#World_Health
Published 10 July 2026

■ သကြားမုန်လာ၊ ဟင်းနုနွယ်၊ ကိုက်လံတို့လို နိုက်ထရိတ်ကြွယ်ဝတဲ့ ဟင်းရွက်များ စားပြီးနောက် ပီကေဝါးပေးခြင်းဖြင့် သွေးပေါင်ချိန် ကျစေနိုင်တဲ့ အစွမ်းသတ္တိများ ယာယီမြှင့်တင်ပေးနိုင်မယ်လို့ ကင်းစ်ကောလိပ်လန်ဒန်မှ လေ့လာချက်အသစ်မှာ ဖော်ပြထားပါတယ်။

■ သကြားမုန်လာဖျော်ရည် သောက်ပြီးနောက် အချိုဓာတ်ပါတဲ့ပီကေ ဝါးတဲ့သူတွေဟာ အချိုမပါတဲ့ပီကေ ဝါးသူတွေထက် နိုက်ထရိုက်ပမာဏ ပိုများပြီး သွေးပေါင်ချိန် အသင့်အတင့် လျော့ကျသွားတယ်လို့ တွေ့ရှိခဲ့ကြပါတယ်။

■ ဟင်းရွက်တွေထဲက နိုက်ထရိတ်တွေကို ပါးစပ်ထဲက ဘက်တီးရီးယားက နိုက်ထရိုက်အဖြစ်သို့ ပြောင်းလဲပေးကာ သွေးကြောတွေ ကျယ်စေပြီး သွေးလည်ပတ်မှု ကောင်းမွန်စေပါတယ်။

■ ဒီနေရာမှာ တံတွေးရဲ့ အက်ဆစ်ဓာတ်အချိုးအစားက အရေးပါတဲ့ကဏ္ဍက ပါဝင်နေပါတယ်။

■ ယခင်သုတေသနအရ ဂရိပ်ဖရုဖျော်ရည်ဆိုရင် တံတွေးရဲ့ အက်ဆစ်ပါဝင်မှုကို လျော့နည်းစေကာ နိုက်ထရိတ်ပြောင်းလဲမှုကို နှေးစေပြီး အက်ဆစ်များရင်တော့ ပြောင်းလဲမှု မြန်စေမှာပါ။

■ လေ့လာမှုပြုလုပ်ရာမှာ ကျန်းမာသန်စွမ်းသူတွေကို သကြားမုန်လာဖျော်ရည် တစ်ခွက်သောက်စေပြီး အချိုပါတဲ့ ပီကေစားခြင်းနဲ့ အချိုမပါတဲ့ ပီကေစားခြင်းကို ၃ နာရီကနေ ၆ နာရီကြာအောင် ဝါးစေပါတယ်။

■ အချိုပါတဲ့ပီကေဝါးခြင်းက တံတွေးအက်ဆစ်ဓာတ်ကို များစေကာ နိုက်ထရိုက်ပမာဏ မြင့်တက်စေပြီး အပေါ်သွေး ၃ မီလီမီတာမာကျူရီ၊ အောက်သွေး ၂ မီလီမီတာမာကျူရီခန့် ကျဆင်းစေပါတယ်။

■ သွေးပေါင်ချိန်ကျစေခြင်းက နာရီအနည်းငယ်သာခံပြီး အချိုတွေ ပုံမှန်စားတဲ့အခါ ခံတွင်းနဲ့ ဇီဝကမ္မကျန်းမာရေးတို့ ထိခိုက်စေနိုင်ပါတယ်။

■ ဒါပေမဲ့ ပါးစပ်ထဲက အက်ဆစ်ဓာတ်ပြောင်းလဲခြင်းက နိုက်ထရိတ်ပြောင်းလဲပုံကို လွှမ်းမိုးနေတယ်ဆိုတဲ့ အထောက်အထား ပြနိုင်ခဲ့ပါတယ်။

