Published 15 January 2024

ဆိုရှယ်မီဒီယာတွေပေါ်မှာ မဂ္ဂနီဆီယမ် သတ္တုဓာတ်အကြောင်း ဖော်ပြနေကြတာကို တွေ့မြင်ရမှာပါ။

မဂ္ဂနီဆီယမ်က လူ့ခန္ဓာကိုယ်အတွက် မရှိမဖြစ်သတ္တုဓာတ်ဖြစ်ပြီး ကြွက်သားလုပ်ဆောင်ချက်ကစလို့ နှလုံးကျန်းမာရေးအထိ သက်ရောက်နေပါတယ်။

သူ့ရဲ့ ကျန်းမာရေးအကျိုးပြုပုံတွေက ကျယ်ပြန့်ပြီး အာရုံကြောနဲ့ ကြွက်သားလုပ်ဆောင်ချက် ပုံမှန်ထိန်းပေးခြင်း၊ ကိုယ်ခံအားစနစ် ထောက်ပံ့ပေးခြင်း၊ နှလုံးခုန်နှုန်း မှန်စေခြင်း၊ အရိုးသန်မာနေစေခြင်းတို့မှာ ကူညီပေးပါတယ်။

သွေးတွင်းဂလူးကို့စ်ကိုလည်း ထိန်းညှိပေးကာ စွမ်းအင်ဇီဝကမ္မဖြစ်စဥ်နဲ့ ပရိုတိန်းထုတ်လုပ်ခြင်းတို့မှာ ပါဝင်နေပါတယ်။

မဂ္ဂနီဆီယမ်ကြွယ်ဝတဲ့ အစားအစာတွေကတော့ ဖရုံစေ့၊ ချီယာစေ့၊ ဟင်းနုနွယ်၊ ဗာဒံ၊ ထောပတ်သီးတို့ ဖြစ်ပါတယ်။

အစားအစာတစ်ခုတည်းနဲ့ မဂ္ဂနီဆီယမ် မလုံလောက်သူများအနေနဲ့ ဆရာဝန်နဲ့တိုင်ပင်ပြီး ဖြည့်စွက်စာ သုံးစွဲသင့်ပါတယ်။

မဂ္ဂနီဆီယမ်ဓာတ် ချို့တဲ့ပါက ဆီးချို၊ သွေးတိုး၊ ခေါင်းတစ်ခြမ်းကိုက်ခြင်း၊ စိတ်ဓာတ်ကျခြင်းစတဲ့ ရောဂါများ ဖြစ်လာနိုင်ပါတယ်။

လူအများအပြားဟာ မဂ္ဂနီဆီယမ် လုံလောက်စွာ မစားကြဘူးလို့ တွေ့ရှိထားပါတယ်။

လက်ရှိခေတ် စားသောက်ပုံစံအရ မဂ္ဂနီဆီယမ် ချို့တဲ့လာတာလည်း ဖြစ်ပါတယ်။

ချို့တဲ့တဲ့ လက္ခဏာတွေကတော့ စားချင်စိတ်မရှိခြင်း၊ မူးဝေအော့အန်ခြင်း၊ နွမ်းနယ်ခြင်း၊ ကြွက်တက်ခြင်း၊ နှလုံးခုန်မမှန်ခြင်း၊ အကြောစွဲခြင်းတို့ပင် ဖြစ်နိုင်ပါတယ်။

အစားအစာများကို အဆင့်ဆင့်ထုတ်လုပ်လာခြင်းက မဂ္ဂနီဆီယမ်ဓာတ် ၈၅ ရာခိုင်နှုန်းလောက် ချို့ယွင်းစေပြီး ပြည့်ဝဆီများက မဂ္ဂနီဆီယမ်စုပ်ယူမှုကို လျော့နည်းစေပါတယ်။
Source: India Today.
#World_Health
#Published_ 15 January 2024
#YMG #Yangon_Times #Yangon_Media_Group #YMG_News

Published 15 January 2024

  ရန်ကုန်တိုင်းဒေသကြီး၊ မရမ်းကုန်းမြို့နယ်၊ ကမ္ဘာအေးဘုရားလမ်းတွင် ယာဉ်(၁)စီး တိမ်းမှောက်မှုဖြစ်ပွားကြောင်း မြန်မာနိုင်ငံမီးသတ်တပ်ဖွဲ့ဌာနချုပ် မှ သိရသည်။

ဇန်နဝါရီ လ ၁၅ရက်  နံနက် ၈နာရီ ၁၉မိနစ် ကဖြစ်ပွားခဲ့ ခြင်း ဖြစ်ကာ ယာဉ်တိမ်းမှောက်မှုသတင်းရရှိသဖြင့်မြန်မာနိုင်ငံမီးသတ်တပ်ဖွဲ့ဌာနချုပ်မှ ရှာဖွေကယ်ဆယ်ရေးယာဉ်(၁)စီး၊ သူနာတင်ယာဉ်(၁)စီး၊ မရမ်းကုန်းမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီးတို့ဖြင့် ရှာဖွေကယ်ဆယ်ရေးလုပ်ငန်းများ ထွက်ခွာဆောင်ရွက်ခဲ့ကြောင်း သိရသည်။

    အဆိုပါ ယာဉ်တိမ်းမှောက်မှုကြောင့် ယာဉ်ပါ ပါလာသည့် အမျိုးသားတစ်ဦး ထိခိုက် ဒဏ်ရာ ရရှိခဲ့ကြောင်း သိရသည်။
Yangon Times/LW
#Local_News
#Published_ 15 January 2024
#YMG #Yangon_Times #Yangon_Media_Group #YMG_News

