Published 28 November 2023

ရန်ကုန်ဈေးကွက်တွင်း၌ တစ်ပတ်တာအတွင်း စက်သုံးဆီတစ်လီတာကို ကျပ်၇၀ကျော်အထိ ကျဆင်းလာကြောင်း စက်သုံးဆီဈေးကွက်အတွင်းမှ သိရသည်။

ထိုသို့ကျဆင်းရာတွင် တစ်ပတ်တာအတွင်း ဓာတ်ဆီ တစ်လီတာလျင်ကျပ် ၆၅ နှင့် ဒီဇယ်တစ်လီတာလျှင်၇၅ကျပ်အထိကျဆင်းလာခြင်း ဖြစ်ကြောင်းသိရသည်။

'စက်သုံးဆီဈေးတွေက ဒီတပတ်ထဲ နည်းနည်းကျတယ်၊ ကမ္ဘာ့‌ဈေးလဲငြိမ်တယ်လေ ၊အရောင်းအဝယ်ကတော့ ပွဲတော်ရက်မလို့ ကောင်းပါတယ်'ဟု စက်သုံးဆီ တစ်နိုင်တစ်ပိုင်ရောင်းချသူတစ်ဦးကပြောသည်။

ကမ္ဘာ့ရေနံစိမ်းတစ်စည်လျင်၇၅ဒသမ၁၇ဒေါ်လာဖြင့် တစ်ပတ်တာအတွင်း အတက်အကျအနည်းငယ်သာရှိပြီး လာမည့် ညပိုင်းတွင် Crude Oil Inventoriesသတင်းဖြင့် အတက်အကျကြမ်းနိုင်ကြောင်း ဈေးကွက်ကျွမ်းကျင်သူများကဆိုသည်။

ယနေ့တွင် ရန်ကုန်ဈေးကွက်၌ 92တစ်လီတာလျှင် ၂၁၇၀ကျပ် ၊95တစ်လီတာလျှင် ၂၃၀၀ကျပ်၊ ဒီဇယ်တစ်လီတာလျှင် ၂၂၀၀ကျပ်၊ ပရီမီယံဒီဇယ် တစ်လီတာလျှင်၂၂၉၀ကျပ်ဖြင့် ဈေးနှုန်းအသီးသီးရှိနေကြောင်းသိရသည်။
Yangon_Times/NN
#Local_News
#Published 28 November 2023
#Yangon_Times #YMG_News #Yangon_Media_Group

Published 28 November 2023

ဒီဇင်ဘာလထဲတွင်လည်း လေဖိအားနည်းရပ်ဝန်းနှစ်ခုဖြစ်‌ပေါ်ကာ (၁)ကြိမ်တွင်အားပို‌ကောင်းနိုင်ပြီး မုန်တိုင်းငယ်အထိဖြစ်နိုင်‌ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှသိရသည်။

မိုးရွာသွန်းရက်အဖြစ် စစ်ကိုင်းတိုင်းအထက်ပိုင်း၊ တနင်္သာရီတိုင်း၊ ကချင်ပြည်နယ်၊ ရှမ်းပြည်နယ် (အရှေ့ပိုင်း)၊ ရခိုင်ပြည်နယ်နှင့် မွန်ပြည်နယ်တို့တွင် (၄)ရက်မှ (၇)ရက်ခန့်နှင့် နေပြည်တော်၊ စစ်ကိုင်းတိုင်းအောက်ပိုင်း၊ မန္တလေး တိုင်း၊ မကွေးတိုင်း၊ ပဲခူးတိုင်း၊ ရန်ကုန်တိုင်း ၊ ဧရာဝတီတိုင်း၊ ရှမ်းပြည်နယ်(မြောက်ပိုင်းနှင့် တောင်ပိုင်း)၊ ချင်းပြည်နယ်၊ ကယားပြည်နယ်နှင့် ကရင်ပြည်နယ်တို့တွင် (၁)ရက်မှ (၃)ရက်ခန့် မိုးထစ်ချုန်းရွာနိုင်သေးသည်ဟုဆိုသည်။

