#World_Health
Published 12 January 2024

ကျန်းမာသန်စွမ်းတဲ့ ဆံကေသာရရှိစေရန် ဘယ်လိုစားသောက်ရမလဲဆိုတာကို အာဟာရပညာရှင်များက ဖော်ပြလိုက်ပါတယ်။

 ဆယ်လ်မွန်ငါးမှာ ရေဓာတ်ကော်လာဂျင်၊ အိုမီဂါ၃ နဲ့ ဇင့်ဓာတ်တို့ပါဝင်တယ်လို့ အာဟာရပညာရှင် ဖရန်ဆက်စ်လာ့ဂျ်မန်းရော့သ်က ပြောပြပါတယ်။

ဆံပင်ကို ကီရာတင်လို့ခေါ်တဲ့ ပရိုတိန်းကနေ ပြုလုပ်တာကြောင့် ဆံကေသာကျန်းမာဖို့ လုံလောက်တဲ့ ပရိုတိန်း စားသုံးရန်လိုအပ်ကြောင်း ရှင်းပြလိုက်ပါတယ်။

ဆယ်လ်မွန်ငါးဟာ ကမ္ဘာပေါ်မှာ အကောင်းဆုံး အစားအစာလို့ သတ်မှတ်ထားကြပြီး ကျန်းမာရေးအကျိုးကျေးဇူး များစွာ ရှိနေပါတယ်။

တစ်ပတ်ကို ဆယ်လ်မွန် ၂ ကြိမ်ခန့် စားပေးခြင်းဖြင့် လမ်းဘေးစာများကြောင့် ခန္ဓာကိုယ်မှာ ဥပါဒ်ဖြစ်ထားတာတွေကို သက်သာစေတယ်လို့ နောက်ထပ်လေ့လာချက်မှာ ဖော်ပြထားပါတယ်။

အကောင်းဆုံးစားစရာတွေထဲမှာ ဆယ်လ်မွန်သာမက သစ်ကြားသီး၊ ဗာဒံသီး၊ ကြက်ဥ၊ အချဥ်ပါသောအသီးများ၊ ကြက်အရေခွံ၊ ပဲအမျိုးမျိုးဟာလည်း ဆံကေသာကျန်းမာရေးကို ထောက်ပံ့ပေးပါတယ်။

#World_Health #ဆံကေသာကျန်းမာရေး #အကောင်းဆုံးအစားအစာ #Source: New York Post

#World_Science
Published 12 January 2024

ကမ္ဘာပေါ်မှာ လွန်ခဲ့တဲ့ နှစ်ဘီလီယံဝက်နီးပါးလောက်က သက်ရှိများစတင်ပေါ်ပေါက်ခဲ့တယ်လို့ ယခုအချိန်အထိ သိရှိထားကြပါတယ်။

ဒါပေမဲ့ ရုပ်ကြွင်းသုတေသန တွေ့ရှိချက်အသစ်အရ နှစ်ပေါင်း ၁.၂ ဘီလီယံပိုမိုတိုးချဲ့ကာ ၁.၇၅ နှစ်ဘီလီယံကတည်းက စတင်ခဲ့တာဖြစ်နိုင်တယ်လို့ ယူဆလာကြပါတယ်။

လွန်ခဲ့တဲ့ နှစ်ပေါင်း ၁.၇၅ ဘီလီယံခန့်က အလင်းဖြင့် အစာချက်ထုတ်လုပ်တဲ့ ရှေးအကျဆုံး ရုပ်ကြွင်းတစ်ခုကို အခြေခံပြီး တွေ့ရှိတာဖြစ်ပါတယ်။

ထိုကနေ ဆဲလ်တွေက နေရောင်၊ ရေ၊ ကာဗွန်ဒိုင်အောက်ဆိုဒ်တို့ကို စွမ်းအင်၊ အောက်ဆီဂျင်အဖြစ်သို့ ပြောင်းလဲကာ သက်ရှိဖြစ်ပေါ်လာတယ်လို့ ညွှန်ပြနေပါတယ်။

