‘မြန်မာနိုင်ငံဟာ တရုတ်နိုင်ငံနဲ့ အိမ်နီးချင်းနိုင်ငံဖြစ်ပြီး အိမ်နီးချင်းနိုင်ငံမတည်ငြိမ်ရင် တရုတ်နိုင်ငံဖွံ့ဖြိုးတိုးတက်မှုအတွက်အကျိုးမရှိနိုင်လို့ မြန်မာနိုင်ငံအမြန်ဆုံးတည်ငြိမ်အေးချမ်းရေးကိုလိုလားတယ်’ မြန်မာနိုင်ငံဆိုင်ရာ တရုတ်သံရုံးမှ သံမှူးကြီး Dr.Zheng Zhihong
#Local_News
Published_ 26 November 2023
#တရုတ်နိုင်ငံ #သံမှူးကြီးDr.Zheng Zhihong
#tthl #Yangon_Times

#Local_News
Published 25 November 2023

ယခုနှစ်အတွင်း ပြည်ပသို့တင်ပို့ဆန်များ ဈေးကောင်းရနေပြီး နိုဝင်ဘာလအတွင်းပြည်ပနိုင်ငံများသို့ ဆန်တန်ချိန်တစ်သိန်းခွဲအထိ တင်ပို့ရန်မျှော်မှန်းထားကြောင်း မြန်မာနိုင်ငံဆန်စပါးအသင်းချုပ် (MRF)မှ သိရသည်။

ပြီးခဲ့သည့် ဘဏ္ဍာနှစ်အတွင်း နိုင်ငံတကာဆန်ဈေးကွက်၌ မြန်မာ့ဆန်များသည် အမျိုးအစားပေါ် မူတည်ကာ တစ်တန်လျင် ပျမ်းမျှ အမေရိကန်ဒေါ်လာ ၃၅၀၊ ၄၀၀ ဝန်းကျင်သာဈေးရရှိခဲ့သော်လည်း ယခုနှစ်အတွင်းတစ်တန်လျင် အမေရိကန်ဒေါ်လာ ၅၀၀ ကျော်အထိ ဈေးရရှိနေကြောင်း သိရသည်။

'ဒီနှစ်ရောင်းတဲ့ ဆန်ဈေးတွေကမြင့်တယ်၊ ဒါကြောင့်မို တစ်ဖက်က တန်ချိန်အားဖြင့် လျော့နည်းမှုရှိသော်လည်းပဲ ဝင်ငွေအားဖြင့် သိပ်ပြီးတော့ မလျော့ဘူး ဆိုတာကိုတော့ ပြောချင်ပါတယ်၊နိုဝင်ဘာလမှာတော့ ကျွန်တော်ထင်တယ်။ တစ်သိန်းခွဲနီးနီးလောက် သွားလိမ့်မယ့် အနေအထားရှိပါတယ်' မြန်မာနိုင်ငံဆန်စပါးအသင်းချုပ် (MRF) ဥက္ကဋ္ဌ ဦးရဲမင်းအောင်က ပြောသည်။

၂၀၂၃-၂၀၂၄ ဘဏ္ဍာနှစ် ဧပြီလမှ အောက်တိုဘာလထိ (၇) လအတွင်း ပြည်ပနိုင်ငံများသို့ မြန်မာ့ဆန်၊ ဆန်ကွဲတင်ပို့မှုမှာ ပြီးခဲ့သည့်နှစ် ကာလတူနှင့် နှိုင်းယှဉ်ပါက (၅၀) ရာခိုင်နှုန်းခန့် လျော့နည်းသွားကြောင်း တန်ချိန်အားဖြင့် ထက်ဝက်နီးပါး လျော့နည်းသွားခဲ့သော်လည်း ဝင်ငွေအားဖြင့် ကြည့်ပါက ၂၅ ရာခိုင်နှုန်း၊ ၃၀ ရာခိုင်နှုန်းသာ လျော့နည်းသွားကြောင်းသိရသည်။

မြန်မာနိုင်ငံ ဆန်စပါးအသင်းချုပ်သည် ၂၀၂၃-၂၀၂၄ ဘဏ္ဍာနှစ်အတွင်း ပြည်ပနိုင်ငံများသို့ ဆန်/ဆန်ကွဲ တန်ချိန် (၂.၅) သန်း ရောင်းချနိုင်ရေး ရည်မှန်းထားရှိပြီး ပို့ကုန်ဝင်ငွေ အမေရိကန်ဒေါ်လာ (၁) ဘီလီယံရရှိရန် မျှော်လင့်ထားကြောင်း သိရသည်။

ဆန်နှင့်ဆန်ကွဲကို အာရှ၊ အာဖရိက၊ ဥရောပနိုင်ငံများသို့ ပင်လယ်ရေကြောင်းနှင့်နယ်စပ်ကုန်သွယ်ရေးများမှ တဆင့်တင်ပို့လေ့ရှိပြီး နယ်စပ်ကုန်သွယ်‌ရေးများတွင် အဓိကတင်ပို့သည့် နေရာတစ်ခုဖြစ်ပြီး ကိုဗစ်ကာလအတွင်းကပင် ဖွင့်လှစ်ခဲ့သည့် မူဆယ်ကုန်သွယ်ရေးအားပြီးခဲ့သည့် အောက်တိုဘာ၂၇ရက်မှစတင်၍ ယာယီပိတ်ထားရကြောင်း သိရသည်။

