#Local_News
Published_ 23 February 2023
ပြီးခဲ့ ၂၀၂၂ ခုနှစ်အတွင်း ပြည်တွင်းပြည်ပခရီးသွားဝင်ရောက်မှုဟာ ၂၀၂၁ ခုနှစ် နှိုင်းယှဉ်ပါက တိုးတက်လာသည့်အတွက် ယခု ၂၀၂၃ ခုနှစ်မှာ ပိုမိုတိုးတက်အောင်လုပ်ဆောင်ဖို့ ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီး ဦးအောင်သောင်က တိုက်တွန်းပြောဆိုလိုက်သည်။ ပြည်တွင်းခရီးသွားလုပ်ငန်းဖွံ့ဖြိုးတိုးတက်စေဖို့နှင့် ငွေဆောင်၊ ချောင်းသာကမ်းခြေဒေသများကို လာရောက်အပန်းဖြေကြသည့် ခရီးသည်များအဆင်ပြေစေဖို့ ဟိုတယ်နှင့်ခရီးသွားလုပ်ငန်းရှင်များနှင့် ဆွေးနွေးပြောဆိုခဲ့တာလည်း ဖြစ်သည်။
ဧရာဝတီတိုင်းဒေသကြီးအတွင်းသို့ ခရီးသည်များ တိုးတက်ဝင်ရောက်လာစေရန်အတွက် မူဝါဒပိုင်းနှင့် စီမံခန့်ခွဲမှုပိုင်းဆိုင်ရာတို့ကိုဟန်ချက်ညီစေဖို့နဲ့ ကမ်းခြေဒေသနဲ့ဆက်စပ်ပြီး ခရီးသွားဒေသများဖော်ထုတ်ဖို့ကိုလည်း တိုက်တွန်းထားသည်။
ကမ်းခြေဒေသများ၏ သဘာဝပတ်ဝန်းကျင်များကိုလည်း ပကတိအတိုင်းမပျက်စီးအောင် လုပ်ငန်းရှင်များအနေနှင့် ထိန်းသိမ်းဖို့လည်းတိုက်တွန်းထားသည်။ ကမ်းခြေဒေသများရှိ အမှတ်တရပစ္စည်းများ၊ကြိမ်ထည်နှင့် ဒေသထွက်ကုန်များ တွင်ကျယ်စွာအသုံးပြုနိုင်ရေးလုပ်ဆောင်ဖို့ လိုအပ်ကြောင်းပြောဆိုခဲ့သည်။
#ymg/ynzw #Local_News #Travel
#Yangon_Media_Group
- Category: Myanmar
- Hits: 257
#Local_News
Published -23 February 2023
နေပြည်တော် ဇေယျာသီရိမြို့နယ် စိမ်းစားပင်ကျေးရွာတွင် ဖယောင်းတိုင်မီးမှတစ်ဆင့်မီးစတင်လောင်ကျွမ်းခဲ့ပြီး နေအိမ်၂၁လုံးခန့် မီးလောင်ပျက်စီးခဲ့ကြောင်း မိုးစေတနာပရဟိတအသင်းက သိရသည်။
ဇေယျာသီရိမြို့နယ်၊ စိမ်းစားပင်ကျေးရွာတွင် ညနေ ၄နာရီ ၃၀မိနစ်က ဖယောင်းတိုင်မီးမှတစ်ဆင့် မီးလောင်မှုဖြစ်ခဲ့ပြီး ယင်းမှတစ်ဆင့် နေအိမ်များကို မီးကူးစက်လောင်ကျွမ်းခဲ့ခြင်း ဖြစ်သည်။
"ဖယောင်းတိုင်မီးကနေတစ်ဆင့် လောင်ကျွမ်းတာလို့ သိရတယ်။နေအိမ် ၂၁လုံးလောင် မီးလောင်ဆုံးရှုံးသွားတယ်"ဟု မိုးစေတနာပရဟိတအသင်းမှ သိရသည်။
