Published 02 December 2023

မသန်စွမ်းသူများ၏ အခွင့်အရေးဆိုင်ရာ မဟာ ဗျူဟာ(၅) နှစ်စီမံကိန်း ၂၀၂၂-၂၀၂၇ ကို အတည်ပြုပြဋ္ဌာန်း အကောင်အထည်ဖော် ဆောင်ရွက်နေပြီဖြစ်ကြောင်း ဒီဇင်ဘာလ ၃ ရက်က နေပြည်တော်ရှိ မြန်မာအပြည်ပြည် ဆိုင်ရာ ကွန်ဗင်းရှင်းဗဟိုဌာန-၂ (MICC-II) ၌ ပြု လုပ်သော ၂၀၂၃ခုနှစ်၊ အပြည်ပြည်ဆိုင်ရာ မသန်စွမ်းသူများ နေ့ အထိမ်းအမှတ်အခမ်း အနားတွင် နိုင်ငံတော် စီမံအုပ်ချုပ်ရေးကောင်စီ ဒုတိယဥက္ကဋ္ဌ ဒုတိယဝန်ကြီးချုပ် ဒုတိယ ဗိုလ်ချုပ်မှူးကြီး စိုးဝင်း ကပြောသည်။

“မသန်စွမ်းသူများ၏ အခွင့်အရေးများဆိုင်ရာ အမျိုးသား ကော်မတီ” ကို ၂၀၁၇ ခုနှစ်တွင် ဖွဲ့စည်းခဲ့ကာ ရေရှည် တည်တံ့ ခိုင်မြဲပြီး ဟန်ချက် ညီသော ဖွံ့ဖြိုးတိုးတက်မှုစီမံချက်၊ အာဆီယံ မဟာဗျူဟာ လုပ်ငန်းစဉ်၂၀၁၅ တို့နှင့် အညီအကောင်အထည်ဖော်နေခြင်း ဖြစ်ကြောင်း သိရသည်။

ယခု ၂၀၂၃ ခုနှစ်တွင် ကျရောက်သည့် အပြည်ပြည်ဆိုင်ရာ မသန်စွမ်း သူများနေ့၏ ဦးတည်ဆောင်ပုဒ် ဖြစ် သည့် “စဉ်ဆက်မပြတ်ဖွံ့ဖြိုးဖို့ မသန်စွမ်းသူ များနှင့်အတူ ကူညီဆောင်ရွက်စို့” နှင့်အညီ စဉ်ဆက်မပြတ်ဖွံ့ဖြိုးမှု ပန်းတိုင်များ Sustainable Development Goals ရရှိစေရေး ဦးတည်ဆောင်ရွက်ကြရာတွင် မသန် စွမ်းမှုကို အကြောင်းပြုပြီး ချန်လှပ် ထားခဲ့ခြင်းမရှိစေဘဲ မည်သူတစ်ဦး တစ်ယောက်မျှ နောက်ကျမကျန်ရစ်စေရေး Leaving no one behind မူကို လက်ကိုင်ထားပြီး မသန် စွမ်းသူများ၏ အခွင့်အရေးကို မသန်စွမ်းသူများ နှင့်အတူ ပူးပေါင်းကူညီ ဆောင်ရွက် ပေးကြရန်လည်း ယင်းက တိုက်တွန်းခဲ့သည်။

မသန်စွမ်းမှုဆိုင်ရာ အရေးကိစ္စများကို သိရှိနားလည်နိုင်စွမ်း မြှင့်တင်ရန်၊ မသန်စွမ်းသူများ၏ ဂုဏ်သိက္ခာ၊ လူ့အ ခွင့်အရေးနှင့် အကျိုးစီးပွားတို့ကို ပံ့ပိုးကူညီ ဆောင်ရွက်နိုင်ရေး စည်းရုံး လှုံ့ဆော်ရန်အတွက် ဒီဇင်ဘာလ (၃) ရက်နေ့ကို အပြည်ပြည်ဆိုင်ရာ မသန်စွမ်းသူများ နေ့အဖြစ် သတ်မှတ်ပြီး ကုလသမဂ္ဂက ဦးဆောင်၍ ကမ္ဘာတစ် ဝန်း နှစ်စဉ်ကျင်းပခြင်း ဖြစ်ကြောင်း သိရသည်။