Source: India Today

ထိုင်းနိုင်ငံ ခရီးသွားလုပ်ငန်းအာဏာပိုင်အဖွဲ TAT က ဗဟိုဘဏ်၊ ဘဏ္ဍာရေးအဖွဲအစည်းများ၊ လျှပ်စစ်ငွေပေးချေမှု ဝန်ဆောင်ရေးတိုနဲ့ ပူးပေါင်းကာ နိုင်ငံသားတစ်ဦးကဲ့သို ငွေပေးချေခြင်းစနစ်ဖြင့် နိုင်ငံဖြတ်ကျော် QR ကုဒ် ငွေပေးချေမှုကို စတင်မိတ်ဆက်လိုက်ပါတယ်။

#Asia_Business
Published 09 July 2026
#ထိုင်းနိုင်ငံ #QRကုဒ်
#YMG #Yangon_Times #Yangon_Media_Group

နေပြည်တော်အပါအဝင် တိုင်းနဲ့ပြည်နယ်တွေမှာ မှတ်ပုံတင်ထားတဲ့ဆန်စပါးသိုလှောင်ရုံ (၅,၈၀၀) နီးပါးအထိရှိလာတယ်လို့ စားသုံးသူရေးရာဦးစီးဌာနက သိရပါတယ်။

#Local_News
Published 09 July 2026
#ဆန်စပါး
#YMG/NN #Yangon_Times

ရန်ကုန်မြစ်အတွင်း ဇူလိုင်လ (၁၄) ရက်နေ့ကနေ (၁၈) ရက်အထိ ကာလအတွင်း သာမန်ထက်ထူးကဲသော ဒီရေတက်နိုင်တယ်လို့ မြန်မာ့ဆိပ်ကမ်းအာဏာပိုင်က သတိပေးချက်ထုတ်ပြန်ထားပါတယ်။

#Local_News
Published 09 July 2026
#ရန်ကုန်မြစ် #ဒီရေ
#YMG/NN #Yangon_Times

မကွေးတိုင်းဒေသကြီး၊ နတ်မောက်မြို့၊ အောင်ဆန်းရပ်ကွက်ရှိ ဗိုလ်ချုပ်အောင်ဆန်းနေအိမ်ပြတိုက်မှာ (၇၉) နှစ်မြောက် အာဇာနည်နေ့ အထိမ်းအမှတ် အထူးပြပွဲပြသနိုင်ဖို့ ကြိုတင်ပြင်ဆင်မှုတွေကို ဆောင်ရွက်လျက်ရှိတယ်လို့ သိရပါတယ်။

#Local_News
Published 09 July 2026
#ဗိုလ်ချုပ်အောင်ဆန်းနေအိမ်ပြတိုက် #အာဇာနည်နေ့
#YMG/SW #Yangon_Times

#Daily_News
Published 09 July 2026

၁။‌ နိုင်ငံအဝှမ်း၌ ဆန်စပါးသိုလှောင်ရုံ (၅၈၀၀)နီးပါး မှတ်ပုံတင်ထား

‌‎၂။ ‌စားအုန်းဆီခွဲတမ်းလျှော့ချလိုက်တာကြောင့် ပြင်ပပေါက်ဈေးတစ်ပိသာကိုကျပ်(၁၈၀၀၀)အထိဖြစ်လာ

၃။‌‌‎ ရန်ကုန်မြစ်အတွင်း ထူးကဲဒီရေတက်နိုင်၍ မြစ်ကမ်းနားနေ ပြည်သူများ ကြိုတင်ပြင်ဆင်ထားရန်အသိပေး

၄။‎ ‌‌‌‌‌‌‌‌‌နိုင်ငံတကာခရီးသွားဧည့်သည်များQRကုဒ်ဖြင့်လှမ်းပြီးငွေပေးချေနိုင်သောစနစ် ထိုင်းနိုင်ငံစတင်မိတ်ဆက်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 09 July 2026

