ကမ္ဘာကျော် ကွန်ဖူးမင်းသားကြီး ဂျက်ကီချန်း ပါဝင်သရုပ်ဆောင်ထားတဲ့ Panda Plan အက်ရှင်ဟာသဇာတ်ကားကတော့ ပေကျင်းမှာ စနေနေ့က ဇာတ်ကားကြော်ငြာပွဲ ပြုလုပ်ခဲ့ပြီး ဂျက်ကီချန်းက ပန်ဒါတွေနဲ့ ဆက်စပ်မှုရှိပုံတွေကို ပြောပြသွားကာ ဒါရိုက်တာက ဇာတ်ကားနောက်ကွယ်က ဖန်တီးရိုက်ကူးခဲ့ပုံများကို ဆွေးနွေးသွားခဲ့ပါတယ်။
#World_Entertainment
Published 10 October 2024
#ဂျက်ကီချန်း #ကွန်ဖူးမင်းသားကြီး #ဖန်တီးရိုက်ကူးခဲ့ပုံများ
#YMG #Yangon_Times #Yangon_Media_Group

Published_10 Oct 2024
ပအိုဝ်းအမျိုးသားတို၏အေးချမ်းသာယာဖွံဖြိုးမှု၊ လုံခြုံမှုနှင့် ငြိမ်းချမ်းမှုတိုကိုရှေ့ရှုလျက် ပအိုဝ်းအမျိုးသားလွတ် မြောက်ရေးအဖွဲချုပ်၏ ဖွဲစည်းပုံအခြေခံဥပဒေများနှင့်အညီ အရေးပေါ်အခြေအနေတွင် ဦးဆောင်နာယ အနေ ဖြင့် ဥက္ကဋ္ဌ တာဝန်ယူ၍ ပအိုဝ်းအမျိုးသားလွတ်မြောက်ရေးအဖွဲချုပ် (PNLO)(NCA-S)ကို ပြန်လည်ဖွဲစည်း ဆောင်ရွက်ကာတစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသဘောတူစာချုပ်(NCA)လမ်းစဉ်နှင့်အညီ ဆက် လက်လျှောက်လှမ်းသွားမည်ဖြစ်ကြောင်းပအိုဝ်းအမျိုးသားလွတ်မြောက်ရေးအဖွဲချုပ်(PNLO)က ထုတ်ပြန်လိုက် သည်။
ယမန်နေ့ အောက်တိုဘာလ ( ၉ )ရက်က ထုတ်ပြန်သည့်အဆိုပါထုတ်ပြန်ချက်တွင် လက်ရှိဥက္ကဋ္ဌသည် အဖွဲ ၏မူဝါဒလမ်းစဉ်များနှင့် သွေဖယ်လျက် (NCA)ကိုပစ်ပယ်ပြီး ပအိုဝ်းအမျိုးသားတို၏ အေးချမ်းသာယာ ဖွံဖြိုးမှုကို ထိခိုက်စေသော ဒေသတွင်းတိုက်ပွဲများဖော်ဆောင်လာသောကြောင့် ပအိုဝ်းအမျိုးသား ဒေသအများ စုတည် ငြိမ်အေးချမ်းမှု ပျက်ပြားခဲ့ရပြီး ဒေသခံများ၏ အသက်အိုးအိမ် စည်းစိမ်များလည်း ဆုံးရှုးခဲ့ရကြောင်း ဖော်ပြထား သည်။
ယင်းကြောင့် လက်တလောအခြေအနေအရ ဦးဆောင်အဖွဲကို ပြန်လည်ဖွဲစည်းရာတွင် ဥက္ကဌအဖြစ် ဗိုလ်မှူးကြီး ခွန်ဥက္ကာ၊ အထွေထွေအတွင်းရေးမှူးအဖြစ် ဗိုလ်မှူးခွန်မင်းသိန်း၊ တွဲဖက်အထွေထွေအတွင်းရေးမှူး အဖြစ် နန်း ယဉ်ယဉ်စိုးတို က တာဝန်ယူထားကြောင်း ထုတ်ပြန်ချက်တွင် ဖော်ပြထားသည်။
ပအိုဝ်းအမျိုးသားတို၏ အမျိုးသားတန်းတူရေးနှင့် လွတ်မြောက်မှုကိုအခြေခံ၍ ပအိုဝ်းအမျိုးသားခေါင်း ဆောင် ကြီးများက ၁၉၄၉ခုနှစ်တွင် ပအိုဝ်းအမျိုးသား လွတ်မြောက်ရေးအဖွဲ PNLOကို စတင်ဖော် ဆောင်ခဲ့ ကြကာ ၁၉၅၈ ခုနှစ်တွင် ဖြားဗွာဦးလှဖေ ဦးဆောင်၍ ဒီမိုကရေစီနှင့် လက်နက် လဲလှယ်ခဲ့ကြောင်းလည်း သိရသည်။
၁၉၇၆ခုနှစ်တွင် PNLO ကို PNO/PNA သို အမည်ပြောင်းခဲ့ပြီး ၁၉၉၁ ခုနှစ် ဧပြီလတွင် ဦးအောင်ခမ်းထီ ခေါင်း ဆောင်သော PNO/PNAသည် ဥပဒေဘောင်အတွင်းသို ဝင်ရောက်ခဲ့ကြောင်း၊ ၁၉၉၁ခုနှစ် အောင်တိုဘာလ တွင်ဗိုလ်မှူးကြီးခွန်ဥက္ကာ ဦးဆောင်၍ ပအိုဝ်းပြည်သူ့လွတ်မြောက်ရေးအဖွဲ (PPLO) ကိုဖွဲစည်းခဲ့ကြောင်း၊ ၂၀၀၉ ခုနှစ်တွင် PNLO အဖွဲအဖြစ်သို ပြန်လည်ဖွဲစည်းခဲ့ကြောင်းလည်း သိရသည်။
ဗိုလ်မှူးကြီးခွန်ဥက္ကာ ဦးဆောင်သော PNLO သည် ၂ဝ၁၅ ခုနှစ်၌ တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသ ဘောတူ စာချုပ်(NCA) ကို ပါဝင်လက်မှတ်ရေးထိုးကာ တရားဝင်မှုရယူပြီး ပအိုဝ်းအမျိုးသားတို၏ တန်းတူရေး၊ ငြိမ်းချမ်းရေးနှင့် ဖွံဖြိုးရေးကို ဆက်လက်ဆောင်ရွက် ခဲ့ကြောင်း၊PNLOသည် ဗိုလ်မှူးကြီးခွန်ဥက္ကာက ဥက္ကဋ္ဌ အဖြစ် ဦးဆောင်မှုကို စတင်ခဲ့ပြီး ဒီမိုကရေစီ နည်းလမ်းတ ကျဖြင့် အလှည့်ကျ ဥက္ကဋ္ဌများကို ရွေးချယ်တင် မြှောက်ကာ ဗိုလ်မှူးကြီး ခွန်ဥက္ကာ မှ ဦးဆောင်နာယက အဖြစ်သာ မူဝါဒကို ထိန်းသိမ်းပေးခဲ့ခြင်းဖြစ်ကြောင်း ထုတ်ပြန်ချက်အရ သိရသည်။
Yangon_Times/PP

