မြေပဲစိုက် တောင်သူတွေ အဆင်ပြေစေဖို့အတွက် မြေပဲအတောင့် ၀ယ်ယူရာမှာ ပွဲခမယူဘဲ ပြင်ပပေါက်ဈေးအတိုင်း ၀ယ်ယူသိုလှောင်ပေးထားပြီး မြေပဲဆံအဖြစ် ပြန်လည်ရောင်းချ ပြီးပါကလည်း အမြတ်ငွေရဲ့ ၂၀ရာခိုင်နှုန်း ကို ပြန်လည်ပေးသွားမှာ ဖြစ်တယ်လို့ မကွေးတိုင်းတောင်သူဖွံဖြိုးရေး အဖွဲထံက သိရပါတယ်။
Yangon_Times/LW
#Local_News
#Published 30 November 2023
#Yangon_Times #YMG_News #Yangon_Media_Group

၃၀ နိုဝင်ဘာ ၂၀၂၃

နှစ်ဆယ်ရာစုရဲ့ အငြင်းပွားဖွယ်ရာအကောင်းဆုံးအမေရိကန်တွေထဲကတစ်ဦးဖြစ်ခဲ့တဲ့ နိုင်ငံခြားရေးဝန်ကြီးဟောင်း ဟင်နရီကစ်ဆင်ဂျာ ဟာ  ယနေ့ နိုဝင်ဘာ ၃၀ရက်နေ့မှာ ကွန်နက်တီကပ်မှာ ကွယ်လွန်သွားပါတယ်။  ကစ်ဆင်ဂျာကွယ်လွန်ကြောင်းကို Kissinger Associates က သတင်းထုတ်ပြန်ကြေညာခဲ့ပါတယ်။

သူ့ရဲ့ အမွေအနှစ်တွေအဖြစ် ဗီယက်နမ်စစ်ပွဲမှာ အမေရိကန်ရဲ့ရက်စက်မှုတွေကြောင့် လူသန်းပေါင်းများစွာ သေဆုံးခဲ့ရတာနှင့် ပြည်သူချင်းဆက်ဆံထိတွေ့မှုတွေမှ တစ်ဆင့် ဝါရှင်တန်နှင့်ဘေဂျင်းဆက်ဆံရေးကို တည်ထောင်နိုင်တဲ့အရည်အချင်းတွေအကြား ရောယှက်ကျန်ရစ်ခဲ့ပါတယ်။

ကစ်ဆင်ဂျာဟာ ကွန်နက်တီကပ်က သူ့နေအိမ်မှာကွယ်လွန်ခဲ့တာဖြစ်တယ်လို့ သတင်းထုတ်ပြန်ချက်မှာ ဖော်ပြထားပါတယ်။ သူဟာ ၁၉၇၃ခုနှစ်က ဗီယက်နမ်စစ်ပွဲ စစ်ပြေငြိမ်းဖို့ စေ့စပ်ညှိနှိုင်းခဲ့တဲ့အတွက် ငြိမ်းချမ်းရေးနိုဘယ်ဆုကိုရရှိခဲ့ပါတယ်။

ကစ်ဆင်ဂျာဟာ ပြီးခဲ့တဲ့လပိုင်းများအတွင်း အတော်လေးကို တက်တက်ကြွကြွလှုပ်ရှားခဲ့ပါတယ်။ သူဟာ အိမ်ဖြူတော်မှာ အစည်းအဝေးတွေတက်ခဲ့ပါတယ်။ ၂၀၂၃ခုနှစ် ဇူလိုင်လတုန်းက သူဟာ တရုတ်သမ္မတ ရှီကျင့်ဖျင်ကိုတွေ့ဆုံဖို့ ဘေဂျင်းကို မျှော်လင့် မထားတဲ့ ခရီးတစ်ခုသွားရောက်ခဲ့ပါတယ်။

ပညာရှင်ကနေ သံတမန်ဖြစ်လာတဲ့သူဟာ ဂျွန်အက်ဖ်ကနေဒီကနေ ယခုလက်ရှိသမ္မတ ဂျိုးဘ်ိုင်ဒင်အထိ အမေရိကန်သမ္မတ ဒါဇင်ခန့်ကို အကြံပေးခဲ့ပါတယ်။

ကစ်ဆင်ဂျာဟာ အမေရိကန်ပြည်ထောင်စုကို ခိုလှုံလာခဲ့တဲ့ ဂျာမန်-ဂျူး ဒုက္ခသည်တစ်ဦးလည်းဖြစ်ခဲ့ပါတယ်။

Source WION

Published 30 November 2023

အဆင့်ဆင့်ထုပ်ပိုး ထုတ်လုပ်ထားတဲ့ အစားအစာတွေဟာ အမေရိကန် လူနေမှုဘဝပုံစံ တစ်ခုဖြစ်ပြီး အမေရိကန် စားနပ်ရိက္ခာ လည်ပတ်မှုမှာ ၇၃ ရာခိုင်နှုန်းခန့် ပတ်သက်နေကာ ထိုအစားအစာတွေကနေ နေ့စဥ်ကယ်လိုရီ ၆၀ ရာခိုင်နှုန်းကျော် ရရှိနေတယ်လို့ လေ့လာမှုတစ်ခုမှာ တွေ့ရှိရပါတယ်။

ထိုလေ့လာမှုကနေ အဆင့်ဆင့်ထုပ်ပိုး ထုတ်လုပ်ထားတဲ့ စားစရာတွေနဲ့ ကင်ဆာဖြစ်နိုင်ခြေတို့ ဆက်စပ်နေတဲ့ အထောက်အထားတွေ တွေ့ရှိထားကြောင်း ကမ္ဘာ့ကင်ဆာသုတေသနရန်ပုံငွေအဖွဲ့မှ လက်ထောက်ညွှန်ကြားရေးမှူး ဒေါက်တာ ဟယ်လန်ခရော့ကာက ပြောပြသွားပါတယ်။

အဆိုပါ အစားအစာမျိုးကို ၁၀ ရာခိုင်နှုန်း ပိုမိုစားသုံးတဲ့သူတွေဟာ ဦးခေါင်းနဲ့ လည်ပင်းကင်ဆာ ဖြစ်နိုင်ခြေ ၂၃ ရာခိုင်နှုန်း ပိုများနေပါတယ်။