မီးလောင်ပြင်သို့ မြန်မာနိုင်ငံမီးသတ်တပ်ဖွဲ့နှင့်အတူ မိုးစေတနာပရဟိတအသင်း နေပြည်တော်မှ သွားရောက်၍ လိုအပ်သည်များကူညီဆောင်ရွက်ပေးခဲ့ပြီးညနေ ၅ နာရီ ၂၀ မိနစ်တွင် မီးငြိမ်းသတ်နိုင်ခဲ့ကြောင်းလည်း သိရသည်။
မီးလောင်မှုကြောင့် လူနှင့် တိရစ္ဆာန်ထိခိုက်မှုမရှိခဲ့သော်လည်း မီးဘေးသင့်ပြည်သူ ၆၀ ကျော်ရှိပြီး ယင်းတို့မှာ စိမ်းစားပင်ရွာ ဘုန်းကြီးကျောင်းတွင် ခေတ္တနေထိုင်လျက်ရှိကြောင်း သိရသည်။
#ymg/mt #Local_News #Myanmar_Fire #နေပြည်တော် #ဇေယျာသီရိမြို့ #မီးလောင်ပျက်စီး #YMG #Yangon-Media-Group
- Category: Myanmar
- Hits: 268
#World_Politics
Published 23 February 2023
တရုတ်သမ္မတ'ရှီကျင့်ဖင်'ကို ရုရှားသို့ လာရောက်ရန် သမ္မတ'ပူတင်'က အသိပေးလိုက်ကာ တရုတ်နဲ့ရုရှားတို့ သဘောတူနားလည်ချက်အသစ်တွေ ရရှိထားခြင်းအပေါ် ပူတင်က အသိအမှတ်ပြုလိုက်ပြီးနောက် တရုတ်နဲ့ရုရှားတို့ကြား ဆက်ဆံရေးပိုမိုအားကောင်းလာတဲ့အပေါ် အမေရိကန်က စိုးရိမ်မိကြောင်း နိုင်ငံခြားရေးဌာနက ဗုဒ္ဓဟူးနေ့မှာ ပြောကြားလိုက်ပါတယ်။
ယခုအချိန်မှာ တရုတ်က ယူကရိန်းစစ်ပွဲအတွင်း ရုရှားအသုံးပြုနိုင်ရန် လက်နက်များထောက်ပံ့ပေးဖို့ ချင့်ချိန်လျက်ရှိရာ ရုရှားနဲ့တရုတ်က တစ်ဖက်၊ ယူကရိန်းနဲ့ အမေရိကန်ဦးဆောင်တဲ့ နေတိုး(NATO)စစ်မဟာမိတ်အဖွဲ့က တစ်ဖက်ဖြင့် ပဋိပက္ခအဖြစ်ကနေ ထိပ်တိုက်ရင်ဆိုင်မှုများ ဖြစ်လာနိုင်ချေရှိနေပါတယ်။
ဗုဒ္ဓဟူးနေ့က ပူတင်ဟာ တရုတ်ထိပ်သီးသံတမန်'ဝမ်ယိ'ကို ရုရှားကနေ ကြိုဆိုခဲ့ပြီး နှစ်နိုင်ငံကုန်သွယ်ရေးက မျှော်မှန်းထားသည်ထက် ပိုမိုကောင်းမွန်လျက်ရှိကာ မကြာခင်မှာ တစ်နှစ်အတွင်း ဒေါ်လာ ၂၀၀ ဘီလီယံအထိရှိလာမယ်လို့ ခန့်မှန်းလိုက်ပါတယ်။
"တရုတ်ပြည်သူ့သမ္မတနိုင်ငံရဲ့ သမ္မတကြီးလာရောက်လည်ပတ်မှာကို စောင့်မျှော်နေပါတယ်၊ ဒီကိစ္စကို သဘောတူထားပြီးဖြစ်ပါတယ်၊ အဖက်ဖက်မှာ တိုးတက်လျက်ရှိပြီး နားလည်မှုအသစ်တွေရရှိတော့မယ်" လို့ ပူတင်က ဝမ်ယိကိုပြောကြားခဲ့ပါတယ်။
စစ်ပွဲတစ်နှစ်ပြည့်မတိုင်ခင်နေ့မှာ ရုရှားသို့ ဝမ်ယိသွားရောက်လည်ပတ်တာက ရုရှားနဲ့တရုတ်တို့ရဲ့ ဆက်ဆံရေးခိုင်မြဲခြင်းကို ပြသရာရောက်ကြောင်း အမေရိကန်နိုင်ငံခြားရေးဌာနမှ ပြောရေးဆိုခွင့်ရှိသူ'နက်ဒ်ပရိုက်စ်'က ပြောကြားလိုက်ပါတယ်။