#Local_News #ပြည်ပတင်ပို့ဆန်များဈေးကောင်းရ #ဆန်တန်ချိန်တစ်သိန်းခွဲ #YMG/NN #Yangon_Times

ပြီးခဲ့တဲ့ သီတင်းကျွတ်ကာလထဲက တစ်လကြိုတင်ပြီး လေယာဉ်လက်မှတ်ကြိုတင်ဝယ်ယူတာတွေရှိခဲ့တာလို့ မြန်မာနိုင်ငံခရီးသွားလုပ်ငန်းရှင်များအသင်းကဥက္ကဌ ဦးနောင်နောင်းဟန်က ရန်ကုန်မီဒီယာဂရုကို အခုလိုပဲ ပြောပါတယ်။
‌#Local_News
Published_ 25 November 2023
#ပုဂံ-ညောင်ဦး‌ဒေသ #မြန်မာနိုင်ငံခရီးသွားလုပ်ငန်း
#YMG/NN #Yangon_Times

#Local_News
Published_ 25 November 2023

ပြည်ပနိုင်ငံတွေမှ တကူးတကလာရောက်ပူဇော်လေ့ရှိသည့် ဗိုလ်တထောင်စေတီတော်ကြီးရှိ ဗိုလ်တထောင်ဘိုးဘိုးကြီးကို ယာယီဗိမာန်နန်းဆောင်မှ အသစ်တည်ဆောက်ပြီးဖြစ်သည့် မူလဗိမာန်နန်းဆောင်သို့ ကြွရောက်စံမြန်းနေပြီဖြစ်၍ ဘိုးဘိုးကြီးအား မူလဗိမာန်နန်းဆောင်မှာပဲလာရောက်ပူဇော်နိုင်ပြီဖြစ်ကြောင်း ဗိုလ်တထောင်စေတီတော်ဂေါပကအဖွဲ့ထံမှ သိရသည်။

နိုဝင်ဘာလ၂၅ရက်တွင် ဗိုလ်တထောင်စေတီတော်ရင်ပြင် အနောက်ဘက်ရှိ ယာယီဗိမာန်နန်းဆောင်မှ မူလနေရာ ဗိမာန်နန်းဆောင်သစ်သို့ ကြွရောက်စံမြန်းလျက်ရှိပြီဖြစ်ပြီး ရောဟဏီဘိုးဘိုးကြီးအား ယာယီဗိမာန် နန်းဆောင်မှ မူလနေရာ ဗိမာန်နန်းဆောင်သစ်သို့ ကြွရောက်စံမြန်းရန်ပင့်ဆောင်သည့် အခမ်းအနားလည်း ကျင်းပပြုလုပ်ခဲ့သည်ဟုဆိုသည်။

ဗိုလ်တထောင်ဘိုးဘိုးကြီး၏ မူလဗိမာန်တော်သည် သာယာလှပသော ရေကန်အလယ်တွင်တည်ရှိပြီး ငါးများ၊လိပ်များကိုလည်းအစာကျွေးမွေးနိုင်ခဲ့ကြောင်းနှင့်ယခုအခါက အဆိုပါဗိမာန်တော်ကို အသစ်ပြန်လည် တည်ဆောက်မွမ်းမံခဲ့ပြီး ကန်အတွင်းထားရှိနိုင်မည့်ငါးနှင့်လိပ်အရေအတွက်အတိုင်းထားရှိခြင်းနှင့် ကန်အတွင်းရေစနစ်များလည်းကောင်းမွန်အောင်ဆောင်ရွက်ထားခဲ့ကြောင်း ဂေါပကအဖွဲ့ထံမှသိရသည်။

ဗိုလ်တထောင်ကျိုက်ဒေးအပ်ဆံတော်ဦးစေတီတော် ရောဟဏီ ဗိုလ်တထောင်ဘိုးဘိုးကြီးအား နံနက် ( ၆: ၃၉) မိနစ်အချိန်တွင် ယာယီဗိမာန်ဆောင်မှ မူလဗိမာန်ကိုပြုပြင်မွမ်းမံတည်ဆောက်လှူဒါန်းသည့် အလှူရှင် " ဦးမျိုးမြင့်( ဘဏ္ဍာတော်ထိန်းဂေါပကအဖွဲ့ဝင်) မိသားစုတို့မှ ဆောက်လုပ်လှူဒါန်းသော မူလနေရာ ဗိမာန် နန်းဆောင်သစ်သို့ ပင့်ဆောင်ခြင်း နှင့် ဗိမာန်နန်းဆောင်သစ် အပ်နှံခြင်း အခမ်းအနားကျင်းပခဲ့ကြောင်း သိရသည်။

အခမ်းအနားကို " နမောတဿ သုံးကြိမ်ရွတ်ဆို ဘုရားကန်တော့၍ ဖွင့်လှစ်ပြီး မြတ်စွာဘုရားရှင်ထံမှ ဘဏ္ဍာတော်ထိန်းဂေါပကအဖွဲ့ဝင်များနှင့် အလှူရှင်များက ငါးပါးသီလခံယူဆောက်တည်ကြ၍ မင်္ဂလာအချိန်နံနက် ( ၆: ၃၉) မိနစ်အချိန်တွင် ရောဟဏီဘိုးဘိုးကြီးအား ယာယီဗိမာန်နန်းဆောင်မှ မူလနေရာ ဗိမာန်နန်းဆောင်သစ်သို့ ကြွရောက်စံမြန်းရန်ပင့်ဆောင်သည့် အခမ်းအနားကို အောင်မြင်စွာကျင်းပပြုလုပ်ခဲ့ပြီး အခမ်းအနားကို " ဗုဒ္ဓသာသနံစိရံတိဌတု " သုံးကြိမ် ရွတ်ဆို ဘုရားကန်တော့၍ အောင်မြင်စွာ ကျင်းပပြုလုပ်ခဲ့ကြောင်း သိရသည်။

