ဧရာဝတီတိုင်းဒေသကြီးရှိ မြို့နယ်အချို့မှာ စပါးသစ်စတင်ထွက်ရှိခာချိန်မှာဈေးကောင်းရရှိ‌နေပေမယ့်လည်းတွက်ခြေကိုက်မှုနည်းပါးနေတယ်လို့ တောင်သူဘဝ ဖွံ့ဖြိုးရေးအသင်းက သိရပါတယ်။
#Local_News
Published 8 October 2024
#စပါးသစ်ထွက် #တွက်ခြေကိုက်မှုနည်းပါး
#YMG/NN #Yangon_Times

ရေနစ်မြုပ်ပျက်စီးဆုံးရှုံးခဲ့တဲ့ ပဲကြော်ပဲလှော်ဖို (၄၈)ဖိုရှိပြီးပဲလှော်ဖို(၁၈)ဖို ပြန်လည်ပြုပြင်‌နေပြီး ပြုပြင်ထားတဲ့ ပဲလှော်ဖိုတွေအနက် ပဲလှော်ဖို(၁၀)ဖိုမှာ လုပ်ငန်းတွေ စတင်လည်ပတ်လျက်ရှိတယ်လို့ သိရပါတယ်။
#Local_News
Published 8 October 2024
#ရေမြုပ်ပျက်စီး #ပဲကြော်ပဲလှော်ဖို
#YMG/tthl #Yangon_Times

အခု၂၀၂၄ခုနှစ်မှာ ရေကျော်သီတင်းကျွတ်မီးထွန်းပွဲတော် ပြန်လည်ကျင်းပမယ်လို့ မကြားမိသေးဘူးလို့ ပွဲတော်ဆိုင်ခန်းစီစဉ်ရေးမှာပါဝင်သူတစ်ဦးထံမှ သိရပါတယ်။
#Local_News
Published 8 October 2024
#ရေကျော်သီတင်းကျွတ်မီးထွန်းပွဲ #ပွဲတော်မကျင်းပ
#YMG/tthl #Yangon_Times

#World_News
Published 08 October 2024

▪️ မြောက်ကိုရီးယားခေါင်းဆောင် ကင်မ်ဂျုံအန်းက သူ့တိုင်းပြည်ဟာ နျူကလီးယားလက်နက်များဖြင့် စစ်ရေးအင်အား အလွန်ကြီးမားတဲ့မဟာ နိုင်ငံဖြစ်လာရေးအတွက် အရှိန်မြှင့်လုပ်ဆောင်သွားမှာ ဖြစ်ပြီး ရန်သူတစ်ဦးဦးမှ တိုက်ခိုက်လာပါက ထိုလက်နက်များ အသုံးပြုဖို့ စဉ်းစားသွားမှာဖြစ်တယ်လို့ ပြောကြားခဲ့ကြောင်း နိုင်ငံပိုင် KCNA သတင်းဌာနက အင်္ဂါနေ့မှာ ဖော်ပြထားပါတယ်။

▪️ ဒါ့အပြင် တောင်ကိုရီးယားသမ္မတ ယွန်ဆော့ယောလ်ကိုလည်း နာမည်နဲ့တကွ ရှုတ်ချလိုက်ပြီး ယင်းတို့ဟာ သင့်တင့်တဲ့ ဗျူဟာမြောက်လက်နက်များ မရှိဘဲနဲ့ အမေရိကန်နဲ့ ပူးပေါင်းပြီး ဒေသတွင်း တည်ငြိမ်အေးချမ်းမှု ပျက်ပြားစေရန် ကြိုးပမ်းနေတယ်လို့ ပြောသွားပါတယ်။

▪️ "ယွန်ဆော့ယောလ် မိန့်ခွန်းပြောကြားရာမှာ မြောက်ကိုရီးယား ဘယ်လိုအဆုံးသတ်မလဲဆိုတာကို စော်စော်ကားကား ပြောကြားခဲ့ပြီး ဒါဟာ အမေရိကန်အပေါ်မှာ စုံလုံးကန်း ယုံကြည်အားထားနေတာကို မြင်တွေ့ရတယ်" လို့ ကင်မ်ဂျုံအန်းက ပြောသွားပါတယ်။