Published 15 January 2024

ဖန်ပြွန်သန္ဓေနည်းလမ်းဖြင့် ဖန်တီးလိုက်တဲ့ သန္ဓေသားတွေရဲ့ အရည်အသွေးကို ခန့်မှန်းနိုင်မယ့် နည်းလမ်းတစ်မျိုးကို သုတေသီများ ထုတ်လုပ်နိုင်ပြီလို့ ဆိုလိုက်ကာ ကိုယ်ဝန်ရရန် ပိုမိုလွယ်ကူစေမယ်လို့ မျှော်လင့်နေကြပါတယ်။

ကယ်လီဖိုးနီးယား ဆန်ဒီယေဂိုတက္ကသိုလ် ကြိုးပမ်းတဲ့နည်းလမ်းက သန္ဓေသားများ ကြီးထွားတဲ့ အရည်ထဲက exRNA တွေဆိုတဲ့ မျိုးဗီဇအမှုန်လေးတွေကို ရှာဖွေတာပါပဲ။

အမေရိကန်မှာ အခြားသန္ဓေနည်းလမ်းများ အသုံးမဝင်တဲ့အခါ ဖန်ပြွန်သန္ဓေကို မျက်စိကျလာကြပါတယ်။

ပြုလုပ်ပုံကတော့ အမျိုးသမီးဆီမှ မျိုးဥများရယူကာ ဓာတ်ခွဲခန်းထဲမှာ သုတ်ပိုးဖြင့် သန္ဓေပြုစေတာ ဖြစ်ပါတယ်။

ရလာတဲ့သန္ဓေသားကို သားအိမ်ထဲသို့ ထည့်သွင်းကာ မွေးဖွားစေတာ ဖြစ်ပါတယ်။

အမေရိကန်မှာ ဖန်ပြွန်သန္ဓေကနေ အရှင်မွေးဖွားတဲ့နှုန်းက အသက် ၄၀ အောက် အမျိုးသမီးတွေမှာ ၂၀ ကနေ ၄၀ ရာခိုင်နှုန်းသာ ရှိပါတယ်။

အရည်အသွေးမြင့် သန္ဓေသားတွေက သန္ဓေတွယ်နိုင်ခြေ မြင့်မားပေမယ့် တိုင်းတာဖို့ ခက်ခဲပါတယ်။

ဒါကြောင့် ခန္ဓာကိုယ်အရည်တွေထဲမှာ တွေ့ရတဲ့ exRNA မော်လီကျူးများကို UCSD သုတေသီများက ပြောင်းလဲလေ့လာကြတာ ဖြစ်ပါတယ်။

ဒီနည်းလမ်းက ဆဲလ်ပြင်ပမှ နမူနာကို ခွဲခြားစိတ်ဖြာနိုင်ပြီး အထဲမှာဖြစ်ပျက်တာတွေကို သိရှိစေတာ ဖြစ်ပါတယ်။

exRNA ထုတ်လုပ်တဲ့အပေါ် မူတည်ပြီး သန္ဓေသားရဲ့ ဖွဲ့စည်းပုံကို ခန့်မှန်းနိုင်မယ့် မှတ်သားယန္တရားစနစ်ကို သုတေသီများ ဖန်တီးခဲ့ကြပါတယ်။

ဖန်ပြွန်သန္ဓေရလဒ်ကောင်းရရှိရန် ဖွဲ့စည်းပုံအချက်အလက်များ ရှိထားပေမယ့် အဓိကစမ်းသပ်ချက် အဆင်သင့်မဖြစ်ခင် နောက်ဆုံးကောက်နုတ်ချက်ချရန် လိုအပ်ပါသေးတယ်။

စမ်းသပ်ချက်ပြီးဆုံးတဲ့အခါ ဖန်ပြွန်သန္ဓေသားနည်းလမ်း တစ်ခုလုံးကို ပိုမိုရိုးရှင်းလွယ်ကူစေမှာ ဖြစ်တယ်လို့ ပြောပြသွားပါတယ်။
Source: New York Post.
#World_Health
#Published 15 January 2024
#YMG #Yangon_Times #Yangon_Media_Group

၁၄ ဇန်နဝါရီ၊၂၀၂၄

ဘိုအင်း 737-9 MAX လေယာဉ်တွေကို အမေရိကန်ခရီးသွားတွေရဲ့ ဘေးအန္တရာယ်ကင်းရှင်းရေးအတွက် ပျံသန်းခွင့် ဆက်ပေးဦးမှာမဟုတ်ဘူးလို့  အမေရိကန်ပြည်ထောင်စု ဖက်ဒရယ်လေကြောင်းအုပ်ချုပ်ရေး(အက်ဖ်အေအေ)က ကြေညာ   ပါတယ်။ အဲဒီလေယာဉ်တွေကို အသေအချာစစ်ဆေးမှုတွေပြုလုပ်မပြီးမချင်း၊ အချက်အလက်တွေစစ်ဆေးသုံးသပ်မှု မပြီး  မချင်း ဘိုအင်း 737-9 MAX တွေကို ဆက်ပြီးမြေချထားဦးမှာဖြစ်တယ်လို့ဆိုပါတယ်။

Source CCTV+

 14 January 2024

ပျူနှင့်ပုဂံကိုကမ္ဘာ့အမွေအနှစ်ဖြစ်အောင် ကူညီဆောင်ရွက်‌ပေးခဲ့သည့် နိုင်ငံခြားသားပညာရှင်၊မြန်မာ့ယဉ်ကျေးမှုသမိုင်းနှင့် ရှေးဟောင်း သုတေသနပညာရှင် SOAS လန်ဒန်တက္ကသိုလ် ဂုဏ်ထူးဆောင် ပါမောက္ခ Dr. Elizabeth Moore ကွယ်လွန်သွားကြောင်း ရှေးဟောင်းသုတေသနနှင့် အမျိုးသားပြတိုက်ဦးစီးဌာနမှသိရပါတယ်။