ဒါ့အပြင် အစာရေမျိုကင်ဆာ ဖြစ်နိုင်ခြေကလည်း ၂၄ ရာခိုင်နှုန်းပိုများနေပါတယ်။

ကင်ဆာဖြစ်နိုင်ခြေ များပြားစေသလို အဝလွန်ခြင်းနဲ့လည်း သက်ဆိုင်တာကို အံ့အားသင့်ဖွယ် တွေ့ရှိထားပါတယ်။

ထိုစားစရာတွေဟာ ဝယ်ယူရလွယ်ကူပြီး ဈေးသက်သာကာ အရသာရှိတာကြောင့် ပိုမိုစားသုံးဖြစ်ပြီး ကယ်လိုရီပိုများစေကြောင်း ဘရစ္စတိုလ်တက္ကသိုလ်မှ ဘွဲ့လွန်ကျောင်းသား ဖာနန်ဒါမိုရဲလက်စ်ဘားစတိန်းက ပြောပြသွားပါတယ်။

ကင်ဆာဖြစ်နိုင်ခြေများရတဲ့ အကြောင်းအရင်းတွေက ထိုစားစရာတွေမှာ ပါဝင်တဲ့ စွဲလမ်းစေတဲ့အရာများ၊ သကြားမဟုတ်တဲ့ အချိုဓာတ်ပစ္စည်းများ၊ တာရှည်ခံပစ္စည်းများကြောင့် ဖြစ်ပါတယ်။

ဒီလိုမျိုး အဆင့်ဆင့်ထုပ်ပိုး ထုတ်လုပ်ထားတဲ့ စားစရာများနဲ့ ကင်ဆာဖြစ်နိုင်ခြေ များခြင်းတို့ကြား ဆက်စပ်မှုများကြောင့် ကျန်းမာရေးနဲ့ ညီညွတ်တဲ့ အသီးအရွက်များ စားသုံးဖို့ ထောက်ပံ့အားပေးကြရမှာဖြစ်ကြောင်း ခရော့ကာက ပြောပြသွားပါတယ်။
Source: New York Post
#World_Health
#Published 30 November 2023
#Yangon_Times #YMG_News #Yangon_Media_Group

Published 30 November 2023

မြောက်ကိုရီးယားက ယင်းရဲ့ အချုပ်အခြာ အာဏာအကြောင်း အမေရိကန်နဲ့ ဘယ်တော့မှ ညှိနှိုင်းမှာမဟုတ်ဘဲ ပြောဆိုဆွေးနွေးမှုတွေမှာ အမေရိကန်က မျက်နှာ နှစ်မျိုးလုပ်နေတယ်လို့ ဝေဖန်လိုက်ကာ ဒေသတွင်း စစ်ရေးဆောင်ရွက်မှုများ အရှိန်မြှင့်လုပ်ဆောင်နေကြောင်း KCNA သတင်းဌာနက ကြာသပတေးနေ့မှာ ဖော်ပြလိုက်ပါတယ်။

မကြာသေးမီက မြောက်ကိုရီးယားမှ စပိုင်ဂြိုဟ်တု လွှတ်တင်ခြင်းနဲ့ ပတ်သက်ပြီး ပြုလုပ်တဲ့ ကုလသမဂ္ဂ လုံခြုံရေးကောင်စီ အစည်းအဝေးမှာ အမေရိကန်ဟာ စံနှစ်မျိုးသတ်မှတ်ချက်တွေ ထုတ်ဖော်ခဲ့တယ်လို့ ပြသခဲ့ကြောင်း မြောက်ကိုရီးယား ခေါင်းဆောင် ကင်မ်ဂျုံအန်းရဲ့ညီမ ကင်မ်ယိုဂျောင်နဲ့ အထက်တန်းအရာရှိ တစ်ဦးတို့က ပြောကြားခဲ့ပါတယ်။

အလွန်တွေ့ဆုံခဲတဲ့ အမေရိကန်သံအမတ် လင်ဒါသောမတ်စ်ဂရင်းဖီးလ်နဲ့ မြောက်ကိုရီးယား သံအမတ် ကင်မ်ဆောင်တို့ ဆွေးနွေးမှုမှာ နှစ်ဖက်စလုံးက ကာကွယ်ရေး အတိုင်းအတာများ ဆောင်ရွက်နေတာ ဖြစ်တယ်လို့ ငြင်းခုံခဲ့ကြပါတယ်။

သောမတ်စ်ဂရင်းဖီးလ်ဟာ မြောက်ကိုရီးယားနဲ့ ဆွေးနွေးမှုတွေ ပြန်လည်ပြုလုပ်နိုင်ရန် ကြိုးပမ်းနေပေမယ့် အာကာသဆိုင်ရာ တိုးတက်မှုတွေမှာ အချုပ်အခြာအာဏာ ရပိုင်ခွင့်တွေကိုတော့ ငြင်းပယ်ခဲ့ပြီး မျှတမှုမရှိဘူးလို့ ကင်မ်ယိုဂျောင်က ပြောကြားသွားပါတယ်။

အမေရိကန်နဲ့ တောင်ကိုရီးယားတို့က ဂြိုဟ်တုလွှတ်တင်ခြင်းကို ရှုတ်ချဝေဖန်ထားကာ ဒါဟာ ကုလသမဂ္ဂ လုံခြုံရေးကောင်စီရဲ့ ပဋိဉာဥ်စည်းမျဥ်းများကို ချိုးဖောက်ရာကျတယ်လို့ ဆိုပါတယ်။

သံတမန်ရေးဆက်ဆံမှုမှာ အမေရိကန်ရဲ့ ရပ်တည်ပုံ၊ ပြန်လည်ညှိနှိုင်းရန် အားထုတ်ရာမှာ ကိုရီးယားကျွန်းဆွယ်တဝိုက် အမေရိကန် နျူကလီးယား ရေငုပ်သင်္ဘောများ နေရာချထားပြီး စစ်ရေးအရ ရန်ဆောင်နေတဲ့ပုံတွေနဲ့ ပတ်သက်ပြီး သောမတ်စ်ဂရင်းဖီးလ် သင့်တင့်လျောက်ပတ်စွာ မရှင်းပြနိုင်ခဲ့ဘူးလို ကင်မ်ယိုဂျောင်က ဆိုလိုက်ပါတယ်။

