မြန်မာနိုင်ငံတရုတ်ကုန်သည်များအသင်းချုပ်အနေနဲ့ ရှမ်းပြည်ရှိရေဘေးသင့်ပြည်သူ (၃၀၈၅)ဦးအတွက်အိမ်ထောင်စု(၁)စုကို ငွေသားကျပ်(၄၅၀၀ဝိ/-)၊ ငါးသေတ္တာ၊ မုန့်၊ ဆေးနဲ့ဆေးပစ္စည်း‌တွေလှူဒါန်းခဲ့ပါတယ်။
#Local_News
Published 1 October 2024
#ရှမ်းပြည်ရှိရေဘေးသင့်ပြည်သူ #တရုတ်ကုန်သည်များအသင်းချုပ်
#YMG/tthl #Yangon_Times

မြန်မာနိုင်ငံအဝှမ်းမှာ ဒီကနေ့အောက်တိုဘာ ၁ရက်နေ့ကစတင်ပြီး သန်းခေါင်စာရင်း တွေစတင်ကောက်ယူနေပြီလို့ ဒေသခံတွေဆီက သိရပါတယ်။
#Local_News
Published 1 October 2024
#သန်းခေါင်စာရင်း #စတင်ကောက်ယူ
#YMG/NN #Yangon_Times

အခုအောက်တိုဘာလပထမပတ်(၁၀)ရက်တာအတွင်းဧရာဝတီမြစ်၊ ချင်းတွင်းမြစ်စတဲ့မြစ်ရေတွေထပ်တိုးဖို့ရှိတယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်။
#Local_News
Published 1 October 2024
#မြစ်ရေများထပ်တိုး #မိုးလေဝသနှင့်ဇလဗေဒညွှန်ကြားမှုဦးစီးဌာန
#YMG/tthl #Yangon_Times

ထောပတ်သီးဈေးကွက်အတွင်းမှာ ဈေးကောင်းရရှိနေတဲ့  ဗီယက်နမ် "034" ဇီးရိုးသရီးဖိုးမျိုးတွေကို ဆက်လက်တိုးချဲ့စိုက်ပျိုးနေတယ်လို့ မြန်မာနိုင်ငံထောပတ်သီးစိုက်ပျိုးထုတ်လုပ်တင်ပို့ ရောင်းချသူများအသင်းက  သိရပါတယ်။
#Local_News
Published 1 October 2024
#ဗီယက်နမ်မျိုး #ထောပတ်သီး
#YMG/NN #Yangon_Times

သင်္ဘောသားဖြစ်လိုသူ‌တွေအတွက် အခမဲ့ကုန်းပတ်သင်တန်းအခု အောက်တိုဘာလထဲမှာထပ်ဖွင့်ဖို့ရှိတယ်လို့ မြန်မာနိုင်ငံ ပင်လယ်ကူးသင်္ဘောသားအလုပ်သမားများအဖွဲ့ချုပ်(MSF)မှ သိရပါတယ်။
#Local_News
Published 1 October 2024
#အခမဲ့ကုန်းပတ်သင်တန်း #သင်္ဘောသား
#YMG/tthl #Yangon_Times

#Local_News
Published 1 October 2024

▪️ ယခုအောက်တိုဘာလအတွင်း၌  ကုန်သေတ္တာတင်ယာဉ် ၅၂ စင်းဝင်ရောက်ဆိုက်ကပ်မည် ဖြစ်ကြောင်း မြန်မာ့ဆိပ်ကမ်းအာဏာပိုင်မှ  သိရသည်။

▪️ ရန်ကုန်ဆိပ်ကမ်းဧရိယာ၌  အပြည်ပြည်ဆိုင်ရာ ရေယာဉ်ကြီးများဆိုက်ကပ်နိုင်သည့်  ဆိပ်ကမ်းတံတား ၂၇ စင်း၊ ရန်ကုန်သီလဝါ အပြင်ဆိပ်ကမ်းဧရိယာမှာ ဆိပ်ကမ်းတံတား ၁၉ စင်း စုစုပေါင်း ၄၆ စင်းဖြင့် ဝန်ဆောင်မှုပေးနေခြင်း ဖြစ်သည်။