ဆရာမကြီး Dr. Elizabeth Mooreကွယ်လွန်သွားသည့်အတွက် ဝမ်းနည်းကြေကွဲရကြောင်းဌာနမှ ထုတ်ပြန်ထားပြီးကွယ်လွန်ချိန်တွင် အသက် (၇၆) နှစ်ရှိပြီဖြစ်ပြီး လန်ဒန်စံတော်ချိန် ညနေ (၅:၂၀)နာရီတွင် University College London Hospital ဆေးရုံတွင် (၉၆)ပါးသော ရောဂါဖြင့် ကွယ်လွန်သွားတာဖြစ်ပါတယ်။

Ymg/tthl

Published 14 January 2024

  ဇန်နဝါရီလ ၁၃ရက် နေ့ ညနေ ၆နာရီ မှ ဇန်နဝါရီလ ၁၄ရက်နေ့ နံနက် ၅နာရီ အထိ သီဆိုဖျော်ဖြေပွဲ ပြုလုပ်ခဲ့သည့် ပီနန်းပြည်နယ် ဘာတာဝပ် ရှိ Bar Club   တစ်ခုတွင် အဆိုတော် အေမိဈာန် နှင့် ဖူးပွင့်ခိုင် တို့၏ ဖျော်ဖြေပွဲ ၌ အော်ပရာစီ ဝင်သွားခဲ့ကြောင်း မလေးရှားရောက် မြန်မာ အလုပ်သမားများထံက သိရသည်။

ဇန်နဝါရီ ၁၃ည ပိုင်း က  ​အော်ပရာစီ ဝင်ရောက်ပြီး ​အဆို​တော်အေမီစျန်နှင့်ဖူးပွင့်ခိုင်တို့  clubမှာသီချင်းဆို​နေစဥ် မ​လေးရှားလဝကမှ ဝင်​ရောက်ဖမ်းဆီးခံခဲ့ခြင်းဖြစ်ကြောင်း သိရသည်။

 ဖမ်းဆီးစဉ် တွင် အ​ထောက်အထားမှန်သူ​များနှင့်အထောက်အထား မမှန်သူများပါ ဖမ်းဆီးသွားခြင်း ဖြစ်ပြီးလော်လီကား ၃စီး​နှင့် တင်ဆောင် ကာ ဂျာဝီးစခန်းသို့ ခေါ်ဆောင်သွားကြောင်း သိရသည်။

""အထောက်အထား အပြည့်စုံရှိရင်တောင် မလေးရှား က သရုပ်ပျက် အဝတ်အစား   တွေ
Sexy Dance တွေ ကို လက်မခံဘူး သီချင်းဆိုတာလောက်ကိုတော့ ခွင့်ပေးသေးတယ်၊Sexy Dance တွေ အဝတ်စားတွေကြောင့် Hot ဖြစ်ပြီး ဝင်ဖမ်းတာ ဖြစ်မယ် ဆိုင်ပိုင်ရှင် ဖြေရှင်းတဲ့ အပေါ်မူတည်မှာပေါ့ တော်တော်လေးဖြေရှင်းယူရမှာ""ဟု မလေးရှားရောက်မြန်မာအလုပ်သမားတစ်ဦး ကပြောသည်။

 မလေးရှား တွင် အထောက်အထားမပြည့်စုံသည့် နိုင်ငံခြားသား အလုပ်သမားများ ကို အထူးစီမံချက်ဖြင့် လက်တလော တွင် ဖမ်းဆီးမှု များ ကိူ တနိုင်ငံလုံး အနှံ လုပ်ဆောင်လျက်ရှိရာ ဖမ်းဆီးခံရသည့် မြန်မာအလုပ်သမားများလည်းရှိနေသဖြင့်မြန်မာ နိုင်ငံသား အများနေဖြင့် အသွားအလာသတိထား ရန် အတွင် အချင်းချင်း အသိပေးမှုများ မြန်မာလူမှုကူညီရေးအသင်းများက သတိပေးမှု များရှိကြောင်း သိရသည်။
Yangon_Times/LW
#Local_News
#Published 14 January 2024
#Yangon_Media_Group #YMG_News #Yangon_Times

 Published_ 14 January 2024

၂၀၂၃ခုနှစ်အတွက် မြန်မာ့ရုပ်ရှင်ထူးချွန်ဆုပေးပွဲ အခမ်းအနားသို့ တက်ရောက်နိုင်ရေး ဦးစားပေး ဖိတ်ကြားမည့် ရုပ်ရှင်လောကသားများစာရင်းနှင့် အစီအစဉ်များကို မြန်မာနိုင်ငံရုပ်ရှင်အစည်းအရုံးမှ ထုတ်ပြန်လိုက်ကြောင်းသိရသည်။
 
မြန်မာ့ရုပ်ရှင်ထူးချွန်ဆုချီးမြှင့်ရေး ဖြစ်မြောက်ရေးလုပ်ငန်းကော်မတီတွင်ပါဝင်သော (၁)မြန်မာနိုင်ငံရုပ်ရှင်အစည်းအရုံးမှနာယကကြီးများ၊အလုပ်အမှုဆောင်အဖွဲ့ဝင်များ၊ဗီဒီယိုအခြေခံအဖွဲ့ (ဗဟို)၊ရန်ကုန်တိုင်းဒေသကြီး ဗီဒီယို အခြေခံအဖွဲ့ ၊