မြူကျဆင်းမှု အခြေအနေအဖြစ် စစ်ကိုင်းတိုင်းအထက်ပိုင်း၊ ကချင်ပြည်နယ်၊ ရှမ်းပြည်နယ်၊ ချင်းပြည်နယ်နှင့် မွန် ပြည်နယ်တို့တွင် မြူကျရက်(၁၆)ရက်မှ (၂၅)ရက်ခန့်နှင့် နေပြည်တော်၊ စစ်ကိုင်းတိုင်းအောက်ပိုင်း၊ မန္တလေးတိုင်း၊ မကွေးတိုင်း၊ ပဲခူးတိုင်း၊ ရန်ကုန်တိုင်း၊ ဧရာဝတီတိုင်း၊ တနင်္သာရီတိုင်း၊ ရခိုင်ပြည်နယ်၊ ကယားပြည်နယ်နှင့် ကရင်ပြည်နယ်တို့တွင် (၅)ရက်မှ (၁၅)ရက်ခန့် နံနက်ပိုင်းတွင် မြူထူများဆိုင်းနိုင်သည်ဟုဖော်ပြပါရှိသည်။

ယင်းအပြင် နေပြည်တော်၊ စစ်ကိုင်းတိုင်းအောက်ပိုင်း၊ မန္တလေးတိုင်းဒေသကြီး၊ မကွေးတိုင်း၊ ပဲခူးတိုင်း၊ ဧရာ၀တီတိုင်း၊ ရှမ်းပြည်နယ်(တောင်ပိုင်း)၊ ရခိုင်ပြည်နယ် နှင့် ကယားပြည်နယ်တို့တွင် ဒီဇင်ဘာလ ပျမ်းမျှအပူချိန်၏ (၁.၅)ဒီဂရီစင်တီဂရိတ်နှင့်အထက် ပိုနိုင်ပြီး၊ စစ်ကိုင်းတိုင်းအထက်ပိုင်း၊ ရန်ကုန်တိုင်း၊ တနင်္သာရီတိုင်း၊ ကချင် ပြည်နယ်၊ ရှမ်းပြည်နယ်(မြောက်ပိုင်းနှင့် အရှေ့ပိုင်း)၊ ချင်းပြည်နယ်၊ ကရင်ပြည်နယ်နှင့် မွန်ပြည်နယ် တို့တွင် ဒီဇင်ဘာလ ပျမ်းမျှအပူချိန်ခန့်သာ ရှိနိုင်ကြောင်းသိရသည်။
Yangon_Times/tthl
#Local_News
#Published 28 November 2023
#Yangon_Times #YMG_News #Yangon_Media_Group

နှမ်းဈေးကွက်အနေထားအရ ဈေးနှုန်းတဖြည်းဖြည်း ကျဆင်းလာတဲ့အတွက် ကုန်သည်တွေမှ ၀ယ်ယူလိုမှုရှိပေမယ့် တောင်သူတွေအနေနဲ့ ရောင်းချမှုမရှိဘူးလို့ မကွေးတိုင်းတောင်သူဖွံဖြိုးရေး အဖွဲထံက သိရပါတယ်။
Yangon_Times/LW
#Local_News
#Published 28 November 2023
#Yangon_Times #YMG_News #Yangon_Media_Group

၂၈ နိုဝင်ဘာ ၂၀၂၃

တရုတ်ပြည်သူ့လွတ်မြောက်ရေး တပ်မတော် တောင်ပိုင်းစစ်နယ်ဝန်းဌာနချုပ်ရဲ့မြေပြင်တပ်တွေဟာ တရုတ်-မြန်မာနယ်စပ်တလျောက်မှာ နိုဝင်ဘာ ၂၅ရက်မှ ၂၇ ရက်အထိ တကယ့်စစ်မြေပြင်လက်တွေ့လေ့ကျင့်မှုတွေဆက်တိုက်ပြုလုပ်ခဲ့ကြပါတယ်။