▪️ မြန်မာနိုင်ငံသည် ပင်လယ်ရေကြောင်း ကုန်သွယ်ရေးလမ်းကြောင်းမှ ကုန်သွယ်မှုလုပ်ငန်းများကို ပိုမိုဆောင်ရွက်နေပြီး ရန်ကုန် အပြည်ပြည်ဆိုင်ရာဆိပ်ကမ်းများသို့ ကုန်သေတ္တာတင်သင်္ဘောများ လစဉ်ပုံမှန် ဝင်ရောက်ဆိုက်ကပ်လျက်ရှိရာ ယခုနှစ် ၇ လတာ အတွင်း ပြည်တွင်းသို့ နိုင်ငံတကာကုန်သေတ္တာတင်ယာဉ် ၄၆၄ စင်း ဝင်ရောက်ဆိုက်ကပ်ခဲ့ပြီးဖြစ်သည်။

▪️ လအလိုက်ဆိုက်ကပ်မှုအနေဖြင့် ဇန်နဝါရီလတွင် ၄၉ စင်း၊ ဖေဖော်ဝါရီလတွင် ၅၃ စင်း၊ မတ်လတွင် ၅၅ စင်း၊ ဧပြီလတွင် ၅၀ စင်း၊ မေလတွင် ၅၂ စင်း၊ ဇွန်လတွင် ၅၀ စင်း ၊ ဇူလိုင်လတွင် ၅၀ စင်း၊ ဩဂုတ်လတွင် ၅၀ စင်း၊စက်တင်ဘာလတွင် ၅၅ စင်း ဝင်ရောက်ဆိုက်ကပ်ခဲ့ပြီးဖြစ်ကြောင်း  သိရသည်။

▪️ ပြီးခဲ့သည့်  ၂၀၂၂ ခုနှစ်တွင်မူ  နိုင်ငံတကာသင်္ဘောလိုင်းများမှ ကုန်သေတ္တာတင်သင်္ဘော ၆၄၇ စင်းဝင်ရောက်ခဲ့ပြီး  ၂၀၂၃ ခုနှစ် ဇန်နဝါရီလမှ ဒီဇင်ဘာလကုန်ထိ တစ်နှစ်တာကာလအတွင်း ရန်ကုန်ဆိပ်ကမ်းများသို့ နိုင်ငံတကာ သင်္ဘောလိုင်းများမှ ကုန်သေတ္တာတင်သင်္ဘော ၆၄၅ စင်း ဝင်ရောက်ခဲ့ကြောင်း သိရသည်။

#YMG/NN #Yangon_Times

#World_News
Published 01 October 2024

▪️ နယ်သာလန် ဝန်ကြီးချုပ်ဟောင်း မာ့ခ်ရူတာဟာ အင်္ဂါနေ့မှာ နေတိုး(NATO)အဖွဲ့ အကြီးအကဲအဖြစ် တာဝန်လွှဲပြောင်းရယူလိုက်ပြီဖြစ်ပြီး ယူကရိန်းကိစ္စ အလွန်အရေးကြီးနေတဲ့အချိန်နဲ့ အမေရိကန် သမ္မတရွေးကောက်ပွဲ နီးကပ်လာချိန်မှာ အနောက်တိုင်း စစ်ရေးမဟာမိတ်အဖွဲ့ကြီး အတူတကွဖြစ်နေစေရန် ထိန်းသိမ်းဖို့ တာဝန်ရှိလာပါတယ်။

▪️ ဘရူဆဲလ်မြို့ နေတိုးစစ်ဌာနချုပ်မှာပြုလုပ်တဲ့ အခမ်းအနားမှာ ရူတာက နော်ဝေးနိုင်ငံသား ယန်းစ်စတိုလ်တန်ဘာ့ဂ်ထံကနေ အတွင်းရေးမှူးချုပ်နေရာကို လွှဲပြောင်းရယူခဲ့ပါတယ်။

▪️ ယန်းစ်စတိုလ်တန်ဘာ့ဂ်ကတော့ ၂၀၂၂ ခုနှစ် ယူကရိန်းကို ရုရှားကျူးကျော်ခြင်း အပါအဝင် ခက်ခဲကြမ်းတမ်းခဲ့တဲ့ ပြီးခဲ့တဲ့ဆယ်စုနှစ်တစ်ခုအတွင်း နေတိုးအဖွဲ့အစည်းကို ကြီးကြပ်ခဲ့သူဖြစ်ပါတယ်။