▪️ ရိုးရိုးသားသားပြောရရင် တောင်ကိုရီးယားကို တိုက်ခိုက်ဖို့ ရည်ရွယ်ချက် မရှိကြောင်း စစ်ရေးလက်ရွေးစင်များအတွက် လေ့ကျင့်ရေးနေရာတစ်ခုမှာ မိန့်ခွန်းပြောသွားပါတယ်။

▪️ "ကျွန်ုပ်တို့တိုင်းပြည်ကို ရန်သူတွေ အင်အားသုံးဖို့ ကြိုးစားလာပါက ရှိသမျှလက်နက်အားလုံးဖြင့် တုန့်ပြန်သွားမှာဖြစ်ပြီး နျူကလီးယားလက်နက်တွေလည်း ဖယ်ထားမှာမဟုတ်ပါဘူး။ စစ်ရေးအင်အားကြီး နိုင်ငံဖြစ်လာရေးနဲ့ နျူကလီးယားလက်နက်ပိုင် နိုင်ငံကြီး ဖြစ်လာရေး ခြေလှမ်းတွေကို အရှိန်မြှင့်တင်သွားမယ်" လို့ မိန့်ကြားခဲ့ပါတယ်။

▪️ မြောက်ကိုရီးယားနိုင်ငံဟာ နျူကလီးယားလက်နက် စီမံကိန်းကို ဆယ်စုနှစ်တွေကြာအောင် ကြိုးပမ်းနေခဲ့ပြီး လက်နက်ဒါဇင်ခန့် ပြုလုပ်ရန် ကုန်ကြမ်းပစ္စည်းများ အလုံအလောက် ရှိတယ်လို့ ယူဆရပါတယ်။

▪️ မြေအောက်နျူကလီးယား ဖောက်ခွဲရေးစမ်းသပ်ချက် ၆ ခုတော့ ပြုလုပ်ထားခဲ့ပါတယ်။

▪️ ပြီးခဲ့တဲ့ ရက်သတ္တပတ်က တောင်ကိုရီးယား တပ်မတော်နေ့ အခမ်းအနားမှာ ယွန်ဆော့ယောလ်က မြောက်ကိုရီးယား နျူကလီးယားလက်နက် အသုံးပြုမှာကို သတိပေးခဲ့ပြီး အသုံးပြုတဲ့နေ့ဟာ မြောက်ကိုရီးယားအစိုးရ အဆုံးသတ်တဲ့နေ့ပဲလို့ မိန့်ခွန်းပြောခဲ့တာ ဖြစ်ပါတယ်။

#Source: Reuters

#Local_News
Published 8 October 2024

▪️ မင်္ဂလာတောင်ညွှန့်မြို့နယ် သိမ်ဖြူလမ်းထောင့်ရှိ ဘိုးဘွားရိပ်သာ၌ မီးလောင်မှု တစ်ခု ယနေ့မနက်ပိုင်းတွင် ဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ အောက်တိုဘာ ၈ ရက်နေ့၊ မနက် ၁၀နာရီ ၂၅မိနစ် အချိန်ခန့် က ရန်ကုန်တိုင်းဒေသကြီး၊ မင်္ဂလာတောင်ညွှန့်မြို့နယ်၊ ကန်မြောက်ရပ်ကွက်၊ ဒေါ်သိန်းတင်လမ်းနှင့် သိမ်ဖြူလမ်းထောင့်တွင် မီးလောင်မှုတစ်ခု ဖြစ်ပွားခဲ့ကြောင်း သိရသည်။