Source CCTV+

လက်မှုပညာတတ် တိုင်းရင်းသားများပြည်ပတွင် ရွေ့ပြောင်းလုပ်သားများဖြစ်နေ၍ လုပ်သားရှားပါးမှု ပြဿနာရှိလာနိုင်

"အရင်က လက်မှုပညာသင်ပေးထားတဲ့ တိုင်းရင်းသားလူငယ်တွေကလည်း ပြည်ပမှာလုပ်ခလစာ မြင့်စွာ အလုပ်လုပ်နေပြီဖြစ်တဲ့အတွက် ပြည်တွင်းကိုပြန်လာပြီး လစာနည်းနည်းပြန်လုပ်တော့မှာ မဟုတ်လို့ နောင်တစ်ချိန်မှာလုပ်သားရှားပါးမှု ပြဿနာတွေ ရင်ဆိုင်ရနိုင်ခြေရှိတယ်" မြန်မာနိုင်ငံလက်မှုအနုပညာအသင်း ဥက္ကဌ ဦးသာဓု
Yangon_Times/tthl
#Local_News
#Published 28 November 2023
#Yangon_Times #YMG_News #Yangon_Media_Group

၂၀၂၃ -၂၀၂၄ ကြံကြိတ်ခွဲရာသီအတွင်း ဗီယက်နမ်သို့ မြန်မာ့သကြားဖြူ တန်ချိန်တစ်သိန်းဝန်းကျင်နဲ့ အဓိကတင်ပို့သွားမယ်လို့ မြန်မာနိုင်ငံသကြားနှင့် ကြံထွက်ပစ္စည်းလုပ်ငန်းရှင်များ အသင်းကသိရပါတယ်။
Yangon_Times/NN
#Local_News
#Published 28 November 2023
#Yangon_Times #YMG_News #Yangon_Media_Group

မူဆယ် ၁၀၅မိုင်အနီးရှိ ဒေသခံပြည်သူများကို ဘေးလွတ်ရာကို ရွှေ့ပြောင်းပေးဖို့ လူမှုကူညီရေးအသင်းတွေ စီစဉ်ဆောင်ရွက်နေဟုဆို

မူဆယ် ၁၀၅မိုင်အနီးမှာ တိုက်ပွဲတွေ ဆက်တိုက်ဖြစ်နေတဲ့အတွက် ဒေသခံပြည်သူတွေ ဘေးလွတ်ရာကို ရွှေ့ပြောင်းပေးဖို့နဲ့ နေထိုင်နိုင်ဖို့အတွက် မူဆယ်မြို့ရှိ လူမှုကူညီရေးအသင်းတွေက ကြိုတင်စီစဉ်ဆောင်ရွက်နေတယ်လို့ ဒေသခံ လူမှုကူညီရေးအသင်းတွေထံက သိရပါတယ်။
Yangon_Times/
#Local_News
#Published 28 November 2023
#Yangon_Times #YMG_News #Yangon_Media_Group

တရုတ်တွင် အဖြစ်များနေသည့် အသက်ရူလမ်းကြောင်းဆိုင်ရာ ဖျားနာမှုနှင့် နမိုးရီးယားအဆုတ်ရောင်ရောဂါမဖြစ်အောင် ကာကွယ်ရန်လို

"အေးတဲ့အချိန်တွေမှာ ကလေးငယ်တွေ အအေးပတ်တာ၊ ချောင်းဆိုး၊ ဖျားနာတာတွေ အဖြစ်များလေ့ရှိပြီး ဆောင်းတုပ်ကွေးနဲ့ နမိုးရီးယား အဆုတ်ရောင် ရောဂါ‌တွေဖြစ်ပွားတတ်လို့ မဖြစ်ပွား‌အောင်ကာကွယ်ဖို့လိုတယ်"
ဝေဘာဂီ‌ဆေးရုံကြီးမှ ကလေးအထူးကုဆရာဝန်ကြီး ဒေါက်တာခင်ခင်ထား
Yangon_Times/tthl
#Local_News
#Published 28 November 2023
#Yangon_Times #YMG_News #Yangon_Media_Group

