#Local_News
Published 19  February 2024

မန္တလေးအောင်မြေသာစံမြို့နယ်၁၂လမ်း(Sp)ပါတ်စပို့ရုံးတွင် နိုင်ငံကူးလက်မှတ် ပြုလုပ်ရန် တန်းစီတိုးဝှေ့ ကြရာလူအုပ်ပိသဖြင့် အမျိုးသမီး ၂ဦး​ေ-သဆုံးမှု ဖြစ်ပွားခဲ့ကြောင်း သွားရောက်ကူညီပေးသည့် လူမှုကူညီရေး အသင်းထံ က သိရသည်။

ဖေဖေါ်ဝါရီ ၁၉ ရက် နံနက် ၂နာရီ ၃၅မိနစ်က ဖြစ်ပွားခဲ့ခြင်းဖြစ်ပြီး  အမျိုးသမီး ၂ဦး ​ေ-သဆုံးခဲ့သည့် အပြင် အမျိုးသမီး တစ်ဦး မှာ ထိခိုက်ဒဏ်ရာ ရရှိသဖြငိ့ ဆေးကုသမှု ခံနေရကြောင်း သိရသည်။

"လူအုပ်ပိပြီး အသက်ရှူကြပ်တာက ငါးယောက်လောက်ရှိတယ်။ အခု​ေ-သဆုံးသူ တွေက လူအုပ်ပိပြီး လမ်းဘေး မြောင်းထဲကျသွားတာ  ကျွန်တော်တို့ သွားကူညီပေးတော့ အခု​ေ-သဆုံးသွားတဲ့ နှစ်ယောက်ကအသက်ငွေ့ငွေ့ပဲရှိတော့တယ်။ ဆေးရုံသွားတဲ့ လမ်းမှာတင် ဆုံးသွားတာ အမျိုးသမီးနောက်တစ်ယောက်က ခြေ​ေထာက် ထိခိုက်ဒဏ်ရာရသွားတယ်. အခုဆေးရုံ တင်ထားရတယ် ကျန်တဲ့ အသက်ရှူကြပ်တဲ့သူတွေကတော့ အဲ့နေရာမှာပဲ ကုသပေးလိုက်တာ ပြန်ကောင်းသွားတယ်"ဟု သွားရောက်ကူညီပေးသည့် ပရဟိတအသင်းမှတာဝန်ရှိသူကပြောသည်။

သေဆုံးသေဆုံးသူများမှာ ဒေါ်ခင်မျိုးအေး ၅၂နှစ် နှင့် မခိုင်ဝေ ၃၉ နှစ်တို့ ဖြစ်ကာ မန္တလေးညောင်ကွဲ အကွက်(၆၇)နှင့် အကွက်(၇) တို့တွင် နေထိုင်သူများဖြစ်ကြောင်း သိရသည်။
မန္တလေး ပတ်စပို့ရုံးတွင် နိုင်ငံကူးလက်မှတ်ပြုလုပ်ရန် လာရောက်တန်းစီသူများမှာ ယခုရက်ပိုင်းတွင် အလွန်များပြားလျက်ရှိကြောင်း သိရသည်။

#Local_News #မန္တလေးပတ်စပို့ရုံး #လူအုပ်ပိမိသဖြင့်အမျိုးသမီး၂ဦး​ေ-သဆုံး  #YMG/LW #Yangon_Times

#World_Health
Published 19 February 2024

အမေရိကန်လူမျိုး ၅ ဦးမှာ ၂ ဦးနှုန်းလောက်က ဖျားနာတဲ့အခါ ယင်းတို့ရဲ့ လက်တွဲဖော် ဂရုစိုက်ပြုစုတာထက် အမေပြုစုပေးတာက ပိုပြီးသာလွန်ကောင်းမွန်တယ်လို့ စစ်တမ်းအသစ်တစ်ခုမှာ တွေ့ရှိထားပါတယ်။

အရွယ်ရောက်ပြီးသား အလုပ်အကိုင်ရှိသူ ၂၀၀၀ ခန့်ကိုစစ်တမ်းကောက်ရာမှာ အမျိုးသားတွေက နာမကျန်းဖြစ်တဲ့အခါ အမေစောင့်ရှောက်တာက ပိုပြီးကောင်းမွန်တယ်လို့ သဘောတူကြပါတယ်။

အမျိုးသမီးတွေကတော့ နေမကောင်းတဲ့အခါ တစ်ဦးတည်းနေချင်တဲ့သူ ၅၃ ရာခိုင်နှုန်းရှိပြီး အမျိုးသား ၅၈ ရာခိုင်နှုန်းကတော့ အမေပြုစုတာ ခံချင်တယ်လို့ ဆိုကြပါတယ်။

နေမကောင်းဖြစ်တဲ့အခါ အသိမပေးချင်သူ ၆၈ ရာခိုင်နှုန်းရှိပြီး သူများတွေကို အသိပေးချင်သူကတော့ ၂၈ ရာခိုင်နှုန်းလောက် ရှိပါတယ်။

နေမကောင်းတဲ့အကြောင်းကို အွန်လိုင်းမှာဖော်ပြချင်တဲ့သူအနေနဲ့ အမျိုးသားတွေက ၂၉ ရာခိုင်နှုန်းရှိပြီး အမျိုးသမီးတွေကတော့ ၂၀ ရာခိုင်နှုန်းရှိပါတယ်။

နေမကောင်းဖြစ်တဲ့ အခြေအနေကို ကောင်းစွာကိုင်တွယ်နိုင်သူတွေကတော့ စစ်တမ်းကောက်ယူသူတွေထဲက ၃ ပုံ ၁ ပုံသာရှိပါတယ်။