#Daily_News
Published 10 October 2024

၁။ နေ့ပူပြီး ညနေဘက်မိုးကြိုးပစ်ခြင်း၊ မိုးရွာခြင်း၊ လေပြင်းတိုက်ခြင်းများကြုံနိုင်

၂။ သီတင်းကျွတ်အထူးခရီးစဉ်များ MNA မှ ပျံသန်းပြေးဆွဲပေးမည်

၃။ ရေဘေးကြောင့် မိဘနှင့်အိုးအိမ်၊ စီးပွားဆုံးရှုံးရသော ကျောင်းသားများပညာဆက်သင်ရန် ကျပ်သိန်း(၃၉၀)လှူဒါန်း

၄။ ဂျက်ကီချန်းက ပန်ဒါတွေနှင့်ထိတွေ့ဆက်စပ်မှုများကို ပြောကြား... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

နိုင်ငံတစ်ဝှမ်း၌ ရော်ဘာခြံလုပ်ငန်းများ ပြန်လည်စတင်တဲ့ရော်ဘာခြံဖွင့်ရာသီ စတင်နေပြီလို့ ရော်ဘာစိုက်ပျိုးရောင်းချသူတွေဆီက သိရပါတယ်။
#Local_News
Published 10 October 2024
#ရော်ဘာစိုက်ပျိုး #အစေးခြစ်လုပ်ငန်း
#YMG/NN #Yangon_Times