(၂)အကယ်ဒမီရပြီးသူများ(နိုင်ငံတော်မှ ရွှေရင်ထိုးပေးမည်)

(၃)၂၀၂၃ခုနှစ်အတွင်းရုံတင်ပြသခဲ့သော ရုပ်ရှင်ထုတ်လုပ်ရေး၊အနုပညာရှင် ၊အတတ်ပညာရှင်များ (တစ်ကားလျှင်၂၀ဦး စာရင်းတောင်းခံထားပြီးဖြစ်)

(၄)မိတ်ဖက်အဖွဲ့အစည်းများ(‌‌စာပေ၊ဂီတ၊သဘင် အစည်းအရုံးနှင့်ကူညီပံ့ပိုးသူများ)

(၅)လက်ရှိလုပ်ငန်းလုပ်ကိုင်‌နေသောရုပ်ရှင်ရုံပိုင်ရှင်များ၊ရုပ်ရှင်ထုတ်လုပ်ရေးများ၊ရုပ်မြင်သံကြားလိုင်းများနှင့်ဝါရင့်အနုပညာရှင်၊အတတ်ပညာရှင်များ
ပါဝင်မည်ဖြစ်ပြီး ဦးစားပေးဖိတ်ကြားခံရသူများ နာမည်အပြည့်အစုံနှင့်စာရင်းကို မြန်မာနိုင်ငံရုပ်ရှင်အစည်းအရုံးမှ ထပ်မံမည်ဖြစ်ကြောင်းသိရသည်။

အကယ်ဒမီပေးပွဲတက်ရန်ဦးစားပေးဖိတ်ကြားခံရသူများစာရင်းတွင်မပါဝင်သေးသော အလွှာအသီးသီးမှ အနုပညာရှင် အတတ်ပညာရှင်များ အနေဖြင့် ရုံးအဖွဲ့မှူးထံလျှောက်လွှာပေးပို့ လျှောက်ထားပြီး တက်ရောက်နိုင်သည်ဟု ထုတ်ပြန်ချက်တွင်ဖော်ပြပါရှိသည်။
Yangon_Times/tthl
#Local_News
#Published 14 January 2024
#Yangon_Media_Group #YMG_News #Yangon_Times

 Published_ 14 January 2024

၂၀၂၃ခုနှစ်အတွက် မြန်မာ့ရုပ်ရှင်ထူးချွန်ဆုပေးပွဲ အခမ်းအနားသို့ တက်ရောက်နိုင်ရေး ဦးစားပေး ဖိတ်ကြားမည့် ရုပ်ရှင်လောကသားများစာရင်းနှင့် အစီအစဉ်များကို မြန်မာနိုင်ငံရုပ်ရှင်အစည်းအရုံးမှ ထုတ်ပြန်လိုက်ကြောင်းသိရသည်။
 
မြန်မာ့ရုပ်ရှင်ထူးချွန်ဆုချီးမြှင့်ရေး ဖြစ်မြောက်ရေးလုပ်ငန်းကော်မတီတွင်ပါဝင်သော (၁)မြန်မာနိုင်ငံရုပ်ရှင်အစည်းအရုံးမှနာယကကြီးများ၊အလုပ်အမှုဆောင်အဖွဲ့ဝင်များ၊ဗီဒီယိုအခြေခံအဖွဲ့ (ဗဟို)၊ရန်ကုန်တိုင်းဒေသကြီး ဗီဒီယို အခြေခံအဖွဲ့ ၊

(၂)အကယ်ဒမီရပြီးသူများ(နိုင်ငံတော်မှ ရွှေရင်ထိုးပေးမည်)

(၃)၂၀၂၃ခုနှစ်အတွင်းရုံတင်ပြသခဲ့သော ရုပ်ရှင်ထုတ်လုပ်ရေး၊အနုပညာရှင် ၊အတတ်ပညာရှင်များ (တစ်ကားလျှင်၂၀ဦး စာရင်းတောင်းခံထားပြီးဖြစ်)

(၄)မိတ်ဖက်အဖွဲ့အစည်းများ(‌‌စာပေ၊ဂီတ၊သဘင် အစည်းအရုံးနှင့်ကူညီပံ့ပိုးသူများ)

(၅)လက်ရှိလုပ်ငန်းလုပ်ကိုင်‌နေသောရုပ်ရှင်ရုံပိုင်ရှင်များ၊ရုပ်ရှင်ထုတ်လုပ်ရေးများ၊ရုပ်မြင်သံကြားလိုင်းများနှင့်ဝါရင့်အနုပညာရှင်၊အတတ်ပညာရှင်များ
ပါဝင်မည်ဖြစ်ပြီး ဦးစားပေးဖိတ်ကြားခံရသူများ နာမည်အပြည့်အစုံနှင့်စာရင်းကို မြန်မာနိုင်ငံရုပ်ရှင်အစည်းအရုံးမှ ထပ်မံမည်ဖြစ်ကြောင်းသိရသည်။

အကယ်ဒမီပေးပွဲတက်ရန်ဦးစားပေးဖိတ်ကြားခံရသူများစာရင်းတွင်မပါဝင်သေးသော အလွှာအသီးသီးမှ အနုပညာရှင် အတတ်ပညာရှင်များ အနေဖြင့် ရုံးအဖွဲ့မှူးထံလျှောက်လွှာပေးပို့ လျှောက်ထားပြီး တက်ရောက်နိုင်သည်ဟု ထုတ်ပြန်ချက်တွင်ဖော်ပြပါရှိသည်။
Yangon_Times/tthl
#Local_News
#Published 14 January 2024
#Yangon_Media_Group #YMG_News #Yangon_Times