▪️ "လူအိုရုံ ၊ဘိုးဘွားရိပ်သာ အပေါ် solar တပ်ထားတဲ့ နေရာ မီးအနည်းငယ်လောင်ဝာာပါ ၊ မိနစ်ပိုင်းအတွင်း မီးငြိမ်းပါပြီ" ဟု ဒေသခံတစ်ဦးကပြောသည်။

▪️ အဆိုပါ သတင်းရရှိသဖြင့် တာမွေမြို့နယ်မီးသတ်စခန်းမှ မီးငြှိမ်းသတ်ယာဉ်များ၊ မင်္ဂလာတောင်ညွှန့်မြို့နယ်မီးသတ်စခန်းမှ မီးငြှိမ်းသတ်ယာဉ်များ၊ ကျောက်တံတားမြို့နယ်မီးသတ်စခန်းမှ မီးငြှိမ်းသတ်ယာဉ်များ ထွက်ခွာခဲ့ကြောင်း သိရသည်။

▪️ ထိုသို့ငြိမ်းသတ်ခဲ့ရာ၁၀နာရီ  ၃၃ မိနစ်အချိန် ၌ မီးငြိမ်း ခဲ့ကြောင်း ၊မီးလောင်မှူ ဖြစ်စဉ်မှာ ဘိုးဘွားရိပ်သာအမိုးပေါ်တွင် တပ်ဆင်ထားသော Solar ပြား အနည်းငယ်လောင်ကျွမ်းခြင်းဖြစ်ကြောင်း သိရသည်။

#YMG/NN #Yangon_Times

#Local_News
Published 8 October 2024

▪️ ရန်ကုန်တိုင်းဒေသကြီး၊ အင်းစိန်မြို့နယ် ရွာမအရှေ့ရပ်ကွက်၌ ယနေ့မနက်အစောပိုင်းက ယာဉ်တိုက်မှုဖြစ်ပွားခဲ့ရာ ယာဉ်မောင်းညှပ်နေ၍ ကူညီရေးအဖွဲ့များမှကယ်ဆယ်ပြီး ဆေးရုံသို့ပို့ခဲ့ရကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ အောက်တိုဘာ၈ရက်နေ့ မနက် ၁၂ နာရီ ၄၃ မိနစ်အချိန်ခန့်က ရန်ကုန်တိုင်းဒေသကြီး၊ အင်းစိန်မြို့နယ်၊ ရွာမအရှေ့ရပ်ကွက်၊ ဘုရင်နောင်လမ်း၊ ရွာမပရိယတ္တိစာသင်တိုက်အနီးတွင် ယာဉ်တိုက်မှုဖြစ်ပွားပြီး ယာဉ်မောင်းညှပ်နေခဲ့ကြောင်း သိရသည်။

▪️ အဆိုပါ သတင်းရရှိသဖြင့် အင်းစိန်မြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီးဖြင့် ကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့ရာ ၁၂ နာရီ ၄၆ မိနစ်  အချိန်တွင် ယာဉ်မောင်းကျား(၁)ဦး(မစိုးရိမ်ရ)အား ကြက်ခြေနီအသင်းမှ သူနာတင်ယာဉ်ဖြင့် အင်းစိန်မြို့နယ်ဆေးရုံသို့ ပို့ဆောင်ပေးခဲ့ကြောင်း သိရသည်။

#YMG/NN #Yangon_Times

#World_Health
Published 08 October 2024

▪️ ကိုဗစ်-၁၉ရောဂါနဲ့ ကျောက်ကပ်ပြဿနာများကြား အချိန်ကြာလာတာနဲ့အမျှ သက်ရောက်မှုရှိလာကြောင်း ဆက်စပ်မှုရှိနေတာကို တရုတ်အနောက်ပိုင်းဆေးရုံ စီချွမ်တက္ကသိုလ်မှ သုတေသီများ ဖော်ပြလာပါတယ်။