■ မကွေးတိုင်းဒေသကြီးအတွင်းရှိတောင်တွင်းကြီး-သစ်ရာကောက် ဓာတ်အားလိုင်းကို
ဓာတ်အားလိုင်းကြိုး အစားထိုးလဲလှယ်ခြင်း လုပ်ငန်းများကို ယာယီဓာတ်အားပိတ် ဆောင်ရွက်မည်ဖြစ်ကြောင်းလျှပ်စစ်နှင့်စွမ်းအင်ဝန်ကြီးဌာနမှသိရသည်။

■ မကွေးတိုင်းဒေသကြီးအတွင်းရှိ တည်ဆောက်ပြီးနှင့် တည်ဆောက်ဆဲ ဓာတ်အားပေးစက်ရုံစီမံကိန်းများ၏ ဓာတ်အားထုတ်လုပ်မှုများကို နိုင်ငံတော်ဓာတ်အားစနစ်ကွန်ရက်သို့ ပိုမိုသယ်ဆောင်နိုင်ရန်၊ ဓာတ်အားစနစ်တည်ငြိမ်စေရန်နှင့် ဗို့အားတိုးတက်ကောင်းမွန်စေရန်အတွက် ၁၃၂ ကေဗွီ မကွေး-တောင်တွင်းကြီး ဓာတ်အားလိုင်း၏ လက်ရှိ ACSR ဓာတ်အားလိုင်းကြိုးကို ဝန်အားနှစ်ဆကျော်အထိ တိုးမြှင့်သယ်ဆောင်နိုင်သည့် နည်းပညာမြင့် ဖိုင်ဘာအူတိုင် အလူမီနီယံဓာတ်အားလိုင်းကြိုးဖြင့် အစားထိုးလဲလှယ်ခြင်းလုပ်ငန်းများကို တိုင်အမှတ် (၁၁၄) နှင့် (၁၁၅) ကြားနှင့် တိုင်အမှတ် (၁၁၈) နှင့် (၁၁၉) ကြားတို့တွင်ဆောင်ရွက်မည်ဖြစ်သည်။

■ အဆိုပါလုပ်ငန်းဆောင်ရွက်မည့် ဓာတ်အားလိုင်းအပိုင်းအောက်ရှိ ၆၆ ကေဗွီ တောင်တွင်းကြီး-သစ်ရာကောက် ဓာတ်အားလိုင်းကို ဇူလိုင် ၁၀ ရက်မှ ၁၂ ရက်အထိ နေ့စဉ်နံနက် ၆ နာရီမှ ညနေ ၆ နာရီအထိ ဓာတ်အားပိတ်ထားမည်ဖြစ်ကြောင်းသိရသည်။

■ ထိုသို့လုပ်ငန်းများ ဆောင်ရွက်နေစဉ် မြင်ကွန်းမြို့၊ မိကျောင်းရဲ မြို့နှင့် သစ်ရာကောက်မြို့အတွင်းရှိ ရပ်ကွက်များနှင့် ကျေးရွာများတွင် ယာယီဓာတ်အားပြတ်တောက်နေမည်ဖြစ်ကြောင်း၊ ဓာတ်အား ပြတ်ဧရိယာများရှိ ဓာတ်အားသုံးစွဲသူ မိဘပြည်သူများအား သက်ဆိုင်ရာ မြို့နယ်လျှပ်စစ်အင်ဂျင်နီယာရုံးများမှတစ်ဆင့် ကြိုတင်အသိပေးထားပြီးဖြစ်ကြောင်း လျှပ်စစ်နှင့်စွမ်းအင်ဝန်ကြီးဌာနမှသိရသည်။