#Local_News #ဗိုလ်တထောင်ဘိုးဘိုးကြီး #မူလဗိမာန်နန်းဆောင်သစ် #tthl #Yangon_Times

#Local_News
Published-25-November-2023

အိမ်ထောင်စုစာရင်း မရှိသေးသူများနှင့် နိုင်ငံသားကတ်(မှတ်ပုံတင်) မရှိသေးသည့်သူများကို ပန်းခင်းစီမံချက်ဖြင့် အမြန်ဆုံးဆောင်ရွက်ပေးမည်ဖြစ်ကြောင်း လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနက သိရသည်။

လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနက ဆောင်ရွက်လျက်ရှိသည့် ပန်းခင်းစီမံချက်နှင့် မြေပြင်ကွင်းဆင်း စာရင်းကောက်ယူရေးလုပ်ငန်း၊ နိုင်ငံသားကတ်ပြားထုတ်ပေးခြင်း မှတ်ပုံတင်စာအုပ် (နိုင်-၄) မှတ်တမ်းနှင့် အိမ်ထောင်စုလူဦးရေစာရင်း အချက်အလက်များ e-ID Server အတွင်း ဖြည့်သွင်းခြင်းလုပ်ငန်းဆောင်ရွက်မှုအခြေအနေများနှင့် ပတ်သက်၍ လုပ်ငန်းညှိနှိုင်းအစည်းအဝေးကို နိုဝင်ဘာ ၂၄ ရက်မွန်းလွဲ ၂ နာရီက နေပြည်တော်ရှိ အဆိုပါဝန်ကြီးဌာန အစည်းအဝေးခန်းမ၌ ကျင်းပပြုခဲ့သည်။

အဆိုပါ အစည်းအဝေးတွင် လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ဒုတိယဝန်ကြီး ဦးဌေးလှိုင်က မဲဆန္ဒရှင်စာရင်း မှန်ကန်ရေးအတွက် မြေပြင်တစ်အိမ်တက်ဆင်း ကွင်းဆင်း စာရင်းကောက်ယူရေးလုပ်ငန်းကို ပြီးခဲ့သည့် ဇန်နဝါရီလအတွင်းက တစ်နိုင်ငံလုံးအတိုင်းအတာဖြင့် ဆောင်ရွက်ခဲ့ပြီး ကောက်ယူရရှိသည့် အချက်အလက်များကို မြို့နယ်ရုံးများရှိ မှတ်တမ်းများဖြင့် တိုက်ဆိုင်စိစစ်၍ ရုံးချုပ်ရှိ e-ID Server အတွင်း စိစစ်ဖြည့်သွင်း ဆောင်ရွက်လျက်ရှိရာ တွေ့ရှိ ချက်များအရ ဖြေရှင်းဆောင်ရွက်ရမည့် လုပ်ငန်းပမာဏ များပြားနေသည့်အတွက် ပြန်လည်စိစစ်သုံးသပ်ကာ အမှန်တကယ် အိမ်ထောင်စုစာရင်း မရှိသူများ၊ နိုင်ငံသားကတ် မရှိသေးသူများကို ပန်းခင်း စီမံချက်ဖြင့် အမြန်ဆုံးဆောင်ရွက်ပေးကြရန်လိုကြောင်း ပြောကြားခဲ့သည်။

ထို့ပြင် ယင်းစာရင်းများသည် တိုင်းဒေသကြီး၊ ပြည်နယ်အလိုက် အရေအတွက်ပမာဏ များစွာရှိနေသည့်အတွက် တာဝန်ရှိသူအဆင့်ဆင့်က စနစ်တကျစိစစ်၍ ထိထိရောက်ရောက် ကြပ်မတ် ဆောင်ရွက်ပေးရန်ပြောကြားခဲ့ကြောင်း သိရသည်။

#Local_News #အိမ်ထောင်စုစာရင်း #နိုင်ငံသားကတ်မရှိသေးသူများ #ပန်းခင်းစီမံချက် #YMG/LW #Yangon_Times

‘ကောလဟာလသတင်းတွေ ထွက်ပေါ်လာတဲ့အတွက် လုံခြုံရေးအရစိုးရိမ်ပြီး ရန်ကုန်နဲ့မန္တလေးမှ ချောင်းသာကမ်းခြေကို တန်ဆောင်တိုင်လာမယ့်အစီအစဉ်တွေ ဖျက်သွားကြတာ ဖြစ်တယ်’ ချောင်းသာကမ်းခြေခရီးသွားလမ်းညွှန်
‌#Local_News
Published_ 25 November 2023
#တန်ဆောင်တိုင် #ချောင်းသာကမ်းခြေခရီးသွားလမ်းညွှန်
#tthl #Yangon_Times