▪️ ဒေါက်တာ လီချန်ယန်းနဲ့ ဒေါက်တာ ကျန်းရှောက်ရှီတို့က ဖော်ပြခဲ့ကြတာ ဖြစ်ပါတယ်။

▪️ ကိုဗစ်-၁၉က အသက်ရှူလမ်းကြောင်းကို အဓိကထိခိုက်တယ်လို့ သိထားကြပေမယ့် ကျောက်ကပ်လိုမျိုး အခြားအင်္ဂါတွေကိုလည်း ထိခိုက်စေပါတယ်။

▪️ ယူကေဇီဝဘဏ်မှ အချက်အလက်များ ရယူကာ အချိန်ကြာလာတာနဲ့အမျှ ကိုဗစ်-၁၉နဲ့ ကျောက်ကပ်ပြဿနာများရဲ့ သက်ရောက်မှုတွေကို စူးစမ်းခဲ့ကြပါတယ်။

▪️ ကိုဗစ်ရောဂါ ကူးစက်ပြီး ဒုတိယမြောက်သီတင်းပတ်မှာ ကျောက်ကပ်ပြဿနာများ ဖြစ်နိုင်ခြေ အမြင့်ဆုံးဖြစ်နေပြီး စတုတ္ထမြောက်သီတင်းပတ်မှာ စတင်ကျဆင်းလာပါတယ်။

▪️ ကိုဗစ်လူနာ ၁၀၁၂၁ ဦးနဲ့ နှိုင်းယှဉ်မယ့်သူ ၂၉၀၀၄ ဦးတို့ကို လေ့လာခဲ့ကြပါတယ်။

▪️ ထိုအခါမှာ ဒုတိယမြောက်အပတ်မှာ အန္တရာယ်အများဆုံး ဖြစ်နေပြီး စတုတ္ထမြောက်အပတ်မှာ ကျဆင်းလာတာကို တွေ့ရှိခဲ့ကြောင်း ဒေါက်တာလီက ဆိုပါတယ်။

▪️ ကိုဗစ်ရောဂါကို အပြင်းအထန် ခံစားရတဲ့သူတွေမှာသာ ကျောက်ကပ်လုပ်ဆောင်ချက် ပိုမိုဆိုးရွားခဲ့ကြပြီး ရောဂါအပျော့စားသာ ဖြစ်ပွားသူတွေကတော့ ဒီအန္တရာယ် မတွေ့ခဲ့ပါဘူး။

▪️ ကိုဗစ်ရောဂါ ကူးစက်ပြီး အစောပိုင်းရက်သတ္တပတ်တွေမှာ အပြင်းအထန် ခံစားရသူတွေကို ကျောက်ကပ်လုပ်ဆောင်ချက်များ သေချာစောင့်ကြည့်သင့်တယ်လို့ အလေးပေးဖော်ပြထားပါတယ်။

▪️ ဒါ့အပြင် အရှေ့အာရှနိုင်ငံတွေမှာ ကိုဗစ်ရောဂါက ကျောက်ကပ်ပြဿနာများနဲ့ ဆက်စပ်နေပုံကို လေ့လာသွားပြီး ဗိုင်းရပ်စ်နဲ့ ကျောက်ကပ်ပျက်စီးမှု ဆက်စပ်နေတဲ့ မော်လီကျူးဖြစ်စဉ်ကို စူးစမ်းသွားဖို့ စီစဉ်နေကြပါတယ်။

▪️ အနာဂတ်မှာ ဒီဆက်စပ်မှုကို ဖြေရှင်းလာနိုင်ဖို့ နောက်ထပ်သုတေသနများ လိုအပ်ကြောင်းလည်း ဒေါက်တာ ကျန်းရှောက်ရှီက ပြောသွားပါတယ်။

#Source: India Today

#World_Health
Published 08 October 2024

▪️ ညစာကို နောက်ကျမှ စားခြင်းဟာ အိပ်စက်ခြင်း၊ အစာခြေခြင်း၊ စိတ်အခြေအနေတို့ကို နှောင့်ယှက်စေပါတယ်။

