၂၇ နိုဝင်ဘာ ၂၀၂၃

#တရုတ်ပြည်သူ့သမ္မတနိုင်ငံမှ စစ်သင်္ဘော ၃ စင်း မြန်မာနိုင်ငံရန်ကုန်မြို့သို့ ချစ်ကြည်ရေးခရီး အလည်အပတ် ရောက်ရှိမှု

#နယ်စပ်ဒေသများတွင် တရားမဝင်နေထိုင်သူများအား တရုတ်နိုင်ငံသို့ ပြန်လည်လွှဲပြောင်းပေးမှု

#အမေရိကန်အစိုးရ၏ ကျောထောက်နောက်ခံ USIP (United States Institute of Peace) အဖွဲ့အစည်း၏ သုတေသန  စာတမ်းများအားအမှီပြု၍  အနောက်နိုင်ငံမီဒီယာများမှ ကျယ်ကျယ်ပြန့်ပြန့် ဝါဒဖြန့်နေမှုများ

#၂၇-၁၁-၂၀၂၃ရှမ်းပြည်နယ်(အရှေ့မြောက်ဘက်)နှင့်ကယားပြည်နယ်တွင် စစ်ရေးနှင့် မသက်ဆိုင်သော ကယားပြည်နယ် ယဉ်ကျေးမှုအဆောက်အဦနှင့်အကျဉ်းထောင်သို့ လာရောက် တိုက်ခိုက်မှုများ၊ရခိုင်ပြည်နယ်တို့တွင် ထိတွေ့  တိုက်ပွဲဖြစ်ပွားမှု များ

#မြန်မာနိုင်ငံ၏ ရှေ့မြောက်ဘက်ဒေသတွင်ဖြစ်ပေါ်နေသောအခြေအနေများကို အခွင့်ကောင်းယူ၍ အချက်ပေးလှုံ့ဆော်မှုများ

တို့နှင့်ပတ်သက်၍ နစက သတင်းထုတ်ပြန်ရေး အဖွဲ့ခေါင်းဆောင် ဗိုလ်ချုပ်ဇော်မင်းထွန်းက ပြောကြားခဲ့ပါတယ်။

အဆိုပါပြောကြားချက်ကို အပြည့်အစုံပြန်လည်ဖော်ပြပေးပါတယ်။

-ymg/knl

#Daily_News
Published_ 27 November 2023

၁။ အေးရမည့်အချိန်တွင် လေဖိအားနည်းရပ်ဝန်းကြောင့် အအေးပေါ့ပြီး ပြန်ပူမည်၊ မိုးအနည်းငယ်ရွာမည်

၂။ လောက်ကိုင်တွင် ပိတ်မိနေသည့်  ပြည်တွင်းရွှေ့ပြောင်းလုပ်သားများအပါအ၀င် ပြည်သူများ မြို့မှထွက်ခွာမှုများလာ

၃။ မူဆယ်- မန္တလေးယာဉ်စီးခဈေးနှုန်းများ ခုန်တက်နေပြီး နမ္မတူလမ်းပိတ်ထားသောကြောင့် လွယ်ဂျယ်လမ်းပိုင်းအား အသုံးပြု၍ ဆက်လက်ပြေးဆွဲပေးနေ

၄။ တောင်နှင့်မြောက်ငြိမ်းချမ်းရေး သဘောတူညီချက်များ ရပ်ဆိုင်းကာ စစ်ရေးလှုပ်ရှားမှုများမြောက်ကိုရီးယားပြန်လည်ဆောင်ရွက်သွားမည် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News

#Local_Sport
Published-27 November 2023

ဗီယက်နမ်ဆိုရှယ်လစ်သမ္မတနိုင်ငံ၊ ဟိုချီမင်းမြို့တွင် ကျင်းပနေသည့် ၂၀၂၃ခုနှစ်၊ (၇)ကြိမ်မြောက် ကမ္ဘာ့ဗိုဗီနမ်ချန်ပီယံရှစ် (7th WVVF World Vovinam Championships 2023)ပြိုင်ပွဲတွင် မြန်မာမှ ငွေ ဆုနှင့် ကြေး ဆုစုစု‌ပေါင်း၇ ဆုအထိ ရရှိထားပြီး ဆက်လက်ယှဉ်ပြိုင်နေကြောင်း သိရသည်။