၁၀ အောက်တိုဘာ ၂၀၂၄

Tata ကုမ္ပဏီအုပ်စုကြီးကို ဆော့ဖ်ဝဲမှသည် ပြိုင်ကားအထိ ထုတ်ကုန်မျိုးစုံထုတ်လုပ်သော ပြန့်ကျဲ   နေသည့် နိုင်ငံတကာကုမ္ပဏီကြီးတစ်ခုအဖြစ် အသွင်ပြောင်းလဲခဲ့တဲ့  မစ္စတာ တာတာဟာ ဗုဒ္ဓဟူးနေ့က ကွယ်လွန်သွားပါတယ်။ ကွယ်လွန်ချိန်မှာ သူဟာ အသက် ၈၆နှစ်   ရှိပြီဖြစ်ပါတယ်။

အိန္ဒိယနိုင်ငံတော်အလံကို ရစ်ပတ်ထားတဲ့ သူ့ရဲ့ခေါင်းတလားကို ဂုဏ်ပြုတပ်ဖွဲ့က စစ်တီးဝိုင်းနှင့်အတူ ဂုဏ်ပြုခဲ့ပါတယ်။

မွမ်ဘိုင်းမြို့က ဝမ်းနည်းဖွယ်နေ့အဖြစ် ကြေညာခဲ့ပြီး သူ့ရဲ့ အသုဘအခမ်းအနားကို ကြာသပတေးနေ့ မွန်းလွဲပိုင်းမှာ ပြုလုပ်မှာဖြစ်ပါတယ်။

“ အိန္ဒိယစက်မှုလုပ်ငန်း၏ အထင်ကရကြီး” လို့ ဟိန္ဒူသတင်းစာက မျက်နှာဖုံးသတင်းကနေ သူ့ကို ရည်ညွှန်းခဲ့ပြီး “ အိန္ဒိယသည် နိုင်ငံ့အဆောင်အယောင်ကို ဆုံးရှုံးခဲ့ရပြီ” လို့လည်း ဟိန္ဒူစတန်တိုင်းမ်စ် သတင်းစာကရေးသားပါတယ်။

အာရှရဲ့ အချမ်းသာဆုံးသူဋ္ဌေးကြီး မူကက်ရှ်အမ်ဘာနီကလည်း “ ကြီးမားတဲ့ဆုံးရှုံးမှု။ တာတာ အုပ်စု အတွက်သာမက အိန္ဒိယနိုင်ငံသားတစ်ဦးချင်းအတွက်လည်းဆုံးရှုံးမှုကြီး” လို့ ဝမ်းနည်းစကားဆိုပါတယ်။

တာတာဟာ ၁၉၃၇ခုနှစ်မှာ မွမ်ဘိုင်းမှာ မွေးဖွားခဲ့ပါတယ်။ သူက နယူးယောက်ရဲ့ ကော်နယ်လ် တက္ကသိုလ်မှဘွဲ့ရပြီးနောက် သူ့ဘဝကို ဗိသုကာတစ်ဦးအဖြစ်နှင့် နေထိုင်ဖို့ရည်ရွယ်ခဲ့ပါတယ်။ ဒါပေမယ့်  သူ အိန္ဒိယကို ၁၉၆၂ခုနှစ်မှာ ပြန်ရောက်တဲ့အခါ သူ့အဖွားက သူ့ကို မိသားစုစီးပွားရေးလုပ်ငန်းထဲ ဝင် လုပ်ဖို့ တောင်းပန်ခဲ့ပါတယ်။ အဲဒါကြောင့်သူဟာ စက်ရုံအောက်ခြေအလုပ်သမားအဖြစ် အလုပ်စလုပ်ခဲ့ပြီး အလုပ်သင်ဘဝနှင့် စက်ရုံရဲ့ ဘော်ဒါဆောင်မှာ အိပ်စက်ခဲ့ပါတယ်။

သူဟာ ၁၉၉၁ခုနှစ်မှာ မိသားစုရဲ့စီးပွားရေးအင်ပါယာကြီးကို လွှဲယူခဲ့ပါတယ်။ အဲဒီနောက် ချက်ခြင်း ဆိုသလိုပဲ လွတ်လပ်တဲ့ဈေးကွက်ပြုပြင်ပြောင်းလဲမှုကြီးကို လုပ်ဆောင်ခဲ့ပါတော့တယ်။

တာတာရဲ့ ၂၁နှစ်ကြာ စီမံခန့်ခွဲမှုကြောင့် တာတာအုပ်စုကြီးဟာ ဆားမှသည် သံမဏိအထိ ထုတ်လုပ်တဲ့ ကမ္ဘာအထိခြေဆန့်တဲ့ ကုမ္ပဏီကြီးဖြစ်လာခဲ့ပါတယ်။

