၄ ဒီဇင်ဘာ ၂၀၂၃

သူရဲကောင်းစစ်သည်များအတွက် ဒဿမအကြိမ်မြောက် အောက်မေ့ဖွယ်ဂါရဝပြု ဆုတောင်းပွဲနှင့် အလေးပြုခြင်း အခမ်းအနားကျင်းပ

နိုင်ငံတော်ကာကွယ်ရေးနှင့် ပြည်သူများ၏ အသက်အိုးအိမ်စည်းစိမ်ကို ကာကွယ် စောင့်ရှောက်ပေးရေးအတွက် ခွင့်ပြုပါက တပ်မတော်တွင် ပြန်လည်တာဝန်ထမ်း ဆောင်လိုကြောင်းကို စစ်မှုထမ်းဟောင်းများမှ ဆက်သွယ် တင်ပြလာ

US Department State Website ၏ ၂၀၂၂ခုနှစ်အတွင်း နိုင်ငံအလိုက် အကြမ်းဖက်မှုဖြစ်ပွားခဲ့မှုများ နှင့်ပတ်သက်သည့် အစီရင်ခံစာတွင် မြန်မာနိုင်ငံအကြောင်းဖော်ပြ

မြန်မာနိုင်ငံအတွင်း နယ်စပ်ဒေသများတွင် တရားမဝင်နေထိုင်သူများအား တရုတ် နိုင်ငံသို့ ပြန်လည် လွှဲပြောင်းပေးမှုအခြေအနေများ

တရုတ်-မြန်မာ နယ်စပ်ဒေသ တည်ငြိမ်အေးချမ်းရေး၊ တရားဥပဒေစိုးမိုးရေး၊ လုံခြုံရေးပူးပေါင်းဆောင်ရွက်နေမှုများအပေါ် နှစ်နိုင်ငံဆက်ဆံရေး ပျက်ပြားအောင် နည်းအမျိုးမျိုးဖြင့် ဝေဖန်တိုက်ခိုက်မှုများရှိ

၄-၁၂-၂၀၂၃ ရက်နေ့ ရှမ်းပြည်နယ်(အရှေ့မြောက်ဘက်)၊ ကရင်ပြည်နယ်၊ ရခိုင် ပြည်နယ်နှင့် မုန်းမြို့နယ်တို့တွင် ထိတွေ့ တိုက်ပွဲများဖြစ်ပွားခဲ့

သည့်အခြေအနေများကို နစက သတင်းထုတ်ပြန်ရေး အဖွဲ့ခေါင်းဆောင် ဗိုလ်ချုပ် ဇော်မင်းထွန်းကပြောကြားခဲ့ပါတယ်။

အဆိုပါပြောကြားချက်အပြည့်အစုံကိုပြန်လည်ဖော်ပြပေးပါတယ်။

-ymg/knl

Published 4 December 2023

နိုဝင်ဘာလအတွင်း ပြည်ပသို့မြန်မာနိုင်ငံမှ ဆန်နှင့်ဆန်ကွဲ(၁၇၅၉၉၀)တန်တင်ပို့ခဲ့ကြောင်း မြန်မာနိုင်ငံ ဆန်စပါးအသင်းချုပ်မှသိရသည်။

ကုမ္ပဏီ(၄၉)ခုမှတင်ပို့ခဲ့ခြင်းဖြစ်ပြီး ဧပြီလမှစပြီးနိုဝင်ဘာလအထိ(၈)လတာကာလအတွင်း နိုဝင်ဘာလ၌ အများဆုံးတင်ပို့ခဲ့ခြင်း ဖြစ်သည်။

ဆန်တန်ချိန်စုစုပေါင်း ၉၄၂၀၃တန်နှင့် ဆန်ကွဲတန်ချိန်စုစုပေါင်း ၈၁၇၈၇တန်တင်ပို့ခဲ့ပြီး Oversea Tradeမှ ၁၅၇၀၇၀တန်၊Border Trade၁၈၉၂၀တန်တင်ပို့ခဲ့ကြောင်း သိရသည်။