"ထိုနှစ်နိုင်ငံက ရည်မှန်းချက်တူညီနေတာကို ကျွန်တော်တို့စိုးရိမ်မိပါတယ်၊ သူတို့ဦးတည်ချက်က အင်အားကြီးနိုင်ငံတွေက နိုင်ငံငယ်တွေကို အနိုင့်ကျင့်မယ်၊ နယ်နိမိတ်စည်းမျဉ်းတွေကို အတင်းအဓမ္မပိုင်းခြား သတ်မှတ်မယ်၊ အာဏာပါဝါကိုသုံးပြီး အမှန်တရားဖြစ်အောင်လုပ်မယ့် ခေတ်ကို ရောက်ရှိစေမှာပါ" လို့ ဆိုပါတယ်။
"တရုတ်က ရုရှားအတွက် သေစေနိုင်လောက်တဲ့ ထောက်ပံ့မှုမျိုးပေးပို့တာ မတွေ့ရသေးသလို ငြိမ်းချမ်းရေးစကားဝိုင်းကနေလည်း မထွက်ခွာသေးပါဘူး"
တရုတ်က ပဋိပက္ခဖြေရှင်းရေးမှာ တက်ကြွတဲ့ကဏ္ဍက ပါဝင်ပြီး မျှတစွာလုပ်ဆောင်ချင်တဲ့ သူတို့ရဲ့ချဉ်းကပ်ပုံကို တန်ဖိုးထားကြောင်း ရုရှားနိုင်ငံခြားရေးဝန်ကြီးဌာနက ဆိုပေမယ့် သူတို့ရဲ့နိုင်ငံခြားရေးဝန်ကြီးတွေဟာ တရုတ်ရဲ့ငြိမ်းချမ်းရေးအစီအစဉ်အကြောင်း မဆွေးနွေးခဲ့ဘူးလို့ သီးခြားထုတ်ပြန်ချက်မှာ ဖော်ပြထားပါတယ်။
၂၀၂၂ ဖေဖော်ဝါရီလ ယူကရိန်းသို့ ရုရှားတပ်များမဝင်ရောက်မီအချိန်၌ ရှီကျင့်ဖင်နဲ့ပူတင်တို့ တွေ့ဆုံခဲ့ရာမှာ နှစ်နိုင်ငံကြား အကန့်အသတ်မရှိ မိတ်ဖက်ဆောင်ရွက်ခြင်းအကြောင်း သဘောတူခဲ့ကြရာ အနောက်နိုင်ငံအတွက် စိုးရိမ်စရာဖြစ်ခဲ့ပါတယ်။
တရုတ်အနေနဲ့ ရုရှားကျူးကျော်မှုကို အထောက်အပံ့ပေးပါက အကျိုးဆက်တွေကြုံတွေ့ရလိမ့်မယ်လို့ အမေရိကန်နိုင်ငံခြားရေးဝန်ကြီး'အန်တိုနီဘလင်ကန်'က ဝမ်ယိကို သတိပေးခဲ့ကာ တရုတ်ဘက်က ဒါမျိုးမထောက်ပံ့ဘူးလို့ ငြင်းဆန်ခဲ့ပါတယ်။
#Source:_Reuters #World_Politics #ရှီကျင့်ဖင် #ပူတင်
#YMG #Yangon_Media_Group
- Category: World
- Hits: 330
#Local_News
Published-23 February 2023
ကိုရီးယားသမ္မတနိုင်ငံသို့ အစိုးရပြည်ပအလုပ်အကိုင်အေဂျင်စီမှတစ်ဆင့် EPS စနစ်ဖြင့် ဖေဖော်ဝါရီလ ၂၃ ရက် (ယနေ့)တွင် EPSစနစ်ဖြင့် မြန်မာလုပ်သား ၃၉ ဦးထပ်မံ စေလွှတ်ခဲ့သောကြောင့် ယခုလအတွင်း မြန်မာလုပ်သား ၃၆၀ ကျော်စေလွှတ်ခဲ့ကြောင်း ဆိုလ်းမြို့ မြန်မာသံရုံးက သိရသည်။
အဆိုပါ ၃၉ ဦးမှာ Re-entry ကုန်ထုတ်လုပ်သား ၂၃ဦး၊ Re-entry စိုက်ပျိုး၊မွေးမြူရေးလုပ်သား ၁၆ဦး ဖြစ်ကြောင်း ဆိုလ်းမြို့ မြန်မာသံရုံး၏ ထုတ်ပြန်ချက်တွင် ဖော်ပြထားသည်။
