#Daily_News
Published 3 October 2024

၁။ အနုပညာကုထုံး၊ ဂီတကုထုံး၊ ဒရမ်မာကုထုံးများပါဝင်မည့် 'ကမ္ဘာ့စိတ်ကျန်းမာရေးနေ့’ ဂုဏ်ပြုပွဲအစီအစဉ်ကျင်းပမည်

၂။ သုခဒဂုံ ပြည်သူ့အငှါးအိမ်ရာမှ အခန်း (၆၀၀)ခန့်ကို ငှါးရမ်းနေထ်ိုင်ခွင့်ရရှိမည့်သူများကို ရွေးချယ်သွားမည်

၃။ တိုင်ဖွန်းမုန်တိုင်းနှင့် လေပွေလှိုင်းအရှိန်ကြောင့် နောက်(၃)ရက် မိုးကြီးခြင်းနှင့်အတူလေပြင်းတိုက်နိုင်

၄။ ယီမင်ရှိဆိပ်ကမ်းနေရာများအား အစ္စရေးလ်လေကြောင်းတိုက်ခိုက်မှုများပြုလုပ်... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 3 October 2024

▪️ ရှမ်းပြည်နယ်အရှေ့ပိုင်းဒေသ တာချီလိတ်မြို့နှင့်ထိုင်းနိုင်ငံ မယ်ဆိုင်မြို့အကြားရှိ မယ်ဆိုင်ချောင်းရေမြင့်တက်၍ တာချီလိတ်မြို့တွင်  ရေကြီး၊ ရေလျှံမှုများ ဖြစ်ပွားနေကြောင်း ‌ဒေသခံများထံမှသိရသည်။

▪️ အောက်တိုဘာ ၂ရက် ယမန်နေ့ညတစ်ညလုံး မိုင်းဆတ်ခရိုင်အတွင်း မိုးရွာသွန်းမှု၏ နောက်ဆက်တွဲအနေဖြင့် တာချီလိတ်မြို့နှင့် မယ်ဆိုင်အကြားရှိ မယ်ဆိုင်ချောင်းရေမှာ အောက်တိုဘာလ (၃)ရက်နေ့ နံနက်ပိုင်းက စပြီး ရေကြီးရေလျှံမှု ဖြစ်ပွားနေခြင်း ဖြစ်ကြောင်း သိရသည်။

▪️ "ဒီနေ့ည ၁၂နာရီကျော်ကျော်လောက်ထဲက ရေစတက်လာတာ၊ ခုချိန်ထိတက်နေတုန်းပဲလေ၊အရင်လ ရေကျတာကို မရှင်းမလုပ်နိုင်သေးဘူး၊ ခုထပ်တက်ပြန်ပြီ " ဟု ‌တာချီလိတ်မြို့ရှိဒေသခံတစ်ဦးက ပြောသည်။

▪️ ထို့အပြင် တာချီလိတ် - ကျိုင်းတုံသွားလမ်းပေါ် တာချီလိတ်မြို့နယ်အတွင်း ဖန်မင်ကျေးရွာအုပ်စု မယ်ယန်းရှိ မယ်ဟုတ်ချောင်းတွင်လည်း ရေကြီး၊ရေလျှံမှုများ ဖြစ်ပေါ်နေရာ အနိမ့်ပိုင်းအိမ်ခြေများတွင် ရေဝင်နစ်မြုပ်နေကြောင်း သိရသည်။

#YMG/NN #Yangon_Times

ပဲခူးတိုင်းဒေသကြီး၊ တောင်ငူမြို့ရှိ ကန်ရိုးအရှေ့ပိုင်း ရပ်ကွက်အချို့နဲ့ စစ်တောင်မြစ်ကမ်းဘေးက ကျေးရွာအချို့ရေပြန်တက်လာတာ‌ကြောင့် မြေနိမ့်ပိုင်းရှိဒေသခံတွေ စတင်ရွေ့ပြောင်းနေပြီလို့ ဒေသခံတွေနဲ့ လူမှုကူညီရေးအသင်းတွေဆီက သိရပါတယ်။
#Local_News
Published 3 October 2024
#တောင်ငူကန်ရိုးအရှေ့ပိုင်း #ကျေးရွာအချို့ရေပြန်တက်
#YMG/NN #Yangon_Times

