#Local_News
Published 27 September 2024

▪️ ရန်ကုန်- မန္တလေး အမြန်လမ်းမကြီးတွင် ကုန်စိမ်းတင်လာသည့် စကားဝါမြေခရီးသည် ယာဉ်တိမ်းမှောက် မြန်မာနိုင်ငံမီးသတ်တပ်ဖွဲ့မှ သိရသည်။

▪️ စက်တင်ဘာ ၂၇ရက်နေ့၊ မနက် ၅နာရီ  ၅၅မိနစ်  အချိန်ခန့်က  ရန်ကုန်- မန္တလေး အမြန်လမ်းမကြီး၊ မိုင်တိုင်အမှတ် ၅၇/၄နှင့် ၅၇/၅ ကြားတွင် ကုန်စိမ်းများ တင်ဆောင်လာသော စကားဝါမြေ ခရီးသယ်ယာဉ်တိမ်းမှောက်နေကြောင်း သိရသည်။

▪️ အဆိုပါ  သတင်းရရှိသဖြင့် ဘောနီအမြန်လမ်းမီသတ်စခန်းမှ မီးငြှိမ်းသတ်ယာဉ်(၁)စီး၊ ရှာဖွေကယ်ဆယ်ရေးတပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ သွားရောက်ကူညီဆောင်ရွက်ခဲ့ ကြောင်း သိရသည်။       

▪️ အဆိုပါဖြစ်စဉ်ကြောင့် ယာဉ်ပေါ်ပါ ယာဉ်မောင်း ကျား(၁)ဦး (ဦးခေါင်းနောက်စေ့ ထိခိုက်ဒဏ်ရာမစိုးရိမ်ရ)နှင့် ယာဉ်နောက်လိုက် ကျား(၂)ဦး ထိခိုက်ဒဏ်ရာရရှိမှုမရှိကြောင်း သိရသည်။

#YMG/NN #Yangon_Times

#World_News
Published 27 September 2024

▪️ လက်ဘနွန်မှ ဟက်ဇ်ဘိုလာအဖွဲ့နဲ့ ပစ်ခတ်မှုများ ရပ်စဲရန် တစ်ကမ္ဘာလုံးမှ တောင်းဆိုချက်တွေကို အစ္စရေးလ်က ကြာသပတေးနေ့မှာ ငြင်းပယ်လိုက်ကာ အနီးစပ်ဆုံးမဟာမိတ် အမေရိကန်ကို အာခံတဲ့သဘောဖြစ်ပြီး လက်ဘနွန်ကို ဆက်လက်တိုက်ခိုက်လျက်ရှိရာ ဒေသတွင်း စစ်ပွဲဖြစ်လာမှာ စိုးရိမ်နေရပါတယ်။

▪️ အစ္စရေးလ်က ဒီလိုငြင်းပယ်လိုက်ပေမယ့် အမေရိကန်နဲ့ ပြင်သစ်တို့ကတော့ ယင်းတို့ကမ်းလှမ်းထားတဲ့ ၂၁ ရက်တာ ငြိမ်းချမ်းရေးအစီအစဉ်ကို ဆက်လက်ဆောင်ရွက်ရန် ကြိုးပမ်းနေပြီး ကုလသမဂ္ဂ အစည်းအဝေးပြီးနောက် ညှိနှိုင်းမှုများ ဆက်လက်ပြုလုပ်သွားမယ်လို့ ဆိုပါတယ်။

▪️ လက်ဘနွန်မြို့တော် ဘိုင်ရုအစွန်အဖျားကို အစ္စရေးလ်စစ်လေယာဉ်တစ်စင်း ပစ်ခတ်ခဲ့ရာ လူ ၂ ဦးသေဆုံးပြီး ၁၅ ဦးဒဏ်ရာရကာ အမျိုးသမီးတစ်ဦး အရေးပေါ်ဖြစ်နေပါတယ်။

▪️ ပစ်ခတ်မှုကြောင့် ဟက်ဇ်ဘိုလာ လေတပ်အဖွဲ့တစ်ဖွဲ့မှ အကြီးအကဲဖြစ်သူ မိုဟာမက်ဆူရာ သေဆုံးခဲ့ကြောင်း ဟက်ဇ်ဘိုလာဘက်က ပြောပါတယ်။