ပြီးခဲ့သည့် ဖေဖော်ဝါရီလ ၂၁ ရက်က မြန်မာလုပ်သား ၁၂၆ဦး၊ ဖေဖော်ဝါရီလ ၁၄ရက် က မြန်မာလုပ်သား ၁၄၉ ဦး၊ ဖေဖော်ဝါရီလ ၉ရက်က မြန်မာလုပ်သား ၅၁ ဦး တို့ကို ပြည်ပအလုပ်အကိုင်အေဂျင်စီမှတစ်ဆင့် EPS စနစ်ဖြင့်စေလွှတ်ခဲ့ပြီးဖြစ်ရာ ယင်းတို့အား ကုန်ထုတ်လုပ်သား၊ CBT ကုန်ထုတ်လုပ်သား၊ စိုက်ပျိုး၊မွေးမြူရေးလုပ်သား၊ ဆောက်လုပ်ရေးလုပ်သား၊ Re-entry ကုန်ထုတ်လုပ်သား၊ Re-entry စိုက်ပျိုး၊မွေးမြူရေးလုပ်သား အဖြစ် စေလွှတ်ခဲ့ခြင်း ဖြစ်ကြောင်း သိရသည်။
မြန်မာလုပ်သားများ အင်ချွန်းအပြည်ပြည်ဆိုင်ရာလေဆိပ်သို့ ရောက်ရှိသည့် အခါ မြန်မာသံရုံး၊ ဆိုးလ်မြို့မှ အလုပ်သမားသံအရာရှိက ကြိုဆို၍ အလုပ်သမားများ သိရှိလိုက်နာသင့်သည့် အချက် များကို မှာကြားခဲ့ပြီး လိုအပ်သည်များ ကူညီပံ့ပိုးပေးခဲ့ကြောင်းလည်း သိရသည်။
#ymg/mt #Local_News #မြန်မာလုပ်သား #EPS
#YMG #Yangon_Media_Group
- Category: Myanmar
- Hits: 233
#Local_News
Published_ 23 February 2023
ကျောင်းသား၊ ကျောင်းသူများ စာမေးပွဲဖြေဆိုနေစဉ် နစကဆန့်ကျင်အဖွဲ့က လက်နက်ငယ်များဖြင့် ပစ်ခတ်မှု ဖေဖော်ဝါရီလ ၂၂ ရက် နံနက် ၁၀ နာရီခွဲခန့်အချိန်ကဖြစ်ပွားခဲ့ကြောင်း သိရသည်။
မကွေးတိုင်းဒေသကြီး၊ ရေစကြိုမြို့နယ်၊ ပခန်းငယ်ကျေးရွာရှိ အခြေခံပညာ အထက်တန်းကျောင်း(ပခန်းငယ်)၌ စာမေးပွဲဖြေဆိုနေသည့် ကျောင်းသား၊ ကျောင်းသူများအား လုံခြုံရေးတပ်ဖွဲ့ဝင်များက လုံခြုံရေးဆောင်ရွက်ပေးနေစဉ် အဆိုပါ အဖွဲ့က လက်နက်ငယ်များဖြင့် ပစ်ခတ်တိုက်ခိုက်ခဲ့ခြင်း ဖြစ်ကြောင်း သိရသည်။
ယင်းကြောင့် လုံခြုံရေးတပ်ဖွဲ့ဝင်များက ပြန်လည်ပစ်ခတ်ခဲ့ရာ အကြမ်းဖက်သမားများသည် ကျေးရွာ၏မြောက်ဘက်သို့ ဆုတ်ခွာထွက်ပြေးသွားခဲ့ကြောင်း၊ ကျောင်းတွင် တာဝန်ထမ်းဆောင်နေသည့် ဆရာ၊ ဆရာမများနှင့် စာမေးပွဲဖြေဆိုနေသည့် ကျောင်းသား၊ ကျောင်းသူများ၏ အသက် အန္တရာယ်ထိခိုက်စေရန်နှင့် ပညာသင်ကြားမှုကို ခြိမ်းခြောက်ဟန့်တားရန် ရည်ရွယ်၍ လာရောက်ပစ်ခတ်တိုက်ခိုက်ခဲ့သော အဆိုပါအဖွဲ့ကို လုံခြုံရေးတပ်ဖွဲ့ဝင်များက စုံစမ်း ဖော်ထုတ်လျက်ရှိကြောင်း သိရသည်။