အမျိုးသမီး ၈၀ ရာခိုင်နှုန်းနီးပါးလောက်က နေမကောင်းဖြစ်ခြင်းကို အမျိုးသားတွေထက် ပိုမိုကိုင်တွယ်နိုင်တယ်လို့ ယူဆနေကြပါတယ်။

အိမ်မှာနေမကောင်း ဖြစ်ကြတဲ့အခါ လုပ်နေကျသန့်ရှင်းရေးများထဲက အချို့ကို မလုပ်ကြဘူးလို့ ၅၂ ရာခိုင်နှုန်းက ဝန်ခံထားပါတယ်။

၃၀ ရာခိုင်နှုန်းလောက်က အသားအရေ ထိန်းသိမ်းရေးနည်းလမ်းများ မလုပ်ကြဘဲ ၂၀ ရာခိုင်နှုန်းက ရေမချိုးကြပါဘူး။

သာမန်အားဖြင့် နေမကောင်းတဲ့သူတွေဟာ သွားတိုက်ခြင်းနဲ့ အဝတ်အစားလဲခြင်းတို့ကို ၂ ရက်လောက်အထိ မလုပ်ဘဲ နေတတ်ကြပါတယ်။

ထိုအတောအတွင်းမှာ အနားမယူဘဲ တစ်ခုခုအကျိုးရှိအောင် လုပ်တဲ့သူက ၉ ယောက်မှာ ၁ ယောက်နှုန်းရှိပြီး အမျိုးသားတွေက လေ့ကျင့်ခန်း ပြုလုပ်တာမျိုး ၂၀ ရာခိုင်နှုန်းရှိပါတယ်။

စစ်တမ်းဖြေကြားသူတွေထဲက ၂၆ ရာခိုင်နှုန်းဟာ ဆေးခန်းမှာရှိနေတာကို ဖိစီးမှုအများဆုံးလို့ ဆိုကြပါတယ်။

ဆေးရုံဆေးခန်းသွားပြီး ရောဂါသည်တွေနား ထိုင်စောင့်နေရတာထက်စာရင် ဖုန်းဖြင့်ကျန်းမာရေး စောင့်ရှောက်မှုခံယူတာက အိမ်ကနေ သက်သက်သာသာဖြင့် သက်သာစေမှာ ဖြစ်ပါတယ်။

#World_Health #အမေပြုစုစောင့်ရှောက် #ယောက်ျားလေးအများစုယူဆ #Source: New York Post

#World_Science
Published 19 February 2024

တိရစ္ဆာန်အများစုဟာ လူသားတွေထက် အားသာချက်တွေ ရှိနေကြပြီး ခွေးတွေ ကြောင်တွေဆိုရင် အနံ့ခံအာရုံ၊ သစ်ကုလားအုတ်တွေဆိုရင် အပင်ပေါ်က အစားအစာတွေကို မှီနိုင်တဲ့စွမ်းရည်တွေ ရှိနေပါတယ်။

ဒါပေမဲ့ နို့တိုက်သတ္တဝါတွေဟာ လူတွေလိုမျိုး အရောင်မျိုးစုံကို ခွဲခြားမမြင်နိုင်ကြပါဘူး။

ဓာတ်ခွဲခန်းထဲမှာ ဖန်တီးထားတဲ့ လူသားစက္ခုအမြင်လွှာများဖြင့် စမ်းသပ်ရာမှာ ဗိုက်တာမင်အေက လူသားတွေမှာ သန်းနဲ့ချီတဲ့အရောင်တွေကို မြင်နိုင်တဲ့ အထူးဆဲလ်တွေ ထုတ်လုပ်နိုင်တာကို တွေ့ရှိခဲ့ကြပါတယ်။

ခွေးတွေရဲ့ မျက်စိထဲက ကတော့ပုံစံဆဲလ်တွေဟာ မီးခိုးရောင်၊ အဝါရောင်၊ အညိုရောင်၊ အပြာရောင်တို့ကို မသိရှိကြပါဘူး။

ကြောင်တွေဟာ အရောင်တွေကို မြင်နိုင်ပေမယ့် လူတွေလောက် အများကြီး မခွဲခြားနိုင်ပါဘူး။

ယင်းတို့ရဲ့ မျက်လုံးတည်ဆောက်ပုံအရ ကြောင်တွေဟာ အပြာရောင်နဲ့ အဝါရောင်ကို အမြင်ရဆုံးဖြစ်ပြီး အနီနဲ့ အစိမ်းရောင်တို့ကိုတော့ မီးခိုးရောင်အဖြစ်သာ မြင်ကြပါတယ်။

မျက်စိအမြင်လွှာထဲမှာရှိတဲ့ ကတော့ပုံစံဆဲလ်တွေဟာ အရောင်တွေကို ခွဲခြားမြင်စေနိုင်တာ ဖြစ်ပါတယ်။

ရော့ဒ်ဆဲလ်တွေကတော့ အလင်းပမာဏကို သိရှိကာ အလင်းနည်းတဲ့နေရာတွေမှာ အမြင်အာရုံရရှိအောင် ပြုလုပ်ပေးပါတယ်။

အမြင်အာရုံ ပုံမှန်ရှိသူတွေနဲ့ လူတွေနဲ့နီးစပ်တဲ့ မျောက်ဝံမျိုးရိုးတွေမှာသာ အနီအစိမ်းတွေကို အာရုံခံနိုင်တာ ဖြစ်ပါတယ်။