▪️ လက်ဘနွန်နဲ့ ထိစပ်နေတဲ့ အစ္စရေးလ်ဘက်ခြမ်းနယ်စပ်တစ်ခုမှာ မြေပြင်ကျူးကျော်မှုပုံစံမျိုး ဖန်တီးကာ လေ့ကျင့်နေကြပါတယ်။

▪️ အစ္စရေးလ်လေတပ်က မြေပြင်စစ်ဆင်ရေးဖြစ်တဲ့အခါ တပ်သားတွေကို ကူညီရန် စီစဉ်နေပြီး အီရန်ဘက်မှ ဝင်လာမယ့်တပ်တွေကို တားဆီးသွားမှာ ဖြစ်ကြောင်း လေတပ်ဗိုလ်ချုပ် တိုမာဘားက ကြာသပတေးနေ့မှာ ပြောသွားပါတယ်။

▪️ အစ္စရေးလ်က မြောက်ပိုင်းကို လုံခြုံအောင်ထားပြီး ဟက်ဇ်ဘိုလာတို့ စတင်တိုက်ခိုက်ကတည်းက ထွက်ပြေးတိမ်းရှောင်နေရတဲ့ အရပ်သားထောင်ချီ ပြန်လာနိုင်စေရန် ကတိပြုထားပါတယ်။

▪️ လက်ဘနွန်ဟာ အခုဆိုရင် နိုင်ငံရပ်တည်မှု ခြိမ်းခြောက်ခံနေရလောက်တဲ့ ပြဿနာ ကြုံတွေ့နေရတယ်လို့ လက်ဘနွန် နိုင်ငံခြားရေးဝန်ကြီး အက်ဗ်ဒဲလာဘိုဟာဘစ်က ကုလအထွေထွေညီလာခံမှာ ပြောသွားပါတယ်။

▪️ အိမ်ဖြူတော် ပြောရေးဆိုခွင့်ရှိသူ ဂျွန်ကာဘီက အစ္စရေးလ်ကို အပစ်အခတ်ရပ်စဲရေး တင်ပြချက်နဲ့ ပတ်သက်ပြီး အပြည့်အစုံ အသိပေးထားကြောင်း၊ အစ္စရေးလ်အနေနဲ့ ဒါကို လေးလေးနက်နက် စဉ်းစားမယ်လို့ မဟာမိတ်တွေ မျှော်လင့်ကြောင်း ပြောသွားပါတယ်။

▪️ ပြင်သစ်သမ္မတ မက်ခရွန်က အဆိုပါ တင်ပြချက် လက်ခံသွားဖို့ကို တတ်နိုင်သမျှ လုပ်ဆောင်သွားမယ်လို့ ပြောပါတယ်။

#Source: Reuters

#World_Health
Published 27 September 2024

▪️ အိုမီဂါ-၃ ဖြည့်စွက်ဆေးတွေဟာ သွေးတွင်းအဆီဓာတ် များတဲ့သူတွေမှာ နှလုံးခုန်မမှန်ခြင်း ဖြစ်နိုင်ခြေ များစေတယ်လို့ ဥရောပနှလုံးအဖွဲ့အစည်းက ဆန်းစစ်တွေ့ရှိထားပါတယ်။

▪️ လက်ရှိမှာတော့ သွေးရည်ကြည် ထရိုင်ဂလစ်ဆရိုက်များနေတဲ့ လူနာတွေမှာ နှလုံးသွေးကြော အန္တရာယ်လျော့နည်းအောင် ငါးကြီးဆီဖြည့်စွက်ဆေးတွေ ညွှန်းပေးနေကြကြောင်း အမေရိကန် ဗာဂျီးနီးယားကွန်မန်းဝဲ့လ်တက္ကသိုလ်မှ ဒေါက်တာ ဆယ်ဗေတိုကာဘိုနေးက ပြောပါတယ်။

▪️ လက်တွေ့စမ်းသပ်ချက်အချို့အရ အိုမီဂါ-၃ ဖက်တီးအက်ဆစ်တွေဟာ ပုံမှန်မဟုတ် နှလုံးခုန်မြန်ခြင်း အန္တရာယ်များစေတာနဲ့ ဆက်စပ်နေပါတယ်။

