစ်လာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

Published_4 January 2024

ရန်ကုန်တိုင်းဒေသကြီးတွင်  လွတ်လပ်ရေးနေ့ အထိမ်းအမှတ်အဖြစ် မြန်မာ့ရိုးရာလက်ဝှေ့ပြိုင်ပွဲကို ပထမဦးဆုံးအကြိမ်ကျင်းပမည်ဖြစ်ပြီးထိုင်း- မြန်မာ လက်ဝှေ့အားကစားသမားပါဝင် ယှဉ်ပြိုင်ကြကြောင်း မြန်မာနိုင်ငံရိုးရာလက်ဝှေ့အဖွဲ့ချုပ်မှ သိရသည်။

MLWC လွတ်လပ်ရေးနေ့ မြန်မာ့ရိုးရာလက်ဝှေ့ပြိုင်ပွဲကြီးကို ယနေ့ဇန်နဝါရီ(၄)ရက် နေ့လည်၁နာရီတွင် သုဝဏ္ဏအမျိုးသားအားကစားပြိုင်ပွဲရုံ (၁)၊ ရန်ကုန်၌ကျင်းပသွားမည်ဖြစ်သည်။

အဆိုပါ လက်ဝှေ့ပြိုင်ပွဲကြီးကိုရိုးရိုးတန်း- အခမဲ့၊ ကြိုးဝိုင်းအနီး ၅၀,၀၀၀ ကျပ်၊၃၀,၀၀၀ ကျပ်ဖြင့် ကြည့်ရူနိုင်သလို Sky Netရုပ်သံလိုင်းမှလည်း ကြည့်ရူနိုင်မည်ဖြစ်သည်။

ပြိုင်ပွဲတွင်Saw Ba Heinမြန်မာ & A Pyone Thwayမြန်မာ၊ Kyaw Swar Winမြန်မာ&Pong Siriထိုင်း၊ Yar Man မြန်မာ& Warajaklekထိုင်းအစရှိသည့်လက်ဝှေ့ပွဲစဉ်များကိုယှဉ်ပြိုင်ကြမည်ဖြစ်ကြောင်းသိရသည်။

ယင်းလက်ဝှေ့ပွဲအပြင် ရိုးရာလက်ဝှေ့ဆောင်းပါးများကိုနှစ်ပေါင်း၂၀ကျော်တစိုက်မတ်မတ်ရေးလာ​သောဆရာဇင်လင်းထွန်း (ဓနုဖြူ) ၏ မြန်မာ့ရိုးရာလက် ဝှေ့ပွဲတွေ့သတ်ကွက်များစာအုပ်ကို MMAG မှထုတ်ဝေပြီး ၂၀၂၄ ခုနှစ် ဇန်နဝါရီလ ၄ ရက်နေ့ (လွတ်လပ်ရေးနေ့) တွင်ကျင်းပမည့် မြန်မာ့ရိုးရာလက်ဝှေ့စိန်ခေါ်ပြိုင်ပွဲတွင် ရောင်းချပေးမည်ဖြစ်သည်။ 

ရိုးရာလက်ဝှေ့ကျော်များဖြစ်သော သမိန်ဗရမ်း၊ ဦးဘိုစိန်၊ သမန်းကျား၊ ဦးဒေါင်းနီ၊ ရွှေဝါထွန်း၊ ရွှေဓူဝံ၊ ဝမ်ချိုင်း၊ ရွှေဆိုင်း၊ လုံးချော၊ စောငမန်း၊ ကြယ်လင်းအောင်၊ တွေ့မရှောင်၊ တူးတူး၊ထွန်းထွန်းမင်း၊ ရန်ကြီးအောင်၊ ဝင်းထွန်း၊ ဖိုးကေနှင့် စိုးလင်းဦးတို့ပုံမျက်နှာဖုံးဖြင့်စာမျက်နှာ ၁၉၂ မျက်နှာ၊ ပွဲတွေ့သတ်ကွက်ဓါတ်ပုံပေါင်း ၆၈ ပုံပါဝင်မည်ဖြစ်သည်။ 