တာတာအုပ်စုဟာ နိုင်ငံပေါင်း ၁၀၀ကျော်မှာ ကုမ္ပဏီပေါင်း ၃၀ကျော်နှင့် လုပ်ငန်းလည်ပတ်နေ  တာဖြစ်ပါတယ်။

ဒါပေမယ့် မစ္စတာတာတာဟာ ပပလွှားလွှားနေတတ်သူမဟုတ်ဘဲ ရိုးရိုးကုပ်ကုပ်နေသူဖြစ်ပါတယ်။ သူ့မှာ အရှိန်ဩဇာကြီးမားပေမယ့် သူဟာ ဘီလျံနာစာရင်းတွေထဲ တစ်ခါမှ မပါဖူးခဲ့ပါဘူး။

“တာတာဟာ အမြင်ကျယ်တဲ့ စီးပွားရေးခေါင်းဆောင်ဖြစ်တယ်။ ကြင်နာတဲ့နှလုံးသားရှိတဲ့ အာဂလူသား တစ်ဦးဖြစ်တယ်“လို့ အိန္ဒိယ ဝန်ကြီးချုပ် နာရင်ဒရာ မိုဒီကပြောပါတယ်။

မဟာရာရှာထရာပြည်နယ်ရဲ့ အစိုးရရုံးတွေမှာ ဝမ်းနည်းခြင်းအထိမ်းအမှတ် အလံတိုင်ဝက်လွှင့် ထူခဲ့ပြီး သူ့ကို နိုင်ငံတော်ဈာပနအဆင့် သင်္ဂြိုလ်မှာဖြစ်ပါတယ်။

သူ့ရဲ့ထင်ရှားလှတဲ့ အဆိုအမိန့်တွေထဲက အချို့ကတော့..

“  မှန်ကန်တဲ့ဆုံးဖြတ်ချက်ချတယ်ဆိုတာကို ကျွန်တောမယုံကြည်ဘူး။  ကျွန်တော်ဟာ ဆုံးဖြတ်ချက် ချတယ်။ ပြီးတော့မှ အဲဒါကို မှန်ကန်အောင်လုပ်တယ်”

“ ခေါင်းဆောင်မှုဆိုတာ တာဝန်ယူမှု တာဝန်ခံမှုဖြစ်တယ်။ ဆင်ခြေပေးဖို့မဟုတ်ဘူး”

“ အတော်ဆုံးခေါင်းဆောင်ဆိုတာ သူတို့ရဲ့ အနီးအနားမှာ သူတို့ထက် ပိုပြီးစမတ်ဖြစ်တဲ့ လက်ထောက်တွေ၊ တွဲဖက်တွေနှင့် ဝန်းရံဆောင်ရွက်ကြသူတွေဖြစ်တယ်”

Source : AFP/NDTV

ရေဘေးကြောင့် မိဘဆုံးရှုံးတာ၊ အိုးအိမ်ဆုံးရှုံးတာ၊ စီးပွားပျက်တွေရင်ဆိုင်ခဲ့ရတဲ့ ကျောင်းသား၊ ကျောင်းသူတွေအတွက် ခိုင်နှင်းဝေဖောင်ဒေးရှင်းမှ ကျပ်သိန်း(၃၉၀)လှူဒါန်းပေးခဲ့တယ်လို့ သိရပါတယ်။
#Local_News
Published 10 October 2024
#ခိုင်နှင်းဝေဖောင်ဒေးရှင်း #အိုးအိမ်ဆုံးရှုံး
#YMG/tthl #Yangon_Times

မြန်မာအမျိုးသားလေကြောင်းလိုင်း Myanmar National Airlines MNA မှသီတင်းကျွတ်အထူးခရီးစဉ်တွေကို လာမယ့်တနင်္ဂနွေနဲ့ တနင်္လာနေ့တွေမှာ ပြေးဆွဲပေးသွားမယ်လို့ သိရပါတယ်။
#Local_News
Published 10 October 2024
#သီတင်းကျွတ်အထူးခရီးစဉ် #MNAမှပျံသန်းပြေးဆွဲ
#YMG/NN #Yangon_Times