▪️ ဒီလိုအခြေအနေ ရှိသူတွေဟာ လေဖြတ်နိုင်ခြေ ၅ ဆပိုများပါတယ်။

▪️ အိုမီဂါ-၃ ဖက်တီးအက်ဆစ် ဖော်စပ်မှုအမျိုးမျိုးကို ပမာဏအမျိုးမျိုးဖြင့် စမ်းသပ်ခဲ့ကြပါတယ်။
လူနာပေါင်း ၅၀၂၇၇ ဦးကို ငါးကြီးဆီပေးတဲ့ အဖွဲ့နဲ့ အာနိသင်မရှိတဲ့ဆေး ပေးတဲ့အဖွဲ့ဆိုပြီး ခွဲခြားကာ ၂ နှစ်မှ ၇.၄ နှစ်ကြား စောင့်ကြည့်ခဲ့ကာ ငါးကြီးဆီကို တစ်နေ့ ၀.၈၄ ဂရမ်မှ ၄ ဂရမ်ကြား ပေးခဲ့ပါတယ်။

▪️ ထိုအခါမှာ အိုမီဂါ-၃ ဖက်တီးအက်ဆစ် ဖြည့်စွက်ဆေးသုံးသူတွေက အာနိသင်မရှိတဲ့ဆေးပေးသူတွေနဲ့ ယှဉ်ရင် ပုံမှန်မဟုတ် နှလုံးခုန်မြန်ခြင်း သိသိသာသာ ပိုများနေခဲ့ပါတယ်။

▪️ ဒါကြောင့် ငါးကြီးဆီက နှလုံးသွေးကြောရောဂါ အန္တရာယ်များသူတွေမှာ ပုံမှန်မဟုတ် နှလုံးခုန်မြန်ခြင်းအန္တရာယ် သိသိသာသာ များတယ်လို့ ယူဆရကြောင်း ဒေါက်တာ ကာဘိုနေးက ပြောသွားပါတယ်။

#Source: DoctorNDTV

#Local_News
Published 27 September 2024

▪️ ပို့ကုန်ရငွေများပြန်လည်သွင်းပြီးဖြစ်၍ ကုမ္ပဏီ (၅၉)ခုကို အမည်ပျက်စာရင်း(အမည်မည်းစာရင်း)မှ ပယ်ဖျက်လိုက်ကြောင်း မြန်မာနိုင်ငံတော်ဗဟိုဘဏ်၏ ထုတ်ပြန်ချက်အရ သိရသည်။

▪️ ဗဟိုဘဏ်အနေဖြင့်(၂၀၁၉)ခုနှစ်တွင် ပို့ကုန်တင်ပို့ခဲ့ပြီး ပို့ကုန်ရငွေ ပြန်လည်ဝင်ရောက်ခြင်းမရှိသော ကုမ္ပဏီ (၁၃၇)ခုကို နိုင်ငံခြားသုံးငွေစီမံခန့်ခွဲမှုဥပဒေအရ အမည်မည်း စာရင်းသွင်းပြီးအရေးယူဆောင်ရွက်ခဲ့ခြင်းဖြစ်သည်။

▪️ အရေးယူခံရသည့် ကုမ္ပဏီ (၁၃၇)ခုအနက် ကုမ္ပဏီ (၅၉)ခုတွင် ပို့ကုန်ရငွေ အပြည့်အဝပြန်လည်ဝင်ရောက်ပြီးဖြစ်‌သောကြောင့် အဆိုပါကုမ္ပဏီ (၅၉)ခုနှင့်ပူးတွဲဖော်ပြထားသည့် ကုမ္ပဏီများ၏ဒါရိုက်တာအဖွဲ့ဝင်မျာစကို  မြန်မာနိုင်ငံတော်ဗဟိုဘဏ်၏ အမည်မည်းစာရင်းမှ ပယ်ဖျက်လိုက်ပြီးပယ်ဖျက်လိုက်သည့် ကုမ္ပဏီများစာရင်းကို စက်တင်ဘာလ (၂၇)ရက်ထုတ်နိုင်ငံပိုင်သတင်းစာ၌ ဖော်ပြထားကြောင်း  သိရသည်။

#YMG/tthl #Yangon_Times

#World_Health
Published 27 September 2024

▪️ အကြားအာရုံ ပြတ်သားစွာ ကြားဖို့က ဘဝမှာ အရေးကြီးပြီး အကြားအာရုံ ဆုံးရှုံးတာကို မကုသဘဲထားလိုက်ရင် စိတ်ပိုင်းဆိုင်ရာ ပြဿနာတွေနဲ့ ယုံကြည်မှု ဆုံးရှုံးခြင်းတို့ ဖြစ်လာနိုင်ပါတယ်။
နားတွေကို မထိခိုက်အောင် ကာကွယ်ရမယ့် နည်းလမ်းတွေကို ပညာရှင်တစ်ဦးက အကြံပြုသွားပါတယ်။