ယခုရက်ပိုင်းစက်သုံးဆီဈေးကွက်အနေထားမှာတော့ ၀ယ်ယူသုံးစွဲမှုများတဲ့ ဓါတ်ဆီ ဈေးအနည်းငယ်ပြန်ကျပြီး ဒီဇယ်ဈေးကတော့ ဈေးပြန်မြင့်လာတယ်လို့ စက်သုံးဆီတင်သွင်း သိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီရဲ့ ဈေးနှုန်းသတ်မှတ်ထုတ်ပြန်ချက်အရသိရပါတယ်။
#Local_News
Published_ 25 November 2023
#စက်သုံးဆီဈေးကွက် #ဓါတ်ဆီဈေးအနည်းငယ်ကျ
#YMG/LW #Yangon_Times

#Local_News
Published-25-November-2023

ဒူဘိုင်းသို့ အလုပ်လုပ်ရန် သွားရောက်ရာမှ အီရတ်သို့ အရောင်းစားခံရသည်ဆိုကာ မြန်မာအမျိုးသမီး ၆ယောက်မှာ ဒုက္ခရောက်နေသဖြင့် သက်ဆိုင်ရာမှ အကူညီပေးရန်အတွက် လူမှု
ကွန်ယက်ဖေ့ဘုတ်စာမျက်နှာကနေတစ်ဆင့် အကူညီတောင်းခံကြောင်း သိရသည်။

နိုဝင်ဘာ ၂၄ ရက် နေ့တွင် Yee Yee Cho နာမည်ဖြင့် ဖေ့ဘုတ်အကောင့်မှ တစ်ဆင့် Live ပြီးမြန်မာနိုင်ငံအမျိုးသမီး ၆ ယောက်မှာ ဒူဘိုင်းသို့အိမ်အကူဖြင့် အလုပ်လုပ်ရန်အတွက် ပွဲစား
မှတဆင့်လာရောက်ပြီး ဒူဘိုင်းတွင် ၃ပတ်ခန့်နေထိုင်ခဲ့ရပြီးနောက် အလုပ်မရရှိဘဲ အီရတ်ကိုထပ်မံ ပို့ဆောင်ခံရခြင်းဖြစ်ကြောင်း ပြောကြားထားသည်။

''ကျွန်မတို့ကို ဒူဘိုင်းမှာ အိမ်အကူအလုပ်လုပ်ရမယ်။ လစာကောင်းတယ်ဆိုလို့ လာခဲ့တာ။ ဒူဘိုင်းရောက်တော့ အလုပ်လဲမလုပ်ရဘူး ထပ်ပြီးတော့ အီရတ်ကိုပို့တယ်၊ ဒီမှာလဲ အိမ်အကူအလုပ်ကိုနေ့စားသဘောမျိုးလုပ်ရတယ်၊ တပတ်မှာ ၃ရက်လောက်ပဲလုပ်ရတယ်။ လုပ်ခကိုလဲအပြည့်မပေးဘူး ထမင်းဆိုလဲ တရက်မှတနပ်ပဲ ကျွေးတယ်။ ထမင်းမစားရတဲ့ ရက်တွေတောင်ရှိပါတယ်''ဟု ဖေ့ဘုတ်အကောင့်မှ တစ်ဆင့် Live လွှင့်ပြီး ပြောထားသည်ကို တွေ့ရသည်။

အဆိုပါ အမျိုးသမီးများသည် သူတို့ကိုပို့ဆောင်ပေးခဲ့သည့် ပွဲစားကို ဆက်သွယ်သော်လည်းအဆက်သွယ်မရကြောင်းနှင့် မည်သည့်နေရာရောက်နေသည်ကိုပင် မသိရှိကြောင်း ပြော
ထားသည်။

ပြီးခဲ့သည့် ၂၀၂၂ ခုနှစ်တွင်လည်း မြန်မာအမျိုးသမီးငယ်၇ ဦး ဒူဘိုင်းနိုင်ငံသို့ ရောင်းစားခံရသဖြင့် လူမှုကွန်ယက်စာမျက်နှာမှ တစ်ဆင့် အကူညီတောင်းခံခဲ့မှုဖြစ်ခဲ့ပြီး အလုပ်သမားဝန်ကြီးဌာနအပါအ၀င် သက်ဆိုင်ရာဌာနတွေက အကူညီပေးခဲ့ပြီး မြန်မာနိုင်ငံသို့ပြန်လည်ခေါ်ဆောင်ပေးခဲ့ကြောင်း သိရသည်။

#Local_News #အီရတ်သို့အရောင်းစားခံရ #လူမှုကွန်ယက်မှတစ်ဆင့်ကူညီတောင်းခံ #YMG/LW #Yangon_Times

#World_News
Published 25 November 2023

မြောက်ကိုရီးယားတို့ရဲ့ စပိုင်ဒုံးပျံဂြိုဟ်တုအသစ်ကနေ ရိုက်ကူးထားတဲ့ အဓိကပစ်မှတ်နေရာတွေရဲ့ ပုံရိပ်တွေကို ခေါင်းဆောင် ကင်မ်ဂျုံအန်းက လေ့လာစစ်ဆေးခဲ့ကြောင်း နိုင်ငံပိုင်မီဒီယာက နိုဝင်ဘာ ၂၅ ရက်နေ့မှာ ဖော်ပြထားပါတယ်။

ထိုနေရာတွေထဲမှာ တောင်ကိုရီးယားမြို့တော် ဆိုးလ်နဲ့ အမေရိကန် စစ်အခြေစိုက်စခန်းများ လက်ခံထားရှိတဲ့ အခြားမြို့များအားလုံး ပါဝင်နေပါတယ်။