မှီခိုမှုကင်းတဲ့ တိုင်းပြည်တစ်ခုရဲ့ အချုပ်အခြာအာဏာက ညှိနှိုင်းရေးမှာ ခေါင်းစဥ်တစ်ခု မဖြစ်သင့်တာကြောင့် မြောက်ကိုရီးယားအနေနဲ့ ထိုကိစ္စနဲ့ ပတ်သက်ပြီး အမေရိကန်နဲ့ ဆွေးနွေးမှာ မဟုတ်ကြောင်း၊ အမေရိကန်ရဲ့ စံသတ်မှတ်ချက်တွေက နှစ်မျိုးနှစ်စား ကွဲပြားနေကာ အသာစီးရလိုတဲ့ စရိုက်ကို မြင်တွေ့နေရကြောင်း ပြောပြသွားပါတယ်။

နောက်ထပ် အကြောင်းအရာမှာတော့ လွှတ်တင်ထားတဲ့ဂြိုဟ်တုကနေ အမေရိကန်နဲ့ တောင်ကိုရီးယားတို့ရဲ့ စစ်ရေးလှုပ်ရှားမှုများကို စောင့်ကြည့်နေကာ ကင်မ်ဂျုံအန်းက ရိုက်ကူးရရှိတဲ့ ပုံရိပ်များကို ကြည့်ရှုစစ်ဆေးခဲ့တယ်လို့ KCNA က ဖော်ပြခဲ့ပါတယ်။
Source: Reuters
#World_News
#Published 30 November 2023
#Yangon_Times #YMG_News #Yangon_Media_Group

Published 30 November 2023

   ရန်ကုန်တိုင်းဒေသကြီး လှိုင်သာယာမြို့နယ်ရှိ ထိန်ပင် အမှိုက်ပုံနှင့်မြောက်ဒဂုံမြို့ရှိ ထားဝယ်ချောင် အမှိုက် ပုံတို့မှ အမှိုက်များမှတစ်ဆင့် လျှပ်စစ်ထုတ်ယူနိုင်ရန် ဆောင်ရွက်နေကြောင်း ရန်ကုန်မြို့တော်စည်ပင်သာယာရေးကော်မတီထံမှ သိရသည်။

     ရန်ကုန်မြို့တော်စည်ပင် သာယာရေးကော်မတီ၊ မြို့ပြပတ်ဝန်းကျင်ထိန်းသိမ်းရေးနှင့်သန့်ရှင်းရေးဌာန၏ ထိန်ပင်နှင့်ထားဝယ်ချောင် နောက်ဆုံးစွန့်ပစ်အမှိုက်ပုံများမှထွက်ရှိသော ဓာတ်ငွေ့များကို စုပေါင်းသန့်စင်၍ မီးရှို့ခြင်းနှင့် လျှပ်စစ်ထုတ်ယူခြင်း စီမံကိန်းလုပ်ဆောင်ရန်ဆောင်ရွက်နေကြောင်းသိရသည်။

  အဆိုပါ စီ မံကိန်းနှင့်ပက်သက်၍ ရန်ကုန်တိုင်းဒေသကြီးစည်ပင်သာယာရေးဝန်ကြီး ရန်ကုန်မြို့တော်စည်ပင်သာယာရေးကော်မတီ စည်ပင်သာယာရေးကော်မတီ ဉက္ကဋ္ဌ (မြို့တော်ဝန်) ဦးဗိုလ်ဌေးအား ကိုရီးယားနိုင်ငံ GES Global Energy Solution ကုမ္ပဏီမှ Dr.Won Seunghyun နှင့် တာဝန်ရှိသူများသည် နိုဝင်ဘာ၂၉ရက် က စီမံကိန်းနှင့်ပက်သက်သည်များ ကို ရှင်းလင်းပြောကြားခဲ့ကြောင်းသိရသည်။

   ထိုသို့တွေ့ဆုံစဉ် မြို့ပြပတ်ဝန်းကျင်ထိန်းသိမ်းရေးနှင့်သန့်ရှင်းရေးဌာနနှင့် GES တို့ပူးပေါင်း ဆောင်ရွက်ခဲ့သော ဖြစ်နိုင်ခြေလေ့လာမှု(Feasibility Study) များအရ ထိန်ပင်အမှိုက်ပုံနှင့် ထားဝယ်ချောင် အမှိုက်ပုံများမှ လျှပ်စစ်ဓာတ်အား ထုတ်လုပ်နိုင်မည့်အခြေအနေများ၊ အမှိုက်ပုံများမှ လျှပ်စစ်ဓာတ်အား ထုတ်လုပ်ရန် စီမံကိန်းလုပ်ငန်း စတင်မည့်အချိန်ကာလနှင့်ပြီးစီးမည့် အချိန်ကာလအခြေအနေများ၊ စီမံကိန်းလုပ်ငန်းအား အဆင့်(၃)ဆင့် ခွဲခြားဆောင်ရွက်မည့်အခြေအနေများကို ညှိနှိုင်းဆွေးခဲ့ကြောင်း သိရသည်။

  ထို့ပြင်လျှပ်စစ်ထုတ်လုပ်မည့် နည်းပညာနှင့်ပတ်သက်သည့်အခြေအနေများနှင့် စီမံကိန်းလုပ်ငန်းပြီးစီးပါက ရရှိလာမည့် ဓာတ်အားပမာဏ အခြေအနေများ၊ ထိန်ပင်အမှိုက်ပုံနှင့် ထားဝယ်ချောင်အမှိုက်ပုံများမှ အမှိုက်များအား ဓာတ်ခွဲစမ်းသပ်ပြီးစီးမှုအခြေအနေများ၊ နောက်ဆုံးစွန့်ပစ်အမှိုက်ပုံများ၏ အရွယ်ပမာဏအား လျှော့ချနိုင်မည့်အခြေအနေများ၊ စီမံကိန်းလုပ်ငန်းအပေါ် ရရှိလာမည့်အကျိုးအမြတ် ခွဲဝေနိုင်မည့် အခြေအနေများကို  လည်း ညှိနှိုင်းဆွေးနွေး ခဲ့ကြောင်း သိရသည်။
Yangon Time/LW
#Loacl_News
#Published 30 November 2023
#Yangon_Times #YMG_News #Yangon_Media_Group