၁၀ အောက်တိုဘာ ၂၀၂၄

မြန်မာနိုင်ငံတွင် အချို့သော နိုင်ငံခြားတိုက်ရိုက်ရင်းနှီးမြှပ်နှံခွင့်ရရှိသူအချို့သည် ကုန်ထုတ်လုပ်မှုကို ဟန်ပြသာ ဆောင်ရွက်ပြီး ပြည်ပမှ ကုန်ချောပစ္စည်းများကို ဈေးပေါပေါဖြင့် တင်သွင်းဆောင်ရွက်နေကြကြောင်း  နစက ဒုတိယ ဥက္ကဋ္ဌ ဒုတိယဗိုလ်ချူပ်မှူးကြီး စိုးဝင်းက သတိပေးပြောကြားလိုက်ပါတယ်။

အောက်တိုဘာ ၉ရက်က နေပြည်တော်တွင်ကျင်းပတဲ့ တရားမဝင် ကုန်သွယ်မှုတိုက်ဖျက်ရေး ဦးဆောင် ကော်မတီ လုပ်ငန်းညှိနှိုင်းအစည်းအဝေးမှာ အဆိုပါကော်မတီဥက္ကဋ္ဌဖြစ်တဲ့ ဒုတိယဗိုလ်ချုပ်မှူးကြီး စိုးဝင်းက ယင်းကဲ့သို့ ထုတ်ဖော်ပြောကြားခဲ့ခြင်းဖြစ်ပါတယ်။

သီလဝါ အထူးစီးပွားရေးဇုန်တွင်လည်း တရားဝင်ကုန်ပစ္စည်း တင်သွင်းခွင့်ရရှိမှုအပေါ် ကျော်လွန်ပြီး တရားမဝင် ကုန်သွယ်မှုတွေပြုလုပ်နေတယ်လို့လည်း ဒုတိယဗိုလ်ချုပ်မှူးကြီးက ပြောပါတယ်။

တရားမဝင်ကုန်သွယ်မှုတွေဖြစ်ပေါ်နေရခြင်းအကြောင်းရင်းများထဲတွင် အဓိက စိန်ခေါ်မှုတွေက နယ်စပ်ဒေသ အချို့တွင် လုံခြုံရေးအရ စောင့်ကြည့်ထိန်းသိမ်းရန် ကန့်သတ်ချက်တွေရှိနေခြင်း၊ အချို့ဥပဒေများ အားနည်းချက်ရှိ ခြင်း၊အဲဒီလုပ်ငန်းတွေဆောင်ရွက်ရတဲ့ ဝန်ထမ်းအင်အားမလုံလောက်ခြင်းနှင့် အကျင့်ပျက်မှုတွေရှိနေခြင်းတို့ ဖြစ်ကြတယ်လို့လည်း နစက ဒုတိယဥက္ကဋ္ဌကဆက်လက်ပြောကြားပါတယ်။

 တရားမဝင်ကုန်သွယ်မှုတွေကို နယ်စပ်ဒေသနှင့်ကုန်သွယ်မှုလမ်းကြောင်းများပေါ်တွင်သာမက ပြည်တွင်း    သိုလှောင်ရုံများနှင့် ဈေးကွက်တွေအထိ ဝင်ရောက်စစ်ဆေးအရေးယူရမယ်လို့လည်း ဒုတိယဗိုလ်ချုပ်မှူးကြီးက တိုက်တွန်းပါတယ်။

တရားမဝင်ကုန်သွယ်မှုများကို အရေးယူခဲ့ရာမှာ ၂၀၂၂ ခုနှစ်၊ ဇန်နဝါရီလမှ ၂၀၂၄ ခုနှစ်၊ ဩဂုတ်လအထိ (၂) နှစ်နှင့် (၈)လ ကာလအတွင်း အမှုတွဲ (၁၄၆၅၉) မှု၊ ခန့်မှန်းတန်ဖိုးကျပ် (၃၀၀ ဒသမ ၀၂၈) ဘီလီယံဖမ်းဆီးရမိခဲ့တယ်လို့ လည်းသတင်းထုတ်ပြန်ချက်မှာဖော်ပြထားပါတယ်။