Published 14 January 2024

နေစကြဝဠာအဖွဲ့အစည်း အပြင်ဘက်ကနေ လည်ပတ်နေတဲ့ ရာနဲ့ချီတဲ့ဂြိုဟ်တွေမှာ စိန်မိုးရွာနိုင်ခြေမြင့်မားတယ်လို့ စမ်းသပ်ချက်အသစ်မှာ တွေ့ရှိထားပါတယ်။

ဒါဟာ အဆိုပါဂြိုဟ်တွေရဲ့ ဗဟိုချက် နက်ရှိုင်းလှတဲ့နေရာမှာ ကာဗွန်ဒြပ်ပေါင်းတွေ အပူချိန်အလွန်နိမ့်ပါးစွာဖြင့် ဖိသိပ်ခံရခြင်းကြောင့် ဖြစ်နိုင်ပါတယ်။

မွန်ဂိုဖရော့စ်နဲ့ အဖွဲ့သားများက ကယ်လီဖိုးနီးယားရှိ SLAC ဓာတ်ခွဲခန်းမှာ စမ်းသပ်ချက် ပြုလုပ်ရာမှာ ယူရေးနပ်စ်နဲ့ နက်ပ်ကျွန်းလိုမျိုး ရေခဲထုဂြိုဟ်တွေမှာ စိန်မိုးရွာတာ သာမန်ဖြစ်ရပ်ဖြစ်နေနိုင်တယ်လို့ သိရပါတယ်။

စမ်းသပ်ချက်အများစုကို ဖိသိပ်ခြင်းနည်းလမ်းအပေါ် အခြေခံပြီး ပြုလုပ်ခဲ့ကြတာ ဖြစ်ပါတယ်။
ဂြိုဟ်တွေပေါ်မှာ ဖိသိပ်ကာဗွန်အခြေအနေကို လေ့လာဖို့အတွက် တည်ငြိမ်တဲ့ဖိသိပ်ခြင်းကို အသုံးပြုရပါတယ်။

သုတေသီအဖွဲ့က ပိုလီစတိုင်ရင်းကို စိန် ၂ လုံးကြားထားပြီး ညှစ်လိုက်ကာ အိတ်စ်ရေးရောင်ခြည်ဖြင့် ထိတွေ့စေပြီးနောက် အပူချိန် ၂၂၀၀ ဒီဂရီဆဲလ်စီးယပ်စ်နဲ့ ဖိအား ၁၉ ဂစ်ဂါပါစကယ်ဝန်းကျင်မှာ ပိုလီစတိုင်ရင်းကနေ စိန်များဖြစ်ပေါ်လာပြီး ဒီအခြေအနေတွေဟာ ယူရေးနပ်စ်နဲ့ နက်ပ်ကျွန်းတို့မှ ပုံစံတွေနဲ့ ဆင်တူနေပါတယ်။

အဆိုပါ ဖိအားဟာ အစောပိုင်းက ရွေ့လျားဖိသိပ်ခြင်းသုံးကာ စိန်ဖြစ်ပေါ်ရန် လိုအပ်တဲ့ ဖိအားထက် များစွာနည်းပါးနေသလို ဓာတ်ပြုဖို့ကလည်း အချိန်ပိုမိုကြာရှည်နေပါတယ်။

ဂြိုဟ်ငယ်အများအပြားမှာ စိန်မိုးရွာတာ ဖြစ်နိုင်ခြေရှိတယ်လို့ ကောက်ချက်ချထားကြပြီး ပြင်ပဂြိုဟ်ပေါင်း ၅၆၀၀ ခန့်မှာ ၁၉၀ ကျော်လောက်က စိန်မိုးရွာနိုင်တယ်လို့ ဆိုပါတယ်။

နေစကြဝဠာအတွင်းမှာတော့ စိန်တွေက ယခင်ထင်ထားတာထက် တိမ်ပါးတဲ့အနက်မှာ ဖြစ်ပေါ်တဲ့သဘော ဖြစ်ပါတယ်။
Source: WION
#World_Science
#Published 14 January 2024
#Yangon_Media_Group #YMG_News #Yangon_Times

 14 January 2024
ပျူနှင့်ပုဂံကိုကမ္ဘာ့အမွေအနှစ်ဖြစ်အောင်ဆောင် ရွက်‌ပေးခဲ့သည့် နိုင်ငံခြားသားပညာရှင်၊မြန်မာ့ယဉ်ကျေးမှုသမိုင်းနှင့် ရှေးဟောင်း သုတေသနပညာရှင် SOAS လန်ဒန်တက္ကသိုလ် ဂုဏ်ထူးဆောင် ပါမောက္ခ Dr. Elizabeth Moore ကွယ်လွန်သွားကြောင်း ရှေးဟောင်းသုတေသနနှင့် အမျိုးသားပြတိုက်ဦးစီးဌာနမှသိရသည်။

ဆရာမကြီး Dr. Elizabeth Mooreကွယ်လွန်သွားသည့်အတွက် ဝမ်းနည်းကြေကွဲရကြောင်းဌာနမှ ထုတ်ပြန်ထားပြီးကွယ်လွန်ချိန်တွင် အသက် (၇၆) နှစ်ရှိပြီဖြစ်ပြီး လန်ဒန်စံတော်ချိန် ညနေ (၅:၂၀)နာရီတွင် University College London Hospital ဆေးရုံတွင် (၉၆)ပါးသော ရောဂါဖြင့် ကွယ်လွန်သွားကြောင်းသိရသည်။