မြန်မာနိုင်ငံအနေဖြင့် မြန်မာ့လူ့ဘောင် အဖွဲ့အစည်းအတွင်းရှိ မသန်စွမ်းသူများ၏ဘဝ အရည်အသွေး ပိုမိုဖွံ့ ဖြိုးလာစေရန်၊ အများပြည်သူနည်းတူ တန်းတူညီမျှ အခွင့်အရေးရရှိရေး ကြိုးပမ်းဖော်ဆောင်ရန်၊ မသန်စွမ်း သူ များ၏ ဂုဏ်သိက္ခာနှင့် စွမ်းဆောင်ရည်တို့ကို အလေးဂရုပြုတတ်စေရန်စသည့် ရည်ရွယ်ချက် များနှင့် အပြည် ပြည် ဆိုင်ရာ မသန်စွမ်းသူများနေ့ အထိမ်းအမှတ် အခမ်းအနားများကို ၁၉၉၄ ခုနှစ် ကစ၍ ကျင်းပခဲ့ရာ ယခုနှစ်အထိ အကြိမ်(၃၀)ပြည့် မြောက်ပြီ ဖြစ်ကြောင်း သိရသည်။
Yangon_Times/PP
#Local_News
#Yangon_Times #Daily_News #YMG_News #Yangon_Media_Group

Published 4 December 2023

ပြည်ထဲရေးဝန်ကြီးဌာန အထူးစုံစမ်းစစ်ဆေးရေးဦးစီးဌာန တွင် လစ်လပ်နေသော လက်ထောက်စုံစမ်းရေးမှုးရာထူး ၆၅နေရာ အတွက် အလုပ်လျှောက်လွှာခေါ်ယူကာ သတ်မှတ်ချက် နှင့်ကိုက်ညီသည့် အမျိုးသား အမျိုးသမီး များ လာရောက်ာလျှောက်ထား နိုင်ကြောင်း နိုင်ငံပိုင် သတင်းစာ တွင် ကြေညာ ထားသည်။

လျှောက်ထားသူများ အနေဖြင့် အသက်၁၈ မှ ၂၇ နှစ် အတွင်း ရှိ်ရမည် ဖြစ်ပြီး အိမ်ထောင်မရှိ သူ ဖြစ်ရမည် ဖြစ်ကြောင်း တက္ကသိုလ်မှ ဘွဲ့တစ်ခုခုရရှိ ထားရမည် ဖြစ်ပြီး ဥပဒေဘွဲ့ စီးပွားရေးဘွဲ့၊အင်္ဂလိပ်စာ ဘွဲ့နှင့်ကွန်ပျူတာ ဘွဲ့ ရသူများ ကို ဦးစားပေးမည် ဖြစ်ကာ အခြားသတ်မှတ်ချက်များ လည်း ရှိကြောင်း သိရသည်။

ထို့ပြင် အရည်ချင်းစစ် စာမေးပွဲ ကို ရေးဖြေ ဖြေဆိုရမည် ဖြစ်ကာ ဖြေဆိုအောင်မြင်ပါက ကြံခိုင်စွမ်းရည်စစ်ဆေးခြင်း ၊လူတွေ့စစ်ဆေးခြင်းနှင့်ဆေးအဆင့်စစ်ဆေးခြင်းများ ပြုလုပ်မည် ဖြစ်ကြောင်း သိရသည်။

လျှောက်လွှာ တင်ခြင်း ကို ဒီဇင်ဘာ ၂၂ရက် နောက်ဆုံး ထားပြီး လျှောက်လွှာ ထုတ်ယူနိုင်သည့် တိုင်းနှင့်ပြည်နယ် အထူးစုံစမ်းစစ်ဆေးရေးဦးစီးဌာန ရုံး များ ကို ပေးပို့ရမည် ဖြစ်ကြောင်း သိရသည်။
Yangon Time/LW
#Local_News
#Yangon_Times #Daily_News #YMG_News #Yangon_Media_Group