▪️ ညစာကို နောက်ကျမှစားတဲ့အခါ အဝလွန်နိုင်ခြေ များတယ်လို့ မိုင်ယိုဆေးခန်းမှ အာဟာရပညာရှင် တယ်ရာရှမစ်က ပြောသွားပါတယ်။

▪️ ညနေ ၅ နာရီဝန်းကျင်ခန့် ညစာစားတဲ့သူတွေဟာ ကယ်လိုရီပိုမိုလောင်ကျွမ်းတယ်လို့ ၂၀၂၂ ခုနှစ်က လေ့လာချက်မှာ တွေ့ရှိခဲ့ပါတယ်။

▪️ ခန္ဓာကိုယ် လှုပ်ရှားနေပြီး အလင်းရောင်ရှိနေချိန်မှာ အကောင်းဆုံး အစာခြေပေးတာကြောင့် သွေးတွင်းသကြားဓာတ်လျော့နည်းစေနိုင်ကြောင်း ရှမစ်က ပြောပါတယ်။

▪️ သွေးတွင်းသကြားဓာတ် အမြဲတက်နေခြင်းက ဆီးချိုရောဂါဖြစ်စေတဲ့ လက္ခဏာ ဖြစ်ပါတယ်။

▪️ ညစာနောက်ကျလွန်းမှ စားခြင်းဖြင့် ရင်ပူခြင်း၊ အက်ဆစ်လျှံတက်ခြင်းတို့ ပိုဆိုးစေပါတယ်။

▪️ ၂၀၂၃ တွေ့ရှိချက်အရ ည ၉ နာရီနောက်ပိုင်းမှ ညစာစားတဲ့သူတွေမှာ လေဖြတ်အန္တရာယ် ၂၈ ရာခိုင်နှုန်း ပိုများစေပါတယ်။

▪️ ည ၈ နာရီနောက်ပိုင်း ၁ နာရီပိုကြာလာတိုင်း လေဖြတ်နိုင်ခြေ ၈ ရာခိုင်နှုန်း ပိုပိုများလာပါတယ်။

▪️ ဒါ့အပြင် အဆီနဲ့ အက်ဆစ်ဓာတ်များတဲ့ အစာတွေ၊ ကဖင်းဓာတ်၊ အစပ်စားစရာတွေကလည်း အစာမကြေဖြစ်စေပြီး ရင်ပူစေတာကြောင့် အိပ်ပျော်ဖို့ ခက်ခဲစေပါတယ်။

▪️ ပရိုတိန်း၊ အမျှင်ဓာတ်၊ ကာဗိုဟိုက်ဒရိတ်အုပ်စုတို့ကတော့ အိပ်စက်မှုကို ထောက်ပံ့ပေးပါတယ်။

▪️ အစားအစာကို ပိုပြီးဝါးစားရင်လည်း အစာခြေခြင်းကို ကူညီပေးပါတယ်။

▪️ စားတဲ့အခါ အာရုံစိုက်ပြီး စားခြင်းဖြင့် အလွန်အကျွံ စားသုံးမိခြင်းမှ ကာကွယ်ပေးပြီး ဘယ်အချိန်ရပ်တန့်ရမလဲဆိုတာ သိရှိနိုင်တယ်လို့ ပညာရှင်များ ဆိုပါတယ်။

#Source: New York Post

တရုတ်လျှပ်စစ်ကားများတင်သွင်းခြင်းအပေါ် အကောက်ခွန်နှုန်းတင်းကြပ်ရန် ဥရောပသမဂ္ဂကော်မရှင် အသိအမှတ်ပြုခြင်းအပေါ် ဥရောပနိုင်ငံအများအပြားမှဝေဖန်လာ