နိုဝင်ဘာလအတွင်းတွင် မြန်မာနိုင်ငံမှ ဆန်ဝယ်ယူမှုအများဆုံးနိုင်ငံများမှ အင်ဒိုနီးရှား၊ဖိလစ်ပိုင်၊တရုတ်ဖြစ်ပြီး ဆန်ကွဲဝယ်ယူမှုအများဆုံးမှာ တရုတ်၊ဘယ်ဂျီယံ၊နယ်သာလန်တို့ဖြစ်ကြောင်း သိရသည်။

ဧပြီလမှနိုဝင်ဘာလအထိ ပြည်ပတင်ပို့သည့်ဆန်နှင့်ဆန်ကွဲတန်ချိန်၇၅၉၆၇၃တန်ရှိပြီဖြစ်ပြီး ပို့ကုန်ဝင်ငွေ Export Rvenue 361 million USDရရှိကြောင်းမြန်မာနိုင်ငံဆန်စပါးအသင်းချုပ်၏ထုတ်ပြန်ချက်အရသိရသည်။
Yangon_Times/tthl
#Local_News
#YMG_News #Yangon_Times #Yangon_Media_Group

 

#Daily_News
Published 04 December 2023

၁။ ကိုလိုနီခေတ်၊ ရတနာပုံခေတ်ဝတ်စုံများဖြင့် မင်္ဂလာဆောင်သူ များလာ၍ ရန်ကုန်ရွှေချည်ထိုးဈေးကွက် ပိုမိုဖြစ်ထွန်းလာ

၂။ မူဆယ် ၁၀၅ မိုင်အနီး တိုက်ပွဲတွေကြောင့် မူဆယ်မြို့ပေါ်ကို စစ်ဘေးရှောင်လာရသူ ၁၅၀၀ခန့် ရှိဟုဆို

၃။ ထောပတ်သီး အထွက်နှုန်း၏ ၉၀ရာခိုင်နှုန်းအား ထိုင်းသို့ တင်ပို့နေ

၄။ ဆောင်းရာသီအထိမ်းအမှတ် ဧရာမရေခဲပြင်စကိတ်ကွင်းကြီး မော်စကိုရင်ပြင်တွင် ဖွင့်လှစ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

ပြည်တွင်းက ထွက်ရှိနေတဲ့ ထောပတ်သီး အထွက်နှုန်းရဲ့ ၉၀ရာခိုင်နှုန်းကို ထိုင်းနိုင်ငံကို တင်ပို့နေတယ်လို့ မြန်မာနိုင်ငံထောပတ်သီး စိုက်ပျိူထုတ်လုပ်တင်ပို့ရောင်းချသူများ အသင်းကသိရပါတယ်။
Yangon-Times/NN
#Local_News
Published 04 December 2023
#Yangon_Times #Daily_News #YMG_News #Yangon_Media_Group

'သက်တော် ဝါတော်ကြီး ဆွေတော်မျိုးတော်များ ကန်တော့ပွဲ မန္တလေးမှာက ၂၀၁၄ခုနှစ်မှာ စလုပ်ဖြစ်တာပါ၊ကိုဗစ်မှာမလုပ်ဖြစ်တော့ဘူး၊ ရန်ကုန်မှာ‌တော့ ဒါက ပထမဆုံးအကြိမ်ကျင်းပဖြစ်ပါတယ်၊ ထုံးတမ်းစဉ်လာအရတော့ သီတင်းကျွတ်မှာ လုပ်ကြတာပါ၊ဒါပေမယ့် သီတင်းကျွတ်လကျ‌တော့ မန္တလေးမှာတင် မင်းတုန်းမင်းတရားကြီးရဲ့နတ်ပြည်စံရက်ရှိတာကြောင့် ရက်တွေတိုက်ပြီးကျပ်နေလို့ ဒီဇင်ဘာမှာပဲကန်တော့ဖြစ်တာပါ 'ကုန်းဘောင်ဆက်ဘုရင့်ဆွေတော်မျိုးတော်များအသင်း(အောက်မြန်မာပြည်) သတင်းနှင့်ပြန်ကြားရေးမှူး ထိပ်တင်စည်သူဟိန်း
Yangon-Times/NN
#Local_News
#Published 04 December 2023
#Yangon_Times #Daily_News #YMG_News #Yangon_Media_Group