▪️ ရူတာအနေနဲ့ အဖွဲ့ဝင် ၃၂ နိုင်ငံပါဝင်တဲ့ မဟာမိတ်အဖွဲ့ကြီးမှာ ယူကရိန်းထောက်ပံ့ရေး စည်းရုံးခြင်း၊ ကာကွယ်ရေးအတွက် အသုံးစရိတ် ပိုမိုသုံးစွဲရန် တိုက်တွန်းခြင်း၊ ဥရောပလုံခြုံရေးကိစ္စမှာ အမေရိကန် ဆက်လက်ပတ်သက်စေခြင်းတို့ အပါအဝင် စတိုလ်တန်ဘာ့ဂ်ရဲ့ ဦးစားပေးတာဝန်များကို ဆက်လက်ထိန်းသိမ်းသွားဖို့ နေတိုးအရာရှိများနဲ့ သံတမန်များက မျှော်မှန်းထားပါတယ်။

▪️ ဒါပေမဲ့ ယူကရိန်းပဋိပက္ခ တိုက်ခိုက်ရေး အင်အားဆုတ်ယုတ်လာတဲ့ အခြေအနေအပြင် အမေရိကန် ရွေးကောက်ပွဲမှာ နေတိုးကို မကောင်းမြင်နေတဲ့ ဒေါ်နယ်ထရမ့်ကြောင့် အနာဂတ်မှာ နေတိုးနဲ့ ယူကရိန်းတို့အတွက် အမေရိကန်မှ ထောက်ပံ့နိုင်မှုတို့နဲ့ ပတ်သက်ပြီး မသေချာမရေရာ ဖြစ်နိုင်ပါတယ်။

▪️ နယ်သာလန် ဝန်ကြီးချုပ်အဖြစ် ၁၄ နှစ်တာ တာဝန်ထမ်းဆောင်ပြီးနောက် ယခုနှစ်မှာ အနားယူခဲ့တဲ့ ရူတာဟာ ယူကရိန်းကို အခိုင်အမာ ထောက်ခံသူလည်း ဖြစ်ပါတယ်။

▪️ ဒေါ်နယ်ထရမ့်အကြောင်း ညည်းငြူနေကြတာကို ရပ်တန့်ပြီး ဥရောပကာကွယ်ရေး မြှင့်တင်ဖို့ကိုသာ အာရုံစိုက်ကြဖို့ ရူတာက ဥရောပကို တိုက်တွန်းနေပါတယ်။

▪️ ယူကရိန်းစစ်ပွဲကြောင့် နေတိုးအနေနဲ့ နိုင်ငံတကာကိစ္စရေးရာတွေမှာ ပြန်လည်ပါဝင်လာရပါတယ်။

▪️ ဆွီဒင်နဲ့ ဖင်လန်နိုင်ငံတို့ဆိုရင် ဘယ်ဘက်မှာမှ မရပ်တည်ဘဲ နေလာခဲ့ရာကနေ အခုဆိုရင် နေတိုးအဖွဲ့အစည်းထဲ ဝင်ရောက်လာပြီဖြစ်ပါတယ်။

▪️ နေတိုးရဲ့ စုပေါင်းကာကွယ်ရေးလမ်းစဉ်ထဲမှာ အဖွဲ့ဝင်တစ်နိုင်ငံ တိုက်ခိုက်ခံရပါက အဖွဲ့ဝင်နိုင်ငံအားလုံး တိုက်ခိုက်ခံရတယ်လို့ ယူဆပါတယ်။

▪️ ရူတာရဲ့ အဓိကတာဝန်ကြီးတွေထဲက တစ်ခုမှာ တပ်အင်အား၊ လက်နက်များ ထပ်မံချထားရေးနဲ့ ကာကွယ်ရေး အစီအစဉ်သစ်များ အပြည့်အဝ အကောင်အထည်ဖော်ရေးတို့အတွက် နေတိုးအဖွဲ့ဝင်များထံမှ အသုံးစရိတ်ထွက်လာအောင် အားထုတ်စည်းရုံးရမှာဖြစ်ကြောင်း သံတမန်များနဲ့ သုံးသပ်သူများက ဆိုပါတယ်။