#YMG/NN #Yangon_Times

#Local_News
Published 09 July 2026

■ ခရီးသည်တင်ယာဉ်(၂)စီးအား ရာသက်ပန် ဓာတ်ငွေ့ဖြည့်သွင်းခွင့် ပိတ်သိမ်းအရေးယူခဲ့ကြောင်းလျှပ်စစ်နှင့်စွမ်းအင်ဝန်ကြီးဌာနမှ အသိပေးထုတ်ပြန်ထားသည်။

■ မော်တော်ယာဉ်သုံး သဘာဝဓာတ်ငွေ့ (CNG) ကို နိုင်ငံတော်မှ သက်သာသော ဈေးနှုန်းဖြင့် စီမံဆောင်ရွက်ပေးထားသည့်အတွက် ရန်ကုန်တိုင်းဒေသကြီးအတွင်းရှိ အများပြည်သူ အကျိုးခံစားခွင့်ရရှိစေရေး YBS ယာဉ်များအနေဖြင့် ရန်ကုန်တိုင်းဒေသကြီး ပုဂ္ဂလိက သယ်ယူပို့ဆောင်ရေးကြီးကြပ်မှုကော်မတီ (YRTC) ၏ ကြီးကြပ်မှုဖြင့် သတ်မှတ်ထားသည့် လမ်းကြောင်းအတိုင်းသာ ပြေးဆွဲရန်နှင့်ယာဉ်စီးခကိုလည်း သတ်မှတ်နှုန်းထားအတိုင်းသာ ကောက်ခံသွားရမည်ဖြစ်ကြောင်း ညွှန်ကြားထားပြီးဖြစ်‌ကြောင်း သိရသည်။

■ ထိုကဲ့သို့ ညွှန်ကြားထားသော်လည်း YBS(၆၅) ယာဉ်လိုင်းတံဆိပ် တပ်ဆင်ထားသော ယာဉ်အမှတ် (2I-2957) မော်တော်ယာဉ်သည် YBS ယာဉ်လိုင်းတွင် အမှန်တကယ် ပြေးဆွဲခြင်းမရှိဘဲ တောင်ဒဂုံမြို့နယ် ရွာသာကြီး အကြီးစားစက်မှုဇုန်အတွင်း စက်ရုံဖယ်ရီပြေးဆွဲလျက်ရှိခြင်း၊ မော်တော်ယာဉ်သုံး သဘာဝဓာတ်ငွေ့(CNG)အား ယာဉ်အမှတ်(6F-3682)သို့ တရားမဝင် ရောင်းချခြင်းများ ပြုလုပ်နေကြောင်း တာဝန်သိပြည်သူတစ်ဦးမှ တိုင်ကြားလာသည့်အတွက် တာဝန်ရှိသူများအနေဖြင့် သွားရောက်စစ်ဆေးခဲ့ရာတွင် အမှန်တကယ် ကျူးလွန်ခဲ့ကြောင်း စစ်ဆေးတွေ့ရှိရသဖြင့်‌ ယာဉ်အမှတ်(2I-2957)နှင့် (6F-3682) ခရီးသည်တင်ယာဉ်(၂)စီးအား ဇွန် ၃၀ ရက်မှစ၍ ရာသက်ပန်ဓာတ်ငွေ့ဖြည့်သွင်းခွင့် ပိတ်သိမ်းအရေးယူဆောင်ရွက်ခဲ့ကြောင်း သိရသည်။

#YMG/SW #Yangon_Times

#World_News
Published 09 July 2026

■ အမေရိကန်သမ္မတ ဒေါ်နယ်ထရမ့် ဗုဒ္ဓဟူးနေ့ နေတိုး (NATO) ခေါင်းဆောင်များ ထိပ်သီးအစည်းအဝေးမှာ အမေရိကန်အနေဖြင့် စပိန်နဲ့ ကုန်သွယ်ရေးဆက်ဆံမှုများ ဖြတ်တောက်ရန် တောင်းဆိုခဲ့ပြီး ဂရင်းလန်ကျွန်းအပေါ် ပိုင်ဆိုင်မှုအရေးကိုလည်း ထပ်မံပြောကြားခဲ့သဖြင့် အစည်းအဝေး ရုန်းရင်းဆန်ခတ် ဖြစ်စေခဲ့ပါတယ်။