၄ နိုဝင်ဘာ ၂၀၂၃

ကျူဘားနိုင်ငံကို သူလျှိုလုပ်ပေးမှုနှင့် အမေရိကန် သံအမတ်ကြီးဟောင်းတစ်ဦးကို ဖမ်းဆီးလိုက်ပါတယ်။ သူဟာ အမေရိကန်ပြည်ထောင်စု ဆိုင်ရာ ဘိုလစ်ဗီယားနိုင်ငံသံအမတ်ကြီးအဖြစ် တာဝန်ထမ်းဆောင်ခဲ့သူဖြစ်ပြီး ကျူးဘားနိုင်ငံရဲ့ သူလျှိုအဖြစ် လျှို့ဝှက်စွာတာဝန်ထမ်းဆောင်ခဲ့သူလို့စွပ်စွဲပြီး ဖမ်းဆီးခဲ့တာဖြစ်တယ်လို့အေပီက သတင်းရေးသားပါတယ်။

အသက် ၇၃နှစ်အရွယ်ရှိပြီဖြစ်တဲ့ သံအမတ်ကြီးဟောင်း မန်နျူယယ်ရိုချာကို သောကြာနေ့က မီယာမီမှာ ဖမ်းဆီးခဲ့တာဖြစ်ပါတယ်။

အေပီသတင်းအရ တနင်္လာနေ့(ဒီဇင်ဘာ၄)ရက်နေ့ တရားရုံးထုတ်တဲ့အခါ အဆိုပါအမှုနှင့်ပတ်သက်တဲ့ အသေးစိတ်ကို လူသိရှင်ကြား ထုတ်ပြန်ပေးမယ်လို့ မျှော်လင့်ထားကြပါတယ်။

တရားရေးဌာနရဲ့ အမှုတွဲထဲမှာ ရိုချာဟာ ကျူဘားအစိုးရရဲ့ အကျိုးစီးပွားကို မြှင့်တင်ပေးဖို့ အလုပ်လုပ်ခဲ့သူလို့ စွပ်စွဲထားတယ်လို့ အမှုကို သိတဲ့ လူနှစ်ဦးထဲက တစ်ဦးက အေပီကိုပြောပါတယ်။

ရိုချာဟာ သံတမန်တစ်ဦးအဖြစ် ဒီမိုကရက်တစ်နှင့်ရီပတ်ဘလီကန်အစိုးရနှစ်ရပ်လုံးရဲ့ လက်အောက်မှာ ၂၅နှစ်အထိ အလုပ်လုပ်ခဲ့ပါတယ်။  စစ်အေးတိုက်ပွဲကာလအတွင်းသူဟာ လက်တင်အမေရိကနိုင်ငံအများစုမှာ တာဝန်ထမ်းခဲ့ပါတယ်။

ရိုချာဟာ အီတလီ၊ဟွန်ဒူးရပ်စ်၊မက္ကဆီကိုနှင့် ဒိုမီနီကန်သမ္မတနိုင်ငံတွေမှာလည်း အလုပ်လုပ်ခဲ့ပါတယ်။ ပြီးတော့ လက်တင်အမေရိက တစ်နိုင်ငံမှာ သူဟာ အမျိုးသားလုံခြုံရေးကောင်စီ ကျွမ်းကျင်သူပညာရှင်အဖြစ်လည်း အလုပ်လုပ်ခဲ့ပါသေးတယ်။

ရိုချာရဲ့ဇနီး ကာလ ဝစ်ကော့ပ်ရိုချာက သူ့ခင်ပွန်ဖမ်းဆီးထိန်းသိမ်းခံရတာနှင့်ပတ်သက်လို့ မှတ်ချက်ပေးဖို့ငြင်းဆန်ထားပါတယ်။

“ ရှင်တို့ကိုပြောဖို့မလိုဘူး” လို့ သူမက ပြောပြီးဖုန်းချသွားပါတယ်။ အမေရိကန်တရားရေးဌာနကလည်း မှတ်ချက်ပေးဖို့ ငြင်းထားပါတယ်။

Source FOX news/AP

#World_Health
Published 04 December 2023

အသက် ၇၀ အရွယ် ယူဂန်ဒါအမျိုးသမီးကြီးတစ်ဦးဟာ အမွှာကလေးနှစ်ယောက် မွေးဖွားခဲ့ကြောင်း ဆရာဝန်က ကြာသပတေးနေ့မှာ ပြောကြားလိုက်ပါတယ်။  