Published-28-November-2023

စစ်ကိုင်းတိုင်းဒေသကြီး ကျောက်မြောင်းမြို့အနီး ရှိ ဧရာဝတီမြစ်အတွင်း (၁၇)နှစ်အရွယ်လူငယ်တစ်ဦး ရေနစ်ပျောက်ဆုံးခဲ့ရာ ယနေ့ နိုဝင်ဘာ (၂၈)နံနက်ပိုင်းတွင် ပြန်လည်ရှာဖွေတွေ့ရှိခဲ့ကြောင်း မြန်မာ နိုင်ငံလူမှုကယ်ဆယ်ရေးအဖွဲ့ (လက်ပန်လှ)ထံကသိရသည်။

  အဆိုပါ ရေနစ်သည့်လူငယ်မှာ  နိုဝင်ဘာ (၂၇)ရက် မွန်လွှဲပိုင်းအချိန်က ဧရာဝတီ မြစ်အတွင်း ရေဆင်းကူးရာမှ ရေနစ်ပျောက်ဆုံးခဲ့ခြင်းဖြစ်ကြောင်း သိရသည်။

"" မနေ့က ညနေကတည်းက ရေငုတ်ရှာဖွေရေး လုပ်ငန်းတွေစလုပ်တယ် ညပိုင်းအထိရှာတာမတွေ့ဘူး အခုမနက် ဆက်ပြီးရှာတော့ မှ တွေ့တယ်""ဟု မြန်မာ နိုင်ငံလူမှုကယ်ဆယ်ရေးအဖွဲ့ (လက်ပန်လှ)မှ အဖွဲ့ဝင်တစ်ဦးကပြောသည်။

   ရေနစ်ပျောက်ဆုံးသူ အလောင်းကို ယမန်နေ့က ညနေ(၄)နာရီ အချိန်ခန့်ကစတင်ရှာ‌ဖွေခဲ့သော်လည်း ရေအနက်ပေ(၈၀)ခန့်ရှိခြင်း၊ ရေအောက်တွင် သဲကျင်းများ၊ဂလိုင်များ ရှိနေခြင်းတို့ကြောင့် ညအချိန်အထိ ကြိုးစားရှာဖွေခဲ့သော်လည်း မတွေ့ရှိခဲ့ဘဲ ယနေ့ နံနက်ပိုင်းမှသာ ပြန်လည်ရှာဖွေတွေ့ရှိခဲ့ခြင်းဖြစ်ကြောင်းသိရသည်။
Yangon_Times/LW
#Local_News
#Published 28 November 2023
#Yangon_Times #YMG_News #Yangon_Media_Group

Published 28 November 2023

လာမည့် ၂၀၂၄ ခုနှစ် အတွက် တောင်ကိုရီးယား နိုင်ငံ မှ မြန်မာအပါအ၀င် နိုင်ငံခြားသား အလုပ်သမား ၁၆၀၀၀၀ ကျော် ခေါ်ယူမည် ဖြစ်ကြောင်း ကိုရီယားသတင်းဌာန များ၏ ဖေါ်ပြချက်အရ သိရသည်။

နိုင်ငံခြားသား လုပ်သား ၁၆၅၀၀၀ ဦး ခေါ်ဆိုသွားရန်အတွက် နိုဝင်ဘာ ၂၇ ရက်မှာ ကျင်းပသည့် ၄၀ ကြိမ်မြောက် နိုင်ငံခြားသား လုပ်သား မူဝါဒဆိုင်ရာအဖွဲ့ အစည်းအဝေး တွင် ဆုံးဖြတ်ခဲ့ပြီးနောက် ထုတ်ပြန်ကြေညာခဲ့ ခြင်း ဖြစ်ကြောင်း သိရသည်။