အဆိုပါပြိုင်ပွဲတွင် မြန်မာနိုင်ငံဗိုဗီနမ်အားကစားအဖွဲ့ချုပ်မှ အားကစားသမားများ ဝင်ရောက်ယှဉ်ပြိုင်လျက်ရှိရာမြန်မာဗိုဗီနမ်အားကစားအသင်းသည် နိုဝင်ဘာ (၂၅) ရက်နေ့တွင် Four element staff form ပြိုင်ပွဲ၌ တင်ထူးဇော် ငွေတံဆိပ်(၁)ခုနှင့် 3male, 3Female ပြိုင်ပွဲ၌ တင်ထူးဇော်၊ ကျော်သူစိုးအောင်၊ ဟိန်းထက်အောင်၊ ချစ်နိုဒီဆောင်း၊ မေဟန်နီအောင်လွင်၊ အိ‌န္ဒြဖေူးတို့က ငွေတံဆိပ် (၁) ခု စုစုပေါင်း ဆုတံဆိပ် (၂)ခု ဆွတ်ခူးရရှိခဲ့ကြောင်း၊ အလားတူ ယမန်နေ့ နိုဝင်ဘာ ၂၆ ရက်တွင် ၅၄ကီလိုတန်း(အတိုက်ပြိုင်ပွဲ)တွင် မင်းမင်းထိုက်မှ ကြေးတံဆိပ်ဆု (၁) ခု၊ female self defense(အပြပြိုင်ပွဲ)တွင် အောင်ခိုင်လင်း၊ ချစ်နိုဒီဆောင်းတို့အတွဲမှ ကြေးတံဆိပ်ဆု (၁) ခု၊ pair sword form male ပြိုင်ပွဲတွင် တင်ထူးဇော်၊ ကျော်သူစိုးအောင်တို့အတွဲ ကြေးတံဆိပ်ဆု (၁) ခု၊ ying yang sword form male ပြိုင်ပွဲတွင် ဟိန်းထက်အောင်မှ ကြေးတံဆိပ်ဆု (၁) ခု၊ ying yang sword form female ပြိုင်ပွဲတွင် မေဟန်နီအောင်လွင်မှ ငွေတံဆိပ်ဆု (၁ )ခု၊ ရရှိခဲ့ကြောင်း သိရသည်။ 

မြန်မာအသင်းအနေဖြင့် လက်ရှိအချိန်အထိငွေတံဆိပ် (၃) ခု၊ ကြေးတံဆိပ် (၄) ခု၊ စုစုပေါင်း ဆုတံဆိပ် (၇) ခုရရှိထားပြီး အဆိုပါပြိုင်ပွဲအား ၂၀၂၃ခုနှစ်၊ ဒီဇင်ဘာလ(၁)ရက်နေ့ အထိကျင်းပမည်ဖြစ်ပြီး အခြားဆုတံဆိပ်များရရှိစေရန် ဆက်လက်ယှဉ်ပြိုင်မည်ဖြစ်ကြောင်း သိရသည်။

#Local_Sport #ကမ္ဘာ့ဗိုဗီနမ်ချန်ပီယံရှစ်ပြိုင်ပွဲ #ငွေနှင့်ကြေး၇ဆုရရှိ #YMG NN #Yangon_Times