(၁) နားဆို့အမြဲဆောင်ထားပါ
▪️ အလွန်ဆူညံတဲ့ နေရာရောက်သွားတယ်ဆိုရင် နားကို အဆင်သင့်ဆို့နိုင်အောင် နားဆို့လေးတွေ ဆောင်ထားသင့်တယ်လို့ နားနှာခေါင်းလည်ချောင်း တွဲဖက်ပရော်ဖက်ဆာ ဒေါက်တာ ဒန်နီယဲလ်ဂျေသန်နာမက်စ်က ပြောပါတယ်။

▪️ အဆင်သင့် ဆောင်ထားပါမှ မမျှော်လင့်တဲ့ အခြေအနေမျိုးမှာ နားကို ကာကွယ်နိုင်မယ်လို့ အကြံပြုထားပါတယ်။

(၂) လေယာဉ်စီးချိန် အသက်ရှူလမ်းကြောင်း ပိတ်မနေပါစေနှင့်
▪️ ဒေါက်တာ ဘရက်ဒ်လေဘလော့က အသက်ရှူလမ်းကြောင်း ပိတ်ဆို့နေတဲ့အချိန်မှာ ဘယ်တော့မှ လေယာဉ်မစီးပါဘူး။

▪️ စီးရမယ်ဆိုရင်လည်း နားနှာခေါင်းလမ်းကြောင်း ရှင်းလင်းစေမယ့် ဆေးအသုံးပြုတယ်လို့ ဆိုပါတယ်။

(၃) အကြားအာရုံ ပြဿနာရှိသည်ကို ချက်ချင်းသိပါ
▪️ အကြားအာရုံ ဆုံးရှုံးပြောင်းလဲလာတာကို သိတာနဲ့ ဆေးကုသမှုခံယူသင့်ပါတယ်။

▪️ အကြားအာရုံပြဿနာကို မကုသဘဲထားပါက စိတ်ဓာတ်ကျခြင်း၊ စိုးရိမ်ပူပန်ခြင်း၊ အထီးကျန်ခြင်း၊ ထိခိုက်လွယ်ခြင်းတို့ ဖြစ်လာနိုင်ပါတယ်။

(၄) နားကြပ်ဖြင့်သီချင်းအကျယ်ကြီး နားမထောင်ပါနှင့်
▪️ နားကြပ်ပစ္စည်း နောက်ဆုံးထွက်အချို့က အသံကန့်သတ်ချက် ပါဝင်တာကြောင့် နားမထိခိုက်စေပေမယ့် နားကြပ်ဖြင့် သီချင်းအကျယ်ကြီး နားထောင်ပါက နားကိုအန္တရာယ်ရှိစေပါတယ်။

(၅) နားကိုသန့်ရှင်းရေး မလုပ်ပါနှင့်
▪️ နားရွက်က သူ့ဘာသာ သန့်ရှင်းနိုင်ပြီး နားထဲက နားဖာချေးဆိုတာက နားထဲရေမဝင်အောင် ကာကွယ်ပေးတဲ့ အရာဖြစ်ကာ ဒါကိုဖယ်ရှားလိုက်ရင် ရေဒဏ်ထိခိုက်နိုင်ပါတယ်။

▪️ နားကြပ်တံတွေက နားအတွင်းသားကို ကုတ်ဖဲ့သလိုဖြစ်ပြီး နားစည်ထိခိုက်နိုင်တယ်လို့ ဒေါက်တာ တိုနီယာဖားမားက ပြောပါတယ်။

#Source: New York Post

Nay Pyi Taw , September 26, 2024

The ruling body of Myanmar, the State Administration Council (SAC), has urged organizations opposing the state to abandon violence and pursue political engagement instead, seeking solutions to political issues through electoral channels.

The statement published on September 26 made an offer that could pave the way for political dialogue.

The statement reads: "In light of the suffering and losses caused by armed conflict and violence within the nation, and to achieve lasting peace and development together with the people, we call on the armed groups opposing the state, including ethnic armed organizations, residual violent groups, and the PDF, to abandon the path of armed conflict. We invite them to pursue a political route, whether through party politics or electoral processes, to resolve political issues through political means."

The statement noted that the process of collecting census data to ensure the accuracy of the voter list for the upcoming multi-party general elections will commence on October 1. This period will also be dedicated to preparations and efforts to ensure a smooth electoral process.