ထိုတွေ့ရှိချက်တွေဟာ အတော်လေး အခြေခံကျပြီး ယနေ့ကမ္ဘာမြေပေါ်မှာ ဖြစ်နေတဲ့ အခြေအနေလိုမျိုး သတ်မှတ်နိုင်ပါတယ်။

လိဂ်တက္ကသိုလ်မှ သုတေသနပြုစုသူ အီမန်နျူယဲဂျာဗော့စ်က ရှင်းပြရာမှာ အောက်ဆီဂျင် စုဝေးစေပြီး ကမ္ဘာ့သမုဒ္ဒရာများနဲ့ လေထုတို့ရဲ့ ဓာတုသဘာဝကို သိသိသာသာ ပြောင်းလဲစေကာ သက်ရှိများ ဗီဇပြောင်းလဲမှု ဖြစ်ပေါ်လာကြတယ်လို့ သိရပါတယ်။

ပိုမိုအဆင့်မြင့်ပြီး ကိုယ်တိုင်မျိုးပွားနိုင်တဲ့ အရာတွေကနေ ကမ္ဘာပေါ်မှာ သက်ရှိတွေပေါ်ပေါက်လာတဲ့ ဓာတုဓာတ်ပြုမှုတစ်ခုကို သိပ္ပံပညာရှင်များ ၂၀၂၃ နိုဝင်ဘာလက ဖန်တီးနိုင်ခဲ့ပါတယ်။

သက်ရှိများဖြစ်ပေါ်လာစေတဲ့ RNA အတွက် ဓာတ်ပြုမှုဖြစ်စဥ်များကို ဖန်တီးခဲ့ကြတာ ဖြစ်ပါတယ်။

#World_Science #ကမ္ဘာပေါ်တွင်သက်ရှိစတင်ဖြစ်ပေါ် #Source: WION

Date: January 11, 2024

Nay Pyi Taw: State Administration Council Vice Chairman and Deputy Prime Minister Vice Senior General Soe Win has emphasized the need for comprehensive efforts by officials to expedite the commencement of operations at the Kyauk Phyu Special Economic Zone, according to state media.

Vice Senior General Soe Win, who also serves as the Chairman of the Myanmar SEZ Central Committee, urged committee members to accelerate the project during their meeting yesterday in Nay Pyi Taw.

He also mentioned that, with an outlook toward the friendship between Myanmar and China, the Kyauk Phyu SEZ project will significantly contribute to the economic development of both countries.

Despite encountering challenges that resulted in project delays due to rigorous negotiations by the management committee over two years, the central committee conducted a comprehensive review based on the Win-Win principle. He elaborated that, ultimately, the Addendum to the Concession Agreement for the deep-sea port project was successfully signed on December 26, 2023.

The Vice Senior General also said that the Kyauk Phyu Project could be implemented at the fastest pace if the conditions precedent were carried out systematically and swiftly during the 18-month extended period of the Long Stop Date.

The implementation of this project would provide enhanced employment opportunities for local residents, and the emergence of skilled workers could further contribute to the development of other Special Economic Zones (SEZs), emphasized Vice Senior General.

Situated in the Kyauk Phyu Sea port town in Rakhine State, Myanmar, the Kyauk Phyu Special Economic Zone (SEZ) is a collaborative effort between Myanmar and China. Recognized as a strategically significant project, the long-awaited implementation has recently seen accelerated efforts from both sides.

-ymg/knl

နောက်ဆုံးပေါ်အဆင့်မြင့်နည်းပညာပစ္စည်းများပြသထားသည့်(၂၀၂၄)အီလက်ထရွန်နစ်ပစ္စည်းပြပွဲ လက်စ်ဗေးဂတ်စ်တွင်ကျင်းပ