Published 30 November 2023

ရှမ်းပြည်နယ်အရှေ့မြောက်ပိုင်းဒေသတွင် တိုင်းရင်းသားလက်နက်ကိုင်များက စစ်သုံးအဆင့် Drone ဖြင့် Drop Bomb အလုံးပေါင်း ၂၅၀၀၀ ဖြင့် အသုံးပြုတိုက်ခိုက်ခဲ့ကြောင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံ တော်ဝန်ကြီးချုပ်ဗိုလ်ချုပ်မှူးကြီး မင်းအောင်လှိုင်က နိုဝင်ဘာလ ၂၉ ရက် (ယနေ့)တွင် ပြုလုပ်သည့်နိုင်ငံ တော်စီမံအုပ်ချုပ်ရေးကောင်စီ အစည်း အဝေး (၆/၂ဝ၂၃)တွင် ပြောသည်။

ယင်းက ရှမ်းပြည်နယ်အရှေ့မြောက်ပိုင်းဒေသတွင် ဖြစ်ပေါ်ခဲ့သည့် ဖြစ်စဉ်များကိုသုံးသပ် ကြည့်မည်ဆိုပါက သာလွန် အင်အားများစုစည်းခြင်းနှင့် နည်းပညာသာလွန်မှုကို အသုံး ချ၍ စစ်သုံးအဆင့် Drone များဖြင့် Drop Bomb များအသုံးပြုတိုက်ခိုက်ခဲ့သည်ကို တွေ့ရှိရကြောင်း၊ ၎င်းတို့အနေဖြင့် Drop Bomb အသုံးပြုမှုမှာ ယခု အချိန်အ ထိ အလုံးပေါင်း ၂၅၀၀၀ ကျော်ခန့်အသုံးပြုခဲ့သကဲ့သို့ ၁၀၇ မီလီမီတာ လျှော့တိုက်ဒုံး အလုံး ၁၂၀ ခန့်ဖြင့် ပစ်ခတ်တိုက်ခိုက်ခဲ့သည်ဟုသိရှိရကြောင်းယင်းကပြောသည်။

KIA အဖွဲ့အနေဖြင့် ၂၀၂၁ ခုနှစ်တွင် ဖြစ်ပေါ်လာသည့် နိုင်ငံရေးအခြေအနေအရ စစ်ကိုင်းတိုင်းဒေသ ကြီးနှင့် မကွေးတိုင်းဒေသကြီး တို့မှ အစွန်းရောက်သည့် လူငယ်များအား KIA စခန်းများ၌ စစ်ရေးလေ့ကျင့်ပေးခြင်း၊ တပ်များဖွဲ့စည်း ပေးခြင်း နှင့် လက်နက်ခဲယမ်းများတပ်ဆင်ပေးခြင်းများကို အသစ်ဖွဲ့စည်းသည့် KIA တပ်မ ဟာ(၈) က အဓိကဆောင် ရွက်ခဲ့ ပြီး PDF နှင့် ပူးပေါင်းကာစစ်ကိုင်းတိုင်းဒေသကြီးနှင့် မကွေး တိုင်း ဒေသကြီး တို့တွင် ယခုအချိန်အထိ အကြမ်းဖက်လုပ်ရပ်များကို လုပ်ဆောင်လျက်ရှိကြောင်းလည်း ပြောကြား ခဲ့သည်။

ယင်းအပြင် ကိုးကန့်ဒေသတွင် တပ်မတော်နှင့် MNDAA ပူးပေါင်းအဖွဲ့များ တိုက်ပွဲဖြစ်ပွားနေချိန်၌ ကချင် ပြည် နယ်အတွင်းရှိ တပ်မတော်စခန်းငယ်တစ်ခုကို တိုက်ခိုက်ခဲ့ကြောင်း၊စစ်ကိုင်းတိုင်းဒေသကြီးနှင့် မကွေးတိုင်း ဒေသကြီးအတွင်း၌ AA အဖွဲ့များပါ ပူးပေါင်း၍ စစ်ကိုင်းတိုင်းဒေသကြီးအတွင်းရှိ ထီးချိုင့်၊ ကန့်ဘလူ၊ ကော လင်း၊ တမူး၊ ခမ်းပတ် ၊ ချင်းပြည်နယ်ဟားခါး၊ လိုင်လင်းပီ မြို့များကိုပစ်ခတ် တိုက်ခိုက်မှု များလုပ်ဆောင်ခဲ့ ကြောင်း သိရသည်။

TNLA အဖွဲ့ အနေဖြင့်လည်း မန္တလေး-လားရှိုး-သိန္နီလမ်းကြောင်း ပေါ်ရှိ နောင်ချို၊ သိန္နီမြို့ ၊လားရှိုးမြို့တို့တွင် Drone ကြီးများသုံး၍ Drop Bomb များဖြင့် တိုက်ခိုက်ခဲ့ကာ ယခုအခါ မူဆယ်ကိုလည်း လာရောက် တိုက် ခိုက်လျက်ရှိကြောင်း ၎င်းကပြောသည်။

နစကအနေဖြင့် ၂၀၂၁ ခုနှစ်မှစတင်၍ ဖြစ်ပေါ်ခဲ့သည့် ဆူပူမှု နှင့် အကြမ်းဖက်မှုများကြောင့် တပ်မတော်နှင့် ရဲတပ်ဖွဲ့များပူးပေါင်း၍ နယ်မြေလုံခြုံ ရေးနှင့် တည်ငြိမ်အေးချမ်းရေးလုပ်ငန်းများကိုဆောင်ရွက်သည့် စစ်ဆင် ရေးတွင်လည်း အထူးကန့်သတ်ထိန်းသိမ်းဆောင်ရွက်ခဲ့ရသည့် အတွက် လုံခြုံရေးအရ တပ်ဖွဲ့ဝင်များထား ရသည့် နေရာများသို့ MNDAA နှင့်ပူးပေါင်းအဖွဲ့များက Drop Bomb များဖြင့်တိုက်ခိုက် ခြင်း၊ သာလွန်အင်အား များဖြင့် တိုက်ခိုက်ခြင်းများလုပ်ဆောင်ခဲ့ခြင်းကြောင့် မိသားစု ဝင်များ၏ အသက်အန္တရာယ်လုံခြုံရေးအရ အချို့ နေ ရာများကို စွန့်ခွာပေးခဲ့ကြောင်း၊ နယ်စပ်ဒေသဖြစ်ခြင်းကြောင့် တစ်ဖက်နိုင်ငံမှအထင်အမြင် မလွဲမှားစေရန် ကန့်သတ် ထိန်းသိမ်း ဆောင်ရွက်ရပြီး အရပ်သူအရပ်သားအပြစ်မဲ့ ပြည်သူများမထိခိုက်အောင် လည်း ဆောင် ရွက်ခဲ့ရခြင်းများလည်းရှိကြောင်းလည်း ယင်းကပြောသည်။