#ymg/mt #Local_News #ရေစကြို #လက်နက်ငယ်များဖြင့်ပစ်ခတ်
#YMG #Yangon_Media_Group
- Category: Myanmar
- Hits: 391
#Local_News
Published_ 23 February 2023
နစက ဆန့်ကျင်သူများက လူ ၅ ဦးကို သေနတ်ဖြင့် ပစ်ခတ်သွားမှု ဖေဖော်ဝါရီလ ၂၂ ရက် ညပိုင်းတွင် လှည်းကူးမြို့နယ်အတွင်း ဖြစ်ပွားခဲ့ကြောင်း လှည်းကူးမြို့နယ်အုပ်ချုပ်ရေးအဖွဲ့က သိရသည်။
"မနေ့ညက ဖြစ်ခဲ့တာ၊ ဟုတ်တယ်။ အွန်လိုင်းရှော့ပင်းလုပ်တဲ့ မိသားစုက အပစ်ခံရတာ။ ဆိုင်ကယ်နှစ်စီးနဲ့ လူလေးယောက်က ပစ်သွားတာပါ၊ အခုတော့ သက်ဆိုင်ရာက ပစ်ခတ်သူတွေကို ဖမ်းမိဖို့လုပ်နေကြတယ်"ဟု အဆိုပါ အုပ်ချုပ်ရေးအဖွဲ့တာဝန်ရှိသူက ပြောသည်။
ပစ်ခတ်ခံရသူများမှာ ရန်ကုန်တိုင်းဒေသကြီး၊ လှည်းကူးမြို့နယ်၊ ရိပ်သာရပ်ကွက်မှဖြစ်ပြီး သုံးနှစ်သား ကလေးငယ်တစ်ဦး၊ ၈၅ နှစ်ရွယ် အမျိုးသားတစ်ဦးတို့ အပါအဝင် မိသားစု ၅ ဦး ဖြစ်ကြောင်း သိရသည်။
#ymg/mt #Local_News #လှည်းကူးမြို့#သေနတ်ဖြင့်ပစ်ခတ် #လူ၅ဦး
#YMG #Yangon_Media_Group
- Category: Myanmar
- Hits: 290
#World_Health
Published 23 February 2023
အလွယ်ကူဆုံးနဲ့ အရိုးရှင်းဆုံး အာဟာရစားစရာကတော့ ကြက်ဥပဲဖြစ်ပါတယ်။
ကြက်ဥစားခြင်းဖြင့် ကိုလက်စ်ထရောမြင့်စေနိုင်တယ်ဆိုတာတွေ၊ ကြက်ဥဥတဲ့အခါ ဆယ်လ်မွန်နဲလားပိုးပါဝင်တယ်ဆိုတာတွေ ကြားနေရပေမယ့် တကယ်တမ်းမှာတော့ ကြက်ဥမှာ အာဟာရဓာတ်များစွာ ပါဝင်နေပါတယ်။
ကြက်ဥတစ်လုံးဟာ နေ့စဉ်လိုအပ်ချက်တွေထဲက ဆယ်လီနီယမ် ၂၅ ရာခိုင်နှုန်း၊ ဗိုက်တာမင် B12 ၂၀ ရာခိုင်နှုန်းနဲ့ အပင်ဒြပ်ပေါင်းတွေ ပေးစွမ်းနိုင်ပါတယ်။
ထိုဓာတ်တွေဟာ အဆီအဖြစ်နဲ့ပျော်ဝင်နိုင်တာကြောင့် ကြက်ဥစားခြင်းဖြင့် ခန္ဓာကိုယ်ကနေ အများအပြားစုပ်ယူနိုင်မှာဖြစ်ပါတယ်။
ဒါ့အပြင် ကြက်ဥတွေမှာ ပရိုတိန်းလည်း များစွာပါဝင်ပါတယ်။
ကြက်ဥမှာပါတဲ့ပရိုတိန်းဟာ ကြွက်သား၊ တစ်ရှူးများပြုပြင်တည်ဆောက်ရာမှာ လိုအပ်တဲ့အမိုင်နိုအက်ဆစ် ၉ မျိုးစလုံးပါဝင်ပါတယ်။
ကြက်ဥမှာပါဝင်တဲ့ နောက်ထပ်အရေးကြီးဓာတ်တစ်မျိုးက choline ဖြစ်ပါတယ်။