၂၇ နိုဝင်ဘာ ၂၀၂၃

တရုတ်နိုင်ငံဟာ အောက်တိုဘာလလယ်ခန့်ကစပြီး ရာသီအလိုက်ဖြစ်တတ်တဲ့ အသက်ရှုလမ်းကြောင်းဆိုင်ရာရောဂါ  များကူးစက်မှုမြင့်တက်နေပါတယ်။ အထူးသဖြင့် ကလေးသူငယ်တွေအများစုဖြစ်ပါတယ်။ ဆေးရုံတွေမှာ လူနာတွေ စံချိန်တင်မြင့်မားနေပါတယ်။ အဲဒါကြောင့် မြင့်တက်လာတဲ့ကူးစက်မှုတွေကို ထိန်းသိမ်းနိုင်ဖို့ ကျန်းမာရေးကော်မရှင်က လမ်းညွှန်ချက်တွေ ထုတ်ပြန်လိုက်ရပါတယ်။

Source CCTV+

#Local_News
Published-27-November-2023

ရန်ကုန်မြို့ ၊ မင်္ဂလာတောင်ညွှန့်မြို့နယ်၊လမ်း(၁၂၀)၊ အာဒါးလမ်းထောင့်ရှိ  တိုက်ဟောင်းတစ်လုံး နိုဝင်ဘာ၂၇ရက် မနက်ပိုင်းက ဘေးနံရံပြိုကျမှုကြောင့် လူတစ်ဦးထိခိုက်ဒဏ်ရာရရှိခဲ့ကြောင်း လူမှုကူညီရေးအသင်းထံမှ သိရသည်။

အဆိုပါ ပြိုကျခဲ့သည့် တိုက်မှာ အမှတ် (၂၆) လေးခန်းတွဲ နှစ်ထပ်တိုက်အမျိုးအစားဖြစ်ပြီး၊ ၂၀၁၃ ခုနှစ်အတွင်းက လူနေထိုင်ရန် မသင့်တော်သည့် တိုက်အဖြစ် သက်ဆိုင်ရာဌာနက သတ်မှတ်၍ လူနေထိုင်ခွင့်ပိတ်ထားသော တိုက်ဖြစ်ကြောင်း သိရသည်။

"တိုက်ဘေးနံရံပြိုကျတာပါ။ အမျိုးသားတစ်ဦးတော့ထိခိုက်ဒဏ်ရာရသွားတယ်။ သူကတိုက်ဘေးနားမှာ အလုပ်လုပ်နေတုန်းပြိုကျလို့ ထိသွားတာပါ"ဟု သပြေကုန်းပရဟိတ အသင်းမှအသင်းဝင်တစ်ဦးကပြောသည်။

ထိခိုက်ဒဏ်ရာရရှိသူကို ရန်ကုန်ဆေးရုံကြီးသို့ပို့ဆောင်ပေးခဲ့ကြောင်းသိရသည်။

အဆိုပါ တိုက်ပြိုကျသည့်နေရာသို့ မီးသတ်တပ်ဖွဲ့နှင့် သက်ဆိုင်ရာတာဝန်ရှိသူများလာရောက်ကြည့်ရှု့ကာ ရှင်းလင်းဆောင်ရွက်လျက်ရှိကြောင်း သိရသည်။

#Local_News ##မင်္ဂလာတောင်ညွှန့် #ဘေးနရံပြိုကျ #လူတစ်ဦးထိခိုက်ဒဏ်ရာရ #YMG/LW #Yangon_Times

'တောင်ကြီး-ပေါမူ-တောင်ကြီးရှုခင်းကြည့်အထူးရထား‌ကို နိုဝင်ဘာရက်နေ့က၂၇ရက်နေ့အထိ အထူးအစီအစဉ်နဲ့ ပြေးဆွဲပေးနေပါတယ်'
‌#Local_News
Published_ 27 November 2023
#တောင်ကြီးရှုခင်း #အထူးရထားပြေးဆွဲပေး
#YMG/ NN #Yangon_Times