▪️ အမေရိကန်က နေတိုးမှာ အဓိကအာဏာရထားတာ ဖြစ်ပေမယ့် ဆုံးဖြတ်ချက်တွေကိုတော့ အားလုံးရဲ့ သဘောတူညီချက်အတိုင်း လုပ်ဆောင်ရတာကြောင့် မဟာမိတ်များကြား ညှိနှိုင်းမှုများရရှိဖို့က အတွင်းရေးမှူးချုပ်တာဝန် ဖြစ်လာပါတယ်။

▪️ ရူတာဟာ အစိုးရပူးပေါင်းဆောင်ရွက်မှုတွေမှာ အတွေ့အကြုံများစွာ ရှိခဲ့တာကြောင့် ယခုတာဝန်နဲ့ ကိုက်ညီလိမ့်မယ်လို့ ဆိုကြပါတယ်။

#Source: Reuters

#Local_News
Published 1 October 2024

▪️ မန္တလေး ပြည်သူ့ဆေးရုံကြီး နှလုံးအထူးကုသဆောင်၌ မီးလောင်မှုတစ်ခု ယနေ့မနက်ပိုင်း၌ ဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ အောက်တိုဘာ၁ ရက်နေ့၊ မနက် ၅ နာရီ ၂၀ မိနစ်အချိန်ခန့်က  မန္တလေးတိုင်းဒေသကြီး၊ ချမ်းအေးသာစံမြို့နယ်၊ မန္တလေးပြည်သူ့ဆေးရုံ၊ နှလုံးအထူးကုဆောင်တွင် မီးလောင်မှုဖြစ်ပွားကြောင်း သိရသည်။

▪️ "မန္တလေး ပြည်သူ့ဆေးရုံကြီး နှလုံးအထူးကုသဆောင်မှာ  မီးသတင်းရလို့ နယ်မြေခံကား တွေ ထွက် ခွါငြှိမ်းသတ်ခဲ့ပါတယ်။ မိနစ်ပိုင်းအတွင်းမီးငြိမ်းခဲ့ပါတယ်၊ မီးလောင်မှုကြောင့် ဆေးရုံမှာရှိတဲ့ လူတွေထိခိုက်ဒဏ်ရာရရှိမှုမရှိပါဘူး"ဟု မန္တလေးတိုင်းဒေသကြီး မီးသတ်တပ်ဖွဲ့မှတာဝန်ရှိသူတစ်ဦးက ပြောသည်။

▪️ အဆိုပါ သတင်းရရှိသဖြင့် ချမ်းအေးသာစံမြို့နယ်မီးသတ်စခန်းမှ မီးသတ်ယာဉ်များ ထွက်ခွာငြိမ်းသတ်ခဲ့ရာ ၅ နာရီ  ၄၀မိနစ်အချိန်၌ မီးငြိမ်းခဲ့ကြောင်း သိရသည်။

▪️ အဆိုပါ မီးလောင်မှုကြောင့် ဆေးရုံရှိ လူများ ထိခိုက်ဒဏ်ရာရရှိမှု မရှိဘဲ မီးလောင်မှုဖြစ်စဉ်နှင့် ဆုံးရှုံးမှုတန်ဖိုးတို့အား စုံစမ်းလျှက်ရှိကြောင်း သိရသည်။

#YMG/NN #Yangon_Times

#World_Science
Published 1 October 2024

▪️ ဆီးချိုရောဂါဖြစ်နိုင်ခြေ လျှော့ချပေးနိုင်တဲ့ ဆန်စပါးမျိုးစိတ်အသစ်ကို ဖိလစ်ပိုင်နိုင်ငံမှ သုတေသနအဖွဲ့တစ်ဖွဲ့က ထုတ်လုပ်လိုက်ပြီလို့ ဆိုပါတယ်။

▪️ ဒီမျိုးစိတ်ကို မကြာခင် အိန္ဒိယမှာ စိုက်ပျိုးသွားမယ်လို့ နိုင်ငံတကာ ဆန်စပါးသုတေသနအဖွဲ့ (IRRI)မှ သိပ္ပံပညာရှင်ကြီး ဒေါက်တာ နက်ဆေဆရင်းနီဗာဆူလူက ပြောပါတယ်။