ဒီသုတေသနရဲ့ ဖြစ်နိုင်ခြေကတော့ အနာဂတ်မှာ အမြင်အာရုံပြဿနာ ရှိသူတွေကို ကူညီပေးနိုင်ဖွယ်ရှိတယ်လို့ သိပ္ပံပညာရှင်များ မျှော်လင့်နေကြပါတယ်။

#World_Science #အရောင်သန်းနှင့်ချီမြင်ရ #အခြားနို့တိုက်သတ္တဝါ #အရောင်မမြင်ကြရ #Source: The Jerusalem Post

၁၈ ဖေဖော်ဝါရီ ၂၀၂၄

မြန်မာနိုင်ငံတွင် ဆောင်ရွက်နေသည့် တည်ငြိမ်အေးချမ်းရေး၊ ဖွံ့ဖြိုးတိုးတက်ရေး လုပ်ငန်းစဉ်များတွင်လည်း တရုတ်နိုင်ငံနှင့် တရုတ် လူမျိုးများအနေဖြင့် ဆက်လက်ပြီးကူညီဆောင်ရွက်ပေးပါရန် ဗိုလ်ချုပ်မှူးကြီး  မင်းအောင် လှိုင်က ပြောကြားလိုက်ပါတယ်။

ဖေဖော်ဝါရီ၁၈ရက်ညနေပိုင်းက ရန်ကုန်မြို့ရှိ အမျိုးသားအားကစားပြိုင်ပွဲရုံ(၁)သုဝဏ္ဏ၌ ကျင်းပပြုလုပ်တဲ့ ၂၀၂၄ခုနှစ် ရွှေနဂါးတရုတ်နှစ်သစ်ကူးပွဲတော်အခမ်းအနားတွင် နစကဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး  မင်းအောင်လှိုင်က တက်ရောက်ဖွင့်လှစ်ပြီး နှစ်သစ်ကူးဆုမွန်စကားပြောကြားရာမှာထည့်သွင်းပြောကြားခဲ့တာ ဖြစ်  ပါတယ်။

ထို့အပြင် တရုတ်-မြန်မာနှစ်နိုင်ငံပူးပေါင်းပြီး နှစ်နိုင်ငံအကျိုးတူ ပူးပေါင်းဆောင်ရွက်မှုလုပ်ငန်းများ၊နယ်စပ်ဒေသ တည်ငြိမ်အေးချမ်းရေးနှင့် ဖွံ့ဖြိုးရေးလုပ်ငန်းများတွင် လက်ရှိအခြေအနေထက် ပိုမိုတိုးတက်ကောင်းမွန်လာမည်ဟု ယုံကြည်တယ်လို့လည်း ဗိုလ်ချုပ်မှူးကြီးက ပြောကြားတဲ့အကြောင်း နစကရဲ့သတင်းထုတ်ပြန်ချက်မှာဖော်ပြ ထားပါတယ်။

ရှေးအစဉ်အဆက် နိုင်ငံ့ခေါင်းဆောင်ကြီးများ၏ အမြော်အမြင်ကြီးစွာ တည်ဆောက်ခဲ့သည့် ငြိမ်းချမ်းစွာအတူ   ယှဉ်တွဲနေထိုင်ရေး မူကြီး(၅)ရပ်နှင့်အညီ နှစ်နိုင်ငံသည် အိမ်နီးချင်းကောင်းပီသစွာ အပြန်အလှန်နားလည်မှုများနှင့် နေထိုင်ခဲ့ကြသဖြင့် ရံဖန်ရံခါ တွေ့ကြုံရသည့်ပဋိပက္ခအချို့ကို နှစ်နိုင်ငံအစိုးရနှင့် ပြည်သူတို့ငြိမ်းချမ်းစွာအဖြေရှာပြီး  ခိုင်မာသည့်ဆက်ဆံရေးကို ထိန်းသိမ်း တည်ဆောက်နိုင်ခဲ့ကြတယ်လို့လည်း ဗိုလ်ချုပ်မှူးကြီးက ဆက်လက်ပြောဆို ပါတယ်။

တရုတ်နိုင်ငံသည် မြန်မာ့အရေးနှင့်ပတ်သက်ပါက ခေတ်အဆက်ဆက်အိမ်နီးချင်းကောင်းဟူသည့်ဂုဏ်ပုဒ်အပြင် မိတ်ဆွေကောင်းဟူသည့် ခံယူချက်ဖြင့်ရပ်တည်ပေးခဲ့သည့်နိုင်ငံဖြစ်ပါကြောင်း၊ မြန်မာနိုင်ငံ၏ပြည်တွင်းရေးရာ ကိစ္စရပ်များနှင့်ပတ်သက်ပြီး နိုင်ငံတကာစာမျက်နှာများတွင် မှန်ကန်သည့် လမ်းကြောင်းအတိုင်းရပ်တည်ပေး  လျက်ရှိနေသည့် တရုတ်ပြည်သူ့သမ္မတနိုင်ငံနှင့်တရုတ်လူမျိုးတို့၏မိတ်ကောင်းဆွေမွန်ပီသမှုအတွက် အထူးပင်  ကျေးဇူးတင်ရှိတယ်လို့လည်း နစက ဥက္ကဋ္ဌက ပြောပါတယ်။

သံလွင်၊ မဲခေါင်မြစ်နှစ်စင်းမှ အစပြုပြီး သဘာဝတောတောင် ရေမြေများစွာထိစပ်နေသည့် တရုတ်နိုင်ငံနှင့် မြန်မာနိုင်ငံတို့၏ ကောင်းမွန်သည့် ဆက်ဆံမှုများနှင့် တူညီသည့်ယဉ်ကျေးမှုများသည် ရေကိုသားသော်အကြား