မြစ်သားမြို့နယ်မှာ ပန်းလောင်မြစ်ရေ မြင့်တက်နေသလို ကင်းတားဆည်ရေလည်းလွှတ်ထားတဲ့အတွက် ရေဘေးလွတ်ရာသို့ ကူညီရွှေ့‌ပြောင်းပေးရတယ်လို့ မြစ်သားမြို့နယ် မီးသတ်အဖွဲ့မှ သိရပါတယ်။
#Local_News
Published 3 October 2024
#ပန်းလောင်မြစ်ရေမြင့်တက် #ရေဘေးလွတ်ရာသို့ရွှေ့‌ပြောင်း
#YMG/tthl #Yangon_Times

၃ အောက်တိုဘာ ၂၀၂၄

ဂျပန်လေဆိပ်တစ်ခုအတွင်း မြုပ်နေတဲ့ မပေါက်ကွဲသေးတဲ့ ဒုတိယကမ္ဘာစစ်အတွင်းက အမေရိကန်ဗုံး တစ်လုံး ဗုဒ္ဓဟူးနေ့က ပေါက်ကွဲခဲ့ရာ လေယာဉ်ချည်းကပ်ပြေးလမ်းတစ်ခုတွင် တွင်းပေါက်ကြီးဖြစ်သွားခဲ့ သည့်အပြင် လေယာဉ်ခရီးစဉ်ပေါင်း ၈၀ ကျော် ဖျက်သိမ်းခဲ့ရပါတယ်။

ဂျပန်နိုင်ငံ အနောက်တောင်ပိုင်း မီယာဇာကီလေဆိပ်တွင် အဆိုပါ ဗုံးဟောင်းပေါက်ကွဲမှုကြောင့် ထိခိုက် ဒဏ်ရာရသူများမရှိခဲ့ပဲ ပေါက်ကွဲသည့်အနားတွင်လည်း မည်သည့် လေယာဉ်မှရှိမနေကြောင်း ဂျပန်နိုင်ငံ ကုန်းလမ်းနှင့်သယ်ယူပို့ဆောင်ရေးဝန်ကြီးဌာနက အရာရှိတွေက ပြောကြပါတယ်။

ဂျပန်ကာကွယ်ရေးတပ်ဖွဲ့နှင့်ရဲဌာနတွေရဲ့ စုံစမ်းစစ်ဆေးမှုအရ ထိုသို့ပေါက်ကွဲမှုမှာ ၅၀၀ ပေါင်ရှိသော အမေရိကန်ဗုံးဟောင်းတစ်လုံးကြောင့်ဖြစ်ကြောင်းသိရပါတယ်။ရုတ်တရက်ကြီးပေါက်ကွဲရတဲ့ အကြောင်း   ရင်းကိုတော့ အရာရှိတွေက ဆက်လက်စုံစမ်းစစ်ဆေးနေဆဲ ဖြစ်ပါတယ်။  ပေါက်ကွဲမှုကြောင့်ဖြစ်ပေါ်ခဲ့ တဲ့တွင်းကြီးမှာ အချင်း ၇မီတာနှင့် အနက်တစ်မီတာခန့်ရှိတယ်လို့သိရပါတယ်။

လေယာဉ်ခရီးစဉ်  ၈၀ ကျော်ဖျက်သိမ်းခဲ့ရတယ်လို့ ဝန်ကြီးအဖွဲ့အတွင်းရေးမှူးချုပ် ယိုရှီမာဆာ ဟာရာရှီ ကပြောပါတယ်။

