#Daily_News
Published 21 April 2026

၁။‌ နိုင်ငံခြားရင်းနှီးမြှုပ်နှံမှုပမာဏသန်း(၄၇၀)ကျော် ဝင်ရောက်ထား

‌‎၂။ ‌‌‌‌‌‌‌‌‌‌‌အိန္ဒိယသို့ မတ်ပဲနှင့်ပဲစင်းငုံတင်ပိုခြင်းကို ၂ဝ၃၀-၂၀၃၁ ဘဏ္ဍာနှစ် အထိ ၅ နှစ်သက်တမ်းတိုးမြှင့်ထား

‎၃။‌‌‎ ‌‌‌‌‌‌‌‌‌တောင်သူလယ်သမားများကို ချေးငွေများတိုးမြှင့်ထုတ်ပေးမည်

‎၄။‎ ‌‌‌‌‌‌‌‌‌မိန်းကလေးမူလတန်းကျောင်းမှအသက်ဆုံးပါးသူများအတွက် အီရန်ဧည့်ခရီးသွားဝန်ကြီးဌာနအောက်မေ့ဖွယ်အခမ်းအနားကျင်းပ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_Health
Published 21 April 2026

■ လေ့ကျင့်ခန်းလုပ်ပြီး ခန္ဓာကိုယ်အချိုးအစားလှချင်သူတွေကြားမှာ အသားဓာတ် (Protein) များများစားတာနဲ့ ဖြည့်စွက်စာ (Supplements) တွေ သောက်တာ တော်တော်လေး ခေတ်စားလာပါတယ်။

■ ပရိုတင်းက ကြွက်သားတွေ ကြီးထွားဖို့နဲ့ ပြန်လည်အားဖြည့်ဖို့ အရေးကြီးပေမဲ့ အလွန်အကျွံ စားသုံးမိရင်တော့ အသည်းကို ထိခိုက်စေနိုင်ပါတယ်။

■ ခန္ဓာကိုယ်ထဲရောက်လာတဲ့ ပရိုတင်းတွေကို အသုံးပြုနိုင်အောင် ဖြိုခွဲပေးပြီး အဆိပ်အတောက်တွေကို ဖယ်ရှားပေးတာက အသည်းဖြစ်လို့ အသည်းကျန်းမာနေဖို့က အရမ်းအရေးကြီးပါတယ်။

■ သာမန်လူတစ်ယောက်အနေနဲ့ တစ်နေ့ကို ကိုယ်အလေးချိန် ၁ ကီလိုဂရမ်မှာ ပရိုတင်း ၁ ဂရမ်ကနေ ၁.၅ ဂရမ်လောက် စားပေးရင် လုံလောက်ပါပြီ။ လိုအပ်လို့ ဖြည့်စွက်စာတွေ (ဥပမာ - နာမည်ကြီး Whey protein သို့မဟုတ် Creatine) သောက်မယ်ဆိုရင်တောင် အလွန်အကျွံ မသောက်ဖို့နဲ့ အရည်အသွေးမမီတဲ့ အတုအပတွေကို သတိထားဖို့ လိုပါတယ်။

■ အထူးသဖြင့် အသည်းရောဂါအခံရှိသူတွေအနေနဲ့ ဆရာဝန်ညွှန်ကြားချက်မပါဘဲ ကိုယ့်သဘောနဲ့ကိုယ် လုံးဝမသောက်သင့်ပါဘူး။

■ ပရိုတင်းစားတာ များသွားရင်ဖြစ်ဖြစ်၊ မသင့်တော်တဲ့ ဖြည့်စွက်စာတွေ သောက်မိရင်ဖြစ်ဖြစ် အသည်းကို ဝန်ပိစေပါတယ်။

■ အကြောင်းရင်းမရှိဘဲ အမြဲတမ်း ပင်ပန်းနွမ်းနယ်နေတာ၊ အစားအသောက်ပျက်တာ၊ အသားဝါ ဒါမှမဟုတ် မျက်လုံးဝါတာ၊ ဆီးအရောင်ရင့်တာနဲ့ ဗိုက်အောင့် ဗိုက်ကယ်တာတွေ ဖြစ်လာပြီဆိုရင်တော့ အသည်းမှာ ပြဿနာရှိနေပြီလို့ သတိထားရပါမယ်။ အဲဒီလို လက္ခဏာတွေပြလာရင် ဆရာဝန်နဲ့ အမြန်ဆုံး ပြသသင့်ပါတယ်။