မထင် သကဲ့သို့ ဘယ်သူဖျက်ဖျက် ပျက်စီးမသွားဘဲ ခိုင်မာစွာဖြစ်တည်လျက်ရှိနေမည်ဖြစ်တယ်လို့လည်း ဗိုလ်ချုပ်မှူးကြီးက အခိုင်အမာပြောဆိုပါတယ်။

ယင်းနောက် မြန်မာနိုင်ငံဆိုင်ရာတရုတ်နိုင်ငံသံအမတ်ကြီး Mr. Chen Hai က ပြီးခဲ့သည့်နှစ်များအတွင်း တရုတ်-မြန်မာ နှစ်နိုင်ငံအကြား ကဏ္ဍအသီးသီး၌ အတူတကွ ကြိုးပမ်းဆောင်ရွက်ခဲ့ကြသောကြောင့် ယုံကြည်မှုများနှင့် ချစ်

ကြည်ရင်းနှီးမှုများ ပိုမိုတိုးမြှင့်ခိုင်မာအောင် တည်ဆောက်နိုင်ခဲ့ပါကြောင်း၊ နှစ်သစ်တွင်နှစ်နိုင်ငံနှင့် နှစ်နိုင်ငံရှိ ပြည်သူများအနေဖြင့် ငြိမ်းချမ်းခြင်း၊ ချစ်ခင်ခြင်း၊ အပြန်အလှန်လေးစားခြင်းတို့ဖြင့် ပြည့်ဝပြီး နှစ်နိုင်ငံအကျိုး  အတွက် ဆောင်ရွက်နိုင်ကြပါစေကြောင်း၊ နှစ်နိုင်ငံအကြား ဆွေမျိုးပေါက်ဖော်ချစ်ကြည်ရေး အဓွန့်ရှည်ခိုင်မြဲပါစေ

ကြောင်းနှင့် တရုတ်-မြန်မာ လူသားမျိုးနွယ်များ တိုးတက်မှုအတွက် အတူတကွကြိုးပမ်းသွားမယ်လို့ နှစ်သစ် ဆုတောင်းစကားပြောကြားခဲ့ပါတယ်။

အဲဒီနောက်ဗိုလ်ချုပ်မှူးကြီးနှင့်ဇနီးတို့သည် အခမ်းအနားတက်ရောက်လာကြသူများနှင့်အတူ တရုတ်ရိုးရာနှစ်သစ်

ကူး အထိမ်းအမှတ်ဂုဏ်ပြုညစာကို အတူတကွသုံးဆောင်ခဲ့ကြကြောင်း သတင်းရရှိပါတယ်။

@ymg/knl

#Local_News
Published 18 February 2024

 အစိုးရပြည်ပအလုပ်အကိုင်အေဂျင်စီမှ ကိုရီးယားသမ္မတနိုင်ငံသို့ EPS စနစ်ဖြင့် လုပ်သားများစေလွှတ်လျက်ရှိ ၂၀၂၄ ခုနှစ်တွင် မြန်မာနိုင်ငံအတွက် လုပ်သားခေါ်ယူမှုခွဲတမ်းအနေဖြင့် ၁၁၀၀၀ ခန့် ရွေးချယ်ခေါ်ယူစေလွှတ်သွားမည်ဖြစ်ကြောင်း အလုပ်သမားဝန်ကြီးဌာနမှ သိရသည်။

 ကိုရီးယားသမ္မတနိုင်ငံသို့ EPS စနစ်ဖြင့် လုပ်သားများစေလွှတ်လျက်ရှိရာ ကုန်ထုတ်လုပ်ငန်း၊ စိုက်ပျိုးရေးနှင့် မွေးမြူရေးလုပ်ငန်းနှင့် ဆောက်လုပ်ရေးလုပ်ငန်းများ ဖြင့် အမျိုးသား အလုပ်သမား များကို စေလွှတ်ခဲ့ ပြီး ယခု နှစ်တွင် ဝန်ဆောင်မှု လုပ်ငန်းများအတွက် အမျိုးသမီး အလုပ်သမားများကိုပါ ခေါ်ယူသဖြင့် စေလွှတ်မည် ဖြစ်ကြောင်း သိရသည်။ 

ပြီးခဲ့သည့် ၂၀၂၃ ခုနှစ်တွင် ကုန်ထုတ်လုပ်ငန်း၊ စိုက်ပျိုးရေးနှင့် မွေးမြူရေးလုပ်ငန်းနှင့် ဆောက်လုပ်ရေးလုပ်ငန်းများသို့ ၁၀၆၁၁ ဦး စေလွှတ်ခဲ့ပြီး ယခု၂၀၂၄ ခုနှစ်တွင် မြန်မာနိုင်ငံအတွက် လုပ်သားခေါ်ယူမှုခွဲတမ်းအနေဖြင့် ၁၁၀၀၀ ခန့် ရရှိသဖြင့် ပိုမိုခေါ်ယူထားကြောင်း သိရသည်။