‘တောင်ကြီးတန်ဆောင်တိုင်မီးပုံးပျံပွဲတော်ကိုတော့ National Listထဲမှာ အကုန်ထည့်ပြီးသားပါ။ နိုင်ငံအဆင့် အမျိုးသားဒြပ်မဲ့ယဉ်ကျေးမှုအမွေအနှစ် စာရင်းထဲထည့်ထားပြီဖြစ်ပါတယ်” ရှေးဟောင်းသုတေသနနှင့် အမျိုးသားပြတိုက်ဦးစီးဌာန(စီမံ)၊ညွှန်ကြားရေးမှူး ဦးအောင်အောင်ကျော်
Yangon-Times/tthl
#Local_News
#Published 04 December 2023
#Yangon_Times #Daily_News #YMG_News #Yangon_Media_Group

‘ မင်္ဂလာဝတ်စုံ၊ပဝါ၊စလွယ်အပြင် နတ်ကိုးကွယ်တဲ့သူတွေအနေနဲ့ နတ်ဝတ်စုံတွေ ချုပ်လုပ်မှုတွေ ရှိတဲ့အတွက် ရန်ကုန်မှာ ရွှေချည်ထိုးလုပ်ငန်းမှာ အမျိုးအစားအမျိုးမျိုးရှိတဲ့အနက် အဝတ်အထည်လိုင်း ရွှေချည်ထိုး လုပ်ငန်းတွေက ပိုမိုဖြစ်ထွန်းနေတယ်’ ရန်ကုန်အခြေစိုက်ရွှေချည်ထိုးလုပ်ငန်းမှ တာဝန်ရှိသူတစ်ဦး
Yangon-Times/tthl
#Local_News
Published 04 December 2023
#Yangon_Times #Daily_News #YMG_News #Yangon_Media_Group

ရှမ်းပြည်မြောက်ပိုင်း မူဆယ် ၁၀၅ မိုင်အနီး ဖြစ်ပွားနေတဲ့ တိုက်ပွဲတွေကြောင့် မူဆယ်မြို့ပေါ် ကို စစ်ဘေးရှောင် လာရသူ ၁၅၀၀ခန့် ရှိနေပြီလို့ မူဆယ်မြို့နယ်ရှိ လူမှုကူညီရေး အသင်းတွေထံက သိရပါတယ်။
Yangon-Times/LW
#Local_News
Published 04 December 2023
#Yangon_Times #Daily_News #YMG_News #Yangon_Media_Group

Published 4 December 2023

ရန်ကုန်မြို့၌ ပြုလုပ်ခဲ့သည့် ဂျပန်စာ စာမေးပွဲ(JLPT) ဝင်ရောက်ဖြေဆိုသူ များပြားခဲ့ကြောင်း ဂျပန် သင်တန်းကျောင်းများမှ သိရသည်။

အဆိုပါ ဂျပန်စာစာမေးပွဲ(JLPT)အား ဒီဇင်ဘာလ (၃) ရက်‌နေ့တွင် ရန်ကုန်တက္ကသိုလ်နှင့် ရန်ကုန်ပညာရေးတက္ကသိုလ် နေရာ (၂)ခု၌ ပြုလုပ်ခဲ့ရာ ဝင်ရောက်ဖြေဆိုသူ ဦးရေထောင်ချီရှိခဲ့ကြောင်း သိရသည်။
'
ဂျပန်စာ N3၊ N2 level လည်းတတ်တယ်၊ အတတ်ပညာတစ်ခုခုလည်း တတ်ကျွမ်းရင် လုပ်ခလစာ များများရတယ်၊မနေ့က လုပ်တဲ့စာမေးပွဲမှာ ဖြေဆိုသူများတယ်၊ဂျပန်က လုပ်ခလစာကလည်း များတာကြောင့် ဒီနှစ်‌တွေထဲလူငယ်‌ တွေသွားတာ ပိုများလာတယ်လေ ၊ရန်ကုန်မှာလည်း ဖြေသူများတယ်၊မန္တလေးကောပဲ။ 'ဟု ဂျပန် သင်တန်းကျောင်းတစ်ခုမှ ဆရာမတစ်ဦးကပြောသည်။