■ အကောင်းဆုံးကတော့ ပရိုတင်းမှုန့်တွေကိုချည်းပဲ အားမကိုးဘဲ ဥအမျိုးမျိုး၊ ငါး၊ ကြက်သား၊ ပဲ စတဲ့ သဘာဝအစားအစာတွေကနေ လိုအပ်တဲ့ အသားဓာတ်ကို အဓိကထား ရယူသင့်ပါတယ်။

■ ဒါ့အပြင် ရေများများသောက်ဖို့၊ ဖြည့်စွက်စာတွေဝယ်ရင် တံဆိပ်နဲ့ ပါဝင်ပစ္စည်းတွေကို သေချာစစ်ဆေးဖို့နဲ့ ရေရှည်သောက်မယ်ဆိုရင် ကျန်းမာရေးစစ်ဆေးမှုတွေ ပုံမှန်လုပ်ပေးဖို့ လိုအပ်ပါတယ်။ ဒါမှသာ ကိုယ်လိုချင်တဲ့ ကြံ့ခိုင်ရေးရည်မှန်းချက်ကိုရော အသည်းကျန်းမာရေးကိုပါ တစ်ပြိုင်နက်တည်း ရယူနိုင်မှာ ဖြစ်ပါတယ်။

Source NDTV

#World_Health
Published 21 April 2026

■ ကျန်းမာရေးနဲ့ ညီညွတ်စွာ စားသုံးခြင်းက ဦးနှောက်အိုမင်းရင့်ရော်ခြင်းကို နှောင့်နှေးစေပါတယ်။

■ မရှိမဖြစ် အာဟာရဓာတ်တွေကြွယ်ဝတဲ့ အစားအစာတွေက ဦးနှောက်သို့ သွေးရောက်ရှိမှုကောင်းမွန်စေကာ စိတ်အခြေအနေ တိုးတက်စေပါတယ်။

■ မက်ဒီတာရေးနီးယန်း စားသောက်ပုံစံနဲ့ သွေးတိုးတားဆီး စားသောက်ပုံစံ ရောစပ်ထားတဲ့ MIND စားသောက်ပုံစံက ဖိစီးရောင်ရမ်းမှုတွေ လျှော့ချပေးကာ အမိုင်းလွိုက်အနည်တွေ စုပြုံခြင်းမှ လျှော့ချပေးပါတယ်။

■ MIND စားသောက်ပုံစံနဲ့ အနီးစပ်ဆုံး ကျင့်ကြံသူတွေဟာ ဦးနှောက်အိုမင်းရင့်ရော်ခြင်း ၂ နှစ်ခွဲလောက် နှေးစေတာကို လေ့လာတွေ့ရှိခဲ့ကြပါတယ်။

■ အသက်အရွယ် ရလာတဲ့အခါ ဦးနှောက်စွမ်းဆောင်မှုအတွက် အရေးကြီးတဲ့ မီးခိုးရောင်ဦးနှောက်အစိတ်အပိုင်းတွေ ကျုံ့သွားတတ်ပြီး MIND စားသောက်ပုံစံ စားသူတွေမှာတော့ မီးခိုးရောင်သား ဆုံးရှုံးမှု များစွာလျော့နည်းသွားတာ တွေ့ရပါတယ်။

■ ဒါ့အပြင် ဦးနှောက်အခန်းတွေ ကျုံ့သွားခြင်းကိုလည်း လျှော့ချပေးသလို ဓာတ်တိုးဆန့်ကျင်ပစ္စည်းတွေနဲ့ ပရိုးတိန်းတွေက ဦးနှောက်အိုမင်းမှုနှုန်းကို နှောင့်နှေးစေပါတယ်။

■ MIND စားသောက်ပုံစံ စတင်ကျင့်ကြံမယ်ဆိုရင် ပထမဆုံးအနေနဲ့ မက်ဒီတာရေးနီးယန်းနဲ့ သွေးတိုးတားဆီး စားသောက်ပုံစံတို့ ပေါင်းစပ်စားသုံးဖို့ကို နားလည်သင့်ပါတယ်။

■ အစိမ်းရင့်ရောင်အရွက်နဲ့ အခြားဟင်းရွက်များ၊ ဘယ်ရီသီးများ၊ အခွံမာသီးများ၊ အုတ် ဂျုံ ပြောင်း ဆန်၊ ငါး၊ ပဲကြီး၊ သံလွင်ဆီတို့ကို ဦးစားပေးစားသုံးသင့်ပါတယ်။

■ ကျန်းမာရေးနဲ့ မညီညွတ်တဲ့ အစားအစာတွေကို လျှော့ချပြီး ရေဓာတ်ပြည့်ဝအောင် နေထိုင်ရပါမယ်။

■ အချုပ်ဆိုရရင် အာဟာရဓာတ်မြင့်မားသော အစားအစာ၊ ဓာတ်တိုးဆန့်ကျင်ပစ္စည်းများ၊ ကောင်းကျိုးပြုအဆီများ၊ အမျှင်ဓာတ်တို့က ဦးနှောက်အိုမင်းခြင်းကို လျော့နည်းစေပါတယ်။

Source: NDTV.