ခေါ်ယူမည့် လုပ်ငန်းများနှင့်လုပ်သားဦးရေ အရ ကုန်ထုတ်လုပ်ငန်းအတွက် ၉၅၀၀၀ ဦး၊စိုက်၊ ပျိုးရေးနှင့်မွေးမြူရေးလုပ်ငန်းအတွက် ၁၆၀၀၀ ဦး၊ရေလုပ်ငန်းအတွက် ၁၀၀၀၀ ဦး၊ဆောက်လုပ်ရေးအတွက် ၆၀၀၀၀ ဦး၊သင်္ဘော လုပ်ငန်းအတွက် ၅၀၀၀ ဦး၊ ဝန်ဆောင်မှု လုပ်ငန်းအတွက် ၁၃၀၀၀ ဦးနှင့်အခြား လုပ်ငန်းများ အတွက် ၂၀၀၀၀ ဦးဖြစ်ကြောင်း သတင်းများတွင်ဖော်ပြထားသည်။

ယခင်နှစ်များ က တောင်ကိုရီးယား အနေဖြင့် နိုင်ငံ ခြားသား အလုပ်သမား ခေါ်ယူရာတွင် တစ်နှစ် အတွင် လုပ်သားဦးရေ တစ်သိန်း ၀န်းကျင်သာ လျာထားခဲ့ကာ လာမည့် ၂၀၂၄ ခုနှစ် အတွက် ခေါ်ယူမှု လျာ ထားချက် မှာတော့ ယခင်နှစ်တွေ ထက် များလာကြောင်း သိရသည်။

တောင်ကိုရီးယားအစိုးရအနေဖြင့် မြန်မာအလုပ်သမားများ ကို တစ်နှစ်လျှင် လုပ်သား ၅၀၀၀ နီးပါးခေါ်ယူလေ့ရှိပြီး ယခု၂၀၂၃ ခုနှစ်မှာတော့ ၈၀၀၀နီးပါးအထိခေါ်ယူမူရှိခဲ့ကြောင်း ထုတ်ပြန်ချက် များ အရ သိရသည်။
Yangon_Times/LW
#Local_News
#Published 28 November 2023
#Yangon_Times #YMG_News #Yangon_Media_Group

Published 28 November 2023

တရုတ်ပြည်သူ့လွတ်မြောက်ရေးတပ်မတော်(ရေ)မှ စစ်ရေယာဉ်များခေါင်းဆောင်နှင့်အဖွဲ့ ရန်ကုန်မြို့ ၏အထင် ကရနေရာများကို လေ့လာကြမည်ဖြစ်ကြောင်း သိရသည်။

နိုဝင်ဘာလ ၂၇ ရက်က ရန်ကုန်မြို့၊ သီလဝါ ဆိပ် ကမ်းသို့ မြန်မာ-တရုတ် ရေကြောင်းလုံခြုံရေးဆိုင်ရာ လေ့ ကျင့် ခန်း ဆောင်ရွက်ရန်နှင့် ချစ်ကြည်ရေးခရီးလည်ပတ်ရန်အတွက် တရုတ်ပြည်သူ့လွတ် မြောက်ရေး တပ်မတော်(ရေ)၊ 44th PLA Navy Escort Task Group(ETG) မှ စစ်ရေယာဉ် ၃ စင်း ရောက်ရှိလာခဲ့ကြခြင်း ဖြစ်သည်။

ယင်းသင်္ဘောများမှာ ဖျက်သင်္ဘော Zi Bo၊ ဖရီဂိတ်စစ်ရေယာဉ် Jing Zhou နှင့် ထောက်ပံ့ရေးစစ်ရေယာဉ် Qian Dao Hu တို့ဖြစ်ပြီး အဆိုပါစစ်ရေယာဉ်များတွင် အဖွဲ့ခေါင်းဆောင်အဖြစ် Senior Captain Sun Bo ဦးစီး၍ အရာရှိ၊စစ်သည်စုစုပေါင်း ၇၀၀ ဦးခန့် လိုက်ပါလာကြကြောင်း သိရသည်။