အသက် ၇၀ အရွယ်ဖြင့် ကလေးမွေးနိုင်ခဲ့တဲ့ အာဖရိကမှ အသက်အကြီးဆုံး ကလေးအမေဖြစ်ပြီး ဒါဟာ အလွန်ထူးခြားတဲ့ အောင်မြင်မှုဖြစ်ကြောင်း သူမကို ကိုယ်ဝန်စောင့်ရှောက် မွေးဖွားပေးတဲ့ ဒေါက်တာ အက်ဝပ်တမေးလ်ဆာလီက AFP ကို ပြောကြားခဲ့ပါတယ်။

အဆိုပါဆရာဝန် တည်ထောင်ထားတဲ့ အမျိုးသမီးဆေးရုံမှာ ကလေးအမေရော သားနဲ့သမီးရောပါ ထိန်းသိမ်းစောင့်ရှောက်ထားပြီး ကျန်းမာရေးကောင်းမွန်နေပါတယ်။

အခုအချိန်မှာ ဘယ်လောက်ပျော်နေလဲဆိုတာကို မဖော်ပြနိုင်လောက်အောင်ပဲလို့ မာဆာကာကျေးလက်ဒေသမှာ နေထိုင်တဲ့ နာမူကွာယာက ပြောပြသွားပါတယ်။

အသက် ၇၀ အရွယ် အားနည်းလာတဲ့အချိန်၊ ကလေးမမွေးနိုင်တော့တဲ့အချိန်၊ ကလေးမစောင့်ရှောက်နိုင်တော့တဲ့ အချိန်ကျမှ အမွှာကလေး ၂ ယောက်ကို အံ့အားသင့်ဖွယ် မွေးဖွားနိုင်ခဲ့တယ်လို့ ပြောပြသွားပါတယ်။

သူမဟာ ၂၀၂၀ ခုနှစ်ကလည်း သမီးတစ်ယောက် မွေးဖွားခဲ့ပြီး ယခင်က ကလေးမမွေးနိုင်ခဲ့တဲ့အတွက် ကျိန်စာသင့်နေတယ်လို့ လှောင်ပြောင်ခံခဲ့ရပါတယ်။

သူမရဲ့အမျိုးသားက သူမဆေးရုံတက်ပြီးနောက်ပိုင်း လာမကြည့်ခဲ့ဘဲ ဗိုက်ထဲက ကလေးရဲ့တာဝန်ကို ယူရတော့မယ်ဆိုတာကို ယောက်ျားတွေက မသိချင်တဲ့အတွက် အမွှာမွေးတယ်ဆိုတာကို မပျော်တာဖြစ်နိုင်တယ်လို့ ဆိုခဲ့ပါတယ်။

#World_Health #အသက်(၇၀)အရွယ် #အမွှာကလေးနှစ်ယောက်မွေးဖွားနိုင် #Source: NDTV

Published 04 December 2023

ပင်လယ်နီတောင်ပိုင်းရှိ နိုင်ငံတကာရေပိုင်နက်အတွင်း ကုန်သင်္ဘော ၃ စင်း တိုက်ခိုက်ခံခဲ့ရကြောင်း အမေရိကန်စစ်တပ်က တနင်္ဂနွေနေ့မှာ ပြောကြားလိုက်ပါတယ်။

ထိုနေရာမှ အစ္စရေးလ်သင်္ဘော ၂ စင်းကို ဒရုန်းများ၊ ဒုံးကျည်များဖြင့် တိုက်ခိုက်ခဲ့တယ်လို့ ယီမင်မှ ဟူသီအဖွဲ့က အခိုင်အမာ ဆိုလိုက်ပါတယ်။

ထိုအဖြစ်အပျက်ပြီးနောက် ဟူသီတို့အုပ်စိုးနေတဲ့ ထိုဒေသမှာ အမေရိကန်ဖျက်သင်္ဘော The Carney က လာရောက်ကူညီပေးခဲ့ကြောင်း အမေရိကန် ဗဟိုစစ်ဌာနချုပ်က ဆိုပါတယ်။

ယီမင်မှ ဟူသီလှုပ်ရှားရေးအဖွဲ့က လက်နက်တပ်ဆင် ဒရုန်း၊ ရေကြောင်းဒုံးကျည်ဖြင့် Unity Explorer နဲ့ Number 9 အစ္စရေးလ်သင်္ဘောတို့ကို တိုက်ခိုက်ခဲ့တယ်လို့ ပြောကြားထားပါတယ်။