#Local_News #EPSစနစ် #ကိုရီးယားသို့မြန်မာလုပ်သား #YMG/LW #Yangon_Times

#Local_News
Published-18 February 2024

မွန်ပြည်နယ် မုဒုံမြို့ကျက်သရေဆောင် သမိုင်းဝင်ဆံတော်ရှင် ကန်ကြီးစေတီတော်မြတ်ကြီးတွင်(၁၄)ကြိမ်မြောက် မဟာပဌာန်းရွတ်ဖတ်ပူဇော်ပွဲနှင့် (၂၁)ကြိမ်မြောက် ထမနဲထိုးလှူဒါန်းပွဲကို (တပို့တွဲလပြည့်နေ့)တွင် စည်ကားသိုက်မြိုက်စွာ ကျင်းပသွားမည်ဖြစ်ကြောင်း စေတီတော် ဂေါပကအဖွဲ့ထံမှ သိရသည်။

အဆိုပါ မဟာပဌာန်းရွတ်ဖတ်ပူဇော်ပွဲ ဖွင့်ပွဲအခမ်းအနားကို ဖေဖော်ဝါရီ ၁၉ ရက်နေ့တွင် စေတီတော်ပုရဝုဏ်အတွင်းရှိ ဓမ္မာရုံ၌ ကန်ကြီးစေတီတော် သြဝါဒါစရိယ ဆရာတော်ဘဒ္ဒန္တ စန္ဒန (လမင်းဆရာတော်)နှင့် သံဃာတော်အရှင်သူမြတ်အပေါင်းတို့မှ စတင်ဖွင့်လှစ်သွားမည်ဖြစ်ပြီး (၅)ရက်တိုင်တိုင် ရွတ်ဖတ်ပူဇော်သွားမည်ဖြစ်သည်။

(၂၁)ကြိမ်မြောက် ထနဲထိုးလှူဒါန်းပွဲကို ဖေဖော်ရီ ၂၃ ရက်နေ့တွင် ပြုလုပ်မည်ဖြစ်ပြီး ဘုရားဖူးပြည်သူများအား ထမနဲဝေငှလှူဒါန်းသွားမည်ဖြစ်ကြောင်း သိရသည်။

တပို့တွဲလပြည့်နေ့တွင် အာရုံဆွမ်းအချိုပွဲအဖြစ် ကန်ကြီးစေတီတော်၌ ဆပ်ကပ်ခြင်း သြဝါဒါစရိယဆရာတော် (၁၃)ပါးနှင့် သံဃာတော်များအား နေ့ဆွမ်းဆပ်ကပ် လှူဒါန်းခြင်းနှင့် မဟာပဌာန်းရေစက်ချ ပိတ်ပွဲအခမ်းအနားကို ကျင်းပသွားမည်ဖြစ်ကြောင်းသိရသည်။

#Local_News #သမိုင်းဝင်ကန်ကြီးစေတီ #ထမနဲထိုးပွဲကျင်းပ #YMG/LW #Yangon_Times

#Local_News
Published-18 February 2024

တနင်္သာရီတိုင်းဒေသကြီး၊ ဘုတ်ပြင်းခရိုင်၊ ဘုတ်ပြင်းမြို့နယ်အတွင်းကျရောက်နေတဲ့ ဧရိယာအကျယ်အဝန်း ၄,၄၃၅ ဧကရှိတဲ့ နယ်မြေကို ဖေဖော်ဝါရီ ၁၅ ရက်ကစပြီး “ထင်းမယ်ကြိုးပြင်ကာကွယ်တော”အဖြစ် သတ်မှတ် လိုက်ကြောင်း သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနမှသိရသည်။

မြစ်၊ ချောင်း၊ အင်း၊ အိုင် စသည့်  ရေအရင်းအမြစ်များနှင့် ရေဝေ ရေလဲဒေသများ ကို ထိန်းသိမ်းရန်၊ ဂေဟစနစ်တည်ငြိမ်မှုရှိရန် ၊ ဒေသခံပြည်သူ များ၏ အခြေခံလိုအပ်ချက်ဖြစ်သည့် သစ်၊ ထင်း၊ ဝါး စသည့် သစ်တောထွက်ပစ္စည်းများ ကို ဖြည့်ဆည်းပေးနိုင်ရန်၊ ဇီဝမျိုးစုံ မျိုးကွဲများကို ထိန်းသိမ်းနိုင်ရန် ရာသီဥတုသာယာမျှတစေပြီး စိုက်ပျိုးရေးလုပ်ငန်းများကို အထောက်အကူပြုစေရန် ရည်ရွယ်ပြီး သတ်မှတ်ခြင်ူဖြစ်‌ေကြာင်းသိရသည်။

ထို့အပြင် ထင်းမယ်ကြိုးပြင်ကာကွယ်တော သတ်မှတ်လိုက်ခြင်းကြောင့် အဆိုပါ ဧရိယာအတွင်း ပေါက်ရောက်လျက် ရှိသည့် ကညင်၊ ကတွတ်၊ သပြေ၊ ဥဘန်၊ ရှစ်ခေါ၊ တောင်သရက်၊ ယမနေ၊ ဖန်ခါး၊ ကံ့ကော်၊ သစ်မင်း၊ မရမ်းနှင့် မျောက်ငို စသည့်  ဒေသမျိုးရင်း သစ်မျိုးများကို လည်းထိန်းသိမ်းနိုင်မည်ဖြစ်ကြောင်းသိရသည်။

#Local_News #ထင်းမယ်ကြိုးပြင်ကာကွယ်တောသတ်မှတ် #YMG/LW #Yangon_Times

#Local_news
Published_ 18 February 2024

မြန်မာနိုင်ငံရှိ ပြည်သူ့ဆေးရုံကြီးများ၌ ၂၀၂၃ ခုနှစ်တွင် ကင်ဆာဓာတ်ရောင်ခြည် ကုသမှု အကြိမ်ရေ ၁ သောင်း ၁ ထောင်ကျော် ဆောင်ရွက်ပေးနိုင်ခဲ့ကြောင်း သိရပါတယ်။