အဆိုပါ ဂျပန်စာ အရည်အချင်းစစ်စာမေးပွဲကို ရန်ကုန်နှင့် မန္တလေးတွင် တပြိုင်နက် ကျင်းပနေခြင်းဖြစ်ပြီး ဖြေဆိုအောင်မြင်ပါက ဂျပန်နိုင်ငံသို့ အလုပ်သွားရောက်လုပ်ကိုင်ခွင့် ရရှိမည်ဖြစ်ကြောင်းသိရသည်။

Japanese-Language Proficiency Test (JLPT) စာမေးပွဲသည် ဂျပန်လူမျိုးမဟုတ်သော နိုင်ငံခြားသားများအတွက်ရည်ရွယ်သည့် ဂျပန်စာအရည်အချင်းစစ် စာမေးပွဲမျိုးဖြစ်ပြီး ဂျပန်အစိုးရမှ အသိအမှတ်ပြုထားသည့် စာမေးပွဲအမျိုးအစားဖြစ်‌ရာ ဂျပန်စာလေ့လာနေသည့် မည်သူသူမဆို မဖြစ်မနေဖြေဆိုသင့်သည့် စာမေးပွဲဖြစ်ကြောင်းသိရသည်။

အဆိုပါစာမေးပွဲကို ဂျူလိုင်နှင့် ဒီဇင်ဘာလများတွင် တစ်နှစ်လျင်(၂) ကြိမ်ပြုလုပ်လေ့ရှိကာ အဓိကအားဖြင့် ဂျပန်နိုင်ငံတွင် ကျောင်း၊ တက္ကသိုလ်တက်မည်ဆိုပါက JLPT Level ဖြင့်ဆုံးဖြတ်သည့်အတွက် အရေးကြီးသည့် စာမေးပွဲမျိုးဖြစ်‌ကြောင်း၊ ဂျပန်နိုင်ငံ၏ အချို့သော အလုပ်ကိုင်များမှာလည်း ဂျပန်စာ (JLPT N4) အောင်မြင်ရမည့် သတ်မှတ်
ချက်များရှိကြောင်းသိရသည်။
Yangon-Times/NN
#Local_News
#Yangon_Times #Daily_News #YMG_News #Yangon_Media_Group

Published 4 December 2023

ကရင်ပြည်နယ် ကော့ကရိတ် မြို့တွင် ဖြစ်ပေါ်နေသည့် တိုက်ပွဲများကြောင့် ထိုင်းနိုင်ငံ သို့ တရားဝင် သွားရောက် အလုပ်လုပ်မည့် MOU အလုပ်သမားများ ထွက်ခွာခွင့် ကို ခတ္တရပ်နားထားကြောင်း ထိုင်းနိုင်ငံ ကို လုပ်သား ပို့ဆောင်ပေးနေသည့် တရားဝင်လိုင်စင်ရအေဂျင်စီများထံက သိရသည်။

ဒီဇင်ဘာ ၁ရက် ကတည်း က ဖြစ်ပွားခဲ့သည့် မြဝတီ အာရှ လမ်း ကော့ကရိတ် မြို့အနီး တိုက်ပွဲများကြောင့် အာရှ လမ်းပေါ်တွင် ကုန်ကားများ၊ခရီးသွားယာဉ်များ ပိတ်မိကာ MOUအလုပ်သမားများ စီးနင်းလာသည့် ယာဉ်များ လဲ ပိတ်မိခဲ့ကြောင်း သိရသည်။