ပျက်စီးသွားတဲ့ ချည်းကပ်ပြေးလမ်းကို ပြန်လည်ပြုပြင်ခဲ့ပြီးနောက် ကြာသပတေးနေ့ မနက်မှာ လေယာဉ်ပျံသန်းမှုတွေပြန်လည်ပြုလုပ်နိုင်ခဲ့ပါတယ်။

မီယာဇာကီလေဆိပ်ကို ၁၉၄၃ခုနှစ်မှာ ဂျပန်အင်ပါယာရေတပ် လေ့ကျင့်ရေးကွင်းအဖြစ် တည်ဆောက်ခဲ့ ပါတယ်။ အဲဒီလေဆိပ်ကနေ အချို့လေယာဉ်မှူးတွေဟာ အသေခံ တိုက်ခိုက်ရေးမစ်ရှင်တွေပျံသန်းလုပ် ဆောင်ခဲ့ကြပါတယ်။

အဲဒီနေရာတစ်ဝိုက်မှာ ဒုတိယကမ္ဘာစစ်အတွင်း အမေရိကန်စစ်တပ်က ပစ်ချခဲ့တဲ့ ဗုံးအဟောင်း တွေ တော်တော်များများ တူးဖော်တွေ့ရှိခဲ့ပါတယ်လို့ ကာကွယ်ရေးဝန်ကြီးဌာနကပြောပါတယ်။

မပေါက်ကွဲသေးတဲ့ ဒုတိယကမ္ဘာစစ်လက်ကျန်ဗုံးဟောင်းတွေ တန်ရာနှင့်ချီပြီး ဂျပန်နိုင်ငံရဲ့မြေကြီးထဲမှာ ရှိနေတုန်းပဲဖြစ်ပြီး တစ်ခါတရံမှာ ဆောက်လုပ်ရေးလုပ်ရင်းမြေတူးဖော်တဲ့အခါ တွေ့ရှိခဲ့ကြပါတယ်။

Source AP

တိုင်ဖွန်းမုန်တိုင်းနဲ့ လေပွေလှိုင်းအရှိန်ကြောင့် နောက် (၃)ရက်အတွင်း မိုးကြီးခြင်းနဲ့အတူလေပြင်းတိုက်နိုင်ပါတယ်။ သတိထားရမယ့်‌ ဒေသတွေကတော့နေပြည်တော်၊ စစ်ကိုင်း၊ မန္တလေး၊ မကွေး၊ ဧရာဝတီ၊ တနင်္သာရီ၊ ကချင်ပြည်နယ်၊ ချင်းပြည်နယ်၊ ရခိုင်ပြည်နယ်၊ ကရင်ပြည်နယ်နှင့် မွန်ပြည်နယ်တို့ ဖြစ်ပါတယ်။
#Local_News
Published 3 October 2024
#တိုင်ဖွန်းမုန်တိုင်း #မိုးကြီးခြင်းနှင့်အတူလေပြင်းတိုက်
#YMG/tthl #Yangon_Times

ဒဂုံမြို့သစ် (တောင်ပိုင်း)မြို့နယ်၊ အမှတ် (၂) လမ်းမကြီးနဲ့  ရန်ကုန်မြို့ပတ်လမ်းမကြီး လမ်းဆုံအနီးမှာ အကောင်အထည်ဖော်တည်ဆောက်နေတဲ့ သုခဒဂုံ ပြည်သူ့အငှါးအိမ်ရာမှထပ်မံပြီးစီးပြီး နေထိုင်လို့ရမယ့်အခန်း (၆၀၀) ခန့်ကိုငှါးရမ်းနေထိုင်ခွင့်ရရှိမယ့်သူတွေကို မကြာမီရွေးချယ်သွားမယ်လို့ ဆိုပါတယ်။
#Local_News
Published 3 October 2024
#သုခဒဂုံပြည်သူ့အငှါးအိမ်ရာ #အခန်း (၆၀၀) ခန့်
#YMG/NN #Yangon_Times