■ ဒါပေမဲ့ နောက်ပိုင်းမှာ သဘောထားကို ပြောင်းလဲခဲ့ပြီး အပြန်အလှန် ချစ်ခင်မှုများနဲ့ စည်းလုံးညီညွတ်မှု အပြည့်ရှိကြောင်း ပြောကြားခဲ့ပါတယ်။

■ နေတိုးအဖွဲ့အတွင်း စပိန်နိုင်ငံဟာ ဆိုးရွားတဲ့ မိတ်ဖက်ဖြစ်တယ်လို့ ထရမ့်က ပြောခဲ့ပြီး အီရန်အပေါ် စစ်ဆင်နွှဲမှုကို မထောက်ခံတဲ့အတွက် မဟာမိတ်နိုင်ငံတွေကို ပြင်းပြင်းထန်ထန် ဝေဖန်ခဲ့တဲ့အပြင် စပိန်နဲ့ ကုန်သွယ်မှုအားလုံးကို ရပ်ဆိုင်းရန် ဘဏ္ဍာရေးဝန်ကြီး စကော့ဘက်ဆန့်ကို ညွှန်ကြားခဲ့ပါတယ်။

■ ထရမ့်က အီရန်အပစ်အခတ်ရပ်စဲရေး သဘောတူညီချက် ကုန်ဆုံးသွားပြီဖြစ်ကြောင်းနဲ့ စပိန်ကို ဆိုးရွားတဲ့ မိတ်ဖက်အဖြစ် တိုက်ခိုက်ပြောဆိုကာ ကုန်သွယ်ရေးနဲ့ လည်ပတ်မှုအားလုံးကို ရပ်တန့်ရန် တောင်းဆိုပြီး နေတိုးထိပ်သီးအစည်းအဝေးကို လွှမ်းမိုးခဲ့ပါတယ်။

■ နေတိုးအထွေထွေအတွင်းရေးမှူးချုပ် မာ့ခ်ရူတာက ထိုစိုးရိမ်ပူပန်မှုများကို သက်သာစေရန် ကြိုးပမ်းခဲ့ပေမယ့် ကာကွယ်ရေးအသုံးစရိတ်နဲ့ နိုင်ငံတကာဆက်ဆံရေး ကိစ္စရပ်များကို ထုတ်ဖော်ပြောဆိုခဲ့တဲ့ ထရမ့်ကို ချီးကျူးခဲ့ပါတယ်။

■ နေတိုးအဖွဲ့ရဲ့ တံခါးပိတ်အစည်းအဝေးအပြီးမှာ ဒေါ်နယ်ထရမ့်က နေတိုးမဟာမိတ်အဖွဲ့အပေါ် ထောက်ခံကြောင်း ထုတ်ဖော်ပြောကြားခဲ့ပြီး ယူကရိန်းသမ္မတ ဗိုလိုဒီမာဇယ်လန်စကီးနဲ့ တွေ့ဆုံကာ ကိဗ်မြို့မှာ ပက်ထရီယော့ဒုံးကျည်များ ထုတ်လုပ်ရန်အတွက် လိုင်စင်ခွင့်ပြုချက်ပေးမယ်လို့ ကတိပြုခဲ့ပါတယ်။

Source: Reuters

#World_Health
Published 09 July 2026

■ လူတစ်ယောက် အိပ်ပျော်နေစဉ် ခန္ဓာကိုယ်လှုပ်ရှားမရခြင်း အခြေအနေဟာ REM အိပ်စက်အဆင့်အတွင်း လှုပ်ရှားမရခြင်းအခြေအနေ မပယ်ပျောက်ခင်မှာ အသိစိတ်ပြန်ဝင်လာတဲ့ ယာယီအခြေအနေ ဖြစ်ပါတယ်။