ထိုသင်္ဘော ၂ စင်းဟာ သတိပေးချက်ကို ငြင်းပယ်ခဲ့တာကြောင့် ပစ်မှတ်ထား တိုက်ခိုက်ခံရတာဖြစ်ကြောင်း ဟူသီအဖွဲ့မှ ပြောရေးဆိုခွင့်ရှိသူက ဆိုပါတယ်။

ဒီတိုက်ခိုက်မှုတွေဟာ ယီမင်ပြည်သူတွေရဲ့ အလိုအတိုင်း၊ ပါလက်စ်တိုင်းသားတွေဘက်က ရပ်တည်တဲ့ အစ္စလာမ်နိုင်ငံများရဲ့ တောင်းဆိုချက်အတိုင်း ဖြည့်ဆည်းဆောင်ရွက်ခဲ့တာ ဖြစ်တယ်လို့ ရုပ်သံအစီအစဥ်ကနေ ပြောကြားခဲ့ပါတယ်။

The Carney သင်္ဘောဟာ ဒရုန်း ၃ စင်းကို ပစ်ချနိုင်ခဲ့ပြီး ကုန်သင်္ဘောများကို ကူညီပေးခဲ့ကြောင်း အမေရိကန်စစ်တပ်က ပြောပြပါတယ်။

ဒါဟာ နိုင်ငံတကာ ကူးသန်းရောင်းဝယ်ရေးကို ခြိမ်းခြောက်လာတာ ဖြစ်ပြီး ဟူသီတို့တိုက်ခိုက်မှုဟာ အီရန်မှ အပြည့်အဝ ထောက်ပံ့တာဖြစ်မယ်လို့ ယူဆနိုင်ကြောင်း ဖော်ပြခဲ့ပါတယ်။

တိုက်ခိုက်ခံရတဲ့ သင်္ဘော ၂ စင်းဟာ အစ္စရေးလ်နဲ့ ဆက်စပ်ခြင်းမရှိဘဲ တစ်စင်းက အတော်လေး ထိခိုက်ပျက်စီးခဲ့ကာ နစ်မြုပ်နိုင်ဖွယ်အန္တရာယ် ရှိနေပြီး နောက်တစ်စင်းကတော့ အနည်းငယ်သာ ထိခိုက်ခဲ့တယ်လို့ အစ္စရေးလ်စစ်တပ်မှ ပြောရေးဆိုခွင့်ရှိသူတစ်ဦးက သတင်းထောက်များကို ပြောကြားခဲ့ပါတယ်။

အစ္စရေးလ်နိုင်ငံနဲ့ ပါလက်စ်တိုင်းစစ်သွေးကြွ ဟားမတ်စ်အဖွဲ့တို့ တိုက်ပွဲဖြစ်ပွားပြီးနောက်ပိုင်း အရှေ့အလယ်ပိုင်း ရေပြင်မှာ တိုက်ခိုက်မှုတွေ အဆက်မပြတ် ဖြစ်ပွားနေပါတယ်။

ယီမင် ပင်လယ်နီကမ်းရိုးတန်း အများစုကို ထိန်းချုပ်ထားတဲ့ ဟူသီအဖွဲ့ဟာ အစ္စရေးလ်ဘက်ကို ပဲ့ထိန်းဒုံးကျည်များ၊ ဒရုန်းများဖြင့် တိုက်ခိုက်ခဲ့ပြီး အစ္စရေးလ်သင်္ဘောများကို ထပ်မံတိုက်ခိုက်သွားဦးမယ်လို့ ဆိုထားပါတယ်။
Source: Reuters
#World_News
#ပင်လယ်နီ #အမေရိကန်စစ်တပ် #အစ္စရေးလ် #ပါလက်စ်တိုင်းစစ်သွေးကြွ #ဟားမတ်စ်အဖွဲ့
#Yangon_Times #YMG_News #Yangon_Media_Group