ကမ္ဘာပေါ်မှာ လွှမ်းမိုးမှုအရှိဆုံးနဲ့ အကြီးမားဆုံး နှစ်စဥ်နည်းပညာပွဲဖြစ်တဲ့ ၂၀၂၄ သုံးစွဲသူများအတွက် အီလက်ထရွန်နစ်ပစ္စည်းများပြပွဲ (CES)ကို အင်္ဂါနေ့မှာ အမေရိကန် လက်စ်ဗေးဂတ်စ်မြိုမှာ ဖွင့်လှစ်သွားမှာဖြစ်ပြီး လာရောက်တဲ့ဧည့်သည်တွေကို အံ့အားသင့်ဖွယ် နည်းပညာအမျိုးမျိုးဖြင့် ခင်းကျင်းပြသသွားမှာ ဖြစ်ပါတယ်။
#World_Event
Published_11 January 2024
#လက်စ်ဗေးဂတ်စ်တွင်ကျင်းပ #(၂၀၂၄)အီလက်ထရွန်နစ်ပစ္စည်းပြပွဲ
#Yangon_Times #YMG_News #Yangon_Media_Group

#Daily_News
Published_11 January 2024

၁။ မြန်မာနိုင်ငံတွင် ကိုဗစ်ဗီဇပြောင်းမျိုးကွဲသစ် HV .1 ၊JN.1 နှင့် EG. 5(၃)မျိုးထပ်မံတွေ့ရှိ

၂။ ကမ္ဘာ့ရွှေဈေးကျဆင်း‌နေသော်လည်း ပြည်တွင်း ရွှေအဝယ်လိုက်နေ၍ဈေးမာနေ

၃။ စိုက်ပျိုးရေးလုပ်ငန်းများအတွက် လုပ်သားရှားပါးလာပြီး လုပ်အားခနှုန်းထားများလဲ နှစ်ဆခန့်ဈေးမြင့်တက်လာ

၄။ နောက်ဆုံးပေါ်အဆင့်မြင့်နည်းပညာပစ္စည်းများပြသထားသည့်(၂၀၂၄) အီလက်ထရွန်နစ်ပစ္စည်းပြပွဲ လက်စ်ဗေးဂတ်စ်တွင်ကျင်းပ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

#Local_News
Published 11 January 2024

ကိုးရီးယားရောက် သာမန်မြန်မာနိုင်ငံကူးလက်မှတ်ထုတ်ယူလိုသူများ အထောက်အထားစုံလင်စွာပြသမှသာကိုယ်စားထုတ်ယူနိုင်မည်ဖြစ်ကြောင်း ဆိုးလ်မြို့ရှိ မြန်မာသံရုံးကယနေ့ အသိပေးထားသည်။

အဆိုပါ ကိုရီးယားသမ္မတနိုင်ငံ၌ ရောက်ရှိနေထိုင်၊ အလုပ်လုပ်ကိုင်လျက်ရှိကြကုန်သော မြန်မာနိုင်ငံသားများအနေဖြင့် နိုင်ငံကူးလက်မှတ်များသက်တမ်းတိုးပြီးပါက ရက်ချိန်းပေးထားသည့် နေ့တွင် မွန်းလွဲ၂နာရီမှ ၄နာရီအထိ ကိုယ်တိုင်ပြန်လည်ထုတ်ယူရမည်ဖြစ်ကြောင်းသိရသည်။

သို့ရာတွင်အကြောင်းအမျိုးမျိုးကြောင့် ကာယကံရှင်ကိုယ်တိုင်ထုတ်ယူနိုင်ခြင်းမရှိပါက ကိုယ်စားထုတ်ယူရာတွင် လွဲမှားထုတ်ယူမှု၊ပျောက်ဆုံးမှုများမရှိစေရေးအတွက် ကိုယ်စားလှယ်လွှဲစာ၊ပြန်လည်ထုတ်ယူရန်ရက်ချိန်းပေးထားသည့်စာရွက် ၊နိုင်ငံကူးလက်မှတ်မိတ္တူ(ကာယံကံရှင်နှင့်ကိုယ်စားထုတ်ယူသူ)၊ID Card မိတ္တူ(ကာယံကံရှင်နှင့်ကိုယ်စားထုတ်ယူသူ)များအပြင် ကိုယ်စားလှယ်လွှဲစာအားကာယကံရှင်ကိုယ်တိုင်ရေးရမည်ဖြစ်ကြောင်းသိရသည်။

#Local_News #မြန်မာနိုင်ငံကူးလက်မှတ်ထုတ်ယူလိုသူ #ကိုယ်စားထုတ်ယူနိုင် #YMG/NN #Yangon-Times