The SAC's announcement indicates that the Tatmadaw (military) has formed the State Administration Council in line with the constitutional framework, ensuring balanced representation of both military and civilian members. Additionally, it has established and is actively implementing a roadmap and objectives.

"The SAC aims to conduct free and fair multi-party democratic elections and transfer power to the resulting government. However, the decision of certain individuals and groups to pursue armed conflict and violence instead of resolving political issues peacefully has resulted in significant losses in human resources, essential infrastructure, and the well-being of citizens. This situation has severely undermined national stability, peace, and development," the statement said.

#ymg/kml

၂၆ စက်တင်ဘာ ၂၀၂၄

နိုင်ငံတော်ကို ဆန့်ကျင်တိုက်ခိုက်နေသည့် အဖွဲ့အစည်းများ အကြမ်းဖက်လမ်းစဉ်ကိုစွန့်လွှတ်ကာ ပါတီနိုင်ငံ‌ရေး လမ်းကြောင်း၊ရွေးကောက်ပွဲလမ်းကြောင်းများမှ နိုင်ငံရေးပြဿနာကို နိုင်ငံရေးနည်းလမ်းဖြင့်ဖြေရှင်းရေး နစက က ကမ်းလှမ်းဖိတ်ခေါ်လိုက်ပါတယ်။

စက်တင်ဘာ ၂၆ ရက် ရက်စွဲဖြင့်ထုတ်ပြန်လိုက်တဲ့ နစကရဲ့ ကြေညာချက်မှာ ယင်းကဲ့သို့ ကမ်းလှမ်းလိုက်တာ ဖြစ်ပါတယ်။

“ လက်နက်ကိုင်လမ်းစဉ် နှင့်အကြမ်းဖက်လမ်းစဉ်တို့ကြောင့် နိုင်ငံတော်တွင်ဖြစ်ပေါ်ခဲ့ရသည့် ဆုံးရှုံးနစ်နာမှုများကို ထောက်ရှု၍ ထာဝရငြိမ်းချမ်းရေးနှင့် ဖွံ့ဖြိုးတိုးတက်ရေးကို ပြည်သူများနှင့်အတူ လက်တွဲဖော်ဆောင်နိုင်ရန် အလို့ငှာ နိုင်ငံတော်အား ဆန့်ကျင်တိုက်ခိုက်နေသည့် တိုင်ရင်းသားလက်နက်ကိုင်အဖွဲ့ အစည်းများ၊ အကြမ်းဖက်  သောင်းကျန်သူအဖွဲ့ အစည်းများ၊ အကြမ်းဖက် PDF အဖွဲ့များအနေဖြင့် လက်နက်ကိုင် အကြမ်းဖက်တိုက်ခိုက်သည့် လမ်းစဉ်ကို စွန့်လွှတ်ကာ ပါတီနိုင်ငံရေးလမ်းကြောင်းဖြင့်သော်လည်း ကောင်း၊ ရွေးကောက်ပွဲလမ်းကြောင်းမှ  သော်လည်းကောင်း နိုင်ငံရေးပြဿနာကို နိုင်ငံရေး နည်းလမ်းဖြင့် ဖြေရှင်းနိုင်ရေး ဆက်သွယ်ဆောင်ရွက်နိုင်ပါရန် ကမ်းလှမ်းဖိတ်ခေါ်အပ်ပါသည်။" လို့ ကြေညာချက်မှာ ဖော်ပြထားပါတယ်။

Òယနေ့အချိန်တွင် ကျင်းပရန်ရှိသည့် ပါတီစုံဒီမိုကရေစီအထွေထွေရွေးကောက်ပွဲအတွက် မဲစာရင်းမှန်ကန်မှုကို အထောက်အကူပြုစေမည့် သန်းခေါင်စာရင်းကောက်ယူခြင်းကို အောက်တိုဘာလ(၁)ရက်နေ့တွင် စတင်ကောက်  ယူတော့မည်ဖြစ်ပြီး ရွေးကောက်ပွဲအတွက် ကြိုတင်ပြင်ဆင်မှ လုပ်ငန်းစဉ်များကို အားသွန်ခွန်စိုက်ဆောင်ရွက် နေချိန်လည်းဖြစ်သည်Ó လို့လည်း နစကရဲ့ကြေညာချက်ကဆိုပါတယ်။