#World_Science
Published 04 December 2023

အမေရိကန်အစိုးရက လူသားထုတ်လုပ်တာ မဟုတ်တဲ့ ယာဥ်မျိုး အနည်းဆုံး ၉ စင်းကို အောင်မြင်စွာ ပြန်လည်သိမ်းယူရရှိခဲ့ကာ အချို့ယာဥ်တွေက တိုက်မိခြင်းကြောင့် ပျက်စီးနေသလို ၂ စင်းကတော့ အကောင်းအတိုင်းဖြစ်ကြောင်း Daily Mail က ဖော်ပြခဲ့ပါတယ်။

CIA ရုံးချုပ်က ကမ္ဘာတဝှမ်းမှ ပျက်စီးထားတဲ့ အမျိုးအမည်မသိ ယာဥ်ပျံ(UFO)တွေကို သိမ်းဆည်းရရှိထားတယ်လို့ သတင်းရင်းမြစ်တွေက ဆိုထားပါတယ်။

CIA ဟာ ၂၀၀၃ ခုနှစ်ကတည်းက UFO ရှာဖွေရေးလုပ်ငန်းများကို ဦးဆောင်လုပ်ကိုင်လာတာ ဖြစ်ပါတယ်။

CIA ရဲ့ စနစ်တွေထဲမှာ ဖုံးကွယ်ထားတဲ့ UFO များ ရှာဖွေရေး၊ အဆိုပါယာဥ်များ ဆင်းသက်တိုက်မိခြင်း ဒါမှမဟုတ် လူသားတွေကြောင့် ရောက်ရှိလာချိန်မှာ ကယ်ဆယ်ရေးများ လုပ်ဆောင်ဖို့ အထူးစစ်ရေးအဖွဲ့ စေလွှတ်ခြင်းတို့ ပါဝင်ပါတယ်။

CIA အဓိကမစ်ရှင်တွေထဲမှာ နျူကလီးယားလက်နက်နဲ့ ပျက်ကျလာသော ဂြိုဟ်တုများ ပြန်ဆယ်ယူခြင်းလိုမျိုး သမားရိုးကျ ပြန်ဆယ်ယူခြင်းတာဝန်တွေ ပါဝင်နေကာ အချို့ကတော့ UFO ရှာဖွေသိမ်းဆည်းခြင်းတွေ အဓိကလုပ်ဆောင်နေတယ်လို့ ဆိုကြပါတယ်။

အဓိကတာဝန်တစ်ခုက UFO တွေကို အလျင်အမြန် ဆယ်ယူဖို့နဲ့ လျှို့ဝှက်ချက် ထိန်းသိမ်းထားရန် ဖြစ်တယ်လို့ သတင်းရင်းမြစ်များက ဆိုပါတယ်။

၂၀၂၄ စစ်အသုံးစရိတ် ဥပဒေကြမ်း ပြင်ဆင်ချက်အဖြစ် ထည့်သွင်းဖို့ရှိတဲ့ စခူမာဥပဒေကြမ်းဟာ လူသားတွေ မသိရှိတဲ့ နည်းပညာများနဲ့ ထောက်လှမ်းရေးများ၊ ရှင်းမပြနိုင်တဲ့ ဖြစ်စဥ်များကို အမေရိကန်ပြည်သူတွေထံ ချပြရန် ရည်ရွယ်ထားတာ ဖြစ်ပါတယ်။

ဒီအကြောင်းအရာတွေဟာ သတင်းအချက်အလက် ရရှိရန် ကြိုးပမ်းနေတဲ့ထဲ ပါဝင်ပေမယ့် တိကျတဲ့အကြာင်းအရာတွေ မရှိဘဲဖြစ်နေတယ်လို့ မစ်ဆူရီမှ ရီပတ်ဘလစ်ကန် လွှတ်တော်အမတ် အဲရစ်ဘာလီဆန်က ပြောပြသွားပါတယ်။

#World_Science #UFO အနည်းဆုံး(၉)စင်း #CIA မှ ရှာဖွေသိမ်းဆည်း #Source: WION

၃ ဒီဇင်ဘာ ၂၀၂၃

မြန်မာနိုင်ငံအတွင်း နယ်စပ်ဒေသများတွင် တရားမဝင်နေထိုင်သူများအား တရုတ်နိုင်ငံသို့ ထပ်မံ၍ ပြန်လည် လွှဲပြောင်းပေး

