#Local_News
Published 20 January 2025
▪️ မကွေးတိုင်းဒေသကြီး မင်းဘူး (စကု) မြို့နယ်ရှိ မန်းရွှေစက်တော်ဘုရားပွဲ ကျင်းပရန် တည်းခိုဆောင်နှင့် ဈေးဆိုင်ခန်းပေါင်း ၁၀၀ကျော်အထိ ဆောက်လုပ်ပြီးစီးရာ ကျန် ရှိသည်များကိုဆက်လက်ဆောက်လုပ်နေကြောင်း မန်းရွှေစက်တော် ဘုရားပွဲတော်ကျင်းပရေး လုပ်ငန်းကော်မတီထံမှ သိရသည်။
▪️ အဆိုပါ ဘုရားပွဲတော်ကို ဖေဖော်ဝါရီ ၂ ရက်မှ ဧပြီ ၁၇ ရက်အထိ ရက်ပေါင်း ၇၅ ရက်ကြာ ကျင်းပမည်ဖြစ်သည်။
▪️ ထို့ကြောင့် ဘုရားဖူးများ ညအိပ်တည်းခိုနားနေနိုင်ရန် တည်းခိုဆောင်အခန်းပေါင်း ၆၀၀ ကျော်နှင့် ဈေးဆိုင်ခန်းပေါင်း ၈၀၀ ကျော် တည်ဆောက်သွားမည်ဖြစ်ပြီး လက်ရှိတွင် ၁၄၀ကျော်အထိဆောက်လုပ်ပြီးစီးပြီဖြစ်ကာ ရက်ပိုင်းအတွင်းပြီးစီးမည်ဖြစ်ကြောင်း သိရသည်။
▪️ ထို့အပြင် ဘုရားဖူးများ သွားလာရေးအဆင်ပြေစေရန်အတွက် သောင်ပြင်အတွင်း၌ ယာယီဘေလီသံပေါင်တံတား (အထူး တံတား) တစ်စင်းကိုလည်း ဆောက်လုပ်ပေးထားကြောင်း သိရသည်။
#YMG/NN #Yangon_Times