#World_News
Published 03 October 2024

▪️ အမေရိကန် ထောက်လှမ်းရေးအေဂျင်စီ (CIA)က တရုတ်၊ အီရန်၊ မြောက်ကိုရီးယားတို့မှာ သတင်းပေးများ ခေါ်ယူမယ့် အစီအစဉ်ကို ထုတ်ပြန်လိုက်ပြီး ဒီနည်းလမ်းဖြင့် ရုရှားတွေကို သိမ်းသွင်းရာမှာလည်း အောင်မြင်မှုရခဲ့တယ်လို့ ပြောပါတယ်။

▪️ အဆိုပါ ထောက်လှမ်းရေးအေဂျင်စီက ယင်းတို့ထံ ဘယ်လိုမျိုးလုံခြုံစိတ်ချစွာ ဆက်သွယ်နိုင်လဲဆိုတာကို X ၊ ဖေ့စ်ဘွတ်ခ်၊ အင်စတာဂရမ်၊ တယ်လီဂရမ်၊ LinkedIn ၊ the Dark Web အစရှိတဲ့ ဆိုရှယ်မီဒီယာတွေရဲ့ အကောင့်တွေမှာ မန်ဒရင်း၊ ဖာစီ၊ ကိုရီးယား ဘာသာစကားတို့ဖြင့် ဖော်ပြထားတယ်လို့ CIA ပြောရေးဆိုခွင့်ရှိသူတစ်ဦးက ဖော်ပြထားပါတယ်။

▪️ "ဒီနည်းလမ်းဖြင့် ကြိုးပမ်းခဲ့ရာ ရုရှားမှာ အောင်မြင်ခဲ့ပါတယ်။ အခြားနိုင်ငံတွေမှ လူတွေအတွက်လည်း လမ်းဖွင့်ပေးထားတယ်ဆိုတာကို သိရှိစေချင်ပါတယ်" လို့ ပြောသွားပါတယ်။

▪️ ယူကျူ့ဘ်မှာ မန်ဒရင်းဘာသာစကားဖြင့် ရေးသားထားတဲ့ ဗီဒီယိုမှာဆိုရင် စိတ်ချရတဲ့ VPN ဒါမှမဟုတ် TOR ကွန်ရက်များအသုံးပြုပြီး CIA တရားဝင်ဝက်ဘ်ဆိုက်တွေကတဆင့် ဆက်သွယ်ဖို့ အကြံပြုထားပါတယ်။

▪️ "သင့်ရဲ့လုံခြုံဘေးကင်းမှုကို အဓိကထားတယ်" လို့ ဆိုပါတယ်။ သတင်းပေးတွေရဲ့ ကိုယ်ရေးအချက်အလက်မှန်တွေနဲ့ မပတ်သက်ဘဲ ယင်းတို့ရဲ့ အမည်တွေ၊ တည်နေရာတွေ၊ ဆက်သွယ်ရေး အချက်အလက်တွေကို တောင်းခံထားပြီး CIA အတွက် အကျိုးဖြစ်စေမယ့် အချက်အလက်တွေလည်း ပါဝင်ပါတယ်။

▪️ တရုတ်သံရုံးမှ ပြောရေးဆိုခွင့်ရှိသူ လျူပန်ယုက တရုတ်ပြည်ကို ထိုကဲ့သို့ ကျင့်ကြံဖို့ကြိုးစားနေတဲ့ အမေရိကန်ကို စွပ်စွဲလိုက်ပြီး တရုတ်ပြည်သူတွေနဲ့ တရုတ်ကွန်မြူနစ်ပါတီကြား သွေးကွဲအောင် ကြံစည်တာမှန်သမျှ အောင်မြင်မှာမဟုတ်ဘူးလို့ ပြောပါတယ်။