၂၀၂၄ ခုနှစ် ဇူလိုင်လနှင့် ဩဂုတ်လအတွင်း ဖမ်းဆီးရရှိမှုများတွင် အကောက်ခွန်ဦးစီးဌာနက အများဆုံး   ဖမ်းဆီးရမိခဲ့ပြီး ဖမ်းဆီးရရှိမှုအနေဖြင့် မန္တလေးတိုင်းဒေသကြီးက အများဆုံး၊ စစ်ကိုင်းတိုင်းဒေသကြီးက ဒုတိယအများဆုံးနှင့် ကချင်ပြည်နယ်က တတိယအများဆုံး ဖမ်းဆီးရမိခဲ့ကြောင်းသိရှိရပါတယ်။ ဖမ်းဆီးရရှိရာတွင် လိုင်စင်မဲ့မော်တော်ယာဉ်နှင့် တရားမဝင်ကုန်စည်တင်မော်တော်ယာဉ်များက အများဆုံးဖြစ်ပြီး ဒုတိယအများဆုံးက လုပ်ငန်းသုံးကုန်ကြမ်းများဖြစ်ပြီး တတိယအများဆုံးက ရင်းနှီးမြှုပ်နှံမှုကုန်ပစ္စည်းများ   ဖြစ်ကြပါတယ်။

#ymg/knl

အခုရက်ပိုင်းမှာ နေ့ပူပြီးညနေဘက်မှာ မိုးတိမ်တောင်တွေ တက်လာကာမိုးကြိုးပစ်ခြင်း၊မိုးရွာခြင်း၊ လေပြင်းတိုက်ခြင်းများကြုံနိုင်တယ်လို့ သိရပါတယ်။
#Local_News
Published 10 October 2024
#မိုးကြိုးပစ်ခြင်း #လေပြင်းတိုက်ခြင်း
#YMG/tthl #Yangon_Times

#Local_News
Published 10 October 2024

▪️ ဧရာဝတီလင်းပိုင်သားအမိအား ကယ်တင်၍ ရေနက်ပြီး ဘေးကင်းရာနေရာသို့ပြန်လွတ်နိုင်ခဲ့ကြောင်းဇီဝမျိုးစုံမျိုးကွဲ နှင့်သဘာဝထိန်းသိမ်းရေး အသင်းမှ
သိရသည်။

▪️ ဇီဝမျိုးစုံမျိုးကွဲ နှင့်သဘာဝထိန်းသိမ်းရေး အသင်းမှ တာဝန်ရှိသူများသည် မုတ္တမပင်လယ်ကွေ့အတွင်း ထိန်းသိမ်းရေး လုပ်ငန်းများ ဆောင်ရွက်နေစဉ် အောက်တိုဘာလ ၅ ရက်နေ့ ညနေ ၄နာရီ ၂၉ မိနစ်အချိန်တွင် ဘီးလင်းမြို့နယ် ၊ ဇုက္ကလိကျေးရွာအုပ်စု ၊ ကျွန်းသာယာ အပြင်သောင်အတွင်း ဧရာဝတီလင်းပိုင် သားအမိ ၂ ကောင်အား စတင်တွေ့ရှိပြီး ကယ်ဆယ်ရေးဆောင်ရွက်ခဲ့ကြရာ ဧရာဝတီလင်းပိုင်အမကြီးမှာ အလျား ၅.၆ ပေခန့်ရှိပြီး ၊ ၎င်း၏ကလေးငယ်မှာ ၂.၅ ပေခန့်ရှိကြောင်းသိရသည်။

▪️ အဆိုပါ သားအမိအားရေနက်ပြီး ဘေးကင်းရာနေရာသို့ ရွေ့ပြောင်းရန် မုသင်ကျေးရွာဒေသခံထိန်းသိမ်းရေးအဖွဲ့ဝင်များ၊ မွန်ပြည်နယ်ရေလုပ်သားအဖွဲ့ဝင်များ စုပေါင်း၍ လှေဖြင့်တင်ဆောင်ကာ ရေကြောင်းနက်သည့်နေရာသို့ ရွေးချယ်ရွေ့ပြောင်းကာပြန်လည်လွှတ်ပေးနိုင်ခဲ့ကြောင်း၊  ညနေ ၄ နာရီ ၅၂ မိနစ်အချိန်တွင် အောင်မြင်စွာ လွှတ်ပေးနိုင်ခဲ့ကြောင်း သိရသည်။

▪️ ဧရာဝတီလင်းပိုင်မျိုးစိတ်သည် မုတ္တမပင်လယ်ကွေ့ အရှေ့ဘက်ကမ်း (မွန်ပြည်နယ် )နှင့် မုတ္တမပင်လယ်ကွေ့ အနောက်ဘက်ကမ်း (ပဲခူးတိုင်း + ရန်ကုန်တိုင်း) တို့တွင် လှည့်လည်ကျက်စားတတ်သည့် ပင်လယ်နေနို့တိုက်သတ္တဝါမျိုးဖြစ်ပြီး မြန်မာနိုင်ငံတွင် အကောင်ရေ ရာဂဏာန်းအောက်သာ ကျန်ရှိတော့သည့် အရေးကြီးထိန်းသိမ်းရမည့် မျိုးစိတ်ဖြစ်ကြောင်း သိရသည်။

