#Local_News
Published 13 January 2025
▪️ ပဲခူးတိုင်းဒေသကြီး၊ တောင်ငူမြို့ရှိ သီတဂူကေတုမတီအာယုဒါနဆေးရုံတော်၌ မျက်စိအလင်းအလှူတော် (၁၀၀၀၀)တစ်သောင်းပြည့်မြောက်သည်အထိ ခွဲစိတ်ပေး နိုင်ခဲ့ပြီဖြစ်ကြောင်း သိရသည်။
▪️ ကျေးဇူးတော်ရှင်သီတဂူဆရာတော်ကြီး၏ဦးဆောင်လမ်းညွန်မှု၊ ရွှေရတုတိပ်ဋကဓရဆရာတော်ကြီးဦးဆောင်သော သာသနာပြုအဖွဲ့ကြီး၏ကူညီဆောင်ရွက်မှု၊ သီတဂူဒေါက်တာအရှင်တိက္ခသာရနှင့်အတူ အမြဲမပျက်ကုသိုလ်အရပ်ရပ်တို့ကိုကူညီစောင့်ရှောက်ပေးကြသော အနယ်နယ်အရပ်ရပ်မှကောင်းမှုရှင်စေတနာရှင် ဆရာဝန် သူနာပြု တပည့်များအားလုံးတို့၏ကူညီဆောင်ရွက်မှု၊ ဝေယျာဝစ္စကုသိုလ်ရှင်အားလုံးတို့၏ စိတ်စေတနာသဒ္ဓါစွမ်းအားတို့ဖြင့် သီတဂူကေတုမတီအာယုဒါနဆေးရုံတော်ကြီးမှာ မျက်စိအလင်းအလှူတော်ကို ပေးလှူခဲ့သည်မှာ ယမန်နေ့က မျက်စိအလင်းမျက်စိအလုံးအရေအတွက်မှာ (၁၀၀၀၀)တစ်သောင်းပြည့်မြောက်ခဲ့ခြင်းဖြစ်သည်။
▪️ အဆိုပါ တစ်သောင်းမြောက် မျက်စိဝေဒနာခွဲစိပ်ကုသခံယူသော ဦးထွန်းရွှေသည် ထန်းတပင်မြို့နယ် သပြေညွန့်ကျေးရွာမှဖြစ်ပြီး တစ်သောင်းပြည့်မြောက် မျက်စိခွဲကုသမှုခံယူသည့် ဦးထွန်းရွှေနှင့်ဆရာဝန်ကြီးများဂုဏ်ပြုပန်းစည်းများ၊ အလှူငွေများပေးအပ်ခဲ့ကြောင်း သိရသည်။
#YMG/NN #Yangon_Times