ဘူမိနိုင်ငံရေးပဋိပက္ခများကြောင့် နိုင်ငံတကာမှာ ရေနံဈေးနှုန်းမြင့်တက်နေရာ တရုတ်လျှပ်စစ်စက်ဘီးတွေ ဈေးကွက်မှာနေရာရလာပါတယ်။

#World_Business
Published 20 April 2026
#တရုတ်လျှပ်စစ်ဘီး
#YMG #Yangon_Times #Yangon_Media_Group

#Local_News
Published 20 April 2026

■ သရုပ်ဆောင် အကယ်ဒမီ ခိုင်နှင်းဝေက ခိုကိုးရာမဲ့ သက်ကြီးရွယ်အို အဘိုးအဘွားများ အတွက် “ခိုင်နှင်းဝေ ဘိုးဘွားရိပ်သာ” ကို မန္တလေးမြို့၌ တည်ထောင်ဖွင့်လှစ်သွားမည်ဖြစ်ကြောင်း သိရသည်။

■ အဆိုပါ ကိစ္စရပ်နှင့်ပတ်သက်ပြီး ခိုင်နှင်းဝေက “အားလုံးပဲ မင်္ဂလာပါရှင်…“ခိုင်နှင်းဝေ ဖောင်ဒေးရှင်း” က မကြာမီလပိုင်းအတွင်း ခိုကိုးရာမဲ့သော၊ ဂီလာနဘိုးဘွားတွေအတွက် “ခိုင်နှင်းဝေ ဘိုးဘွားရိပ်သာ”ကို မန္တလေးမြိုမှာ တည်ထောင်ဖွင့်လှစ်ဖြစ်ပါမယ်ရှင့်။ အမှန်တကယ် ခိုကိုးစရာမဲ့နေတဲ့ ဘိုးဘွားတွေလျှောက်လွှာတွေတင်ပေးလို့ရပါတယ်”အသိပေးပြောကြားထားသည်။

■ “ခိုင်နှင်းဝေ ဘိုးဘွားရိပ်သာ” တွင် လျှောက်လွှာတင်ထားသည့် ခိုးကိုးရာမဲ့ ဘိုးဘွားများကို သေချာ စိစစ်စောင့်ရှောက်ပေးသွားမည် ဖြစ်ပြီး မိမိပတ်ဝန်းကျင်တွင် အမှန်တ ကယ် ခိုကိုးရာမဲ့သော ဘိုးဘွားများအတွက်လည်း Viber ဖုန်းနံပါတ် 09 793 842 208 ကိုဆက်သွယ်ပေးနိုင်ကြောင်းသိရသည်။

■ ပရဟိတမင်းသမီးအဖြစ် နာမည်ကြီးသည့် ခိုင်နှင်းဝေအနေဖြင့် လက်ရှိတွင် ခိုင်နှင်းဝေ ရင်သွေးလေးများဂေဟာကို တည်ထောင်ထားရှိကာ မိဘမဲ့ကလေးငယ်များအား ကယ်တင်စောင့်ရှောက်လျှက်ရှိကြောင်း သိရသည်။

#YMG/SW #Yangon_Times

#World_News
Published 20 April 2026

■ ပိတ်ဆို့တားဆီးထားတဲ့ကြားထဲက ဖြတ်ပြေးဖို့ကြိုးစားတဲ့ အီရန်ကုန်တင်သင်္ဘောတစ်စင်းကို အမေရိကန်က ဖမ်းဆီးလိုက်တယ်လို့ တနင်္ဂနွေနေ့က ပြောပါတယ်။

■ အီရန်ကလည်း လက်တုံ့ပြန်မယ်လို့ ပြောလိုက်ကာ နှစ်နိုင်ငံကြား အပစ်အခတ်ရပ်စဲရေးက ၂ ရက်တောင် ခံနိုင်ဖွယ်မရှိပါဘူး။