ကင်ဆာဓာတ်ရောင်ခြည် ကုသမှုများကို အရေးပေါ်အခြေအနေများတွင် စောင့်ဆိုင်းမှုမရှိစေဘဲ ဆောင်ရွက်ပေးလျက်ရှိပြီး ရန်ကုန်ပြည်သူ့ဆေးရုံကြီး၊ မန္တလေး ပြည်သူ့ဆေးရုံကြီး၊ နေပြည်တော် ပြည်သူ့ဆေးရုံကြီး (ခုတင်-၁၀၀၀) နှင့် တောင်ကြီးမြို စဝ်စံထွန်းပြည်သူ့ဆေးရုံကြီးတိုတွင် ကင်ဆာဓာတ်ရောင်ခြည် ကုသစက် ၁၂ လုံး အသုံးပြုကာ ကျန်းမာရေးဝန်ထမ်းများအနေဖြင့် စနေ၊ တနင်္ဂနွေ ရုံးပိတ်ရက်များ၌ပါ ဆောင်ရွက်ပေးလျက်ရှိပြီး ၁၁၀၃၆၇ ကြိမ်ထိ ဆောင်ရွက်ပေးနိုင်ခဲ့တာ ဖြစ်ပါတယ်။

ရန်ကုန်ပြည်သူ့ဆေးရုံကြီး ကင်ဆာရောဂါ ဓာတ်ရောင်ခြည်ကုသဌာန၌ ရုံးပိတ်ရက် များတွင်လည်း ကင်ဆာဓာတ်ရောင်ခြည် ကုသစက်သုံးလုံးဖြင့် ကင်ဆာရောဂါ ဓာတ်ရောင်ခြည်ကုသမှုများ ဆောင်ရွက်ပေးလျက်ရှိရာ အိန္ဒိယနိုင်ငံမှ လှူဒါန်းထားသည့် Bhabhatron စက်ကိုလည်း တပ်ဆင်ထားကြောင်း သိရပါတယ်။

ထို့ပြင် အဏုမြူရောင်ခြည်ဖြင့် ရောဂါရှာဖွေကုသရေးဌာန၌ အဏုမြူရောင်ခြည် ဖြင့် ကင်ဆာရောဂါပျံ့နှံမှုကို ရှာဖွေသည့် PET/CT စက်၊ စက်လည်ပတ်ရန်လိုအပ်သော အဏုမြူရောင်ခြည် ပစ္စည်းထုတ်လုပ်တဲ့ Cyclotron စက်များ ဖြင့် ကုသပေးနေတာဖြစ် ပါတယ်။

ထို့အပြင် ကင်ဆာဓာတ်ရောင်ခြည် ကုသမှုကို တပ်မတော်ဆေးရုံကြီးများ၌လည်း ဆောင်ရွက်ပေးလျက်ရှိပြီး ရန်ကုန်၊ နေပြည်တော်ရှိ ပုဂ္ဂလိကဆေးရုံများတွင်လည်း ဆောင်ရွက်ပေးနေကြောင်း သရပါတယ်။

ကင်ဆာရောဂါ ဝေဒနာရှင်များ စောင့်ဆိုင်းမှုလျော့နည်းစေရေးနှင့် ထိရောက်သည့် ကုသမှုရရှိစေရေးအတွက် နိုင်ငံတော်အနေဖြင့် ယခုနှစ်တွင် ကင်ဆာရောဂါ ဆေးဝါးများ ဝယ်ယူရန်အတွက် ခွင့်ပြုရန်ပုံငွေ ၁၂ ဘီလီယံ ကျော် ခွင့်ပြုချထားပေးခဲ့ပြီး ၂၀၂၃ ခုနှစ်အတွင်း မန္တလေးပြည်သူ့ဆေးရုံကြီးတွင် ကင်ဆာရောဂါ ဓာတ်ရောင်ခြည်ကုသစက် အသစ်တစ်လုံး တပ်ဆင်ပေးခဲ့ပါတယ်။

ထို့အပြင် ဓာတ်ရောင်ခြည်ကုသစက် အသစ် ၃ လုံးကို အသစ်ဆောက်လုပ်ပြီးစီးနေပြီဖြစ်တဲ့ ဒဂုံဆိပ်ကမ်းမြို့နယ်ရှိ အမျိုးသားကင်ဆာကုသရေးဌာန၌ ယခုနှစ်အတွင်း တပ်ဆင်သွားမှာ ဖြစ်ကြောင်း သတင်းရရှိပါတယ်။

#Local_news #ကင်ဆာဓာတ်ရောင်ခြည်ကုသမှု #Ymg_mnn #Yangon_Media_Group

#Local_News
Published-18 February 2024

ကရင်ပြည်နယ်၊ ဘားအံခရိုင်၊ ပိုင်ကျုံမြို့နယ်၌ ကျုံမြို့ မိုးနိုင်း-ညာပရော-မိကြောင်ရွာချင်းဆက်လမ်းပေါ်၌ ကရင်ပြည်နယ်အစိုးရအဖွဲ့ နယ်စပ်ဒေသ ဖွံ့ဖြိုးရေးရန်ပုံငွေဖြင့် Box Culvert များ တည်ဆောက်ပေးလျက်ရှိကြောင်းကရင်ပြည်နယ်အစိုးရအဖွဲ့မှသိရသည်။