ရှမ်းပြည်နယ်မြောက်ပိုင်း၊ လောက်ကိုင်ဒေသတွင် ယခုကဲ့သို့ ရှုပ်ထွေးမှုများ ဖြစ်လာခဲ့ခြင်းမှာ ကျားဖျန့်ဟုခေါ် သည့် အွန်လိုင်းလောင်းကစားများမှတစ်ဆင့် ပေါ်ပေါက်လာခြင်းဖြစ်ကြောင်း၊ ၊ AA အဖွဲ့အနေဖြင့် ၂၀၂၁ ခုနှစ် မတ်လ ၁ ရက်တွင် နီပွန်ဖောင်ဒေးရှင်းမှ စေ့စပ်စီစဉ်ပေးမှုဖြင့် ပစ် ခတ်တိုက်ခိုက်မှုများရပ်စဲပေးခဲ့ပြီး တစ်ဖက်မှလည်း အကြမ်းဖက်အုပ်စုအဖြစ် ကြေညာ ထားခြင်းမှ ရုတ်သိမ်းပေးခဲ့ကြောင်း၊ ထိုအချိန်မှစ၍ AA အဖွဲ့အနေဖြင့် လူသစ်စုခြင်း၊ ပြန်ပေးဆွဲခြင်း၊ အုပ်ချုပ်မှုကိစ္စရပ်များတွင်ဝင်ရောက်စွက်ဖက်ခြင်းနှင့် တပ်စ ခန်းများ တိုးချဲ့ဆောက်လုပ်လာခြင်းကြောင့် အကြိမ်ကြိမ်သတိပေး ဆောင် ရွက်ခဲ့ရကြောင်း၊ မိုခါမုန်တိုင်း ဝင်ရောက်ချိန်တွင် ရခိုင်ပြည်နယ်အတွင်း ထိခိုက်ပျက်စီး ဆုံးရှုံးမှုများကို ပြန်လည်ထူ ထောင်ရေး လုပ်ဆောင်ရာ ယခုအခါ ၉၉ ရာခိုင်နှုန်းခန့် ပြီးစီးနေပြီဖြစ်သော်လည်း AA အဖွဲ့အနေဖြင့် သစ္စာမရှိဘဲ ယာယီပစ်ခတ် တိုက်ခိုက်မှုရပ်စဲရေးသ ဘောတူညီချက်ကိုချိုးဖောက်ကာ MNDAA အဖွဲ့နှင့်ဖြစ်ပွားသည့် ဖြစ်စဉ်များတွင်ပါဝင်ခဲ့ပြီး မကြာခင်က ပလက်ဝဒေသရှိ လုံခြုံရေးစခန်းငယ်နှစ်ခု နှင့် ပေါက်တောမြို့နှင့် ရဲစခန်းအချို့ ကို လည်း သာလွန် အင်အားများဖြင့် တိုက်ခိုက်ခဲ့ရာယခု ထိန်းချုပ်ထားနိုင်ပြီဖြစ် ကြောင်းလည်း နစက ဥက္ကဌက ပြောသည်။

ပြီးခဲ့သည့် နိုဝင်ဘာလ ၁၁ ရက်မှစတင်ပြီး KNPP/KNDF ကယားပြည်နယ် လွိုင်ကော်မြို့သို့ အင်အားအလုံး အရင်း ဖြင့် ဝင်ရောက်တိုက်ခိုက်ခဲ့သော်လည်း သတင်းပေးမှုအရ အချို့အဖွဲ့ များကိုချေမှုန်းတိုက်ခိုက်နိုင်ခဲ့ ကြောင်း၊ အဆိုပါတိုက်ပွဲ ၂၀၂၂ ခုနှစ် ဒီဇင်ဘာလ ၁၇ ရက်တွင် ၎င်းတို့အတွက် ကြိုတင်စု ဆောင်း သည့် လက်နက်အလက် ၅၀၀ နှင့်ခဲယမ်းများကိုဟိုပုံးမြို့နယ်အတွင်းဖမ်းဆီးရမိခဲ့ပြီး နိုဝင်ဘာလ ၁၆ ရက်ကလည်း လက်နက်မျိုးစုံ ၁၃၀ လက် ၊ ကျည်မျိုးစုံ ၁၃၀၀၀ ကျော်၊ လက်ပစ်ဗုံး ၇၆၀၀ ကျော်၊ လက်နက်ငယ်ပြောင်းပို ၅၀၀ ချောင်းနှင့် အခြားခဲယမ်းများကို ဖမ်းဆီးရမိခဲ့ကြောင်းလည်း ယင်းကပြောသည်။

ကယားပြည်နယ်အတွင်းသို့ နည်းလမ်းမျိုးစုံဖြင့် ပို့ဆောင်လျက်ရှိသော လက်နက်ခဲယမ်း များကို ဖမ်းဆီးရမိ မှုများရှိခဲ့သဖြင့် KNPP/KNDF အဖွဲ့နှင့် PDF အမည်ခံအကြမ်းဖက်သမားများ၏ အကြမ်းဖက်မှုများကို အတိုင်း အတာတစ်ခုအထိ ဟန့်တားနိုင်ခဲ့ခြင်းပင်ဖြစ်ပြီး လက်ရှိ အချိန်တွင် ပြန်လည်ထိန်းချုပ်ထားနိုင် ခဲ့ပြီဖြစ် ကြောင်းကို လွိုင်ကော်ဒေသကို အသိပေး လိုပါ ကြောင်းလည်းပြောကြားခဲ့သည်။