#YMG/NN #Yangon_Times

#Local_News
Published 10 October 2024

▪️ ကရင်ပြည်နယ်၊ ဘားအံမြို့တွင် ယခုလအတွင်း  ကျင်းပမည့် သီတင်းကျွတ်ပွဲတော်၌ မီးပုံးပျံအလုံး၃၀ လွှတ်တင်ပူဇော်သွားမည်ဖြစ်ကြောင်း ပွဲတော်ကျင်းပရေး ဦးစီးကော်မတီနှင့် အထောက်အကူပြုလုပ်ငန်းကော်မတီများ လုပ်ငန်းညှိနှိုင်း အစည်းအဝေးမှ သိရသည်။

▪️ အဆိုပါ အစည်းအဝေးကို ပြီးခဲ့သည့် အောက်တိုဘာလ ၇ ရက်က ပြည်နယ်အစိုးရအဖွဲ့ရုံး အစည်းအဝေးခန်းမ(၂)တွင်  ကျင်းပခဲ့ခြင်းဖြစ်သည်။

▪️ ဘားအံမြို့၏ သီတင်းကျွတ်ပွဲတော်ကို  မြန်မာသက္ကရာဇ် ၁၃၈၆ ခုနှစ် သီတင်းကျွတ်လပြည့်နေ့တွင် စည်ကားသိုက်မြိုက်စွာ ကျင်းပသွားမည်ဖြစ်ပြီး ပွဲတော်၌  မီးပုံးပျံလွှတ်တင်ပူဇော်ပွဲ၊ ထေရ်ကြီးဝါကြီး ဆရာတော်ကြီးများ ပူဇော်ကန်တော့ပွဲ၊ သံဃာပဝါရဏာ သိမ်ဆင်းလောင်းလှူပူဇော်ပွဲ၊ ဆီမီး ၉,၀၀၀ ပူဇော်ပွဲတို့ဖြင့် စည်ကားစွာကျင်းပသွားမည်ဖြစ်ကြောင်း သိရသည်။

▪️ ထိုသို့ကျင်းပရာတွင် သီတင်းကျွတ်လပြည့်နေ့ နံနက်ပိုင်းတွင်  အနည်းဆုံး အောက်ခြေအချင်း ခြောက်ပေ၊ အမြင့်ပေ ၄၀ နှင့်အထက်ရှိသည့်  မီးပုံးပျံကြီးအလုံး ၃၀ ကို ဘားအံမြို့သီရိကွင်း၌  လွှတ်တင်ပူဇော်မည် ဖြစ်ကြောင်း သိရသည်။

▪️ ထို့အပြင် နံနက် ၁၀ နာရီခန့်တွင်  ဘားအံမြို့ဇွဲကပင်ခန်းမတွင် ဘားအံ၊ လှိုင်းဘွဲ၊ ကော့ကရိတ်မြို့နယ်များမှ ထေရ်ကြီးဝါကြီး ဆရာတော်ကြီးများကို ပင့်ဖိတ်ပူဇော်ကန်တော့ကာနေ့ဆွမ်းများ ဆက်ကပ်လှူဒါန်းသွားမည်ဖြစ်ပြီး မွန်းလွဲပိုင်းမှာ ဘားအံမြို့ မဲဘောင်ကျောင်းကြီးမှာ သံဃာပဝါရဏာဆောင် ရဟန်း၊ သံဃာတော် အပါး ၁၆၀ ခန့်ကို သိမ်ဆင်းလောင်းလှူ၍ ညဦးပိုင်းတွင် ဘားအံမြို့သေဋ္ဌမာရ်အောင်ဘုရားကြီးမှာ ဆီမီး ၉,၀၀၀ ထွန်းညှိပူဇော်သွားမည်ဖြစ်ကြောင်း သိရသည်။
 
#YMG/NN #Yangon_Times

#World_News
Published 10 October 2024

▪️ အစ္စရေးလ်နဲ့ အီရန်တို့ တင်းမာမှုမြင့်တက်နေချိန်မှာ အမေရိကန်သမ္မတ ဂျိုးဘိုင်ဒင်နဲ့ အစ္စရေးလ်ဝန်ကြီးချုပ် ဘင်ဂျမင်နေတန်ညာဟူတို့ ဗုဒ္ဓဟူးနေ့က ဖုန်းပြောဆိုခဲ့ကြပါတယ်။