တပ်မတော်သည် ဖွဲ့စည်းပုံအခြေခံဥပဒေနှင့်အညီ နိုင်ငံတော်စီမံအုပ်ချုပ်ရေးကောင်စီ ကို စစ်ဘက်၊ အရပ်ဘက် မျှတစွာဖွဲ့စည်း၍ ရှေ့လုပ်ငန်းစဉ်နှင့် ဦးတည်ချက်များ ချမှတ်ဆောင်ရွက်ခဲ့တယ်လို့လည်း နစကရဲ့ သတင်းထုတ်ပြန်ပါတယ်။

Òနစကရဲ့အန္တိမရည်မှန်းချက်ဖြစ်သည့် လွတ်လပ်ပြီးတရားမျှတသော ပါတီစုံဒီမိုကရေစီအထွေထွေ ရွေးကောက်  ပွဲကျင်းပ၍ ထွက်ပေါ်လာသည့် အစိုးရအား နိုင်ငံတော်အာဏာလွှဲအပ်ရေးကို မမှိတ်မသုန် ဦးတည်ဆောင်ရွက် နေသော်လည်း နိုင်ငံရေး ပြဿနာကို နိုင်ငံရေးနည်းလမ်းဖြင့် ဖြေရှင်းခြင်းမပြုဘဲ လက်နက်ကိုင်လမ်းစဉ်၊ အကြမ်းဖက်လမ်းစဉ်တို့ဖြင့် လက်နက်စွဲကိုင် အကြမ်းဖက်တိုက်ခိုက်သည့် နည်းလမ်းကို ရွေးချယ်အသုံးပြုခဲ့ကြသည့် လူပုဂ္ဂိုလ်၊ အဖွဲ့အစည်းများကြောင့် နိုင်ငံတော်၏ လူသား အရင်းအမြစ်များ၊ နိုင်ငံတော်၏ အခြေခံအဆောက် အအုံများ၊ ပြည်သူတို့၏အသက်အိုးအိမ် စည်းစိမ်များ ဆုံးရှုံးရမှုများစွာ ဖြစ်ပေါ်ခဲ့ရသည့်အပြင် နိုင်ငံတော်တည်ငြိမ်   အေးချမ်းရေးနှင့် ဖွံ့ဖြိုး တိုးတက်ရေး ကိုများစွာအဟန့်အတားဖြစ်စေခဲ့ရတယ်Ó လို့ ကြေညာချက်မှာ ဖော်ပြ ထားပါတယ်။

#ymg/knl

အမေရိကန်၌အတိုးနှုန်းများလျှော့ချသွားသော်လည်း ပြည်သူအများစုစားဝတ်နေရေးကြပ်တည်းနေဆဲ

အမေရိကန်မှာငွေကြေးဖောင်းပွမှုပြဿနာပြေလျော့လာပြီလို့ ယူဆပြီးတော့ အတိုးနှုန်းတွေကို လျှော့ချလိုက်ပါတယ်။
#World_Business
Published 26 September 2024
#အမေရိကန် #အတိုးနှုန်းများလျှော့ချ
#YMG #Yangon_Times #Yangon_Media_Group

၂၆ စက်တင်ဘာ ၂၀၂၄

ယူကရိန်းအတွက် အမေရိကန်ရဲ့ ဒေါ်လာ ၈ ဘီလီယံကျော်ဖိုးရှိတဲ့ စစ်ရေးအထောက်အပံ့ကို သမ္မတ ဂျိုး ဘိုင်ဒင်က စက်တင်ဘာ ၂၆ ရက်နေ့မှာ ကြေညာလိုက်ပါတယ်။  ရုရှားနှင့်စစ်ပွဲမှာ ယူကရိန်းကို အနိုင်ရဖို့ ကူညီတာဖြစ်တယ်လို့ ဝါရှင်တန်ကိုရောက်ရှိနေတဲ့ ယူကရိန်းသမ္မတ ဗိုလိုဒီမာ ဇီလင်စကီးကို ကြီးမားတဲ့ ကတိကဝတ်တစ်ခုပေးလိုက်တာဖြစ်တယ်လို့ ရိုက်တာသတင်းကရေးသားပါတယ်။

ယခုနောက်ဆုံးပေးလိုက်တဲ့စစ်ရေးအကူအညီတွေထဲမှာ ၈၁ မိုင်အထိ ပစ်ခတ်နိုင်တဲ့ Joint Standoff လက်နက်လို့ ခေါ်တဲ့ တိကျပဲ့ထိန်းဂလိုက်ဗုံး precision-guided glide bomb လည်းပါဝင်ပါတယ်။