▪️ တရုတ်က ရုရှား၊ အီရန်တို့နဲ့ ပိုမိုပူးပေါင်းဆောင်ရွက်လာကာ ဒေသတွင်း စစ်ရေးချဲ့ထွင်မှုများ ပြုလုပ်လာတာကြောင့် CIA က ထောက်လှမ်းရေးတွေ တိုးမြှင့်ချင်တာ ဖြစ်ပါတယ်။

▪️ အမေရိကန် ထောက်လှမ်းရေး အဖွဲ့အစည်းအတွင်းမှာ ရုရှား၊ တရုတ်၊ အီရန်၊ မြောက်ကိုရီးယား အစိုးရတို့က ထောက်လှမ်းရခက်ခဲတယ်လို့ သိထားကြပါတယ်။
CIA ဟာ ၂၀၂၂ တုန်းကလည်း ရုရှားဘာသာစကားဖြင့် ဆိုရှယ်မီဒီယာတွေပေါ်ကနေ ရုရှားလူမျိုးတွေကို သိမ်းသွင်းခဲ့ဖူးပါတယ်။

#Source: Reuters

အနုပညာကုထုံး၊ ဂီတကုထုံးများပါမယ့်'ကမ္ဘာ့စိတ်ကျန်းမာရေးနေ့'ကို အောက်တိုဘာ(၁၀)ရက်မှ (၁၂)ရက်အထိ Gothe-Institutမှာ ကျင်းပဖို့ ရှိတယ်လို့သိရပါတယ်။
#Local_News
Published 3 October 2024
# 'ကမ္ဘာ့စိတ်ကျန်းမာရေးနေ့' #အနုပညာကုထုံး
#YMG/tthl #Yangon_Times

#Local_News
Published 3 October 2024

▪️ MSME လုပ်ငန်းရှင်များကို ချေးငွေများထုတ်ချေးပေးလျက်ရှိသည့် အပြင် လုပ်ငန်းဖွံ့ဖြိုးရေးအတွက် E-Market Platform တည်ထောင်ပေးနေကြောင်း စက်မှုဝန်ကြီးဌာန ပြည်ထောင်စုဝန်ကြီးက ပြောသည်။

▪️ အသေးစား၊ အငယ်စားနှင့်အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးလုပ်ငန်းကော်မတီ ဒုတိယဥက္ကဋ္ဌ၊ စက်မှုဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်းသည် မန္တလေးတိုင်းဒေသကြီး ပြင်ဦးလွင်မြို့ရှိဝိုင်၊ ယိုစုံနှင့် မလိုင်ထုတ်လုပ်သည့် MSME လုပ်ငန်းရှင်များအား ယနေ့နံနက်ပိုင်းတွင် သုတေသနဌာနခွဲ (ပြင်ဦးလွင်) ၌ တွေ့ဆုံစဉ် ပြောကြားသည်။

▪️ ပြည်ထောင်စုဝန်ကြီးက MSME ဖွံ့ဖြိုးတိုးတက်ရေးရန်ပုံငွေမှ MSME လုပ်ငန်းရှင်များကို ချေးငွေများထုတ်ချေးပေးလျက်ရှိပြီး ချေးငွေပမာဏအနေဖြင့် အသေးစားလုပ်ငန်းကို ငွေကျပ် ၁၀ သန်း၊ အငယ်စားလုပ်ငန်းကို ငွေကျပ်သန်း ၅၀ နှင့် အလတ်စားလုပ်ငန်းကို ငွေကျပ်သန်း ၁၀၀ အထိ ထုတ်ချေးပေးလျက်ရှိကြောင်း၊ MSME လုပ်ငန်းများအတွက် နည်းပညာရရှိရေး အလုပ်ရုံဆွေးနွေးပွဲများ၊ နည်းပညာလွှဲပြောင်းပေးမှုများ၊ ကုန်ကြမ်းပစ္စည်းများရရှိရေး၊ ဒစ်ဂျစ်တယ်နည်းပညာများ အသုံးပြုနိုင်ရေးတို့ကို ပံ့ပိုးဆောင်ရွက်ပေးလျက်ရှိပြီး ဈေးကွက်ရရှိရေးအတွက် E-Market Platform တည်ထောင်ပေးခြင်း၊ ထုတ်ကုန်ပစ္စည်းပြခန်းကို ရန်ကုန်တိုင်းဒေသကြီး SME ဖွံ့ဖြိုးတိုးတက်ရေးဗဟိုဌာနတွင် ဖွင့်လှစ်ပြီးဒေသအသီးသီးမှ MSME ထုတ်ကုန်များကိုလည်း ရောင်းချပေးလျက်ရှိကြောင်း ပြောကြားသည်။