■ အပစ်အခတ်ရပ်စဲရေး သက်တမ်းမကုန်ခင် အမေရိကန်က နောက်ထပ်ညှိနှိုင်းလိုပေမယ့် အီရန်ကတော့ ပါဝင်သွားဖွယ် မရှိဘူးလို့ ဆိုထားတာကြောင့် ဒေသတွင်းငြိမ်းချမ်းရေး တာရှည်ခံအောင် ကြိုးပမ်းအားထုတ်နေတာတွေ မရေမရာ ဖြစ်လာနိုင်ပါတယ်။

■ သင်္ဘောလမ်းကြောင်း ကြာရှည်ပိတ်ဆို့ခံထားရတာကြောင့် ကမ္ဘာ့ရေနံဈေး ဆက်လက်မြင့်တက်နေနိုင်ပါတယ်။

■ အမေရိကန်က အီရန်ဆိပ်ကမ်းတွေကို ဆက်လက်ပိတ်ဆို့ထားသလို အီရန်ကလည်း ဟော်မုဇ်ရေလက်ကြား ဖြတ်သန်းမှုတွေကို ပြန်လည်ပိတ်ဆို့လိုက်ပါတယ်။

■ အီရန်အလံထူထားတဲ့ ကုန်တင်သင်္ဘောတစ်စင်းကို အမေရိကန်စစ်တပ် ပစ်ခတ်ခဲ့ပြီး လုံးဝထိန်းသိမ်းလိုက်ကာ ဘာတွေပါလာလဲဆိုတာ စစ်ဆေးနေတယ်လို့ သမ္မတ ဒေါ်နယ်ထရမ့်က ဆိုရှယ်မီဒီယာမှာ ဖော်ပြထားပါတယ်။

■ အမေရိကန်တပ်ရဲ့ လက်နက်ပြအနိုင်ကျင့်ခြင်းကို အီရန်အစ္စလာမ်တပ်တွေက လက်တုံ့ပြန်သွားမယ်လို့ အီရန်တပ်မတော်မှ ပြောရေးဆိုခွင့်ရှိသူ ပြောပါတယ်။

■ ပါကစ္စတန်က ငြိမ်းချမ်းရေးဆွေးနွေးမှုတွေ ပြင်ဆင်နေပေမယ့် အစ္စလာမာဘက်မှာ လုံခြုံရေးတင်းကြပ်မှုတွေ မြှင့်တင်ထားတဲ့ကြားက သံတမန်ရေးရာ ဆွေးနွေးမှုအခြေအနေတွေ မရေမရာ ဖြစ်နေပါတယ်။

Source: Reuters

မြန်မာနိုင်ငံဆောက်လုပ်ရေးလုပ်ငန်းရှင်များအသင်းချုပ် (𝐌𝐂𝐄𝐅) ရဲ့နှစ်(၃၀) ပြည့် ပုလဲရတုအထိမ်းအမှတ်အဖြစ်ကုန်စည်ပြပွဲကြီး တစ်ခုကိုပြုလုပ်သွားမယ်လို့သိရပါတယ်။

#Local_News
Published 20 April 2026
#𝐌𝐂𝐄𝐅
#YMG/SW #Yangon_Times

မကွေးတိုင်းဒေသကြီး၊ မင်းဘူး(စကု)မြို့နယ်ရှိ မန်းရွှေစက်တော်ရာဘုရား ဗုဒ္ဓပူဇနိယပွဲတော်ကာလအတွင်း ဘုရားဖူးရဟန်းရှင်လူ ပြည်သူနှစ်သိန်း ကျော် လာရောက်ဖူးမျှော်ခဲ့ကြတယ်လို့ မန်းရွှေစက်တော်ဘုရား ဂေါပကအဖွဲ့က သိရပါတယ်။

#Local_News
Published 20 April 2026
#မန်းရွှေစက်တော်ဘုရားပွဲ #မကွေးတိုင်းဒေသကြီး
#YMG/NN #Yangon_Times

စားသုံးသူကာကွယ်ရေးလုပ်ငန်းများဖြစ်သည့် ဈေးကွက်စောင့်ကြည့်စစ်ဆေးလုပ်ငန်းများဆောင်ရွက်ရာတွင် ယခုဘဏ္ဍာနှစ်တွင် ကုန်စည်(၁၀)မျိုးကို ဦးစားပေးစစ်ဆေးသွားမှာဖြစ်တယ်လို့ စားသုံးသူရေးရာဦးစီးဌာနမှ သိရပါတယ်။