▪️ အစ္စရေးလ်ကာကွယ်ရေးဝန်ကြီး ယိုအက်ဗ်ဂဲလန့်က အီရန်ကို တိကျပြတ်သားစွာဖြင့် မထင်မှတ်တဲ့အချိန်မှာ တိုက်ခိုက်သွားမယ်လို့ ကတိပြုလိုက်ပါတယ်။

▪️ အစ္စရေးလ်တို့ဟာ အီရန်နဲ့ အီရန်နောက်ခံပြု ဟက်ဇ်ဘိုလာ၊ ဟားမတ်စ်တို့နဲ့ ပဋိပက္ခများ မြင့်တက်နေချိန်မှာ ဩဂုတ်လနောက်ပိုင်း ဘိုင်ဒင်နဲ့ နေတန်ညာဟူတို့ မိနစ် ၃၀ ကြာ ပထမဆုံးပြောဆိုခဲ့ကြတာ ဖြစ်ပါတယ်။

▪️ ဖုန်းပြောဆိုမှုက အလွန်အကျိုးရှိခဲ့သလို ခေါင်းဆောင်နှစ်ဦး သဘောထား ကွဲလွဲမှုများရှိခဲ့ပြီး ပွင့်လင်းစွာ ပြောဆိုခဲ့ကြတယ်လို့ အိမ်ဖြူတော် စာနယ်ဇင်း အတွင်းရေးမှူး ကာရင်ရှောင်ပီယာရဲက သတင်းထောက်တွေကို ပြောသွားပါတယ်။

▪️ ပြီးခဲ့တဲ့ ရက်သတ္တပတ်က အီရန်ဘက် ဒုံးကျည်ပစ်ခတ်မှုတစ်ခုကို အစ္စရေးလ်တို့ ဘယ်လိုလက်စားချေမလဲဆိုတာ စောင့်ကြည့်နေရပါတယ်။

▪️ ဂဲလန့်က "ကျွန်ုပ်တို့ကို လာတိုက်ခိုက်တဲ့သူမှန်သမျှ ပြန်ပေးဆပ်ရမှာဖြစ်ပါတယ်။ တိုက်ခိုက်မှုက တိကျပြတ်သားပြီး ဘယ်အချိန် ဘာဖြစ်သွားမှန်း သိလိုက်မှာ မဟုတ်ပါဘူး" လို့ ပြောကြားသွားပါတယ်။

▪️ နေတန်ညာဟူကလည်း အီရန်ကို တုန့်ပြန်သွားမှာဖြစ်တယ်လို့ ကြုံးဝါးထားရာ ဒေသတွင်းမှာ အပျက်အစီးများပြီး အမေရိကန် ပါဝင်လာမှာကို စိုးရိမ်လာရပါတယ်။

▪️ ဂါဇာအရေး၊ ဟက်ဇ်ဘိုလာပဋိပက္ခတို့မှာ အစ္စရေးလ်ခေါင်းဆောင်ပိုင်းက ကိုင်တွယ်ပုံတွေနဲ့ ပတ်သက်ပြီး ဘိုင်ဒင်နဲ့ နေတန်ညာဟူတို့ကြား ဆက်ဆံရေး တင်းမာနေခဲ့ပါတယ်။

▪️ အစ္စရေးလ်တို့ ဘေးမကင်းသေးသရွေ့ စစ်ရေးလုပ်ဆောင်ချက်များ ပြုလုပ်သွားမယ်လို့ ဆိုထားပါတယ်။

▪️ ဗုဒ္ဓဟူးနေ့ ဖုန်းပြောဆိုမှုက အကျိုးရှိပြီး အမေရိကန်ရဲ့ ထောက်ပံ့မှုကို အသိအမှတ်ပြုပါတယ်လို့ ကုလဆိုင်ရာ အစ္စရေးလ်သံအမတ် ဒန်နီဒါနန်က သတင်းထောက်များကို ပြောသွားပါတယ်။

▪️ အစ္စရေးလ်တို့ စစ်ရေးဆောင်ရွက်နေတာတွေကို အမေရိကန်အရာရှိများ ကြိုတင်မသိရှိရတဲ့အတွက်လည်း ယင်းတို့ကြား ဆက်ဆံရေး တင်းမာနေခဲ့ပါတယ်။

#Source: Reuters