ဥရောပသမဂ္ဂကော်မရှင် (EU)က တရုတ်လျှပ်စစ်ကားများအပေါ် အကောက်ခွန်နှုန်း တင်းတင်းကြပ်ချမှတ်ခြင်းကို သောကြာနေ့က အသိအမှတ်ပြုလိုက်ရာ ဥရောပနိုင်ငံများနဲ့ မော်တော်ကား လုပ်ငန်းများမှ ဝေဖန်သံများ ထွက်ပေါ်လာပြီး အီးယူရဲ့ ပြိုင်ဆိုင်မှုအပေါ်ကိုပဲ ပြန်လည်သက်ရောက်လာလိမ့်မယ်လို့ သတိပေးနေကြပါတယ်။
#World_Business
Published 7 October 2024
#တရုတ်လျှပ်စစ်ကား #အကောက်ခွန်နှုန်းတင်းကြပ်
#YMG #Yangon_Times #Yangon_Media_Group

#Daily_News
Published 7 October 2024

၁။ စားအုန်းဆီဈေးနှုန်းများ နှစ်ပတ်ဆက်တိုက်ပြန်ကျလာ

၂။ ရန်ကုန်- မန္တလေး အထူးလေအိတ်ရထားနှင့် ပုဂံရထားများပြေးဆွဲပေးနေ

၃။ ကင်ဆာကုသစက်သစ်များတိုးချဲ့တပ်ဆင်ပြီး တစ်ရက်ကိုကင်ဆာလူနာ(၂၀၀)အထိ ကုသပေးနိုင်တော့မည်

၄။ တရုတ်လျှပ်စစ်ကားများတင်သွင်းခြင်းအပေါ် အကောက်ခွန်နှုန်းတင်းကြပ်ရန် ဥရောပသမဂ္ဂကော်မရှင် အသိအမှတ်ပြုခြင်းအပေါ် ဥရောပနိုင်ငံအများအပြားမှဝေဖန်လာ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

နိုင်ငံခြားဆေးဝါးဈေးကွက်ထဲမှာ ဒေါ်လာဈေးကျဆင်းချိန်မှာ ဆေးဝါးဈေးတွေ မကျဘဲ ဆေးဆိုင်အများစုကပစ္စည်းပြတ်လပ်တယ်လို့သာ ဝယ်ယူသူတွေကိုငြင်းဆိုနေကြတယ်လို့ ဝယ်ယူသုံးစွဲသူတွေဆီက သိရပါတယ်။
#Local_News
Published 7 October 2024
#ဆေးဝါးဈေးမကျ #ပစ္စည်းပြတ်
#YMG/NN #Yangon_Times

#World_News
Published 07 October 2024

▪️ အစ္စရေးလ်တို့က ဂါဇာမြောက်ပိုင်းနဲ့ လက်ဘနွန်တောင်ပိုင်းတို့မှာ အီရန်မဟာမိတ် စစ်သွေးကြွအဖွဲ့များကို ကျယ်ကျယ်ပြန့်ပြန့် တိုက်ခိုက်လျက်ရှိရာ တနင်္ဂနွေနေ့က လက်ဘနွန် ဘိုင်ရုမြို့ ဆင်ခြေဖုံးဒေသများကို လေကြောင်းတိုက်ခိုက်မှုများ ထပ်မံပြုလုပ်ခဲ့ပါတယ်။

▪️ ဗလီကျောင်းတစ်ခုကို ထိမှန်ခဲ့ရာမှာ အနည်းဆုံးလူ ၁၉ ဦးသေဆုံးခဲ့တယ်လို့ ပါလက်စ်တိုင်း အရာရှိများက ပြောပါတယ်။

▪️ ပြီးခဲ့တဲ့နှစ် အောက်တိုဘာ ၇ ရက်နေ့ ဟားမတ်စ်တို့ ကျူးကျော်တိုက်ခိုက်ပြီးနောက် ၁ နှစ်ပြည့်တဲ့အချိန်မှာ အစ္စရေးလ်က လက်ဘနွန်ရှိ ဟက်ဇ်ဘိုလာအဖွဲ့နဲ့ အပြန်အလှန်ပစ်ခတ်နေခဲ့ကာ စစ်မျက်နှာပြင်အသစ် ဖွင့်ခဲ့ပါတယ်။