ဆရာမကြီးDr. Elizabeth Mooreသည် ၁၉၈၉- ၁၉၉၀ မှစ၍ ရှေးဟောင်းသုတေသနဆိုင်ရာ လုပ်ငန်းများကို မြန်မာနိုင်ငံနှင့်ပူးပေါင်းဆောင်ရွက်ခဲ့သူဖြစ်ပါသည်။

ဆရာမကြီးသည် မြန်မာနိုင်ငံနှင့်ပတ်သက်၍ ရွှေတိဂုံဘုရားသမိုင်း၊ Early Landscape of Myanmar ၊ Pyu Landscape ၊ Wider Bagan စသည့် စာအုပ်များအပါအဝင် စာအုပ်နှင့်စာတမ်းပေါင်းများစွာကို ရေးသားခဲ့သူလည်းဖြစ်ပါသည်။

၂၀၁၄ ခုနှစ်တွင် ပျူရှေးဟောင်းမြို့တော်များ ကမ္ဘာ့အမွေအနှစ်စာရင်းတင်သွင်းခြင်း လုပ်ငန်း အတွက်  Nomination Dossier ကိုရေးသားရာတွင် အဓိကပါဝင် ရေးသားခဲ့ပါသည်။ 

အလားတူ ၂၀၁၆ -၂၀၁၈ ပုဂံယဉ်ကျေးမှုအမွေအနှစ်ဒေသကို ကမ္ဘာ့အမွေအနှစ်စာရင်း တင်သွင်းနိုင်ရေး အတွက် Nomination Dossier  ကိုလည်း ပါဝင်ရေးသားပေးခဲ့သူဖြစ်ပါသည်။

 ဆရာမကြီးသည် ၁၉၉၉ ခုနှစ်တွင် ရှေးဟောင်း သုတေသနဌာန၌ ပြင်ပပညာရှင် တံပဝတီ ဦးဝင်းမောင်နှင့် တွဲဖက်၍ မြန်မာနိုင်ငံ အတိတ်သမိုင်းတွင် ထွန်းကားခဲ့သော ကြေးခေတ်၊ သံခေတ် ယဉ်ကျေးမှု သုတေသနလုပ်ငန်းများကိုလည်းပူးပေါင်းဆောင်ရွက်ခဲ့သည်။

ဆရာမကြီး အဓိကတာဝန်ထမ်းဆောင်သည့် SOAS University of London တွင် ရှေးဟောင်း သုတေသနနှင့် သမိုင်းဘာသာရပ် ကိုလေ့လာဆည်းပူးနေသော မျိုးဆက်သစ် မြန်မာ လူငယ်များကို ပညာသင်ကြားနိုင်ရေးအတွက်လည်း များစွာကူညီဆောင်ရွက်ပေးခဲ့သူဖြစ်ပါသည်။

SOAS University of London  မှ ဒီပလိုမာ၊ မဟာဝိဇ္ဇာဘွဲ့ရရှိသူကျောင်းသားများကို လက်တွေ့ သုတေသနစာတမ်းများနှင့် စာတမ်းဖတ်ပွဲများကျင်းပပြုလုပ်ပြီး ပညာရပ်ဆိုင်ရာများ ကွင်းဆက် မပြတ်စေရန် ကူညီဆောင်ရွက်ပေးခဲ့သူ ဖြစ်သည်။ 

ထို့သို့သော ပုဂ္ဂိုလ်တစ်ဦး ကွယ်လွန်သွားသည့်အတွက် ဌာနမှများစွာ ယူကျုံးမရဖြစ်ရသလို မျိုးဆက်သစ် လူငယ်များအတွက်လည်း များစွာဆုံးရှုံးနစ်နာရပါသည်။ ဆရာမကြီး ကောင်းရာ ဘုံဘဝ ရောက်ပါစေကြောင်း ဌာနမှ ဆုမွန်ကောင်း တောင်းအပ်ပါသည်။ ကောင်းရာဘုံဘဝ ရောက်ပါစေ"ဟု ရှေးဟောင်းသုတေသနနှင့် အမျိုးသားပြတိုက်ဦးစီးဌာနမှထုတ်ပြန်ထား‌ကြောင်းသိရသည်။

ဆရာမကြီးသည် မြန်မာပြည်သာမက ထိုင်း၊ ကမ္ဘောဒီးယားစသည့် နိုင်ငံများရှိ ယဉ်ကျေးမှု ဒေသများသို့ ၎င်းကိုယ်တိုင်သွားရောက်၍ သော်လည်းကောင်း၊ ဒေသခံ နိုင်ငံသားပညာရှင်များနှင့် ပူးပေါင်း၍ လည်းကောင်း သုတေသနစာတမ်း၊ စာအုပ်များကို ရေးသားထုတ်ဝေခဲ့သည်။
Yangon_Times/tthl
#Local_News
#Published 14 January 2024
#Yangon_Media_Group #YMG_News #Yangon_Times

Published 14 January 2024

လူတစ်ယောက်ဟာ စိတ်ခံစားချက် မရင့်ကျက်ဘူးလို့ ယူဆနိုင်တဲ့ လက္ခဏာ ၅ မျိုးကို ဆိုရှယ်မီဒီယာပေါ်မှာ အငြင်းပွားနေကြပါတယ်။

လိုင်စင်ရကုသဆရာ ဂျက်ဖရေးမဲလ်ဇာက ဒီအကြောင်းကို ဖော်ပြခဲ့ရာမှာ ကြည့်ရှုသူ ၉ သန်းခွဲကျော်ရှိခဲ့ပြီး အငြင်းပွားသူများလည်း ရှိနေပါတယ်။
 