▪️ အစောဆုံးအနေဖြင့် ၂၀၂၅ လောက်မှာ အာရှနဲ့ အာဖရိကရှိ နိုင်ငံအများအပြားမှ လယ်သမားများထံသို့ ပေးပို့သွားရန် IRRI ကစီစဉ်နေပါတယ်။

▪️ ကမ္ဘာတဝှမ်းမှာ ဆီးချိုဝေဒနာခံစားနေရသူ ၅၃၇ သန်းကျော် ရှိနေပြီး ၂၀၄၅ လောက်မှာ ၇၈၃ သန်းအထိ ရှိလာနိုင်ပါတယ်။

▪️ ဒီရောဂါဟာ အဝလွန်ခြင်း၊ မျိုးရိုးလိုက်ခြင်းတို့ကြောင့် ဖြစ်တတ်ပါတယ်။

▪️ အဆိုပါဆန်ဟာ ပရိုတိန်းဓာတ်မြင့်မားပြီး ဆန်ဖြူတွေနဲ့ ဆင်တူကာ ဆန်စေ့အနည်းငယ်ပိုသေးပါတယ်။

▪️ သာမန်ဆန်မျိုးစိတ်တွေကို သွေးတွင်းသကြားဓာတ် မြင့်တက်မှုနှုန်း အလွန်နည်းတဲ့ ဆန်အဖြစ် ပြောင်းလဲထုတ်လုပ်ထားတာ ဖြစ်ပါတယ်။

▪️ သွေးတွင်းသကြားဓာတ် မြင့်တက်မှုနည်းပါးတဲ့ စားစရာကို ထုတ်လုပ်နိုင်ရင် ကျန်းမာရေးအတွက် အကျိုးရှိစေတဲ့အပြင် ဆီးချိုရောဂါသည်တွေနဲ့ ဆီးချိုဖြစ်နိုင်ခြေရှိသူတွေ အတွက်လည်း အကျိုးရှိစေနိုင်ကာ ဆန်စားသုံးတဲ့ အာရှနဲ့ အာဖရိကတို့မှာ သိသာစေနိုင်မယ်လို့ ဒေါက်တာက ပြောပါတယ်။

▪️ အခုအချိန်မှာ IRRI ဓာတ်ခွဲခန်းတွေမှာသာ ရှိသေးပေမယ့် မကြာခင်မှာ အိန္ဒိယနဲ့ ဖိလစ်ပိုင်တို့မှာ စတင်စိုက်ပျိုးတော့မှာ ဖြစ်ပြီး ဆန်အဓိကစားသုံးတဲ့ နိုင်ငံတွေမှာ ဆင်းရဲငတ်မွတ်ခြင်းကို တိုက်ဖျက်မယ့်အစီအစဉ် တစ်စိတ်တစ်ပိုင်း ဖြစ်လာမှာပါ။

▪️ အာရှပစိဖိတ်ဒေသဟာ တစ်ကမ္ဘာလုံးရှိ ဆန်ထုတ်လုပ်ခြင်းနဲ့ စားသုံးခြင်းတို့ရဲ့ ၉၀ ရာခိုင်နှုန်းကျော်အထိ ပါဝင်ပတ်သက်နေပါတယ်။

#Source: WION

#World_Health
Published 1 October 2024

▪️ ရင်သားကင်ဆာနဲ့ ဆက်စပ်နေတဲ့ ဓာတုပစ္စည်းပေါင်း ၂၀၀ နီးပါးကို အစားအစာ ထုပ်ပိုးခြင်းတွေမှာ အသုံးပြုနေကြကာ အဆိုပါ ကင်ဆာဖြစ်စေနိုင်တဲ့ အရာတွေက ခန္ဓာကိုယ်ထဲ ဝင်ရောက်နိုင်တယ်လို့ စိုးရိမ်ဖွယ် တွေ့ရှိထားပါတယ်။