#Local_News
Published 11 January 2024

ဗဟိုထိန်းချုပ် အီလက်ထရွန်းနစ် အငြိမ်းစားလစာစနစ် (Centralized e-Pension) ဆောင်ရွက်သည့် မည်သည့် ဘဏ်ခွဲ၌မဆို အငြိမ်းစားပင်စင်လစာများကို ဘဏ်ပြောင်းစရာမလိုဘဲ ဝန်ဆောင်ခအခမဲ့ဖြင့် ထုတ်ယူနိုင်‌ကြောင်း မြန်မာ့စီးပွားရေးဘဏ်မှ အသိပေးလိုက်သည်။

မြန်မာ့စီးပွားရေးဘဏ်သည်ပင်စင်လစာထုတ်ပေးသည့် လုပ်ငန်း e-Pension စနစ်မှ Centralized e-Pension စနစ်ကို ၂၀၂၃ ခုနှစ် ၊ စက်တင်ဘာကစတင်​ပြီး အဆင့်မြှင့်တင် ဆောင်ရွက်လာခြင်းဖြစ်သည်။

ယခု ၂၀၂၄ ခုနှစ် ဇန်နဝါရီအထိ Centralized e-Pension စနစ် ဆောင်ရွက်နေသည့် ဘဏ်ခွဲပေါင်း ၅၅ ဘဏ်အထိ ရှိလာပြီးယင်းဘဏ်ခွဲများ၌ မည်သည့် ဘဏ်ခွဲ၌ မဆို ဘဏ်တစ်ခုနှင့်တစ်ခု ပြောင်းရွှေ့ရန်မလိုဘဲ ဝန်ဆောင်ခအခမဲ့နှုန်းဖြင့် အငြိမ်းစားပင်စင်လစာ ထုတ်ယူနိုင်‌ကြောင်းသိရသည်။

ဝန်ဆောင်မှုဘဏ်ခွဲအဖြစ် ထပ်တိုးလာမည့် ဘဏ်ခွဲအသစ်များကိုလည်း ထပ်မံ ကြေညာပေးသွားမည်ဖြစ်ကြောင်း ၊ အကြောင်းအမျိုးမျိုးကြောင့် မြို့နယ်အသီးသီး၌ ရောက်ရှိနေကြသည့် အငြိမ်းစားဝန်ထမ်းများ အနေဖြင့် မိမိတို့ရောက်ရှိရာဒေသရှိ မြန်မာ့စီးပွားရေးဘဏ်များတွင်အငြိမ်းစားလစာများ ကိုထုတ်ယူနိုင်မည် ဖြစ်ပြီး၊အငြိမ်းစာကိုယ်တိုင် ထုတ်ယူရမည်ဖြစ်ကြောင်းသိရသည်။

#Local_News #ပင်စင်လစာ e Pensionကတ် #ဝန်ဆောင်ခအခမဲ့ဖြင့်ထုတ်ယူနိုင် #YMG/NN #Yangon_Times

တစ်ဖက်ကပဲ လိုအပ်ချက်များပြီး ကျွန်တော်တို့ဆီက ပဲလက်ကျန်နည်းသွားတော့ မတ်ပဲကတစ်တင်းကိုတစ်သိန်းနီးပါးလောက်ကပ်သွားတယ်၊
#Local_News
Published_11 January 2024
#မတ်ပဲဈေးနှုန်း #တစ်သိန်းနီးပါးအထိစျေးတက်
#YMG/NN #Yangon_Times

'ဆင်ဘူဖေးကျွေးမွေးတဲ့အခါမှာ ကျပ်ငါးသောင်းနဲ့တစ်သိန်းကျပ် စသဖြင့် မိမိကျွေးမွေးလိုတဲ့ ဈေးနှုန်းကို ရွေးချယ်နိုင်ပါတယ်။ ဆင်စာတွေက ကြံ၊ရွှေဖရုံ၊ဖရဲ၊ငှက်ပျော၊ပြောင်းအမျိုးအစားတွေဖြစ်ပြီး ဈေးနှုန်းအလိုက်ပါဝင်တဲ့ပမာဏအနည်းအများရှိပါတယ်၊ ဆင်စာဘူဖေးအပြင်လာတဲ့သူတွေကျွေးဖိုလည်း ဆင်စာတန်းလေးလုပ်ပေးထားပါတယ်'
#Local_News
Published_11 January 2024
#ပလင်းကမ်းသာယာဆင်စခန်း #အွန်လိုင်းကမှာကျွေးသူပိုများ
#YMG/ NN #Yangon_Times