(၁) ပြန်လည်တောင်းပန်မှု မပြုလုပ်ခြင်း
စိတ်ထိခိုက်လွယ်ပြီး မရင့်ကျက်တဲ့သူတွေဟာ သူတို့ရဲ့အတ္တမာန ထိခိုက်မှာစိုးတဲ့အတွက် ပြန်လည်တောင်းပန်ခြင်း မရှိဘဲ တစ်ဖက်ကို အပြစ်ပြန်ပြောတတ်ကြပါတယ်။
 
(၂) ကိစ္စတိုင်းအတွက်ဆင်ခြေရှိခြင်း
မရင့်ကျက်သူတွေက မိမိကိုအထင်သေးမှာစိုးတဲ့အတွက် မသေချာတဲ့အရာကို မလုပ်နိုင်ဘူးလို့ ဝန်မခံကြဘဲ ရင့်ကျက်သူဆိုရင်တော့ မသိရင် မသိဘူးလို့ ဝန်ခံတတ်ကြပါတယ်။
 
(၃) မသိစိတ်က အထက်စီးရလိုခြင်း
မသိသာတဲ့ နည်းလမ်းဖြင့် သူများထက် အသာစီးရနေလိုပြီး ရင့်ကျက်သူတွေကတော့ အခြားသူတွေရဲ့ အခြေအနေကို စာနာကြည့်ရှုတတ်ကြပါတယ်။
 
(၄) သူတစ်ပါးအား ခြယ်လှယ်လိုခြင်း
‘’မင်းက ငါ့သူငယ်ချင်းကောင်းဆိုရင် ငါ့အတွက် ဒါလေးလုပ်ပေးပါ ဒါမှမဟုတ် ငါ့ကိုချစ်ရင် ဒါလေးလုပ်ခွင့်ပေးသင့်တယ်’’ဆိုပြီး ပြောတာမျိုးက ရင့်ကျက်ဖို့ လိုအပ်တယ်လို့ ညွှန်ပြနေပါတယ်။
 
(၅) နှုတ်ဆိတ်ခြင်းဖြင့် ဖြေရှင်းခြင်း
အငြင်းပွားဖွယ်အဖြစ်ဆုံး အချက်ကတော့ နှုတ်ဆိတ်ခြင်းပါပဲ။

ဖြစ်ချင်သလို မဖြစ်တဲ့အခါ နှုတ်ပိတ်နေခြင်းဖြင့် တုန့်ပြန်လိုက်တာဟာ တစ်ဖက်သားရဲ့ စိတ်ပိုင်းဆိုင်ရာကို ထိခိုက်စေတယ်လို့ ပြောပြသွားပါတယ်။
Source: New York Post.
#World_Health
#Published 14 January 2024
#Yangon_Media_Group #YMG_News #Yangon_Times

Published_13 Jan 2024

ရန်ကုန်တိုင်းဒေသကြီး၊လှိုင်သာယာမြို့နယ်ကို အဆင့်မြှင့် တင်နိုင်ရန်အတွက် Town Plan များ စနစ်တကျဖြင့် ရေးဆွဲ ရန် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် က တိုက်တွန်း ပြောဆိုလိုက်သည်။

ယနေ့ ဇန်နဝါရီလ ၁၃ ရက် က ရန်ကုန်တိုင်းဒေသကြီးအတွင်းရှိ စက်မှု ဇုန် အသီးသီးမှ စက်မှုဇုန်ကော်မတီ ဥက္ကဋ္ဌ များ၊ ကော်မတီဝင်များ၊ အသေးစား၊ အငယ် စားနှင့် အလတ်စား စီးပွားရေး (MSME) လုပ်ငန်းရှင်များ အား လှိုင်သာယာ စက်မှုဇုန်၊ ကနောင်ခန်းမ၌ တွေ့ဆုံ၍ မြို့ပြဖွံ့ဖြိုးတိုးတက်ရေးဆိုင်ရာများကို ဆွေးနွေး စဉ် ယင်းက ပြောခြင်း ဖြစ်သည်။

မြို့ပြနှင့် အိမ်ယာစီမံကိန်းများတည်ဆောက်ရာတွင် Town Plan များ ရေးဆွဲ၍ စနစ်တကျဖြင့် ဆောင်ရွက်ရန် ၊ မြို့ပြသန့်ရှင်းသာယာလှပရေး အတွက်လည်း ဆောင်ရွက်ရန်၊ စီမံကိန်းများတည်ဆောက်ရာတွင် လယ် ယာ စိုက်ပျိုးမြေများ မထိခိုက်ရန်၊ ဈေးများတည်ဆောက်ရာတွင် အဆင့် မီသည့်ဈေးများ၊ Shopping Mall များ တည်ဆောက်ရန်လိုပြီး ယဉ်ရပ်နားရန်နေရာ များနှင့် စားသောက်ဆိုင်တန်းများပါ စနစ်တကျ ထည့်သွင်း တည်ဆောက်ပေးရန် ၊ အလွှာအမျိုးမျိုးမှပြည်သူများ ရောင်းဝယ်မှု အဆင်ပြေစေရေးအတွက် ဆောင်ရွက် ပေးရန် တို့ကိုလည်း ပြောကြားခဲ့ကြောင်း သိရသည်။

ယင်းအပြင်လှိုင်သာယာအရှေ့ပိုင်းတွင် စာသင်ကျောင်းများနည်းပါးကြောင်း၊ကျောင်းများ တည်ဆောက် ရာတွင် ပညာရေးဝန်ကြီးဌာနမှ သတ်မှတ်ထားသည့် အတိုင်း အားကစားကွင်းများနှင့် ခန်းမများပါ ထည့် သွင်းတည် ဆောက်ရန်လည်း နစကဥက္ကဌက ဆိုသည်။