KNU အဖွဲ့နှင့် ကြီးမားသည့် တိုက်ပွဲများ မဖြစ်ပွားသည်မှာ ကြာပြီဖြစ်ကြောင်း၊ ပြီးခဲ့သည့် ဧပြီလ ၂၄ ရက်တွင် ပြုလုပ်ခဲ့သည့် KNU ၏ ၁၇ ကြိမ်မြောက် ကွန်ဂရက်အစည်းအဝေးတွင် ထိုအချိန်က ဥက္ကဋ္ဌဖြစ်သူ စောမူတူးစေး ဖိုး အား ဖြုတ်ချ၍ ဖဒိုကွယ်ထူးဝင်း ဥက္ကဋ္ဌ အဖြစ်တက်လာခဲ့ပြီးနောက် KNLA တပ်မဟာ ၅ ၊ တပ်မဟာ ၆ တို့သည် NCA လမ်းကြောင်းပေါ်မှ သွေဖယ်ခဲ့ပြီး တပ်မတော်တပ်စခန်းငယ်များနှင့် မြဝတီ၊ ကော့ကရိတ်မြို့ တို့ကို တိုက်ခိုက်လျက်ရှိရာ ပြီးခဲ့သည့် နိုဝင်ဘာလ ၂၄ ရက် တွင် KNLA တပ်မဟာ ၅ အနေဖြင့် တပ်မတော် တပ်စခန်းတစ်ခုကို အင်အား အလုံး အရင်းဖြင့် တိုက်ခိုက်ခဲ့ပြီး တပ်မဟာ ၆ အနေဖြင့် နိုဝင်ဘာလ ၂၇ ရက် တွင် ကျိုက်မရော မြို့နယ်ရှိ ချောင်းနှစ်ခွတံတားကို တိုက်ခိုက်ဖောက်ခွဲဖျက်ဆီးခဲ့ကြောင်းလည်း နစက ဥက္ကဌက ပြောသည်။

အလားတူ UWSA အဖွဲ့အနေဖြင့် ၁၉၈၉ ခုနှစ်တွင် ဥပဒေဘောင်အတွင်း သို့ဝင်ရောက်၍ ငြိမ်းချမ်းရေးယူခဲ့ပြီး နိုင်ငံတော်အနေဖြင့် “ဝ” ဒေသကို အထူးဒေသ (၂) အဖြစ် သတ်မှတ်ပေးခဲ့ကာဒေသအတွက် လိုအပ်သည့် ဆန်များကိုလည်း စဉ်ဆက်မပြတ်ထောက်ပံ့ပေးပို့ခဲ့ကြောင်း၊ သို့သော်လည်းလွန်ခဲ့သည့် ၁၀ စုနှစ်မှစ၍ “ဝ” ဒေသသည် သိသိသာသာ ဖွံ့ဖြိုး တိုးတက်လာကာလက်နက်ထုတ်လုပ်မှုများကို တွင်တွင် ကျယ်ကျယ် လုပ်ဆောင်လာသည်ကိုတွေ့ရကြောင်းလည်းနစက ဥက္ကဌက ပြောသည်။

တိုင်းရင်းသားလက်နက်ကိုင်အဖွဲ့များအနေဖြင့် ငြိမ်းချမ်းရေးကို အကြောင်းပြု၍ နောက်ကွယ်တွင် အင်အားစု စည်းတည်ဆောက်ခြင်း၊ လက်နက်ခဲယမ်းမီးကျောက်များ အပြိုင်အဆိုင်တည်ဆောက်ထုတ်လုပ်ခြင်း၊ PDF အမည်ခံအကြမ်းဖက်အဖွဲ့များကို အကြမ်းဖက်သင်တန်းများ ဖွင့်လှစ်သင်တန်း ပေးခြင်း၊ လက်နက်ခဲယမ်းမီး ကျောက်များ ရောင်းချပေးခြင်း စသည်တို့ကို လုပ်ဆောင် လျက်ရှိပြီး ငြိမ်းချမ်းရေးအပေါ် အမြတ်ထုတ်လျက် ရှိသည်ကို တွေ့မြင်ရကြောင်း နစက ဥက္ကဌက ပြောကြားခဲ့သည်။
Yangon_Times/PP
#Local_News
#Published 30 November 2023
#Yangon_Times #YMG_News #Yangon_Media_Group

Published 30 November 2023

လူတွေဖျားနာတဲ့အခါ ရပ်ကွက်ထဲက ဆေးဆိုင်သွားပြီး ဆေးဝယ်ယူသောက်သုံးလေ့ရှိကြပါတယ်။

ထိုပိုးသတ်ဆေးတွေကြောင့် သက်သာသွားကြပေမယ့် ဒါဟာ ကပ်ရောဂါဖြစ်လာနိုင်တဲ့ အခြေအနေတစ်ခု ဖြစ်နေပါတယ်။

ဒီလိုလုပ်ရပ်ကြောင့် ပဋိဇီဝဆေးယဥ်ပါးခြင်း ဖြစ်လာနိုင်ပြီး ကမ္ဘာတဝှမ်းမှာ ဒုက္ခအပေးနိုင်ဆုံး ကပ်ဘေး ဖြစ်လာနိုင်ပါတယ်။

ဘက်တီးရီးယားများ၊ ဗိုင်းရပ်စ်များ၊ မှိုများ၊ ကပ်ပါးကောင်များက အချိန်နဲ့အမျှ ပြောင်းလဲလာပြီး ဆေးမတိုးတော့တဲ့အခါ ပဋိဇီဝဆေးယဥ်ပါးခြင်း ဖြစ်လာပါတယ်။

ထိုကနေ ရောဂါများကို ကုသရန် ပိုမိုခက်ခဲလာပြီး ရောဂါပိုမိုပျံ့ပွား ဆိုးရွားလာကာ ပိုပြီးအသက်အန္တရာယ် ရှိလာကြောင်း WHO က ဆိုပါတယ်။

ပဋိဇီဝဆေးတွေကို မှားယွင်းစွာ အသုံးပြုကြခြင်းကြောင့် ဆေးယဥ်ပါးခြင်း ပျံ့နှံ့ပွားများလာတာ ဖြစ်ပါတယ်။

လူတွေက မိမိဘာသာ ဆေးဝယ်ယူသောက်သုံးခြင်းအပြင် ဆရာဝန်က ညွှန်ကြားတဲ့ ဆေးတွေကို ဆေးပတ်လည်အောင် မသောက်သုံးခြင်းတို့လည်း ပါဝင်နေပါတယ်။

၂၀၁၉ ခုနှစ်မှာ ဆေးယဥ်ပါးခြင်းကြောင့် လူပေါင်း ၁.၂၅ သန်း သေဆုံးခဲ့ရပါတယ်။

အိန္ဒိယဟာ ကမ္ဘာပေါ်မှာ ပဋိဇီဝဆေးယဥ်ပါးခြင်း အဖြစ်ဆုံးနိုင်ငံတွေထဲက တစ်ခုဖြစ်ပါတယ်။