▪️ ထို့အပြင် MSME ဥပဒေကို ပြင်ဆင်ပြဋ္ဌာန်းပြီးပါက အသေးစားစီးပွားရေးလုပ်ငန်းများနှင့် အစပျိုးစီးပွားရေးလုပ်ငန်းများကို ထဲထဲဝင်ဝင်ကူညီပံ့ပိုးဆောင် ရွက်ပေးသွားနိုင်မည်ဖြစ်ကြောင်း၊ MSME ဖွံ့ဖြိုးတိုးတက်ရေးအတွက် လက်တွေ့ကျကျ အကောင်အထည်ဖော်ဆောင်ရွက်ရမည်ဖြစ်ကြောင်း၊ လုပ်ငန်းတစ်ခုချင်းစီအလိုက် ဖွံ့ဖြိုးတိုးတက်အောင်ဆောင်ရွက်ပါက ဒေသနှင့်နိုင်ငံတော်၏ စီးပွားရေးဖွံ့ဖြိုးတိုးတက်လာမည်ဖြစ်သဖြင့် ကြိုးစားဆောင်ရွက်ကြရန် တိုက်တွန်းခဲ့ကြောင်း သိရသည်။

#YMG/NN #Yangon_Times

#Local_News
Published 3 October 2024

▪️ မြဝတီ -ကော့ကရိတ်ဒေါနတောင် လမ်းဟောင်း ချောက်ကပါးသို့ (၁၀) ဘီးကုန်ကားတစ်စီးအောက်တိုဘာ ၃ရက်နေ့ မနက်ပိုင်းမှာ ထိုးကျပြီးယာဉ်မောင်းတစ်ဦးသေဆုံး ခဲ့ကြောင်း အလင်းသစ် - Rescue Myawaddy မှ သိရသည်။

▪️ အဆိုပါ မြဝတီ ကော့ကရိတ် ဒေါနတောင် လမ်းဟောင်း ချောက်ကပါး နှင့် အလည်ဗိုလ် တဲကြား တွင် (၁၀) ဘီးကုန်ကား ကားနံပါတ် 4B - 4002 ကား Accident ဖြစ်ပြီးလမ်းဘေး ပေ ၁၀၀ ခန့်အောက်သို့ထိုးကျသွားခြင်းဖြစ်‌ကြောင်း သိရသည်။

▪️ အဆိုပါဖြစ်စဉ်ကြောင့် ယာဥ်မောင်းအမျိုးသားနေရာတွင် ပွဲချင်းပြီး သေဆုံးသွားပြီး ယာဥ်နောက်လိုက်မပါကြောင်း၊ ကားအတွင်း သေဆုံးသူ ယာဥ်မောင်းမှာကားနှင့်ပိနေပါသဖြင့် ကားဆွဲမပြီးမှသာ ကားယာဥ်မောင်း DB ကို ထုတ်ယူရမည်ဖြစ်ကြောင်း သိရသည်။