ဒေသခံပြည်သူများသွားလာရေး ပိုမိုအဆင်ပြေလွယ် ကူစေရေးနှင့် ဒေသဖွံ့ဖြိုးတိုးတက်စေရန် ရည်ရွယ်၍ မိုးနိုင်း-ညာပရော-မိကြောင် ရွာချင်းဆက်လမ်း မြေသားလမ်းပေါ်တွင် Box Culverများ တည်ဆောက်ပေးလျက်ရှိကြောင်းသိရသည်။

အဆိုပါတံတားများသည် ပိုင်ကျုံမြို့ မိုးနိုင်း-ညာပရော-မိကြောင် ရွာချင်းဆက် မြေသားလမ်းပေါ်တွင် ဆက်သွယ်ထားသည့် အရှည် ၁၀ပေ၊ အမြင့် ၅ ပေ၊ အကျယ် ၂၆ ပေရှိ Box Culvert (၂ )ခုနှင့် အရှည် ၅ ပေ၊ အမြင့် ၅ပေ၊ အကျယ် ၂၆ ပေရှိ Box Culvert (၅)ခု စုစုပေါင်း Box Culvert ၇ ခုကို ၂၀၂၃-၂၀၂၄ ဘဏ္ဍာနှစ်၊ ကရင်ပြည်နယ်အစိုးရအဖွဲ့ နယ်စပ်ဒေသဖွံ့ဖြိုးရေး( ငွေလုံးငွေရင်း) ခွင့်ပြုရန်ပုံငွေဖြင့် တည် ဆောက်ပေးခဲ့ခြင်းဖြစ်‌ ကြောင်းသိရသည်။ 

ယင်းလုပ်ငန်းကို ဒီဇင်ဘာလ ပထမ အပတ်တွင် စတင်အကောင်အထည်ဖော် ဆောင် ရွက်လျက်ရှိပြီး လုပ်ငန်းများသတ်မှတ်အချိန်ကာလအတွင်း အရည် အသွေး ပြည့်မီစွာပြီးစီးနိုင်ရေးအတွက် သက်ဆိုရာတာဝန်ရှိသူများတို့မှ အနီးကပ်ကြီးကြပ်တာ၀န်ယူ ဆောင်ရွက်ခဲ့ကြောင်း၊ လုပ်ငန်းများပြီးစီးပါက ဒေသနေပြည်သူများအနေဖြင့် မိုးတွင်းကာလတွင် အန္တရာယ်ကင်းစွာ သွားလာ နိုင်မည်ဖြစ်ပြီး ပညာရေး၊ ကျန်းမာရေး၊ လူမှုရေး၊ စီးပွားရေး ဆောင်ရွက်ရာတွင် အဆင်ပြေ လွယ်ကူစွာ ဖြတ်သန်းသွားလာနိုင်မည်ဖြစ်ကြောင်း သိရသည်။

#Local_News #မိုးနိုင်း-ညာပရော-မိကြောင် #Box Culvertများတည်ဆောက်ပေးနေ #YMG/LW #Yangon_Times

#Local_News
Published_ 18 February 2024

မြန်မာ-ကိုရီးယား ချစ်ကြည်ရေး (ဒလ) တံတားကြီးကို ရန်ကုန်မြို့တွင်းသို့ ဝင်၊ ထွက် သွားလာမည့် တန်ချိန် ၁၅၀၀၀ ရှိသည့် ပင်လယ်ကူးသင်္ဘောကြီးများ ဖြတ်သန်းနိုင်အောင် ပုံစံထုတ်၍ တည်ဆောက်ထားကြောင်း သိရပါတယ်။

နိုင်ငံတကာတံတား သတ်မှတ်ချက် စံချိန်စံညွှန်းများနှင့်အညီ တည်ဆောက် အကောင်အထည်ဖော် ဆောင်ရွက်လျက်ရှိသည့် အဆိုပါတံတားပုံစံ ထုတ်လုပ်ရာ၌ တန်ချိန် ၁၅၀၀၀ ရှိ ပင်လယ်ကူးသင်္ဘောကြီးများ ဖြတ်သန်းနိုင်ရေးအတွက် ပင်မတံတား ရေလမ်းကင်းလွတ်အမြင့်ကို ၄၉ မီတာအထိ ထားရှိခဲ့ရသဖြင့် ဆင်ခြေလျှော တံတား (Ramp Bridges) များကို အတက်၊ အဆင်း (Gradient) ပြေပြစ်စေရေးနှင့် ကမ်းနားလမ်းဈေးဆိုင်ခန်းများ၊ အဆောက်အအုံများဖယ်ရှားမှု အနည်းဆုံးဖြစ်စေရေးအတွက် ချဉ်းကပ်တံတားနှင့် ဆင်ခြေလျှောတံတား အရှည်တို့ကို တွက်ချက်ခဲ့ရပါတယ်။

မြန်မာနိုင်ငံ၌ တည်ဆောက်ပြီးစီးခဲ့တဲ့ တံတားများအနက် ရေလမ်းကင်းလွတ်အမြင့် အများဆုံးဖြစ်ပြီး တံတားကြမ်းခင်းအမြင့်ဆုံး တံတားတစ်စင်းဖြစ်ပါတယ်။

မော်တော်ယာဉ်များ ဖြတ်သန်းမောင်းနှင်ရာ၌ ယာဉ်အန္တရာယ် ကင်းရှင်းရေးအတွက် ပင်မတံတားနှင့် ချဉ်းကပ်တံတားတို့တွင် တစ်နာရီ ၅၀ ကီလိုမီတာနှုန်းနှင့် ဆင်ခြေလျှောတံတားများတွင် တစ်နာရီ ၃၀ ကီလိုမီတာနှုန်းတို့ဖြင့် မောင်းနှင်နိုင်ရန် ဒီဇိုင်းပုံစံထုတ်၍ တည်ဆောက်ထားကြောင်း သိရပါတယ်။