စိုက်ပျိုးရေးနဲ့လယ်ယာလုပ်သားတွေဟာ ပြည်ပကို သွားရောက်အလုပ်လုပ်ကိုင်သူများလာသလို ပြည်တွင်း ရွှေ့ပြောင်းသွားရောက် အလုပ်လုပ်ကိုင်တာတွေလည်းရှိလာတဲ့အတွက် စိုက်ပျိုးရေးကဏ္ဍမြေယာလုပ်ငန်းတွေအတွက်လုပ်သားခေါ်ယူရာမှာ အခက်အခဲဖြစ်လာတယ်လို့ ဆိုပါတယ်
#Local_News
Published_11 January 2024
#လုပ်သားရှားပါး #စိုက်ပျိုးရေးနဲ့လယ်ယာလုပ်သား
#YMG/LW #Yangon_Times

#Local_News
Published_11 January 2024

ထိုင်းအစိုးရအနေဖြင့် ထားဝယ်အထူးစီးပွားရေးဇုန်ကိစ္စကို စိတ်ဝင်စားသဖြင့် ပြန်လည်ဆက်သွယ်လာသည့် အနေထားရှိသည့်အတွက် မိမိတို့ဘက်မှ လိုအပ်သလို ပူးပေါင်းဆောင်ရွက်သွားရန် လိုအပ်ကြောင်း မြန်မာအထူးစီးပွားရေးဇုန်ဆိုင်ရာ ဗဟိုအဖွဲ့ဥက္ကဋ္ဌ နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီးစိုးဝင်းကပြောကြားသည်။

ဇန်နဝါရီ ၁၀ရက်က ပြုလုပ်သည့်မြန်မာအထူးစီးပွားရေးဇုန်ဆိုင်ရာ ဗဟိုအဖွဲ့၏ (၁/၂၀၂၄) ကြိမ်မြောက်လုပ်ငန်းညှိနှိုင်းအစည်းအဝေးကို နေပြည်တော်ရှိ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ညီလာခံခန်းမ၌ ကျင်းပရာ မြန်မာအထူးစီးပွားရေးဇုန်ဆိုင်ရာ ဗဟိုအဖွဲ့ဥက္ကဋ္ဌ နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီးစိုးဝင်း တက်ရောက်အမှာစကားပြောကြားခြင်းဖြစ်သည်။

ထားဝယ်အထူးစီးပွားရေးဇုန်စီမံကိန်းကို ၂၀၀၈ ခုကတည်းက အကောင်အထည်ဖော်ဆောင်ရွက်ခဲ့သော်လည်း အကြောင်း အမျိုးမျိုးကြောင့် တာဝန်ပေးထားသည့် အီတာလျံ-ထိုင်း ကုမ္ပဏီက ရှေ့ဆက်မတိုးနိုင်ဘဲ လုပ်ငန်းရပ်စဲထားခဲ့ပါကြောင်း၊ ဆက်လက်ပြီး ဖြေရှင်းဆောင်ရွက်ရမည့် အနေအထားများလည်း ရှိပါကြောင်း၊ သို့သော်လည်း ထိုင်းနိုင်ငံ၏ နိုင်ငံရေးအပြောင်းအလဲကြောင့် ထားဝယ်အထူးစီးပွားရေးဇုန်ကို ထိုင်းနိုင်ငံအစိုးရနှင့် ချိတ်ဆက်ဆောင်ရွက်နိုင်ရန် အစီအစဉ်ရှိနေသည်ကို သိရှိရကြောင်းပြောသည်။