■ စဉ်းစားကြည့်ရင် ကြောက်စရာကောင်းပေမယ့် လေဖြတ်ခြင်းနဲ့တော့ အလွန်ကွဲပြားကာ လေဖြတ်ခြင်းက အရေးပေါ် ဆေးကုသမှုလိုအပ်ပါတယ်။

■ လူတွေက ဒီအခြေအနေကို လေဖြတ်ခြင်းနဲ့ မှားတတ်သလို ထူးခြားဖြစ်စဉ်လို့တောင် အထင်မှားကြပါတယ်။

■ အိပ်စက်စဉ်နဲ့ နိုးကြားခြင်းကြား ကူးပြောင်းနေချိန် REM အဆင့် လျော့ကျသွားတဲ့အခါ အိပ်ပျော်နေစဉ် ခန္ဓာကိုယ်လှုပ်ရှားမရခြင်း ဖြစ်နိုင်ပါတယ်။

■ ဦးနှောက်အန္တရာယ် စစ်ဆေးသိရှိတဲ့ အစိတ်အပိုင်းတွေက အိပ်စက်စဉ် ခန္ဓာကိုယ်လှုပ်ရှားမရခြင်း ဖြစ်နေချိန် ဘေးအန္တရာယ်ကြုံတွေ့နေရတယ်ဆိုတဲ့ ခံစားချက် ဖန်တီးပေးပါတယ်။

■ လေဖြတ်ခြင်းနဲ့မတူဘဲ အကြီးမားဆုံး ကွဲပြားချက်က အိပ်ပျော်စဉ် ခန္ဓာကိုယ်လှုပ်ရှားမရခြင်းဟာ ဦးနှောက်တစ်ရှူးများ မပျက်စီးစေပါဘူး။

■ လေဖြတ်ခြင်းလက္ခဏာတွေထဲမှာ ခန္ဓာကိုယ်အင်္ဂါ အစိတ်အပိုင်းများ စွဲမြဲစွာအားနည်းလာခြင်း၊ မျက်နှာတခြမ်းရွဲကျခြင်း၊ စကားပြောဆိုမှု မမှန်မကန်ဖြစ်ခြင်းတို့ ပါဝင်ပါတယ်။

■ ဒီအခြေအနေက ဖြစ်ရခြင်းက များသောအားဖြင့် စိတ်ဖိစီးမှု ဒါမှမဟုတ် အိပ်ရေးပျက်ခြင်းတို့နဲ့ ဆက်စပ်လေ့ရှိပြီး ခဏခဏ ပြန်လည်ဖြစ်ပွားနေပါက ကျန်းမာရေးပြဿနာများ နက်နက်ရှိုင်းရှိုင်း ရှိနေတဲ့သဘော ဖြစ်နိုင်ပါတယ်။

■ အိပ်ပျော်စဉ် ခန္ဓာကိုယ်လှုပ်ရှားမရခြင်းနဲ့ လေဖြတ်ခြင်းတို့ကြား အဓိကကွာခြားချက်တွေထဲမှာ ရောဂါလက္ခဏာဖြစ်ပွားတဲ့ အချိန်ကာလနဲ့ စွဲမြဲဖြစ်ပေါ်တဲ့ အခြေအနေတို့ ပါဝင်ပါတယ်။

Source: India Today

#World_Health
Published 09 July 2026

■ ကင်ဆာအကျိတ် ရှိသူတွေ တော်တော်များများမှာ ခေါင်းကိုက်ခြင်း၊ တက်ခြင်း၊ အမြင်ဝါးခြင်း၊ အလွန်နွမ်းနယ်ခြင်း၊ ခြေတွေလက်တွေ အားနည်းခြင်း စတဲ့လက္ခဏာတွေ ခံစားရတတ်ပါတယ်။