#Local_News #တန်ချိန်၁၅၀၀၀ရှိပင်လယ်ကူးသင်္ဘောကြီး #ဒလတံတားကို ပုံစံထုတ်တည်ဆောက်ထား #ymg_mnn #Yangon_Media_Group

လာမယ့်မတ်လမှာ ကုလားပဲစိုက်ပျိုးမှုများတဲ့ မကွေးတိုင်း ပွင့်ဖြူစကုနဲ့စလင်းမြို့နယ်တွေက ထွက်ရှိတဲ့ ကုလားပဲ တွေကို ဝယ်ယူမှာဖြစ်တယ် ပြီးခဲ့တဲ့နှစ်တွေက နှစ်စဉ်ကုလားပဲတန်ချိန် ၂၀၀၀ခန့် ဝယ်ယူပေးခဲ့တာ ယခုနှစ်မှာတန်ချိန် ၃၀၀၀ခန့်အထိ တိုးမြှင့်ဝယ်ယူဖို့အတွက် ပို့ကုန်လုပ်ငန်းရှင်နဲ့ ဆွေးနွေးထားတယ်။
#Local_News
Published_ 17 February 2024
#ကုလားပဲတန်ချိန် #ပို့ကုန်လုပ်ငန်းရှင်
#YMG/LW #Yangon_Times

#Local_News
Published 18 February 2024

အိန္ဒိယကုမ္ပဏီ Lax Corporation မှ  မြန်မာနိုင်ငံ မှ  ကွမ်းသီးခြောက်တန်ချိန် ရာနဲချီပြီး ဝယ်ယူလိုကြောင်း ကမ်းလှမ်းထားချက်ရှိပြီး လက်ရှိ တင်ပို့နိုင်ရန်ဆောင်ရွက်လျက်ရှိကြောင်း မွန်ပြည်နယ်အခြေစိုက် ကွမ်းသီးစိုက်ပျိုးထုတ်လုပ် တင်ပို့ရောင်းချသူများအသင်းမှသိရသည်။

အိန္ဒိယသို့ ကွမ်းသီးခြောက်များတင်ပို့ရန် နမူနာပုံစံတွေကို Lax Corporation ထံ ဇန်နဝါရီလကုန်ပိုင်းမှာ ပေးပို့ထားပြီး ပထမအသုတ် အနေဖြင့် ၁၇တန် ကိုပေ၂၀ကွန်တင်နာပုံးတပုံးဖြင့်  အရည်သွေး  စံချိန်စံညွှန်းများကောင်းမွန်လက်ခံ အတည်ပြုပြီးလျှင်  တန်ချိန် ၂၀၀လစဉ် ဝယ်ယူသွားရန်နှင့်ဆက်လက်၍ ပိုမိုဝယ်ယူရန်လည်း သဘောတူညီမှုရရှိထားကြောင်း သိရသည်။

မြန်မာနိုင်ငံတွင် နှစ်စဉ်ကွမ်းသီတန်ချိန် ၂ သိန်း ၃ သောင်းခန့်ထွက်ရှိပြီး ပြည်တွင်းစားသုံးမှုထက် များစွာပိုလျှံနေတဲ့ ကုန်ပစ္စည်းအမယ်လည်းဖြစ်ကြောင်း သိရသည်။

"လက်ရှိအခြေအနေမှာတင်ပို့ဖို့အတွက် တင်ပို့မယ့်ပုံစံ၊ တင်ပို့ရမယ့်နေရာ၊ ဈေးနှုန်း၊ ငွေပေးချေမှုပုံစံတွေကို ဆွေးနွေးညှိနှိုင်းလျက်ရှိပြီး သဘောတူညီမှုရမယ်ဆိုရင် နှစ်ဖက်စာချုပ်ချုပ်ဆိုကာ စတင် တင်ပို့တော့မယ်"ဟုမွန်ပြည်နယ်အသင်းဥက္ကဋ္ဌ ဦးအောင်နေလင်းက ပြောသည်။

အိန္ဒိယနိုင်ငံက ကွမ်းသီးလိုအပ်ချက်များပြီး တန်ဖိုးမြှင့်ထုတ်ကုန်တွေ ထုတ်ကုန်တွေ ထုတ်လုပ်ဖို့အတွက် ဝယ်ယူနေတာဖြစ်သဖြင့် မြန်မာ့ကွမ်းသီးများတိုးမြှင့်တင်ပို့နိုင်ရေး၊ ဈေးကွက်ရရှိရေးအတွက် ဆောင်ရွက်သွားမည်ဖြစ်ကြောင်း သိရသည်။

ကွမ်းသီးကို တနင်္သာရီတိုင်း၊ မွန်ပြည်နယ်၊ ဧရာဝတီတိုင်း၊ ကရင်ပြည်နယ်တို့မှာ အများဆုံးစိုက်ပျိုးကြပြီး ၂၀၂၁-၂၀၂၂ ဘဏ္ဍာနှစ်တွင် တန်ချိန် ၂၂၉၄၁၂.၄၇၂ တန် ထွက်ရှိခဲ့ကြောင်း သိရသည်။

#Local_News #မြန်မာ့ကွမ်းသီးခြောက် #တန်ချိန် ရာနှင့်ချီလစဉ်တင်ပို့ #YMG/LW #Yangon_Times