▪️ ဟက်ဇ်ဘိုလာတို့က ဟိုင်ဖာမြို့မြောက်ပိုင်းကို တိုက်ခိုက်ခဲ့ကာ ဖျာထွက်လာတဲ့ ကျည်အစအနတွေက ဒုံးကျည်ကလား ဒုံးကျည်ဖျက်တွေကလားဆိုတာ မသေချာဘူးလို့ အစ္စရေးလ်စစ်တပ်က အတည်ပြုပါတယ်။

▪️ ဟက်ဇ်ဘိုလာတို့က အနီးနားရှိ ရေတပ်စခန်းတစ်ခုကို ပစ်ခတ်ဖို့ ကြိုးစားခဲ့တာဖြစ်ကြောင်းဆိုကာ မေဂန်ဒေးဗစ်အဒမ် လူနာတင်ကားစင်တာက အမြောက်ဆံတွေကြောင့် ဒဏ်ရာရသူ ၁၀ ဦးကို ကုသပေးခဲ့တယ်လို့ ပြောပါတယ်။

▪️ ပြီးခဲ့တဲ့သီတင်းပတ်က အီရန်တို့ အစ္စရေးလ်ကို ပဲ့ထိန်းဒုံးကျည်ဖြင့် ပစ်ခတ်ပြီးနောက် အစ္စရေးလ်ဘက်က ပြန်လည်ပစ်ခတ်မယ်လို့ ကြုံးဝါးထားပါတယ်။

▪️ ဒေသတွင်းပဋိပက္ခက ကျယ်ပြန့်လာတာကြောင့် အစ္စရေးလ်ကို ထောက်ပံ့နေတဲ့ အမေရိကန် ပတ်သက်လာတဲ့အပြင် ဆီးရီးယား၊ အီရတ်၊ ယီမင်တို့ရှိ အီရန်မဟာမိတ် စစ်သွေးကြွအဖွဲ့များကလည်း အစ္စရေးလ်ကို အဝေးကနေ ပစ်ခတ်လာပါတယ်။

▪️ တနင်္ဂနွေနှောင်းပိုင်းမှာ အစ္စရေးလ်တို့က ဘိုင်ရုဆင်ခြေဖုံးနေရာကို လေကြောင်းတိုက်ခိုက်မှုများ ထပ်မံပြုလုပ်ခဲ့ပါတယ်။

▪️ ဟက်ဇ်ဘိုလာစစ်သွေးကြွအဖွဲ့ကို ပစ်မှတ်ထားပြီး ပစ်ခတ်တာ ဖြစ်တယ်လို့ အစ္စရေးလ်က ပြောပါတယ်။

▪️ ထိုနေ့အစောပိုင်းက ပစ်ခတ်မှုမှာလည်း ဘိုင်ရု အရှေ့တောင်ဘက်ရှိ ကာမာတီယာမြို့မှ ၆ ဦးသေဆုံးခဲ့တယ်လို့ လက်ဘနွန်ကျန်းမာရေးဝန်ကြီးဌာနက ထုတ်ပြန်ပါတယ်။

▪️ ဂါဇာဘက်မှာတော့ အဓိကဆေးရုံကြီးအနီး စစ်ဘေးရှောင်ပြည်သူတွေ ခိုလှုံနေတဲ့ ဗလီကျောင်းတစ်ခုကို အစ္စရေးလ်တို့ ပစ်ခတ်ခဲ့ပါတယ်။

▪️ ဟားမတ်စ်ဦးဆောင်တဲ့ စစ်သွေးကြတွေဟာ ပြီးခဲ့တဲ့နှစ် အောက်တိုဘာ ၇ ရက်နေ့က အစ္စရေးလ်ဘက်ကို ကျူးကျော်ခဲ့ပြီး လူ ၁၂၀၀ ခန့်ကိုသတ်ဖြတ်ကာ ဓားစာခံ ၂၅၀ ကို ခေါ်ဆောင်သွားခဲ့တာ ဖြစ်ပါတယ်။

#Source: AP News