ဦးနှောက်ထဲရှိ မှတ်ဉာဏ်နဲ့စိတ်အခြေအနေတို့ကို ကူညီပေးကာ သွေးနီဥထုတ်လုပ်မှုမှာပါဝင်ပြီး အသည်းလုပ်ဆောင်ချက်ကို ထောက်ပံ့ပေးပါတယ်။
Choline ကို ကြက်ဥကနေရရှိနိုင်သလို ငါး၊ ကြက်သား၊ နို့ထွက်ပစ္စည်းတွေကနေလည်း ရရှိနိုင်ပါတယ်။
ကြက်ဥက ကိုလက်စ်ထရောလ်မြင့်မားစွာ ပါဝင်ပေမယ့် အစားအစာမှာတွေ့ရတဲ့ ကိုလက်စ်ထရောလ်တွေဟာ သွေးထဲက ကိုလက်စ်ထရောလ်ကို များစွာသက်ရောက်စေတာမျိုး မဟုတ်ပါဘူး။
ကိုလက်စ်ထရောလ်ကို မြင့်စေတာက ပြည့်ဝဆီတွေနဲ့ အဆင့်ဆင့်ထုပ်ပိုးထုတ်လုပ်ထားတဲ့ စားစရာတွေဖြစ်ပါတယ်။
ဒါကြောင့် ကြက်ဥကြော်တွေကို အာလူးကြော်၊ အသားပြားတွေနဲ့ စားသုံးတာကိုတော့ ရှောင်ရှားသင့်ပါတယ်။
ကြက်ဥနဲ့ သားကြီးငါးကြီးစားသူတွေမှာ နှလုံးရောဂါဖြစ်နိုင်ချေများတယ်ဆိုပေမယ့် သားကြီးငါးကြီးကို ရှောင်ရှားလိုက်ပါက ရောဂါဖြစ်နိုင်ချေမရှိတော့ပါဘူး။
Source: Daily Mail #World_Health
#YMG #Yangon_Media_Group
- Category: World
- Hits: 321
#Local_News
Published_ 22 February 2023
ဆန်ဈေးကြီးမြှင့်တက်မှု အခြေအနေကြောင့် အခြေခံအလုပ်သမား၊ဝန်ထမ်းမိသားစုများကို သက်သာသောဈေးနှုန်းဖြင့် ဝယ်ယူရရှိနိုင်စေရန် ဧည့်မထဆန် (10Kg) (၅)ပြည်ခန့်တစ်အိတ်ကို ကျပ်တစ်သောင်းဖြင့် မြန်မာနိုင်ငံဆန်စပါးအသင်းချုပ်မှ ဆက်လက်ရောင်းချပေးသွားမည်ဖြစ်ကြောင်း သိရသည်၊၊
စက်ရုံ၊ အလုပ်ရုံ၊ ကုမ္ပဏီအဖွဲ့အစည်းများနှင့် ဝင်ငွေနည်းပါးသော အခြေခံဝန်ထမ်း မိသားစုများအတွက် သက်သာသောဈေးနှုန်းဖြင့် ဆန်ရောင်းချပေးမည့် အစီအစဉ်ဖြစ်ပြီး 10Kg ရှိ ဆန်အိတ်ရေ စုစုပေါင်း (၂၁၆၆၀၀)ခန့်ကို ရောင်းချပေးခဲ့ပြီးဖြစ်သည်ဟု ဆိုသည်၊၊
ငွေပေးသွင်းဝယ်ယူနိုင်ရန်လည်းကောင်း၊ လှိုင်သာယာ၊ ရွှေပြည်သာစက်ရုံများသို့ မှာယူသည့် အရေအတွက်အပေါ်မူတည်၍ အရောက်ပို့ပေးခြင်း၊ သို့မဟုတ်သတ်မှတ်နေရာ၌လာရောက်ထုတ်ယူခြင်းများစီစဉ်ဆောင်ရွက်နိုင်ရန်အတွက် လည်းကောင်း ဖုန်း 09400067270 ၊viber 09400067260 သို့ ဆက်သွယ်ဆောင်ရွက်နိုင်ကြောင်း ထုတ်ပြန်ချက်တွင်ဖော်ပြထားသည်၊၊
#ymg/tthl #Local_News #Rice #အလုပ်သမား
#YMG #Yangon_Media_Group