မဂ္ဂဇင်းဆိုက်ဖြစ်ပြီး စာအုပ်၏ ကုန်ကျစရိတ်သာဖြစ်သော ရောင်းစျေးကျပ်တစ်သောင်းဖြင့် ရောင်းချမည်ဟု သိရသည်။
Yangon Times/tthl
#Local_News
#Published_ 04 January 2024
#YMG #Yangon_Times #Yangon_Media_Group #YMG_News

" ကျိုက်သလ္လံစေတီရှိ ဆွေးမြေ့ပေါက်ပြဲနေသော စောင်းတန်းအမိုး စုစုပေါင်း (၂၈)ခန်းကို ပြန်လည်ပြုပြင်ဖို့ ရှိပြီး စောင်းတန်းအမိုးသွပ်ပြား (၁)ခန်းလျှင် ၈၀၀၀၀၀ ကျပ်နှုန်းနဲ့ နည်းများမဆို ပါဝင်လှူဒါန်းနိုင်တယ် " ကျိုက်သလ္လံစေတီတော်ဂေါပကအဖွဲ့မှတာဝန်ရှိသူတစ်ဦး
Yangon Times/tthl
#Local_News
#Published_ 04 January 2024
#YMG #Yangon_Times #Yangon_Media_Group #YMG_News

(၇၆)နှစ်မြောက် လွတ်လပ်ရေးနေ့ကို ဂုဏ်ပြုကြိုဆိုတဲ့အနေနဲ့ International Show Jumping (အပြည်ပြည်ဆိုင်ရာမြင်းစီး တန်းခုန်ပြိုင်ပွဲ) ကို FEI(ကမ္ဘာ့မြင်းစီးအားကစားအဖွဲ့ချုပ်)ရဲ့ တန်းခုန်ပြိုင်ပွဲ စည်းမျဉ်းအတိုင်း ကျင်းပပြုလုပ်ခဲ့တာဖြစ်ပါတယ်
Yangon Times/NN
#Local_News
#Published_ 04 January 2024
#YMG #Yangon_Times #Yangon_Media_Group #YMG_News

ဈေးမြင့်လာပေ့မယ့် ကုန်က တောင်သူတွေလက်ထဲ အလွန်နည်းသွားပြီ ကားတစ်စီးစာ ကုန်ရဖို့ စုရတဲ့အချိန်က ၁၄ရက်၊ ၁၈ရက်လောက် ကြာတယ်။ တစ်ချို့တောင်သူတွေကလဲ အရင်ပေါက်ဈေး ပြန်ရမယ့်အချိန်ကို စောင့်နေတဲ့ အတွက် မရောင်းကျဘူး
Yangon Times/LW
#Local_News
#Published_ 04 January 2024
#YMG #Yangon_Times #Yangon_Media_Group #YMG_News

၄ ဇန်နဝါရီ ၂၀၂၄

အမိမြန်မာနိုင်ငံတော်ကြီး သူ့ကျွန်ဘဝမှလွတ်မြောက်ပြီး လွတ်လပ်ရေးရရှိခဲ့သည်မှာ ယနေ့တွင် (၇၆) နှစ်ပြည့်ခဲ့ပြီဖြစ်သည်။ မြန်မာနိုင်ငံတော်၏ (၇၆)နှစ်မြောက်လွတ်လပ်ရေးနေ့အခါသမယတွင် တေးပြုစာဆို ဆရာရန်နိုင်ဆွေ ရေးသားပြီး အဆိုတော်  ကြီး (ဒေါ်)မေလှမြိုင်သီဆိုခဲ့သည့် မူရင်းအမည် “ ဗမာ့ကြွေးကြော်သံ”၊ ယခုခေတ်နှင့်အညီ ပြင်၍ “မြန်မာ့ကြွေးကြော်သံ”ဟု သီဆိုနေကြသည့် သီချင်းကို  တည်းဖြတ်တင်ဆက်လိုက်ပါတယ်။