ရုရှားကိုတိုက်ခိုက်တဲ့အခါ တာလတ်ဒုံးကျည်တွေဟာ ယူကရိန်းအသုံးပြုနေတဲ့လက်နက်တွေကို အကြီး အကျယ် အဆင့် မြှင့်တင်ပေးလိုက်တာဖြစ်ပါတယ်။

အဲဒီဂလိုက်ဗုံးတွေဟာ တိုက်လေယာဉ်ပေါ်ကနေ ပစ်ချလိုက်ပြီးနောက် ပစ်မှတ်တွေကို အလွန်တိကျစွာ တိုက်ခိုက်နိုင်စွမ်းရှိကြပါတယ်။ ရုရှားနိုင်ငံအတွင်းကျကျကို ပစ်ခတ် နိုင်မယ့်  အမေရိကန်ဒုံးကျည်တွေ အသုံးပြုတာကို ခွင့်ပြုမှာကို ဘိုင်ဒင်က ကြေညာမှာမဟုတ်ဘူးလို့ အမေရိကန်အရာရှိတစ်ဦးက ပြောပါ တယ်။

ယူကရိန်းကိုကူညီဖို့က အမေရိကန်ရဲ့ထိပ်တန်းဦးစားပေးဖြစ်တယ်လို့ ဘိုင်ဒင်က သတင်းထုတ်ပြန်ချက် ထဲမှာပြောထားပါတယ်။

အဲဒီစစ်ရေးအကူအညီတွေထဲက ဒေါ်လာ ၅.၅ ဘီလျံဖိုးကိုတော့ အမေရိကန်နိုင်ငံရဲ့ ဘဏ္ဍာရေးနှစ် ကုန်ဆုံးမယ့် တနင်္လာနေ့မတိုင်ခင် ယူကရိန်းကိုပေးအပ်သွားမှာဖြစ်ပြီး ကျန်တဲ့ ဒေါ်လာ ၂.၄ ဘီလျ့ကို တော့ ယူကရိန်းလုံခြုံရေးအကူအညီဦးစီးဦးရွက်အစီအစဉ်အောက်ကနေပေးသွားမှာပါ။ အဲဒီအစီအစဉ် အရ အမေရိကန်အစိုးရဟာ သူ့ရဲ့ သိုလှောင်ထားတဲ့လက်နက်တွေပေးမှာမဟုတ်ဘဲ အမေရိကန်   လက်နက်ကုမ္ပဏီတွေဆီက လက်နက်တွေကို ဝယ်ပြီးပေးမှာဖြစ်ကြောင်း ရိုက်တာသတင်းမှာ ဖော်ပြထား    ပါတယ်။

ယခုအကူအညီတွေကြောင့် ယူကရိန်းဟာ လေကြောင်းကာကွယ်ရေးစနစ်တွေထပ်မံရရှိလာမှာဖြစ်ပြီး လူမဲ့ ဝေဟင်စနစ်တွေနှင့် ဝေဟင်မှမြေပြင်ပစ်လက်နက်တွေပါရရှိလာမှာပါ။ အဲဒီအပြင် ယူကရိန်းရဲ့ ကာကွယ်ရေးအခြေစိုက်စက်ရုံတွေ အင်အားတော့တင်းလာမှာဖြစ်ပြီး ပြုပြင်ထိန်းသိမ်းရေးနှင့် ကိရိယာ တွေအစဉ်တစ်စိုက်လိုအပ်မှုတွေကိုလည်း ဖြည့်ဆည်းပေးနိုင်လိမ့်မယ်လို့ ဘိုင်ဒင်ကပြောပါတယ်။

 ယခုအစီအစဉ်အရ အမေရိကန်ကာကွယ်ရေးဝန်ကြီးဌာနဟာ ယူကရိန်းကို ပက်ထရီယော့တ်     လေကြောင်းကာကွယ်ရေးဘက်ထရီတစ်ခုနှင့် ပက်ထရီယော့ဒုံကျည်တွေကို ထပ်ပေးမှာဖြစ်တယ်လို့    လည်း ဘိုင်ဒင်ကဆက်ပြောပါတယ်။

ယူကရန်းက အက်ဖ်-၁၈ လေယာဉ်မှူးတွေ သင်တန်းတွေတိုးချဲ့ဆောင်ရွက်ပေးဖို့လည်း ပင်တဂွန်စစ်ဌာန ချုပ်ကို ဘိုင်ဒင်က အမိန့်ပေးခဲ့ကြောင်းသိရပါတယ်။