- Category: Myanmar
- Hits: 410
#Local_News
Published_ 23 February 2023
တက္ကသိုလ်ဝင်စာမေးပွဲအတွက် ညပိုင်းစာကြည့်ချိန် ညနေ(၅)နာရီမှ(၁၀)နာရီအတွင်း အများပြည်သူအုပ်စုအတွင်းမှ ဓာတ်အားသုံးစွဲနေသည့်လုပ်ငန်းရှင်များအနေဖြင့် လျှပ်စစ်ဓာတ်အားဖြင့် လုပ်ငန်းများဆောင်ရွက်ခြင်းမပြုရန် အသိပေးပန်ကြားကြောင်း ရန်ကုန်လျှပ်စစ်ဓာတ်အားပေးရေး ကော်ပိုရေးရှင်းက ထုတ်ပြန်လိုက်သည်၊၊
အဆိုပါ အသိပေးပန်ကြားချက်သည် အများပြည်သူအုပ်စုအတွင်း ဓာတ်အားသုံးစွဲနေသော စီးပွားရေးနှင့် စက်မှုလက်မှုလုပ်ငန်းရှင်များသို့ အသိပေးပန်ကြား ခြင်းဖြစ်သည်ဟုဆိုသည်၊၊
ထုတ်ပြန်ချက်တွင် (၂၀၂၂-၂၀၂၃) ပညာသင်နှစ် တက္ကသိုလ်ဝင်တန်းစာမေးပွဲများကို မတ်လ(၈)ရက်မှ (၁၈)ရက်အထိ ကျင်းပပြုလုပ်သွားမည်ဖြစ်ပြီး မတ်လ(၁) ရက်မှ ၂၀ ရက်အတွင်းတက္ကသိုလ်ဝင်စာမေးပွဲကာလတွင် စာမေးပွဲဖြေဆိုမည့် ကျောင်းသား၊ ကျောင်းသူများ ညပိုင်းစာကြည့်နိုင်ရေးအတွက် ဓာတ်အားတိုးတက်ဖြန့်ဖြူးနိုင်ရန်ဓာတ်အားထုတ်လုပ်မှုတိုးမြှင့်ရေးကိုလျှပ်စစ်စွမ်းအားဝန်ကြီးဌာနမှ စီမံဆောင်ရွက်လျက်ရှိကြောင်း၊ အများပြည်သူအုပ်စုအတိုင်း ဓာတ်အားသုံးစွဲနေသော ရပ်ကွက်/ကျေးရွာအတွင်းရှိ စီးပွားရေးနှင့် စက်မှုလက်မှုလုပ်ငန်းများအား မတ်လ(၁)ရက်မှ(၂၀)ရက်အထိ ညနေ(၅)နာရီမှ (၁၀)နာရီအထိ ကန့်သတ်ချိန်အတွင်း ဌာနမှဖြန့်ဖြူးသည့် လျှပ်စစ်ဓာတ်အားဖြင့် လုပ်ငန်းဆောင်ရွက်ခြင်းမပြုကြပါရန် အသိပေးပန်ကြားလိုက်ခြင်းဖြစ်ကြောင်း ထုတ်ပြန်ချက်တွင်ဖော်ပြထားသည်၊၊
ကန့်သတ်ချိန်အတွင်းဌာနမှ ဖြန့်ဖြူးသည့်လျှပ်စစ်ဓာတ်အားဖြင့် လုပ်ငန်းဆောင်ရွက်ကြောင်း စစ်ဆေးတွေ့ရှိရပါက အုပ်ချုပ်မှုနည်းလမ်းအရ အရေးယူဆောင်ရွက်သွားမည်ဖြစ်ပါကြောင်း အသိပေးကြေညာထားကြောင်းသိရသည်၊၊
#ymg/tthl
#Yangon_Media_Group
- Category: Myanmar
- Hits: 272
#World_Health
Published 23 February 2023
ပင်မစတမ်ဆဲလ်အစားထိုးကုသနည်းဖြင့် HIV ဝေဒနာရှင်တွေကိုကုသခဲ့ရာမှာ ရောဂါပျောက်ကင်းသွားသူ ၅ ယောက်မြောက်ပေါ်ထွက်လာပြီလို့ လေ့လာတွေ့ရှိခဲ့ပါတယ်။