ပြုံယမ်းမြို့ အမျိုးသား အာကာသနည်းပညာ စီမံကွပ်ကဲထိန်းချုပ်ရေးစင်တာ (NATA)သို့ ကင်မ်ဂျုံအန်း သွားရောက်လည်ပတ်စဥ် ထိုပုံများကို ကြည့်ရှုခဲ့တာဖြစ်ပြီး မြောက်ကိုရီးယားအတွင်းရှိ အချို့နေရာများရဲ့ ပုံရိပ်များလည်း ပါဝင်ခဲ့တယ်လို့ နိုင်ငံပိုင်သတင်းဌာန KCNA က ဖော်ပြထားပါတယ်။

သောကြာနေ့ နံနက်ပိုင်း ကိုရီးယားကျွန်းဆွယ်ပေါ်ကနေ ဂြိုဟ်တုဖြတ်သန်းသွားစဥ် ပုံရိပ်များကို ဖမ်းယူရိုက်ကူးခဲ့တာ ဖြစ်ပြီး အမေရိကန်နဲ့ တောင်ကိုရီးယား စစ်အခြေစိုက်စခန်းများ တည်ရှိရာ ဆိုးလ်နဲ့ မက်ပို၊ ခွန်ဆန်၊ ပြုံတဲ့၊ အိုဆန်တို့ရဲ့ ပုံရိပ်များ ပါဝင်ခဲ့ပါတယ်။

NATA က တောင်ကိုရီးယားနေရာတွေရဲ့ ပုံရိပ်တွေနဲ့ ကင်းထောက်ဂြိုဟ်တုရဲ့ ထပ်ဆောင်းချိန်ညှိရေး လုပ်ငန်းစဥ်များအကြောင်းကို ကင်မ်ဂျုံအန်းထံ တင်ပြခဲ့ပြီး စနေနေ့မှာ ဆက်လက်လုပ်ဆောင်သွားမှာ ဖြစ်တယ်လို့ ဖော်ပြထားပါတယ်။

အင်္ဂါနေ့ကလည်း ကင်မ်ဂျုံအန်းဟာ ဂူအမ်ဒေသရှိ အမေရိကန် အဓိကစစ်အခြေစိုက်စခန်းများရဲ့ ဓာတ်ပုံများကို ကြည့်ရှုလေ့လာခဲ့ပါတယ်။

နိုဝင်ဘာ ၂၂ ရက် နံနက် ၉ နာရီကျော်မှာ ပစိဖိတ်ဒေသ ဂူအမ်ကောင်းကင်ထက်ကနေ အန်ဒါဆန် လေတပ်အခြေစိုက်စခန်း၊ အေပရာဆိပ်ကမ်း၊ အမေရိကန်တို့ရဲ့ အခြားစစ်စခန်းကြီးများရဲ့ ပုံရိပ်များကို အာကာသကနေ ရိုက်ကူးထားပုံများကို ကင်မ်က ကြည့်ရှုခဲတယ်လို့ KCNA က ဆိုပါတယ်။

မြောက်ကိုရီးယားမှ စပိုင်ဂြိုဟ်တု တင်လွှတ်တဲ့အကြောင်းကို အမေရိကန် နိုင်ငံခြားရေးဝန်ကြီး အန်တိုနီဘလင်ကန်၊ တောင်ကိုရီးယား နိုင်ငံခြားရေးဝန်ကြီး ပတ်ဂျင်၊ ဂျပန်နိုင်ငံခြားရေးဝန်ကြီး ကာမီကာဝါယိုကိုတို့က တယ်လီဖုန်းဖြင့် ပြောဆိုဆွေးနွေးခဲ့ကြပြီး အပြင်းအထန် ရှုတ်ချပြစ်တင်လိုက်ကာ ဒေသတွင်း ပျက်ပြားမှုကို ဖြစ်လာစေနိုင်ကြောင်း အမေရိကန် နိုင်ငံခြားရေးဝန်ကြီးဌာနက သောကြာနေ့က ဆိုလိုက်ပါတယ်။

ကုလသမဂ္ဂ ပဋိဉာဥ်စည်းမျဥ်းများကို ချိုးဖောက်ကာ မြောက်ကိုရီးယားက ပထမဆုံး စပိုင်ဂြိုဟ်တုကို လွှတ်တင်ခဲ့တယ်လို့ ကြေညာပြီးနောက် ကမ္ဘာတဝှမ်းက ဝိုင်းဝန်းရှုတ်ချလိုက်ကြပါတယ်။

#World_News #အဓိကပစ်မှတ်နေရာ #မြောက်ကိုရီးယားခေါင်းဆောင်ကင်မ်ဂျုံအန်း #Source: WION

#Local_News
Published 25 November 2023

ယခုလအတွင်းရခိုင်‌ဒေသအတွင်းဖြစ်ပွားနေသည့် တိုက်ပွဲများကြောင့် မြန်မာ-ဘဂ်လားဒေ့ရှ်ကုန်သွယ်ရေးထိခိုက်နေကြောင်း ပို့ကုန်၊ သွင်းကုန်လုပ်ငန်းရှင်များနှင့် စီးပွားရေးလေ့လာသုံးသပ်သူများ၏ ပြောကြားချက်အရ သိရသည်။