■ ဦးနှောက်အကျိတ်ရဲ့ လက္ခဏာအနေနဲ့ကတော့ မှတ်ဉာဏ်ပိုင်း၊ စိတ်အခြေအနေပိုင်း၊ အပြုအမူပိုင်းတို့မှာ သိသိသာသာ ပြောင်းလဲလာတာ တွေ့ရတယ်လို့ မကြာသေးမီက သုတေသနမှာ တွေ့ထားပါတယ်။

■ ဒါတွေက ဖြည်းဖြည်းချင်း ပြောင်းလဲလာကာ အခြားစိတ်ကျန်းမာရေး ပြဿနာတွေကြောင့် ဖြစ်တယ်ဆိုပြီး အထင်မှားစေနိုင်ပါတယ်။

■ အကျိတ်လက္ခဏာတွေထဲမှာ မထင်မှတ်တာတစ်ခုက မှတ်ဉာဏ်ဆုံးရှုံးခြင်းဖြစ်ပြီး လတ်တလောပြောဆိုခဲ့တဲ့ စကားတွေ၊ ချိန်းဆိုမှုတွေ၊ နာမည်တွေ၊ အလုပ်တာဝန်တွေကို မေ့လျော့နေတတ်ပါတယ်။

■ ဒီလိုပြောင်းလဲမှုတွေကို မိသားစုဝင်တွေကပဲ သတိထားမိတတ်ကြပါတယ်။

■ ဦးနှောက်အကျိတ်တွေကြောင့် စိတ်တိုလွယ်ခြင်း၊ ရန်လိုခြင်း၊ ဝေဖန်ပိုင်းခြားနိုင်စွမ်း လျော့နည်းလာခြင်းလိုမျိုး စိတ်ခံစားမှုနဲ့ ကိုယ်ရည်ကိုယ်သွေးဆိုင်ရာ သိသာထင်ရှားတဲ့ ပြောင်းလဲမှုတွေ ဖြစ်ပေါ်စေနိုင်ပြီး အထူးသဖြင့် ဦးနှောက်ရှေ့ပိုင်းကို ထိခိုက်တဲ့အခါမျိုးမှာ ပိုမိုဖြစ်ပွားတတ်ပါတယ်။

■ ဒီလက္ခဏာတွေက အခြားကျန်းမာရေး အခြေအနေများနဲ့ ဆင်တူနိုင်ပေမယ့် ခေါင်းကိုက်ခြင်း၊ အတက်ရောဂါတို့လို ရုပ်ပိုင်းဆိုင်ရာ ပြဿနာများနဲ့အတူ ပြောင်းလဲမှုများ စွဲစွဲမြဲမြဲဖြစ်ပေါ်နေပါက အမြန်ဆုံး ဆေးကုသမှုခံယူကာ စစ်ဆေးရန် လိုအပ်ပါတယ်။

■ စောစီးစွာ ရောဂါရှာဖွေဖော်ထုတ်နိုင်ခြင်းဖြင့် ကုသမှုရလဒ်များနဲ့ လူနေမှုဘဝ အရည်အသွေးကို မြှင့်တင်ရန် အလွန်အရေးကြီးပါတယ်။

Source: NDTV

အီရန်မှာကျဆုံးလေပြီးသော ခေါင်းဆောင်ဟောင်းကြီး အယာတိုလာအလီခါမေနီကို နှုတ်ဆက်ဂါဝရပြုတဲ့ နာရေးအခမ်းအနားများကိုပြီးခဲ့တဲ့ သောကြာနေ့က တဟီရန်မြို့မှာစတင်ပြုလုပ်ခဲ့ပါတယ်။

#World_News
Published 08 July 2026
#အီရန်ခေါင်းဆောင်ဟောင်းကြီး #တဟီရန်မြို့
#YMG #Yangon_Times #Yangon_Media_Group