တရုတ်-မြန်မာ နယ်စပ်ဒေသတည်ငြိမ်အေးချမ်းရေး၊ တရားဥပဒေစိုးမိုးရေး၊ လုံခြုံရေး ပူးပေါင်းဆောင်ရွက် နေမှုများအပေါ် နှစ်နိုင်ငံဆက်ဆံရေး ပျက်ပြားလာအောင် ဝေဖန်တိုက်ခိုက်နေ

AAအကြမ်းဖက်သောင်းကျန်းသူများက မြောက်ဦးခရိုင်အတွင်း ဝန်ကြီးဌာနများပိုင်ယာဉ်များအား လက်နက်ငယ်များဖြင့်    ခြိမ်းခြောက်ယူဆောင်သွား

၃-၁၂-၂၀၂၃ရက်နေ့ ပဲခူးတိုင်းဒေသကြီး၊ ကျောက်ကြီးမြို့နယ်၊ ရှမ်းပြည်နယ်(မြောက်ပိုင်း)၊ ရခိုင်ပြည်နယ်၊ စစ်ကိုင်းတိုင်း   ဒေသကြီးတို့တွင်ထိတွေ့တိုက်ပွဲဖြစ်ပွားခဲ့ခြင်းများနှင့်ပတ်သက်၍ နစက သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ် ဇော်မင်းထွန်းကပြောကြားခဲ့ပါတယ်။

အဆိုပါပြောကြားချက်အပြည့်အစုံကိုပြန်လည်ဖော်ပြပေးအပ်ပါတယ်။

-ymg/knl

"လမ်းပန်းဆက်သွယ်ရေး‌အခြေအနေတွေကြောင့် နှာခေါင်းစည်း Mask ကုန်စည်အသစ်တွေမှာယူဖို့ ခက်နေတယ်" နှာခေါင်းစည်းဖြန့်ချိရေးလုပ်ငန်းမှ တာဝန်ရှိသူတစ်ဦး
#Local_News
Published 03 December 2023
#နှာခေါင်းစည်းဖြန့်ချိရေးလုပ်ငန်း #နှာခေါင်းစည်း Mask
#tthl #Yangon _Times

၃ ဒီဇင်ဘာ ၂၀၂၃

တရုတ်နိုင်ငံထုတ် လျှပ်စစ်အီးဗွီကားတွေကို  အပြင်းအထန်ယာဉ်တိုက်မှုခံနိုင်ရည်စစ်ဆေးမှုတွေဆက်တိုက်ပြုလုပ်ခဲ့ပါတယ်။ တရုတ်နိုင်ငံ မော်တော်ယာဉ်နည်းပညာနှင့်သုတေသနစင်တာမှာ  မော်တော်ယာဉ်တွေ ဘေးအန္တရာယ်ကင်းရှင်းရေးစိတ်ချရအောင်အတွက် အဆိုပါ ယာဉ်တိုက်ခံနိုင်ရည်စစ်ဆေးခဲ့တာဖြစ်ပါတယ်။

စမ်းသပ်မှုတွေမှာ ယာဉ်အရှေ့-အနောက်တိုက်မှု၊ ဘေးမှစောင့်တိုက်မှု၊တိမ်းမှောက်တိုက်မှုတွေကို ပြုလုပ်ခဲ့ပြီး ယာဉ်တည်ဆောက်ဖွဲ့စည်းမှုနှင့် လျှပ်စစ်ပိုင်းဆိုင်ရာ ဘေးအန္တရာယ်ကင်းရှင်းမှုတွေကို အကဲဖြတ်ခဲ့ကြပါတယ်။

Source CCYV+

Published 03 December 2023 

ရှမ်းပြည်နယ်က ဒေသထွက်ကုန်တစ်ခုဖြစ်တဲ့ စတော်ဘယ်ရီသီးနှံကို ရန်ကုန်အပါအဝင်မြို့ကြီးတွေကမှာယူတာများပြားနေတယ်လို့ စတော်ဘယ်ရီစိုက်ပျိုးရောင်းချသူတွေဆီက သိရပါတယ်။
#Local_News
Published 03 December 2023
#စတော်ဘယ်ရီသီးနှံ #စိုက်ပျိုးရောင်းချသူ
#‌YMG/NN #Yangon_Times