 ထို့အပြင် လက်ရှိထိုင်းအစိုးရအနေဖြင့် ထားဝယ်အထူးစီးပွားရေးဇုန်ကိစ္စကို စိတ်ဝင်စားပြီး ပြန်လည်ဆက်သွယ်လာသည့် အနေအထားများရှိသည့်အတွက် ယင်းအပေါ်တွင် မိမိတို့အနေဖြင့် လိုအပ်သလို ပူးပေါင်းဆောင်ရွက်သွားရန် လိုကြောင်း။ ထိုင်းနိုင်ငံ၏ လက်ရှိအစိုးရမူဝါဒအနေဖြင့် ထိုင်းနိုင်ငံအရှေ့ပိုင်းပြည်နယ်တွင် အထူးစီးပွားရေးဇုန် တည်ထောင်ပြီး အရှေ့ စီးပွားရေးစင်္ကြံ (Eastern Economic Corridor)ကို အကောင်အထည်ဖော်ဆောင်ရွက်နေပြီး ထားဝယ် အထူးစီးပွားရေးဇုန် စီမံကိန်းနှင့် ချိတ်ဆက်ဆောင်ရွက်နိုင်မည်ဟု ယူဆပါကြောင်း၊ တစ်ဖက်တွင်လည်း ထားဝယ်အထူးစီးပွားရေးဇုန် စီမံခန့်ခွဲမှုကော်မတီအနေဖြင့် ရင်းနှီးတည်ဆောက်သူအသစ်ရွေးချယ်၍ ကုန်ကျစရိတ်များသာရှိပြီး ဝင်ငွေမရှိသည့် Special Purpose Vehicle (SPV) ဖျက်သိမ်းရေး ကိစ္စရပ်များကို အမြန်ဆုံးပြီးပြတ်အောင် ဆောင်ရွက်ရန်ဖြစ်ကြောင်း အစည်းဝေးတွင် ပြောကြားခဲ့သည်။

အဆိုပါအစည်းအဝေးသို့ မြန်မာအထူးစီးပွားရေးဇုန်ဆိုင်ရာဗဟိုအဖွဲ့ဝင်များဖြစ်ကြသည့် ပြည်ထောင်စုဝန်ကြီးများ၊ ဒုတိယဝန်ကြီးများ၊ သီလဝါ၊ ကျောက်ဖြူနှင့် ထားဝယ်အထူး စီးပွားရေးဇုန်တို့မှ စီမံခန့်ခွဲမှုကော်မတီဥက္ကဋ္ဌများ၊ ညွှန်ကြားရေးမှူးချုပ်များနှင့် တာဝန်ရှိသူများ တက်ရောက်ကြပြီး ရန်ကုန်တိုင်းဒေသကြီးဝန်ကြီးချုပ်၊ တနင်္သာရီတိုင်း ဒေသကြီးဝန်ကြီး ချုပ်နှင့် ရခိုင်ပြည်နယ်ဝန်ကြီးချုပ်တို့က ဗီဒီယိုကွန်ဖရင့်စနစ်ဖြင့် တက်ရောက်ကြသည်။

#Local_News #ထားဝယ်အထူးစီးပွားရေးဇုန် #ပူးပေါင်းဆောင်ရွက်သွားရန်လို #YMG/LW #Yangon_Times

#Local_News
Published-11 January 2024

ရန်ကုန်တိုင်းဒေသကြီး၊ သာကေတမြို့နယ်ရှိ တိုင်းရင်းသားကျေးရွာတွင်ကျင်းပသည့် ကရင်နှစ်သစ်ကူးပွဲတော်၊ ပျားဖွပ်ပြိုင်ပွဲ၌ ကွမ်းခြံကုန်းအဖွဲ့ ၂ မှ ပထမဆုဆွတ်ခူးခဲ့ကြောင်း ကရင်စာပေနှင့် ယဉ်ကျေးမှုအသင်း (ရန်ကုန်တိုင်းဒေသကြီး) ဥက္ကဋ္ဌ၊ ပွဲတော် ကျင်းပရေးကော်မတီဝင် မန်းသန်းဝင်းက ပြောသည်။