#YMG/NN #Yangon_Times

#Local_News
Published_3 Oct 2024

▪️ သန်းခေါင်စာရင်း၏ ရှေ့ပြေးလူဦးရေစာရင်းကို CAPI နည်း ပညာဖြင့် MobileTablet များ အသုံးပြုကောက်ယူနေခြင်းဖြစ်ပြီး ဒီဇင်ဘာလကုန်တွင် ထုတ်ပြန်နိုင်ရေး ကြိုးပမ်းဆောင်ရွက်သွားမည်ဖြစ်ကြောင်း နစက သတင်းထုတ်ပြန်ရေးအဖွဲ့က သိရသည်။

▪️ အောက်တိုဘာလ(၁)ရက်တွင်လူဦးရေနှင့် အိမ်အကြောင်းအရာ သန်းခေါင်စာရင်း ကောက်ယူခြင်းကို နိုင်ငံ တစ်ဝန်းစာရင်းစစ်၊ စာရင်းကောက် စုစုပေါင်း ၄၂၀၀၀ ခန့်ဖြင့် ဆောင်ရွက်နေခြင်းဖြစ်ပြီး ယင်းကို အောက်တိုဘာလ (၁၅)ရက်ထိ (၁၅)ရက်ကြာလုပ်ဆောင်မည်ဖြစ်ကြောင်း သိရသည်။

▪️ စာရင်းကောက်ယူရာတွင်အိမ်ထောင်စု မေးခွန်းပုံစံအတွက် မေးခွန်း (၆၈)ခု၊ အဖွဲ့အစည်းမေးခွန်းပုံစံအတွက် မေးခွန်း(၁၈)ကို မေးမြန်း ကောက်ယူနေခြင်းဖြစ်ပြီး စာရင်းစစ်၊စာရင်းကောက်များအနေဖြင့် CAPI နည်းပညာဖြင့် MobileTablet များအသုံးပြုကာ ကောက်ယူခြင်းဖြစ်ကြောင်း သိရသည်။

▪️ ယနေ့ အောက်တိုဘာလ ၂ ရက်တွင် နေပြည်တော်ကောင်စီနယ်မြေအတွင်းလူဦးရေနှင့် အိမ်အကြောင်း အရာ သန်းခေါင်စာရင်းကောက်ယူရန် စာရင်းကောက်ကွက်ပေါင်း(၂၇၁)ကွက်ကို စာရင်းစစ်၊ စာရင်းကောက် (၂၃)ဦးဖြင့်လည်းကောင်း၊ ကချင်ပြည်နယ်အတွင်းစာရင်းကောက် ကွက်ပေါင်း (၁၀၀၀၀)ကျော်တွင် စာရင်းစစ်၊ စာရင်းကောက်ဦးရေ (၈၀၀)ကျော်ဖြင့်လည်းကောင်း၊ စစ်ကိုင်းတိုင်းဒေသကြီးအနေဖြင့် နာဂကိုယ်ပိုင်အုပ်ချုပ် ခွင့်ရဒေသနှင့် ခရိုင် ၁၃ ခရိုင်အတွင်းရှိ မြို့နယ်ပေါင်း ၂၇မြို့နယ်၌ စာရင်းကောက်ကွက်ပေါင်း (၁၉၇၆)ကွက် တွင် စာရင်းစစ်၊စာရင်းကောက် ဦးရေ စုစုပေါင်း (၁၀၂၆)ဦးဖြင့် လည်းကောင်း၊ တနင်္သာရီတိုင်းဒေသကြီး အတွင်းစာရင်းကောက် ကွက်ပေါင်း (၂၆၈၃)ကွက်ကို စာရင်းစစ်၊စာရင်းကောက်ဦးရေ (၁၀၄၅)ဦးဖြင့် လည်း ကောင်း၊ ပဲခူးတိုင်းဒေသကြီးအတွင်း စာရင်းကောက်ကွက်ပေါင်း(၁၁၅၄၀)ကို စာရင်းစစ်၊ စာရင်းကောက်ဦး ရေ(၄၂၅၉)ဦးဖြင့်လည်းကောင်း၊ မွန်ပြည်နယ်အတွင်း စာရင်းကောက်ကွက်ပေါင်း (၃၆၇၅)ကို စာရင်းစစ်၊ စာရင်းကောက်(၁၂၀၂)ဦးဖြင့်လည်းကောင်း၊ ရန်ကုန်တိုင်းဒေသကြီးအတွင်း စာရင်းကောက်ကွက်ပေါင်း (၁၅၆၈၆)ကွက်ကို စာရင်းစစ်၊ စာရင်းကောက်စုစုပေါင်း (၇၀၇၇)ဦးဖြင့်လည်းကောင်း၊ရှမ်းပြည်နယ်အတွင်းရှိ စာရင်းကောက် ကွက်ပေါင်း(၇၁၇၃)ကွက်တွင် စာရင်းစစ်၊ စာရင်းကောက်၊စေတနာ့ဝန်ထမ်း စုစုပေါင်း (၂၉၀၉) ဦးဖြင့်လည်းကောင်း၊ ဧရာဝတီတိုင်းဒေသကြီးအတွင်း စာရင်း ကောက်ကွက်ပေါင်း (၁၄၂၉၆)ကွက်တွင် စာရင်းစစ်၊ စာရင်းကောက်စုစုပေါင်း(၅၄၇၈)ဦးဖြင့် လည်းကောင်း ဆက်လက်ကောက်ယူလျက်ရှိကြောင်း သိရသည်။