''လမ်းမှာ ပိတ်မိနေတဲ့ သူတွေ ကတော့ တခြား လမ်းကနေ ကားသေးနဲ့ ပြောင်းပြီး သွားကျတယ် ကားခ ငါးသောင်း ပေးရတယ် ပြောတယ်၊ ဒီနေ့တနင်္လာနေ့ ထွက်ခွာတွေ ရှိတယ်၊အဲ့ လူတွေ အကုန် ထွက်ခွာ တာခဏ ရပ်ထားတယ်၊အလုပ်သမား ဝန်ကြီးဌာန က ပြန် ပြီးတော့ ထွက်ခွာဖို့ ကို အကြောင်း ပြန်ပေးမယ် ပြောတယ် အခုထိတော့ မသိရသေးဘူး''ဟု ထိုင်းလိုင်စင်ရအေဂျင်စီမှ တာဝန်ရှိသူက အခုလိုပြောပါတယ်။

ထိုင်းနိုင်ငံ သို့ MOU အလုပ်သမားများ ပို့ဆောင်ရာတွင် မြဝတီ ကျောက်လုံးကြီးစခန်းနှင့်ကော့သောင်း မြို့တို့မှ စေလွှတ်ပေးပြီး မြဝတီ ကျောက်လုံးကြီး စခန်းမှ အများဆုံးစေလွှတ်ပေးရာ တစ်ရက်လျှင် အလုပ်သမား ဦရေ ၅၀၀မှ ၈၀၀ခန့် ရှိကြောင်း သိရသည်။
Yangon_Times/LW
#Local_News
#Yangon_Times #Daily_News #YMG_News #Yangon_Media_Group

Published 04 December 2023

ယခုတစ်ပတ်အတွက် စားအုန်းဆီ အခြေခံလက်ကားရည်ညွှန်းဈေးနှုန်းတစ်ပိဿာ ကျပ် ၄၉၂၀သတ်မှတ် ထားကြောင်း စားသုံးသူရေးရာဦးစီးဌာနမှသိရသည်။

ပြီးခဲ့သည့်အပတ်က စားအုန်းဆီ အခြေခံလက်ကားရည်ညွှန်းဈေးနှုန်းတစ်ပိဿာ ကျပ် ၅၀၀၀ပေါက် ခဲ့ပြီး ယခု ဒီဇင်ဘာလ၄ရက်မှ၁၀ရက်အထိ စားအုန်းဆီ အခြေခံလက်ကားရည်ညွှန်းဈေးနှုန်းတစ်ပိဿာကျပ် ၄၉၂၀ဖြင့် ရောင်းချရမည်ဟုဆိုသည်။

တိုင်းနှင့်ပြည်နယ်အသီးသီးကို ယနေ့ဒီဇင်ဘာလ၄ရက်တွင် မြန်မာနိုင်ငံဆီကုန်သည်နှင့်ဆီလုပ်ငန်းရှင်များ ၏စီစဉ်မှုဖြင့် ဆီကုမ္ပဏီများမှ လက်ကားရည်ညွှန်းဈေး ကျပ်၄၉၂၀ဖြင့် စားအုန်းဆီပေပါ၅၅၃၀ကို ရောင်းချပေး ထားပြီး သယ်ယူပို့ဆောင်စရိတ်နှင့်အမြတ်၂ရာခိုင်နှုန်းသာတင်ပြီးရောင်းချရန်လမ်းညွှန်ထားသည်ဟုဆိုသည်။

ဈေးကစားရန် ရည်ရွယ်ချက်ဖြင့် သိုလှောင်ခြင်းနှင့် မသမာသည့် လုပ်ဆောင်မှုများပြုလုပ်ပါက အရေးကြီး ကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း အသိပေး ထုတ်ပြန်ထားကြောင်းသိရသည်။
Yangon_Times/tthl
#Local_News
#Yangon_Times #Daily_News #YMG_News #Yangon_Media_Group