#Local_News
Published 20 January 2025
▪️ ပဲခူးတိုင်းဒေသကြီးအတွင်း ဆွာ၊ ရေတာရှည်နှင့် တောင်ငူတွင် အသေးစား ခြေတု၊ လက်တု ပြုပြင်ရန် လိုအပ်သူ(၁၆၅)ဦးကို ပြုပြင်ပေးခဲ့ကြောင်းမြန်မာနိုင်ငံကြက်ခြေနီအသင်းမှ သိရသည်။
▪️ မြန်မာနိုင်ငံကြက်ခြေနီအသင်းနှင့် အပြည်ပြည်ဆိုင်ရာကြက်ခြေနီကော်မတီတို့ပူးပေါင်းဆောင်ရွက်လျက်ရှိသော ဘားအံခြေတုလက်တုဆိုင်ရာပြန်လည်သန်စွမ်းရေးဌာနမှ နယ်လှည့် ကွင်းဆင်းဆောင်ရွက်သည့်အစီအစဥ်ကို ဇန်နဝါရီလ (၁၄)ရက်နေ့မှ ဇန်နဝါရီလ(၁၆)ရက်နေ့အထိ ပဲခူးတိုင်းဒေသကြီး ဆွာမြို့၊ ရေတာရှည်မြို့နယ်နှင့် တောင်ငူမြို့နယ်များသို့ ကွင်းဆင်းဆောင်ရွက်ခဲ့ခြင်းဖြစ် ကြောင်း သိရသည်။
▪️ ထိုသို့ ဆောင်ရွက်ရာတွင် ဆွာမြို့တွင် အသေးစား ခြေတု၊ လက်တု ပြုပြင်ရန် လိုအပ်သူ(၃၅)ဦး၊ ရေတာရှည်မြို့နယ်တွင် အသေးစားခြေတု၊ လက်တုပြုပြင်ရန်လိုအပ်သူ(၄၄)ဦး၊ တောင်ငူမြို့နယ်တွင် အသေးစား ခြေတု၊ လက်တုပြုပြင်ရန် လိုအပ်သူ(၈၆)ဦး၊ စုစုပေါင်း အသေးစား ခြေတု၊ လက်တုပြုပြင်ရန်လိုအပ်သူ (၁၆၅)ဦး တို့ကို ပြုပြင်ပေးခြင်း၊ အသစ် ပြုလုပ်ရန် လိုအပ်သူ(၁၂)ဦး ကို ဘားအံခြေတုလက်တုဆိုင်ရာပြန်လည်သန်စွမ်းရေးဌာနသို့ ညွှန်းပို့ပေးခြင်း တို့ကို ဆောင်ရွက်ခဲ့ကြောင်း သိရသည်။
#YMG/SW #Yangon_Times