▪️ ပြည်သူလူထု တစ်ရပ်လုံးအနေဖြင့်လည်း ပြည်လုံးကျွတ်သန်းခေါင်စာရင်း ကောက်ယူခြင်းလုပ်ငန်းကို အမျိုး သားရေးတာဝန်တစ်ရပ်အဖြစ်ခံယူကာ ဝိုင်းဝန်းပူးပေါင်း ပါဝင် ဆောင်ရွက်ကြရမည်ဖြစ်ကြောင်း အဆိုပါ ထုတ်ပြန်ချက်တွင် ဖော်ပြထားသည်။

▪️ သန်းခေါင်စာရင်းဆိုသည်မှာ လူဦးရေဆိုင်ရာ အကြောင်းအရာ၊ စီးပွားရေး၊ လူမှုရေး အကြောင်းအရာများကို တစ်နိုင်ငံလုံးမှာရှိသော လူတိုင်းကို တစ်ကြိမ်တည်း၊ တစ်ပြိုင်တည်းကောက်ယူ သည့် လုပ်ငန်းဖြစ်ပြီး သန်းခေါင် စာရင်းကောက်ယူခြင်းဖြင့် နိုင်ငံတော်၏ လူမှုရေး၊ စီးပွားရေး၊ စီမံ ခန့်ခွဲရေးလုပ်ငန်းများအတွက် ခိုင်လုံသော အခြေခံစာရင်းအင်း ကိန်းဂဏန်းများရရှိစေခြင်း၊ ယခင် ကောက်ယူခဲ့သည့် သန်းခေါင်စာရင်းများနှင့် ယခု ကောက် ယူခဲ့သည့် သန်းခေါင်စာရင်းမှ ရရှိလာသည့် အချက်အလက်များကို နှိုင်းယှဉ်ဆန်းစစ် လေ့လာနိုင်ခြင်း၊ လူမှုရေး၊ စီးပွားရေးနှင့် အခြားနမူနာ ကောက်စစ်တမ်းများအတွက် အခြေခံစာရင်းအင်းများ ရရှိနိုင်ခြင်း၊ သက် ဆိုင်ရာဒေသအလိုက် လိုအပ်မည့် ဒေသဖွံ့ဖြိုးရေးလုပ်ငန်းများ ဆောင်ရွက်ရန်အတွက် တွက်ချက်နိုင် ခြင်းစ သော အကျိုးကျေးဇူးများ ရရှိနိုင်မှာဖြစ်ကြောင်း သိရသည်။

#Yangon_Times/PP