နိုင်ငံပေါင်း(41)နိုင်ငံယှဉ်ပြိုင်ခဲ့ရာ မြန်မာအသင်းမှ ခင်ချယ်ရီသက်ဟာ အမျိုးသမီးတစ်ဦးချင်း Shooting ပြိုင်ပွဲမှာ Vietnam နဲ့ ယှဉ်ပြိုင်ကစားရာ ရမှတ်(၄/၂)နဲ့ ပထမဆုတံဆိပ်ရရှိခဲ့ပြီး အမျိုးသမီးတစ်ဦးချင်းပြိုင်ပွဲမှာ ကမ္ဘာ့အဆင့်(၁)ရရှိခဲ့တာဖြစ်ပါတယ်။ မြန်မာနိုင်ငံပီတန်းအဖွဲ့ချုပ်

‌#Local_News
Published_ 27 November 2023
#မြန်မာအားကစားမယ် #ကမ္ဘာ့အဆင့်(၁)ရရှိ
#tthl #Yangon_Times

မူဆယ်- မန္တလေးယာဉ်စီးခဈေးနှုန်းများခုန်တက်နေပြီး နမ္မတူလမ်းပိတ်ထားသောကြောင့် လွယ်ဂျယ်လမ်းပိုင်းအား အသုံးပြု၍ ဆက်လက်ပြေးဆွဲပေးနေ

'မူဆယ်ကနေမန္တလေးကို ယာဉ်စီးခကျပ် သုံးသိန်းရှစ်သောင်းနဲ့ မန္တလေးကနေ မူဆယ်ကိုကျပ်သုံးသိန်းခွဲအထိဈေးနှုန်းရှိနေပြီး တစ်ချို့ကတော့ကျပ်လေးသိန်းခွဲအထိဈေးခေါ်နေတယ်'
‌#Local_News
Published_ 27 November 2023
#မူဆယ်- မန္တလေးယာဉ်စီးခဈေးနှုန်းများတက် #လွယ်ဂျယ်လမ်းပိုင်း
#YMG/NN #Yangon_Times

စားနပ်ရိက္ခာပြတ်လပ်မှုနဲ့တိုက်ပွဲတွေကြောင့် လောက်ကိုင်မြို့မှာရှိတဲ့ ပြည်တွင်းရွှေ့ပြောင်း လုပ်သားတွေ အပါအ၀င် ပြည်သူအများစုဟာမြို့ကို စွန့်ခွာလာမှုများလာတယ်လို့ ဒေသခံတွေ ထံက သိရပါတယ်။
#Local_News
Published_ 27 November 2023
#လောက်ကိုင်တွင်ပိတ်မိနေ #ပြည်တွင်းရွှေ့ပြောင်းလုပ်သား
#YMG/LW #Yangon_Times

"နိုဝင်ဘာလကုန်ပိုင်းမှာ ဒေသအသီးသီးမှာ အေးဖို့ရှိနေရာမှ လေဖိအားနည်းရပ်ဝန်း‌ကြောင့်အအေးပြန်ပေါ့သွားမှာဖြစ်ပြီး မိုးနည်းနည်းရွာမှာဖြစ်တယ်"
#Local_News
Published_ 27 November 2023
#လေဖိအားနည်းရပ်ဝန်း #တနင်္သာရီတိုင်းမိုးအနည်းငယ်ရွာ
#tthl #Yangon_Times 

#Local_News
Published 27 November 2023

ထိုင်းနိုင်ငံတွင် အလုပ်လုပ်ကိုင်ရန်အတွက် ပစ္စည်းများ တင်လာသည့်ကားအတွင်းပုန်းပြီး လိုက်လာသည့် မြန်မာ အလုပ်သမား ၂၆ဦးကို ထိုင်းအာဏာပိုင်များက ဖမ်းဆီးခဲ့ကြောင်း ထိုင်းသတင်းဌာနများ၏ ဖေါ်ပြချက်အရ သိရသည်။