ရန်ကုန်တိုင်းဒေသကြီး ပြည်ထောင်စုတိုင်းရင်းသားကျေးရွာ၌ ကရင်နှစ်သစ်ကူးနေ့ကို အလံတင်အခမ်းအနား၊ဟောပြောပွဲ၊ တိုင်းရင်းသားအဆို၊ အကများ၊ ဈေးရောင်းပွဲတော်များပါဝင်ပြီး တိုင်းဒေသကြီးအဆင့် အခမ်းအနားအဖြစ်ယနေ့တွင် ကျင်းပခြင်းဖြစ်ပြီးပွဲတော်၌တစ်ခုအပါအဝင်ဖြစ်သည့် ပျားဖွပ်ပြိုင်ပွဲ၌ ကွမ်းခြံကုန်းမှအဖွဲ့နှစ်ဖွဲ့နှင့်တိုင်းရင်းသားဖွံ့ဖြိုးရေးဒီဂရီကောလိပ်(သာကေတ)အဖွဲ့ တို့ မှ ယှဉ်ပြိုင်ကြခြင်းဖြစ်ကြောင်းသိရသည်။

'ပျားဖွပ်ပြိုင်ပွဲက ဒီနှစ်မှစပြီး ထည့်သွင်းပြုလုပ်တာဆိုတော့လူတော့သိပ်မသိသေးဘူး၊ နောက်နှစ်ဆိုရင်ဒီထက်လာပြိုင်ကြမှာပါ၊ ပထမဆုက ကွမ်းခြံကုန်းအဖွဲ့၂ကရပါတယ်၊ဒုတိယဆုကအဖွဲ့၁ကရပါတယ်၊ တတိယဆုကတိုင်းရင်းသားဖွံ့ဖြိုးရေးဒီဂရီကောလိပ်ကရပါတယ်၊ လက်ဝှေ့ပြိုင်ပွဲကတော့အခုမပြီးသေးဘူး၊ ဆက်ပြိုင်နေပါတယ်' ဟု မန်းသန်းဝင်းကပြောသည်။

ပျားဖွတ်ပြိုင်ပွဲဆိုသည်မှာလူနှစ်ယောက်မှ ဝါးလုံးကို ထမ်းထားပြီး ပြိုင်ပွဲဝင်မည့်သူမှ ဝါးလုံးပေါ်သို့တက်ကာ ထမ်းထားသည့် လူနှစ်ယောက်ကိုပတ်ရခြင်းဖြစ်ကြောင်း၊ မြေကြီးနှင့်ထိပါကအရှုံးအဖြစ်သတ်မှတ်ပြီး ၅ မိနစ်အတွင်း အများဆုံးပတ်နိုင်သည့်သူမှာ ပထမဆုရရှိခဲ့ခြင်းဖြစ်ကြောင်း၊ ဆုကြေးများမှာ ပထမဆု ကျပ် ၂ သိန်း၊ ဒုတိယဆု ၁ သိန်းခွဲ၊ တတိယဆု ၁ သိန်းနှင့် အထူးဆု ကျပ် ၅ သောင်း ချီးမြှင့်မည်ဖြစ်ကြောင်း သိရသည်။

ကရင်နှစ်သစ်ကူးပွဲတော်၌ ရိုးရာလက်ဝှေ့ပြိုင်ပွဲ၊ ကရင်တိုင်းရင်းသားရိုးရာ အကအလှများဖြင့် ဖျော်ဖြေတင်ဆက်သွားသည့်အပြင် ကရင်တိုင်းရင်းသားရိုးရာ အသုံးအဆောင်များ၊ အဝတ်အစားများ၊ အစားအစာများကို ရောင်းချသည့် ဈေးဆိုင်ခန်းများ ဖွင့်လှစ်ထားပြီး ညနေငါးနာရီအထိပေပျာ်ရွင်စွာကျင်းပနေကြောင်း သိရသည်။

#Local_News #တိုင်းရင်းသားကျေးရွာ #ပျားဖွပ်ပြိုင်ပွဲ #ကွမ်းခြံကုန်းအဖွဲ့ ၂မှအနိုင်ရရှိ #YMG/ NN #Yangon_Times