ဂျာမနီလူမျိုးကို ၂၀၁၃ ခုနှစ်မှာ အစားထိုးကုသမှုပြုလုပ်ခဲ့ကာ ၂၀၁၈ မှာ ဗိုင်းရပ်စ်ပိုးသတ်ဆေးတွေ ရပ်ဆိုင်းလိုက်ပေမယ့် ယခုမတိုင်ခင်အထိတော့ ရောဂါပျောက်ကင်းမှန်း အတည်မပြုနိုင်ခဲ့ပါဘူး။
အန္တရာယ်ကြီးတဲ့ AIDS ရောဂါကြောင့် ၂၀၂၁ ခုနှစ်မှာ ကမ္ဘာတဝှမ်းတွင် သေဆုံးသူ သန်း ၄၀ ကျော်ရှိခဲ့ကြောင်း WHO က ဆိုပါတယ်။
ကုသနည်းတွေအနေနဲ့ HIV ကနေ AIDS ဖြစ်မလာအောင် တားဆီးနိုင်ပေမယ့် မလွယ်ကူလှပါဘူး။
ဒီဗိုင်းရပ်စ်ကို သေချာပေါက်ကုသနိုင်တဲ့ မရှိပေမယ့် အချို့လူတွေကတော့ HIV ကို ကုသနိုင်ခဲ့ပါတယ်။
ပင်မစတမ်ဆဲလ်အစားထိုးကုသခြင်းက ဆေးပညာပိုင်းမှာ အားသာချက်တွေရှိသလို ဘေးထွက်ဆိုးကျိုးလည်း များပါတယ်။
ဒီကုသနည်းက အသက်အန္တရာယ်ထိပါးနိုင်ချေပါ မြင့်မားနေတာကို သတိပြုမိဖို့လည်း လိုပါတယ်။
ဒါကြောင့် ဒီနည်းလမ်းကို လွယ်လင့်တကူအသုံးမပြုကြဘဲ အဆိုးရွားဆုံးအခြေအနေမှသာ ကုသကြတာဖြစ်ပါတယ်။
ပင်မစတမ်ဆဲလ်အစားထိုးကုသခြင်းဟာ HIV ရော သွေးအားနည်းရောဂါရှိသူတွေမှာသာ စွန့်စားပြီးကုသတာဖြစ်ပါတယ်။
လေ့လာချက်အရ ထိုလူနာမှာ ဗိုင်းရပ်စ်ပိုးသတ်ဆေးတွေ အသုံးမပြုတော့တာတောင် HIV မတွေ့ရတော့ပါဘူး။
ကုသနည်းတွေ အသုံးမပြုဘဲနဲ့ HIV ပျောက်ကင်းသွားခဲ့တဲ့ အချို့လူတွေလည်း ရှိနေပါတယ်။
#Source: The Jerusalem Post #World_Health #HIV #AIDS
#YMG #Yangon_Media_Group
- Category: World
- Hits: 579
#Local_News
Published-22 February 2023
ပုဂံရှေးဟောင်းသုတေသနပြတိုက်ကို လာရောက်တဲ့ ရဟန်းသံဃာ၊ သီလရှင်၊ ကလေး၊ ကျောင်းသား၊ ကျောင်းသူတွေကို အခမဲ့ ဝင်ရောက်ကြည့်ရှုခွင့်ပြုထားတယ်လို ရှေးဟောင်းသုတေသနနှင့်အမျိုးသားပြတိုက် ဦးစီးဌာန(ပုဂံဌာနခွဲ) က သိရပါတယ်။
#Local_News #ပုဂံရှေးဟောင်းသုတေသနပြတိုက်
#YMG #Yangon_Media_Group
- Category: Myanmar
- Hits: 257
#World_Entertainment
Published 22 February 2023
ဆူဒန်နိုင်ငံမှာ ပြုလုပ်တဲ့ အပတ်စဉ်ဟာသပြဇာတ်ဟာ အကျော်ကြားဆုံးဖျော်ဖြေရေးဏ္ဍတစ်ခု ဖြစ်လာပါတယ်။
#World_Entertainment #စစ်ဘေးဒဏ်ခံစား#ဆူဒန်
#YMG#Yangon_Media_Group
- Category: World
- Hits: 304