#Local_News
Published 20 April 2026
#ကုန်စည်
#YMG/SW #Yangon_Times

အထူးသက်သာတဲ့ဈေးနဲ့ဓာတ်မြေဩဇာတွေကို နေပြည်တော်ကောင်စီနယ်မြေအတွင်း ကျေးရွာ ၆ ရွာရှိ တောင်သူတွေထံ တိုက်ရိုက်ဖြန့်ဖြူး ရောင်းချပေးခဲ့တယ်လို့ စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာနက သိရပါတယ်။

#Local_News
Published 20 April 2026
#ဓာတ်မြေဩဇာ
#YMG/NN #Yangon_Times

#Daily_News
Published 20 April 2026

၁။‌ 𝐌𝐂𝐄𝐅 နှစ်(၃၀) ပြည့် ပုလဲရတုအထိမ်းအမှတ်ကုန်စည်ပြပွဲပြုလုပ်မည်

‌‎၂။ ‌‌‌‌‌‌‌‌‌‌‌မန်းရွှေစက်တော်ဘုရားပွဲကာလအတွင်း ဘုရားဖူးနှစ်သိန်းကျော် လာရောက်ဖူးမျှော်ခဲ့

‎၃။‌‌‎ ‌‌‌‌‌‌‌‌‌ဈေးကွက်စောင့်ကြည့်စစ်ဆေးခြင်းလုပ်ငန်းစဉ်တွင် ကုန်စည်(၁၀)မျိုးကို ဦးစားပေးစစ်ဆေးမည်

‎၄။‎ ‌‌‌‌‌‌‌‌‌စစ်ပွဲပဋိပက္ခများကြောင့်ရေနံဈေးနှုန်းမြင့်တက်ရာကနေ တရုတ်လျှပ်စစ်ဘီးများပိုမိုရောင်းချလာရ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 20 April 2026

■ မြန်မာ-ရုရှား-တရုတ် သုံးနိုင်ငံပူးပေါင်း၍ စွမ်းအင်လုံခြုံရေးနှင့် စွမ်းအင်ဖူလုံရေး ဆောင်ရွက်သွားမည့် အစီအမံများအား ဆွေးနွေးခဲ့ကြောင်းသိရသည်။

■ လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင်သည် ရုရှားဖက်ဒရေးရှင်းနိုင်ငံ သမ္မတ၏အကြံပေးပုဂ္ဂိုလ် H.E. Mr. Anton Kobyakov နှင့် ရုရှားဖက်ဒရေးရှင်းနိုင်ငံ စွမ်းအင်ဝန်ကြီး H.E. Mr. S.E.Tsivilev တို့၏ဖိတ်ကြားမှုအရ မြန်မာနိုင်ငံနှင့် ရုရှားနိုင်ငံတို့အကြား လျှပ်စစ်နှင့်စွမ်းအင်ကဏ္ဍ ပူးပေါင်းဆောင်ရွက်မှုကိုမြှင့်တင်နိုင်ရန် ဧပြီ ၁၂ ရက်မှ ၁၉ ရက်အထိ ရုရှားဖက်ဒရေးရှင်းနိုင်ငံနှင့် တရုတ်နိုင်ငံတို့သို့သွားရောက်ခဲ့ပြီး ယမာန်နေ့မွန်းလွဲပိုင်းက မန္တလေးအပြည်အပြည်ဆိုင်ရာလေဆိပ်သို့ ပြန်လည်ရောက်ရှိသည်။

■ အဆိုပါ ခရီးစဉ်အတွင်း ပြည်ထောင်စုဝန်ကြီးသည် နိုင်ငံအကြီးအကဲများနှင့် ဒေသဆိုင်ရာအကြီးအကဲများ၊ လျှပ်စစ်နှင့်စွမ်းအင်ကဏ္ဍနှင့်သက်ဆိုင်သည့် အဖွဲ့အစည်းအသီးသီးမှ တာဝန်ရှိသူများနှင့်တွေ့ဆုံ၍ မြန်မာ-ရုရှား-တရုတ် သုံးနိုင်ငံပူးပေါင်း၍ စွမ်းအင်လုံခြုံရေးနှင့် စွမ်းအင်ဖူလုံရေးဆောင်ရွက်သွားမည့် အစီအမံများအားဆွေးနွေးခြင်း၊ မြန်မာနိုင်ငံအတွက် ရေနံနှင့်‌ ရေနံထွက်ပစ္စည်းများအား ရေရှည်ဖြည့်ဆည်းပေးနိုင်ရန် သဘောတူညီမှုလက်မှတ်ရေးထိုးခြင်းတို့ကို ဆောင်ရွက်နိုင်ခဲ့ကြောင်း သိရသည်။

#YMG/NN #Yangon_Times