မိမိဘာသာ ဆေးသောက်သုံးခြင်း မပြုရန်နဲ့ ဆရာဝန်ညွှန်ကြားတဲ့အတိုင်း ဆေးပတ်လည်အောင် သောက်သုံးရန် ညွှန်ကြားထားပါတယ်။

ဆေးယဥ်ပါးခြင်းဟာ အသံတိတ်ကပ်ရောဂါ ဖြစ်နေတယ်လို့ ဆရာဝန်များက သတ်မှတ်ထားပါတယ်။

ဆေးဆိုင်တွေမှာ ပဋိဇီဝဆေးတွေကို ဆေးညွှန်းမပါဘဲ ဝယ်ယူနိုင်တာဟာ ပြဿနာကြီးတစ်ရပ် ဖြစ်နေပါတယ်။

ပဋိဇီဝဆေးယဥ်ပါးခြင်းကြောင့် ကျန်းမာရေး၊ စီးပွားရေး၊ လူမှုရေးတို့ကိုပါ ထိခိုက်လာစေကြောင်း အိန္ဒိယရောဂါ ကူးစက်မှုထိန်းချုပ်ရေး ဥက္ကဌ ဒေါက်တာရန်ဂါ ရက်ဒီဘူရီက ဆိုပါတယ်။

ယခုနှစ် ဂျီ ၂၀ ထိပ်သီးအစည်းအဝေးမှာလည်း WHO အရှေ့တောင်အာရှဆိုင်ရာ ညွှန်ကြားရေးမှူးက ပဋိဇီဝဆေးယဥ်ပါးခြင်းကို အဓိကကျန်းမာရေး ပြဿနာအဖြစ် ဖော်ပြခဲ့ပါတယ်။

ရောဂါကူးစက်စဥ် ဆေးဝါးများကို ထိရောက်စွာ အသုံးမပြုနိုင်ခြင်းကြောင့် ရောဂါပိုးမွှားများဟာ ပြောင်းလဲလာပြီး ဆေးယဥ်ပါးလာတာ ဖြစ်ပါတယ်။
Source: India Today
#World_Health
#Published 30 November 2023
#Yangon_Times #YMG_News #Yangon_Media_Group

Published_ 30 November 2023

မြန်မာ-အိန္ဒိယ နှစ်နိုင်ငံနယ်စပ်ဒေသ တရားဥပဒေစိုးမိုးရေး၊ တည်ငြိမ်အေးချမ်းရေး နှင့် ဖွံ့ဖြိုးတိုးတက်ရေးအတွက် ပိုမိုနီးကပ်စွာ ပူးပေါင်းဆောင်ရွက်သွားရေး နှစ်နိုင်ငံတာဝန်ရှိသူများ ရင်းနှီးပွင့်လင်းစွာ အမြင်ချင်းဖလှယ် ဆွေးနွေးခဲ့ကြကြောင်း သိရပါတယ်။

ဒုတိယဝန်ကြီးချုပ်နှင့် နိုင်ငံခြားရေးဝန်ကြီးဌာနဝန်ကြီး ဦးသန်းဆွေသည် မြန်မာနိုင်ငံဆိုင်ရာ အိန္ဒိယနိုင်ငံသံအမတ်ကြီး မစ္စတာဗီနေးကူးမား အား နိုဝင်ဘာ ၂၉ ရက်၊ တွင် နေပြည်တော်ရှိ နိုင်ငံခြားရေးဝန်ကြီးဌာန၌ လက်ခံတွေ့ဆုံစဉ်ဆွေးနွေးခဲ့တာ ဖြစ်ပါတယ်။

ထိုသို့တွေ့ဆုံစဉ် မြန်မာ-အိန္ဒိယ နှစ်နိုင်ငံအကြား အစဉ်အလာအရ ချစ်ကြည်ရင်းနှီး သော ဆက်ဆံရေးနှင့် နှစ်နိုင်ငံအကျိုးတူ ပူးပေါင်းဆောင်ရွက်မှုများ ပိုမိုတိုးမြှင့်ရေး တို့ကိုလည်း ဆွေးနွေးခဲ့ကြောင်း သတင်းရရှိပါတယ်။
ymg_mnn
#Local_News
#Published 30 November 2023
#Yangon_Times #YMG_News #Yangon_Media_Group

၂၉ နိုဝင်ဘာ ၂၀၂၃

တရုတ်ပြည်သူ့လွတ်မြောက်ရေးတပ်မတော်(ရေ)မှ စစ်ရေယာဉ် ၃ စင်း ရှိ စစ်သည်များ  ရန်ကုန်မြို့အတွင်း ချစ်ကြည်ရေး  ခရီးလည်ပတ်မှု

နယ်စပ်ဒေသတရားဥပဒေစိုးမိုးရေး၊ လုံခြုံရေးလုပ်ငန်းများဆောင်ရွက်မှုအနေဖြင့် တရားမဝင် ဝင်ရောက်နေထိုင်သူများအား  တရုတ်နိုင်ငံသို့ ပြန်လည်လွှဲပြောင်းပေးမှု အခြေအနေ

ဖမ်းဆီးခံထားရသောလွိုင်ကော်တက္ကသိုလ်မှ ဆရာ၊ဆရာမများနှင့် ကျောင်းသူ၊ ကျောင်းသား ၁၉၃ ဦးထပ်မံ လွတ်မြောက်မှု

၂၉-၁၁-၂၀၂၃ ရက်နေ့ ရှမ်းပြည်နယ်(အရှေ့မြောက်ဘက်)၊ စစ်ကိုင်းတိုင်းဒေသကြီးနှင့် ကယားပြည်နယ်တို့တွင် ထိတွေ့တိုက်ပွဲ ဖြစ်ပွားမှုအခြေအနေများ

ရှမ်းပြည်နယ်အတွင်းရှိ (RCSS/SSA) နှင့်  (SSPP) EAO အဖွဲ့များ  ပစ်ခတ်တိုက်ခိုက်မှု ရပ်စံမှု

တို့နှင့်ပတ်သက်၍ နစက သတင်းထုတ်ပြန်ရေးအဖွဲ့ခေါင်းဆောင်် ဗိုလ်ချုပ်ဇော်မင်းထွန်းက ပြောကြားခဲ့ပါတယ်။