ယင်းတို့အနေဖြင့် ရန်ကုန်မြို့ရှိ အထင်ကရ နေရာများသို့ လေ့လာလည်ပတ်ခြင်း၊ နှစ်နိုင်ငံချစ်ကြည်ရေး အားကစားပြိုင်ပွဲများ ပြုလုပ်သွားမည်ဖြစ်ကြောင်း လည်း နစက သတင်းထုတ်ပြန်ရေးအဖွဲ့က ထုတ်ပြန်ထား သည်။

စစ်ရေယာဉ်များဖြင့် လိုက်ပါလာကြသော Senior Captain Sun Bo ဦးစီး၍ အရာရှိ၊စစ်သည်စုစုပေါင်း ၇၀၀ ဦးခန့် ကို တပ်မတော်(ရေ)မှ အရာရှိကြီးများ၊ အရာရှိ၊စစ်သည်များ၊မြန်မာနိုင်ငံဆိုင်ရာ တရုတ်သံရုံးနှင့် စစ်သံ ရုံးမှ တာဝန်ရှိသူများ၊ မြန်မာနိုင်ငံတရုတ်ကုန်သည်များအသင်း၊ တရုတ်-မြန်မာ ဗုဒ္ဓဘာ သာအသင်းတို့မှ သောင်းသောင်းဖြဖြ ကြိုဆိုနှုတ်ဆက်ခဲ့ကြကြောင်း သိရသည်။
Yangon_Times/PP
#Local_News
#Published 28 November 2023
#Yangon_Times #YMG_News #Yangon_Media_Group

28 November 2023

စားအုန်းဆီဈေးအနည်းငယ်တက်နေပြီး ရန်ကုန်အထိုင်အခြေခံလက်ကားရည်ညွှန်းဈေးပင် တစ်ပိဿာကျပ် ၅၀၀၀ရှိလာပြီဖြစ်ကြောင်း စားသုံးရေးရာဦးစီးဌာနမှသိရသည်။

ကမ္ဘာ့စားအုန်းဆီ ထုတ်လုပ်တင်ပို့သည့် နိုင်ငံများတွင် ဈေးကွက်နှင့် ဈေးနှုန်းဖြစ်ပေါ်မှုများအရ ၂၀၂၃ ခုနှစ်၊ နိုဝင်ဘာလ ၂၈ ရက်မှ ဒီဇင်ဘာလ ၃ ရက်အထိ ရန်ကုန်အထိုင်ဈေး အခြေခံလက်ကား ရည်ညွှန်းဈေးနှုန်းမှာ စားအုန်းဆီ တစ်ပိဿာ လျှင် ၅,၀၀၀ ကျပ် ဖြစ်ကြောင်းထုတ်ပြန်ကြေညာ ထားသည်ဟုဆို သည်။

အောက်တိုဘာလ၁၆ရက်က ရန်ကုန်အထိုင်ဈေး အခြေခံလက်ကား ရည်ညွှန်းဈေးနှုန်းအဖြစ် စားအုန်းဆီ တစ်ပိဿ၄၂၇၅ကျပ်သာရှိခဲ့ရာမှ ယခုနိုဝင်ဘာလ၂၈ရက်ရောက်ချိန်တွင် စားအုန်းဆီတစ်ပိဿ ၅၀၀၀ကျပ်အထိ တက်လာခဲ့ခြင်းဖြစ်သည်။

စားအုန်းဆီများကို ယခုသတ်မှတ်ထားသည့်ရည်ညွှ်န်းဈေးနှုန်းအတိုင်းရောင်းချရမည်ဖြစ်ပြီး ဈေးကစားရန် ရည်ရွယ်ချက်ဖြင့် သိုလှောင်ခြင်းနှင့် မသမာသည့် လုပ်ဆောင်မှုများပြုလုပ်ပါက အရေးကြီး ကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း စားသုံးသူရေးရာဦးစီးဌာနမှအသိပေး ထုတ်ပြန်ထားကြောင်း သိရသည်။
Yangon_Times/tthl
#Local_News
#Published 28 November 2023
#Yangon_Times #YMG_News #Yangon_Media_Group