ဘဂ်လားဒေ့ရှ့သို့ ပြည်တွင်းမှ ဂျင်း၊ ကြက်သွန်ဖြူ၊ ကြက်သွန်နီ၊ ငါးခြောက်၊ အေးခဲငါး၊ အုန်း သီး၊ ဂျင်း၊ ကွမ်းသီးနှင့်သစ်များ တင်ပို့လေ့ရှိပြီး ဘဂ်လားဒေ့ရှ်မှ အာလူး၊ အထည်ချုပ်ပစ္စည်းများ၊ ပလက်စတစ်ပစ္စည်းများ၊ အလူမီနီယံနှင့် အခြားထုတ်ကုန်များကိုပြည်တွင်းသိုတင်သွင်းလေ့ရှိကြောင်း သိရသည်။

'ဟိုဘက်လည်းပို့မရ၊ ဒီဘက်လည်းသွင်းမရနဲ့ အကုန်ရပ်ကုန်တာ၊ အခက်အခဲရှိတာပေါ့၊ အကုန်အခက်အခဲရှိတယ်၊ ဒါကိုပဲမှီခိုစားသူ အကုန်ဒုက္ခတွေ့ကုန်တာပေါ့' ဟု ပို့ကုန်လုပ်ငန်းရှင် ဦးမောင်လှက ပြောသည်။

ရခိုင်ပြည်နယ်တွင်း AA နှင့် မြန်မာ့တပ်မတော်တို့အကြား တိုက်ပွဲများဖြစ်ပွားနေခြင်းကြောင့် ပြီးခဲ့သည့် နိုဝင်ဘာ ၁၃ ရက်နေ့မှစတင်၍ ကုန်စည်စီးဆင်းသည့်လမ်းကြောင်း အားလုံးကို ပိတ်ထားသည့်အတွက် ကုန်စည်စီးဆင်းမှုရပ်တန့်နေခြင်းဖြစ်‌ကြောင်း၊ နှစ်နိုင်ငံကုန်သွယ်မှုသည် ဘင်္ဂလားဒေ့ရှ်နိုင်ငံ တက္ကနတ်ဆိပ်ကမ်းနှင့် ရခိုင်ပြည်နယ်မောင်တောဆိပ်ကမ်းတို့အကြား အဓိက ပြုလုပ်လျက်ရှိပြီး မြန်မာ-ဘင်္ဂလားဒေ့ရှ် နှစ်နိုင်ငံအကြား ကုန်သွယ်မှုမှာ စိုးရိမ်စရာဖြစ်ကြောင်း ဘင်္ဂလားဒေ့ရှ်သွင်းကုန်လုပ်ငန်းရှင်များက ထုတ်ဖော်ပြောဆိုထားကြသည်။

ထို့အပြင် လက်ရှိတွင် ရခိုင်ပြည်နယ်အတွင်း စက်သုံးဆီဈေးနှုန်းမြင့်တက်ခြင်းနှင့် ပြတ်လပ်မှုများ ကြုံတွေ့နေခြင်းကြောင့် စပါးရိတ်သိမ်းမည့် တောင်သူများမှာလည်း အခက်တွေ့နေကြောင်း သိရသည်။

၄င်းအပြင် ရခိုင်ဒေသအပါအဝင် မူဆယ်၊ ကယားစသည့်ဒေသများသိုလည်း ကုန်စည်စီးဆင်းမှုရပ်တန့်နှောင့်နှေးမှုများရှိနေရာ ကုန်စည်စီးဆင်းမှု အခြေအနေများ ဆက်လက် ထိခိုက်နေပါက ကုန်ဈေးနှုန်း မြင့်တက်မှု၊ တိုင်းပြည်စီးပွားရေးကျဆင်းမှုနှင့် ဒေသတွင်း ဒုစရိုက်မှုများ တိုးလာနိုင်သောကြောင့် ဒေသတည်ငြိမ်အေးချမ်းပြီး ကုန်စည်စီးဆင်းမှုများ ပြန်လည်မှန်ကန်လာစေရန်အမြန်ဆုံးလုပ်ဆောင်သင့်ကြောင်း စီးပွားရေးလေ့လာသုံးသပ်သူတစ်ဦးက သုံးသပ်ထားသည်။

#Local_News #ရခိုင်တိုက်ပွဲ # မြန်မာ-ဘဂ်လားဒေ့ရှ်ကုန်သွယ်ရေးထိခိုက် #YMG/NN #Yangon_Times

#World_Health
Published 25 November 2023

အသက်ကြီးလာတဲ့အခါမှာ လူအများစု ဆံပင်ဖြူတာဟာ သဘာဝဖြစ်စဥ်တစ်ခု ဖြစ်ပါတယ်။

ဆံပင်မွေးညင်းပေါက်တွေမှာ ရောင်ခြယ်ဆဲလ်များ နည်းပါးလာတာကြောင့် ဆံပင်ဖြူလာရခြင်း ဖြစ်ပါတယ်။

ဆံပင်ရဲ့ သဘာဝအရောင်ကို ဖြစ်စေတဲ့ မယ်လာနင် ရောင်ခြယ်ပစ္စည်းတွေဟာ အသက်ကြီးလာတဲ့အခါ နည်းပါးလာပြီး လုံးဝမထုတ်လုပ်နိုင်တော့တဲ့အခါ ဆံပင်ဖြူသွားစေပါတယ်။
ဆံပင်ဖြူရခြင်းဖြစ်စဥ်ရဲ့ အကြောင်းအရင်းများကို ဖော်ပြလိုက်ပါတယ်။