အဆိုပါပြောကြားချက်အပြည့်အစုံကို ပြန်လည်ဖော်ပြပေးအပ်ပါတယ်။

-ymg/knl

အခုဆိုရင် ကိုလံဘီယာမှာ ကိုကိုးစေ့စိုက်ပျိုးခြင်းက နာမည်ကြီးလာပါပြီ။

ကိုလံဘီယာနိုင်ငံက ကိုကိန်းထုတ်လုပ်တဲ့ ကိုကာပင်တွေနေရာမှာ ချောကလက်ထုတ်လုပ်တဲ့ ကိုကိုးပင်တွေနဲ့ အစားထိုးစိုက်ပျိုးထားပြီး လယ်သမားတွေရဲ့ ဘဝကို တိုးတက်စေခဲ့ကာ အမေဇုန်မိုးသစ်တော ထိန်းသိမ်းရေးနဲ့ ပြန်လည်ပျိုးထောင်ခြင်းအတွက်လည်း အထောက်အကူ ဖြစ်စေပါတယ်။
#World_Industry
#Published 29 November 2023
#Yangon_Times #YMG_News #Yangon_Media_Group

#Daily_News
Published_ 29 November 2023

၁။ အယ်နီညိုသက်ရောက်မှုရှိပေမည့် မနှစ်က ဆောင်းရာသီအတိုင်း ရန်ကုန်တိုင်းတွင် ဒီဇင်ဘာ၌ စအေးမည်

၂။ ဂျပန် နှင့်တောင်ကိုရီးယားသို့ မြန်မာ့ဆားကြမ်းများ တင်ပို့ရန် ပြင်ဆင်နေ

၃။ လောက်ကိုင်မှ နေရပ်ပြန်လာသည့် ပြည်သူများကို ဟိုပုံးမြို့ရှိ လူမှုကူညီရေးအသင်းနှင့် ပြည်သူများက ကူညီပေး

၄။ ကိုကိန်းထုတ်လုပ်သည့် ကိုကာအပင်များအစား ချောကလက်ထုတ်လုပ်သည့် ကိုကိုးအပင်များ စိုက်ပျိုးလာသည့် ကိုလံဘီယာနိုင်ငံ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

၂၉ နိုဝင်ဘာ ၂၀၂၃

အမေရိကန် စစ်လေယာဉ် အော့စ်ပရေး လေယာဉ်သည် နိုဝင်ဘာ ၂၉ ရက် ဂျပန်နိုင်ငံ ယူကူရှီမားကျွန်းအနီး သမုဒ္ဒရာထဲ ပျက်ကျသွားပြီး လေယာဉ်ပေါ် လူ (၆) ဦးလိုက်ပါသွားပြီး အနည်းဆုံးတစ်ဦးသေဆုံးခဲ့တယ်လို့ ရိုက်တာသတင်းအရသိရပါတယ်။

ရေထဲက နှစ်ဦးကိုဆွဲထုတ်လိုက်တယ်ဆိုပေမယ့် အဲဒီလူတွေရဲ့အခြေအနေကိုမသိရပါဘူး။

စစ်လေယာဉ်ဟာ ဒေသစံတော်ချိန် မွန်းလွဲ ၂နာရီ ၄၇ မိနစ်ခန့်မှာည ပျက်ကျခဲ့တာဖြစ်ပြီး လေယာဉ်ရဲ့ ဘက်ဖက်အင်ဂျင်ကနေ မီးတောက်လောင်ပြီး ပင်လယ်ထဲ ထိုးကျသွားတာတွေ့ရတယ်လို့ မျက်မြင်ဒေသခံတွေက ပြောတဲ့အကြောင်း အမ်ဘီစီက သတင်းပေးပို့ပါတယ်။

အဆိုပါ လေယာဉ်ပျက်ရဲ့ အစိတ်အပိုင်းအချို့ကို ယူကူရှီးမားကျွန်းမှ နှစ်မိုင်ခန့်အကွာရေပြင်တွင် ရှာတွေ့ရတယ်လို့  ဂျပန်ကမ်းခြေစောင့်တပ်ကပြောပါတယ်။

လေယာဉ်ဟာ ရေဒါကနေ ပျောက်သွားခဲ့တာဟာ မွန်းလွဲ ၂နာရီ ၄၀ မိနစ်ခန့်ကဖြစ်တယ်လို့ ဂျပန်အစိုးရအဖွဲ့အတွင်းရေးမှူး ဟီရိုကာဇူ မတ်ဆူနိုကပြောပါတယ်။

ဩဂုတ်လတုန်းက အမေရိကန် အော့စ်ပရေးလေယာဉ်တစ်စီးဟာ ဩစတြေလျမြောက်ပိုင်းကမ်းခြေအနီးမှာ ပုံမှန်စစ်ရေးလေ့ကျင့်မှုတစ်ခုအတွင်း တပ်တွေကိုပို့ဆောင်ပေးနေစဉ်ပျက်ကျခဲ့ပြီး မရင်းတပ်သား (၃)ဦးသေဆုံးခဲ့ရပါတယ်။

၂၀၁၆ခုနှစ် ဒီဇင်ဘာလတုန်းကလည်း ဂျပန်တောင်ပိုင်း အိုကီနာဝါကျွန်းအနီးမှာ အဆိုပါအမျိုးအစား လေယာဉ်တစ်စီး ပျက်ကျခဲ့ပြီးနောက် အမေရိကန်တပ်က လေယာဉ်တွေ ပျံသန်းတာယာယီရပ်တန့်ခဲ့ပါတယ်။

ရဟတ်ယာဉ်လိုရော လေယာဉ်တစ်စီးလိုပါ ပျံသန်းနိုင်တဲ့ အဆိုပါလေယာဉ်ကို အမေရိကန်မရင်းတပ်၊ အမေရိကန်ရေတပ် နှင့် ဂျပန်ကိုယ်ပိုင်ကာကွယ်ရေးတပ်တွေက စီမံလုပ်ဆောင်ပေးနေတာ ဖြစ်ပါတယ်။

အော့စ်ပရေးလေယာဉ်တွေ ဂျပန်မှာ နေရာချထားတာဟာ အငြင်းပွားစရာဖြစ်နေခဲ့ပါတယ်။ အဆိုပါ နှစ်မျိုးသုံးလေယာဉ်ဟာ စိတ်မချရဘူးလို့ ဝေဖန်ပြောဆိုနေခဲ့ကြပြီး အမေရိကန်နှင့်ဂျပန်စစ်တပ်နှစ်ခုစလုံးက အဲဒါကို ငြင်းဆိုထားပါတယ်။

Source Reuters