ပညာရေးကောင်းမွန်ရန်လိုအပ်သဖြင့် ကျောင်းများ ကောင်းမွန်နေရန်လိုပြီး ရပ်ကွက်များအလိုက် အခြေခံ ပညာကျောင်းများနှင့်အားကစားကွင်းများလည်း တည်ရှိရန်လိုသည့်အပြင် မြို့ပြစီမံကိန်းနှင့် အိမ်ယာစီမံကိန်း များတည်ဆောက်ရာတွင် အားကစားကွင်းများ၊ ဈေးနှင့် ကျောင်းများ၊ ဆေးရုံများ ထည့်သွင်းတည်ဆောက်ရန် လိုကြောင်းလည်းပြောကြားခဲ့သည်။

စက်မှုဇုန်အတွင်း အလုပ်လုပ်ကိုင်သူများ အဆင်ပြေ စေရေး နှင့် မြို့ပြတည်ဆောက်ရာတွင် ကျယ်ကျယ်ပြန့် ပြန့်ဖြင့် စဉ်းစားဆောင်ရွက်ရန် ၊ လှိုင်သာယာမြို့နယ်ဖွံ့ဖြိုးတိုးတက်စေ ရေး ရေရှည်အတွက်စီမံကိန်းများ ချမှတ် ရန် တို့ကို ပြောကြားခဲ့ကြောင်း သိရသည်။

ယင်းအပြင် ပန်းခြံအတွင်း စိန်ပန်း၊ ခရေ၊ ကံ့ကော် စသည့် အရိပ်ရသစ်ပင်ပန်းမန်ပင်များ၊ အရိပ်ရပင်များကို ထည့်သွင်းစိုက်ပျိုးရန်လို ၊ ပြည်သူများ စိတ်လက်အေးချမ်းစွာဖြင့် အပန်းဖြေအနားယူနိုင်ရေး အတွက်ပန်းခြံ အတွင်း စိမ်းလန်း စိုပြေသာယာလှပစေရေးကို စဉ်ဆက်မပြတ်ဆောင်ရွက်သွား ရန်တို့ကို ပြောဆိုခဲ့ကြောင်း သိရသည်။

ယင်းအပြင် ထိန်ပင်အမှိုက်ပုံ၌ တည်ဆောက်နေသော လျှပ်စစ်ထုတ်လုပ်ရေးစီမံကိန်းကိုလည်းပြီးစီး အောင် ဆောင်ရွက်ရန်၊ ရန်ကုန်မြို့အတွင်း လျှပ်စစ်ဓာတ်အားလုံလောက်စွာရရှိရေးအတွက် ဆောင်ရွက် ပေးရန်လိုပြီး သဘာဝ ဓာတ်ငွေ့ သုံး လျှပ်စစ်ဓာတ်အား ထုတ်လုပ်ခြင်း နေရောင်ခြည်စွမ်းအင်သုံးလျှပ်စစ်ဓာတ်အား ထုတ် လုပ်ခြင်းနှင့် လေအားလျှပ်စစ်ဓာတ် အား ထုတ်လုပ်ခြင်းများအပါအဝင် နည်းလမ်း ပေါင်းစုံဖြင့် ထုတ် လုပ်နိုင် ရေး တိုင်းဒေသကြီးအစိုးရအနေဖြင့် ကြိုးပမ်းဆောင်ရွက်ရန် လိုကြောင်းလည်း ဆိုသည်။

အလားတူ တိုင်းဒေသကြီးနှင့် ပြည်နယ်များကလည်း တိုင်းဒေသကြီး၊ ပြည်နယ်အစိုးရ၏ လုပ်ပိုင်ခွင့်အတွင်း လုပ်ကိုင်နိုင်သည့် လျှပ်စစ်ကဏ္ဍအပါအဝင် အခြားကဏ္ဍများကို ဆောင်ရွက်ရန်လိုကြောင်း၊ စက်မှုဇုန်များတွင် လျှပ်စစ်မီး လုံလောက်စွာ ရရှိမှသာ ကုန်ထုတ်လုပ်မှုများကို ဆောင်ရွက်နိုင်မည်ဖြစ်ကြောင်းလည်းပြောသည်။

၂၀၂၁-၂၀၂၂ ခုနှစ်တွင် လှိုင်သာယာမြို့နယ်အတွင်းရှိ တရား မဝင် နေထိုင်သူများအား ဥပဒေနှင့်အညီဆောင် ရွက်ပေးခဲ့ပြီး မြို့သာယာလှပရေး နှင့်စနစ်ကျနမှု ရှိစေရေးကို အလေးပေးဆောင်ရွက်ပေးခဲ့ကြောင်း၊ မြို့နယ်အ တွင်း ပညာရေး၊ ကျန်းမာရေးကဏ္ဍများ ဖွံ့ဖြိုးတိုးတက်ရေးအတွက်လည်း ဆောင်ရွက်သွား ရန် ၊တရားမဝင် ကျူးကျော်နေထိုင်သူများမရှိစေရေး၊ ဥပဒေနှင့်အညီဖြစ် စေရေးနှင့် ပြန်လည်နေရာချထားရေး တို့ကို စီမံဆောင် ရွက်ပေးသွားရန်လည်း ယင်းက ပြောကြားခဲ့သည်။
Yangon_Times/PP
#Local_News
#Yangon_Media_Group #YMG_News #Yangon_Times