▪️ ကမ္ဘာတဝှမ်းမှာ ဝယ်ယူစားသောက်နေကြတဲ့ အစားအစာနဲ့ ထိစပ်နေတဲ့ ပစ္စည်းတွေထဲကနေ ရင်သားကင်ဆာ ဖြစ်စေနိုင်တဲ့အရာ ၇၆ မျိုးလောက်ကို လူ့ခန္ဓာကိုယ်ထဲမှာ တွေ့ရှိရတဲ့ အထောက်အထား ရှိတယ်လို့ ဆွစ်ဇာလန် ဇူးရစ်အခြေစိုက် အကျိုးအမြတ်မယူ အဖွဲ့အစည်းတစ်ခုမှ စီမံညွှန်ကြားရေးမှူး ဂျိန်းမန့်ခ်က ပြောသွားပါတယ်။

▪️ လူငယ်အရွယ်တွေမှာ ကင်ဆာတွေ့ရှိမှု များပြားလာတဲ့အချိန်မှာ အခုလို ဆက်စပ်မှုကို တွေ့ရှိလာတာလည်း ဖြစ်ပါတယ်။

▪️ ပြီးခဲ့တဲ့ ဆယ်စုနှစ် ၂ ခုအတွင်း အသက် ၅၀ အောက် အမျိုးသမီးတွေမှာ ရင်သားကင်ဆာတွေ့ရှိမှု အဆက်မပြတ် တိုးများလာတယ်လို့ ဝါရှင်တန်ဆေးတက္ကသိုလ်မှ သုတေသီများဦးဆောင်တဲ့ လေ့လာချက်မှာ တွေ့ရှိထားပါတယ်။

▪️ စားစရာတွေထဲကနေ အခုလို ကင်ဆာဖြစ်စေတဲ့ အရာတွေကို ဖယ်ရှားနိုင်ရင် ကင်ဆာကာကွယ်နိုင်မယ့် အခွင့်အလမ်း ရှိလာမယ်လို့ မန့်ခ်က ဆက်ပြောပါတယ်။

▪️ အစောပိုင်းလေ့လာချက်တစ်ခုမှာလည်း အီစထရိုဂျင်နဲ့ ပရိုဂျက်စထရုန်း ဟော်မုန်းထုတ်လုပ်မှုကို လှုံ့ဆော်ပေးတဲ့ ဓာတုပစ္စည်း ၆၄၂ မျိုး အပါအဝင် ကင်ဆာဖြစ်စေနိုင်တဲ့ပစ္စည်း ၉၂၁ မျိူးဟာ ရင်သားကင်ဆာ ဖြစ်စေပါတယ်။

▪️ ကင်ဆာဖြစ်စေတဲ့အရာတွေ ထိတွေ့ရခြင်း အဓိကအကြောင်းအရင်းက စားစရာထုပ်ပိုးမှုတွေထဲက ပလတ်စတစ်တွေနဲ့ ဆက်စပ်နေသလို စက္ကူနဲ့ ကတ်ထူပုံးတွေမှာလည်း ကင်ဆာဖြစ်စေနိုင်တဲ့ပစ္စည်း ၈၉ မျိုး တွေ့ရှိထားပါတယ်။

▪️ ထိုထဲက ဓာတုပစ္စည်းအချို့ထဲမှာ PFA ပစ္စည်းများပါဝင်ကာ အထုပ်အပိုး၊ အဝတ်အထည်၊ ကော်ဇော၊ မီးသတ်အမြှုပ်၊ အိမ်သာသုံးစက္ကူတွေမှာ အသုံးများတဲ့ လူလုပ်ဓာတုပစ္စည်းများ ဖြစ်ပါတယ်။

▪️ PFA တွေက မော်လီကျူလာချိတ်ဆက်မှု အားကောင်းပြီး အလွယ်တကူ မပြိုကွဲနိုင်တာကြောင့် လူ့ခန္ဓာကိုယ်ထဲမှာ စုပြုံလာကြပါတယ်။

▪️ စားသောက်ကုန်တွေကို အကဲဖြတ်ဆန်းစစ်မှုများ ပြုလုပ်ဖို့ ကိစ္စရပ်များ ဆွေးနွေးပွဲကို FDA က ဗုဒ္ဓဟူးနေ့မှာ ပြုလုပ်သွားမှာ ဖြစ်ပါတယ်။