ထရမ့်ကတော့ ယူကရိန်းသမ္မတ ကို ဝေဖန်မှုတွေ လုပ်နေပြီး ဇီလင်စကီးက တွေ့ဆုံခွင့်တောင်းတာကို လည်း ငြင်းပယ်ခဲ့ပါတယ်။

“ အပေးအယူလုပ်ဖို့ငြင်းဆိုခဲ့တဲ့ ဇီလင်စကီးဆိုတဲ့လူတစ်ယောက်ကို ကျွန်တော်တို့ဟာ ဘီလျံချီတဲ့ ဒေါလာတွေ ဆက်ပေးကြဦးလိမ့်မယ်” လို့ ထရမ့်က မြောက်ကာရိုလိုင်းနာမှာ ဗုဒ္ဓဟူးနေ့ကျင်းပတဲ့ သူ့ရဲ့ မဲဆွယ်စုရုံးပွဲမှာပြောခဲ့ပါတယ်။

ဘိုင်ဒင်ကြီးပြင်းလာတဲ့ ပင်ဆီဗန်နနီးယားပြည်နယ် စခရန်တွန်က လက်နက်စက်ရုံတစ်ခုကို ဇီလင်စကိး သွားလည်ပတ်တဲ့ကိစ္စကို ရီပတ်ဗလီကင် တော်တော်များများက ဒေါသ အမျက်ခြောင်းခြောင်းထွက်ခဲ့ကြ ပါတယ်။ ရီပတ်ဗလင်ကန်တွေဦးဆောင်ထားတဲ့ အောက်လွှတ်တော်ကော်မတီက ဇီလင်စကီးခရီးစဉ် အပေါ် စုံစမ်းစစ်ဆေးရေးတစ်ခုလုပ်နေပါတယ်။

#Source Reuters

#Daily_News
Published 26 September 2024

၁။ အခုရက်ပိုင်းရန်ကုန်မိုးများလာ၍ ငမိုးရိပ်ဆည်ရေပိုလွှဲမှ (၃)ပေနီးပါးကျော်လာ

၂။ ခရမ်းချဉ်သီး‌လေးဆခန့်နှင့် ဂေါ်ဖီပန်းပွင့်ဈေးနှုန်း ၅ ၀ရာခိုင်နှုန်းအထိ မြင့်တက်

၃။ လှည်းကူးမြို့နယ်ရှိ ငမိုးရိပ်ချောင်းနားနီးသည့်ရပ်ကွက်အချို့ရေဝင်ရောက်မှုရှိ

၄။ အမေရိကန်၌အတိုးနှုန်းများလျှော့ချသွားသော်လည်း ပြည်သူအများစုစားဝတ်နေရေးကြပ်တည်းနေဆဲ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

"ကလေးနှစ်ဦးက အခုထက်ထိ သူ့မိဘတွေနဲ့ အဆက်အသွယ်မရသေးဘူး။ သူ့မိဘတွေလည်း ‌ေ-သလားရှင်လားတော့မသိသေးပါဘူး။ ရေဘေးရှောင်စခန်းမှာကယ်ထားတာ(၁၃)ရက် (၁၄)ရက်လောက်တော့ရှိပြီ"လို့ တောင်ငူအခြေစိုက်လူမှုကူညီရေးအသင်းမှ တာဝန်ရှိသူတစ်ဦးကပြောပါတယ်။
#Local_News
Published 26 September 2024
#မိန်းကလေးငယ်နှစ်ဦး #မိဘများနှင့်အဆက်အသွယ်မရ
#YMG/tthl #Yangon_Times

တစ်ရက်တာအတွင်း ကမ္ဘာ့ရွှေဈေး ဒေါ်လာ ၃၀ နဲ့  ရွှေရည်ညွှန်းဈေးကျပ် ခြောက်သောင်းခွဲကျော်အထိမြင့်တက်လာတယ်လို့ ရန်ကုန်တိုင်းဒေသကြီးရွှေလုပ်ငန်းရှင်များအသင်းက သိရပါတယ်။
#Local_News
Published 26 September 2024
#ကမ္ဘာ့ရွှေဈေးမြင့်တက် #ရွှေရည်ညွှန်းဈေးမြင့်တက်
#YMG/NN #Yangon_Times