နိုဝင်ဘာ ၂၄ ရက် ညပိုင်းတွင် တာခ်ခရိုင်ရှိ ဟွာအိုင်းဟင်းဖွန် စစ်ဆေးရေးဂိတ်တွင် မဲဆောက်မြို့မှ မောင်းနှင်းလာသည့်ပစ္စည်းများ တင်လာသည့်ကားပေါ်တွင် ပုန်းအောင်းလိုက်ပါလာသည့် မြန်မာအလုပ်သမား ၂၆ ဦးတို့ကိုစစ်ဆေးဖမ်းဆီးရမိခဲ့ကြောင်း သိရှိရသည်။

စစ်ဆေးမေးမြန်းချက်အရ ယင်းအလုပ်သမားများကို ဘန်ကောက်မြို့သို့ ပို့ဆောင်ပေးရမည်ဖြစ်ကာ ထိုင်းယာဉ်မောင်းသူကိုတစ်ဦးလျှင် ဘတ် ၁၅၀၀၀ ထိပေးရကြောင်း သိရသည်။

အဆိုပါ အဖမ်းခံရသည့် မြန်မာအလုပ်သမား ၂၆ဦးကို မဲဆောက်ရဲစခန်းသို့ ခေါ်ဆောင်သွားကာ စစ်ဆေးမေးမြန်းမှု များ ပြုလုပ်မည်ဖြစ်ပြီး ထိုင်းဥပဒေအရ အရေးယူမှုများပြုလုပ်မည်ဖြစ်ကြောင်း သိရသည်။

#Local_News #မြန်မာအလုပ်သမား၂၆ဦး #ထိုင်းအာဏာပိုင်များဖမ်းဆီး #YMG/LW #Yangon_Times

#Local_Sport
Published_ 27 November 2023

မြန်မာနိုင်ငံဘောလုံးအဖွဲ့ချုပ် (MFF) နှင့်  ဂျပန်နိုင်ငံဘောလုံးအဖွဲ့ချုပ် (JFA) ပူးပေါင်းစီစဉ်သည့်  Football Coaching Seminar 2023 ကို လာမည့် နိုဝင်ဘာ ၂၈ ရက်မှ ၂၉ ရက်အထိ ရန်ကုန်မြို့တွင် ကျင်းပပြုလုပ်သွားမည်ဖြစ်သည်။

အဆိုပါ Seminar ကို JFA  Deputy Technical Director Mr. Ono Takeshi၊ JFA Physical Fitness Project Leader Mr. Kanno Atsushi နှင့် JFA Secretariat member Mr. Fukushima Hirotaka တို့က နည်းစနစ်ပိုင်းဆိုင်ရာများ၊ ကြံ့ခိုင်မှုပိုင်းဆိုင်ရာများကို စာတွေ့၊ လက်တွေ့ ဆွေးနွေးပို့ချသွားမည် ဖြစ်သည်။ အလုပ်ရုံ ဆွေးနွေးပွဲကို သက်တမ်းအလိုက် မြန်မာ့လက်ရွေးစင် အမျိုးသမီး/အမျိုးသား အသင်းများမှ နည်းပြဆရာများ၊ မြန်မာနေရှင်နယ်လိဂ်နှင့် လိဂ်-၂ မှ နည်းပြဆရာများ၊ အမျိုးသမီးလိဂ် ကလပ်အသင်းနည်းပြများ၊ ရန်ကုန်၊ မန္တလေးဘောလုံးအကယ်ဒမီများမှ နည်းပြဆရာများ တက်ရောက်ကြမည်။

ဂျပန် ဘောလုံးအဖွဲ့ချုပ် သည်မြန်မာ့ ဘောလုံး အဆင့်အတန်းမြင့်မားရေး အစီအစဉ်အဖြစ် ယင်းအလုပ်ရုံဆွေးနွေးပွဲကို လာရောက်ကျင်းပခြင်းဖြစ်သည်။

#Local_Sport #ဂျပန်ဘောလုံးအဖွဲ့ချုပ် #မြန်မာနည်းပြများထံမျှဝေ #JFA_Seminar #Yangon_Times #YMG_News