 
(၁) မျိုးရိုး

ဆံပင်ဖြူခြင်း ဖြစ်စဥ်ဟာ မျိုးရိုးလိုက်ခြင်းနဲ့ များစွာသက်ဆိုင်နေပါတယ်။

မျိုးရိုးထဲမှာ စောစီးစွာဆံပင်ဖြူသူရှိရင် မျိုးရိုးလိုက်တတ်ပြီး အချို့မျိုးဗီဇတွေဟာ မယ်လာနင်ထုတ်လုပ်မှုကို ပြောင်းလဲစေပါတယ်။

လူမျိုးအနေနဲ့ဆိုရင် အသားဖြူသူတွေက အသားညိုသူတွေထက် စောစီးစွာ ဆံပင်ဖြူတတ်ပါတယ်။

 
(၂) စိတ်ဖိစီးမှု

ဖိစီးမှုက ဆံပင်ဖြူခြင်းကို တိုက်ရိုက်ဖြစ်စေတာ မဟုတ်ပေမယ့် ကာလကြာရှည်စွာ ဖိစီးခြင်းနဲ့ အရွယ်မတိုင်ခင် ဆံပင်ဖြူခြင်းတို့ကြား ဆက်စပ်မှုရှိနေပါတယ်။

ဖြစ်နိုင်တာကတော့ ဖိစီးမှုဖြစ်တဲ့အခါ ဆံပင်ရောင်ခြယ်ပစ္စည်း ထုတ်လုပ်မှုကို အနှောင့်အယှက် ဖြစ်စေပြီး မယ်လာနင် နည်းပါးစေတာ ဖြစ်နိုင်ဖွယ်ရှိပါတယ်။

 
(၃) ဆေးလိပ်သောက်ခြင်း

စီးကရက်တွေမှာ ပါဝင်တဲ့ ဓာတုပစ္စည်းတွေ၊ အဆိပ်အတောက်တွေက ဆံပင်မွေးညင်းပေါက်နဲ့ မယ်လာနင်ထုတ်လုပ်မှုကို ထိခိုက်စေပါတယ်။

ဆေးလိပ်ငွေ့တွေက ခန္ဓာကိုယ်ထဲမှာ ဓာတ်တိုးဖိစီးခြင်းကို ဖြစ်စေပြီး ဆဲလ်တွေကို ထိခိုက်စေကာ စောစီးစွာ ဆံပင်ဖြူစေပါတယ်။

 
(၄) အာဟာရဓာတ်ချို့တဲ့ခြင်း

မယ်လာနင်ထုတ်လုပ်ရာမှာ အချို့အာဟာရဓာတ်တွေက မရှိမဖြစ် လိုအပ်ပါတယ်။

ဗိုက်တာမင် ဘီ၁၂၊ ဒီ၊ အီး၊ သံဓာတ်တို့လို အာဟာရဓာတ်တွေ ချို့တဲ့ပါက မယ်လာနင် ထုတ်လုပ်မှုနဲ့ ဆံပင်ကျန်းမာရေးကို ထိခိုက်စေပါတယ်။

အာဟာရဓာတ်ချို့တဲ့ရုံ တစ်ခုတည်းဖြင့် ဆံပင်ဖြူစေတာ မဟုတ်ဘဲ ဆံပင်ဖြူတဲ့နှုန်းကို မြန်စေတာသာ ဖြစ်ပါတယ်။

 
(၅) ရောဂါများ

အချိုု့သောရောဂါတွေက ကျန်းမာရေးကို ဆိုးရွားစေပြီး ဆံပင်ရောင်ခြယ်ပစ္စည်းတွေကို ထိခိုက်စေပါတယ်။

ခရုသင်းသမင်ဖြူလိုမျိုး ရောဂါတွေဟာ အရေပြားမှာ ရောင်ခြယ်ပစ္စည်းဆုံးရှုံးပြီး အဖြူကွက်များဖြစ်ပေါ်ကာ ဆံပင်ကိုပါ ထိခိုက်စေပါတယ်။

ခုခံအားကျဆင်းတဲ့ ရောဂါတွေဟာလည်း မယ်လာနင်ထုတ်လုပ်မှုကို ထိခိုက်စေပါတယ်။

သိုင်းရွိုက်ဟော်မုန်း အတက်အကျ ပြောင်းလဲတဲ့အခါ ဆံပင်ကျန်းမာရေးကိုလည်း ထိခိုက်စေပါတယ်။

 
(၆) လေထုညစ်ညမ်းမှုများ

မော်တော်ယာဥ်များမှ ထုတ်လွှတ်ငွေ့များ၊ စက်မှုပိုင်းမှ အညစ်အကြေးများ၊ သတ္တုကြီးများနဲ့ ဓာတုပစ္စည်းများမှ ညစ်ညမ်းအရာတွေက ခန္ဓာကိုယ်ထဲမှာ ဓာတ်တိုးဖိစီးမှု ဖြစ်ပေါ်စေပြီး မယ်လာနင်ထုတ်လုပ်မှု ထိပါးစေကာ ဆံပင်ရောင်ခြယ်ကို လျော့ပါးစေပါတယ်။