#Source: New York Post

၃၀ စက်တင်ဘာ ၂၀၂၄

🔳မြန်မာနိုင်ငံမှာ အွန်လိုင်းလိမ်လည်မှုတွေကျူးလွန်တဲ့ တရုတ်နိုင်ငံသား ခေါင်းဆောင် ၂၀ ဦးကို မြန်မာနိုင်ငံမှ တရုတ်နိုင်ငံသို့ တရုတ်ရဲတွေက ဖမ်းဆီးခေါ်ယူခဲ့တယ်လို့ တရုတ်ပြည်သူ့လုံခြုံရေးဝန်ကြီးဌာနက စက်တင်ဘာ ၂၉ ရက် ပြောကြားတယ်လို့ စီစီတီဗွီသတင်းဌာနက သတင်းထုတ်ပြန်ပါတယ်။
🔳ဒါဟာ တရုတ်နှင့်မြန်မာနှစ်နိုင်ငံအကြား တရားဥပဒေစိုးမိုး‌ရေးပူးပေါင်းဆောင်ရွက်မှု အားကောင်းလာခြင်းရဲ့ ရလဒ် ဖြစ်တယ်လို့လည်း သတင်းကဖော်ပြပါတယ်။
🔳ပြစ်မှုကျူုးလွန်သူတွေဟာ ကာလကြာကတည်းက မြန်မာနိုင်ငံမြောက်ပိုင်းက ကိုးကန့်ဂိုဏ်းအချို့နှင့် ပူးပေါင်းကြံ စည်ပြီး လက်နက်ကိုင်အဖွဲ့များကို ထိန်းချုပ်ရန်၊အီလက်ထရွန်းနစ်လိမ်လည်မှုများကိုဆောင်ရွက်ပြီး တရုတ်နိုင်ငံ သားများအပေါ် အွန်လိုင်းလိမ်လည်မှုတွေ ကျူးလွန်ခဲ့ကြတာဖြစ်တယ်လို့ဆိုပါတယ်။

🔳အာဏာပိုင်တွေဟာ မြန်မာနိုင်ငံမြောက်ပိုင်းက ကိုးကန့်ရာဇဝတ်ဂိုဏ်းတွေကို အပြင်းအထန်နှိမ်နှင်းခဲ့လို့ ရာဇဝတ် ဂိုဏ်းခေါင်းဆောင် ၂၀ ဦးဟာ ရန်ကုန်နှင့်မန္တလေးကို
ထွက်ပြေးခဲ့ကြပါတယ်။
🔳သူတို့ဘယ်မှာရှိနေတယ်ဆိုတဲ့ သတင်းအချက်အလက်များရရှိပြီးနောက် မြန်မာနှင့်တရုတ်ရဲတပ်ဖွဲ့တွေဟာ အလုပ် အစီအစဉ်ကို အသေအချာရေးဆွဲပြီးနောက် သူတို့ကို အောင်မြင်စွာ ဖမ်းဆီးနိုင်ခဲ့ကြတာဖြစ်ပါတယ်။
🔳သူတို့ကို တရုတ်နိုင်ငံသို့ပြန်လည်ခေါ်ဆောင်ပြီးနောက် အမှုတွေကို ဆက်လက်စစ်ဆေးဖော်ထုတ်မယ်လို့လည်း သိရပါတယ်

ယူကရိန်းစစ်ပွဲတွင် ထဲထဲဝင်ဝင်ပတ်သက်နေသည့် အနောက်တိုင်းနိုင်ငံများအား သတိပေးသည့်အနေဖြင့်ရုရှားနျူကလီးယား မူဝါဒလမ်းစဉ်ပြောင်းလဲဖွယ်ရှိ

ရုရှားနျူကလီးယားမူဝါဒလမ်းစဉ် ပြောင်းလဲမှုမှန်သမျှဟာ ရုရှား-ယူကရိန်းပဋိပက္ခမှာ အလွန်အကျွံ ပါဝင်ပတ်သက်နေတဲ့ အနောက်တိုင်းနိုင်ငံတွေအတွက် သတိပေးချက် ဖြစ်လာလိမ့်မယ်လို့ ရုရှားကျွမ်းကျင်သူများက ဆိုပါတယ်။
#World_News
Published 30 September 2024
#ရုရှားနျူကလီးယား #ယူကရိန်းစစ်ပွဲ
#YMG #Yangon_Times #Yangon_Media_Group