 
အမှန်တကယ်တော့ ဆံပင်က အဖြူရောင်ပြောင်းသွားတာ မဟုတ်ဘဲ မွေးညင်းပေါက်အသစ်ကနေ အရောင်မပါတဲ့ ဆံပင်အသစ် ထွက်လာတာဖြစ်ပါတယ်။
ဆံပင်ဖြူကို နုတ်လိုက်ရင် နောက်ထပ် ဆံပင်ဖြူများစွာ ထွက်လာတယ်ဆိုတာ မသေချာပေမယ့် ဆံပင်နုတ်လိုက်တဲ့အခါ မွေးညင်းပေါက်ကို ထိခိုက်စေပါတယ်။

#World_Health #ဆံပင်ဖြူခြင်း #Source: New York Post

#World_Health
Published 25 November 2023

အချိန်နာရီအချို့ကြာသည်အထိ အစာမစားဘဲ နေခြင်းဟာ ခန္ဓာကိုယ်ခွန်အားနဲ့ စိတ်အခြေအနေကို တိုးတက်စေရုံမက ကျန်းမာရေးအကျိုးကျေးဇူးလည်း ရရှိစေကြောင်း ဗြိတိန်သုတေသီများ အတည်ပြုလိုက်ပါတယ်။

လူပေါင်း ၃၇,၀၀၀ ကျော်ကို သုတေသန စမ်းသပ်ခဲ့ပါတယ်။

အကျိုးရလဒ်ကောင်း ရရှိဖို့အတွက် အရမ်းကြီးတင်းကြပ်စွာ လိုက်နာရန်လည်း မလိုအပ်ဘူးလို့ တွေ့ရှိထားပါတယ်။

တစ်နေ့တာ အစာစားချိန်ကြားကာလ ၁၀ နာရီသတ်မှတ်ပြီး ကျန်တဲ့ ၁၄ နာရီကို အစာမစားဘဲ နေထိုင်တာဟာ စိတ်အခြေအနေ၊ ခန္ဓာကိုယ်စွမ်းအား၊ ဆာလောင်စိတ်တို့ကို တိုးတက်စေတယ်လို့ တွေ့ရှိခဲ့ပါတယ်။

ပါဝင်စမ်းသပ်သူတွေထဲမှာ အမျိုးသမီး အများစုဖြစ်ပြီး ပျမ်းမျှအသက် ၆၀၊ ပျမ်းမျှ BMI ၂၅.၆ ရှိကြပါတယ်။

ပထမရက်သတ္တပတ်မှာ သူတို့စားနေကျ ပုံစံအတိုင်း စားသောက်နေထိုင်စေခဲ့ပြီး နောက် ၂ ပတ်ကိုတော့ အစာစားချိန်ကြားကာလကို ၁၀ နာရီသတ်မှတ် စားသောက်စေခဲ့ပါတယ်။

ထိုကဲ့သို့ အစာမစားဘဲ နာရီအချို့ကြာအောင် ဆက်တိုက်ပုံမှန်နေထိုင်ခြင်းက ရလဒ်အကောင်းဆုံး ရရှိတာကို တွေ့ရှိခဲ့ကြပါတယ်။

ထိုကဲ့သို့ ပုံမှန်လိုက်နာခြင်း မရှိတဲ့သူတွေကတော့ ခွန်အား၊ စိတ်အခြေအနေတို့ ယုတ်လျော့စေကာ ဆာလောင်စိတ်ကို များပြားစေပါတယ်။

အစာမစားဘဲ အချိန်ကာလတစ်ခုအထိ မနေထိုင်ခင်မှာ တစ်နေ့တာ အစာစားချိန်ကြားကာလ ကြာရှည်သူတွေဟာ အကောင်းဆုံးရလဒ် ရရှိနေတာကို အံ့အားသင့်ဖွယ် တွေ့ရှိခဲ့ကြပါတယ်။

ထိုထဲက ၅၁ ရာခိုင်နှုန်းဟာ ၂ ပတ်မှ ၁၆ ပတ်အတွင်း ကိုယ်အလေးချိန် ကျသွားပါတယ်။

ဒီလိုမျိုး အချိန်နာရီတစ်ခုအထိ အစာမစားဘဲ နေထိုင်ခြင်းဟာ ကိုယ်အလေးချိန်ကျစေရန် ထိရောက်တဲ့ နည်းလမ်းဖြစ်နိုင်တယ်လို့ ယခင်လေ့လာမှုတွေမှာလည်း တွေ့ရှိထားပါတယ်။

အစာစားချိန်ကြားကာလကို ၈ နာရီသတ်မှတ် စားသုံးတဲ့ ဆီးချိုဝေဒနာရှင်တွေဟာ အခြားဆီးချိုဝေဒနာရှင်တွေထက် ကိုယ်အလေးချိန် ပိုကျတာကို အီလီနွိုက်စ်ချီကာဂို သုတေသီများ လေ့လာတွေ့ရှိခဲ့ပါတယ်။

ဒါ့အပြင် ဆီးချိုရောဂါ ဖြစ်နိုင်ခြေများသူတွေ အတွက်လည်း ကာကွယ်တဲ့နည်းလမ်း ဖြစ်နေနိုင်တယ်လို့ သုတေသီများ တွေ့ရှိထားပါတယ်။

#World_Health #စိတ်အခြေအနေ #ခွန်အားနှင့်ဆာလောင်စိတ် #အစာမစားဘဲနေထိုင်ခြင်း #Source: India Today